Author: غنی محمود قصوری

قصور میں صحافی کو عمر بلوچ نامی شخص کی صدر پریس کلب محمد عمران سلفی کو قتل کرنے کی دھمکیاں
تفصیلات کے مطابق صدر پریس کلب مصطفی آباد للیانی(رجسٹرڈ) محمد عمران سلفی کو عمر بلوچ نامی شخص کی کال کرکے قتل سمیت سنگین نتائج کی دھمکیاں، فیس پر المکہ سٹی کے خلاف لگائی گئی خبر کو پانچ منٹ میں ڈلیت کر دو ورنہ تمہیں 30 منٹ کے اندر اندر للیانی پریس کلب آکر قتل کر دیں گے اور پریس کلب پر حملہ کرکے تمہارے ساتھیوں سے بھی نمٹ لیں گے، عمر بلوچ نے اس سے قبل بھی 03000444316 فون نمبر سے کال کرکے 18نومبر شام سات بجکر 23منٹ پر بھی خود کو صدر پریس کلب پاکپتن کا تعارف کروا کر سنگین نتائج کی دھمکیاں دیتے ہوئے المکہ سٹی کے خلاف خبریں شائع کرنے سے منع کیا تھا،یہ بندہ پاکپتن میں کسی بھی پریس کلب کا صدر نہ ہے ،مجھے یا میرے پریس کلب یا میرے پریس کلب کے کسی بھی ممبر کا کسی قسم کا کوئی نقصان ہوا تو اس کا ذمہ دار عمر بلوچ اور المکہ سٹی کے مالکان محمد ندیم ، منور حسین ، شوکت حسین اور شہاب الدین ہوں گے، آئی جی پنجاب، ڈی آئی جی شیخوپورہ رینج، ڈی پی او قصور ودیگر اعلی حکام سے فوری نوٹس لیتے ہوئے با اثر افراد کے خلاف مقدمہ درج کرکے انصاف فراہم کیا جائے

قصور
چینی کی درآمد سے ذخیرہ اندوزوں کو منہ کی کھانی پڑی ،قیمتیں کم ہونا شروع ہو گئیں تاہم گھی کی قیمتوں میں اضافہ لوگوں کا گھی بھی درآمد کرنے کی درخواست
تفصیلات کے مطابق حالیہ اشیاء خوردونوش کے بحران کے بعد گورنمنٹ آف پاکستان نے چینی درآمد کی جس سے زخیرہ اندوزوں کو منہ کی کھانا پڑے تین دن قبل ملکی تیار کردہ چینی جو کہ بڑے مگرمچھوں نے چھپائی ہوئی تھی کی قیمت فی بوری 50 کلوگرام 5150 روپیہ تھی جو اب کم ہو کر 4500 روپیہ ہو گئی ہے جس پر شہریوں نے گورنمنٹ کا شکریہ ادا کیا ہے
لوگوں کا کہنا ہے کہ ان ظالم بے رحم ذخیرہ اندوز لوگوں کو لگام ڈالنے کیلئے اب گھھ بھی بیرون ملک سے منگوایا جائے کیونکہ 2200 روپیہ 16 کلوگرام گھی کا پیک اب 3500 کا کر دیا گیا ہے اس لئے ضروری ہے کہ ان گھی بیرون ملک سے منگوا کر لوگوں کو دیا جائے تاکہ ان ظالموں کا زخیرہ کردہ گھی ان کے گوداموں میں پڑا خراب ہو جائے اور ان کو عبرت حاصل ہو سکے

قصور
چونیاں کے علاقے الہ آباد میں بدستور ڈاکو راج قائم پولیس خواب خرگوش میں مصروف
تفصیلات کے مطابق الہ آباد میں بدستور ڈاکو راج قائم ہے
مولاپور روڈ پر شہر کے اندر ڈاکووں نے موٹر سائیکل چھین کر ساجد نامی شہری کو ٹانگ میں گولی مارکر شدید زخمی کردیا اور فائرنگ کرتے ہوئے فرار ہو گئے نوجوان شادی پر مٹھائی لینے سوڈیوال سے الہ آباد آرہا تھا جسے رورل ہیلتھ سنٹر الہ آباد میں طبی امداد کے لئے لایا گیا
یاد رہے کہ ابھی فو دن قبل ہی دو موٹر سائیکلیں دن کو جبکہ یہ ایک موٹرسائیکل رات کو ڈاکو چھین کر لے گئے ہیں جبکہ پولیس بدستور خواب خرگوش کے مزے لینے میں مصروف ہے جس پر عوامی و سماجی حلقے سراپا احتجاج ہیں اور آر پی او شیخوپورہ ریجن سے نوٹس کا مطالبہ کر رہے ہیں

قصور
انسانیت بھی شرما گئی ظالموں نے بھینسوں کو زہر دے کر مار ڈالا
تفصیلات کے مطابق چونیاں ذاتی دشمنی یا کچھ اور جس میں ظالموں نے بے زبان جانوروں کو بھی نہ بخشا بلکہ انہیں زہر دے کر مار ڈالا
انسانوں نے ہی اشرف المخلوقات کے رتبے کی توہین کر ڈالی
نواحی گاؤں بقا پور کے مقامی زمیندار کی لاکھوں روپے مالیت کی تین بھینسوں کو نامعلوم ملزمان نے زہر دے کر مار ڈالا متاثرہ زمیندار نے پولیس سے ملزمان کو گرفتار کرنے اور تفتیش کرکے کیفر کردار تک پہنچانے کی دہائی
زمیندار کا کہنا ہے کہ زمیندار کے پاس کل اثاثہ زمین اور جانور ہی تو ہوتے ہیں

قصور
مسافروں کا روپ دھار کر گاڑیاں لوٹنے والا گینگ گرفتار
تفصیلات کے مطابق پولیس تھانہ مصطفی آباد کی کاروائی میں ذوالفقار ڈکیت گینگ گرفتار کر لیا گیا یہ گینگ
چند دن پہلے کوسٹر لوٹنے والوں میں شامل تھا ملزمان سے لوٹی گئی نقدی رقم موبائل فونز ،کپڑے برآمد کر لئے گئے ہیں یہ ملزمان اسلحہ کے زور پر قصور شیخوپورہ لاہور گوجرانوالہ میں وارداتیں کرتے تھے ان کے قبضہ سے جدید اسلحہ بھی برآمد ہوا ہے یہ ملزمان مسافروں کے روپ میں گاڑی میں سوار ہوتے اور گاڑی کو گن پوائنٹ پر ویران جگہ پر لے جاکر لوٹتے تھے

قصور
کنگن پور میں آٹا چکی مالکان کی من مانیاں عروج پر مرضی کے ریٹ پر آٹا فروخت تحصیل انتظامیہ بے بس عوام مہنگے داموں آٹا خریدنے پر مجبور
تفصیلات کے مطابق کنگن پور نزد ڈاکخانہ آٹا چکی مالکان عبد الرشید نامی شخص نے 2500 روپے من کے حساب سے آٹا فروخت کر رہا ہےشہری آٹے کی تلاش میں دربدر دھکے کھانے پر مجبور ہو گئے ہیں غریب اور مجبور عوام کا کہنا ہے کہ عبد الرشید نامی شخص پہلے تو آٹے کی فراہمی نہ ھونے کا بہانہ بنا کر ٹال دیتا ہے اور بعد میں کہتا ہے کہ اگر آٹا لینا ہے تو 2500 روپے من کے حساب سے ملے گا، کنگن پور میں آٹا بلیک اور مہنگے داموں فروخت کیا جا رہا ہے،
غریب عوام کا اسسٹنٹ کمشنر چونیاں، محکمہ فوڈ اتھارٹی سے فوری نوٹس لے کر تحصیل چونیاں کے شہریوں کو آٹے کی بلا تعطل فراہمی اور خود ساختہ قلت پیدا کرنے والوں کے خلاف فوری کارروائی کا مطالبہ کیا ہے

قصور
شہر میں ڈاکوؤں کا راج دن دیہاڑے شہری سے دو موٹر سائیکل سوار ڈاکو دو لاکھ چھین کر فائرنگ کرتے ہوئے فرار ہو گئے
تفصیلات کے مطابق قصور اور گردونواح میں وارداتوں کا تسلسل جاری ہے جس میں ڈاکو لوگوں کو دن رات لوٹنے میں مصروف ہیں
کل دوپہر ایک بجے کے قریب ملک طارق گوالا سکنہ کھارا قصور اپنی موٹر سائیکل پر سوار ہو کر بمعہ دودھ والے برتن 2 لاکھ روپیہ لے کر جا رہا تھا کہ بائی پاس کھارا پر دو موٹر سائیکل سوار ڈاکوؤں نے اس کے قریب موٹر سائیکل لا کر فائرنگ شروع کر دی اور اسے روک کر دو لاکھ روپیہ لوٹ کر فائرنگ کرتے ہوئے فرار ہو گئے
حالانکہ بائی پاس پر رونق تھا تاہم ڈاکوؤں کو کسی کا بھی کوئی ڈر نا تھا ان وارداتوں سے سیف سٹی کیمروں کی قلعی کھل گئی جو کہ ناکارہ ہیں
واضع رہے گزشتہ چند ماہ سے قصور اور گردونواح میں ڈاکوؤں کا راج ہے جس سے شہری سخت پریشان ہیں لوگوں نے ڈی پی او قصور عمران کشور سے چوروں ڈاکوؤں کے خلاف سخت ایکشن لینے کی استدعا کی ہے

قصور
پیٹرولنگ پولیس کی سموگ کے حوالے سے آگاہی مہم کا آغاز جس میں سموگ کے حوالے سے ڈرائیورز کو لیکچر اور پمفلٹس کی تقسیم کی گئی
تفصیلات کے مطابق حالیہ سموگ کی لہر کے پیش نظر ٹریفک حادثات سے بچنے اور سموگ کے زہریلے اثرات سے محفوظ رہنے کے حوالے سے پیٹرولنگ پولیس قصور نے ڈی ایس پی پٹرولنگ قصور کی زیر نگرانی آگاہی مہم کا آغاز کردیا ہے جس میں ڈرائیوروں, کنڈکٹروں اور روڈ پر سفر کرنے والے مسافروں کو سموگ کے حوالے سے احتیاطی تدبیروں سے آگاہی دی گئی اور اس حوالے سے خصوصی لیکچر بھی دیئے گئے اور پمفلٹس کی بھی تقسیم کی گئی ڈی ایس پی پٹرولنگ ذوالفقار علی خان نے بریفنگ دیتے ہوئے بتایا کہ اس مہم کے دوران سکول کالجز اور دیگر تعلیمی اداروں میں میں بھی اس مہم کے تحت سموگ کے حوالے سے خصوصی لیکچر دیئے جائیں گے کیونکہ اساتذہ اور طلباء کی بڑی تعداد اپنی سواریوں پر تعلیمی اداروں کا روزانہ سفر کرتے ہیں اور سموگ کے دوران روڈ سیفٹی کے تمام پہلوؤں کو مد نظر رکھنا اور ہر ممکن احتیاط قیمتی جانوں کے ضیاع کو روک سکتی ہے اور حادثات میں کمی لائی جاسکتی ہے

قصور
اہلیان شہر چونیاں کا اسسٹنٹ کمشنر چونیاں عدنان بدر سے وٹو چوک تا پیر جہانیاں چوک، میرکوٹ بائی پاس، چھانگا مانگا مین روڈ پر لائٹوں کے لگانے کا مطالبہ
تفصیلات کے مطابق چونیاں کے رہائشیوں نے شہر میں سٹریٹ لائٹس لگانے کا مطالبہ کر دیا ہے
وٹو چوک چونیاں سے پیر جہانیاں چوک تک مین روڈ پر بہت زیادہ اندھیرا ہوتا ہے اور اس راستے میں سڑک کے دونوں اطراف قبرستان بھی ہے اندھیرے کی وجہ سے کسی بھی وقت کوئی واردات یا روڈ ایکسیڈنٹ جیسا بڑا سانحہ رونما ہو سکتا ہے جس پر میڈیا سے بات کرتے ہوئے شہریوں نے کہا کہ برائے مہربانی وٹو چوک تا پیر جہانیاں چوک، میر کوٹ بائی پاس، چھانگا مانگا روڈ، رات کے وقت لائٹوں کا انتظام کیا جائے تاکہ رات کو اس راستہ سے گزرنے والا ہر انسان آسانی سے سفر طے کر سکے اور شہر بھر میں وارداتوں کے پیش نظر بڑھتی ہوئی خوف کی فضاء کو بھی کسی حد تک روکا جا سکے