Author: غنی محمود قصوری

قصور
چونیاں بنیادی مرکز صحت بونگی کلیاں کے ملازم جاوید نے سرکاری ادویات بازارمیں فروخت کرنا شروع کردیں
تفصیلات کے مطابق نواحی قصبہ بونگی کلیاں میں قائم بنیادی مرکز صحت میں تعینات ملازم جاوید نے سرکاری ادویات کو غیر قانونی طور پر بیچنا وطیرہ بنا لیا ملزم جاوید ہسپتال میں رہتے ہوئے ایک پرائیویٹ کلینک گاؤں مچھانہ چلا رہا ہے
گذشتہ روز ڈی ڈی ایچ او چونیاں نے اسسٹنٹ کمشنر چونیاں عدنان بدر کی ہدائیت پر مخبر کی اطلاع کے مطابق نواحی قصبہ بھاگیوال اور مچھانہ میں کارروائی کی جس کے نتیجہ میں بونگی کلیاں بنیادی مرکز صحت میں تعینات ملازم جاوید ہسپتال سے ادویات چوری کرکے اپنے کلینک اور اپنے بھائی عمران کے کلینک پر دیتا تھا جس پر ڈی ڈی ایچ او چونیاں نے کارروائی کرتے ہوئے مذکورہ کلینک کو سیل کردیا ملزم جاوید کے بھائی عمران جو کہ عطائی ڈاکٹر ہے سیل کردہ کلینک کو غیر قانونی طور پر ڈی سیل کردیا سرکاری نوکری کا ناجائز فائدہ اٹھاتے ہوئے ملزم محمد جاوید نے اتائیت کو تقویت دی اور قانون کو ہاتھ میں لیا جبکہ اہل علاقہ سمیت دیگر سماجی شخصیات نے اسسٹنٹ کمشنر چونیاں اور دیگر اداروں سے اپیل کی ہے کہ سرکاری ادویات کو چوری کرکے اپنے پرائیویٹ کلینک پر استعمال کرنے اور سرکاری ملازم ہونے کے ناطے سیل کردہ کلینک کو ڈی سیل کرنے پر اسکے خلاف جلد کارروائی عمل میں لائی جائے

قصور
پتوکی کے علاقے سرائے مغل میں پکنک منانے اور تربوز کھانے کے لیے جانے والے چار نوجوان
در یاۓ راوی میں نہاتے ہوئے ڈوب گئے مقامی لوگوں نے دو نوجوانوں کو بچا لیا جبکہ شکیل اور عنصر کی تلاش جاری
تفصیلات کے مطابق پتوکی کے علاقے سراۓ مغل کے نواحی علاقہ ججہ کلاں کے رہائشی 2 نوجوان نہاتے ہوئے دریائے راوی میں ڈوب گئے
ڈوبنے والے نوجوان گرمی سے تنگ آ کر دریائے راوی میں دوستوں کے ہمراہ نہانے گئے تو دونوں تیز لہروں کی وجہ سے ڈوب گئے جنکی شناخت شکیل اور عنصر کے نام سے ہوئی ہے اور ابھی تک لاپتہ ہیں
ریسکیو 1122 کی ٹیمیوں نے موقع پر پہنچ کر تلاش شروع کر دی ہے لیکن تا حال دونوں میں سے کسی کی بھی نعش نہیں مل سکی

قصور
سانحہ کھڈیاں پر لوگوں کا ایک بار پھر سرعام پھانسی کا مطالبہ لوگوں کا کہنا ہے اگر اس جیسے واقعات روکنے ہیں تو سرعام پھانسی کا نفاذ کرنا ہوگا
تفصیلات کے مطابق عید الفطر کے دن پنچاب پیٹرولنگ پولیس کے اہلکار نے کھڈیاں قصور کے رہائشی 18 سالہ حافظ قرآن نوجوان سمیع الرحمن کو بدفعلی پر راضی نا ہونے پر اس کے باپ اور بھائی کے سامنے گولی مار کر قتل کر دیا تھا جس پر ملزم کے خلاف ملک بھر خاص طور پر قصور و گردونواح سے سخت موقف آیا تھا لوگوں کا کہنا ہے کہ ماضی میں بھی ملزم کم سزاؤں کی بدولت رہا ہوتے رہے جس کی بدولت ایسے سانحات رونما ہوتے ہیں لہذہ حکومت اکیلا نوٹس لینے کی بجائے ملزم کو سرعام پھانسی دے تاکہ دوسرے لوگ عبرت حاصل کریں
لوگوں نے پورے کھڈیاں خاص اور گردونواح میں بینرز آویزاں کر دیئے ہیں جن کا مقصد گورنمنٹ تک اپنی بات پہنچانا ہے

قصور
چونیاں میں تجاوزات مافیا پھر سرگرم،تحصیل انتظامیہ بے بس
تفصیلات کے مطابق چونیاں شہر میں ایک بار پھر سے تجاوزات مافیا کا راج ہو چکا ہے تجاوزات اتنی زیادہ بڑھ گئی ہیں کہ ایکسچینج روڈ تنگ پڑگیا ہے قبضہ مافیا نے دونوں اطراف رہڑھیاں، چھابڑیاں لگا کر راستہ کو تنگ کر دیا ہے جس سے پیدل چلنے والوں اور گاڑیوں کو گزرنے میں شدید مشکلات کا سامنا ہے تنگ سڑک کے باعث رش کے دوران لڑائی جھگڑا معمول بن چکا ہے میونسپل کمیٹی افسران و انتظامیہ نے علم ہونے کے باوجود چپ سادھ رکھی ہے
شہریوں کی کمشنر لاہور ڈویژن اور ڈی سی قصور سے نوٹس لینے کی اپیل

قصور
الہ آباد میں اج کل دن رات وارتیں، کراٸم ریٹ ہاٸی لیول پر جس سے ہر شہری خوف میں مبتلا نظر ارہا ہے دوکاندار،تاجر ، بزرگ ،بچے سب اس ڈر میں سہمے ہوۓ ہیں کہ کب کوٸی آئیگا اور لوٹ کر لے جاۓ گا
تفصیلات کے مطابق قصور کی تحصیل چونیاں کا قصبہ الہ آباد آجکل کرائم کا گڑھ بن چکا ہے دن رات مسلسل وارداتیں ہو رہی ہیں جس اے ہر کوئی ڈرا سہما اور پریشان ہے اور ایسا تب ہوتا ہے جب پولیس کرپٹ رشوت خور ہو جائے اور جراٸم پیشہ افراد کو کوٸی پریشانی نا ہو کہ اگر اور یقین ہو کہ اگر پکڑے گئے تو نوٹوں کی چمک دیکھا کر چھوڑ دیئے جائینگے پولیس اب نااہلی چھپانے کیلئے ہر بے قصور کو پکڑ کر تھانے میں لے جا کر تشدد کر رہی ہے اور اسکو منانے کی کوشش کرتے ہیں ایسا واقعہ تھانہ الہ اباد میں پیش اچکا ہے ایک بندے کے گھر سے موٹرساٸکل چوری ہوٸی اور اس پر دوسری جگہ ورادت ہوٸی بندہ سیدھا سادہ تھا ریسکیو 15 کال نہیں کرسکا اور درخواست 2 گھنٹے لیٹ دی بس پولیس نے اسکو معززین کے ذریعے تھانہ میں بلوایا اور اسی بندے کو ایس ایج او محسن نے حوالات میں بند کردیا اور 4 تھپڑ مار کر جب پتہ چلا کہ تھانیدار کی غلطی ہے اس نے تاریخ غلط بتاٸی ہے تو اس غریب بندے کو چھوڑ دیا یہاں پر یہ کہنا غلط نہ ہوگا کہ اس شہر کے اندھے لوگ اور اندھا قانون جس پر اہلیان شہر سخت پریشان ہیں

قصور
میونسپل کمیٹی پتوکی کے سینٹری انسپکٹروں کا کارنامہ ہر طرف شہر بھر میں جگہ جگہ کوڑا کرکٹ گندگی کے ڈھیر ،اور سیوریج سسٹم ناکارہ ہوکر رہ گیا

تفصیلات کے مطابق بلدیہ ملازمین پتوکی نے سیوریج کی صفائی والی مشینیں ناکارہ کرکے خالی پلاٹوں میں کھڑی کر دی ہیں
میونسپل کمیٹی عملے نے لاکھوں روپے مالیت کی مشینوں کو لاوارث چھوڑ دیا گیا ہے مگر اس بابت بلدیہ ملازمین کو کوئی پوچھنے والا نہیں ہے
میونسپل کمیٹی پتوکی کے سینٹری انسپکٹروں نے علم ہونے کے باوجود آنکھیں بند کر رکھی ہیں
میونسپل کمیٹی پتوکی سینٹری انسپکٹروں کی جانب سے اسسٹنٹ کمشنر پتوکی کو سب اچھا کی رپورٹ پیش کی جانے لگی
شہریوں نے اسسٹنٹ کمشنر پتوکی آصف علی ڈوگر ،ڈی سی قصور منظر علی جاوید ،چیف سیکرٹری پنجاب ،وزیر اعلی پنجاب سے فوری طو رپر نوٹس لینے کی اپیل کی ہے

پتوکی / کرپٹ نا اہل سینٹری انسپکٹروں کو فوری طورپر نوکری سے فارغ کر کے نئے ایماندار عملے کو تعینات کریں

محمد نوید بھٹی جوائنٹ سیکرٹری پریس کلب رجسٹرڈ پتوکی 03004413910

قصور
الہ آباد محلہ خوشی گجر میں سیوریج کا نظام درہم برہم افسران سمیت عملہ خواب خرگوش میں مدہوش
تفصیلات کے مطابق الہ آباد میونسپل کمیٹی کی مبینہ غفلت سے محلہ خوشی گجر میں سیوریج کا نظام درہم برہم ہو گیا ہے ہر روز گٹر ابلنے لگے ہیں جس سے سیوریج کا گندا پانی لوگوں گھروں میں داخل ہو جاتا ہے اور اس مہلک بیماریوں کے پیدا ہونے کا خدشہ ہے
گلیوں بازاروں میں گندے پانی سے بازار تالاب بن چکے ہیں جس سے لوگوں کا پیدل گزرنا بھی محال بن گیا ہے شہری محمد طالب ، وسیم خاں ، محمد ظفر اقبال ، محمد رفیق ، عبدالحمید و دیگر نے بتایا کہ مقامی انتظامیہ میونسپل کمیٹی کے عملے سمیت افسران بھی خواب خرگوش کے مزے لے رہے ہیں
ہم نے متعدد مرتبہ انتظامیہ کو باور کروایا مگر کوئی عمل درآمد نہیں ہوسکا
علاقہ مکینوں نے ارباب اختیار سے فوری نوٹس لینے کی اپیل کی ہے