Author: غنی محمود قصوری

قصور
سخت گرمی غیر اعلانیہ لوڈ شیڈنگ لوگ پریشان حکومتی تبدیلی کے دعوے دھرے کے دھرے رہ گئے لوڈ شیڈنگ پچھلے سال سے بھی زیادہ ساتھ گیسٹرو کی وباء بھی
تفصیلات کے مطابق قصور میں اس وقت سخت گرمی کا زور شروع ہو چکا ہے مسلسل 3 دنوں سے درجہ حرارت 47 درجہ سینٹی گریڈ تک پہنچ گیا ہے اور اس کیساتھ ہی لیسکو قصور کی طرف سے غیر اعلانیہ لوڈ شیڈنگ کا دورانیہ بھی بڑھا دیا گیا ہے جس کے باعث لوگ سخت پریشان ہو گئے ہیں قصور کے بیشتر علاقوں میں گیسٹرو کی وباء بھی چل پڑی ہے جس کی وجہ سخت گرمی ہے مگر اس گرمی میں ایسے مریضوں کو پنکھے کی ہوا بھی نصیب نہیں
لوگوں کیمطابق تبدیلی کے نعرے دھرے کے دھرے رہ گئے ہیں اور اس سال لوڈ شیڈنگ پچھلے سال کی نسبت زیادہ ہے حالانکہ کرونا لاک ڈاؤن کی بدولت کافی زیادہ کام کاج بند ہیں اور جو چل رہے ہیں وہ بھی صبح 9 سے شام 5 بجے تک ہیں مگر پھر بھی اتنی زیادہ لوڈ شیڈنگ سمجھ سے بالاتر ہے

قصور
پیٹرول کی طرح چینی بھی سستی ہونے پر غائب ہوگئی شہر میں مجود دوکانداروں نے پیٹرول 100 روپے فی لیٹر اور چینی 85 روپے کر دی مگر پھر بھی گمشدہ چینی کی تلاش میں قصور کے شہری سخت گرمی اور کرونا وائرس کے خطرات اٹھاتے ہوئے ایک جگہ سے دوسری جگہ دھکے کھاتے پھر رہے ہیں
تفصیلات کے مطابق سپریم کورٹ کے حکم پر چینی کی قیمت فی کلو 70 روپے مقرر کی تو اسے بھی غائب کرکے عوام کی مشکلات میں مزید اضافہ کردیا گیا ہے عوام پہلے ہی آٹے اور چینی کے حصول کیلئے دربدر کی ٹھوکریں کھار رہے ہیں اب مافیا نے چینی بھی غائب کر دی مگر حکومت اور انتظامیہ دیگر مافیا کی طرح چینی مافیا کے سامنے بھی بے بس نظر آرہی ہے جبکہ گمشدہ چینی کی تلاش میں قصور کے شہری سخت گرمی اور کرونا وائرس کے خطرات اٹھاتے ہوئے ایک جگہ سے دوسری جگہ دھکے کھاتے پھر رہے ہیں مگر ضلعی انتظامیہ حسب روایت دیگر مسائل کی طرح اس مسئلے پر بھی خاموش تماشائی کا کردار ادا کر رہی ہے۔ تاجروں کا کہنا ہے کہ چینی کی سپلائی نہ ہونے سے چینی کی قلت کا سامنا ہے، حکومت سپلائی کو یقینی بنائے تو ہم چینی فروخت کریں گے۔ چینی کی تلاش میں دھکے کھاتی عوام کا کہنا ہے کہ پاکستان کے شہری یہ بات اچھی طرح سمجھ چکے ہیں کہ پاکستان میں کسی بھی چیز کے سستی ہونے کا اب مطلب ہے کہ یہ چیز غائب اور عوام کی پہنچ سے دور ہو جائے گی۔ مگر یہ بات ہمارے حکمرانوں کو سمجھ نہیں آرہی، وہ سستی ہونیوالی چیز کی دستیابی کو یقینی بنانے میں بری طرح ناکام ہو چکے ہیں اور پاکستانیوں کو مافیاز کے رحم و کرم پر چھوڑ دیا گیا ہے۔ پہلے آٹا اور پٹرول غائب ہوئے، اب سپریم کورٹ کے حکم پر چینی کی قیمت 70 روپے فی کلو مقرر کی گئی تو وہ بھی غائب کر کے عوام کی مشکلات میں مزید اضافہ کر دیا گیا۔ حکومت مافیاز کے ساتھ جنگ لڑے یا صلح کرے۔ عوام کو اس سے کوئی مطلب نہیں، ان کا صرف یہی مطالبہ ہے کہ چینی کی فراہمی کو یقینی بنایا جائے۔ اور اگر اشیائے خوردونوش سستی کرکے غائب ہی کرنی ہیں تو حکومت ہم پر یہ مہربانی نہ کرے۔ خواب خرگوش سے بیدار ہو کیونکہ عوام اب مزید کسی بحران کے متحمل نہیں ہو سکتے۔شہریوں نے ضلعی انتظامیہ اور وزیر اعلیٰ پنجاب سے مطالبہ کیا ہے کہ خاموش تماشائی بننے کی بجائے ذمہ داری کا مظاہرہ کرتے ہوئے قصور میں چینی کی فراہمی کو یقینی بنایا جائے۔

قصور
پتوکی کے علاقے گہلن نہر کی قریبی راجباہ سے جواں سالہ شخص کی لاش برآمد لوگوں میں خوف و ہراس
تفصیلات کے مطابق پتوکی کے علاقے گہلن پھاٹک کے قریب واقع چھوٹی نہر سے پینتیس سالہ عالم نامی شخص کی لاش برآمد ہوئی ہے جسے پولیس تھانہ صدر پتوکی نے قبضہ میں لیکر پوسٹ مارٹم کے لئے پتوکی ہسپتال منتقل کردیا ہے پولیس کے مطابق عالم کے جسم پر کوئی ظاہری چوٹ یا نشان نہیں ہے تاہم پوسٹ مارٹم کی رپورٹ پر ہی اصل حقائق سامنے آئیں گے

قصور میں ایک بار پھر خون کی ہولی نفیس کالونی قصور سے تین روز قبل لاپتہ ہونے والے سات سالہ بچے کی لاش محلے کی پرائیویٹ پارکنگ سے کل دوپہر کو برآمد ہو گئی شبہ ہے کہ بچے کو بد فعلی کے بعد قتل کیا گیا ہے
تفصیلات کے مطابق تین روز قبل نفیس کالونی قصور کے رہائشی محنت کش غلام رسول کا سات سالہ بیٹا محمد بوٹا اچانک غائب ہو گیا تھا جس پر بچے کے والد اور اہل خانہ تلاش کرتے رہے اور ورثاء نے بچے کی گمشدگی کا پرچہ مقامی تھانے میں کروایا تھا تاہم مقامی پولیس نے بچے کی گمشدگی کا مقدمہ تو درج کرلیا مگر بچے کی تلاش شروع نا کی گزشتہ روز محلے کی ایک پرائیوٹ پارکنگ سٹینڈ میں موجود ایک کار سے بدبو آنے پر کار سے بچے کی لاش برآمد ہوگئی پولیس کا کہنا ہے کہ پوسٹمارٹم رپورٹ آنے کے بعد حتمی رائے دی جائے گی کہ بچے کے ساتھ جنسی زیادتی ہوئی ہے کہ نہیں
پولیس کی انویسٹی گیشن ٹیم کرائم سین نے پہنچ کر شواہد اکٹھے کرلئے تھے اور لاش کو پورسٹمارٹم کیلئے ڈسٹرکٹ ہیڈکوارٹر ہسپتال قصور منتقل کر دیا تھا

قصور
کوٹ رادھاکشن میں بھی پیٹرول کا مصنوعی بحران جاری لوگ انتہائی پریشان انتظامیہ بے بس

تفصیلات کے مطابق ملک بھر کی طرح کوٹرادھاکشن میں بھی پیٹرول کا مصنوعی بحران جاری ہے مختلف مقامات پر 120 روپے سے لےکر 150 روپے تک بلیک میں پیٹرول کی فروخت جاری ہے جس سے شہری انتہائی پریشان یں جبکہ انتظامیہ خاموش تماشائی بنی ہوئی ہے
لوگوں کی جانب سے بلیک میں پیٹرول کی فروخت کرنے والوں کی نشاندہی کرنے کے باوجود انتظامیہ نے تاحال کوئی کاروائی نہیں کی
پیٹرول پمپوں والے مبینہ طور پر 90 روپے میں ﺫخیرہ اندوزوں کو پیٹرول فروخت کر رہے ہیں جبکہ عوام کو پیٹرول کی پیچھے سے ترسیل نا ہونے کا بہانہ لگا کر ٹرخا دیا جاتا ہے
لوگوں کا کہنا ہے کہ سول انتظامیہ پیٹرول کے مصنوعی بحران پیدا کرنے والوں کے خلاف کاروائی کرنے میں مکمل ناکام ہو چکی ہے