Author: غنی محمود قصوری

قصور
تھانہ راجہ جنگ کا رہائشی اشتہاری رات چونیاں میں ہولیس حراست میں اپنے ساتھیوں کی فائرنگ سے ہلاک
تفصیلات کے مطابق عرصہ دراز سے دہشت کی علامت اور درجنوں مقدمات میں پولیس کو مطلوب شبیر عرف شبیری جٹ سکنہ پرانا اوراڑہ تھانہ راجہ جنگ تحصیل و ضلع قصور رات گئے اپنے ہی ساتھیوں کی فائرنگ سے مارا گیا کنگن پولیس کے مطابق شبیر عرف شبیری پولیس کسٹڈی میں تھا جسے کل شام برآمدگی کیلئے چونیاں لیجایا جا رہا تھا کہ گھارا پل کے قریب اس کے ساتھیوں نے اسے چھڑوانے کیلئے پولیس پارٹی پر فائرنگ شروع کر دی جس سے پولیس اور ملزمان کے درمیان ایک گھنٹہ مقابلہ ہوا جس میں شبیری اپنے ہی ساتھیوں کی گولیوں کا نشانہ بن کر جانبحق ہو گیا شبیری قتل،اقدام قتل اور ڈکیتی کی درجنوں وارداتوں میں عرعہ دراز سے پولیس کو مطلوب تھا جسے ایس ایچ او کنگن پور نصراللہ بھٹی نے چند دن قبل گرفتار کیا تھا
شبیری کی لاش ڈی ایچ کیو پوسٹمارٹم کیلئے پہنچا دی گئی ہے جسے پوسٹمارٹم ہونے کے بعد پولیس کی زیر نگرانی اس کے گاؤں اوراڑہ ڈاکخانہ راؤ خان والا میں سپرد خاک کیا جائیگا

قصور
کھڈیاں خاص صادق میموریل سکول کے پرنسپل خالد نے کرونا وبا کے دوران بچوں سے فیس نہ لینے کے حکومتی احکامات ہوا میں اڑا دیے
تفصیلات کے مطابق کرونا وبا پر کنٹرول ہونے پر حکومت پاکستان کی طرف سے سکول کھولنے کی اجازت ملنے پر کھڈیاں خاص میں صادق میموریل سکول کے بچوں سے خالد نامی پرنسپل نے گزرے ہوٸے تمام مہینوں کی وصولی کے لٸے بچوں کے والدین پر دباٶ ڈالنا شروع کر دیا
کرونا وبإ کے دوران گورنمنٹ آف پاکستان کی طرف سے فیسوں میں ریلیف کے حکم کو مذکورہ صادق میموریل سکول کے پرنسپل خالد نے جوتے کی نوک پر رکھ لیا اور بچوں کو دس دس ہزار فیس کے واٶچر تھما دیے اور جو بچہ یا اس کے والدین فیس نہیں دے پاتے یا گورنمنٹ کے احکامات کے مطابق فیس کی اداٸیگی میں ریلیف کی بات کرتے ہیں مذکورہ پرنسپل خالد ان کے بچوں کو سکول کے باہر دھوپ میں بٹھا کر تعلیم سے آراستہ نہیں ہونے دے رہا اور الٹا بچوں کے والدین کو ہزیمت کا سامنا کرنا پڑ رہا ہے صادق میموریل سکول کے طلبا کے والدین نے سکول انتظامیہ کی اس غنڈہ گردی پر اے سی اور سی ای او ایجوکیشن سے اس سکول انتظامیہ کے خلاف سخت ایکشن لینے کا مطالبہ کیا ہے اور کہا ہے کہ سکول انتظامیہ سے کرونا ریلیف کے حکومتی احکامات پر عملدرآمد کروایا جاٸے تاکہ ان کے بچے بلا روک ٹوک اپنی تعلیم جاری رکھ سکیں

قصور کئی سالوں سے بے لوث بطور رضار ڈیوٹی سرانجام دینے والا صابر حسین کھوکھر حکومتی توجہ کا منتظر
تفصیلات کے مطابق دوسہرا گراؤنڈ قصور کا رہائشی پرویز شریف عرف صابر حسین کھوکھر کئی سالوں سے بے لوث للیانی اڈا چوک میں ٹریفک کے بہاؤ کو یقینی بنانے کیلئے دن رات موجود رہتا ہے اور اس دوران سڑک سے گزرنے والی خواتین، بچوں اور بزرگوں کو ٹریفک حادثات سے بچانے کیلئے بھی مصروف رہتا ہے جس کا کوئی ذریعہ آمدن نہیں ہے جوکہ حکومتی توجہ کا منتظر ہے پرویز شریف عرف صابر حسین کھوکھر کا کہنا ہے کہ اس کے 4بچے، بیوی اور بوڑھی ماں ہے جس کی اسے کفالت کرنا ہوتی ہے جبکہ جواں سالہ بیٹا بیماری کی زد میں ہے اور اس وقت گھر میں فاقوں کا راج ہے کئی کئی دن گھر کا چولہا نہ جلنے سے بے بسی اور مایوسی بڑھ چکی ہے حکومت میری معقول ماہانہ تنخواہ مقرر کرے تاکہ میرے گھر کا کھانے پینے کا نظام چل سکے موبائل ایسوسی ایشن قصور کی طرف سے صابر حسین کھوکھر کو اعلیٰ اور بےلوث خدمت کے اعتراف میں اعزاز حسن کارکردگی اور میڈل مل چکاہے شہریوں کا کہنا ہے کہ پرویز شریف عرف صابر حسین کھوکھر بے لوث اور درد دل رکھنے والا انسا ن جو ہر وقت ہمیں للیانی اڈا چوک میں ٹریفک کنٹرول کرتا نظر آتا ہے جبکہ اس وقت بھی پرویز شریف عرف صابر حسین کھوکھر کا خدمت خلق کا سلسلہ جاری رہتا ہے جب ہزاروں روپے ماہانہ تنخواہیں لینے والے ٹریفک پولیس کے اہلکار بھی اپنے گھروں کو لوٹ جاتے ہیں۔ افسوس کہ مخلوق خدا کی بے لوث خدمت کرنے والا پرویز شریف عرف صابر حسین کھوکھر اس وقت معاشی مسائل کا شکار ہے، حکومت کو چاہئے کہ وہ اس کا ماہانہ وظیفہ مقرر کرے اور اس کو سرکاری نوکری دی جائے تاکہ یہ اپنے بیوی بچوں اور بوڑھی ماں کی کفالت کر سکے۔

قصور
محکمہ واپڈا کی اپنے صارفین کو تنگ کرنے کا پختہ عزم،صارف کو نوے ہزار زائد ڈال دئیے،صارف کی دہائی
تفصیلات کے مطابق واپڈا سے ستائے صارف نے نمائندہ باغی ٹی وی کو بتایا کہ میں شہباز ولد شیر محمد لیسکو واپڈا سب ڈویژن راجہ جنگ کا صارف ہوں میرا آٹا چکی کا میٹر نمبر 403321 ہے جس کا حوالہ نمبر 46117531326100r ہے میں ایک غریب آدمی ہوں اور باقاعدگی سے اپنا بل ادا کرتا ہوں رواں ماں مجھے واپڈا کی طرف سے 142749 موصول ہوا ہے جس میں سے کرنٹ بل 53667 ہے جبکہ arreasr کی مد میں مجھے 90000 ناجائز ڈالا گیا ہے جس سے میں سخت پریشان ہو کر واپڈا دفتر سب ڈویژن راجہ جنگ گیا تو انہوں نے میری کوئی بات نا سنی اس سے قبل دسمبر 2019 میں مجھے 57 ہزار زاہد بل بیجھا گیا تھا جس پر میں ایس ڈی او و ایس ای کے پاس گیا تاہم انہوں نے کوئی بات نا سنی تنگ آکر میں نے سیشن کورٹ میں اپیل کی جس نے مجھے انصاف دلوا کر میرا ناجائز بل ختم کروایا
صارف نے ایس ای اور ڈی سی قصور سے استدعا کی ہے کہ میرے ساتھ انصاف کیا جائے اور فالتو بل ختم کیا جائے تاکہ مجھے دوبارہ کورٹ نا جانا پڑے

قصور میں حالات ابتر
سٹی تھانہ چونیاں کی حدود میں ڈاکووں کی فائرنگ سے پولیس کانسٹیبل جابحق عوامی و سماجی حلقوں میں شدید خوف کی لہر
تفصیلات کے مطابق ایس ایچ او سٹی چونیاں یاسر علی کے آتے ہی علاقے میں وارداتوں کا سلسلہ برھ گیا ہے جس سے پورا علاقہ چوروں اور ڈاکووں کے حوالے ہو کر رہ گیا ہے گزشتہ سب بھی سٹی تھانہ چونیاں کی حدود میں ڈاکووں نے ڈاکو ناکہ مین روڈ چونیاں پر لگا رکھا تھا اور لوٹ مار کر رہے تھے کانسٹیبل صغیر احمد اپنی ڈیوٹی ختم کر کے تھانہ چھانگا مانگا سے واپسی گھر جا رہا تھا کہ ڈاکووں نے کانسٹیبل کو دیکھتے ہی سیدھی فائرنگ شروع کر دی جس سے کانسٹیبل صغیر احمد شدید زخمی ہو گیا جسے لاہور جنرل ہسپتال ریفر کیا گیا تاہم وہ راستے میں وہ دم توڑ گیا اس واقعے کے بعد عوامی و سماجی حلقوں میں شدید خوف وہراس پایا جاتا ہے شریف شہریوں نے مرکزی تحصیل پریس کلب چونیاں کے صحافیوں سے گفتگو کرتے ہوئے بتایا کہ اگر یہی کسی ایماندار اور فرض شناس افسر کو تعینات کیا جاتا پٹرولنگ اور گشت کے نظام کو موثر بنایا جاتا تو آج یہ واقعہ؛ سانحہ رونما نہ ہوتا عوامی و سماجی حلقوں نے وزیر اعلی پنجاب؛ آئی پنجاب؛ آر پی او شیخوپورہ رینج؛ اور ڈی پی او قصور سے مطالبہ کیا ہے کہ ایسے کرپٹ اور راشی اور اپنے فرائض سے غفلت برتنے والے ایس ایچ او یاسر علی کھنگوڑا کو فوری معطل کر کے علاقہ بدر کیا جائے جس کی وجہ سے جرائم پیشہ افراد کھلے عام دندناتے پھرتے ہیں اور کسی محنتی اور فرش شناس اور کرائم فائٹر افسر کو تعینات کیا جائےتاکہ عوام سکھ کا سانس لے سکے

قصور
6/11/2020بروز جمعہ 15پر کال آئی کے سرہالی روڈ پر ایک بندے کو فائر لگ گیا ہے پولیس تھانہ مصطفی آباد کا اے ایس آئی سلیم شپیشل برانچ اور سیکورٹی برانچ کے ملازمین فوری موقع پر پہنچ گئے تو موجود افراد نے کہا کہ نامعلوم سمت سے آنے والا فائر محمد خالد کو لگ گیا ہے تاہم پولیس کے پہنچنے سے قبل ہی مذکورہ افراد مضروب کو لیکر لاہور چلے گئے تھے
جن کا بندہ فائر لگنے سے زخمی ہوا تھا ان کا صحافی سیٹھ محمد حسین کے ساتھ زمین کا تنازعہ چل رہا تھا مذکورہ افراد نے دوسرے دن سیٹھ محمد حسین کا اپنی ذاتی عداوے کی بنا پر نام لینا شروع کر دیا لوگوں نے ایس ایچ او رانا حسیب انجم کو کہا کہ دونوں پارٹیوں کو سن لیا جائے تاہم چار سے پانچ روز بعد انہوں نے جو درخواست تھانے میں دی اس میں درخواست گزار محمد ندیم نے سیٹھ محمد حسین اس کے کزن صلاح الدین ملک عثمان محمد عمران سلفی سینیئر صحافی کا نام دے دیا
درخواست انسپکٹر حیدر کے پاس پہنچ گئی تو معززین نے دوبارہ پارٹیوں کو سننے کی ضد کی تو انسپکٹر حیدر نے دونوں پارٹیوں کو تھانے بلایا لیکن درخواست گزار پارٹی نہ آئی
اسی دوران ایس ایچ او رانا حسیب انجم تبدیل تو اس نے صحافی عمران سلفی کو فون کرکے کہا کہ میری نوکری کا مصلح بن جائے گا میں مقدمہ درج کرنے کا حکم دیکرجا رہا ہوں اس پر صحافی نے حقائق سے ڈی پی او قصور عمران کشور کو آگاہ کیا تو ڈی پی او قصورعمران کشور نے پولیس کو مقدمہ درج کرنے سے روک کر میرٹ کرنے کا حکم دے دیا مقدمہ رکنے کے بعددوبارہ بلایا تو درخواست گزار ایک بندہ لیکر آگیا موقع کے گواہ بلانے کا کہا گیا تو ایک گواہ ملک شہزاد موقع پر آگیا جس پر صحافی پارٹی نے کہا کہ ہم سے قسم لے لو یا موقع کے گواہ قسم دے دیں
آگلے دن چار بجے کا ٹائم ہوا کہ موقع کے گواہ مسجد میں جاکر قسم دیں گے اور مقدمہ درج کر لیا جائے گا لیکن اس کے بعد مزکورہ افراد پولیس کے بلانے کے باوجود تھانے نہ آئے گزشتہ روز 17 نومبر کو ایس ایچ او تھانہ مصطفی آباد مہر محمد شریف نے تمام حقائق کا علم ہونے کے باوجود نہ جانے کس کے حکم پر یا کس مجبوری کی وجہ سے صحافیوں کے خلاف مقدمہ نمبر 749/20 درج کرکے انصاف کا گلہ دبا دیا
جس وقت بندہ فائر لگنے سے زخمی ہوا اس وقت میں محمد عمران سلفی پریس کلب ،سیٹھ محمد حسین اورصلاح الدین قصورکچہری اور ملک عثمان کاہنہ میں موجود تھے اس کی موبائل لوکیشن بھی پولیس کے پاس موجود ہے
ضلع قصور کی صحافی برادری نے کہا ہے کہ ہم جھوٹھا مقدمہ درج کرنے اور اس کا حکم دینے والے افسران کے خلاف کاروائی کا مطالبہ کرتے ہیں
جھوٹھا مقدمہ فوری خارج کرنے کا مطالبہ کرتے ہیں
جھوٹھا مقدمہ درج کروانے والے مدعی مقدمہ اور موقع کے گواہان کو اسی مقدمہ میں چلان کرنے کا مطالبہ کرتے ہیں
مطالبات کی منظوری تک احتجاج کا اعلان کرتے ہیں

قصور
بھائی پھیرو (پھول نگر) بیرون اڈہ میں تجاوزات کی بھرمار سواری گزارنا تو دور پیدل چلنا بھی انتہائی مشکل تحصیل انتظامیہ پتوکی بے خبر شہری سخت پریشان
تفصیلات کے مطابق قصور کی تحصیل پتوکی کے شہر بھائی پھیرو (پھول نگر) کے بیرون اڈہ نزد تھانہ صدر میں تجاوزات کی انتہائی بھرمار ہے لوگوں نے دکانیں فت پاتھ پر بنائی ہیں اور گاڑیوں کا سٹینڈ بھی سڑک کنارے ہے جس سے ہر وقت ٹریفک جام رہتی ہے اور اس ٹریفک میں گاڑیاں کئی کئی منٹ پھنسی رہتی ہیں اور لوگوں کا پیدل چلنا بھی دشوار ہو چکا ہے جس پر شہری انتہائی پریشان ہیں جبکہ اے سی پتوکی اس سارے معاملے پر یا تو بے خبر ہیں یا پھر ایکشن نہیں لینا چاہتے جس پر شہری تشویش کا شکار ہیں
لوگوں نے ڈی سی قصور سے نوٹس لے کر کاروائی کا مطالبہ کیا ہے

قصور
صحافی کو پھنسا دیا گیا صحافی نے ساری روداد بیان کر دی
تفصیلات کے مطابق چونیاں کے صحافی نے اپنے پھنسنے کی روداد بیان کرتے ہوئے کہ کی میں رانا اکرم چونیاں ظہیر آباد کالونی کا رہائشی ہوں اور شعبہ صحافت سے بھی وابسطہ ہوں چند ماہ قبل میرا احسان الہی طلحہ مبین ولد انور سے معمولی جھگڑا ہوا تھا اس کی وجہ سے احسان اور طلحہ نے ایک موٹر سائیکل چوری کی نامعلوم درخواست 10/7/2020کو تھانہ سٹی میں گزاری اور اگلے ہی دن طلحہ نے11/7/2020کو مجھے نامزد کر دیا اس کے بعد میں تفتیش کیلئے تھانہ حاضر ہوتا رہا اور پولیس نے میرٹ پر تفتیش کرتے ہوئے احسان الہی طلحہ مبین ولد انور کو جھوٹا ٹھہرایا اس کے بعد 22/7/2020 کو ایک اور نامعلوم درخواست دے کر ایف آئی آر درج کروا دی گئی تقریبا چار ماہ بعد پھر مجھے نامزد کر کے مجھے حراساں کر نا چاہتے ہیں یہ مقدمہ اور درخواست جھوٹ پر مُبنی ہیں اور مجھے سوچی سمجھی سکیم کے تحت پھنسایا جا رہا ہے میری ڈی پی او قصور عمران کشور صاحب ، ڈی ایس پی چونیاں خالد اسلم صاحب ، اور تھانہ سٹی چونیاں کے ایس ایچ او یاسر علی صاحب سے اپیل ہے کہ میرے خلاف نامزد کئے گئے جھوٹے بے بنیاد اور من گھڑت مقدمہ کو فوری خارج کیا جائے اور جھوٹی درخواست کو داخل دفتر کرکے پولیس کو گمراہ کرکے جھوٹے مقدمات درج کروانے پر احسان الہی وغیرہ کیخلاف فوری قانونی کاروائی عمل میں لائی جائے

قصور
اینٹی کرپشن کی بڑی کاروائی ڈرگ برانچ کا کلرک رنگے ہاتھوں گرفتار
تفصیلات کے مطابق محکمہ اینٹی کرپشن قصور نے بڑی کاروائی کرتے ہوئے ڈرگ برانچ قصور میں تعینات عاصم نامی کلرک کو شہری سے 10ہزار روپے رشوت لیتے رنگے ہاتھوں گرفتار کر لیا
ملزم کے خلاف انٹی کرپشن قصور نے ایف آئی آر درج کر کے تفتیش شروع کردی گئی ہے
شہریوں کا ڈپٹی ڈائریکٹر اینٹی کرپشن قصور محمد عاطف اور سرکل آفیسر اینٹی کرپشن محمد اعظم قصور کو خراج تحسین
جبکہ افسران کا کہنا ہے کہ کرپشن کا خاتمہ ہماری اولین ترجیح ہے

قصور
چھانگا مانگا میں ایس ایچ او کامران شہزاد کا منشیات فروشوں کے گرد گھیرا تنگ ریکارڈ یافتہ بدنام زمانہ منشیات فروش عبدالحفیظ رنگے ہاتھوں گرفتار کرکے بھاری مقدار میں چرس برآمد کرکے مقدمہ درج کر لیا
تفصیلات کے مطابق تھانہ چھانگا مانگا کا ایس ایچ او کامران شہزاد سندھو منشیات فروشوں کے لئے خوف کی علامت بن گیا گزشتہ چند روز میں ریکارڈ یافتہ منشیات فروشوں کو ناکو چنے چبوا دئیے مخبر خاص کی اطلاع پر چھانگا مانگا کے بدنام زمانہ منشیات فروش عبدا لحفیظ کو رنگے ہاتھوں گرفتار کر کے اسکے قبضہ سے 2100 گرام چرس بر آمد کر لی ملزم کے خلاف مقدمہ درج کر وا دیا اور اسے سلاخوں کے پیچھے دھکیل کر مزید تفتیش شروع کر دی اس موقع پر ایس ایچ او کامران شہزاد سندھو نے صحافیوں سے خصوصی بات چیت کرتے ہوئے کہا کہ میں نے اپنی تعیناتی میں اب تک درجنوں منشیات فروشوں کو گرفتار کر کے جیل بھجوا دیا ہے کسی بھی منشیات فروش کو نوجوان نسل کی جانوں سے کھیلنے نہیں دیا جائے گا میری ٹیمیں دن رات منشیات فروشوں کے تعاقب میں لگی ہوئی ہیں جن کے خاطر خواہ نتائج مرتب ہو رہے ہیں جرائم پیشہ عناصر معاشرے کیلئے ایک ناسور کی مانند ہیں جن سے آہنے ہاتھوں سے نمٹا جا رہا ہے عنقریب انشاءاللہ چھانگا مانگا شہر میں واردات سر انجام دینے والے ڈاکو ؤں کو بھی منظر عام پر لا کر کیفر کردار تک پہنچاؤں گا میرا مقصد اپنے تھانہ کی حدود کو جرائم سے پاک کرنا ہے جسکی تکمیل کیلئے میں کسی بھی قسم کی قربانی سے دریغ نہیں کرونگا