Author: غنی محمود قصوری

قصور

اندھیر نگری چوپٹ راج،عیدی بنانے کے چکر میں شہر کو خطرے سے دو چار کر دیا گیا

تفصیلات کے مطابق محکمہ موٹروہیکل ایگزامینر نے اپنا چارج سنبھالتے ہی ات مچا دی ٹرانسپورٹرز سے بھاری رشوت لے کر غیر قانونی طور پر گاڑیوں کے فٹنس سرٹفیکیٹ جاری کرنے شروع کر دئے عید سے قبل ہی عیدی مہم اکٹھی کرنے کی تیاری شروع مک مکا کرو کھٹارا اور ایکسڈینٹ گاڑیوں کے فٹنس سٹرٹفکیٹ جاری کروا لو مشن بنا لیا شہر بھر غیر قانونی طور پر سرٹفکیٹ حاصل کرکے ٹرانسپورٹرز نے اپنی کھٹارا گاڑیاں بھی چلا دی جو کسی بھی وقت بہت بڑے حادثے کا سبب بن سکتی ہیں ضلع بھرمیں اوور لوڈنگ کی بھی کھلی دھجیاں اڑا دی گئیں دھواں چھوڑتی گاڑیاں اور رکشے انتظامیہ کی نا اہلی کا ثبوت دے رہے ہیں
قصور کے عوامی اور سماجی حلقوں نے اس امر پر تشویش کا اظہار کرتے ہوئے ڈی سی قصور سے فوری طورپر مطالبہ کیا ہے

قصور
این اے 139 کے ایم این اے رانا محمد اسحاق خان کی درخواست پر وزیراعظم کی طرف سے پتوکی تا کنگن پور ون وے کارپٹ روڈ بنانے کا حکم جاری کر دیا گیا، قصور رائیونڈ روڈ کے علاقہ مکینوں کا سابقہ دور میں سڑک کی سپیشل مرمت کیلئے 4 کروڑ 20 لاکھ فنڈ جاری ہونے اور سڑک تاحال ویسی ہی ہونے پر تحقیقات کروانے کا مطالبہ

تفصیلات کے مطابق این اے 139 قصور کے ایم این اے رانا محمد اسحاق خان کی درخواست پر وزیراعظم نے پتوکی تا کنگن پور روڈ کو ون وے کارپٹ روڈ بنانے کا حکم جاری کر دیا ہے جو کہ انتہائی خوش آئند بات ہے تاہم قصور رائیونڈ روڈ کے علاقہ مکینوں کا وزیراعظم پاکستان سے مطالبہ ہے کہ گزشتہ دور حکومت میں فروری 2020 کو قصور رائیونڈ روڈ کی سپیشل مرمت کیلئے گورنمنٹ نے 4 کروڑ 20 لاکھ کا فنڈ جاری کیا تھا مگر اتنا عرصہ گزرنے کے باوجود بھی بمشکل 20 لاکھ روپیہ لگا کر سڑک چند ایک گڑھے پر کئے گئے جو کہ دوبارہ پھر گڑھے بن چکے ہیں روڈ ویسے کا ویسے ہی ہے اور باقی پیسوں کا کچھ علم نہیں کہ کہاں خرچ ہوئے
سڑک انتہائی ٹوٹی ہوئی ہے جس سے علاقہ مکین سخت پریشان ہیں اور آئے روز حادثات جنم لیتے رہتے ہیں
علاقہ مکینوں نے مطالبہ کیا ہے کہ تحقیقات کروائی جائیں کہ جاری ہونے والا فنڈ کہا گیا اور سڑک پر ابتک کتنا پیسہ خرچ ہوا ہے ؟
نیز قصور رائیونڈ روڈ کو بھی ترجیحی بنیادوں پر ون وے کیا جائے کیونکہ اس سڑک پر ٹریفک انتہائی زیادہ ہے جس کے باعث بلاناغہ حادثات جنم لیتے رہتے ہیں

قصور
لوڈشیڈنگ نے لوگوں کا جینا محال کر دیا ،افطاری و سحری میں بھی لوگ بجلی سے محروم ،سخت گرمی میں روزہ دار پریشان،گرمی کی شدت میں مذید اضافہ

تفصیلات کے مطابق قصور و گردونواح میں لوڈشیڈنگ نے لوگوں کی چیخیں نکلوا کر رکھ دی ہیں 10 سے 14 گھنٹہ تک کی لوڈشیڈنگ کی جا رہی ہے جبکہ بیشتر دیہاتی علاقوں میں صبح 10 بجے سے شام 5 بجے تک مسلسل بجلی غائب رہتی ہے
حتی کہ سحر وافطار کے وقت بھی بجلی نہیں ہوتی جس کے باعث لوگ سخت پریشان ہیں کیونکہ گرمی نے مذید شدت اختیار کر لی ہے
لوڈ شیڈنگ کے باعث جہاں روزے دار تنگ ہیں وہیں عید کے نزدیک آنے کے باعث درزی حضرات بھی شدید پریشان ہو گئے ہیں
شہریوں نے صوبائی و وفاقی گورنمنٹ سے رحم کی اپیل کی ہے

قصور
ڈی ایچ کیو ہسپتال میں گارڈز کی طرف سے مریضوں کے لواحقین پر تشدد کرنا معمول بن گیا،شہریوں کی وزیراعظم میاں محمد شہباز شریف سے ازخود نوٹس لینے کی اپیل

تفصیلات کے مطابق قصور ڈی ایچ کیو ہسپتال میں صحت کے شعبے میں تبدیلی مکمل طور پر فلاپ ہو چکی ہے وزیر اعظم میاں شہباز شریف نے قصور ڈی ایچ کیو کو ایک مثالی ہسپتال بنایا تھا لیکن آج اس ہستال میں مریضوں کو دھکے دے کر ایمرجنسی سے نکالہ جاتا ہے ہسپتال مکمل طور پر کرپشن کا گڑھ بن چکا ہے پسے لے جعلی میڈیکل رپورٹس بنائی جا رہی ہیں ڈاکٹرز کے کہنے ہر گارڈز اپنی غنڈہ گردی دکھاتے ہیں چند دن پہلے قصور ڈی ایچ کیو میں مریضوں کو تشدد کا نشانہ بھی بنایا گیا اور یہ سلسلہ تاحال جاری ہے
ایم ایس و دیگر ذمہ داروں کے پاس شکایت لے کر جانے سے کوئی شنوائی نہیں ہوتی جس کے باعث لوگ سخت پریشان ہیں
نیز جگہ جگہ گندگی کے ڈھیر پڑے نظر آتے ہیں

شہریوں نے وزیر اعظم پاکستان میاں محمد شہباز شریف سے خصوصی نوٹس لینے کی اپیل کی ہے

قصور
چکن پاکس یعنی لاکڑہ کاکڑہ کی بیماری نے بچوں کا جینا دشوار کر دیا،حکومت سے مریضوں کیلئے تمام ہسپتالوں میں سپیشل ڈیسک قائم کرنے کا مطالبہ

تفصیلات کے مطابق قصور ضلع بھر میں 15 سال تک کے بچوں میں اور بعض نوجوانوں کو بھی چکن پاکس یعنی لاکڑہ کاکڑہ کی بیماری نے بدحال کر دیا ہے
گزشتہ سال بھی انہیں دنوں میں لاکڑہ کاکڑہ کی بیماری نے سراٹھایا تھا جس کے باعث مریضوں کو کافی پریشانی کا سامنا کرنا پڑا تھا
اب ایک بار پھر چند دنوں سے اس بیماری نے دوبارہ سے نمودار ہو کر لوگوں کو پریشانی میں مبتلا کر دیا یے
شہریوں نے ضلعی انتظامیہ سے درخواست کی ہے کہ چکن پاکس کے مریضوں کیلئے فی الفور ہر ڈی ایچ کیو،ٹی ایچ کیو،آر ایچ سی اور بی ایچ یو میں سپیشل ڈیسک قائم کیا جائے جہاں اس بیماری کے متعلق آگاہی دی جائے اور ساتھ ادویات بھی دی جائیں
تاکہ اس بیماری کو پھیلنے سے جلد سے جلد روکا جائے
واضع رہے کہ جس گھر میں ایک مریض کو یہ بیماری ہو جائے تو زیادہ تر گھر کے دوسرے افراد خاص کر 15 سال کے بچوں کو اس بیماری کا خدشہ بڑی حد تک بڑھ جاتا ہے جس کے باعث بچوں کی تعلیمی سرگرمیوں پر بڑا فرق پڑتا ہے

قصور
آج ہزاروں متعکفین مسجدوں میں سنت محمدیہ اعتکاف پر لبیک کہتے ہوئے اپنے گھروں،بیوی بچوں،ماں باپ سے دوری اختیار کرکے مسجدوں کو اپنا مسکن بنائینگے،گورنمنٹ لوڈ شیڈنگ ختم کرے تاکہ متعکفین کو پریشانی نا ہو

تفصیلات کے مطابق قصور میں آج ہزاروں متعکفین سنت محمدیہ صلی اللہ علیہ وسلم اعتکاف پر لبیک کہتے ہوئے اپنے گھروں،بیوی بچوں،ماں باپ کو گھروں میں چھوڑ کر مسجدوں کو اپنا مسکن بنا لینگے اور دن رات ذکر الٰہی میں سربسجود ہو جائینگے
سخت ترین گرمی کا موسم ہے اور بار بار بجلی جانے سے مسجدوں میں پانی کی قلت کیساتھ یو پی ایس کی بیٹریاں تک چارج نہیں ہوتیں لہذہ گورنمنٹ کو چائیے کہ ایک عظیم سنت پر عمل پیرا ہونے والے متعکفین کیلئے کم ازکم ان دس دنوں میں لوڈشیڈنگ نا کی جائے تاکہ یہ متعکفین بغیر کسی پریشانی اعتکاف میں زیادہ سے زیادہ عبادات کریں اور قرب الہٰی حاصل کریں جس کے باعث مملکت پاکستان پر اللہ رب العزت کا خاص کرم ہو
تمام مسجدوں کی انتظامیہ نے ان متعکفین کیلئے کھانے پینے کا خاص اہتمام کیا ہے
نیز یکم رمضان سے ہی لوگ اپنی بساط سے بڑھ کر لوگوں کیلئے سحر و افطار کا انتظام کر رہے ہیں

قصور
زندہ دلان و غیور قصوریوں کی محنت لگن سے تھیلیسیمیا کے مریض بچوں کیلئے شروع کیا جانے والا احمد تھیلیسیمیا کئیر ہسپتال اپنے تعمیراتی مراحل میں سے چھت تک پہنچ گیا،آج لینٹر ڈالا جا رہا ہے،تھیلیسمیا کے مریض بچوں و والدین کی تعاون کرنے والوں کیلئے خصوصی دعائیں

تفصیلات کے مطابق آج 21 اپریل بروز جمعرات کنگن پور میں واقع تھیلیسیمیا کے شکار بچوں کے لئے بننے والے احمد تھیلیسیمیا کئیر ہسپتال کنگن پور کا لینٹر ڈالا جارہا ہے
واضع رہے کہ چار ماہ کی قلیل مدت میں تقریبا 60 لاکھ روپے خرچ کر کے یہ اپنی نوعیت کا انتہائج منفرد ،بہت
اہم ےرین اور مہنگا منصوبہ ہے جو کہ تعمیراتی مراحل میں چھت تک آپہنچا ہے
نیز یہ کسی بھی سرکاری گرانٹ، بیرونی امداد اور سیاسی پیکج کے بغیر صرف مقامی اور قریبی شہروں کے مخیر حضرات کے تعاون سے تکمیل کی طرف تیزی سے رواں دواں ہے
واضع رہےکہ ملک بھر میں کسی بھی قصبے میں بلڈ ٹرانسفیوژن کا یہ واحد ادارہ بننے جا رہا ہے
جس میں ہر مکتبہ فکر اور شعبہ ہائے زندگی سے تعلق رکھنے والے افراد کا تعاون شامل ہے
ہسپتال انتظامیہ کی کوشش ہے کہ اسی سال اگست تک یہ ہسپتال مکمل ہو کر بلڈ کینسر، تھیلیسیمیا،ہیموفیلیا اور دیگر خون سے منسلک مہلک بیماریوں کا علاج شروع کر دے
اس ہسپتال کی تعمیر میں اہل علاقہ کا بھرپور تعاون شامل ہے جس میں کنگن پور، الہ آباد، چونیاں، پتوکی، قصور کی مختلف تاجر تنظیموں اور صحافی برادری شامل ہیں
اسی سلسلے میں گزشتہ روز مین بازار کنگن پور میں پریس کلب کنگن پور کی طرف سے فنڈ ریزنگ واک کی گئی جس میں اہل علاقہ نے دل کھول کر عطیات دیئے
واک کی قیادت سینیئر صحافی سید تنویر اقبال بخاری صاحب اور ملک اکرم شہکی صاحب نے کی اس موقع پر تھیلیسیمیا کئیر فاونڈیشن کنگن پور ضلع قصور کے کارکنان و عہدہ دار بھی موجود تھے جن میں پروفیسر عبدالستار ملک CEO۔ ماسٹر منیر صدر، محمد سعید چئیرمین، نوید گوریہ جنرل سیکریٹری، محمد احسن جمال جوائنٹ سیکریٹری، اشرف شاہین فنانس سیکریٹری تھیلیسیمیا کئیر فاونڈیشن و دیگر موجود تھے
تھیلیسیمیا کے مریض بچوں اور ان کے والدین نے ہسپتال انتظامیہ و تعاون کرنے والوں کیلئے خصوصی دعا اور اہلیانِ علاقہ سے مذید مدد کی اپیل کی ہے تاکہ منصوبہ جلد سے جلد پایہ تکمیل تک پہنچے اور تھیلیسیمیا کے مریض بچے ہر ہفتہ قصور سے لاہور کا مشکل سفر کرنے سے بچ کر اپنے علاقے میں ہی علاج کروا سکیں
واضع رہے کہ تھلیسمیا کے مریض بچوں کی حد عمر 17 سے 20 سال ہے وہ بھی بہت کم ورنہ اس سے بھی قبل وفات لازمی ہے

قصور
مہنگائی کا طوفان نا تھم سکا ،روزے دار سخت پریشان،سبزیوں پھلوں کی قیمتوں میں بے تحاشہ اضافہ جاری،انتظامیہ محض دعوؤں تک محدود

تفصیلات کے مطابق ماہ رمضان میں مہنگائی کا شروع ہونے والا طوفان تھم نا سکا ہے جس کے باعث روزے دار سخت پریشان ہیں
لیموں رمضان سے محض دو دن قبل 120 روپیہ کلو تھے رمضان شروع ہوتے ہیں 250 اور اب 409 روپیہ فی کلو ہو گئے ہیں
اسی طرح دیگر پھلوں سبزیوں کی قیمتوں میں بھی بے تحاشہ اضافہ جاری ہے
سرکاری و دکانداروں کی قیمتوں میں زمین آسمان کا فرق ہے
دکانداروں کا کہنا ہے کہ ہمیں چیزیں منڈی سے مہنگی ملتی ہیں سو ہم مجبور ہیں جبکہ ضلعی انتظامیہ محض دعوؤں تک محدود ہے جبکہ عملی طور پر کوئی کام عمل میں نہیں لایا گیا
شہریوں نے ضلعی،صوبائی و وفاقی انتظامیہ سے رحم کی اپیل کی ہے

قصور
اتحاد ویلفئیر فاؤنڈیشن ڈھلواں بھائی پھیرو کے زیر اہتمام افطار پارٹی کا اہتمام،معروف مذہبی سکالر و صحافی مولانا امیر حمزہ نے خصوصی شرکت کی

تفصیلات کے مطابق اتحاد ویلفئیر فاؤنڈیشن ڈھلواں کے زیر اہتمام کل 17 اپریل 15 رمضان کی افطاری کا انتظام پھولنگر اڈا سرائے چھینہ ڈھلواں میں کیا گیا جس میں پاکستان کے معروف مذہبی سکالر و صحافی حضرت مولانا امیر حمزہ نے خصوصی شرکت کی
اتحاد ویلفئیر فاؤنڈیشن نے سینکڑوں لوگوں کیلئے افطاری کا انتظام کیا تھا
افظاری کے بعد مولانا امیر حمزہ نے خصوصی خطاب فرمایا اور پاکستان و عالم اسلام کیلئے خصوصی دعا کی اور شرکاء کو ماہ رمضان کی حرمت پر لیکچر دیا
شرکاء نے بڑی دلجمعی سے لیکچر سنا اور افطار پارٹی میں شرکت کرنے پر مولانا امیر حمزہ کا خصوصی شکریہ ادا کیا
اتحاد ویلفئیر فاؤنڈیشن ڈھلواں کے زیر اہتمام مستحقین کیلئے افطاری و سحری کا خصوصی انتظام روزانہ کی بنیاد پر کیا جاتا ہے اور لوگوں کو ان کے گھروں میں سحری و افطاری کا تیار کھانا پہنچایا جاتا ہے نیز اس کے علاوہ غرباء مساکین و بیواؤں کیلئے خصوصی عید پیکج بھی تیار کیا جائے گا