Author: غنی محمود قصوری

قصور
نواحی گاؤں مانانوالہ میں آوراہ کتوں کی بھرمار،کتوں نے کئی بچوں،بوڑھوں و عورتوں کو کاٹ لیا،انتظامیہ نے عرصہ دراز سے آوراہ کتوں کو زہر نہیں ڈالی

تفصیلات کے مطابق قصور کے نواحی گاؤں مانانوالہ میں آوارہ کتوں کی بھرمار سے لوگ سخت پریشان ہیں
عرصہ دراز سے انتظامیہ نے آوراہ کتوں کو زہر نہیں ڈالی جس کے باعث آوارہ کتوں کی بہتات ہو گئی ہے اور آوارہ کتے آئے روز بچوں،بوڑھوں و عورتوں کو کاٹ رہے ہیں
کتے کاٹنے والوں کو قریبی ہسپتال گنڈا سنگھ لیجایا جاتا ہے جہاں ہسپتال عملہ کی طرف سے کبھی سرنجز نا ہونے کا بتایا جاتا ہے تو کبھی ویکسین ختم ہونے کا
لوگ کتوں کی بہتات سے سخت پریشان ہیں اور ڈی سی قصور سے مطالبہ کر رہے ہیں کہ اوارہ کتوں کو تلف کیا جائے تاکہ اہلیان دیہہ سکون کی زندگی جی سکیں

قصور
غرباء کی بنیادی ضرورت ایل پی جی (لیکوئیڈ پیٹرولیم گیس) کا مصنوعی بحران،360 روپیہ فی کلو تک فروخت جاری،لوگ سر پکڑ کا بیٹھ گئے،ارباب اختیار کو بدعائیں

تفصیلات کے مطابق ماضی کی طرح موجودہ گورنمنٹ بھی بلیک مارکیٹنگ مافیا کے آگے مکمل بے بس ہے
ضلع قصور میں ایل پی جی ( لیکوئیڈ پیٹرولیم گیس) کا مصنوعی بحران شدت اختیار کر گیا ہے
چند دن قبل تک 230 روپیہ فی کلو فروخت ہونے والی ایل پی جی 360 روپیہ فی کلو فروخت ہو رہی ہے
غرباء کی بنیادی ضرروت ایل پی جی کا ایک دم سے اتنا مہنگا ہو جانا حکومتی کارکردگی پہ سوالیہ نشان ہے
بااثر ذرائع کا کہنا ہے کہ ایل پی جی کی قیمتیں 500 روپیہ فی کلو تک ہونے کا خدشہ ہے
جبکہ اس مصنوعی بحران کو سیلاب سے جوڑا جا رہا کے کہ راستے بند ہیں جس کے باعث مہنگی فروخت کی جا رہی ہے
لوگوں کا کہنا ہے بفرض اگر راستے بند بھی ہیں تو فضائی راستے اس عوامی سہولت کیلئے کیوں استعمال نہیں کئے جا سکتے ؟ کیا گورنمنٹ اور اشرافیہ بلیک مارکیٹنگ مافیا کے ساتھ ساز باز کئے ہوئے ہے؟

لوگوں کا کہنا ہے کہ اگر گورنمنٹ اور لوگوں کے خون پسینے سے پلنے والہ اشرافیہ بلیک مارکیٹنگ مافیا کو قابو نہیں کر سکتا تو خداراہ اپنے گھروں کو جائیں اور پھر ہر کسی کو اپنی من مانی کرنے دی جائے تاکہ اس مان مانیوں کے اثرات ایک ہی بار دیکھ لئے جائے
کیونکہ لوگ تو پہلے ہی خودکشیوں پہ مجبور ہیں اور مر رہے ہیں پھر جس کے زور بازو میں اثر ہو گا کم ازکم و تو چھین کر کھائے گا ہی
مہنگائی کے مارے لوگ ارباب اختیار کو سرعام بدعائیں دے رہے ہیں

قصور
پاکستانی تاریخ کی مہنگی ترین سبزیاں و پھل،سیلاب زدگان کیساتھ پوری قوم بھی پریشان،حکومتی دعوے بے نقاب

تفصیلات کے مطابق پاکستان کی تاریخ میں سب سے زیادہ مہنگی سبزیاں و پھل فروخت کئے جا رہے ہیں جن کو نا چاہتے ہوئے بھی مہنگائی کے مارے لوگ خریدنے پہ مجبور ہیں
دس ںیس روپیہ فی کلو والی گوبھی 150 روپیہ،مٹر 300 ،پیاز 150،ٹماٹر 250,بھنڈی 120,بینگن 200 سندر خانی انگور 550,جاپانی پھل 250,کیلا 120 روپیہ فی درجن تک فروخت کئے جا رہے ہیں جبکہ ان تمام چیزوں کے سرکاری نرخ کم ہیں
بلیک مارکیٹنگ مافیا پوری تندہی سے اور بے خوف ہو کر اپنی من مانیاں کر رہا ہے جسے روکنے والا کوئی نہیں
گورنمنٹ کے سرکاری نرخوں پر اشیاء فروخت کرنے کے دعوے بے نقاب ہو رہے ہیں
سیلاب زدگان کیساتھ اس وقت پوری قوم شدید پریشان ہو گئی ہے
لوگوں کا کہنا ہے کہ خداراہ مہنگائی ختم کرنے کے دعوے کسی حد تک تو پورے کئے جائے نا کہ اور مہنگائی کی جائے

قصور
الہ آباد گلشن اقبال کالونی میں لگے سرکاری واٹر فلٹریشن پلانٹ سے لوگ پانی سے محروم ،ڈی سی قصور سے نوٹس لینے کا مطالبہ

تفصیلات کے مطابق قصور کی تحصیل چونیاں کے قصبہ الہ آباد کی کالونی گلشن اقبال میں سرکاری واٹر سپلائی کیساتھ گورنمنٹ کی طرف سے واٹر فلٹریشن پلانٹ بھی لگایا گیا ہے تاکہ لوگ پینے کا صاف پانی حاصل کر سکیں اور بیماریوں سے محفوظ رہیں تاہم عملہ نے واٹر فلٹریشن پلانٹ کو ذاتی جاگیر سمجھ رکھا ہے
جب جی چاہتا ہے کبھی کبھار فلٹریشن پلانٹ چلا دیا جاتا ہے ورنہ زیادہ تر بند ہی رکھا جاتا ہے
اس بابت اہلیان علاقہ نے متعلقہ شحض کو کئی بار کہا بھی ہے تاہم کوئی فائدہ حاصل نا ہوا
اہلیان علاقہ کا کہنا ہے کہ پینے کے صاف پانی کی عدم دستیابی کے باعث ہمیں سخت مشکل کا سامنا کرنا پڑتا ہے اور بہت دور سے پانی لانا پڑتا ہے حالانکہ گورنمنٹ نے ہمیں ہمارے علاقے میں سہولت دی ہوئی ہے مگر عملہ کی نااہلی سے ہم اس سہولت سے محروم ہیں
اہلیان علاقہ نے ڈپٹی کمشنر قصور سے فوری نوٹس لے کر کاروائی کا مطالبہ کیا ہے

قصور
سرکاری سکول کرپشن کا گڑھ بن گیا،سرکاری فنڈز ذاتی استعمال میں لائے جاتے رہے

تفصیلات کے مطابق ضلع قصور کی تحصیل چونیاں کا ہائی سکول کرپشن کا گڑھ بنا گیا ہے مقامی صحافی محمد وقار علی نے بتایا کہ چونیاں کے گورنمنٹ گرلز ہائی سکول تالاب والا میں کرپشن کی نئی داستان رقم کی جا رہی ہیں اور اس کرپشن میں اسکول کا سابقہ کلرک اور سابقہ ہیڈ مسٹریس شامل ہیں
سکول کے این ایس بی فنڈ میں لاکھوں روپے کا جھوٹا جعلی اور بوکس بل ڈال کر گڑبڑ کی گئی ہے
نیز محکمہ تعلیم کے ceo اور do تبدیل ہوئے کافی عرصہ گزر گیا ہے مگر کلرک عبدالشکور اور میڈم سیدہ منظمہ فاطمہ صاحبہ کے خلاف ابھی تک کوئی کاروائی عمل میں نہیں لائی گئی جو کہ ceo اور do کیلئے ایک سوالیہ نشان ہے
بچوں کے لئے آنے والا این ایس پی فنڈ سابقہ میڈم اور سابقہ کلرک اپنے ذاتی مقاصد کے لئے استعمال کرتے رہے ہیں جس سے بچوں کے والدین میں تشویش کی لہر پائی جا رہی ہے
والدین و معززین علاقہ نے اعلی حکام سے نوٹس لینے کا مطالبہ کیا ہے

قصور
احمد تھیلیسیمیا کئیر ہسپتال کنگن پور کی طرف سے سیلاب متاثرین کی مدد کیلئے 10 لاکھ کی ادویات لے کر بلوچسان کے سیلاب متاثر علاقے الہ یار میں میڈیکل کیمپ لگایا جائے گا،ضروریات زندگی کی دیگر اشیاء بھی تقسیم کی جائینگی

تفصیلات کے مطابق قصور کی تحصیل چونیاں کے شہر کنگن پور میں واقع احمد تھیلیسیمیا کئیر ہسپتال کنگن پور کی طرف سے سیلاب متاثرین کیلئے 10 لاکھ روپیہ مالیت کی ادویات خریدی گئی ہیں اور کل بروز جمعہ میڈیکل ٹیم ادویات،خوراک و دیگر امدادی سامان لے کر بلوچستان کے علاقے الہ یار روانہ ہوگی
10 لاکھ روپے مالیت سے زائد کی ادویات کی پیکنگ ہو چکی ہے جبکہ راشن و دیگر سامان کی پیکنگ جاری ہے
سینئر ڈاکٹرز و پیرا میڈیکل سٹاف کے ساتھ ہفتہ سے بدھ تک میڈیکل کیمپ لگایا جائے گا اور راشن و ملبوسات کی تقسیم کی جائے گی
احمد تھیلیسیمیا کئیر ہسپتال کی سیلاب متاثرین کیلئے دی گئی آواز پر لبیک کہتے ہوئے لوگوں نے ادویات،راشن،ملبوسات و دیگر ضروری اشیاء کے ڈھیر لگا دئیے

قصور
تھانہ بی ڈویژن پولیس کی کاروائی،اغواء کار خاتون ملزمہ سمیت گرفتار،مغوی باحفاظت بازیاب

تفصیلات کے مطابق تھانہ بی ڈویژن قصور کی رہائشی الماس سرور نے درخواست دی کہ اس کے جواں سالہ بھائی وقاص کو کسی نے اغواء کر لیا ہے اور دو لاکھ روپیہ تاوان مانگا جا رہا ہے جس پر ڈی پی او قصور کے حکم پر فوری سپیشل ٹیمیں تشکیل دی گئیں اور جلد سے جلد مغوی کو باحفاظت بازیاب کروانے کا حکم دیا گیا
ایس ایچ او تھانہ بی ڈویژن قصور نے کمال مہارت کا استعمال کرتے ہوئے اپنے جوانوں کیساتھ پھل فروشوں کا روپ دھار کر کامیاب کاروائی کرتے ہوئے چار اغواء کار مردوں کو ایک خاتون ملزمہ سمیت گرفتار کر لیا اور مغوی وقاص کو باحفاظت بازیاب کروا لیا
اغواء کار خاتون ملزمہ نوجوانوں کو بذریعہ فون پھنساتی تھی اور بعد میں اپنے ساتھیوں سمیت مل کر اغواء کرکے تاوان وصول کرتی تھی
ملزمان سے مذید تفتیش جاری ہے

قصور
مک بھر کی طرح ضلع قصور میں سیلاب متاثرین کی مدد کیلئے امدادی کیمپ،لوگوں نے دل کھول کر عطیات جمع کروائے،تحریک اللہ اکبر پاکستان،تحریک لبیک،دعوت اسلامی،جماعت اسلامی سمیت تمام دینی جماعتیں میدان میں

تفصیلات کے مطابق ملک پاکستان میں آئی سیلابی آفت پر ملک بھر کی طرح ضلع قصور میں بھی سیلاب متاثرین کی مدد کے لئے فنڈ اکھٹا کیا جا رہا ہے جہاں لوگوں نے دل کھول کر اور سخاوت کی اعلی مثال قائم کرتے ہوئے عطیات دیئے ہیں

تحریک اللہ اکبر پاکستان،تحریک لبیک پاکستان،دعوت اسلامی جماعت اسلامی و دیگر مذہبی جماعتوں نے سامان اکھٹا کرکے سیلاب زدہ علاقوں میں بجھوایا ہے نیز قصور کے ڈاکٹرز،پیرا میڈیکل سٹاف،و دیگر شعبہ زندگی کے لوگ سیلاب متاثرین کی مدد کے لئے سندھ،بلوچستان ،خیبر پختونخوا و دیگر متاثرہ علاقوں میں خود جا کر متاثرین کی مدد کر رہے ہیں

قصور
ڈسٹرکٹ کورٹس قصور میں قائم نادرا ای سہولت سینٹر میں لوگوں کی جیبوں پہ ڈاکہ،مجبور لوگوں سے فیسوں پہ زائد رقم لینا معمول بنا لیا گیا ،1 ہزار سرکاری فیس پہ 200 روپیہ زائد چارج،لوگ پریشان

تفصیلات کے مطابق انصاف مہیا کرنے والی ڈسٹرکٹ کورٹس قصور میں چراغ تلے اندھیرا چھایا ہوا ہے
ہر کوئی اپنی من مانیاں کئے جا رہا ہے اور پوچھنے والا کوئی نہیں
ضلع کچہری میں قائم نادرا ای سہولت سنٹر میں لوگوں سے ظلم کی انتہاہ ہو رہی ہے
اسلحہ لائسنس فیس پہ لوگوں کو لوٹا جا رہا ہے
1 ہزار روپیہ سرکاری فیس پہ 200 روپیہ زائد وصول کیا جا رہا ہے جو کہ زیادہ سے زیادہ 50 روپیہ بنتے ہیں
غریب پریشان حال لوگ کچہری میں قائم نادرا ای سہولت پہ لٹنے پر مجبور ہیں
شہریوں نے ڈپٹی کمشنر قصور سے نوٹس لے کر کاروائی کا مطالبہ کیا ہے