قصور
ڈی ایچ کیو ہسپتال قصور ایکسرے روم میں ڈاکٹر زونیرہ ریڈالیوجسٹ اور ایکسرے اٹینڈنٹ اسد فاروق کی من منایا عروج پر لوگ سخت پریشان
تفصیلات کے مطابق ڈی ایچ کیو ہسپتال قصور کے ایکسرے روم میں دو ایکسرے ٹکنیشن ہونے کے باوجود ڈاکٹر زونیرہ ریڈالیوجسٹ نے اسد فاروق ایکسرے اٹینڈ کو انچارج بنا دیا جبکہ اسد فاروق ایکسرے اٹینڈنٹ کی ڈیوٹی گیٹ پر ہے لیکن ڈاکٹر زونیرہ ریڈالیوجسٹ نے اس کی ڈیوٹی اپنے طور پر ایکسرے MLC کرنے اور ایکسرے رپورٹ تیار کرنے کے لیے اپنے پاس لگائی ہے جبکہ یہ کام ایکسرے ٹیکنیشن کا ہوتا ہے ایکسرے ٹیکنیشن ڈاکٹر زونیرہ ریڈالیوجسٹ کے سامنے بے بس ہے جبکہ اسد فاروق ایکسرے اٹینڈنٹ کی ڈیوٹی صبح 8 بجے سے لیکر دوپہر 2 بجے تک ہے ڈاکٹر زونیرہ ریڈالیوجسٹ نے اسد فاروق ایکسرے اٹینڈنٹ کو کھلی چھٹی دے رکھی ہے ڈاکٹر زونیرہ ریڈالیوجسٹ اور اسد فاروق ایکسرے اٹینڈنٹ اپنی مرضی کی رپورٹ بنانے میں مصروف اور ایکسرے رپورٹ دینے کے ریٹ مقرر کر دئیے گئے ہیں جب کوئی مسلہ بنتا ہے تو جواب طلبی ایکسرے ٹکنیشن کی ہو جاتی ہے۔ ایکسرے روم میں کیا کیا ہورہا ہے بڑے بڑے انکشافات ہو رہے ہیں جو رپورٹیں اپنی مرضی کی گئی تھیں ضلع قصور کی عوام کی ڈپٹی کمشنر قصور سے پر زور اپیل ہے کہ ان دونوں کے خلاف قانونی کاروائی کرکے انکوائری کا حکم دیا جائے۔
Author: غنی محمود قصوری
-
اپنی من مانیا عروج پر عوام جائے بھاڑ میں
-
ہمیں اپنی قومی زبان اردو لکھے اور بولے جانے پر شرمندگی کیوں؟ تحریر :غنی محمود قصوری
زبان اللہ کی طرف سے عطاء کردہ ایک خاص نعمت ہے جو کہ معاشرتی ضرورت کے تحت بولی جاتی ہے تاکہ ہمارا مخاطب ہماری بات کو سمجھ سکے
ہر علاقے ملک کی مختلف زبانیں ہیں اور اس کرہ ارض پر تقریبآ 6800 کے قریب زبانیں بولی جاتی ہیں مذید ان کے لہجے الگ سے ہیں اور اسی طرح پاکستان میں بھی ہے
ہماری قومی زبان اردو ہے جو کہ پورے پاکستان میں لکھی،پڑھی اور بولی جاتی ہے اس کے علاوہ تقریبآ 70 زبانیں مذید بھی پاکستان میں بولی جاتی ہیں مگر ان تمام کی طرز اور الفاظ بڑی حد تک اردو سے ہی مماثلت رکھتے ہیں
پاکستان کی کل آبادی کے 8 فیصد لوگ اردو بولتے ہیں اور یوں اردو پاکستان کی پانچویں بڑی اور دنیا کی نویں بڑی زبان ہے ماہرین لسانیات کے مطابق ہندی،ہندوی،ہندوستانی،دہلوی اور ریختہ بھی اردو کے قدیم نام ہیں اسی لئے اردو اتنی معروف اور دوسری زبانوں سے ملتی جلتی ہے کہ ہم بنگلہ دیش،انڈیا،نیپال غرضیکہ پورے برصغیر میں کہیں بھی اردو بولیں تو مخاطب کو بڑی حد تک سمجھ آ جاتی ہے اور ہماری معاشرتی ضرورت بھی پوری ہو جاتی ہے
دور غلامی میں 1849 میں انگریز نے معاشی ضرورت کے تحت پنجاب میں اردو کو دفتری زبان قرار دیا تھا اور 1947 میں قیام پاکستان کے وقت ریڈیو پاکستان سے قیام پاکستان کا اعلان بھی اردو میں ہی نشر کیا گیا تھا تاکہ ہم انگریز و ہندو کو باور کرا سکیں کہ ہم آزاد ہیں اب اپنی تہذیب و تمدن پر اپنی مرضی سے عمل پیرا ہو سکتے ہیں اور ہماری نسلیں اپنی تہذیب و تمدن اور ثقافت و مذہب پر آزادی سے عمل پیرا ہونگی اسی لئے بانی پاکستان قائد اعظم محمد علی جناح نے کہا تھا کہ پاکستان کی سرکاری و قومی زبان اردو ہے حالانکہ قائد اعظم معاشی ضرورت کے تحت انگریز کے سامنے انگریزی بولتے تھے مگر جب وہ اپنے ہم وطنوں سے ہمکلام ہوتے تو اردو ہی بولتے تھے بطور دلیل ان کی کئی آڈیو،ویڈیو ریکارڈنگ اب بھی موجود ہیں مگر افسوس کہ لاکھوں شہادتوں ،کھربوں روپیہ کی جائیدادوں اور لاکھوں عزتوں کی قربانی دے کر حاصل کرنے والے ملک پاکستان کو آزاد ہوئے تقریبآ 74 برس بیت گئے مگر افسوس کہ اب بھی ہماری سرکار اور ادروں سے انگریزی نا نکل سکی آج بھی ہمارے دفاتر میں نوٹیفیکیشن انگریزی میں جاری کئے جاتے ہیں اور ہمارا پڑھا لکھا طبقہ روانی سے انگریزی بولتا ہے اور لکھتا ہے اور اس پر فخر محسوس کرتا ہے جبکہ ہمارے ملک کی آبادی کا بہت بڑا حصہ اب بھی کم پڑھا لکھا یا پھر ان پڑھ ہے اس لئے ان کو انگریزی کی ہرگز سمجھ نہیں آتی اور وہ اسے سمجھنے کیلئے کسی پڑھے لکھے کے محتاج بن جاتے ہیں
پورے پاکستان میں لوگ اپنے اپنے علاقوں میں اپنی مادری زبانیں بولتے ہیں اور وہ تمام مادری زبانیں اردو سے کافی مماثلت رکھتی ہیں اس لئے جب کسی سے اردو میں بات کرتے ہیں تو وہ بندہ کافی حد تک اردو کو آسانی سے سمجھ لیتا ہے اور بڑی حد تک اردو بول بھی لیتا ہے
زندہ قوموں کی پہچان ان کی تہذیب و ثقافت سے ہوتی ہے اور ہم دنیا کی نویں بڑی زبان اردو ہونے کے باوجود انگریزی کو ترجیح دیتے ہیں حتی انسانی حقوق کا رونا رونے والی این جی اوز ہمارے لوگوں کو انگریزی میں ہدایات دے کر چلی جاتی ہیں اور وہ غریب ان پڑھ منہ دیکھتے رہ جاتے ہیں کہ آخر انہیں کہا کیا گیا ہے
اس کام میں ہماری سرکار بھی کسی سے کم نہیں اب جبکہ پوری دنیا کرونا کی لپٹ میں ہے اور پوری دنیا اپنے باشندوں کو اپنی قومیں زبانوں میں ہدایات جاری کر رہی ہیں وہیں آج ہماری گورنمنٹ نہایت افسوس کیساتھ انگریزی میں ہدایات جاری کر رہی ہے جس کی مثال یہ ہے کہ ان پڑھ و کم پڑھے لکھے لوگوں نے بڑی مشکل سے ہلاک کو انگریزی میں ایکسپائر Expire ,Death رٹا ہوا تھا اب اس کی جگہ Deceased نے لے لی جبکہ تشویشناک کو لوگوں نے سیریس Serious رٹا تھا اب اس کی جگہ کریٹیکل critical نے لے لی اسی طرح Infected, Symptoms اور کئی الفاظ آ گئے جس سے عام لوگ بہت پریشان ہیں کہ بھئی یہ کیا بلا ہیں یہی وجہ ہے کہ قوم کرونا پر جاری ہدایات پر صحیح طرح سے عمل پیرا نہیں ہو رہی کیونکہ ان کو ان الفاظ کا علم ہی نہیں اور لوگوں کے پاس ایک دوسرے کو سمجھانے کا زیادہ وقت ہی نہیں سو انگریز کی غلامی کا طوق اتارتے ہوئے ہمیں اپنے دفتروں،بازاروں،گھروں اور سرکاری اداروں میں سو فیصد اردو بولنی،لکھنی اور پڑھنی چاہیے تاکہ دو قومی نظریے اور آزادی پاکستان کا مقصد واضع ہو سکے اور ہم ایک زندہ و جاوید آزاد قوم کہلوا سکیں اس میں کوئی شرم نہیں ہونی چاہیئے کیونکہ یہ ہماری قوم زبان ہے ہاں معاشی ضرورت کے تحت انگریزی،ہندی،فارسی،اور دیگر زبانوں کے بولنے میں کوئی حرج نہیں بلکہ انہیں معاشی ضروت کے تحت سیکھا اور بولا جائے نا کہ قومی زبان سمجھ کر -
پانی چوروں کی شامت
قصور
ڈپٹی کمشنر قصور منظر علی جاوید کی ہدایت پر پانی چوری روکنے کیلئے اجلاس
ضلعی انتظامیہ قصور پانی چوری کرنے والوں کے خلاف متحرک ہوگئی
تفصیلات کے مطابق ضلعی انتظامیہ قصور اور اے سی عدنان بدر کی زیر نگرانی اجلاس میں پانی چوروں کے خلاف کارروائی کا فیصلہ کیا گیا ہے جس میں سرکاری پانی چوروں کے خلاف کارروائی کیلئے کنٹرول روم قائم کر دیا گیا
پانی چوروں کو پکڑنے کیلئے خفیہ چھاپے مارے جائیں گے اور فوری مقدمات درج کروائے جائینگے -
پیٹرولنگ پولیس کی آگاہی مہم
قصور
پیٹرولنگ پولیس بھوئے آصل تحصیل کوٹ رادھاکشن کا کورونا سے محفوظ رہنے کیلئے سیمینار کا انعقاد عوام کو مختلف چیزوں کی افادیت سے آگاہ کیا گیا
تفصیلات کے مطابق پٹرولنگ پولیس بھوئے آصل تحصیل کوٹ رادھاکشن نے عوام میں کورونا وائرس سے بچاؤ، ہیلپ لائن 1124 کی افادیت ، ہیلمٹ کا استعمال، ایکسڈینٹ سے بچاؤ وغیرہ کاشعور اجاگر کرنے کے لئے ایک سیمنار کا انعقاد کیا جس میں لوگوں کو آگاہی دی گئی انچارج پوسٹ بھوئے آصل پرویز خالد کا ایس پی پٹرولنگ میڈم شائستہ ندیم صاحبہ اور ڈی ایس پی پیٹرولنگ قصور غیاث الدین کی زیرنگرانی چھانگا مانگا چوک ، ہسپتال و دیگر پبلک مقامات پر عوام میں آگاہی دی گئی اور عوام میں پمفلٹ تقسیم کیے گئے علاقہ کی سیاسی و سماجی شخصیات نے پیٹرولنگ پولیس کی اس کاوش کو خوب سراہا ہے -
خون کے عطیات،مذید کی درخواست
قصور
چونیاں میں جذبہ ایثار کے تحت لوگوں نے خون عطیہ کیا
تفصیلات کے مطابق کنگن پور میں تھیلیسیمیا کئیر فاونڈیشن کنگن پور کی طرف سے چونیاں سٹی میں چونیاں بلڈ ڈونر سوسائیٹی اور ایثار فاونڈیشن کے تعاون سے بلڈ کولیکشن کیمپ کا انعقاد کیا گیا جس میں اہلیان چونیاں نے دل کھول کر خون کے عطیات دیے تھیلیسیمیا کے مریض بچوں کے لئے 30 خون کی بوتلیں جمع کی گئیں جس میں ام نصرت فاونڈیشن لاہور کے پیرا میڈیکل سٹاف نے بلڈ کی کولیکشن کی
تھیلیسیمیا کیئر فاؤنڈیشن نے ضلع قصور اور کنگن پور کے گردونواح کے جوانوں سے اپیل کی ہے کہ وہ خون کا عطیہ کر کے ان بچوں کے لئے زندگی کا ذریعہ بنیں کیونکہ ان بچوں کو ہر ہفتے ایک خون کی بوتل کی ضرورت ہوتی ہے اور یہ بچے آپ کے خون کی بدولت اللہ رب العزت کی عطا کردہ زندگی گزار پاتے ہیں ان بچوں کی زیادہ سے زیادہ زندہ رہنے کی مدت 20 سال تک ہے تو آ گے بڑھیں اور زندگی بچائیں جب تک ان بچوں کی سانسیں دنیا پر ہیں
برائے رابطہ
03004275203
اشرف شاہین چئیرمین تھیلیسیمیا کئیر فاؤنڈیشن کنگن پور تحصیل چونیاں ضلع قصور -
پولیس کے بعد ٹائیگر فورس لوگوں کیلئے خوف
قصور
کوٹرادہاکشن میں ٹائیگر فورس کی غنڈہ گردی، تاجر پر تشدد تاجروں کا احتجاج
تفصیلات کے مطابق قصور کی تحصیل کوٹرادہاکشن میں بطور رشوت پیسے نہ دینے پر ٹائیگر فورس کے جوان تاجروں پر تشدد کرتے ہیں اور ایف آئی آر درج کروانے کی دھمکی دیتے ہیں اور کام ٹائیگر فورس کا معمول بن گیا ہے
کوٹ رادہاکشن انجمن تاجران کا ٹائیگر فورس اور فورس کے محسن نامی لڑکے کی بعدماشی کے خلاف احتجاج اور وزیراعظم سے غنڈہ فورس کے خلاف نوٹس کی اپیل کی گئی ہے گزشتہ دن تاجروں اور دکانداروں نے پلے کارڈ اٹھا کر حکومت اورٹائیگر فورس کے خلاف نعرے بازی کی -
کرائم کے خلاف پولیس ڈٹ گئی
قصور پولیس کی کرائم کے خلاف کاروائیاں جاری شراب کی چالو بھٹی پکڑ لی
تفصیلات کے مطابق قصور پولیس نے کرائم کے خلاف کاروائیاں تیز کر دی ہیں گزشتہ دن نور پور پولیس چوکی نے کارروائی کرتے ھوئے چالو شراب کی بھٹی پکڑ لی 100 لیٹر دیسی شراب اور دیگر سامان قبضے میں لے کر ملزم کرامت مسیح کو گرفتار کر لیا
ملزم گردونواح کے علاقوں میں عرصہ دراز سے شراب کی فروخت کا کام کر رھا تھا
چوکی انچارج علی رضا گیلانی کی کارروائی پر اھل علاقہ کے لوگوں نے اس کارروائی کو خوب سراہا اور اعتماد کا اظہار کیا۔
ڈی پی او قصور زاہد نواز مروت کی طرف سے اعلی کارکردگی پر چوکی انچارج علی رضا گیلانی کو تعریفی سرٹیفکیٹ اور رقم بھی دی گئی -
حادثات کے گڑھ پر ایک اور حادثہ
قصور
حادثات کے گڑھ قصور رائیونڈ روڈ پر ایک اور حادثہ،ماں بیٹا شدید زخمی
تفصیلات کے مطابق قصور رائیونڈ روڈ کی تباہ حالی کے باعث روز حادثات پیش آتے ہیں گزشتہ شام سات بجے کے نول سٹاپ سے آگے ایک تیز رفتار کار نے موٹر سائیکل سوار ماں بیٹے کو ٹکر مار جس سے کے باعث ماں بیٹا شدید زخمی ہو گئے تاہم ہڈی ٹوٹنے سے بچ گئے کار سوار قصور کی طرف جا رہا تھا جبکہ موٹر سائیکل سوار قصور سے رائیونڈ کی جانب جا رہا تھا حادثہ کھڈوں سے بچنے کے باعث محفوظ فاصلہ نا رکھنے کی بدولت پیش آیا -
ذہنی مریض قیدیوں کیلئے سہولت
قصور
ڈی آئی جی جیل خانہ جات کا دورہ قصور جیل
ڈی آئی جی جیل خانہ جات پنجاب ملک مبشر احمد خان نے ڈسٹرکٹ جیل قصور میں ذہنی ، نفسیاتی اور منشیات کے عادی اسیران کی بحالئ نو اور علاج معالجہ کے لیے بیس بیڈوں کے نیو ہسپتال بلاک اور اسیران کی تعداد کے مطابق انکے رہنے کی گنجائش کو بڑھانے کے لیے نئی بیرکس کیلئے مختص کی گئی جگہ کا معائنہ کیا ۔ ڈی آئی جی صاحب کے ہمراہ سپرٹینڈنٹ جیل غلام سرور سمرا صاحب ، ڈپٹی سپرٹینڈنٹ جیل ملک سرفراز احمد ، ڈپٹی سپرٹینڈنٹ ڈویلپمنٹ حقنواز صاحب، ایکسین بلڈنگ چودھری ارشد ، ایس ڈی او بلڈنگ مظفر منڈ ، آرکیٹیکچر بلڈنگ اور ہوم ڈیپارٹمنٹ کی ڈویلپمنٹ ٹیم بھی ہمراہ تھی ۔ڈی آئی جی صاحب نے تمام ٹیم کو منصوبے کی جلد از جلد تکمیل کے لیے فوری اقدامات کرنے کی ہدایات دیں تاکہ گورنمنٹ آف پنجاب کے اسیران کی فلاح و بہبود اور معاشرے کا ذمہ دار شہر ی بنانے کے وزن کی تکمیل ہو سکے ۔ -
سانپ قابو کرکے لے گئے
قصور
مدرسے میں سانپ نکل آیا طالب علموں نے ریسکیو کو کال کی
تفصیلات کے مطابق کوٹ رادھاکشن کے نزدیک بھوئے آصل سٹاپ پر واقع مدرسہ محمد بن اسماعیل سے بہت بڑا سانپ نکل آیا جس کی لمبائی چھ فٹ تھی سانپ کو طالب علموں نے مارنا چاہا مگر وہ قابو نا آیا جس پر مدرسہ کے طالب علموں نے ریسکیو 1122 کو کال کی جنہوں نے بروقت پہنچ کر سانپ کو پکڑ لیا اور اپنے ہیڈ کوارٹر جمع کروا دیا
طالب علموں اور مدرسہ کی انتظامیہ نے بروقت کاروائی کرنے پر ریسکیو ٹیم کا شکریہ ادا کیا