پاکستان شوبز انڈسٹری کی معروف اداکارہ مایا علی نے پروڈکشن ہاؤسز سے درخواست کی کہ وہ عورت کو تھوڑا مضبوط دکھائیں اور اگر رو بھی رہی ہو تو اس کے پیچھے کوئی حقیقی وجہ ہونی چاہیئے-

باغی ٹی وی :برطانوی نشریاتی ادارے (بی بی سی) کو دیئے گئے انٹریو میں اداکارہ مایا علی نے کہا کہ ہمارے معاشرے کی عورتوں کو بہت مظلوم دکھایا جاتا ہے لیکن مجھے نہیں لگتا کہ عورت مظلوم ہے کیوںکہ میرے گھر میں میری ماں اور خالہ جو میری رول ماڈل بھی ہے وہ بہت مضبوط ہیں۔

مایا علی کا کہنا تھا کہ میرا یہ خیال ہے کہ لوگوں کو بہت اچھا لگتا ہے عورت کو رولانا یا روتے ہوئے دیکھنا اگر کوئی مختلف پروجیکٹ سامنے لایا جاتا ہے جس میں عورت کو مظلوم نہ دکھایا جائے یا وہ روتے ہوئے نہ دکھائی دے تو لوگوں کو یہ چیز پسند نہیں آتی۔

مایا علی نے کہا کہ میری پروڈکشن ہاؤسز سے درخواست ہے کہ وہ عورت کو تھوڑا مضبوط کردار میں دکھائیں یا کم سے کم اگر وہ رو بھی رہی ہو تو اس کے پیچھے کوئی حقیقی وجہ ہونی چاہیے لیکن افسوس کہ جب میں کسی سے مطالبہ کرتی ہوں کہ مجھے مختلف اسکرپٹ چاہیے تو جواب دیا جاتا ہے کہ اس کی ریٹنگ ہی نہیں آتی اس لیے مجھے سمجھ نہیں آتا کہ اس کا الزام میں خود کو سوسائٹی کو یا پھر لوگوں کو دینا چاہیے۔

مایا علی نے شعیب منصور کی ہدایت کاری میں بننے والی ماہرہ خان کی فلم ’ورنہ‘ کی مثال دیتے ہوئے کہا کہ اس فلم میں اگر عورت کو روتے ہوئے یا مظلوم دکھایا تو ساتھ ہی اس کو مضبوط بھی دکھایا ہے۔

واضح رہے کہ اداکارہ مایا علی ان دنوں ڈرامہ سیریل ’پہلی سی محبت‘ میں اداکار شہریار منور کے مدمقابل کام کررہی ہیں۔

قومی ٹیم کے سابق کپتان شاہد خان آفریدی جو ‘لالہ’ اور ‘بوم بوم’ کے نام سے بھی جانے جاتے ہیں کے مداحوں کو سوشل میڈیا پر ان کا ہمشکل مل گیا جس کے حوالے سے تبصرے جاری ہیں کہ آیا وہ شاہد آفریدی ہیں یا کوئی اور۔

باغی ٹی وی :پاکستانی ٹوئٹر صارفین نے حال ہی میں شاہد آفریدی اور امریکی اسٹار جینسن ایکلز کے درمیان مماثلت نوٹ کی اور اس حوالے سے تبصرے کرنا شروع کردیے۔

تاہم صارفین کی جانب سے نوٹ کی گئی مماثلت حیران کن بھی ہے لیکن کچھ صارفین نے اس مماثلت کو پسند کیا اور کچھ تو انہیں شاہد آفریدی ہی سمجھ بیٹھے ٹوئٹر پر شیئر کی گئی اداکار کی تصاویر کو دیکھا جائے تو ان کے ہنسنے کا انداز اور ہیئر اسٹائل شاہد آفریدی سے کچھ ملتا جلتا ہے۔

ریحام نامی صارف نے ٹوئٹر پر جینسن ایکلز کی مختلف تصاویر شیئر کرتے ہوئے لکھا تھا کہ وہ انہیں بہت پسند کرتی ہیں۔

جس کے بعد کچھ صارفین نے اسی ٹوئٹ کو ری ٹوئٹ کرتے ہوئے انہیں شاہد آفریدی جیسا قرار دیا۔

You're not alone.Hundreads of Millions love Shahid Khan Afridi 😂

— Usama Sadiq (@Uzamasadiq) December 8, 2020

اسامہ صادق نامی صارف نے لکھا کہ تم ہی نہیں ہزاروں اور سینکڑوں لوگ شاہد آفریدی کو پسند کرتے ہیں-

damn afridi looks good here https://t.co/2EdkcVWb7J

— 𝖊𝖒𝖆𝖓 (@emannotiman) December 5, 2020

ایمان نامی صارف نے لکھا کہ آفریدی یہاں اچھے لگ رہے ہیں۔

Lala looks a bit different here 🤔🧐 https://t.co/0dvqPXbpjM

— انس (@AnasMagnificent) December 6, 2020

انس نامی صارف نے لکھا کہ لالہ یہاں تھوڑے مختلف دکھائی دے رہے ہیں-

Is that you @SAfridiOfficial ? https://t.co/iMV2bkBlyL

— Khala Madrid🐼 (@friesologyyy2) December 6, 2020

ایک صارف نے شاہد آفریدی کو ٹیگ کرتے ہوئے پوچھا کہ شاہد آفریدی کیا یہ آپ ہیں؟

Shahid afridi is that you? https://t.co/8rTN2Dr39l

— 🕊️ (@gostudygirl007) December 6, 2020

شزا نامی صارف نے بھی پوچھا کہ شاہد آفریدی کیا یہ آپ ہیں؟
https://twitter.com/AdilGhumro/status/1335648934182653952?s=20
عادل نامی صارف نے لکھا کہ ارے یہ تو اپنا لالہ ہے۔
https://twitter.com/mirsahiib/status/1335235898741567489?s=20
میر سیاوش نامی ٹوئٹر ہینڈل نے سوال کیا کہ ‘کون ہے یہ غریبوں کا شاہد آفریدی’؟
https://twitter.com/wildestfire2/status/1335595851058720769?s=20
بعد ازاں ریحام نامی صارف جس نے پہلے امریکی اداکار کی تصاویر شیئر کی تھیں، نے ان تبصروں کا جواب دیتے ہوئے کہا کہ جینسن ایکلز شاہد آفریدی جیسے نہیں ہیں۔

گزشتہ ہفتے سے فیروز خان اور ان کی اہلیہ علیزے فاطمہ کے درمیان علیحدگی کی خبریں سوشل میڈیا پر گردش کررہی ہیں جن کی تصدیق اب اداکار نے مبہم انداز میں کی ہے-

باغی ٹی وی : فیروز خان اور ان کی اہلیہ علیزے فاطمہ کے درمیان علیحدگی کی خبریں سوشل میڈیا پر گردش کررہی ہیں۔ یہ خبر اس وقت سامنے آئی ہے جب اسی ہفتے گلوکار و اداکار فرحان سعید اور عروہ حسین کی علیحدگی کی خبریں سامنے آئی تھیں۔ تاہم ان دونوں جوڑیوں نے ان افواہوں کی باقاعدہ تصدیق نہیں کی تھی-

تاہم اب اداکار فیروز خان نے اہلیہ علیزے فاطمہ سے علیحدگی کی خبر پر خاموشی توڑتے ہوئے مبہم انداز میں تصدیق کی ہے-

اداکار فیروز خان اور ان کی اہلیہ علیزہ فاطمہ نے بھی راہیں جدا کر لیں؟

خبریں گردش کر رہیں تھیں کہ اداکار فیروز خان اور ان کی اہلیہ علیزہ فاطمہ نے شادی کے 2 سال بعد علیحدگی اختیار کرلی ہے اور دونوں اب الگ الگ زندگی گزار رہے ہیں فیروز خان نے اہلیہ علیزہ فاطمہ اور ان کی فیملی کو انسٹاگرام پر ان فالو کردیا ہے جب کہ علیزہ کی والدہ نے بھی فیروز خان سے متعلق تمام پوسٹ ڈیلیٹ کردی ہیں۔

علیحدگی کی خبروں سے متعلق دونوں کی جانب سے ابھی تک کسی قسم کا کوئی بیان سامنے نہیں آیا تھا تاہم فیروز خان اور ان کی اہلیہ سے جڑے قریبی افراد کا کہنا تھا کہ دونوں کے درمیان دوریاں بڑھ گئی ہیں۔

فرحان سعید اور عروہ حسین نے شادی کےچار سال بعد راستے جدا کر لئے

سوشل میڈیا پر گردش ہونے والی خبروں پر اب تک اداکار فیروز خان اور ان کی اہلیہ کی جانب سے کسی قسم کی تصدیق یا تردید سامنے نہیں آئی اور نہ ہی ان کی فیملی کی جانب سے کسی قسم کا بیان دیا گیا ہے البتہ فیروز خان نے انسٹاگرام پر ایک پوسٹ کے ذریعےمبہم انداز اپناتے ہوئے نشاندہی کرنے کی کوشش کی۔

اداکار فیروز خان نے اپنے انسٹاگرام پوسٹ پر بیٹے سلطان کے ساتھ ایک تصویر اپ لوڈ کی جس میں انہوں نے ’فور ایور ون‘ یعنی ہمیشہ کا ساتھ کا کیپشن استعمال کیا البتہ ایک ویب سائٹ نے دعویٰ کیا ہے کہ فیروز خان کا یہ کیپشن تبدیل شدہ ہے۔

ویب سائٹ کے مطابق فیروز خان نے اپنے بیٹے کے ساتھ تصویر کے ہمراہ یہ لکھا کہ اگر اسے بچے پسند نہیں، تو ہم پارٹی نہیں کرسکتے۔ جو بعد ازاں انہوں نے ڈیلیٹ کردیا۔

فیروز خان اور علیزے فاطمہ کی علیحدگی کی وجہ ہانیہ عامرہیں سوشل میڈیا صارفین

عروہ حسین کے والد کا بیٹی کی طلاق کے بارے میں بیان سامنے آ گیا

ماہرہ خان نے سوشل میڈیا پر اپنی نئی فلم ’نیلوفر‘ کی شوٹنگ مکمل ہونے کے بعد جذباتی پیغام شئیر کیا ہے اس فلم میں فواد خان ان کے مقابل اداکاری کررہے ہیں۔

باغی ٹی وی : ماہرہ خان اور فواد خان بہت جلد ایک ساتھ فلم ’نیلوفر‘ میں نظر آئیں گے ماہرہ خان نے اپنی نئی فلم کے سیٹ سے نہ صرف کچھ جھلکیاں شیئر کی ہیں بلکہ فلم کی شوٹنگ ختم ہونے پر نہایت جذباتی پوسٹ بھی تحریر کی ہے۔

ماہرہ خان نے انسٹاگرام پر فلم کے سیٹ کی تصاویر شیئر کیں جن میں وہ، فواد خان اور اداکار بہروز سبزواری نظر آرہے ہیں۔ اس کے علاوہ انہوں نے فلم کے اسکرپٹ کی تصویر بھی شیئر کی اور لکھا میں تمہارا کچھ حصہ اپنے ساتھ لے جارہی ہوں اور اپنی روح کا کچھ حصہ تمہارے پاس چھوڑ کر جارہی ہوں۔ میری پیاری ’نیلوفر‘ میں تمہیں بہت یاد کروں گی۔

ماہرہ نے فلم کی ٹیم کو سراہتے ہوئے کہا کہ اس فلم کے ساتھ جڑے ہر شخص نے فلم کو اپنا دل اور اپنی روح دی ہے مجھ سے انتظار نہیں ہورہا کہ کب ہماری محنت اسکرین پر آپ سب کے سامنے آئے۔ آمین۔ فلم کی شوٹنگ ختم ہوچکی ہے۔

واضح رہے کہ فلم ’نیلوفر‘ کی کہانی عمار رسول نے تحریر کی ہے جو کہ ایک نابینا لڑکی کے گرد گھومتی ہے۔ اس کردار کو ماہرہ خان ادا کررہی ہیں۔ فلم کی شوٹنگ لاہور میں کی گئی ہے۔

سال 2021 کو پاکستانی سینما اور ماہرہ خان کے لیے بڑا سال قرار دیاجارہا ہے کیونکہ اگلے سال ماہرہ خان کی تین فلمیں ریلیز کے لیے تیار ہیں۔ جن میں سے ایک ’دی لیجنڈ آف مولاجٹ‘ اس فلم میں ماہرہ خان اور فواد خان نے مرکزی کردار ادا کیا ہے۔ دوسری ’قائداعظم زندہ باد‘ اس فلم میں ماہرہ خان کے مقابل فہد مصطفیٰ نظر آئیں گے جب کہ تیسری فلم’نیلوفر‘ ہے۔

مسلمانوں کی اسلامی فتوحت پر مبنی عالمی شیرت یافہ ترک سیریز ارطغرل غازی میں بہادر جنگجو کا کردار ادا کرنے والے ترک اداکار انجین التان دو روزہ دورے پر پاکستان پہنچ گئے-

باغی ٹی وی : ترکی اردو نے سماجی رابطے کی ویب سائٹ ٹوئٹر پر اپنی ٹوئٹ میں اطلاع دی کہ ترک اداکار انجین التان دو روزہ دورے پر لاہور پہنچ گئے ہیں –

ارطغرل کو چوہدری گروپ آف انڈسٹریز کے ایہم ڈی چوہدری محمد اسماعیل اور میاں کاشف ضمیر نے مدعو کیا ہے-

پاکستانی نژاد کینیڈین نژاد یوٹیوب اسٹار شاہ ویر جعفری نے فیشن ڈیزائنر عائشہ بیگ سےمنگنی کرکے اپنی زندگی کے نئے سفر کا آغاز کیا ہے۔

باغی ٹی وی :رواں ماہ کے شروع میں افواہیں سوشل میڈیا پر گردش کرنے لگی تھیں کہ شاہ ویر جعفری 9 دسمبر کو منگنی کرنے والے ہیں۔

اب انہوں نے ایک انسٹاگرام پوسٹ میں منگنی کی تصدیق کی اور اپنی منگیتر کی تصویر بھی شیئر کی۔

یوٹیوبر نے انسٹا گرام اکاؤنٹ پر اپنی ہم سفر عائشہ بیگ کے ہمراہ منگنی کی کچھ تصاویر شیئر کی ہیں جس کے کیپشن میں انہوں نے فخریہ لکھا کہ اب وہ دونوں منگنی شدہ ہیں۔

رپورٹس کے مطابق شاہ ویر جعفری اور عائشہ بیگ کی منگنی کی تقریب اسلام آباد میں منعقد ہوئی جس میں صرف قریبی رشتہ داروں اور دوستوں نے شرکت کی۔

واضح رہے کہ مزاحیہ ویڈیوز کی وجہ سے شہرت حاصل کرنے والے یوٹیب اسٹارشاہ ویر جعفری کے یوٹیوب پر اب تک 20 لاکھ جب کہ انسٹا گرام پر 10 لاکھ سے زائد فا لوورز ہیں۔ مقبولیت کی وجہ سے اکثر اُن کے مداح کسی نہ کسی لڑکی کے ساتھ جوڑنے کی کوشش کرتے رہے ہیں۔ جس میں ایک نام اداکارہ سارہ کی بہن نور خان کا بھی ہے جن کے ساتھ شاہ ویر کے تعلقات کی خبریں سامنے آئیں تھیں جس پر نور نے وضاحت دیتے ہوئے کہا تھا کہ ہم دونوں صرف ہیں اور شاہ ویر ان کے بھائی جیسے ہیں۔