Author: غنی محمود قصوری

قصور
ڈی پی او قصور کی ہدایت پر جرائم پیشہ افراد کے خلاف کریک ڈاؤن،پولیس کا قحبہ خانہ پر چھاپہ،05خواتین اور 11مردوں کو نازیبا حالت میں گرفتارکرلیا گیا
ڈی پی او قصور محمد عیسٰی خان کی ہدایت پر جرائم پیشہ افراد کے خلاف کریک ڈاؤن،ایس ایچ او بی ڈویژن محمد اسلم بھٹی کا ٹیم کے ہمراہ بدنام زمانہ قحبہ خانہ پر چھاپہ،پولیس نے جسم فروشی کے مکروہ دھندہ میں ملوث 05 خواتین اور 11 مردوں کو نازیبا حالت میں گرفتار کر لیا گیا۔بدنام زمانہ نائکہ پروین بی بی جسم فروشی کا مکروہ دھندہ عرصہ دراز سے کر رہی تھی۔ تھانہ بی ڈویژن پولیس نے نائکہ سمیت تمام مرد و خواتین کے خلاف مقدمہ درج کر لیا

قصور
صاف ستھرا پنجاب کی دھجیاں اڑا دی گئی،بستی فیض شاہ سہاری روڈ کی سڑک کیچڑ میں تبدیل،سڑک عرصہ دراز سے ٹوٹ پھوٹ کا شکار ،ڈپٹی کمشنر قصور و وزیر اعلی پنجاب سے نوٹس کی اپیل

تفصیلات کے مطابق جہاں کچھ علاقوں میں صاف ستھرا پنجاب کے تحت صفائی ستھرائی کا کام ہو رہا ہے جو کہ بہت قابل تحسین ہے وہاں ضلعی انتظامیہ نے چند جگہوں پر صاف ستھرا پنجاب پروگرام کی دھجیاں اڑا رکھی ہیں
قصور کے نواحی گاؤں سہاری روڈ پر واقع بستی فیض شاہ کی سڑک کیچڑ کا جوہڑ بنی ہوئی ہے جس کے باعث مقامی لوگوں کا جینا انتہائی مشکل ہو چکا ہے
بزرگوں اور عورتوں سمیت سکول جاتے بچوں کا گھروں سے نکلنا نا ممکن ہو چکا ہے
یہ سڑک کافی عرصہ سے ٹوٹ پھوٹ کا شکار ہے جس پر ضلعی انتظامیہ نے توجہ نہیں دی
اہلیان علاقہ نے نئے آنے والے ڈپٹی کمشنر قصور اور وزیر اعلی پنجاب سے نوٹس لے کر سڑک بنوانے کا مطالبہ کیا ہے

قصور
پرسوں سے جاری بارش ،واپڈا کا بجلی دینے سے انکار،18 گھنٹے تک کی غیر اعلانیہ لوڈ شیڈنگ،وزیر اعلی سے نوٹس کی اپیل،اہلیان علاقہ کی واپڈا حکام کو بدعائیں

تفصیلات کے مطابق قصور اور گردونواح میں پرسوں رات سے ہلکی بارش وقفے وقفے سے جاری ہے جس کے باعث زیادہ تر لوگ اپنے گھروں میں محصور ہیں
اس بابت لیسکو واپڈا قصور نے بیشر دیہی علاقوں کو بجلی کی فراہمی سے تقریباً انکار ہی کیا ہوا ہے
سب ڈویژن بہادر پورہ کے بیشتر علاقوں میں کل شام 4 بجے سے آج صبح 8 بجے تک بجلی بند رہی اسی طرح سب ڈویژن راجہ جنگ کے بیشتر علاقوں میں کل دوپہر 2 بجے سے تاحال آج صبح تک بجلی مکمل بند ہے
حسب عادت واپڈا حکام تکنیکی خرابی کا بہانہ بنا کر بجلی بند کر دیتے ہیں جس سے اہلیان علاقہ کی زندگیاں اجیرن ہو جاتی ہیں اوپر سے جمعہ کا دن ہونے کے باعث لوگوں سے جمعہ پڑھنے کی تیاری بھی نا ہو سکے گی کیونکہ بجلی نا ہونے باعث نا تو پانی ہے اور نا ہی کپڑے دھونے و استری کرنے کیلئے کوئی اور ذرائع موجود ہیں نیز بارش باعث سڑکوں پر بے پناہ کیچڑ اور پانی جمع ہے

اہلیان علاقہ کا کہنا ہے کہ ہمارے لئے نماز جمعہ میں لیسکو واپڈا قصور حکام کیلئے دلی طور پر اعلی ترین بدعائیں ہیں جسے اللہ کبھی نا کبھی ضرور سنے گا

قصور
تھانہ صدر کی حدود میں امام مسجد سے واردات ،اسلحہ کے زور پر لوٹ لیا

تفصیلات کے مطابق قصور کے تھانہ صدر کے علاقے کوٹلی پٹھاناں قبرستان کے قریب ڈکیتی کی واردات میں 4 مسلح ڈاکوؤں نے اسلحہ کے زور پر امام مسجد خالد علوی سے 45 ہزار روپے نقدی اور دیگر قیمتی کاغذات لوٹے اور فرار ہو گئے

خالد علوی امام مسجد اپنے گھر سے رشتے داروں کے گھر فوتگی پر جا رہا تھا کہ کوٹلی پٹھاناں قبرستان کے قریب 4 مسلح ڈاکو نے اسلحہ کے زور لوٹا
تھانہ صدرکے علاقے میں چوری ڈکیتی کی وارداتیں روزانہ کا معمول بن گئیں ہیں جبکہ تھانہ صدر پولیس ڈاکو پکڑنے میں ناکام ہے

شہریوں نے وزیر اعلی پنجاب آئی جی پنجاب ڈی پی او قصور سے نوٹس لے کر شہر اور گردونواح میں لوگوں کی زندگیاں اجیرن بنانے والے ڈاکوؤں کو گرفتار کرنے کا مطالبہ کیا ہے تاکہ شہری خود کو محفوظ سمجھ سکیں

قصور
تحصیل چونیاں میں پتنگ بازی کیخلاف سوشل میڈیا پر وائرل ویڈیو کے بعد پولیس کی جانب سے پتنگ بازوں کے خلاف بھرپور کریک ڈاؤن، 8 ملزمان گرفتار، سینکڑوں پتنگیں اور ڈور کی چرخیاں برآمد،مقدمات درج

تفصیلات کے مطابق قصور کی تحصیل چونیاں میں گزشتہ دنوں ایک شہری نے سرعام اڑتی پتنگوں کی ویڈیو بنا کر سوشل میڈیا پر وائرل کی اور قصور کی صحافی برادری و قصور پولیس کی توجہ اس جانب مبذول کروائی جس پر
ڈی پی او محمد عیسیٰ خاں کی ہدایت پر تھانہ سٹی چونیاں پولیس نے پتنگ بازوں کے خلاف بھرپور کریک ڈاؤن کیا

ایس ایچ او محمد ارشاد کی سربراہی میں پولیس ٹیمیں چھتوں پر موجود رہیں
اور کریک ڈاؤن کے دوران 8 پتنگ بازوں کو گرفتار کیا گیا جن کے قبضہ سے سینکڑوں پتنگیں اور کیمیکل ڈور کی چرخیاں برآمد ہوئیں ہیں

گرفتار ملزمان کے خلاف کائیٹ فلائنگ ایکٹ کی خلاف ورزی پر مقدمات درج کرکے کاروائی شروع کر دی گئی ہے اور شہریوں کو تنبیہہ کی گئی ہے کہ پتنگ بازی سے باز رہیں ورنہ پتنگ سازی اور پتنگ بازی کے خلاف سخت کاروائی کی جائے گی

قصور
تحصیل پتوکی میں ہلاکتوں کے باوجود ضلعی انتظامیہ قصور نے ہوش کے ناخن نا لئے،کوٹ عثمان خان میں سٹی قصور میں شاہراہ پر مین ہول کے ڈھکن غائب،پھر کسی بڑے سانحے کا خدشہ

تفصیلات کے مطابق گزشتہ چند دن قبل تحصیل پتوکی میں چونیاں روڈ پر کھلے مین ہول میں گر کر جانبحق ہونے والے افراد کی ہلاکت پر کمشنر لاہور نے دورہ کیا تھا اور لواحقین سے ملاقات پر ذمہ داروں کے خلاف سخت کاروائی کی یقین دہانی کروائی تھی
تاہم ضلعی انتظامیہ قصور نے اس واقعہ سے سبق نہیں سیکھا اور پھر سے کسے سانحے کی منتظر ہے
قصور شہر کی معروف اور پر رونق شاہراہ کوٹ عثمان خان پر غوثیہ ہارڈویئر کے قریب مین ہول کا ڈھکن غائب ہے جس پر انتظامیہ نے ابھی تک کوئی کاروائی نہیں کی
اس بابت خدشہ ہے کہ پھر سے کوئی بڑا سانحہ پیش آئے اور اللہ نا کرے پھر سے کوئی جان سے ہاتھ دھو بیٹھے
شہریوں کا کہنا ہے کہ ضلعی انتظامیہ ہوش کے ناخن لے اور ضلع بھر خاص کر سٹی قصور مین ہولز کے ڈھکن لگائے تاکہ انسانی جانوں کے ضیاع اور حادثات سے بچا جا سکے