Author: غنی محمود قصوری

قصور
ڈپٹی ڈائریکٹر زراعت میاں نوید امجد کی جعلی زرعی ادویات بنانے والوں کے خلاف کاروائی

تفصیلات کے مطابق ڈپٹی ڈائریکٹر زراعت قصور کا تحصیل چونیاں کے علاقہ آلہ آباد میں چھاپہ دوران چھاپہ دو نمبر زرعی غذائی زہر بنانے والی فیکٹری پر حساس ادارے کی نشاندہی پر مارا گیا ملزم صابر علی نے ایک یونٹ بنا رکھا تھا جہاں دونمبر مال تیار کیا جاتا تھا ڈپٹی ڈائریکٹر زراعت نے اپنی ٹیم کے ہمراہ کاروائی کرتے ہوتے الیکٹرونک کنڈا پیکنگ مشین خالی تھلیے اور دیگر سامان قبضے میں لے لیا ملزم موقعہ سے فرار ہونے میں کامیاب ہوگیا ملزم کے خلاف مقدمے کے اندارج کے لیے درخواست تھانہ آلہ آباد میں دے دی گئی ہے

قصور
چونیاں کے علاقے آٹاری کرم سنگھ میں ناقص پیٹرول اور ناقص ڈیزل کی سرعام فروخت جاری ہے عوام کا اسسٹنٹ کمشنر عدنان بدر چونیاں سے فوری نوٹس کی اپیل
تفصیلات کے مطابق اٹاری کرم سنگھ روڑ پر شمشاد پیٹرول پمپ مالک ناقص اور غیر معیاری تیل فروخت دھڑلے سے فروخت کر رہا ہے محمد اقبال توصیف اور توصیف نے صحافیوں کو بتایا کہ شکایت کرنے والوں کو پیٹرول پمپ مالک سنگین نتائج کی دھمکیاں دیتا ہے جبکہ پیٹرول پمپ مالک نے موقف اختیار کیا کہ مہنگائی بہت زیادہ ہے یہ سب کچھ کرنا پڑتا ہے جو کہ ہماری مجبوری ہے

قصور
کل شام نیا بازار میں مقامی تاجر پر فائرنگ کا معاملہ تا حال حل پذیر
تفصیلات کے مطابق کل شام سرور نامی تاجر کی دکان پر نامعلوم شحض نے فائرنگ کی جس کی فوٹیج میں ایک نامعلوم ملزم کو دکان پر فائرنگ کرتے دیکھا جاسکتا ہے ملزم کی فائرنگ سے دکان کے تمام شیشے ٹوٹ گئے تاہم دکان کا عملہ محفوظ رہا سرور نامی تاجر کی نیا بازار میں جوتے فروخت کرنے کی دکان ھے
پولیس تھانہ اے ڈویژن ایس ایچ او وحید عارف تاحال ملزم گرفتار نہ کر سکے ہی جس پر تاجر خوف کا شکار ہیں
جبکہ پولیس کا کہنا ہے کہ ملزم کی گرفتاری کے لئے جدید ٹیکنالوجی استعمال کر رھے ہیں اور جلد گرفتار کرلیں گے

قصور
چھانگا مانگا اور پتوکی کو ملانے والا نہر کا خونی پل پھر کسے بڑے سانحے کا منتظر اسی پل پر پہلے بھی 26 افراد جانبحق ہوئے تھے گزشتہ دس سال سے تاحال زیر تعمیر
تفصیلات کے مطابق پتوکی اور چھانگا مانگا کو ملانے والا نہر کا پل گزشتہ دس سالوں سے زیر تعمیر ہے اس پل کی چوڑائی بہت کم جبکہ سڑک کی چوڑائی زیادہ ہے جس کے باعث چند سال قبل رائیونڈ سے پتوکی جانے والی تیز رفتار ٹویوٹا ہائی ایس وین سڑک سے نیچے نہر میں جا گری تھی اور اس حادثے میں تقریباً 26 مسافر اپنی جانوں سے ہاتھ دھو بیٹھے تھے اب یہ پل انتہائی خستہ حال ہو چکا ہے اور پھر کسی بڑے سانحے کا باعث بن سکتا ہے
مقامی شہریوں نے وزیراعلی اور ڈی سی قصور سے نوٹس لے کر اس تعمیر کروانے کی استدعا کی ہے

قصور
واپڈا رورل ایریا پتوکی میں بجلی کی آنکھ مچولی کے ساتھ لوڈ شیڈنگ بھی جاری لوگ پانی کی بوند بوند کو ترس گئے حکام بے خبر

تفصیلات کے مطابق پتوکی فیڈر ہنجرائے کلاں میں بجلی کی بندش سے لوگوں کو شدید مشکلات کا سامنا اور ایسا کئی دنوں سے ہو رہا ہے جس سے لوگ سخت پریشان ہیں سخت گرمی بھی پر رہی ہے اور بجلی بھی سارا سارا دن غائب رہتی ہے جس سے لوگوں کو گھروں میں پانی پینے اور نہانے کیلئے میسر نہیں لوگ واپڈا پتوکی سے سخت نالاں ہیں اور اس بابت
اعلی حکام فوری طورپر نوٹس لینے کی اپیل کی ہے

قصور
سول ایریا کے لائن مین لطیف مسیح اور عملے نے ظلم کی انتہا کردی غریب لوگوں کو ناجائز بل ڈال کر بلیک میل کرنے لگے رکارڈ یافتہ راشی لائن مین سول ایریا لطیف مسیح غریب لوگوں کو بلیک میل کرنے سے باز نا آیا
تفصیلات کے مطابق قصور سٹی سول ایریا کے لائن مین لطیف مسیح نے اندھیر نگری مچا رکھی ہے صحافی عامر علی بھٹی کے بڑے بھائی عابد حسین درزی کو فری کپڑے سلائی نہ کرنے پر 33188 روپے بجلی کا بل ڈال دیا جبکہ بستی سنتوکسر میں نور الہی کو بھی 28873 ہزار روپے کا بل ڈال دیا لطیف مسیح اور میٹر انسپکٹر نے مل کر ایک خود ساختہ ٹیم بنا رکھی ہے اور رشوت کا بازار گرم کر رکھا ہے قصور سٹی میں جگہ جگہ ڈائریکٹ تاریں لگو اکر افسران کو منتھلی اکھٹی کرکے دینے لگے جس سے محکمہ واپڈا کو کروڑوں کا نقصان ہو رہا ہے پہلے بھی لطیف مسیح کے خلاف درخواستیں دائر ہو چکی ہیں پر یہ راشی اہلکار باز نہیں آیا

قصور
پتوکی میں جگہ جگہ فحاشی کے اڈے قائم ہو گئے جس سے نوجوان نسل تباہ ہونے لگی شہری پریشان
تفصیلات کے مطابق پتوکی شہر میں جگہ جگہ فحاشی کے اڈے قائم ہو چکے ہیں جہاں شریف گھرانوں کی مجبور اور سکول و کالج کی لڑکیوں کو ورغلا کر ان فحاشی کے اڈوں پر انکی عزت تار تار کی جانے لگی ہے ان فحاشی کے اڈوں کی نائیکہ اتنی با اثر ہیں کہ پولیس انکے خلاف کاروائی کرنے سے گریزاں اس بارے شہریوں میں سخت تشویش پائی جا رہی ہے
پتوکی کے شریف شہریوں اور سول سوسائٹی نے ان اڈوں کے خلاف سخت ایکشن لینے کی اپیل کی ہے

قصور
حافظ قرآن مقتول سمیع کے والد سے سیاسی و سماجی شخصیات کی آمد کا سلسلہ جاری واقعہ پر دکھ کا اظہار اور تعاون کی یقین دہائی گورنمنٹ سے جلد سے جلد ملزم کو کیفر کردار تک پہنچانے کا مطالبہ
تفصیلات کے مطابق کل مشہور سماجی شخصیات پروفیسر سیف اللہ خالد ،حاجی عبدالغفار منصور اور دیگر معززین علاقہ کے علاوہ سردار محمد حسین ڈوگر نے کھڈیاں خاص میں شہید ہونے والے حافظ سمیع الرحمان کے والد محترم قاری خلیل الرحمن سے اظہارِ تعزیت کی اور ہر قسم کے تعاون کی یقین دہانی کرائی اس موقع پر اے ایس پی قصور حنان صاحب ایس ایچ او تھانہ کھڈیاں خاص حاجی اشرف اور سردار محمد حسین ڈوگر رہنما پاکستان تحریک انصاف موجود تھے
معززین نے حکومت وقت سے جلد سے جلد ملزم کو کیفر کردار تک پہنچانے کا مطالبہ کیا

قصور شہر میں عید کے تیسرے روز بھی بعد بھی چکن کے ریٹ میں ہوشربا اضافہ
قصور شہر میں سرکاری ریٹ 260 روپے ہے جبکہ دوکاندار حضرات 300 روپے فی کلو کے حساب سے چکن سیل کرنے میں مصروف ہیں جس سے لوگ سخت پریشان ہیں
رائیونڈ شہر میں پرائس کنٹرول کا عملہ غائب شہریوں کو لوٹنے کے لیے دکانداروں کے رحم وکرم پر چھوڑدیا گیا ہے
قصور کے شہریوں کا اسسٹنٹ کمشنر اور پرائس کنٹرول مجسٹریٹ سے مطالبہ ہے کہ چکن کے ریٹس کو کنٹرول کیا جائے تاکہ غریب اور دیہاڑی دار لوگ بھی مرغی کا گوشت کھا سکیں

وزیراعلیٰ پنجاب سردار عثمان بزدار کا قصور کے علاقے کھڈیاں میں حافظ قرآن طالبعلم کے قتل کے واقعہ کا نوٹس
انسپکٹر جنرل پولیس سے رپورٹ طلب کر لی اور واقعہ میں ملوث گرفتار ملزم کو قانون کے تحت عبرتناک سزا دینے کا فیصلہ مذید کہا کے ملزم کے خلاف قانونی کارروائی کا عمل جلد سے جلد مکمل کر کے چالان عدالت میں پیش کیاجائے کیونکہ معصوم طالبعلم کو نا حق قتل کرنے والا ملزم کسی رعایت کا مستحق نہیں ہے اور
مقتول حافظ قرآن کے غمزدہ خاندان کو انصاف دلانا میری ذمہ داری ہے میں یقین دلاتا ہوں کہ مقتول کے لواحقین کو انصاف فراہم کر کے دم لونگا
وزیراعلیٰ عثمان بزدار کا مقتول طالبعلم کے اہل خانہ سے دکھ اور افسوس کا اظہار کیا