Author: غنی محمود قصوری

قصور
پہلے دو روزوں کے بعد لوڈشیڈنگ پھر شروع،دیہات کی نسبت شہروں میں سکون،گرمی کی شدت میں اضافہ،روزے داروں کی لوڈشیڈنگ نا کرنے کی استدعا

تفصیلات کے مطابق ملک میں حالیہ بدتریں لوڈشیڈنگ کے بعد ماہ رمضان میں لوڈشیڈنگ سے کچھ نجات ملی ہے خاص کر پہلے دو روزے لوڈشیڈنگ نا ہونے کے برابر تھی جس کے باعث روزے داروں کو گرمی کے باعث پریشانی کا سامنا نہیں کرنا پڑا تھا
تاہم آج سے پھر ایک بار پھر لوڈشیڈنگ کا سلسلہ شروع ہو گیا ہے اور گرمی کی شدت میں بھی اضافہ ہوا ہے جس کے باعث روزے دار پریشان ہیں
دیہاتوں کی نسبت شہروں میں لوڈشیڈنگ کم ہے
روزے داروں نے استدعا کی ہے کہ سخت گرمی اور ماہ رمضان کے باعث لوڈشیڈنگ نا کی جائے تاکہ روزہ رکھ کر روزے داروں کو گرمی کا سامنا نا کرنا پڑے

قصور
تحریک اللہ اکبر قصور کے ضلعی چئیرمین حافظ ابولقاسم کی زیرنگرانی کنگن پور میں ایریا چئیرمین امجد شہزاد کے زیرسایہ لوگوں کیلئے سحر و افطار کا انتظام،دائرہ کار جلد شہروں کی طرح دیہات میں شروع کیا جائے گا ،حافظ ابو القاسم

تفصیلات کے مطابق تحریک اللہ اکبر پاکستان ضلع قصور کے چئیرمن حافظ ابو القاسم کی ہدایت پر تحصیل چونیاں کے شہر کنگن پور کے ایریا چئیرمین امجد شہزاد کی زیر نگرانی غرباء و مساکین کیلئے سحر و افطار کا خصوصی بندوبست کیا گیا ہے
اللہ اکبر تحریک کنگن پور کے کارکنان لوگوں کے گھروں میں خود جا کر سحر و افطار کیلئے تیار کھانا مستحقین کے گھروں میں پہنچا رہے ہیں اور کنگن پور انتظامیہ کا کہنا ہے کہ یہ سلسلہ سارا رمضان جاری رہے گا
امجد شہزاد،احسن جمال،ابتسام الہی،حماد اسماعیل یزدانی و دیگر اعلی عہدیداران خود لوگوں کے گھروں میں جا کر کھانا تقسیم کر رہے ہیں

تحریک اللہ اکبر ضلع قصور کے چئیرمین حافظ ابوالقاسم کی ہدایت پر ضلع بھر میں مستحقین کیلئے سحر و افطار کا خصوصی انتظام کیا گیا ہے اور کہا گیا ہے کہ اس کا دائرہ کار بہت جلد شہروں کے علاوہ گاؤں دیہات تک بڑھایا جائے گا

قصور
لاکھوں روپیہ روزانہ ٹول ٹیکس اکھٹا کرنے والے لاہور قصور فیور پور روڈ پر بنے گڑھے بجری تارکول کی بجائے مٹی سے پر کئے جانے لگے،دھول مٹی سے شہری سخت پریشان

تفصیلات کے مطابق لاکھوں روپیہ روزانہ ٹول ٹیکس اکھٹا کرنے والی لاہور قصور فیروز پور روڈ منی موٹروے پر بنے بڑے بڑے گڑھے بجری و تارکول کی بجائے مٹی سے پر کئے جانے لگے ہیں جس کے باعث دھول مٹی اڑنے سے لوگ پریشان ہو گئے ہیں
شہریوں کا کہنا ہے کہ اس سڑک سے روزانہ لاکھوں روپیہ اکھٹا کیا جاتا ہے مگر پھر بھی اس سڑک پر عرصہ دراز سے کوئی پیسہ نہیں لگایا گیا اگر سرکار نے اس سڑک کو مرمت نہیں کرنا تو کم از کم ٹول پلازہ فیس ہی نا لے
اس روڈ کی حالت عام لوکل روڈز سے بھی بدتر ہے مگر ٹول پلازہ فیس سے لاکھوں روپیہ روزانہ اکھٹا کیا جاتا ہے پھر بھی سڑک کی حالت انتہائی خراب ہے جو کہ محکمہ شاہرات،ضلعی و صوبائی انتظامیہ کی کارکردگی پر ایک سوالیہ نشان ہے

قصور
ضلع بھر کی سڑکوں پر مٹی و ریٹ سے لدی بغیر ترپال ٹریکٹر ٹرالیوں کا راج،شہریوں کا گزرنا محال،ضلعی انتظامیہ خاموش تماشائی

تفصیلات کے مطابق قصور ضلع بھر میں اور خاص کر تحصیل قصور میں مٹی و ریٹ سے لدی بغیر ترپال ٹرالیوں کا راج ہے جس کے باعث سڑکوں پر لوگوں کا گزرنا محال ہو چکا ہے
ایک تو سڑکیں انتہائی کم چوڑی ہیں دوسرا ٹرالی والے دوسرے لوگوں کو راستہ دینے کی زحمت ہی نہیں کرتے
ترپال نا ڈالنے کی وجہ سے مٹی و ریت سڑکوں پر گرنے سے گزرنے والوں کی آنکھوں میں پڑتی ہے جس کے باعث موٹر سائیکل سواروں کے ابتک کئی حادثات ہو چکے ہیں
اس بابت ضلعی انتظامیہ کو شہریوں کی طرف سے آگاہ بھی کیا گیا ہے مگر کوئی کاروائی عمل میں نہیں لائی جاتی
شہریوں نے ڈپٹی کمشنر قصور و کمشنر لاہور ڈویژن سے ازخود نوٹس لے کر کاروائی کا مطالبہ کیا ہے

قصور
تحریک اللہ اکبر پاکستان ضلع قصور کے علاقہ گنڈا سنگھ قصور کے صدر عبداللہ شاہین کی خصوصی کاوش سے گنڈا سنگھ کی عوام کے لئے نیا فیڈر منظور،اہلیان علاقہ کا شکریہ

تفصیلات کے مطابق تحریک اللہ اکبر پاکستان ضلع قصور کے علاقے گنڈا سنگھ کے صدر عبداللہ شاہین اور حاجی طفیل کی خصوصی کاوشوں سے گنڈا سنگھ کی عوام کیلئے بجلی کی بلا تعطل فراہمی کیلئے
نیا فیڈر بمعہ 460 کھمبوں کے منظور کر لیا گیا ہے
کم و بیش 5 کروڑ کے اس منصوبے کی منظوری کروانے پر اہلیان علاقہ نے اللہ اکبر تحریک گنڈا سنگھ کا خصوصی شکریہ ادا کیا ہے
ایڈیشنل مینیجر ایم ایم لاہور الیکٹرک سپلائی لمیٹڈ نے آرڈر نمبر 8659 بتاریخ 30 مارچ 2022 کو جاری کر دئیے ہیں

قصور
بدترین لوڈشیڈنگ نے لوگوں کا جینا محال کر دیا،گرمی کی شدت میں اضافہ،لوگ سخت پریشان ہو گئے

تفصیلات کے مطابق قصور ضلع بھر میں اور خاص کر دیہی علاقوں می شدید ترین لوڈشیڈنگ نے لوگوں کا جینا محال کردیا ہے 24 گھنٹوں میں 12 سے 14 گھنٹہ تک لوڈشیڈنگ کی جا رہی ہے جس کے باعث لوگ سخت پریشان ہو گئے ہیں اور پانی کی بوند بوند کو ترس گئے ہیں جبکہ گرمی کی شدت میں بھی اضافہ ہو گیا ہے اور ماہ رمضان کی بھی آمد نزدیک ہے جس کے باعث لوگوں کا کہنا ہے کہ اگر ماہ رمضان میں ایسے ہی لوڈشیڈنگ کی گئی تو اتنی گرمی میں روزے داروں کا برا حال ہو جائے گا
شہریوں نے وزیراعظم پاکستان اور وزیر اعلی پنجاب سے استدعا کی ہے کہ لوڈشیڈنگ کا دورانیہ کم کیا جائے

قصور
رات گئے میرج ہال میں 7 سے 8 ڈاکوؤں نے پوری بارات کو یرغمال بنا کر لوٹ لیا،اہلیان علاقہ سخت پریشان،ڈی پی او قصور سے ملزمان کو جلد سے جلد گرفتار کرنے کا مطالبہ

تفصیلات کے مطابق قصور کے تھانہ مصطفی آباد کی حدود میں بھلو ٹاپ اور وڈانہ سٹاپ کے درمیان فیروز پور روڈ پر واقع میرج ہال میں رات گئے 7 سے 8 مسلح ڈاکووں نے ہال میں گھس کر پوری بارات کو یرغمال بنا کر لوٹ لیا
ڈاکووں نے خواتین سے بھی لاکھوں روپیہ مالیت کے زیورات چھینے اور دلہن سمیت بارات میں موجود درجنوں خواتین کے کانوں سے بالیاں نوچ لیں جبکہ جاتے ہوئے ڈاکو باراتیوں کے موبائل بھی لے گئے جس پر رات گئے متاثرہ افراد نے فیروز پور روڈبلاک کرکے احتجاج کیا پولیس کے خلاف نعرے بازی بھی کی
اطلاع پا کر مقامی پولیس نے موقع پر پہنچ کر تحیقات شروع کر دی اور میرج ہال کے کیمروں کی مدد سے نامعلوم ڈاکوؤں کا سراغ لگایا جا رہا ہے
شہریوں نے اس واردات کے ملزمان کو جلد سے جلد گرفتار کرنے کا مطالبہ کیا ہے تاکہ امن و امان کی صورتحال یقینی بن سکے

قصور
تحریک اللہ اکبر پاکستان سٹی قصور کی طرف سے خوشی ویلفئیر سوسائٹی رانا ٹاؤن چونیاں میں سٹریٹ لائٹس کا انتظام

تفصیلات کے مطابق تحریک اللہ اکبر پاکستان سٹی قصور نے جذبہ خدمت انسانیت کے تحت خوشی ویلفئیر سوسائٹی رانا ٹاؤن چونیاں میں اپنی مدد آپ کے تحت لوگوں کی سہولت کیلئے سٹریٹ لائٹس کا انتظام کیا جس پر اہلیان علاقہ نے تحریک اللہ اکبر سٹی چونیاں کے کارکنان کو داد تحسین پیش کی اور کہا کہ جو کام گورنمنٹ کا ہے وہ ایک سیاسی جماعت بے لوث ہو کر کر رہی ہے
تحریک اللہ اکبر ضلع قصور ضلعی چئیرمین حافظ ابولقاسم کی قیادت میں بیوہ و غریب خاندانوں میں مفت راشن کی تقسیم،ہسپتالوں میں مریضوں کو مفت خون کی فراہمی،ڈی ایچ کیو ہسپتال قصور میں ایک روزہ دستر خوان لگانے کے علاوہ اپنی مدد آپ کے تحت گلی محلوں میں ٹوٹی سڑکوں کو بھی مرمت کر رہی ہے
ضلعی قیادت کا کہنا ہے کہ ہم یہ کام خالص اللہ کی رضا کیلئے کر رہے ہیں اور کرتے رہینگے جبکہ ماہ رمضان میں ان کاموں میں تیزی لائی جائے گی

قصور
ٹریفک و پیٹرولنگ پولیس کی موجودگی کے باوجود سڑکوں پر اوورلوڈڈ ٹرالیوں،ٹرکوں کا راج،آئے روز حادثات ہونا معمول عوام پریشان،ڈی پی او قصور سے نوٹس کی اپیل

تفصیلات کے مطابق لاہور قصور فیروز پور روڈ بمقام مصطفی آباد ٹول پلازہ پر ٹریفک و پیٹرولنگ پولیس کی موجودگی کے باوجود اوور لوڈڈ ٹرالیاں و ٹرک کھلے گزر رہے ہیں جنہیں روکنے والا کوئی نہیں
انہی اوورلوڈڈ گاڑیوں کے باعث آئے روز حادثات جنم لیتے ہیں مگر افسوس کہ ٹریفک و پیٹرولنگ پولیس خاموش تماشائی بنی ہوئی ہے جس پر لوگوں کا کہنا ہے کہ جب باقاعدہ حصہ ملتا ہو تو پھر کسی کو روکنا کیسا
شہریوںکا کہنا ہے کہ یہ سب کچھ پیٹرولنگ و ٹریفک پولیس کے آشیر باد سے ہی ہو رہا ہے

شہریوں نے ڈی پی او قصور محمد صہیب اشرف سے ازخود نوٹس لے کر کاروائی کا مطالبہ کیا ہے