قصر
ٹرسٹ ہسپتال کے نام پر لوٹ مار جاری،بھٹی انٹرنیشنل ہسپتال ٹرسٹ قصور، لوٹ مار کا گڑھ بن گیا
تفصیلات کے مطابق ٹرسٹ کے نام پر ماہانہ لاکھوں روپے غریب عوام سے لوٹنے کا سلسلہ بھٹی ہسپتال قصور میں جاری ہے غیر ملکی ڈونیشن سے غریب عوام کا مفت علاج کرنے کے نام پر قصور سٹی میں بنایا گیا بھٹی انٹرنیشنل ہسپتال غریب عوام کا خون چوسنے والی جونک بن چکا ہے ہسپتال میں داخل ہونا تو لوگوں کی مجبوری ہوتا ہے لیکن اس مجبوری سے فائدہ اٹھانا بھٹی ہسپتال انتظامیہ نے اپنا وطیرہ بنا لیا ہے ہسپتال میں داخلے کے فوراً بعد ہی مختلف ٹیسٹوں کے نام پر مریض کے لواحقین سے ہزاروں روپے اینٹھنا اور پھر ضروری دوائیوں کے نام پر لمبے لمبے بلز کی صورت میں پیسے وصول کرنا روز مرہ کا کام ہے جوکہ غریب عوام کے لیے کسی عذاب سے کم نہیں ہوتا اب کون سی دوائی استعمال ہوتی ہیں اور کون سی واپس ہسپتال کی فارمیسی میں چلی جاتی ہیں یہ تو خدا ہی بہتر جانتا ہے لیکن میڈیکل کی فیلڈ سے تعلق رکھنے والے کچھ ایسے لوگ جو اس ہسپتال کے ڈسے ہوئے تھے سے بات کرنے پر پتا چلا ہے کہ جس میڈیسن کا مریض کی بیماری سے کوئی واسطہ نہیں بھی ہوتا وہ بھی لسٹ میں شامل کر کے مریض کے لواحقین کو پکڑا دی جاتی ہے اب مشکل تو یہ کہ عام بندے کو کیا پتہ کہ کونسی دوائی مریض کی جان کے لیے ضروری ہے اور کونسی ہسپتال کی انکم بڑھانے کے لیے لوٹ مار کا سلسلہ یہیں پہ ختم نہیں ہوتا بلکہ جو میڈیسن عام فارمیسی یا میڈیکل سٹور پر بہت مناسب ریٹ پے مل جاتی ہے وہ ہسپتال فارمیسی میں کمیشن کے پیسوں اور ہسپتال کے حصہ کو شامل کر کے عوام کی جیبوں سے اضافی پیسوں کی صورت نکلوائے جاتے ہیں وہاں کا مافیا اتنا مضبوط ہے کہ کوئی عام شخص تو کیا ضلعی انتظامیہ بھی ان کے خلاف نہ تو بول سکتی ہے اور نہ ہی کسی طرح کا کوئی ایکشن لے سکتی ہے یہ وہی ہسپتال ہے جو ہر مہینے کوئی نہ کوئی مفت میڈیکل کیمپ لگا کے وہاں غریب لوگوں کی تصویریں بناتا ہے اور پھر وہی مواد بیرون ممالک این جی اوز کو دکھا کے وہاں سے کروڑوں کی فنڈنگ لیتا ہے کرونا وائرس کیا آیا ایسے نام نہاد ٹرسٹ ہسپتالوں کی تو چاندی لگ گئی ہے کوئی بھی پریگننٹ مریض ڈلیوری کیس کے لیے آجائے چاہے کرونا کی علامات کا اس سے دور دور تک کوئی تعلق نہ ہو ڈلیوری کروانی ہے تو کرونا ٹیسٹ کے نام پہ آٹھ سے دس ہزار کی دہاڑی لگانا ہسپتال انتظامیہ بلکل بھی نہیں بھولتی مریض کی فیملی مجبور ہے یا قرض لے رہی ہے زندہ ہے یا مر رہی ہے ہسپتال انتظامیہ کو اس سے کوئی سروکار نہیں یہ ٹیسٹ بھی لازم ہے اک مریض نے تو یہاں تک کہہ دیا تھا کہ ہسپتال ایک ٹرسٹ تو ہے لیکن اس پہ ٹرسٹ ہی نہیں۔
Author: غنی محمود قصوری
-
ٹرسٹ ہسپتال پر لوگوں کا ٹرسٹ نہیں رہا
-
منی موٹر وے خستہ حال
قصور
لاہور قصور روڈ ٹوٹ پھوٹ کا شکار بارش سے سڑک پر پانی کھڑا ہونا معمول بن گیا ٹول پلازہ کی رقم سڑک کی بجائے سرکار اور ٹھیکدار کی جیب میں
تفصیلات کے مطابق لاہور قصور روڈ جسے منی موٹر وے بھی کہا جاتا ہے شدید ٹوٹ پھوٹ شکار ہے کافی عرصے سے مرمت نا ہونے سے سڑک پر بڑے بڑے کھڈے بن گئے ہیں جن سے کئی حادثات واقع ہو چکے ہیں اس سڑک پر روزانہ ہزاروں چھوٹی و بڑی گاڑیاں گزرتی ہیں جن سے ٹول پلازہ مصطفی آباد پر ٹیکس لیا جاتا ہے مگر ٹول پلازہ کی رقم سرکار اور ٹھیکدار کی جیب میں ہی جاتی ہے سڑک پر نہیں لگایا جا رہا
تیز بارش ہوتے ہی یہ سڑک تالاب بن جاتی ہے جس کی وجہ سڑک کے اطراف بھی سیوریج لائنوں کی صفائی نا کرنا ہے -
ڈکیتی کی واردات ،امن و امان کی ابتر صورتحال
قصور
چونیاں کے نواحی علاقہ دین پور ڈوبہ میں ذمیندار اختر بھٹی کی حویلی میں ڈکیتی کی واردات
تفصیلات کے مطابق چونیاں کے گاؤں دین پور ڈوبہ میں بارہ مسلح ڈاکو سترہ مویشی مالیت تیس لاکھ روپےاور دو لاکھ نقدی رقم چھین کر فرار ہو گئے
ڈاکووُں نے تین گھنٹے یرغمال بنا کر ذمیندار اور اہلخانہ کو تشدد کا نشانہ بنایا اور سنگین نتائج کی دھمکیاں بھی دیں
اطلاع ملنے پر تھانہ چھانگا مانگا پولیس موقع پر پہنچ گئی جبکہ مثاثرہ افراد نے مقدمہ اندراج کیلئے تحریری درخواست تھانہ چھانگا مانگا میں دے دی
پولیس کا کہنا ہے کہ ڈکیتی کا کھوج لگانے کیلئے کرائم سین نے شوائد اکھٹے کر لئے ہیں -
8 سال بعد بس اسٹینڈ فعال
قصور کی تحصیل چونیاں میں سرکاری بس اسٹینڈ 8 سال کے بعد فعال کر دیا گیا جبکہ بھاری ٹریفک کی شہر میں داخلے پر مکمل پابندی عائد کر دی گئی تفصیلات کے مطابق ڈپٹی کمشنر قصور منظر علی جاوید کی ہدایت پر سرکاری بس اسٹینڈ کو فعال کیا گیا ہے جبکہ
اسسٹنٹ کمشنر چونیاں عدنان بدر نے سرکاری بس اسٹینڈ کو 8 سال کے بعد فعال کروا دیا گیا
اسسٹنٹ کمشنر چونیاں عدنان بدر نے کارروائی کرتے ہوئے شہر میں 10 گاڑیوں کو داخلے اور روٹ پرمٹ کی خلاف ورزی پر 7 دن کے لئے بند کر دیا مذید
بھاری ٹریفک کو شہر کے اندر داخل ہونے کی ہرگز اجازت نہیں دی گئی
3 بلاکنگ پوائنٹس نزد چونیاں بائی پاس قائم کر دئیے گئے ہیں سرکاری بس ٹرمینل پر ٹرانسپورٹرز کو بنیادی ضروریات کی سہولیات کی فراہمی کے لئے تمام تر وسائل کو بروئے کار لایا گیا ہے سرکاری بس اسٹینڈ پر ٹرانسپورٹرز کو تمام تر سہولیات کی فراہمی کو یقینی بنایا گیا
ٹریفک پولیس نے بھاری ٹریفک کی روک تھام کے لئے 3 پوائنٹس پر ناکے بھی لگا دیئے ہیں
ٹریفک پولیس بھاری ٹریفک کو بذریعہ بلاکنگ پوائنٹس متبادل راستوں کی جانب گامزن کر رہی ہے -
کروڑوں روپے مالیت کی زمین واگزار
قصو
اینٹی کرپشن لاہور ریجن B کا قبضہ مافیا کے خلافِ کامیاب آپریشن کروڑوں روپے مالیت کی زمین واگزار کروا لیتفصیلات کے مطابق اینٹی کرپشن لاہور ریجن بی نے قصور کے نواحی گاؤں بگری ضلع قصور میں 209 کنال سرکاری اراضی ناجائز قابضین سے واگزار کروا ہے
خانقاہ صدقی شاہ سے ملحقہ محکمہ اوقاف کی ملکیت سرکاری اراضی کو واگزار کروایا گیا ہے جس پر محمد حسین وغیرہ عرصہ دراز سے ناجائز قابض تھے
واگزار کروائی گئی زمین کی مالیت 4کروڑ روپے سے زائد ہے
اینٹی کرپشن نے ضلعی انتظامیہ اور پولیس کے ساتھ ملکر آپریشن کیا
وسیم سعید سندھو ڈائریکٹر ریجن نے میڈیا سے گفتگو کرتے ہوئے کہا کہ ناجائز قابضین سے سرکاری اراضی واگزار کروانے کے لیے بلا امتیاز کارروائیاں کر رہے ہیں -
زہر کا ٹیکہ لگا کر مارنے پر خوف
قصور
ڈسٹرکٹ ہیڈکوارٹرز ہسپتال میں خوف کی فضا پیدا کر دی گئی زہر کا ٹیکہ لگا کر مارنے کی افواہ
تفصیلات کے مطابق ڈسٹرکٹ ہیڈکوارٹرز ہسپتال میں کرونا وائرس کی وجہ سے اموات کے ڈر سے آؤٹ ڈور مریضوں کی تعداد میں زبردست کمی دیکھی جا رہی ہے بلکہ ایمرجنسی مریضوں میں بھی یہی ڈر پایا جاتا ہے اور یہ ڈر ڈالنے والے کوئی اور نہیں بلکہ اسی ہسپتال میں تعینات وہ ڈاکٹرز ہیں جو اپنے پرائیویٹ کلینک پر بھی پریکٹس کرتے ہیں جن میں ہر مرض کے ماہر ڈاکٹر وسیم اعجاز خود ایم ایس ڈاکٹر لیئق اور کئی دیگر ڈاکٹرز نے ہسپتال میں آنے والے مریضوں کو کرونا وائرس میں مبتلا کرکے قرنطینہ میں ڈال کر حکومت کی’ظرف سے دیئے گئے کروڑوں کے فنڈ خورد برد کئیے اور اب اپنے کلینکس میں بیٹھ کر ڈر کے مارے مریضوں سے نوٹ کما رہے ہیں ہسپتال میں اپنے ماتحت عملے کے ذریعے یہ افواہ بھی پھیلا رکھی ہے کہ ہسپتال میں داخل کرونا وائرس کے مریضوں کو ٹیکہ لگا کر ابدی نیند سلا دیا جاتا ہے ان ڈاکٹرز کے خلاف قانون کے مطابق انکوائری کرکے ضابطے کی کارروائی کی جائے -
صحافی و ادیب علیم شکیل وفات پا گئے
قصور
بابائے صحافت قصور محترم علیم شکیل علالت کے بعد دنیا فانی سے کوچ کر گئے
تفصیلات کے مطابق بابائے صحافت قصور جناب علیم شکیل صاحب آج رات تقریبا 12 بجے انتقال فرما گئے علیم شکیل کچھ عرصہ سے علیل تھے اور ڈسٹرکٹ ہیڈ کوارٹرز ہسپتال قصور میں زیر علاج رہنے کے بعد ان کو حالت بگڑنے پر جنرل ہسپتال لاہور منتقل کر دیا گیا تھا جہاں وہ آج رات خالق حقیقی سے جا ملے
مرحوم کی صحافتی خدمات نئے صحافیوں کے لئے مشعل راہ ہیں انہوں نے پنجابی زبان میں کئی مشاہرے کئے اور غزلوں و شعروں کے مجموعے پر کتب بھی لکھیں
قصور کی صحافی برادری نے ان کی وفات پر گہرے دکھ کا اظہار کیا ہے -
سوشل میڈیا پر لڑکیوں کو بلیک میل کرنے والا
قصور
چونیاں پولیس کی بڑی کاروائی لڑکیوں کو سوشل میڈیا پر بلیک میل کرنے والا گروہ گرفتار
تفصیلات کے مطابق ڈی پی او قصور کے حکم پر تھانہ سٹی چونیاں پولیس کی بڑی کارروائی لڑکیوں کی نازیبا تصاویر بنا کر بلیک میل کرنے والہ گینگ گرفتار کر لیا گیا ہے جو کہ کم عمر لڑکوں پر مشتمل ہے اس بارے لوگوں نے میڈیا ہر اظہار خیال کرتے ہوئے کہا کہ ہم وزیر اعظم پنجاب، وزیر اعلیٰ پنجاب، آر پی او شیخوپورہ رینج اور پولیس ڈیپارٹمنٹ کے تمام اعلیٰ افسران سے اپیل کرتے ہیں کہ ان کو عبرت کا نشان بنایا جائے۔ تاکہ ایسے بے غیرت لوگ دوبارہ کسی شریف انسان کا گھر برباد نہ کر سکیں -
کالے جادو پر سزا کا بل زیر التوا اور عاملوں کی تشہیر کیوں؟ از قلم۔۔۔۔ غنی محمود قصوری
ایک مسلمان ریاست و حکمران کا کام مسلم معاشرے میں برائی کا خاتمہ اور لوگوں کی اصلاح ہوتا ہے اگر کوئی فرد تنظیم یاں گروہ معاشرے میں بگاڑ پیدا کر رہا ہو تو حکومت وقت پر فرض ہے کہ ایسے لوگوں کا خاتمہ کیا جائے
پاکستان میں جادو ٹونے کا کام سرعام ہو رہا ہے جو کہ ایک قبیح فعل ہے قرآن و حدیثِ نے اس کی سخت ممانعت کی ہے
رسول اللہ صلی اللہ علیہ وسلم نے فرمایا کہ تباہ کرنے والی چیز اللہ کے ساتھ شرک کرنا ہے اس سے بچوں اور جادو کرنے اور کرانے سے بچو ۔۔ بخاری 5764
ایک کم علم مسلمان بھی جانتا ہے کہ شرک سب سے بڑا گناہ ہے اور اس فعل کے مرتکب کا ہمیشگی ٹھکانہ جہنم ہے اور اسی کے بعد سب سے بد عمل جادو کرنا یا کروانا بھی ہے
اللہ تعالی قرأن میں فرماتے ہیں
اور اس چیز کے پیچھے لگ گئے جسے شیاطین (حضرت) سلیمان کی حکومت میں پڑھتے تھے ۔سلیمان نے تو کفر نا کیا تھا بلکہ یہ کفر شیطان کا تھا،وہ لوگوں کو جادو سکھایا کرتے تھے ۔ سورہ البقرہ 102
اللہ تعالی نے حضرت سلیمان کے دور میں جنوں کی مثال دے کر ہمیں سمجھا دیا کہ وہ لوگوں کو جادو سکھلا کر کفر کرتے تھے اور کفر بہت بڑا گناہ ہے
آج ہم میں بھی یہ کفر بہت آ گیا ہے نا صرف یہ کفر کیا جاتا ہے بلکہ اس کی تشہیر بھی سرعام کی جاتی ہے پاکستان کی ہر دیوار،اخبار،چینل حتی کہ سوشل میڈیا بھی انہی کے اشتہاروں سے بھرا پڑا ہے
افسوس کہ ایک اسلامی ریاست میں رہتے ہوئے جعلی پیروں اور عاملوں کے اشتہارات دیکھنے کو ملتے ہیں جو نا صرف ہمارے مال کو لوٹتے ہیں بلکہ ہمارے ایمان کو بھی خراب کرتے ہیں بحیثیت مسلمان ہمارا ایمان اللہ رب العزت کے قرآن اور محمد کریم صلی اللہ علیہ وسلم کے فرمان پر ہونا چائیے مگر افسوس آج ہم اس نام نہاد جعلی پیروں کے چکر میں اپنی دولت و ایمان کے ساتھ ساتھ اپنی عزتوں سے بھی ہاتھ دھو بیٹھتے ہیں ابھی ٹیلی ویژن و سوشل میڈیا پر کتنے ہی ان خبیث عاملوں اور بابوں کی عورتوں کی عزت کیساتھ کھلواڑ کرتے ویڈیوز وائرل ہو چکی ہیں مگر افسوس سب دیکھ ، سمجھ کر بھی ہم نادان بنے بیٹھے ہیں ایک طرف تو یہی میڈیا ان عاملوں پیروں،جعلی بابوں کے جرائم ہمیں دکھلاتا ہے تو دوسری طرف یہی میڈیا انہی بدکرداروں کی تشہیر میں بھی مصروف ہے اور ان کی تشہیر کرکے نوجوان نسل کو محبت میں فتح،ساس بہو کی لڑائی،دشمنوں کو بیمار کرنے اور ہنستے بستے گھروں کا سکون برباد کرنے کے طریقے بتائے جاتے ہیں اور یہ عامل بابے بغیر کسی خوف کے اپنا مکرو دھندہ جاری رکھے ہوئے ہیں
جادو کی روک تھام کیلئے پاکستان میں کوئی قانون موجود نہیں اس پر سابق حکمران جماعت ن لیگ کے سینیٹر چوہدری تنویر خان نے اگست 2017 کو ایوان بالا میں ایک بل پیش کیا تھا جس میں جادو ٹونہ کرنے والے عاملوں،بابوں کے خلاف قانون بنا کر اس بدفعل پر دو سے سات سال تک قید اور دو لاکھ روپیہ جرمانہ کی سزا کیساتھ اس کی ہر قسم کی تشہیر کو ممنوع قرار دینے کی تجویز پیش کی گئی تھی مگر یہ بل پاس نا ہو سکا اور ابھی بھی زیر التواء ہے اس بل کے پاس نا ہونے سے ہمارے حکمرانوں کی اسلام سے محبت کا اندازہ ہوتا ہے کہ جس قبیح فعل کو قرآن و حدیث نے حرام کیا ،کہ جس میں بچوں تک کو قتل کر دیا جاتا ہے کہ جس میں قبروں میں سے مردے نکال کر بے ان کی حرمتی کی جاتی ہے، اور ہنستے بستے گھروں کا امن و سکون برباد ہو جاتا ہے اس کے خلاف پیش کئے گئے بل کو منظور نہیں کیا گیا جبکہ ذاتی مفادات کو ہمارے یہی حکمران بغیر سوچے سمجھے بھاری اکثریت سے منظور کروا لیتے ہیں
حکومت وقت کو چائیے کہ اخبارات میں ان کے اشتہارات پر پابندی کیساتھ ان عاملوں،بابوں کے گرد بھی گھیرا تنگ کیا جائے تاکہ لوگ اپنے جان و مال کے علاوہ اپنی عزت و آبرو بھی بچا سکیں اور پاکستان کے بڑھتے ہوئے معاشرتی مسائل کچھ حد تک کم ہو سکیں
اگر حکومت وقت اسلام و پاکستان سے مخلص ہے تو ریاست مدینہ کا دعویٰ کرنے کا حق ادا کرنے کیلئے اس بل کو پاس کروائے -
بلدیہ نے ڈاکٹروں کے کاروبار تیز کرنے کی ٹھان لی
قصور
کوٹ اسلام پورہ قصور میں بلدیہ نے لوگوں کو بیمار کرکے ڈاکٹروں کے کاروبار چلانے کا فیصلہ کر لیا 3 ہفتوں سے گندگی کوڑا کرکٹ سڑکوں پر ،انتظامیہ سو گئی، پورے محلے میں بدبو کا راج بیماریاں جنم لینے لگیں
تفصیلات کے مطابق کوٹ اسلام پورہ سٹی قصور میں بلدیہ قصور نے لوگوں کو بیمار کروا کر ڈاکٹروں کے کاروبار تیز کرنے کا فیصلہ کیا ہوا ہے
اہلیان محلہ نے نمائندہ باغی ٹی وی سے گفتگو کرتے ہوئے کہا کہ گزشتہ 3 ہفتوں سے صفائی کا عملہ گندگی اٹھانے نہیں آیا جس سے ہر طرف بدبو پھیل رہی ہے اوپر سے برسات کا موسم ہے جس سے گندگی میں کیڑے بننا شروع ہو گئے ہیں بلدیہ کا عملہ چائے پانی کے بغیر کام نہیں کرتا اور اوپر سے مہنگائی و لاک ڈاؤن سے لوگ مالی مشکلات کا شکار ہیں ایسے میں بلدیہ اہلکاران کو رشوت کیسے دی جائے آئے روز کی بارش سے کوڑا کرکٹ لوگوں کے گھروں میں برسات کے پانی کے ساتھ داخل ہو جاتا ہے
اہل محلہ نے ڈی سی قصور منظر علی جاوید سے مطالبہ کیا ہے کہ ان کی صحت کا خیال کرتے ہوئے کوڑا کرکٹ اور گندگی کے ڈھیر اٹھوائے جائیں اور کرپٹ و راشی عملہ صفائی کو معطل کرکے نئے ایماندار عملہ کو تعینات کیا جائے