قصور
پنجاب کی سب سے زیادہ خونی سڑک رائیونڈ قصور روڈ پر ایک اور حادثہ
تفصیلات کے مطابق کل شام 6 بجے کے قریب غریب اٹھیل پور کے مقام پر ایک تیز رفتار موٹر سائیکل کو بچاتے ہوئے کنٹینر سڑک سے نیچے درختوں سے سے جا ٹکرایا جس کے نتیجے میں کنٹینر کا اگلا حصہ مکمل طور پر تباہ ہو گیا لوگوں نے اپنی مدد آپ کے تحت ڈرائیور کو نکالنے کی کوشش کی مگر کنٹینر کا اگلا حصہ اندر کی طرف دھنس چکا تھا لوگوں نے نے ریسکیو 1122 کو کال کی جنہوں نے موقع پر پہنچ کر آدھے گھنٹے کی مشقت سے کنٹینر کے اگلے حصے کو کاٹ کر ڈرائیور کو کو باہر نکالا اور ہسپتال منتقل کیا ڈرائیور کی ٹانگ ٹوٹ گئی اور شدید چوٹیں آئیں اس سڑک پر حادثات کی بڑی وجہ سڑک کا مکمل ٹوٹ جانا اور سڑک کا کم چوڑا ہونا ہے جسکی بدولت آئے روز حادثات رونما ہوتے رہتے ہیں
Author: غنی محمود قصوری
خونی سڑک پر ایک اور حادثہ
کرونا وائرس کے مسئلے میں الجھی دنیا کے نام رمضان کا پیغام!!! از قلم: غنی محمود قصوری
اسلامی سال کا نواں مہینہ رمضان کا ہے اس مقدس مہینے میں قرآن مجید کا نزول ہوا
اللہ تعالی فرماتے ہیں
یقیناً ہم نے اسے شب قدر میں نازل فرمایا ۔ سورہ القدر 1
اس لئے اس مہینے کی حرمت باقی مہینوں سے زیادہ ہے اس مہینے میں مسلمان اپنے رب کو راضی کرنے کیلئے روزہ رکھتے ہیں سحری سے لے کر نماز مغرب تک مسلمان اپنے رب کے حکم سے کھانے پینے سے رک جاتے ہیں اس مہینے کی فرضیت بارے اللہ تعالی فرماتے ہیں
اے ایمان والوں تم پر روزے رکھنا فرض کیا گیا ہے جس طرح تم سے پہلے لوگوں پر فرض کئے گئے تھے تاکہ تم تقوی اختیار کر سکو! سورہ البقرہ 183
اس آیت میں اللہ تعالی نے وضع کر دیا کہ پہلی امتوں پر بھی روزے فرض تھے جیسے ہم پر فرض ہیں اور روزہ رکھنے سے بندہ متقی پرہیز گار بنتا ہے سو پرہیز گاری کو قائم رکھنے کیلئے اور اسلام پر ڈٹ جانے کیلئے روزے فرض کر دئیے گئے ہیں اللہ رب العزت کا مقصد روزے فرض کرکے ہمیں متقی اور پرہیز گار بنانا ہے جب بندہ متقی اور پرہیز گار بنتا ہے تب وہ جھوٹ ،غیبت،زنا ،چوری،ڈاکا غرضیکہ ہر برائی سے بچتا ہے اور نیکی کی طرف راغب ہوتا ہے
انسان پورا سال غلطیاں گناہ کرتا رہتا ہے مگر وہ اس سے بے خبر رہتا ہے اور متقی بننے کی کوشش نہیں کرتا مگر آمد رمضان کیساتھ ہی مساجد نمازیوں سے بھر جاتی ہیں صدقہ و خیرات کی بہتات ہو جاتی ہے اور ہر بندہ تزکیہ نفس کی کوشش کرتا ہے تاکہ وہ متقی بن جائے اور اللہ کی طرف سے متقیوں کے لئے طے کردہ انعام جنت الفردوس کا حق دار ٹھہرے
یہ مہینہ بہت برکتوں رحمتوں والا ہے اس مہینے اگر مسلمانوں کی عبادات بڑھ جاتی ہے تو اللہ رب العزت بھی اپنے بندوں کیلئے نیکیوں کا خزانہ کھول دیتے ہیں ایک کی گئی نیکی کے اجر کو بڑھا کر ستر گناہ یا اس سے بھی زیادہ اجر کر دیا جاتا ہے
اس مہینے میں جہاں حقوق اللہ پر زور دیا گیا ہے وہاں حقوق العباد پر بھی خوب زور دیا گیا ہے اور شرک سے بچنے کے بعد اللہ تعالٰی نے سب سے زیادہ زور حقوق العباد یعنی بندوں کے حقوق پر دیا ہے
اللہ تعالی فرماتے ہیں
ساری اچھائی مشرق اور مغرب کی طرف منہ کرنے میں ہی نہیں بلکہ حقیقتًا اچھا وہ شخص ہے جو اللہ تعالٰی پر قیامت کے دن پر فرشتوں پر کتاب اللہ اور نبیوں پر ایمان رکھنے والا ہو جو مال سے محبت کرنے کے باوجود قرابت داروں یتیموں مسکینوں مسافروں اور سوال کرنے والوں کو دے غلاموں کو آزاد کرے نماز کی پابندی اور زکٰوۃ کی ادائیگی کرے جب وعدہ کرے تب اسے پورا کرے تنگدستی دکھ درد اور لڑائی کے وقت صبر کرے یہی سچّے لوگ ہیں اور یہی پرہیزگار ہیں ۔ سورہ البقرہ 177
اس مہینے میں ہماری عبادات کا دائرہ کار تو وسیع ہونا ہی ہے مگر اس کیساتھ لوگوں کے حقوق بھی ہم پر بڑھ جاتے ہیں اپنے اردگرد قرب و جوار خاندان برادری گلی محلے کے لوگوں کی مدد ہم پر نفلی و فرضی عبادت کی طرح بڑھ جاتی ہے سو ہمیں چاہئیے کہ ہم اپنے سے کم اور غریب لوگوں کا زیادہ سے زیادہ مالی و ہر طرح کا خیال رکھیں تاکہ وہ بھی ماہ مقدس کے روزے رکھ کر سکون حاصل کر سکیں کیونکہ فرمان مصطفی ہے کہ اللہ تعالیٰ بندے کی مدد میں اس وقت تک لگا رہتا ہے جب تک بندہ اپنے بھائی کی مدد میں لگا رہتا ہے یہاں بھائی سے مراد تمام مسلمان ہیں
چونکہ اس وقت پوری دنیا کووڈ 19 یعنی کرونا وائرس کی لپٹ میں ہے جس سے لوگوں کے کاروبار ختم ہو چکے ہیں لوگ کھانے پینے سے محروم ہیں اس صورت میں جہاں فرضی و نفلی عبادت ہم پر فرض ہے ویسے ہی اپنے بھائیوں کی مالی مدد اور اپنی عبادات کے دوران ان کے لئے دعا بھی ہم پر فرض ہے تاکہ اللہ رب العزت راضی ہو کر ہماری مدد میں لگے رہیں اور ہم اپنے بھائیوں کی مدد کی بدولت رحمت الہی سے فیض یاب ہوتے رہیں سو رمضان گزر رہا ہے اپنے بھائیوں کی مدد میں لگ جائیں ان کے کھانے پینے ان کی رہائش و آسائش کا اہتمام جلد سے جلد کیجئے تاکہ ایک نیکی کے بدلے ہم ستر گناہ اجر پا سکیں اور فرض روزے رکھنے میں ان کے معاون بن سکیں اللہ ہم سب سے راضی ہو جائے اور ہماری نفلی فرضی عبادات کیساتھ اپنے بھائیوں کی مدد کرنا بھی قبول فرمائے آمینتحصیلدار کے چہیتے بدمعاش باپ بیٹا
قصور
چونیاں تحصیل آفس کا نائب قاصد اہل محلہ کے لئے عذاب بن گیا ادھار اور کم ریٹس پر سامان نہ دینے پر اپنے اہل محلہ کی بند دکانوں کو نائب تحصیلدار کے ہاتھوں ہزاروں روپیہ کے جرمانے کروا دیئے نائب تحصیلدار اور نائب قاصد کے خلاف قانونی کارروائی کے لئے مقامی شہری نے ڈی سی قصور کو درخواست دے دی
تفصیلات کے مطابق الہ آباد کے محلہ فیصل آباد کے رہائشی ملک اکرم ظفر نے ڈی سے قصور کے نام ایک دی گئی درخواست میں الزام عائد کیا ہے کہ میرا محلے دار نور احمد جو کہ تحصیلدار آفس میں نائب قاصد ہے نور احمد اور اس کے بیٹے احمد نے اہل محلہ کا جینا حرام کر رکھا ہے ادھار اور کم ریٹس پر گوشت، سبزی اور کریانہ کا سامان نہ دینے پر دھمکیاں لگاتے رہتے ہیں ملک اکرم ظفر نے درخواست میں لکھا ہے کہ میں نے اپنے گھر میں ایک چھوٹی سی کریانہ کی دکان بنا رکھی ہے نور محمد اور اس کا بیٹا احمد اکثر بلیک میل کرتے رہتے ہیں گزشتہ روز میں روزہ کی حالت میں دوپہر کو دکان بند کر کے سو رہا تھا کہ نائب قاصد کے بیٹے احمد نے دروازے پر دستک دی اور کہا کہ آپ کو پانچ ہزار روپے جرمانہ ہو گیا ہے میں گھر سے باہر نکلا تو دیکھا نائب قاصد نور محمد نائب تحصیلدار کی گاڑی کی ڈرائیونگ سیٹ پر بیٹھا ہوا تھا اور مسکرا کر کہہ رھا تھا کہ ہم سے پنگا لو گے تو آپ کو جیل بھی بھجوا دیا جائے گا جیل کی دھمکی سے ڈر کر میں نے پانچ ہزار روپے دے دیئے ملک اکرم ظفر نے ڈی سی قصور سے مطالبہ کیا ہے کہ واقع کی غیر جانبدارانہ انکوائری کروائی جائے اور اختیارات کا ناجائز استعمال کرنے پر نائب تحصیلدار اسامہ امانت اور نائب قاصد نور محمد کے خلاف قانونی کارروائی کی جائے اسامہ امانت سے جب صحافیوں نے سوال کیا کہ گھر میں قائم ایک بند دکان کو نائب قاصد کی ذاتی عداوت پر پانچ ہزار روپے جرمانہ کیوں کیا تو وہ کوئی تسلی بخش جواب نہ دے سکے اور اپنے مؤقف میں بتایا کہ دکان واقع ہی بند تھی ایک روز قبل خریداری کروائی گئی تھی واضح رہے کہ مذکورہ دکان نائب قاصد نور محمد کے محلہ میں موجود ہے اور نور محمد کے قریبی رہائشی تمام دکاندار سبزی، گوشت اور کریانہ والے باپ بیٹے کی حرکتوں سے تنگ آ چکے ہیں
ڈپٹی کمشنر کا اچانک دورہ
قصور
ڈپٹی کمشنر قصور منظر جاوید کا صبح سویرے سبزی و فروٹ منڈی کا اچانک دورہ کیا اور انتظامات چیک کئے
تفصیلات کے مطابق آج صبح سبزی و فروٹ منڈی میں ڈپٹی کمشنر قصور نے مختلف اشیاء کی قیمتوں اور معیار کا جائزہ لیا اور منڈی میں کورونا سے بچاؤ کے حوالے سے کئے گئے حفاظتی انتظامات کو بھی چیک کیا
ڈپٹی کمشنر نے منڈی میں خریداروں سے قیمتوں کے بارے میں دریافت کیا اور کسان پلیٹ فارم پر کسانوں کو دی جانیوالی سہولیات کا بھی جائزہ لیا اس کے علاوہ سبزی و فروٹ منڈی میں صفائی ستھرائی اور سٹاف کی حاضری کو بھی چیک کیا اور کہا کہ عوام کو معیاری اور مقررہ ریٹس پر اشیائے خوردونوش کی فراہمی کیلئے ضلعی انتظامیہ ہر ممکن اقدامات کر رہی ہے
ڈسٹرکٹ فوڈ کنٹرولر کی سرزنش اور گندم کو فوری طور پر خریداری مراکز پر پہنچانے کی ہدایت کی
ڈپٹی کمشنر قصور نے کالج و منڈی روڈ سے اپنی نگرانی میں ناجائز تجاوزات کو ختم کروایا اس کے علاوہ دفعہ 144کیخلاف ورزی پر ایک موبائل شاپ کو سیل کر کے دوکاندار کیخلاف مقدمہ درج کرنیکا حکم دے دیا
جعلی روح افزاء برآمد
قصور
تھانہ صدر قصور پولیس کی کاروائی اور فوڈ اتھارٹی کی جعلی روح افزا مشروب بنانے والی فیکٹری پر چھاپہ سینکڑوں جعلی بوتلیں برآمد
تفصیلات کے مطابق تھانہ صدر اور فوڈ اتھارٹی قصور نے دوران کاروائی رمضان المبارک میں روح افزا کا جعلی مشروب بنانے والے دو ملزمان کو گرفتار کر کے ملزمان کے قبضہ سے 400 سے زائد جعلی روح افزا مشراب کی بوتلیں برآمد
ملزمان شہر قصور اور اسکے گردونواح میں جعلی مشروب کی بوتلیں فروخت کرتے تھے کھارا چونگی پر ایک بہت بڑا کریانہ سٹور بھی چلا رہے ہیں
تھانہ صدر قصور پولیس نے مختلف دفعات کے تحت مقدمہ درج کر لیا ہے
ہسپتالوں میں مریض اچھوت
قصور
ضلع بھر کے بی ایچ یو آر ایچ سی پر مریضوں کیساتھ اچھوتوں جیسا رویہ لاک ڈاؤن کی بدولت بے روزگار لوگ مذید پریشان
تفصیلات کے مطابق قصور میں ضلع بھر کے تمام بیسک ہیلتھ یونٹس اور رورل ہیلتھ سنٹرز میں مریضوں کیساتھ اچھوتوں جیسا سلوک کیا جا رہا ہے چونکہ یہ تمام سنٹرز دیہاتوں اور قصبوں میں ہوتے ہیں اور زیادہ تر آبادیوں سے باہر قائم ہیں اس لئے ان کے عملے کو کوئی بھی پوچھنے والا نہیں جانے والے مریض سے صرف مرض پوچھی جاتی ہے وہ بھی ایک چھوتے سے سوراخ میں دور سے ہی اور مرض بتانے پر دو چار گولیاں دے کر فارغ کر دیا جاتا ہے مریض کا کوئی بلڈ بریشر،نبض کی رفتار و درجہ حرارت چیک نہیں کیا جاتا دوائی بھی صرف ڈسپنسر ہی دے رہے ہیں باقی میڈیکل آفیسرز مریض کے سامنے آنے کے بھی روادار نہیں مریضوں کے پوچھنے پر بتایا گیا کہ کرونا کے بچاؤ کی حفاظتی کٹس ہمارے پاس موجود نہیں ہیں لہذہ ہم مریض کو ہاتھ نہیں لگا سکتے
اس ساری صورتحال پر لوگ پنجاب ہیلتھ کیئر کمیشن سے سوال کر رہے ہیں کی کیا کمیشن کا کام صرف ڈسپنسروں ڈی ایچ ایم ایس و حکماء کو اتائی قرار دے کر پکڑنا ہی رہ گیا ہے ان میڈیکل آفیسرز جو کہ لاکھوں روپیہ ماہانہ تنخواہ لیتے ہیں کو پنجاب ہیلتھ کیئر کمیشن کب پوچھے گا
لوگوں نے وزیر اعلی پنجاب اور وزیر صحت سے نوٹس لینے کی اپیل کی ہے
اندھے قتل کا سراغ پولیس کو شاباش
قصور
پولیس کی پیشہ وارانہ خدمات جاری چند روز قبل خاتون کے اندوہناک قتل میں ملوث ملزم کو گرفتار کر لیا لوگوں کا اظہار تشکرتفصیلات کے مطابق تھانہ بی ڈویژن کے علاقہ سلیم ٹاؤن میں نامعلوم ملزمان نے چند روز قبل خاتون کو بے دردی سے قتل کر کے لاش پھینک دی تھی خاتون کی شناخت ذاہرہ بی بی سکنہ رہائشی حنفیہ سکول قصور سے ہوئی تھی جس پر تھانہ بی ڈویژن پولیس نے اے ایس پی سٹی ڈاکٹر عبدالحنان کی خصوصی ہدایات پر اپنی پیشہ وارانہ صلاحیتوں اور جدید ٹیکنالوجی کو بروئے کار لاتے ہوئے ملزم بلال کو ٹریس کر کے گرفتار کر لیا ہے
. تھانہ بی ڈویژن پولیس نے ملزم بلال کے اعتراف جرم کے بعد مزید تفتیش شروع کر دی ہے جس سے مذید گرفتاریاں متوقع ہیں
آن لائن کلاسیں سٹارٹ پی ٹی سی ایل خراب
قصور
پتوکی کے نواحی علاقے حبیب آباد اور گردونواح میں پی ٹی سی ایل کا نظام بری طرح متاثر طالب علم پریشانتفصیلات کے مطابق حبیب آباد میں PTCL کی تاریں اور کھمبے دہائیوں پرانے ہونے کی وجہ سے ٹوٹ پھوٹ کا شکار ہے جن کی بدولت آئے روز تاریں ٹوٹ جاتی ہیں اور سارا نظام درہم برہم ہو کر رہ جاتا ہے
جبکہ دوسری جانب حکومت کی طرف سے طالب علموں کی آن لاٸن کاسیں توشروع کر دی گئی ہیں مگر تیز ترین انٹرنیٹ سروس PTCL کی سروس ناکام ہو چکی ہے جس کی بدولت طالب علم مہنگے انٹرنیٹ پیکجز لگانے پر مجبور
شہریوں نے اعلٰی احکام سے نوٹس کی اپیل کی ہے
رمضان احترام میں ہوٹل مالکان
قصور
ضلعی انتظامیہ قصوراحترام رمضان آرڈیننس پر عملدرآمد کروانے کے لئے پر عزم
احترام رمضان آرڈیننس کی خلاف ورزی پر چونیاں میں کاروائی کی گئی
تفصیلات کے مطابق احترام رمضان آرڈیننس کی خلاف ورزی پر کھلے 08 ہوٹلز سیل کر دیئے گئے
یہ ہوٹلز تحصیل چونیاں کے نواحی علاقوں چھانگا مانگا، الہ آباد، ارزانی پور میں سیل کئے گئے ہیں جبکہ چھ ہوٹل مالکان کو حراست میں لے لیا گیا کاروائی اے چونیاں عدنان بدر نے خود کی
قانون کے مطابق کارروائی عمل میں لائی تاکہ
رمضان المبارک کے مقدس، بابرکت اور رحمتوں والے ماہ میں کسی کو بھی احترام رمضان آرڈیننس کی خلاف ورزی کی دوبارہ جرآت نا ہو سکے
ڈپٹی کمشنر قصور منظر علی جاوید نے چاروں تحصیلوں کے اے سی صاحبان کو سختی سے رمضان آرڈیننس پر عمل درامد کروانے کے آرڈر جاری کر دئیے
حکومتی احکامات مسترد نادرا کے دفاتر بند
قصور
پتوکی میں وفاقی حکومت کے اعلان کے باجود نادرہ افس نا کھل سکا شہری سخت پریشانتفصیلات کے مطابق دور دراز کے علاقوں سے آئے لوگ مایوس ہوکر گھروں کو واپس جا رہے ہیں نادرہ آفس پتوکی تاحال بند ہے جس سے لوگوں کو سخت پریشانی کا سامنا کرنا پڑ رہا ہے
جبکہ وفاقی حکومت کی جانب سے نادرہ سینٹرز
کو 27 اپریل کو کھولنے کا اعلان کیا گیا تھا
نادرہ دفتر آئے لوگوں نے چیئرمین نادرہ ،وزیر اعظم عمران سے فوری طورپر نوٹس لینے کا مطالبہ کیا ہے کیونکہ پبلک ٹرانسپورٹ بند ہے جس سے شہریوں کو مذید پریشانی ہو رہی ہے
