غنی محمود قصوری - Baaghi TV

Author: غنی محمود قصوری

ڈی پی او قصور کو تبدیل کرکے ڈی پی او اوکاڑہ تعینات کر دیا گیا
قصور
ڈی پی او قصور طارق عزیز سندھو کو تبدیل کرکے ڈی پی او وہاڑی محمد عیسیٰ کو ڈی پی او قصور تعینات کر دیا گیا،نوٹیفیکیشن جاری
تفصیلات کے مطابق آئی جی پنجاب ڈاکٹر عثمان انور نے
ڈی پی او قصور کو تبدیل کرکے ڈی پی او وہاڑی محمد عیسٰی خان کو ڈی پی او قصور تعینات کر دیا ہے جبکہ ڈی پی او قصور طارق عزیز کو تبدیل کرکے ڈی پی او اوکاڑہ تعینات کیا گیا ہے
ضلع بھر کی سیاسی ،سماجی،صحافی برادری نے نئے آنے والے ڈی پی او محمد عیسیٰ کا خیر مقدم کیا ہے اور امید ظاہر کی ہے کہ وہ جرائم کے خاتمے اور امن و امان کی صورتحال کو بہتر بنانے کے لئے قانون کے مطابق میرٹ پہ کام کریں گے

قصور پولیس کا گاؤں میں سرچ آپریشن،6 گرفتار

قصور
بڑھتی ہوئی وارداتوں کے پیش نظر قصور کے نواحی گاؤں کھارا میں سرچ آپریشن،متعدد افراد سے پوچھ گچھ ،6 گرفتار

تفصیلات کے مطابق ڈی پی او قصور طارق عزیز سندھو کی ہدایت پر پولیس نے بھاری نفری کیساتھ گرینڈ سرچ آپریشن کیا
یہ سرچ آپریشن تھانہ صدر قصور کے علاقہ کھارہ گاؤں میں کیا گیا ہے جہاں کچھ عرصے سے جرائم میں کافی حد تک اضافہ ہوا ہے
سرچ آپریشن میں دو ڈی ایس پیز، تین تھانوں کی نفری، سی آئی اے سٹاف اور ایلیٹ کے جوانوں نے حصہ لیا
اس سرچ آپریشن میں 60 کے قریب گھروں کو چیک کیا گیا اور 150 سے زائد افراد سے پوچھ گچھ کی گئی
6 مشتبہ ملزمان کو حراست میں لیا گیا ہے جن سے تفتیش جاری
ڈی پی او قصور کا کہنا ہے کہ سرچ آپریشن کا مقصد گزشتہ روز ہونے والی ڈکیتی معہ قتل سمیت دیگر وارداتوں میں ملوث ملزمان کی گرفتاری کو یقینی بنانا ہے اور سنگین جرائم میں اضافہ کسی صورت قابل قبول نہیں ضلعی پولیس شہریوں کی جان و مال کی حفاظت کیلئے دن رات کوشاں ہے

چوکی کے قریب واردات،شہریوں نے روڈ بند کرکے احتجاج کیا

تفصیلات کے مطابق قصور کا تھانہ صدر ڈکیتوں کی آماج گاہ بن چکا ہے
ہر روز کی بنیاد پہ ڈکیتیوں کا سلسلہ جاری ہے جس کے باعث شہریوں کا جینا حرام ہو چکا ہے
پرسوں تھانہ صدر کی حدود میں ڈاکوؤں نے لوڈر رکشہ کے ڈرائیور کو دوران ڈکیتی قتل کر دیا اور کل دوپہر کو ایک بار پھر سے سفید دن کی روشنی میں
خورشید ائی ہسپتال کھارا چونگی کے قریب میاں الیکٹرونک نزد پولیس چوکی کھارا میں ڈاکوؤں نے دن دیہاڑے واردات کی
مسلسل وارداتوں کے پیش نظر شہریوں نے روڈ بند کرکے احتجاج کیا اور پولیس کے خلاف نعرے بازی کی
شہریوں نے آئی جی پنجاب سے فی الفور نوٹس لینے کی اپیل کی ہے

وارداتیں عروج پہ،مزاحمت پہ کئی شہری قتل ہو چک،آئی جی نوٹس کی اپیل ے

قصور
گزشتہ دن قصور رائیونڈ روڈ پہ ہوئے قتل کے باعث عوام میں خوف و ہراس،پولیس جرائم کنٹرول کرنے میں ناکام

تفصیلات کے مطابق قصور میں جرائم کی شرع پہ کنٹرول نہیں پایا جا سکا جس کے باعث شہری خود کو عدم تحفظ کا شکار محسوس کرتے ہیں
ضلع بھر میں وارداتوں کا سلسلہ عروج پہ ہے جس میں کئی شہری اپنی جانوں سے ہاتھ دھو بیٹھے ہیں
گزشتہ دن قصور رائیونڈ روڈ بمقام کھارا موڑ نزد ڈرین کھارا کے قریب ڈاکوؤں نے دن کے اجالے میں لوڈر رکشہ ڈرائیور کو رکنے کا اشارہ کیا اور نا رکنے پہ گولی مار دی جس سے رکشہ ڈرائیور زندگی کی بازی ہار گیا
واضع رہے کہ ضلع بھر میں اس وقت چوری ڈکیتی کی وارداتیں عروج پر ہیں جس میں ڈاکوؤں کی طرف سے شہریوں کو گولیاں مار کر زخمی اور قتل کیا گیا ہے اس ساری صورتحال میں پولیس کا کردار نظر نہیں آرہا
ڈاکو جب چاہتے ہیں جہاں چاہتے ہیں لوگوں کو سرعام لوٹتے ہیں اور مزاحمت پر گولی مار دیتے ہیں
شہریوں نے ڈی پی او قصور اور آئی جی پنجاب سے نوٹس کی اپیل کی ہے

ڈی پی او نے کھلی کچہری میں موقع پہ احکامات جاری کئے

پتوکی میں کھلی کچہری کا انعقاد
ڈی پی او قصور طارق عزیز سندھو نے وزیر اعلی پنجاب اور آئی جی پنجاب کے ویژن دہلیز پر انصاف کی فراہمی کو یقینی بنانے کے سلسلہ میں پتوکی میں کھلی کچہری کا انعقاد کیا
جس میں سائلین کے مسائل سنے اور انکے حل کیلئے موقع پر ہی احکامات جاری کیے
اس موقع پر ڈی ایس پی پتوکی محمد عرفان بٹ، سرکل کے ایس ایچ اوز، انجمن تاجران کے عہدیداران، صحافی حضرات اور سول سوسائٹی کے افراد موجود تھے
ڈی پی او قصور نے کہا کہ اوپن ڈور پالیسی کے تحت تمام پولیس افسران کے دروازے عوام کیلئے ہروقت کھلے ہیں کسی بھی شکایت کی صورت میں فوری کارروائی عمل میں لائی جائے گی اور میرٹ پالیسی کے تحت مسائل کو حل کیا جائے گا قصور پولیس عوام کے جان و مال کی حفاظت اور انصاف کی فوری فراہمی کیلئے دن رات کوشاں ہے

عالمی یوم آزادی صحافت کے موقع پہ صحافی برادری کا پیغام

قصور
3 مئی عالمی یوم آزادی صحافت کے موقع پہ قصور کی صحافی برادری کا حکومت سے صحافیوں کو تحفظ دینے کا مطالبہ

تفصیلات کے مطابق آج دنیا بھر کی طرح قصور میں بھی عالمی یوم آزادی صحافت کا دن منایا جا رہا ہے
اس موقع پہ قصور کی صحافی برادری نے قصور میں صحافی برادری کو تحفظ دینے، صحافیوں کو مراعات دینے کے ساتھ صحافی برادری کے بچوں کو تعلیم و صحت کی خاص سہولیات دینے کا مطالبہ کیا ہے
صحافی برادری وہ ہے جو اس مملکت کے عام سے عام سے خاص سے خاص شہری کی آواز بنتی ہے اور اپنی جان جوکھوں میں ڈال کر عوام کی آواز اعلی حکام تک پہنچاتی ہے
واضع رہے کہ 15 اکتوبر اور 7 نومبر 1991ء کو پیرس کی قرارداد نمبر 4.3 / C 26 کے ذریعے اس دن کو منانے کی سفارشات پیش کیں جس کے تحت اقوام متحدہ جنرل اسمبلی نے اس دن کو منانے کی باقاعدہ منظوری دی اور اس دن کو منانے کی ابتدا 1993ء میں ہوئی
اس دن کے موقع پہ صحافی برادری نے آزادی صحافت پہ شب خوں مارنے والے عناصر کو کڑی سے کڑی سزا کا مطالبہ کیا

عالمی یوم مزدور کے موقع پہ عام مزدور کا سوال

قصور
یکم مئی عالمی یوم مزدور کے موقع پر آج ملک بھر کی طرح ضلع قصور میں بھی سرکاری چھٹی،بیشتر مزدوروں کے گھروں کے چولہے ٹھنڈے رہینگے ،گورنمنٹ دن نا منائے ہمارے بارے سوچے بھی،عام مزدور

تفصیلات کے مطابق آج ضلع قصور میں بھی یکم مئی عالمی یوم مزدور کے موقع پہ سرکاری چھٹی ہے اور یہ دن سرکاری طور پر منایا جا رہا ہے جس کے باعث آج مزدوروں کو چھٹی ہے
عام مزدوروں نے گورنمنٹ کو پیغام دیا ہے کہ سال میں محض ایک دن ہماری ہمدردی میں منانے سے کیا ہمارے گھر کا چولہا جلتا رہے گا؟
کیا آج کے دن کی چھٹی سے ہماری مزدوری جو دیہاڑی نا لگنے سے رہ گئی ہمیں مل جائے گی؟
مزدور نے اس بات پہ زور دیا کہ تقلید مغرب میں گورنمنٹ یہ دن تو بڑے جوش و جذبے سے منا رہی ہے کیا آج دن تک دلی طور سرکاری سطح پہ ہمارے لئے کچھ کیا بھی گیا ہے ؟
ہمیں صحت کی سہولیات دی گئیں کہ ہمارے بچوں کو تعلیم کی اچھی؟
ہمیں بھی اشرافیہ کی طرح مفت بجلی دی گئی کہ چیزوں کی خریداری پہ رعایت ؟
آخر کونسی رعایت ہمیں دی گئی ہے کہ جس کے باعث گورنمنٹ کہہ سکے کہ ہم نے مزدور کا فائدہ سوچا ہے؟
عام مزدور پوچھتا ہے کہ اس دن کا ہمیں کیا فائدہ ہے کہ جو دن منایا ہی ہمارے لئے جا رہا ہے؟

جواں سالہ لڑکی سے زیادتی کا ملزم گرفتار،تفتیش شروع

قصور
جواں سالہ لڑکی کو زیادتی کا نشانہ بنانے والا ملزم گرفتار،تفتیش جاری

تفصیلات کے مطابق قصور کی تحصیل پتوکی کے چک 69 میں جواں سالہ لڑکی کو زیادتی کا نشانہ بنانے والا ملزم گرفتار کر لیا گیا ہے
چک 69 پتوکی کے رہائشی محمد رفیق کی جواں سالہ لڑکی عاصمہ بی بی کو ملزم عقیل نے جبری زیادتی کا نشانہ بنایا تھا
جس پہ مدعیان نے پولیس کو درخواست دی
پولیس تھانہ صدر پتوکی پولیس کے ایس ایچ او حافظ عاطف نذیر کی سربراہی میں پولیس ٹیم نے بروقت کاروائی کرتے ہوئے جواں سالہ لڑکی کو زیادتی کا نشانہ بنانیوالا ملزم عقیل چند گھنٹوں میں گرفتار کر لیا
پتوکی پولیس نے ملزم کو حراست میں لیکر مقدمہ درج کر کے تفتیش شروع کر دی ہے

سلاٹر ہاؤس پتوکی مکھیوں مچھروں کی مستقل آماجگاہ

قصور
سلاٹر ہاؤس پتوکی میں گندگی کی حد،ٹی ایم اے پتوکی منتھلیاں لے کر خاموش تماشائی ،عوام کی زندگیاں خطرے میں،نوٹس کی اپیل

تفصیلات کے مطابق قصور کی تحصیل پتوکی میں سرکاری سلاٹر ہاؤس میں گندگی کا راج ہے
ہر طرف گندگی کے ڈھیر ہیں اور تعفن کا راج ہے جس کے باعث سانس لینا تک دشوار ہے
سلاٹر ہاؤس میں گندا پانی کھڑا ہے جس سے مچھر،مکھیوں کی مستقل آماجگاہ قائم ہو چکی ہے
ہر روز ماسوائے سرکاری چھٹی کے اس سلاٹر ہاؤس میں اسی گندگی میں جانور ذبح کرکے لوگوں کو کھلائے جاتے ہیں

اس ساری صورتحال میں ٹی ایم اے پتوکی اپنی منتھلیاں لے کر خاموش تماشائی کا کردار ادا کر رہا ہے اور لوگوں کی زندگیوں سے کھلواڑ کر رہا ہے
شہری حلقوں نے اس بابت سخت تشویش کا اظہار کیا ہے اور ڈپٹی کمشنر قصور سے ازخود نوٹس لے کر سلاٹر ہاؤس کی صفائی ستھرائی کروانے کے ساتھ اس کو اس حال میں پہنچانے والوں کے خلاف سخت کاروائی کا مطالبہ کیا ہے

پیٹرولنگ پولیس کا ناکہ،سرعام رشوت،نوٹس کی اپیل

قصور پٹرولنگ پوسٹ نور پور کے انچارج شہزاد SI اور عاطف کانسٹیبل کا شہریوں سے ناروا سلوک و اختیارات سے تجاوز کرپشن کی داستانیں رقم ہوگئیں،شہری پرویز اقبال سمیت کئی لٹ گئے

میڈیا رپورٹس کیمطابق سماجی کارکن پرویز اقبال بسواری موٹر سائیکل جا رہا تھا کہ سڑک پر پٹرولنگ پوسٹ نور پور کے عملہ نے ناکہ لگا رکھا تھا گاڑیوں اور موٹر سائیکلوں کو روک کر کاغذات چیک کر رہے تھے حالانکہ پٹرولنگ پولیس مین شاہراہ پر مستقل ناکہ لگانے اور کاغذات چیک کرنے کے مجاز ہر گز نہیں ہیں اسکے باوجود انھوں نے پرویز اقبال سے کاغذات مانگے جو فوٹو کاپی دی تو محمد شہزاد SI انچارج نے اصل کاغذات کی کاپی نہ ہونے کی صورت میں تھانے بند کرنے کی دھمکی دیکر رشوت کا تقاضا کیا جو ایک گھنٹہ دھوپ میں کھڑا رکھنے کیبعد ایک ہزار روپیہ بطور رشوت لیکر رہائی دی
موقع پر کھڑے کئی شہریوں نے بتایا کہ رشوت ٹیکس نہ دینے کی صورت میں وہ کئی گھنٹے سے کھڑے سزا بھگت رہے ہیں اور یہ سلسلہ مستقل بنیاوں پر کئی ماہ سے جاری ہے شہریوں کی تذلیل وطیرہ ہے پرویز اقبال نے ذمہ داران اعلیٰ افسران سے محمد شہزاد SI انچارج چوکی،محمد عاطف کانسٹیبل باوری اور ایک کس نامعلوم مسلح اسلحہ سادہ کپڑوں میں ملبوس کانسٹیبل کیخلاف اختیارات سے تجاوز،بد اخلاقی کا ارتکاب کرنے اور رشوت ستانی پر اعلیٰ سطحی انکوائری کر کے معطل کیا جانے اور کسی ایماندار افسر کو چوکی انچارج مقرر کئے جانے کا مطالبہ کیا ہے