Author: غنی محمود قصوری

قصور
تھانہ راجہ جنگ کی چوکی اوراڑہ کے انچارج سید علی رضا کی کارواٸی ہوائی فائرنگ کرتا ملزم موقع پر گرفتار کر لیا
تفصیلات کے مطابق ملزم محسن علی ولد لبھا کے قبضہ سے ایک عدد 30 بور پسٹل اور دو عدد فاضل مگیزین برآمد کرکے ملزم کے خلاف ایف آٸی آر درج کر لی گئی ہے
ایس ایچ او تھانہ راجہ جنگ نے انچارج چوکی اوراڑا سید علی رضا گیلانی کو شاباش دی

قصور
برگر میں سے انسانی انگلی برآمد ہو گئی شہریوں میں خوف و ہراس
تفصیلات کے مطابق نفیس کالونی کے شہری نے چکن باس سے زنگر برگر بذریعہ ہوم ڈیلیوری منگوایا اور زنگر برگر کو کھانے کے دوران جب ہڈی محسوس ہوئی تو منہ سے باہر نکالی جس انسانی انگلی کا اگلا حصہ ناخن سمیت تھا جس کو دیکھتے ہی شہری کی طبیعت خراب ہوگئی اور قے آنا شروع ہوگئی شہری نے اپنے گھر و محلے والوں کو بتلایا
فاسٹ فوڈ کے نام پر گوشت میں انسانی انگلی پر سوالیہ نشان اٹھا لیا گیا ہے گوشت کہاں سے آیا اور اس کے پیچھے کیا معاملات ہیں اس سارے معاملے پر لوگوں میں سخت خوف و ہراس پایا جا رہا ہے اور شہریوں کی طرف سے مکمل تفتیش کا مطالبہ کیا جا رہا ہے تاکہ اصل حقائق سامنے آ سکیں
مقامی شہریوں کی طرف سے متعلقہ فوڈ پوائنٹ کے خلاف کاروائی کے لیے درخواست دے دی گئی ہے
جبکہ فوڈ اتھارٹی نے فوڈ پوائنٹ کا دورہ کرکے کہا ہے کہ جب اس اعضاء کی فرانزک رپورٹ آئے گی تبھی کاروائی کی جائے گی

قصور
آر پی او شیخوپورہ شاہد جاوید کا ضلع قصور کا دورہ
تفصیلات کے مطابق کل ڈی پی او آفس میں ایس ڈی پی اوز سے کرائم میٹنگ کے دوران آر پی او نے کرائم اور امن ومان کی صورتحال کا جائزہ لیا ڈی پی اوقصور زاہد نواز مروت،ایس پی انویسٹی گیشن ڈاکٹر فہد احمد و دیگر پولیس افسران بھی موجود تھے ہوائی فائرنگ، اسلحہ کی نمائش،آتش بازی اور پتنگ بازی کسی صورت برداشت نہیں کی جائے گی آر پی اوشیخوپورہ ریجن نے اچھی کارکردگی کا مظاہرہ کرنے والے اہلکاروں میں نقد انعام اور تعریفی سرٹیفکیٹ بھی تقسیم کئے آر پی او نے احساس مراکز قصور کا دورہ کیا،حفاظتی انتظامات کا جائزہ لیا کانسٹیبل فیصل شہید کے گھر بھی پہنچے اہل خانہ کو پھولوں کے گلدستے اور تحائف پیش کئے

قصور
چونیاں میں سرکاری زرعی زمین پر کاشت کی گئی گندم کی فصل محکمہ نے اپنی نگرانی میں کٹائی کروا کے زمین کو واگزار کروا لیا ن
تفصیلات کے مطابق حلقہ پٹواری محمد نواز شاکر نے میڈیا کو بتایا کہ اے سی چونیاں عدنان بدر کی نگرانی میں تحصیل دار محمد دین اور دیگر ملازمین کے ساتھ ہم سرکاری زمین پر متعدد کسانوں کی جانب سے کاشت کی گئی گندم کی فصل کو اپنے قبضہ میں لیکر کٹائی کر رہے ہیں گذشتہ دنوں اسسٹنٹ کمشنر چونیاں نے سختی سے منع کیا تھا کہ واہ گزار زمین پر کاشتکاری ہرگز برداشت نہیں کیجائے گی اسکے باوجود متعدد کسان نے قانون کی خلاف ورزی کرتے ہوئے فصلیں کاشت کر رکھی تھی اسسٹنٹ کمشنر چونیاں عدنان بدر کو نشاندہی کروانے پر مذکورہ علاقوں میں آپریشن جاری ہے تقریبا ساٹھ کنال اراضی پر گندم کٹائی مکمل کی جا چکی ہے
مذید بھی آپریشن جاری رہے گا حلقہ پٹوار تلونڈی پٹواری محمد نواز شاکر نے مزید بتایا کہ سرکاری زمین کو اپنی جاگیر سمجھنے والوں کے خلاف مزید قانونی کارروائی کیجائے گی

قصور
کرونا سے زیادہ خطرناک معیشت کی تباہی ہے پاکستان میں رئیل اسٹیٹ جو ریڈھ کی ہڈی کی حثیت رکھتی ہے جائیداد کی خرید و فروخت نہ ہونیکی وجہ سے حکومتی ریونیو میں کمی کا سبب ہے حکومتی جائیداد کی منتقلی کا ریلیف پیکج قابل تحسین ہے مگر ضلعی سطح پر ڈی سی شیڈول مارکیٹ سے کہیں زیادہ ریٹ ہونے کیوجہ سے رکاوٹ بنا ہوا ہے جسکی فوری درستگی وقت کی ضرورت ہے

تفصیلات کے مطابق حکومت کی طرف سے منتقلی جائیداد میں خاطر خواہ کمی کا اعلان قابل تحسین ہے مگر اس ریلیف پیکج میں سب سے بڑی رکاوٹ ضلعی سطح پر مقرر کردہ شیڈول ریٹ مقامی مارکیٹ سطح سے کہیں زیادہ ہیں موجودہ شیڈول کی ترتیب چند نا اہل سرکاری ملازمین نے موقع پر جاکر رپورٹ کرنیکی بجائے آفس میں بیٹھے ہی بلا تحقیق مارکیٹ ریٹ سے زیادہ مقرر کرکے تیار کر دیا جسکی وجہ سے منتقلی جائیداد رجسٹریوں اور گورنمنٹ کے ریونیو میں نمایاں کمی واقع ہوئی اب حکومتی ریلیف پیکج کے باوجود زیادہ تر عوام پھر بھی اس پیکج سے محروم رہیگی جب تک مارکیٹ کے حساب سے موجودہ شیڈول کی فوری درستگی اور نئے آنے والہ شیڈول درست کرکے ترتیب نہ کیا گیا جبکہ پاکستان میں رئیل اسٹیٹ ریڈھ کی ہڈی کی حثیت رکھتی ہے مقامی سماجی ،فلاحی، عوامی، تنظیموں کے سربراہان اور ڈسٹرکٹ بار کے سینئر ووکلا چوہدری محمد اسحاق،محمد یونس کیانی،چوہدری محمد انور ہنجرا،ایم یاسین فرخ،عبدالجبارلنگاہ، ملک عمیر شوکت،حافظ رضوان، ملک بلال،میاں شہباز،ملک عبدالرشید،چوہدری سلیم ساجد،ملک شاہد بشیر، ودیگر معززین ممبران نے وزیر اعلی پنجاب، گورنر پنجاب، صوبائی وزیر مال،چیف سیکرٹری پنجاب، ڈپٹی کمشنر، اے سی،اور متعلقہ حکام بالا سے پرزور مطالبہ کیا ہے کہ موقع پر مارکیٹ ریٹ کے مطابق شیڈول ترتیب دیا جائے تو نہ صرف عوام بلکہ حکومتی ریونیو میں خاطر خواہ اضافہ ہوگا اور ملک بہت جلد ترقی کی طرف گامزن ہو گا

قصور سے شراب کی بڑی کھیپ برآمد ملزمان گرفتار مقدمہ درج
تفصیلات کے مطابق انچارج چوکی سبزی منڈی نزیر اے ایس آئی نے منشیات کے خلاف چلائی گئی مہم میں غلام فرید اور زیشان علی کو گرفتار کرلیا جن کے قبضہ سے سیکنٹروں شراب کی بوتلیں جو کے مالیت کے لحاظ سے لاکھوں روپے کی ہیں اور ناجائز اسلحہ 2 عدد پسٹل برآمد کرکے دونوں ملزمان کے خلاف علیحدہ علیحدہ مقدمات درج رجسٹر کر دیئے ہیں

قصور
ایڈیشنل ڈپٹی کمشنر ریونیو قصور میڈم حنا ارشد کی زیر صدارت ریونیو ریکوری کا جائزہ لینے کے لئے اسسٹنٹ کمشنر چونیاں آفس میں اہم اجلاس منعقد ہوا
اجلاس میں ریکوری کے حوالے سے اہم امور پر تبادلہ خیال اور بڑے پیمانے پر فیصلے کئے گئے.
ایڈیشنل ڈپٹی کمشنر ریونیو میڈم حنا ارشد نے تحصیل چونیاں کے ریکوری ریکارڈ کو چیک کیا.
*دوران چیکنگ زمینی ریکوری 97 فیصد، انکم ریکوری 96 فیصد، ایف بی آر انکم ریکوری 63 فیصد، حالیہ واٹر ریٹ 73 فیصد جبکہ گزشتہ واٹر ریٹ کا تناسب 34 فیصد پایا گیا
ایڈیشنل ڈپٹی کمشنر ریونیو قصور نے تحصیل چونیاں کے ریکوری ریکارڈ اور کام کو سو فیصد مکمل ہونے پر سراہا
ایڈیشنل ڈپٹی کمشنر ریونیو کی اسسٹنٹ کمشنر چونیاں عدنان بدر کو اراضی ریکارڈ سنٹر میں زیر التواء کیسز کو فوری حل کرنے کی ہدایت ہے