قصور
عرصہ دراز سے ٹوٹ پھوٹ کا شکار رائیونڈ قصور روڈ کی مرمت کا کام جاری تاہم کام انتہائی غیر معیاری ٹینڈر کروڑوں کا جبکہ کام لاکھوں کا بھی نہیں
تفصیلات کے مطابق قصور رائیونڈ روڈ جو کہ پنجاب بھر میں خونی سڑک کے نام سے جانی جاتی ہے کی مرمت کیلئے گورنمنٹ نے رواں برس 4 کروڑ 20 لاکھ کا فنڈ منظور کیا جس پر ایک ماہ پہلے کام شروع ہوا
کام شروع تو ہو گیا مگر کام برائے نام ہونے کے باعث لوگ تحفظات کا شکار ہیں کہ کروڑوں روپے کا فنڈ جاری ہونے کے باوجود صرف گڑھے پر کئے جا رہے ہیں وہ بھی بڑے بڑے جبکہ چھوٹے چھوٹے گڑھے جوں کہ توں ہیں بڑے گڑھوں میں پتھر ڈال کر اوپر بجری ڈال کر بہت کم تارکول ڈالی جارہی ہے جس سے سڑک پر تازہ ڈالی گئی بجری بکھری پڑی ہے اور ممکن ہے کہ مرمت شد سڑک ایک دو ماہ ہی نکال پائے گی کیونکہ اس سڑک پر بہت بھاری ٹریفک گزرتی ہے
لوگوں نے وزیر اعلی پنجاب سے نوٹس لینے کی اپیل کی ہے کہ اگر اللہ اللہ کرکے سڑک مرمت ہونے ہی لگی ہے تو اسے درست طریقے سے مرمت کیا جائے تاکہ سڑک کچھ عرصہ کارآمد رہے بصورت دیگر سڑک دو چار ماہ بعد پھر ٹوٹ جائے گی اور گورنمنٹ کا کروڑوں روپیہ بیکار جائے گا
Author: غنی محمود قصوری
-
فنڈ کروڑوں کا ،کام لاکھوں کا
-
تاجروں کی دکانیں سیل
قصور
پتوکی ٹی ایم اے کا عملہ لاک ڈاٶن کی آڑ میں چھوٹے چھوٹے دکانداروں سے دکانیں سیل کرنے کی دھمکی دے کر اپنی جیبیں گرم کرنے میں مصروف،دکانداروں کی اعلی حکام سے نوٹس لینے کی اپیل جبکہ دوسری طرف پتوکی شہر بھر میں بلخصوص میگہ روڈ پر دن رات سیورج کے گٹر ابل رہے ہیں گندے پانی نے گلی محلوں اور شاہراٶں کا محاصرہ کیا ھوا ہے جس سے کروڑوں روپے کی لاگت سے مکمل ھونے والا سیورج سسٹم بلدیہ ملازمین کی نا اہلی کی وجہ سے ناکارہ ھو رہا ھے اورصفاٸی ستھراٸی کا عملہ کٸی کٸی دن غاٸب رہتا ھے بار ہا نشاندہی اور آگاہی کے باوجود اس پراسسٹنٹ کمشنر پتوکی اور دیگر ا فسران نے خاموشی اختیار کر رکھی ھے
اہل علاقہ نے پتوکی انتظامیہ کے خلاف شدید احتجاج کرتے ھوٸے ڈی سی قصور اور دیگر حکام سے نوٹس لینے کا مطالبہ کیا ھے -
ناجائز اسلحہ برآمد
قصور
تھانہ صدر کی کاروائی، ناجائز اسلحہ برآمد
تفصیلات کے مطابق قصور تھانہ صدر کی چوکی نے نور پور میں کاروائی کرکے ناجائز اسلحہ پمپ ایکش کارتوس برآمد کرکے مقدمہ درج کر لیا ہے پولیس چوکی نور پور کے انچارج سید علی رضا گیلانی اور عملے نے کاروائی بسلسلہ گشت اڈہ نور پور نہر کے پاس مخبر کی اطلاع پر ملزم عرفان علی ولد صادق کمبوہ کو روکا تو ملزم ہاتھ میں ناجائز پمپ ایکشن پکڑے جارہا تھا جس کو پولیس نے روک لیا ملزم سے پوچھنے پر کوئی لائسنس نا ملا جس پر ملزم کو گرفتار کرکے مقدمہ 20/ 524 درج کرکے حوالات میں بند کر دیا گیا -
حادثے میں ایک شحض جانبحق
قصور
چھانگا مانگا روڈ پر حادثہ ایک شحض جانبحق
تفصیلات کے مطابق چھانگا مانگا روڈ پر کوٹ جلال کے قریب مزدہ نے موٹر سائیکل سواروں کو کچل دیا اس حادثے میں موضع بھاگوکی کا رہائشی مرتضی موقع پر ہی جانبحق ہو گیا جبکہ دوسرا شخص شدید زخمی جسے ریسکیو 1122 نے ہسپتال منتقل کیا
زخمی شخص کا نام محمد افضل بتایا جا رہا ہے
پولیس نے موقع پر پہنچ کر کاروائی شروع کردی ہے -
جعلی لیبز،خود ساختہ رپورٹس
قصور
چونیاں بھر میں انسانی جانوں سے کھیلنے کا مکرو دھندا جاری،نان کوالیفائیڈ لیبارٹری مالکان خود ساختہ رپورٹس تیار کر کے سادہ لوح شہریوں کو لوٹنے لگے
تفصیلات کے مطابق الہ آباد اورتحصیل بھر میں میں انسانی جانوں سے کھیلنے کا گندا دھندا جاری ہے،درجنوں غیر قانونی لیبارٹریاں کھلے عام کام کررہی ہیں، ماہر پیتھالوجسٹ اور لیب ٹیکنیشنز کی بجائے جعلی لیبارٹری مالکان رپورٹ بناتے ہیں شہریوں کا کہنا ہے کہ علاج معالجے کے لیے جدید آلات سے لیس لیبارٹریز مرض کی درست تشخیص میں معاون ہوتی ہیں، لیکن چونیاں میں قائم درجنوں لیبارٹریز ماہر پیتھالوجسٹ کے بغیر چلائی جا رہی ہیں،جہاں صرف ان ٹرینڈ افراد موجود ہیں جو خود ساختہ رپورٹس تیار کر کے عوام کو لوٹ رہے ہیں طبی ماہرین کے مطابق لیبارٹری کیلیے کوالیفائیڈ پیتھا لوجسٹ،کوالیفائیڈ لیب اسسٹنٹ اورلیب ٹیکنیشنز کے علاوہ آلات، مشینیں اور ایسٹلائیزیشن کا نظام موجود ہونا نہایت ضروری ہے لیکن چونیاں میں انتظامیہ نام کی کوئی چیزنظر نہیں آ رہی مقامی شہریوں نے محکمہ صحت اور متعلقہ حکام سے مریضوں کی جان بچانے کے لیے لیبارٹریز قانون پرفوری عملدرآمد کروانے کا مطالبہ کیا ہے -
سوشل میڈیا بھی ہندو نواز نکلا
قصور
آزادی اظہار رائے کے دعویدار بے نقاب ،مقبوضہ کشمیر کی شہید کمانڈر برہان وانی کی برسی پر لاکھوں پاکستانیوں کے اکاؤنٹ بلاک فیسبک بھی ہندو نواز نکلا
تفصیلات کے مطابق کل 8 جولائی کو مقبوضہ کشمیر کے شہید کمانڈر برہان مظفر وانی کی برسی تھی جس پر کشمیریوں سے اظہار یکجہتی کیلئے پاکستانیوں نے سوشل میڈیا پر برہان کو خراج تحسین پیش کیا جس کے ردعمل پر فیسبک،ٹویٹر،انسٹاگرام انتظامیہ نے لاکھوں لوگوں کے اکاؤنٹ بلاک کر دیئے
صارفین کو فیس بک اور دیگر سوشل سائیٹس سے نوٹیفکیشن موصول ہوئے کہ آپ ہماری پالیسی کی خلاف ورزی کر رہے ہیں جس پر آپ کو بلاک کیا جا رہا ہے سوچنے کی بات یہ ہے کہ برہان وانی پر شیئرنگ کرنے سے فیس بک انتظامیہ کو کیا مسئلہ ہے حالانکہ برہانی وانی تو تحریک آزادی کشمیر کا سپاہی ہے اور اس کی جنگ صرف ہندوستان کے خلاف تھی نا کہ پوری دنیا کے
سوشل سائیٹس کی طرف سے ناروا رویہ پر صارفین نے گورنمنٹ آف پاکستان سے اپیل کی ہے کہ پاکستانی عوام کے ساتھ غلط رویہ پر گورنمنٹ فیس بک انتظامیہ سے احتجاج کرے -
لوڈشیڈنگ ایک عذاب
قصور
شہر و گردونواح میں کئی گھنٹوں کی عذاب ناک لوڈشیڈنگ نے لوگوں کی زندگی اجیرن بنا دی ہے
لوگوں کے کاروبار ٹھپ
تفصیلات کے مطابق قصور اور گردونواح میں لوڈشیڈنگ معمول بن گئی ہے جس سے لوگوں کے کاروبار ٹھپ ہو کر رہ گئے ہیں جبکہ ہفتہ میں دو دن 10 گھنٹے کی شیڈول لوڈشیڈنگ سے بھی کاروبار شدید متاثر ہوا ہے
چراغشاہ، شیخ بھاگو، بلھے شاہ، دین گڑھ، سٹی، نیاز نگر سمیت دیگر فیڈرز بند رہنے لگ گئے
نیز شہر کے متعدد ٹرانسفارمر بھی خراب ہونے کے باعث بھی بجلی بند رہنا معمول بن گیا ہے
اور واپڈا اہلکاران خراب ٹرانسفارمر کے نام پر 10 سے 15 ہزار روپے اہل علاقہ سے اکھٹے کر کے مرمت کروائی لیتے ہیں -
امن و امان کی خرابی پر تشویش
قصور
ایس ایچ او الہ آباد محسن سندھو کی پولیس چوکی تلونڈی میں سیاسی و سماجی شخصیات کے ساتھ پریس کانفرنس شہر میں امن و امان کے حوالے سے گفتگوتفصیلات کے مطابق الہ آباد تھانہ کی حدود میں آئے روز چوری،راہزنی کی وارداتوں میں شدت سے اضافہ ہو گیا ہے جس سے شہریوں میں خوف و ہراس پایا جانے لگا اس بابت ایس ایچ او تھانہ الہ آباد محسن علی سندھو کی شہریوں کے ساتھ امن و امان کے حوالہ سے پریس کانفرنس کا انعقاد کیا گیا جس میں لوگوں نے شرکت کی جبکہ ایس ایچ او محسن علی سندھو نے عوام سے تعاون کی اپیل کرتے ہوئے کہا کہ آپ جگہ جگہ ٹھیکری پہرے لگانے پر ہمارا ساتھ دیں اور جرائم پیشہ عناصر کو پکڑنے میں ہمارا تعاون کریں ان شاء اللہ جلد علاقہ کو امن کا گہوارہ بنائیں گے اس موقع پر علاقہ کے معزز شخصیات سردار زبیر احمد خاں ، محمود تاج ڈوگر، اشرف خاں ایڈووکیٹ ، پرویز مہدی ،سردار شوکت ممبر ، جمیل بھٹہ ، محمد ظفر اقبال حاجی ارشد ویری، رشید وہابی و دیگر نے پولیس کے ساتھ تعاون کی یقین دہانی کروائی
-
رینجرز اور پولیس کی بڑی کاروائی
قصور
تھانہ گنڈاسنگھ پولیس اور ستلج رینجرز اہلکاران کی مشترکہ کاروائی بھاری منشیات برآمدتفصیلات کے مطابق تھانہ گنڈہ سنگھ قصور اور ستلج رینجرز نے مشترکہ کاروائی کرتی ہوئے 3 ملزمان کو انڈین شراب سمیت پکڑ کر حوالات میں بند کردیا گیا جبکہ ملزمان کی شناخت اقبال ، افتخار اور نوید کے ناموں سے ہوئی ہے تینوں کا تعلق قصور کے علاقہ چونیاں سے ہے
ملزمان انڈین شراب کی بوتلیں لے کر چوک حسین خانوالا سے پیدل آ رہے تھے ملک نصیر احمد اے ایس آئی اور رینجرز کے اہلکاران نے روک لیا اور تلاشی کے دوران انڈین شراب کی بوتلیں برآمد ہوئیں تو ملزمان کو حراست میں لیا گیا پولیس نے ملزمان کے خلاف مقدمہ درج کر لیا ہے -
برہان وانی (Burhan Wani) تو آج بھی زندہ ہے!!!! تحریر: غنی محمود قصوری
تحریک آزادی کشمیر ظلم کی تصویر سے بھلا کون واقف نہیں؟ پچھلے 74 سالوں سے مظلوم کشمیری کم وسائل مگر چٹان جیسے حوصلے اور جذبہ ایمانی سے دنیا کی سب سے بڑی جمہوریت اور 10 لاکھ مسلح فوج سے اپنی آزادی کی خاطر عام رائفلوں اور پتھروں سے لڑ رہے ہیں اور اس لڑائی کی تاریخ میں مثال نہیں ملتی
محاذ کشمیر کی جنگ دنیا کی سب سے اونچائی پر لڑی جانے والی ایک مہنگی ترین جنگ ہے جس سے خود بھارت بھی پریشان ہے مگر اسے اس کا لے پالک اسرائیل سہارا دیئے ہوئے ورنہ اسی محاذ کشمیر پر انڈیا مالی و فوجی لحاظ سے کب کا گھٹنے ٹیک چکا ہوتا ادھر کشمیریوں کے حوصلے دن بدن بڑھتے ہی جا رہے ہیں اس مسلح تحریک آزادی میں اب تک ایک لاکھ کے قریب نوجوان اپنی جانوں کے نذرانے پیش کر چکے ہیں جن میں سے ایک انتہائی اہم قربانی برہان مظفر وانی کی بھی ہے
ایک پوسٹر بوائے سے مجاہد بننے والا یہ حزب المجاھدین کا کمانڈر برہان مظفر وانی 19 ستمبر 1994 کو مظفر وانی اور میمونہ وانی کے ہاں پیدا ہوا
برہان وانی نے بچپن ہی سے انڈین آرمی سے نفرت کی اور رفتہ رفتہ اس نفرت کا اظہار وہ سوشل میڈیا پر بھی کرتا رہا
2010 میں برہان وانی نے حزب المجاھدین کے پلیٹ فارم سے باقاعدہ عسکری زندگی کا آغاز کیا اور اس کے عسکری جوہر دیکھتے ہوئے اسے 2011 میں حزب المجاھدین کا کمانڈر بنا دیا گیا
برہان جس علاقے میں بھی جاتا انڈین فوج کے بڑے بڑے کمانڈر اس علاقے سے راہ فرار کو ترجیح دیتے اور یوں اس کی جرات و بہادری کی ڈھاک انڈین فوج پر چھا گئی دوران زندگی اسے ٹاپ کمانڈر قاسم عبدالرحمان شہید کی قربت بھی نصیب ہوئی اور وہ قاسم عبدالرحمان کو اپنا استاد مانتا تھا انڈین فوج پر برہان کا اس قدر رعب پڑ چکا تھا کہ ہندو سرکار نے برہان کے سر کی قیمت دس لاکھ روپیہ مقرر کر دی تھی
8 جولائی 2016 کو مقبوضہ وادی کے ضلع اننت ناگ کے علاقے کوگر ناگ میں انڈین فوج کی بہت بڑی تعداد نے جدید ترین ہتھیاروں سے کئی گھنٹے طویل معرکے کے بعد برہان کو شہید کیا جس کے بعد وادی میں تاریخی تصادم انڈین فوج اور کشمیریوں کے مابین شروع ہو گیا اور ان جھڑپوں میں دو سو سے زائد نوجوانوں نے اپنی جان راہ شہادت میں قربان کی اور اس شہادتوں کے بعد نوجوانوں میں ایک نیا جذبہ آزادی پیدا ہوا جو کہ اب بھی جاری و ساری ہے
22 سال کی عمر میں برہان وانی دس لاکھ مسلح فوج کو ایسا زخم دے گیا کہ سات عشروں سے زائد میں ایسا زخم بھارت کو نا ملا تھا 22 سالہ لڑکا وہ کام کرگیا کہ 50 ,50 سال سے عسکری خدمات دینے والے ہندوں,اسرائیلی دماغ دنگ رہ گئے کہ ایسا کیوں کر ہو گیا ؟ مگر ایسا اس لئے ہوا کیونکہ برہان مظفر وانی اس محمد ذیشان تاجدار ختم نبوت صلی اللہ علیہ وسلم کا روحانی فرزند ہے کہ جس نبی علیہ السلام نے کم وسائل ہونے کے باوجود اپنے دور کی سپر پاور کو شکشت دیکر تاریخ کو حیران کر دیا اور آج پوری دنیا کی سپر طافتیں اسی نبی کی جنگ مہارت پر عمل پیرا ہونے کو ہی کامیابی قرار دیتی ہیں
برہان اس لئے بھی لوگوں کے دلوں میں زندہ ہے کہ وہ سیدنا صدیق اکبر,سیدنا عمر فاروق ,سیدنا عثمان غنی ,سیدنا علی المرتضی شیر خدا رضوان اللہ علیہ اجمعین کا روحانی فرزند ہے کہ جنہوں نے انتہائی کم وسائل کیساتھ پوری دنیا پر حکمرانی کی اور ثابت کر دیا کہ جنگیں وسائل سے نہیں بلکہ قوت ایمانی سے لڑی جاتی ہیں اور برہان زندہ اس لئے بھی ہے کہ وہ سیدنا امیر معاویہ کا روحانی فرزند ہے کہ جس نے مجوسیت کو جڑ سے اکھاڑ پھینکا اور ایسا اکھاڑ پھینکا کہ آج دن تک دوبارہ مجوسیت کھڑی نہیں ہو سکی
برہان اس لئے آج بھی رول ماڈل ہے کیونکہ وہ سلطان صلاح الدین ایوبی رحمۃ اللہ کا روحانی فرزند ہے کہ جس نے اس وقت کی سپر پاور صلیبیوں سے بیت اللہ واپس لیا اور سپر پاور بھی وہ کہ جس کا ڈنکا پوری دنیا میں بجتا تھا سلطان کی ضرب سے گھٹنوں کے بل جا گری تھی
آج انڈیا بریان وانی کو یاد کر کر کے غم زدہ رہتا ہے کیونکہ برہان کی شہادت کے بعد نوجوان اس قدر مسلح تحریک میں شامل ہوئے کہ پہلے تاریخ میں جس کی مثال نہیں ملتی اس روز کی پھلتی پھولتی مسلح تحریک آزادی سے خوفزدہ انڈیا نے ظلم و بربریت کی گندی ترین مثال قائم کرتے ہوئے گزشتہ سال اگست سے تاحال تاریخ کا سب سے لمبا کرفیو لگایا ہوا ہے اور اس کرفیو کے دوران سینکڑوں کشمیریوں کو شہید کر چکا ہے مگر انڈین گورنمنٹ کیلئے رزلٹ پھر بھی صفر ہی ہے کیونکہ کشمیری آزادی سے کم کسی بات پر راضی نہیں کل بھی ان کا نعرہ تھا بھارت سے لینگے آزادی ،کشمیر بنے گا پاکستان اور آج بھی ان کے نعرے یہی ہیں
انڈیا کی اس ساری بربریت پر عالمی برادری مایوس کن حد تک خاموش ہے مگر کشمیری قوم کھلے عام ہندو سرکار کو کہہ رہی ہے کہ سن لے انڈیا برہان تو رب کی جنتوں کا مہمان بن گیا مگر اللہ کی قسم اپنے پیچھے آنے والی نسلوں کو وہ ایسا سبق سکھا گیا کہ قیامت تک ہندو دھرم میں خوف کی لہر پیدا ہو کر رہ گئی ہے
ایک طرف مٹھی بھر مجاہدین ہیں تو دوسری طرف انڈیا کی دس لاکھ مسلح اور جدید ترین ٹیکنالوجی سے لیس فوج مگر پھر بھی کئی سالوں سے میرے غیور کشمیروں کی صدا آزادی کو دبا نا سکی تیری ہندوں مائیں غم سے مر جاتی ہیں کہ جب ان کو پتہ چلتا ہے کہ ان کے فوجی بیٹے کی مقبوضہ کشمیر میں پوسٹنگ ہو گئی ہے اور جب کہ دوسری طرف کسی کشمیری ماں کا ایک بیٹا شہید ہوتا ہے تو وہ ماں پہلے بیٹے کی کلاشن دوسرے بیٹے کو پکڑا کر کہتی ہے چل بیٹا اپنے رب کے فرمان کے مطابق اپنے شہید بھائی کا بدلہ لے اور مظلوم ماؤں, بہنوں,بیٹیوں اور بزرگوں کی مدد کر اور پھر اس کی شہادت کے بعد تیسرے پھر چھوتھے حتی کہ بیٹے کے بیٹے کو کلاشن پکڑا کر حکم ربی سنا کر خود غاصب پلید ناپاک ہندوں فوج کے خلاف جہاد کے لئے بیجھا جاتا ہے اور بعض اوقات تو بیک وقت دو,دو بھائی اور کئی مرتبہ باپ بیٹا اکھٹے برسر پیکار رہتے ہیں اور کئی سالوں سے یہ سلسلہ جاری ہے اور اس سے بھی بڑھ کر ذلت آمیزی انڈیا کو تب ملی جب میری عفت مأب پاک دامن کشمیری بہنوں بیٹیوں نے اپنے غیور سنگ باز بھائیوں کے شانہ بشانہ ہندو کی گندی فوج کا مقابلہ پتھروں سے شروع کیا ان شاءاللہ کشمیر منرل دور نہیں
تو چھین لے آنکھیں مجھ سے
خواب تو کیسے چھینے گا ؟