پاکستان کے معروف اور عالمی شہرت یافتہ گلوکار راحت فتح علی کا گانا’ ضروری تھا نا‘ نے ایک اور سنگ میل عبور کر لیا ہے۔

باغی ٹی وی : پاکستان سمیت دنیا بھر میں مقبول راحت فتح علی خان کے گانے کو یوٹیوب پر اب تک ایک ارب سے زائد بار سنا جا چکا ہے۔

گلوکار راحت فتح علی خان کا گانا ’’محبت بھی ضروری تھی بچھڑنا بھی ضروری تھا“ 6 سال قبل ریلیز کیا گیا تھا لیکن گانا ریلیز کے بعد سے اب تک مقبولیت کے نت نئے ریکارڈز قائم کر رہا ہے۔

8 جون 2014 کو یوٹیوب پر ریلیز ہونے والے گانے کا میوزک پاکستانی موسیقار ساحر علی بگا نے ترتیب دیا تھا۔

اس گانے کی ویڈیو میں راحت فتح علی خان کے ساتھ بھارت کے رئیلٹی شو بگ باس کے سیزن 7 کی فاتح گوہر خان، کوشال ٹنڈن اور ایلی اورم نظر آئے-

سال 2021 کا آغاز ہوتے گزشتہ روزہی اداکارہ و میزبان صنم جنگ اور ان کے شوہر کے درمیان طلاق کی خبریں وائرل ہو رہی ہیں۔

باغی ٹی وی : سوشل میڈیا پر اداکارہ صنم جنگ کی طلاق کی خبریں بھی سوشل میڈیا پر گردش کر رہی ہیں صنم جنگ کی طلاق کی خبریں اس وقت گردش کرنے لگیں، جب انہوں نے یکم جنوری 2021 کو انسٹاگرام پر اپنی تنہا تصویر شیئر کی۔

اداکارہ نے کافی پینے کی اپنی تنہا تصویر انسٹاگرام ویب سائٹ پر شیئر کرتے ہوئے لکھا تھا کہ وہ صوفے پر بیٹھ کر کافی پیتے ہوئے 2020 کو الوداع اور 2021 کو خوش آمدید کر رہی ہیں ساتھ ہی انہوں نے دعا کی کہ نیا سال سب کے لیے بہتر اور خوشیوں بھرا ثابت ہو-

تاہم اداکارہ کی جانب سے تنہا تصویر شیئر کیے جانے پر جلد ہی مداحوں نے سوالات کرنا شروع کیے کہ ان کے دیگر اہل خانہ کہاں ہیں اور بعض افراد نے تو سوال کیا کہ کیا ان کی بھی طلاق ہوگئی؟

لیکن اب اداکارہ نے ایسی افواہوں اور مداحوں کے کمنٹس پر وضاحت کرتے ہوئے طلاق کی خبروں کو جھوٹا اور من گھڑت قرار دیا ہے۔

صنم جنگ نے گزشتہ روز اپنے تصدیق شدہ انسٹاگرام اکاؤنٹ پر شوہر کے ساتھ خوشگوار موڈ میں تصویر شیئر کرتے ہوئے کہا کہ ان کی خوشحال اور شادی شدہ زندگی پر مداحوں کے کمنٹس کو بنیاد بنا کر ان کی طلاق کی افواہیں پھیلائی گئیں۔

اداکارہ نے لکھا کہ طلاق کی افواہوں اور خبروں کے فضول تبصروں پر وضاحت کرنے کا ان کا کوئی ارادہ نہیں تھا مگر چوں کہ افواہوں سے ان کے شوہر اور دیگر اہل خانہ پریشان ہو رہے تھے اس لیے انہیں وضاحت کرنی پڑی۔

اداکارہ نے مداحوں کے کمنٹس اور خبروں کو من گھڑت قرار دیتے ہوئے کہا کہ ان دونوں کی طلاق کی خبروں میں کوئی سچائی نہیں اور ایسی خبروں سے ان کے اہل خانہ کافی پریشان ہیں۔

انہوں نے لکھا کہ ان کے شوہر اور دیگر اہل خانہ کو کئی رشتے داروں کے فون آ چکے ہیں اور ان کی خوشیوں بھری زندگی افواہوں سے متاثر ہوئی۔

صنم جنگ نے لکھا کہ اگلے ہفتے ان کی شادی کی چھٹی سالگرہ آنے والی ہے اور وہ خوشحال زندگی گزار رہی ہیں جب کہ وہ اسی طرح باقی پوری زندگی بھی ساتھ گزارنے کا ارادہ رکھتے ہیں۔

انہوں نے مداحوں سے اپیل کی کہ وہ ان کی ذاتی زندگی سے متعلق حقائق جانے بغیر افواہیں نہ پھیلائیں تو بہتر ہوگا، افواہوں سے ان کی زندگی اور خوشیاں متاثر ہو رہی ہیں۔

انہوں نے کہا کہ یہ کسی کے اہل خانہ پر بہت سنگین الزام ہے اور ہم سب اس بے وقوف افواہ کی وجہ سے بہت پریشان ہوگئے ہیں۔ براہ کرم ہمارے اہل خانہ سے کچھ ہمدردی رکھیں کیونکہ ہم بھی حقیقی لوگ ہیں!

ساتھ ہی انہوں نے پوسٹ میں شوہر سید عبدل قسام جعفری کو بھی مینشن کیا۔

اداکارہ کی جانب سے وضاحت جاری کرنے کے بعد کئی لوگوں نے ان کی خوشیوں کے لیے دعا کی اور ساتھ ہی وضاحت جاری کرنے پر ان کا شکریہ بھی ادا کیا۔

خیال رہے کہ صنم جنگ نے چند سال قبل سید عبدل قسام جعفری سے شادی کی تھی جن کا شوبز سے کوئی تعلق نہیں صنم جنگ کو شوہر سے پہلی بیٹی 2016 کے اختتام پر ہی ہوئی تھی –

اداکارہ و میزبان صنم جنگ کی طلاق کی خبریں وائرل

سوشل میڈیا پر طلاق کی افواہیں صنم جنگ کا بیان سامنے آ گیا

پاکستان ڈرامہ انڈسٹری کی معروف اداکارہ سارہ خان کے والد کا حال ہی میں انتقال ہوا ہے جس کے بعد انہیں سوشل میڈیا پر پوسٹس شیئر کرنے پر تنقید کا سامنا کرنا پڑ رہا ہے۔

اداکارہ سارہ خان نے والد کے انتقال کے بعد اپنے انسٹاگرام اکاؤنٹ پر والدین کے لیے ایک جذباتی پیغام بھی شیئر کیا تھا سارہ خان نے انسٹاگرام پر ایک تصویر شیئر کی جس میں بچے اپنے والدین کے ساتھ کھیلتے نظر آرہے ہیں اور تصویر میں بہت خوش ہیں- اور ساتھ ہی اس کے کیپشن میں اپنے مرحوم والدین کے لیے دعا بھی لکھی اورکہا کہ اس پینٹنگ کو جنت کا پہلا لمحہ کہا جاتا ہے۔

اُنہوں نے جذباتی انداز میں والد کو یاد کرتے ہوئے لکھا تھا کہ میں اُس دن کا انتظار نہیں کر سکتی کہ جب ہم انشاء اللہ دوبارہ ایک ساتھ ہوں گے۔

تاہم اب سارہ خان نے اپنے ڈرامے رقص بسمل کے حوالے سے انسٹاگرام پر ایک پوسٹ شیئر کی جس پر انہیں تنقید کا نشانہ بنایا جا رہا ہے-

حبا نور نامی صارف نے سارہ کی تصویر پر کمنٹ کیا کہ ‘ابھی ایک ہفتہ بھی نہیں ہوا اور آپ اپنے ڈرامے کے حوالے سے پوسٹس لگا رہی ہیں، کیسی دنیا ہے یہ اداکاری کی۔

اداکارہ سارہ خان بھی اس تنقید پر چپ نہ رہ سکیں اور انہوں نے صارف کو جواب دیتے ہوئے کہا کہ ‘کیوں، ایک مہینے بعد پوسٹ کرتی تو غم کم ہو جاتا؟ کیا اس بات کا کوئی مطلب بن رہا ہے؟

خیال رہے کہ گزشتہ دنوں پاکستان شوبز انڈسٹری کی اداکارہ سارہ خان، نور خان اور اداکارہ ایمن، منال کے بھی والد کا انتقال ہوا تھا۔

ایمن اور منال خان کے والد انتقال کر گئے

سارہ خان کا مرحوم والد کے لئے جذباتی پیغام

سارہ خان کے والد انتقال کر گئے

فلک شبیر سُسر کے انتقال پر غمزدہ

گزشتہ روز شادی کے بندھن میں بندھنے والی پاکستانی اداکارہ اور میزبان نادیہ خان نے اپنی شادی کی تصاویر پر مشتمل ویڈیو جاری کردی ہے۔

باغی ٹی وی : واضح رہے کہ کچھ روز قبل خبر سامنے آئی تھی کہ نادیہ خان نے منگنی کرلی ہے اور اب وہ ایک بار پھررشتہ ازدواج میں منسلک ہونے جا رہی ہیں سوشل میڈیا پر گردش خبروں کے مطابق اداکارہ نادیہ خان کے منگیتر ائیرفورس میں پائلٹ ہیں –

اور اب گزشتہ روز اچانک نادیہ خان نے ایک نے سوشل میڈیا پوسٹ کے ذریعے شادی کی تصدیق کی ان کے شوہر فیصل ممتاز پاک فضائیہ میں ونگ کمانڈر رہ چکے ہیں۔

نادیہ خان نے انسٹاگرام پوسٹ میں شادی کرنے کا اعلان کیا تھا اور ساتھ ہی ایک تصویر بھی شیئر کی تھی مذکورہ تصویر میں نادیہ خان کے مہندی لگے ہاتھ نظر آرہے ہیں جبکہ اُنہوں نے ہاتھوں میں گلاب اور چمبیلی کے خوبصورت کنگن بھی پہنے ہوئے تھے-

انہوں نے لکھا تھا میں بہت جلد اپنے مداحوں کے ساتھ اپنی شادی کی تقریب کی تصویریں شیئر کروں گی۔

اور اب انہوں نے ایک اور انسٹاگرام پوسٹ میں اپنی شادی کی ویڈیو کا لِنک شیئر کردیا ویڈیو کے مطابق نادیہ خان کی شادی اسلام آباد میں واقع فارم ہاؤس پر ایک نجی تقریب میں ہوئی۔

نادیہ خان کے یوٹیوب چینل آؤٹ اسٹائل ود نادیہ پر ان کی شادی کی البم کی ویڈیو شیئر کرتے ہوئے لکھا گیا کہ اداکارہ و میزبان کے مداحوں اور فالوورز کے لیے شادی کی تصاویر جاری کی گئی ہیں۔

یہ ویڈیو اسلام آباد میں ان کے فارم ہاؤس ہر قریبی دوستوں اور اہلخانہ کے ساتھ خوبصورت نجی تقریب میں ہونے والی شادی کی تقریب کے یادگار لمحات کی تصاویر ہیں۔

نادیہ خان نے درخواست کی ان کے شوہر ونگ کمانڈر فیصل ممتاز راؤ (ر) کے حوالے سے تبصرہ کرنے میں نرمی برتیں کیونکہ وہ ہماری پاک فضائیہ میں فائٹر پائلٹ رہے ہیں اور افواج پاکستان کے دوسرے بہادر افسران کی طرح بے پناہ احترام کے مستحق ہیں۔

خیال رہے کہ سوشل میڈیا پر کہا جارہا ہے کہ یہ نادیہ خان کی تیسری شادی ہے اور پہلی 2 شادیوں سے ان کے 3 بچے ہیں، ان کی بیٹی کا نام علیزے بڑے بیٹے کا نام اذان اور چھوٹے کا نام کیان ہے۔

تاہم گزشتہ روز اپنی پوسٹ پر ایک مداح کے کمنٹ کے جواب میں نادیہ خان نے کہا تھا کہ یہ ان کی دوسری شادی ہے اور انہوں نے کیان کو گود لیا ہے-

واضح رہے کہ کچھ ماہ پہلے پی ٹی وی کے ایک شو کے دوران بات کرتے ہوئے نادیہ خان نے اپنی پہلی شادی کو زندگی کی سب سے بڑی غلطی قرار دیا تھا۔

نادیہ خان تیسری بار دلہن بننے کے لئے تیار؟