Author: غنی محمود قصوری

قصور
صحافیوں کے خلاف کوئی بھی سازش کامیاب نہیں ہونے دیں گے صحافیوں کے حقوق کی آواز بلند کرتے رہیں گے ،مہر حمید انور

ہمارے صحافی ایک خاندان کی مانند ہیں صحافیوں کے خلاف کسی پروپیگنڈہ کو ہم کامیاب نہیں ہونے دیں گے پاکستان میڈیا کونسل (رجسٹرڈ ) سمیت دیگر پریس کلبوں کے لوگ بھی ہمارے بھائی ہیں ضلع قصور میں جو صحافیوں کے خلاف ایک نام نہاد فیک رپورٹ سوشل میڈیا پر وائرل کی گئی اس میں کوئی سچائی نہ ہے محکمہ پولیس کے ضلعی افسران سے ہمارا مطالبہ ہے کہ ہمارے صحافی بھائیوں کے خلاف فیک رپورٹس وائرل کی گئی ہیں اس پر ہم شدید مذمت کرتے ہیں ان خیالات کا اظہار پاکستان میڈیا کونسل کے مرکزی صدر مہر حمید انور نے الہ آباد میں نیشنل پریس کلب قصوری میڈیا گروپ کے نومنتخب عہدیدران کو مبارکباد دیتے ہوئے کیا مزید انھوں نے کہا کہ ضلعی پولیس کمانڈر اور آئی پنجاب کو اس پر ایکشن لینا ہوگا جو عناصر اس اقدام میں ملوث ہیں ان کو محکمہ سے فارغ کیا جائے اور بلاوجہ صحافیوں کی پگڑیاں اچھالنے والوں کے خلاف محکمانہ کارروائی عمل میں لائی جائے تاکہ آئندہ ایسے لوگ ایسا قدم نہ اٹھائیں مزید انھوں نے نومنتخب عہدیدران و ممبران کو مبارکباد دی ان کا کہنا تھا کہ صحافی برادری ایک پلیٹ فارم پر کھڑی ہے ہمارے تمام صحافیوں کی ذمہ داری ہے کہ اپنے مقدس پیشے میں رہتے ہوئے نیک نیتی اور ایمانداری کے ساتھ مظلوم بے سہارا پاکستانیوں کی آواز بنتے رہیں صحافت ایک اعلی پیشہ ہے اس پر ہمیں خلوص نیت سے کام کرنا ہوگا اس موقع پر بانی و گرپ لیڈر مہر داود احمد قصوری سمیت نومنتخب صدر محمد ظفر اقبال ، سیکریڑی جنرل مہر خبیب جتالہ ،چیئر مین چوہدری مشتاق احمد ، سر پرست اعلیٰ سردار عبدالقیوم خاں ، سنیئرصدر میاں زبیر ندیم چوہدری ، نائب صدر محمد آصف ، نائب صدر میاں لطیف حیات ، مہر طارق بھٹہ ، مہر عزیر جتالہ ، تنویر احمد ، جمیل احمد بھٹہ ،غلام رسول سلہر ی ، حکیم عبداللہ ، محمد آصف نورانی ، سیٹھ شوکت رحمانی موجود تھے

قصور
20 سال پرانی 100 گھروں پر مشتمل پل جبومیل سٹاپ نالیوں اور سیوریج کے نظام سے محروم لوگ سڑک پر گھروں کا پانی چھوڑنے پر مجبور
تفصیلات کے مطابق 20 سال قبل سردار شریف ڈوگر نے پل جبومیل سٹاپ پر رہائش کی پھر رفتہ رفتہ آس پاس گھروں کی تعداد بڑھتی گئی اور اب تقریبا 100 کے قریب گھر اور 50 کے نزدیک دکانیں بن چکی ہیں جن کی نکاسی آب کیلئے آج دن تک کسی گورنمنٹ نے کوئی کام نہیں کیا مقامی رہائشیوں ،عبدالستار، عبدالغفار گجر،نزیر رحمانی اور بھولا گجر نے نمائندہ باغی ٹی وی سے گفتگو کرتے ہوئے بتایا کہ ہماری رہائشوں کے پیچھے کھیت ہیں جن کے مالکان ہمیں نکاسی کا پانی اپنے کھیتوں میں نہیں ڈالنے دیتے مجبور ہو کر ہم اپنے گھروں کا پانی سڑک پر چھوڑ رہے ہیں حالانکہ ہم سے گورنمنٹ نے رجسٹری کی مد میں لاکھوں روپیہ وصول کئے ہیں مگر پھر بھی ہمیں بنیادی سہولیات سے محروم رکھا گیا ہے ہر ایم پی اے ،ایم این اے ہم سے نکاسی آب کا وعدہ تو کرتا ہے مگر عملدرآمد نہیں حالانکہ آبادی سے صرف ڈیڑھ کلومیٹر کے فاصلے پر راءو خان والا ڈرین ہے لہذہ ہماری نکاسی آب کا مسئلہ حل کیا جائے کیونکہ ہم بھی پاکستانی شہری ہیں لہذہ ڈی سی قصور نوٹس لے کر ہمارہ مسئلہ حل کروائیں

قصور
چونیاں میں پنجاب حکومت کی ہدایات کی روشنی میں ضلعی انتظامیہ قصور ن سبزی منڈی میں سرکاری نرخوں پر عملدرآمد کیلئے کوشاں

اسسٹنٹ کمشنر چونیاں عدنان بدر کا علی الصبح ڈی ایس پی چونیاں کے ہمراہ سبزی منڈی چونیاں میں مشترکہ دورہ
اسسٹنٹ کمشنر چونیاں عدنان بدر نے منڈی میں ملازمین کی حاضری، اشیاء خوردنوش کی فراہمی، ذخیرہ اندوزی، شکایات رجسٹر ، گراں فروشی ، منافع خوری اور دیگر انتظامی امور کا جائزہ لیا
اسسٹنٹ کمشنر چونیاں عدنان بدر نے گاجر، مٹر اور آلوؤں کی نیلامی کے عمل کو چیک کیا اورنیلامی شیٹس کا جائزہ بھی لیا گیا، خریداری پر آئے ہوئے صارفین سے گفتگو بھی کی، منڈی کی صورت حال اور گراں فروشی سے متعلق دریافت کیا گیا

انسپکٹر مارکیٹ کمیٹی بذات خود نیلامی شیٹس کی چیکنگ کو یقینی بنائیں، اسسٹنٹ کمشنر چونیاں عدنان بدر کی خصوصی ہدایت

منڈیوں میں گراں فروشی پر سخت کریک ڈاؤن کریں، اسسٹنٹ کمشنر چونیاں عدنان بدر کی مارکیٹ کمیٹی کو ہدایات

سبزی و فروٹ منڈیوں میں نیلامی کے عمل میں اور گراں فروشی ہرگز قابل قبول نہ ہے

قصور
ڈرگ انسپیکٹر قصور رانا عبدالمتین کو تبدیل کر دیا گیا
تفصیلات کے مطابق قصور کے ڈرگ انسپیکٹر رانا عبدالمتین کی تبدیلی کا نوٹیفیکیشن ان کو آج موصول ہوگیا نوٹیفیکیشن کل پرائمری ہیلتھ کی جانب سے کل جاری کیا گیا جو کہ آج ان تک پہنچ گیا رانا عبدالمتین کافی عرصے سے ڈرگ انسپیکٹر قصور تعینات تھے تاہم ان کی تبدیل کئے جانے کی وجہ ابھی تک معلوم نہیں ہو سکی
اپنی تعیناتی کے دوران ڈرگ انسپیکٹر قصور رانا عبدالمتین نے کافی میڈیکل سٹور سیل کئے اور کئی ہسپتالوں کی چیکنگ بھی کی

قصور
شدید دھند کا سلسلہ جاری حد نگاہ انتہائی کم رہ گئی
تفصیلات کے مطابق قصور اور گردونواح میں انتہائی زیادہ کا سلسلہ آج بھی برقرار ہے جس سے حد نگاہ انتہائی کم ہو گئی ہے دھند کے باعث لوگوں کو سفر کرنے میں شدید مشکلات کا سامنا کرنا پڑا کئی مقامات پر دھند کے باعث حادثات بھی پیش آئے سٹی ٹریفک پولیس قصور نے شہریوں سے فوگ لائٹس کے استعمال کی ہدایت کی ہے
امید ظاہر کی جارہی ہے کہ دو چار دن تک دھند کا سلسلہ ختم ہو جائے گا

قصور
مالم کلاں گاؤں میں واٹر سپلائی کے پانی میں سیوریج ملا پانی آنے لگا کئی دیہاتی بیمار ہو گئے
تفصیلات کے مطابق قصور کے نواحی گاؤں مہالم میں گزشتہ 5 ماہ سےطواٹر سپلائی کے پانی میں سیوریج ملا پانی آ رہا ہے جس کی کئی بار مقامی لوگوں کی طرف سے ڈی سی قصور اور یونین کونسل کو دی گئی ہے مگر افسوس کے کسی کے کان پر جو تک نہیں رینگی اس سیوریج ملے پانی کی بدولت اب تک کئی شہری مختلف بیماریوں میں مبتلا ہو چکے ہیں مگر کسی کو پرواہ ہی نہیں مالم کے لوگوں نے بتایا کہ 5 ماہ سے ہم اعلی حکام تک اپنی پریشانی پہنچا رہے ہیں مگر ہر بار ہماری بات نہیں سنی جاتی لہذہ وزیر اعلی پنجاب نوٹس لے کر ہماری مشکل حل کریں

قصور
شام ہو یا رات قصور بائی پاس پر اندھیرے کا راج لائٹس ناکارہ ڈاکو آوارہ
تفصیلات کے مطابق قصور بائی پاس پر لگی سٹریٹ لائٹس صرف دن کی روشنی میں ہی نظر آتی ہیں شام ہوتے ہی دن کی روشنی کیساتھ سٹریٹ لائٹس بھی غائب ہو جاتی ہیں تقریبا 10 کلومیٹر کے اس بائی پاس پر سٹریٹ لائٹس لگی ہوئی ہیں جوکہ کچھ عرصہ تک چلتی رہی مگر اب 3 ،4 سال سے مکمل بند پڑی ہیں جس سے مکمل اندھیرا چھا جاتا ہے اور پورے بائی پاس پر ڈاکو اندھیرے کا فائدہ اٹھا کر لوگوں کو لوٹتے ہیں اب تک کئی شہری ڈاکوؤں سے لٹ چکے ہیں مگر تشویش ناک بات یہ ہے کہ لاکھوں روپیہ کی سڑیٹ لائٹس ہونے کے باوجود اسے کیوں نہیں چلایا جاتا جبکہ ہزاروں روپیہ ماہانہ بجلی کا بل بھی منظور ہے
لوگوں نے ڈی سی قصور سے مطالبہ کیا ہے کہ قصور بائی پاس پر لگی لائٹس کو رات کے وقت چلایا جائے اور جو افراد لائٹس کو بند رکھ کے بل کی مد میں پیسہ کھا رہے ہیں انہیں قانون کے مطابق سزا دی جائے

قصور
الہ آباد میں 40 سال قبل قائم ہونے والی واحد ٹیلی فون ایکسچینج تباہی کاشکار مشینری ضائع ہونے کا خدشہ
تفصیلات کے مطابق الہ آباد تقریبا 40 سال قبل قائم ہونے والی اکلوتی ٹیلی فون ایکسچینج کی خستہ حالی کا شکار ہے اب تو نا کوئی بلڈنگ نہا کوئی چار دیواری نا سیکورٹی رہی بلکہ اب تو جگہ جگہ گندگی کے ڈھیر اور سیوریج کا گندا اس جگہ کھڑا ہے اور یہ کچھ سب کچھ محکمہ کی غفلت کا نتیجہ ہے یہ حساس ادرہ ہے تاجر بنک رائیس ملز سکول و کالجز نے پی ٹی سی ایل اور نیٹ کنکشن حاصل کر رکھے ہیں محکمہ کروڑوں روپے کما رہا ہے جب ایکسچینج بنی تھی اس وقت سیوریج سسٹم نا ہونے کی وجہ سے ٹیلی فون ایکسچینج کے سیوریج کا گندا پانی نکالنے کیلئے ٹیلی فون ایکسچنیج کی حدود کے اندر ہی ایک انڈر گراءونڈ گھڑھا نکال کر سیوریج کا گندا پانی اس میں ڈالا جاتا تھا تب سے لیکر اب تک جوں کا توں ہی نظام چل رہا ہے یہ ایکسچینج آبادی میں ہے بارش اور سیوریج کا پانی ایکسچینج میں داخل ہوکر اس کے انڈر گراءونڈ گھڑھے میں جاتا ہے جس سے زمینی پانی کے ساتھ مکس ہو جاتا ہے اور عوام ہیپاٹئیٹس کاشکار ہو رہی ہیں اور پانی ٹیلی فون کی بیسمینٹ میں بھی داخل ہوتا ہے جس سے ڈینگی کا لاوہ پیدا ہوتاہے اس کے ساتھ قریبی عمارتوں کو تقصان بھی پہنچ رہا ہے الہ آباد سے عوامی مذہبی سیاسی رفاہی تنظیموں کی اعلیٰ حکام سے نوٹس لینے کی اپیل ہے

قصور
لیسکو سب ڈویژن راجہ جنگ نااہلی اور کام چوری میں ضلع قصور میں پہلے نمبر پر کل سے بجلی کی آنکھ مچولی جاری شہری پریشان
تفصیلات کے مطابق قصور لیسکو کی سب ڈویژن راجہ جنگ نااہلی اور کام چوری میں سب سے آگے ہے موضع راءو خان والا میں کل سے ہی بجلی کی آنکھ مچولی جاری ہے دو منٹ بجلی آتی ہے تو ادھا گھنٹہ بجلی غائب رہتی ہے جس سے تمام اہل دیہہ سخت پریشان ہیں مگر آج تو انتہاہ ہی ہو گئی صبح 10 بجے سے راءو خان والا کی بجلی گئی ہے جو کہ تاحال نہیں آ سکی اہل دیہہ نے ایس ڈی او سب ڈویژن راجہ جنگ، لائن مین اور کمپلین آفس کا نمبر ملایا تو نمبر بند جا رہے ہیں جس سے اہل علاقہ مذید پریشانی کا شکار ہیں اہلیان راءو خان والا نے ڈی سی قصور اور ایس ای قصور لیسکو سے التجاء کی ہے کہ ہماری اس کام چور اور نااہل لیسکو عملے سے جان چھڑوائی جائے اور نیا عملہ تعینات کیا جائے تاکہ اہل دیہہ کو روز روز کی پریشانی سے نجات مل سکے

قصور
چونیاں کے شہر چھانگا مانگا میں پولیس کی بڑی کاروائی ڈکیت گینگ کے دو خطرناک ڈاکو گرفتار بھاری مقدار میں اسلحہ ، نقدی رقم ، اور موٹر سائیکل برآمد
تفصیلات کے مُطابق ڈی پی او قصور زاہد نواز مروت کی ہدایت اور ڈی ایس پی چونیاں شمس الحق دورانی کے حکم پر ایس ایچ او تھانہ چھانگا مانگا رانا سہیل احمد نے اپنے ٹیم کے ہمراہ بہت جدوجہد کے بعد ڈکیت گینگ کے دو خطرناک ڈاکوءوں سمیت رنگے ہاتھوں گرفتار کر لیا جنکے قبضہ سے بھاری مقدار میں اسلحہ ، نقدی رقم اور موٹر سائیکل بر آمد کر لی گئی ہے
یہ ڈاکو علاقہ بھر میں مختلف سڑکوں پر راہگیروں کو اسلحہ کے زور پر روکتے اور انہیں لوٹ کر فرار ہو جاتے تھے ایس ایچ او رانا سہیل احمد نے بتایا کہ اس ڈکیت گینگ میں اور بھی ڈاکو شامل ہیں جو بہت جلد پولیس کے نرغے میں ہونگے تھانہ چھانگا مانگا کی حدود میں کریمنل لوگوں کو انکے منطقی انجام تک پہنچانے کیلئے ہم دن رات کام کر رہے ہیں اپنے تھانہ کی حدود کو جرائم پیشہ عناصر سے پاک کرنا میرا اولین فریضہ ہے خطرناک ڈاکوؤں کی گرفتاری پر اہل علاقہ نے سکھ کا سانس لیا اور پولیس کی اس کاروائی کو خوب سراہا ہے