اللہ تعالی نے انسان کے کھانے پینے کیلئے بے شمار چیزیں پیدا کی ہیں ہر ملک و علاقے کا کھانے پینے کا طریقہ کار دوسرے سے کچھ مختلف ہے دنیا میں اس وقت انسانوں کی خوراک سب سے زیادہ گندم سے حاصل کی جاتی ہے دنیا میں چاول و مکئی کے بعد سب سے زیادہ گندم کاشت کی جاتی ہے اس لحاظ سے گندم دنیا میں سب سے زیادہ کاشت ہونے والی فصلوں میں تیسرے نمبر پر ہے
پاکستان کی کل آبادی میں سے 7 کروڑ 70 لاکھ لوگ شہروں جبکہ 13 کروڑ 22 لاکھ دیہات میں رہتے ہیں
پاکستان کے دیہی علاقوں میں گندم بہت زیادہ کاشت کی جاتی ہے اور خاص طور پر پنجاب میں گندم وافر مقدار میں کاشت کی جاتی ہے دیہات کے زمیندار و مزدور لوگ اپنی ضرورت کے مطابق گندم اپنے گھروں میں ذخیرہ کر لیتے ہیں جسے وہ سارا سال لوکل سطح پر لگی آٹا چکیوں سے پسوا کر استعمال کرتے ہیں کم آمدن اور وسائل کے باعث یہ لوگ اپنی ضرورت یا اس سے کم ہی گندم ذخیرہ جمع کر پاتے ہیں مگر چند بے ضمیر و بااثر لوگ اس نیت سے گندم ذخیرہ کر لیتے ہیں کہ جب مارکیٹ میں گندم کی کمی واقع ہو تو ذخیرہ کی گئی گندم کو مہنگے داموں فروخت کیا جا سکے جیسا کہ 2019 میں گندم کی فی من قیمت 1230 اور حکومت کی طرف سے 1300 روپیہ فی من مقرر تھی اس وقت ضرورت مند چھوٹے کاشتکاروں نے انہی نرخوں پر فروخت کی اور اپنی ضروریات پوری کیں کیونکہ اگر وہ گندم بیچ کر پیسہ نا حاصل کرتے تو دیگر ضروریات زندگی پوری کرنے سے قاصر رہتے جبکہ مالی طور پر مستحکم اور بااثر کسانوں و بیوپاریوں نے اس گندم کو ذخیرہ کیا اور اب وہی ذخیرہ شدہ گندم 1900 سے 2100 روپیہ فی من تک فروخت کر رہے ہیں
مارچ سے اگست تک گندم وافر ہوتی ہے جسے بیوپاری حضرات تھوڑی سے زائد قیمت دے کر لوگوں سے خرید کر جمع کر لیتے ہیں اور پھر دسمبر کے بعد زیادہ تر لوگوں کی ذخیرہ شدہ گندم استعمال ہو چکی ہوتی ہے جس کے لئے یہ افراد آٹا چکیوں کے علاوہ فلور ملوں سے آٹا لے کر استعمال کرتے ہیں جس کا فائدہ اٹھاتے ہوئے یہ بااثر اور امیر لوگ مصنوعی بحران رچاتے ہیں جس پر غریب اور مزدور طبقہ ان سے مہنگے داموں آٹا خریدنے پر مجبور ہو جاتا ہے
مالی طور پر مستحکم لوگوں نے اپنی ضرورت سے بڑھ کر گندم جمع کی ہوتی ہے لہذہ سارا بوجھ غریب اور مزدور طبقہ پر ہی پڑتا ہے
آٹے کا بحران ہر سال ہی ہوتا ہے مگر اس سال کچھ زیادہ ہی ہو گیا جس کا سبب ذخیرہ اندوزی بنا ہے اس وقت گاؤں دیہات کے بااثر کسانوں و بیوپاریوں کے پاس وافر مقدار میں گندم موجود ہے مگر وہ آہستہ آہستہ سے گندم اس لئے فروخت کر رہے ہیں کہ مجبور لوگوں اور حکومت سے دام زیادہ وصول کئے جائیں اگر گورنمنٹ ذخیرہ اندوزی کو روکنے میں سنجیدہ ہے تو اسے چائیے کہ ان لوگوں سے گندم قطعا نا خریدے بلکہ گندم بیرون ممالک سے خرید کر لوگوں کی ضرورت پوری کی جائے تاکہ ان بے ضمیر لوگوں کی ذخیرہ شدہ گندم ان کے گوداموں میں پڑی رہے اور مارچ سے اپریل تک نئی فصل آنے پر یہ لوگ بھی اپنی گندم انہی مقرر کردہ داموں پر فروخت کرکے عبرت حاصل کریں ذخیرہ اندوزی ایک لعنت ہے جس کے بارے میرے نبی کریم کی حدیث ہے
حضرت ابن عمر فرماتے ہیں کہ میں نے نبی کریم صلی اللہ علیہ وسلم کو فرماتے ہوئے سنا کہ جو شحض غلہ روک کر گراں نرخ پر مسلمانوں کے ہاتھوں فروخت کرتا ہے اللہ تعالی ایسے لوگوں کو اجذام و افلاس میں مبتلا کر دیتا ہے
مسکوت ،باب ذخیرہ اندوزی کا بیان حدیث 121
ذخیرہ اندوز معاشرے کا ناسئور ہیں ان کی بیخ کنی کیلئے گورنمنٹ کو سخت سے سخت قانون بنانا ہو گا تاکہ یہ ہوس کے پجاری چند روپوں کی خاطر اس ارض پاک کے باسیوں کو بھوکا نا رک سکیں
Author: غنی محمود قصوری
ذخیرہ اندوزی اور آٹے کا بحران!!!! تحریر: غنی محمود قصوری
سکردو کا شہید قصور میں دفن
قصور
چند روز قبل سکردو میں برفانے تودے میں دب کر شہید ہونے والے فوجی جوان کی نماز جنازہ ادا کردی گئی
تفصیلات کے کوٹ رادھاکشن قصور کے نواحی گاؤں متا کے رہائشی سپاہی محمد رفیق کو فوجی اعزاز کے ساتھ سپرد خاک کر دیا گیا سپاہی محمد رفیق چند روز قبل سکردو میں برفانی تودے کے نیچے دب کر شہید ہو گیا تھا کل رات گئے ان کے جسد خاکی کو ان کے آبائی گاؤں متا نزد کوٹ رادہاکشن میں لایا گیا تو پورا علاقہ اللہ اکبر کے نعروں سے گونج اٹھا فوجی افسران کے علاوہ لوگوں کی بڑی تعداد نے نماز جنازہ میں شرکت کی سپاہی محمد رفیق کو پورے فوجی اعزاز کیساتھ ان کے آبائی قبرستان میں دفن کیا گیا
پبلک ہیلتھ کا کرپٹ ٹھیکیدار
قصور
محکمہ پبلک ہیلتھ قصور اور ٹھکیدار کی ملی بھگت سے الہ آباد میں فنڈ کا بے دریغ استعمال کیا جانے لگا
تفصیلات کے مطابق مسلم لیگ کے دور میں ٹف ٹائل سے بنے بازاروں کو ختم کر کے پی سی سی بازار بنائے جانے لگے ہیں جبکہ الہ آباد میں ایسے پرانے بازار بھی ہیں جو اب تک نہیں بن سکے نا سیوریج نا سولنگ نا نالیاں اور ایسے بھی بازار ہیں جہاں پبلک ہیلتھ اور ٹھکیداروں کی ملی بھگت سے سے کئی کئی مرتبہ کام ہو چکا ہے
الہ آباد میں مسجدوں سکولوں اور جناز گاہوں کو جانے والے راستے خراب ہیں لیکن کام نہیں ہوا ہے اور نہ ہی غریب آبادی والے بازاروں میں کام ہوا ہے اگر ہورہا ہے تو جہاں امیر لوگ بیٹھے ہیں الہ آباد سے عوامی تنظیموں کا اعلیٰ حکام سےمطالبہ ہے کہ محکمہ پبلک ہیلتھ کے خلاف کارروائی کی جائے ۔
عوام اور انتظامیہ میں ٹھن گئی لوگوں نے بڑا فیصلہ کر لیا
قصور
عوام اور حکومت میں ٹھن گئی رائیونڈ قصور روڈ کی تباہ حال حالت پر لوگ تڑپ اٹھے روڈ بلاک کرنے کی دھمکی
تفصیلات کے مطابق قصور رائیونڈ روڈ کی تباہ حالی پر لوگ عرصہ دراز سے بلک رہے تھے جس پر انتظامیہ نے کان نا دھرے جس سے سڑک اب بلکل ٹوٹ چکی ہے ایسے میں لوگوں نے اپنی مدد آپ کے تحت گڑھوں میں مٹی ڈال کر انہیں بند کیا ہے مگر ہیوی ٹریفک کی بدولت مٹی ایک دو دن بعد پھر نرم ہو کر کیچڑ میں تبدیل ہو جاتی ہے کل پورے روڈ پر علاقہ مکینوں نے بینرز چھپوا کر لکھوا دیا کہ حکومت اس روڈ کو فوری ڈبل کرے ورنہ ہم اس روڈ کو مکمل بند کر دینگے تاکہ ہر قسم کی ٹریفک معطل ہو جائے تاہم ابھی کوئی حتمی ٹائم نہیں دیا گیا مگر علاقہ مکینوں سے بات کرنے پر ان کے غم و غصے کا اندازہ ہوا ہے کہ وہ سخت اذیت میں ہیں
علاقہ مکینوں نے ڈی سی قصور اور وزیر اعلی پنجاب سے استدعا کی ہے کہ اس روڈ کو ڈبل کیا جائے ورنہ ہم اس باقی ماندہ روڈ کو بھی جلد بلاک کر دینگے
100 لیٹر شراب و دیگر منشیات برآمد
قصور تھانہ صدر چونیاں پولیس کی بڑی کاروائی 3 بدنام زمانہ منشیات فروش رنگے ہاتھوں گرفتار
تفصیلات کے مطابق ڈی پی او قصور زاہد نواز مروت کی خصوصی ہدایت پر تھانہ صدر چونیاں پولیس کے ایس ایچ او ملک کفایت حسین کھوکھر کا چونیاں میں منشیات فروشوں کے خلاف کریک ڈاون جاری مخبر کی اطلاع پر کاروائی کرتے ہوئے بدنام زمانہ شراب فروش اشفاق ماچھی سے 15لیٹر دیسی شراب جبکہ ملزم عرفان کو چالو بٹھی 100لیٹر لاہن اور 30 لیٹر دیسی شراب سمیت گرفتار کرلیا اور ملزم علی رضا سے ڈیڑھ کلو سے زائد چرس برآمد کرکے تینوں ملزمان کے خلاف مقدمہ درج کر دیا
علاقہ کی سیاسی وسماجی تنظیموں نے ملک کفایت حسین کھوکھر کی منشیات فروشوں کے خلاف بلا امتیاز کاروائیوں کو خوب سراہا اور ڈی پی او قصور زاہد نواز مروت نے تھانہ صدر چونیاں پولیس کو شاباش دی ہےپتوکی میں وارداتیں عروج پر
قصور
پتوکی میں ڈکیتی کی وارداتوں میں اضافہ،میگاروڑ پرایک اور واردات، موبائل شاپ پر ڈکیتی کی واردات ڈاکود کان سے گن پوائنٹ پر لیب ٹاپ اور 60 ہزار روپے نقدی لوٹ کر فرار ہو گئے
تفصیلات کے مطابق پتوکی میں ڈکیتی کی وارداتوں میں تشویشناک حد تک اضافہ ہوگیا ہے کل رات میگا روڈ پر ڈکیتی کی ایک اور واردات ہوئی ہے جس میں موبائل شاپ سے ڈاکو گن پوائنٹ پر ساٹھ ہزار روپے نقدی اور قیمتی سامان لوٹ کر فرار ہوگئے
،15 پر کال کرنے سے پولیس موقع پر پہنچ گئی، بڑھتی ہوئی وارداتوں سے علاقے میں خوف و ہراس پھیل گیا ہے،میگا روڈ پر ایک ماہ کے دوران پانچویں واردات ہونے سے لوگوں میں تشویش کی لہر پیدا ہو گئی ہے اور لوگ خوف ذدہ دکھائی دیتے ہیں اہل علاقہ نے اعلی حکام سے اپیل کی ہے کہ بڑھتی ہوئی وارداتوں پر قابو پایا جائے تاکہ عوام سکھ کا سانس لے سکیں
الہ آباد شہر جوہڑ میں تبدیل
قصور
الہ آباد شہر جوہڑ میں تبدیل لوگ سخت پریشان پورا شہر بارش نا ہونے کے باوجود بھی تالاب کا منظر پیش کرتا رہتا ہے
تفصیلات کے مطابق ضلع قصور میں سب سے زیادہ قیمتی زمین والا شہر الہ آباد المعروف ٹھینگ موڑ تالاب بن چکا ہے چاہے بارش ہو یا نا ہو سیوریج کا پانی لوگوں کو بارش کی یاد دلاتا رہتا ہے محلہ فیصل آباد کوٹ میواتی الہ آباد کے مکینوں نے نمائندہ باغی ٹی وی کو بتایا کہ ہمارا گھروں سے نکلنا محال ہو چکا ہے سیوریج کا پانی ہر وقت گلیوں بازاروں میں کھڑا رہتا ہے جس سے عورتوں بچوں کو سخت پریشانی ہوتی ہے نمازی حضرات گندے پانی سے گزر کر مسجد جاتے ہیں جس سے اکثر اوقات گندے پانی کے چھینٹے ان کے کپڑوں پر پرتے ہیں اس بارے تحصیل انتظامیہ کو بارہا مطلع کیا گیا مگر ان کے کان پر جو تک نہیں رینگی لحاظہ وزیر اعلی پنجاب نوٹس لے کر ہمارا مسئلہ حل کروائیں کیونکہ لگتا ہے کہ ضلعی و تحصیل انتظامیہ نیند کی گولی کھا کر سو چکی ہے
ریسکیو و میچ ایک ساتھ
قصور
ریسکیو ٹیموں کے درمیان کرکٹ میچ کھیلا گیاتفصیلات کے مطابق ڈسٹرکٹ قصور اور تحصیل پتوکی کی ریسکیو ٹیموں کے مابین کرکٹ کا مقابلہ ہوا جس میں دونوں ٹیموں نے اچھی کارکردگی دکھائی تاہم ڈسٹرکٹ قصور کی ٹیم نے میچ جیت کر ٹرافی اپنے نام کر لی اس موقع پر مہمان خصوصی ڈسٹرکٹ ایمرجنسی آفیسر ریسکیو 1122 قصور ڈاکٹر فرزند علی نے کھلاڑیوں میں انعامات تقسیم کئے ڈاکٹر فرزند علی کا مزید کہنا تھا کہ کھیل جسمانی فٹنس اور چستی کے لیے ایک صحتمند سرگرمی ہے جو آئندہ بھی جاری رہے گی
سٹی ٹریفک پولیس اور بااثر افراد رکشہ ڈرائیوروں کیلئے وبال جان
قصور
الہ آباد میں رکشہ ڈرائیوروں سے سرکاری پرچی کے علاوہ پچاس روپے بھتہ وصول کیا جانے لگا،چونیاں،کنگن پوراور قصور روڑ پرچلنے والے غریب رکشہ ڈرائیوروں سے زبردستی جگا وصول کیا جاتاہے،انتظامیہ با اثر افراد کے خلاف کاروائی سے گریزاں،رکشہ یونین کے رہنماؤں کا وزیر اعلی پنجاب سے نوٹس کا مطالبہ
تفصیلات کے مطابق الہ آباد میں چاروں مین سڑکوں پر رکشوں سے با اثر افراد پچاس روپے فی پھیرا بھتہ وصول کرتے ہیں بھتہ نہ دینے والے غریب رکشہ ڈرائیوروں کو تشدد کا نشانہ بنایا جاتا ہے غریب رکشہ ڈرائیور مجبوری کے تحت بیس روپے سرکاری پرچی کے علاوہ پچاس روپے فی پھیرا بھتہ دینے پر مجبور ہیں رکشہ یونین کے رہنماؤں رمضان جانی،نوید،عبدالراق،ابو ہریرہ،سلیم،نعیم و دیگر نے بتایا کہ با اثر افراد ٹریفک اہلکاروں سے بھی ملے ہوئے ہیں جگا نہ دینے والے غریب رکشہ ڈرائیوروں کے ناجائز چالان کرواتے ہیں اور رکشہ میں سواریاں بھی نہیں بٹھانے دیتے انہوں نے ویر اعلی پنجاب سردار عثمان بزدار سے فوری نوٹس اور با اثر بھتہ مافیا کے خلاف کاروائی کا مطالبہ کیا ہے رکشہ یونین کے رہنماؤں نے مذید کہا کہ اگر بے جا چالان اور بھتہ بند نہ کروایا گیا تو ہم پہیہ جام ہڑتال کا اعلان کریں گے
قصور میں آٹے کا بحران برقرار انتظامیہ دعوے کرنے میں مصروف
قصور
آٹے کا بحران شدت اختیار کر گیا روزانہ کی بنیاد پر ایک، دو کلو خریدنے والے مزدور سخت متاثر ضلعی انتظامیہ دعوے کرنے میں مصروف
تفصیلات کے مطابق قصور میں آٹے کا بحران سخت شدت اختیار کر چکا ہے پورے قصور شہر میں 3 سے 4 جگہوں سے آٹا مل رہا ہے وہ بھی گھنٹوں لائن میں لگ کر اس کے علاوہ قصور شہر کی سب سے بڑی فلور مل اتفاق رولر فلور مل نے شہریوں و دکانداروں کیلئے داخلہ بند کر رکھا ہے ایسے میں سب سے زیادہ متاثر غریب دیہاڑی دار طبقہ متاثر ہوا ہے جو روزانہ ملنے والی دیہاڑی سے ایک، دو کلو آٹا خرید کر اپنا وقت گزارتے ہیں ایک 20 کلو کا تھیلہ جو کہ ان کے 5 ،7دن کا خرچ ہے اسے حاصل کرنے کا مطلب ہے 700 روپیہ کی دیہاڑی ضائع کرنا اسی لئے زیادہ تر لوگوں نے تندور سے روٹی خریدنا شروع کر دی ہیں آٹے کی قلت کی بدولت تندور والوں نے روٹی کا وزن بہت کم کر دیا ہے ضلعی انتظامیہ قصور بلند و بالا دعوے کرنے تک محدود
