Author: غنی محمود قصوری

بدنام زمانہ ڈاکو گرفتار

قصور
تھانہ الہ آباد پولیس کی کارروائی بدنام زمانہ مختلف سنگین وارداتوں میں ملوث مبشر عرف مبشری ڈون گینگ گرفتار کر لیا ۔ سیاسی و سماجی شخصیات کا پولیس کو خراج تحسین

تھانہ الہ آباد پولیس کی بروقت کارروائی جس کے نتیجہ میں بدنام زمانہ جرائم کی دنیا کے سوداگر مبشر عرف مبشری ڈون گینگ گرفتار کر لیا گیا ڈی ایس پی چونیاں خالد اسلم نے تھانہ الہ آباد پریس کانفرنس کرتے ہوئے صحافیوں سے گفتگو کرتے ہوئے کہا کہ تھانہ الہ آباد کی حدود ضلع بھر میں یہ گینگ مختلف سنگین وارداتوں جن میں روڑ ڈکیتی ، راہزنی ، چوری ، قتل و غارت میں ملوث تھے ڈی پی او قصور زاہد نواز مروت کے احکامات پر یہ کارروائی کا عمل شروع کیا گیا ڈی ایس پی چونیاں ، ایس ایچ او الہ آباد محسن سندھو ، اور سب انسپکٹر محمد شریف کی سربراہی میں یہ ٹیم تشکیل دی گئی دن رات کی انتھک محنت سائنسی اور تکنیکی بنیادوں پر بین الا اضلاعی گینگ مبشر عرف مبشری ڈون گینگ کو ٹریس کر کے گرفتار کیا گیا گینگ کے ارکان شاہد ، سفیان وغیرہ پولیس نے گرفتار کر لئے ملزمان سے انکشاف ہوا کہ خاص طور پر چوک الہ آباد و گردونواح میں ہونے والی ڈکیتیوں میں ملوث پائے گے جس پر ملزمان سے آتشی اسلحہ ، مال مسروقہ دو عدد موٹر سائیکل اور مبلغ نقدی پانچ لاکھ روپے موبائل فونز برآمد کر لئے گے ملزم مبشر عرف مبشری دون عسکری تنظیم سے ٹریننگ لے چکا ہے جس نے بین الا اضلاعی گینگ تشکیل دے رکھا ہے جو لاہور قصور میں ہونے والی میگا وارداتوں میں ملوث پائے گے ہیں ایسے خطرناک گینگ کی گرفتاری پر ڈی پی او قصور نے مقامی پولیس افسران کی کوشش کو سراہاتے ہوئے داد دی ۔

جولائی 3, 2020
ڈپٹی کمشنر کی چونیاں آمد

قصور
ڈپٹی کمشنر قصور منظر علی جاوید کی تحصیل ہیڈ کوارٹرز چونیاں آمد
چونیاں:تحصیل ہیڈ کوارٹرز میں اہم اجلاس کی صدارت اور عوامی امور پر بریفننگ لی
اسسٹنٹ کمشنر عدنان بدر نے ڈپٹی کمشنر کو عوامی ریلیف کیلئے کئے جانے والے اقدامات بتائے
اور اجلاس میں میونسپل کمیٹی چونیاں،الہ آباد،چھانگا مانگا،کنگن پور،تحصیل کونسل چونیاں کی شرکت کو یقینی بنایا
اجلاس میں سینیٹیشن پلان،انسداد تجاوزات،تحصیل کی کی خوبصورتی سمیت اہم امور پر گفتگو
چونیاں:واٹر فلٹریشن پلانٹس،واٹر سپلائی سکیموں کو مکمل فعال کرنے کی ہدایت
ڈپٹی کمشنر قصور منظر علی جاوید کی عوام کو پینے کے صاف پانی کی فراہمی کی ہدایت

جولائی 3, 2020
لوگوں کو عذاب قبر دکھانے کا منصوبہ

قصور
شدید گرمی و لوڈشیڈنگ لوگوں کا جینا دشوار بجلی آنے پر بھی وولٹیج انتہائی کم لوگوں کی الیکٹرونکس اشیاء برباد حکمرانوں سے رحم کی فریاد
تفصیلات کے مطابق قصور میں ملک بھر کی طرح سخت گرمی پڑ رہی ہے مسلسل کئی دنوں سے درجہ حرارت 46 سے 47 درجہ سینٹی گریڈ تک پہنچ رہا ہے اوپر سے ضلع بھر میں اور خصوصی طور پر سب ڈویژن راجہ جنگ میں شدید ترین لوڈ شیڈنگ کا سلسلہ جاری ہے مگر جب غلطی سے شہریوں کو بجلی مل بھی جاتی ہے تو وولٹیج انتہائی کم ہوتے ہیں جس سے فریج،اے سی،ایئر کولر اور یو پی ایس وغیرہ نہیں چلتے بلکہ مسلسل ٹرپنگ سے قیمتی اشیاء جل رہی ہیں جو کہ مہنگائی اور لاک ڈاؤن کے ستائے شہریوں کیلئے کسی عذاب سے کم نہیں خاص طور پر سب ڈویژن راجہ جنگ میں وولٹیج 90 سے 120 تک آتے ہیں جبکہ بیشتر علاقوں میں ٹرانسفارمر بھی 200 کے وی لگے ہوئے ہیں مگر اس کے باوجود بھی انتہائی کم وولٹیج لیسکو واپڈا قصور کی نا اہلی کا منہ بولتا ثبوت ہے
لوگوں نے حکمرانوں سے رحم کی اپیل کی ہے کہ قبر میں پتہ نہیں کیا معاملہ ہوگا یہاں ہمیں سخت گرمی میں لوڈشیڈنگ کی بدولت عذاب قبر کی جھلک دکھلانے کی حکومتی کوشش بند کی جائے

جولائی 3, 2020
جنسی زیادتی کی کوشش ناکام ملزم قابو

قصور
بچوں سے جنسی کی روک تھام نا ختم ہو سکی اوباش کی دس سالہ بچے سے جنسی زیادتی کی کوشش

تفصیلات کے مطابق پتوکی تھانہ سٹی پتوکی کے علاقہ میں دس سالہ بچے سے اوباش ملزم کی زیادتی کی کوشش ناکام ہو گئی تاہم بچے کے والد کی درخواست پر تھانہ سٹی پتوکی پولیس نے ملزم کو گرفتار کرلیا ہے
ملزم کو آج عدالت میں پیش کیا جائے گا اس واقعے پر لوگوں میں سخت غم و غصہ ہے جس پر لوگ قانون کو سخت کرنے کا مطالبہ کر رہے ہیں تاکہ ایسے درندوں کو سخت سے سخت سزا دے کر نشان عبرت بنایا جا سکے

جولائی 2, 2020
خون سفید ہو گیا، رشتے داری ختم

قصور
خون ہوگیا سفید قریبی رشتہ دار معمولی رنجش پر گھٹیا حرکتوں پر اتر آئے
غلام دستگیر صحافی،عطا محمد صحافی، کی والدہ کا گھر گلی کمہاراں والی میں ہے انکی والدہ نے شہذا زوجہ عبدالکریم کے بچوں کو کوڑا پھینکنے سے منع کیا اور کہہ کہ ہماری قریبی رشتہ داری کے بعد محلے داری بھی ہے یہاں کوڑا پھینکنا اچھی بات نہیں بچوں کو سمجھائیں جس پر رنجش میں رات کو غلام دستگیر کی والدہ اور بھابی گھر موجود تھیں کے گھر میں علزام علیہہ شہذا زوجہ عبدالکریم،بیٹا محسن عبدالکریم،خورشید زوجہ اشرف،اور عبدالکریم، آئے اور گالم گلوچ شروع کردی اور مار پیٹ شروع کردی اور اسی اثناء میں غلام دستگیر صحافی کی والدہ کے گھر آئے مہمان فریدہ بی بی اور اسکے بیٹے نے بیچ بچاؤ کروا کر جان چھڑائی اور انہوں نے کہا کہ آپ جائیں انکے بیٹے،خاوند گھر میں نہیں الزام علیہہ نے بڑے طیش میں آکر ،غلام دستگیر،محمدانعام،وغیرہ کو جان سے مارنے کی دھمکیاں دیتے ہوئے کہہ کہ ہم انکو گلی اور بازار میں گھسیٹیں گے اور دیکھ لیں گے

جولائی 2, 2020
اپنی من مانیا عروج پر عوام جائے بھاڑ میں

قصور
ڈی ایچ کیو ہسپتال قصور ایکسرے روم میں ڈاکٹر زونیرہ ریڈالیوجسٹ اور ایکسرے اٹینڈنٹ اسد فاروق کی من منایا عروج پر لوگ سخت پریشان
تفصیلات کے مطابق ڈی ایچ کیو ہسپتال قصور کے ایکسرے روم میں دو ایکسرے ٹکنیشن ہونے کے باوجود ڈاکٹر زونیرہ ریڈالیوجسٹ نے اسد فاروق ایکسرے اٹینڈ کو انچارج بنا دیا جبکہ اسد فاروق ایکسرے اٹینڈنٹ کی ڈیوٹی گیٹ پر ہے لیکن ڈاکٹر زونیرہ ریڈالیوجسٹ نے اس کی ڈیوٹی اپنے طور پر ایکسرے MLC کرنے اور ایکسرے رپورٹ تیار کرنے کے لیے اپنے پاس لگائی ہے جبکہ یہ کام ایکسرے ٹیکنیشن کا ہوتا ہے ایکسرے ٹیکنیشن ڈاکٹر زونیرہ ریڈالیوجسٹ کے سامنے بے بس ہے جبکہ اسد فاروق ایکسرے اٹینڈنٹ کی ڈیوٹی صبح 8 بجے سے لیکر دوپہر 2 بجے تک ہے ڈاکٹر زونیرہ ریڈالیوجسٹ نے اسد فاروق ایکسرے اٹینڈنٹ کو کھلی چھٹی دے رکھی ہے ڈاکٹر زونیرہ ریڈالیوجسٹ اور اسد فاروق ایکسرے اٹینڈنٹ اپنی مرضی کی رپورٹ بنانے میں مصروف اور ایکسرے رپورٹ دینے کے ریٹ مقرر کر دئیے گئے ہیں جب کوئی مسلہ بنتا ہے تو جواب طلبی ایکسرے ٹکنیشن کی ہو جاتی ہے۔ ایکسرے روم میں کیا کیا ہورہا ہے بڑے بڑے انکشافات ہو رہے ہیں جو رپورٹیں اپنی مرضی کی گئی تھیں ضلع قصور کی عوام کی ڈپٹی کمشنر قصور سے پر زور اپیل ہے کہ ان دونوں کے خلاف قانونی کاروائی کرکے انکوائری کا حکم دیا جائے۔

جولائی 1, 2020
ہمیں اپنی قومی زبان اردو لکھے اور بولے جانے پر شرمندگی کیوں؟ تحریر :غنی محمود قصوری

زبان اللہ کی طرف سے عطاء کردہ ایک خاص نعمت ہے جو کہ معاشرتی ضرورت کے تحت بولی جاتی ہے تاکہ ہمارا مخاطب ہماری بات کو سمجھ سکے
ہر علاقے ملک کی مختلف زبانیں ہیں اور اس کرہ ارض پر تقریبآ 6800 کے قریب زبانیں بولی جاتی ہیں مذید ان کے لہجے الگ سے ہیں اور اسی طرح پاکستان میں بھی ہے
ہماری قومی زبان اردو ہے جو کہ پورے پاکستان میں لکھی،پڑھی اور بولی جاتی ہے اس کے علاوہ تقریبآ 70 زبانیں مذید بھی پاکستان میں بولی جاتی ہیں مگر ان تمام کی طرز اور الفاظ بڑی حد تک اردو سے ہی مماثلت رکھتے ہیں
پاکستان کی کل آبادی کے 8 فیصد لوگ اردو بولتے ہیں اور یوں اردو پاکستان کی پانچویں بڑی اور دنیا کی نویں بڑی زبان ہے ماہرین لسانیات کے مطابق ہندی،ہندوی،ہندوستانی،دہلوی اور ریختہ بھی اردو کے قدیم نام ہیں اسی لئے اردو اتنی معروف اور دوسری زبانوں سے ملتی جلتی ہے کہ ہم بنگلہ دیش،انڈیا،نیپال غرضیکہ پورے برصغیر میں کہیں بھی اردو بولیں تو مخاطب کو بڑی حد تک سمجھ آ جاتی ہے اور ہماری معاشرتی ضرورت بھی پوری ہو جاتی ہے
دور غلامی میں 1849 میں انگریز نے معاشی ضرورت کے تحت پنجاب میں اردو کو دفتری زبان قرار دیا تھا اور 1947 میں قیام پاکستان کے وقت ریڈیو پاکستان سے قیام پاکستان کا اعلان بھی اردو میں ہی نشر کیا گیا تھا تاکہ ہم انگریز و ہندو کو باور کرا سکیں کہ ہم آزاد ہیں اب اپنی تہذیب و تمدن پر اپنی مرضی سے عمل پیرا ہو سکتے ہیں اور ہماری نسلیں اپنی تہذیب و تمدن اور ثقافت و مذہب پر آزادی سے عمل پیرا ہونگی اسی لئے بانی پاکستان قائد اعظم محمد علی جناح نے کہا تھا کہ پاکستان کی سرکاری و قومی زبان اردو ہے حالانکہ قائد اعظم معاشی ضرورت کے تحت انگریز کے سامنے انگریزی بولتے تھے مگر جب وہ اپنے ہم وطنوں سے ہمکلام ہوتے تو اردو ہی بولتے تھے بطور دلیل ان کی کئی آڈیو،ویڈیو ریکارڈنگ اب بھی موجود ہیں مگر افسوس کہ لاکھوں شہادتوں ،کھربوں روپیہ کی جائیدادوں اور لاکھوں عزتوں کی قربانی دے کر حاصل کرنے والے ملک پاکستان کو آزاد ہوئے تقریبآ 74 برس بیت گئے مگر افسوس کہ اب بھی ہماری سرکار اور ادروں سے انگریزی نا نکل سکی آج بھی ہمارے دفاتر میں نوٹیفیکیشن انگریزی میں جاری کئے جاتے ہیں اور ہمارا پڑھا لکھا طبقہ روانی سے انگریزی بولتا ہے اور لکھتا ہے اور اس پر فخر محسوس کرتا ہے جبکہ ہمارے ملک کی آبادی کا بہت بڑا حصہ اب بھی کم پڑھا لکھا یا پھر ان پڑھ ہے اس لئے ان کو انگریزی کی ہرگز سمجھ نہیں آتی اور وہ اسے سمجھنے کیلئے کسی پڑھے لکھے کے محتاج بن جاتے ہیں
پورے پاکستان میں لوگ اپنے اپنے علاقوں میں اپنی مادری زبانیں بولتے ہیں اور وہ تمام مادری زبانیں اردو سے کافی مماثلت رکھتی ہیں اس لئے جب کسی سے اردو میں بات کرتے ہیں تو وہ بندہ کافی حد تک اردو کو آسانی سے سمجھ لیتا ہے اور بڑی حد تک اردو بول بھی لیتا ہے
زندہ قوموں کی پہچان ان کی تہذیب و ثقافت سے ہوتی ہے اور ہم دنیا کی نویں بڑی زبان اردو ہونے کے باوجود انگریزی کو ترجیح دیتے ہیں حتی انسانی حقوق کا رونا رونے والی این جی اوز ہمارے لوگوں کو انگریزی میں ہدایات دے کر چلی جاتی ہیں اور وہ غریب ان پڑھ منہ دیکھتے رہ جاتے ہیں کہ آخر انہیں کہا کیا گیا ہے
اس کام میں ہماری سرکار بھی کسی سے کم نہیں اب جبکہ پوری دنیا کرونا کی لپٹ میں ہے اور پوری دنیا اپنے باشندوں کو اپنی قومیں زبانوں میں ہدایات جاری کر رہی ہیں وہیں آج ہماری گورنمنٹ نہایت افسوس کیساتھ انگریزی میں ہدایات جاری کر رہی ہے جس کی مثال یہ ہے کہ ان پڑھ و کم پڑھے لکھے لوگوں نے بڑی مشکل سے ہلاک کو انگریزی میں ایکسپائر Expire ,Death رٹا ہوا تھا اب اس کی جگہ Deceased نے لے لی جبکہ تشویشناک کو لوگوں نے سیریس Serious رٹا تھا اب اس کی جگہ کریٹیکل critical نے لے لی اسی طرح Infected, Symptoms اور کئی الفاظ آ گئے جس سے عام لوگ بہت پریشان ہیں کہ بھئی یہ کیا بلا ہیں یہی وجہ ہے کہ قوم کرونا پر جاری ہدایات پر صحیح طرح سے عمل پیرا نہیں ہو رہی کیونکہ ان کو ان الفاظ کا علم ہی نہیں اور لوگوں کے پاس ایک دوسرے کو سمجھانے کا زیادہ وقت ہی نہیں سو انگریز کی غلامی کا طوق اتارتے ہوئے ہمیں اپنے دفتروں،بازاروں،گھروں اور سرکاری اداروں میں سو فیصد اردو بولنی،لکھنی اور پڑھنی چاہیے تاکہ دو قومی نظریے اور آزادی پاکستان کا مقصد واضع ہو سکے اور ہم ایک زندہ و جاوید آزاد قوم کہلوا سکیں اس میں کوئی شرم نہیں ہونی چاہیئے کیونکہ یہ ہماری قوم زبان ہے ہاں معاشی ضرورت کے تحت انگریزی،ہندی،فارسی،اور دیگر زبانوں کے بولنے میں کوئی حرج نہیں بلکہ انہیں معاشی ضروت کے تحت سیکھا اور بولا جائے نا کہ قومی زبان سمجھ کر

جون 30, 2020
پانی چوروں کی شامت

قصور
ڈپٹی کمشنر قصور منظر علی جاوید کی ہدایت پر پانی چوری روکنے کیلئے اجلاس
ضلعی انتظامیہ قصور پانی چوری کرنے والوں کے خلاف متحرک ہوگئی
تفصیلات کے مطابق ضلعی انتظامیہ قصور اور اے سی عدنان بدر کی زیر نگرانی اجلاس میں پانی چوروں کے خلاف کارروائی کا فیصلہ کیا گیا ہے جس میں سرکاری پانی چوروں کے خلاف کارروائی کیلئے کنٹرول روم قائم کر دیا گیا
پانی چوروں کو پکڑنے کیلئے خفیہ چھاپے مارے جائیں گے اور فوری مقدمات درج کروائے جائینگے

جون 30, 2020
پیٹرولنگ پولیس کی آگاہی مہم

قصور
پیٹرولنگ پولیس بھوئے آصل تحصیل کوٹ رادھاکشن کا کورونا سے محفوظ رہنے کیلئے سیمینار کا انعقاد عوام کو مختلف چیزوں کی افادیت سے آگاہ کیا گیا
تفصیلات کے مطابق پٹرولنگ پولیس بھوئے آصل تحصیل کوٹ رادھاکشن نے عوام میں کورونا وائرس سے بچاؤ، ہیلپ لائن 1124 کی افادیت ، ہیلمٹ کا استعمال، ایکسڈینٹ سے بچاؤ وغیرہ کاشعور اجاگر کرنے کے لئے ایک سیمنار کا انعقاد کیا جس میں لوگوں کو آگاہی دی گئی انچارج پوسٹ بھوئے آصل پرویز خالد کا ایس پی پٹرولنگ میڈم شائستہ ندیم صاحبہ اور ڈی ایس پی پیٹرولنگ قصور غیاث الدین کی زیرنگرانی چھانگا مانگا چوک ، ہسپتال و دیگر پبلک مقامات پر عوام میں آگاہی دی گئی اور عوام میں پمفلٹ تقسیم کیے گئے علاقہ کی سیاسی و سماجی شخصیات نے پیٹرولنگ پولیس کی اس کاوش کو خوب سراہا ہے

جون 30, 2020
خون کے عطیات،مذید کی درخواست

قصور
چونیاں میں جذبہ ایثار کے تحت لوگوں نے خون عطیہ کیا
تفصیلات کے مطابق کنگن پور میں تھیلیسیمیا کئیر فاونڈیشن کنگن پور کی طرف سے چونیاں سٹی میں چونیاں بلڈ ڈونر سوسائیٹی اور ایثار فاونڈیشن کے تعاون سے بلڈ کولیکشن کیمپ کا انعقاد کیا گیا جس میں اہلیان چونیاں نے دل کھول کر خون کے عطیات دیے تھیلیسیمیا کے مریض بچوں کے لئے 30 خون کی بوتلیں جمع کی گئیں جس میں ام نصرت فاونڈیشن لاہور کے پیرا میڈیکل سٹاف نے بلڈ کی کولیکشن کی
تھیلیسیمیا کیئر فاؤنڈیشن نے ضلع قصور اور کنگن پور کے گردونواح کے جوانوں سے اپیل کی ہے کہ وہ خون کا عطیہ کر کے ان بچوں کے لئے زندگی کا ذریعہ بنیں کیونکہ ان بچوں کو ہر ہفتے ایک خون کی بوتل کی ضرورت ہوتی ہے اور یہ بچے آپ کے خون کی بدولت اللہ رب العزت کی عطا کردہ زندگی گزار پاتے ہیں ان بچوں کی زیادہ سے زیادہ زندہ رہنے کی مدت 20 سال تک ہے تو آ گے بڑھیں اور زندگی بچائیں جب تک ان بچوں کی سانسیں دنیا پر ہیں
برائے رابطہ
03004275203
اشرف شاہین چئیرمین تھیلیسیمیا کئیر فاؤنڈیشن کنگن پور تحصیل چونیاں ضلع قصور

جون 30, 2020