Author: عائشہ ذوالفقار

گزشتہ دنوں اسلام کی خاطر شوبز سے کنارہ کشی اختیار کرنے والی سابقہ اداکارہ و ماڈل زینب جمیل کا کہنا ہے کہ اپنی روحانی نشوونما کے لیے عہد کریں کیونکہ یہ آسان سفر نہیں ہے شیطان آپ کو آپ کے مقصد سے ہٹانے کے لیے بھرپور کوشش کرے گا۔

باغی ٹی وی :جیو انٹرٹینمنٹ کے مقبول ترین ڈرامہ سیریز ’خدا اور محبت‘ کے پہلے سیزن سے شہرت پانے والی سابقہ اداکارہ نے اپنی انسٹاگرام پوسٹ میں کہا کہ اپنی روحانی نشوونما کے لیے عہد کریں یہ آسان سفر نہیں ہے کیونکہ شیطان آپ کو آپ کے مقصد سے ہٹانے کے لیے بھرپور کوشش کرے گا۔

زینب جمیل نے کہا کہ اگر آپ اس کا ارتکاب نہیں کرتے ہیں تو آہستہ آہستہ آپ اپنا نقطہ نظر کھو دیں گے اور ان لوگوں کی طرح بات کرنا اور سلوک کرنا شروع کردیں گے جو اپنے خالق کی پرواہ نہیں کرتے ہیں۔

زینب جمیل نے پوسٹ کے کیپشن میں لکھا کہ میرے فیصلے پر آپ لوگوں نے جو ردعمل ظاہر کیا ہے اس کا شکریہ ادا کرنے کے لیے میرے پاس الفاظ نہیں ہے۔‘

اُنہوں نے لکھا کہ میں الفاظ میں یہ بیان نہیں کرسکتی ہوں کہ آپ کے پیغامات کو پڑھنے کے بعد میں آپ کی طرف سے ملنے والی محبت اور حمایت کے لیے کس قدر خوش ہوں۔

زینب جمیل نے کہا کہ استقامت کے ساتھ اس راستے پر چلتے رہنے کے لیے دعاؤں کی ضرورت ہے۔

یاد رہے کہ زینب جمیل نے اپنی حالیہ انسٹاگرام پوسٹ میں بتایا تھا کہ ’میں فخر سے اس بات کا اعلان کر رہی ہوں کہ میں نے اداکاری اور ماڈلنگ چھوڑ دی ہے۔

سابقہ اداکارہ نے اللّہ تعالیٰ کا شکریہ ادا کرتے ہوئے کہا تھا کہ ’الحمدللہ، الله پاک نے مجھے قرآن و حدیث کی تعلیم حاصل کرنے کا شرف بخشا ہے۔

اُنہوں نے کہا تھا کہ میں اب اپنی زندگی اسلامی تعلیمات کے مطابق بسر کرتے ہوئے دین اسلام کی زیادہ سے زیادہ تعلیم حاصل کروں گی۔‘

واضح رہے کہ زینب جمیل نے جیو انٹرٹینمنٹ کے متعدد ڈراموں میں کام کیا ہے جن میں خدا اور محبت، سدا سکھی رہو،سُسرال میری بہن کا، منچلی، مل کے بھی ہم نہ ملے اور آپ کی کنیز سمیت دیگر ڈرامے شامل ہیں۔

حمزہ علی عباسی خدا کے بارے میں کتاب لکھنے میں مصروف

رابی پیر زادہ نے چہرے پر نور لانے کا روحانی طریقہ بتادیا

پاکستان شوبز انڈسٹری کے نامور اداکار فیصل قریشی کو پبلک میں ماسک اتارنے پر سوشل میڈیا صارفین نے تنقید کا نشانا بنا ڈالا۔

باغی ٹی وی :سماجی رابطے کی ویب سائٹ ٹوئٹر پر ایک صارف نے لکھا کہ کل میں نے اداکار فیصل قریشی کو ایک مال میں دیکھا جہاں انہوں نے ماسک نہیں لگایا ہوا تھا اور وہ مداحوں کے ساتھ تصاویر کھنچوانے میں مصروف تھے، حکومت جتنی ہدایات جاری کردے لیکن اداکاروں کی وجہ سے عوام نے بھی عمل نہیں کرنا۔

I was wearing the mask but fans insisted to remove mask for pictures ab agar yeah na karta tou woh yeah tweet karty k im rude … https://t.co/C8uwGsRdcc

— Faysal Quraishi (@faysalquraishi) December 4, 2020

صارف کی جانب سے ٹوئٹ پر اداکار فیصل قریشی نے جواب دیتے ہوئے کہا کہ میں نے ماسک پہنا ہوا تھا تاہم کچھ مداحوں کی جانب سے سیلفی لینے کے لیے ماسک اتارنے کی درخواست کی گئی جس پر میں نے ایسا کیا تاہم اگر میں ماسک اتار کر مداحوں کی خواہش پوری نہ کرتا تو لوگ مجھے مغرور کہتے۔

I was wearing the mask but fans insisted to remove mask for pictures ab agar yeah na karta tou woh yeah tweet karty k im rude … https://t.co/C8uwGsRdcc

— Faysal Quraishi (@faysalquraishi) December 4, 2020

فیصل قریشی کے جواب پر سوشل میڈیا پر لوگوں نے اداکار کو شدید تنقید کا نشانا بنایا، ایک صارف نے کہا کہ آپ ٹرینڈ بنانے والے ہیں لہذا آپ کو ماسک نہیں اتارنا چاہیے تھا تاکہ آپ کے مداحوں کے لیے مثال بنے اور دوسرے لوگ بھی آپ کو فالو کریں۔

Bhai no excuse on SOPs, chahay fan ho ya وزیراعظم.

— Hassan Ibrahim (@thisishik) December 4, 2020

ایک اور صارف نے کہا کہ ایس او پیز کے معاملے پر کوئی بہانہ نہیں چلے گا چاہے وزیراعظم ہو یا مداح۔

You should have educate your fans that how important it is to wear masks … You shouldn't worry if people label you rude, as far as you are doing the right thing

— AbuRaihan (@AbuRaihanPak) December 4, 2020

آسٹریلوی کرکٹر بین ڈنک نے اداکار بلال عباس کو اداکار کے نئے ڈرامے ’ڈنک‘ پر ردعمل دیتے ہوئے نہایت دلچسپ مشورہ دیا ہے۔

باغی ٹی وی : پاکستان سپر لیگ کی فرنچائز کراچی کنگز اور لاہور قلندرز کی ٹیموں کے ممبر اور معروف آسٹریلین کھلاڑی بین ڈنک نے اداکار بلال عباس کے نئے ڈرامے ’ڈنک‘ پر ردعمل دیتے ہوئے ڈرامے کے ہیرو بلال عباس کو نئے ہیئر کٹ کا مشورہ دے دیا ہے-

دراصل بلال عباس کے نئے ڈرامے کا نام ’ڈنک‘ ہے اوربین کے نام کے آخرمیں بھی ’ڈنک‘ آتا ہے لہذا جب بلال عباس نے اپنے ڈرامے کا پوسٹر اپنی انسٹا اسٹوری میں شیئر کیا تو بہت سارے لوگوں نے غلط فہمی میں بین ڈنک کو بھی ٹیگ کردیا جس پر بین نے فوری ردعمل دیتے ہوئے کہا مجھے آج لوگوں نے اس پوسٹ پر ٹیگ کیا۔ انہوں نے مزید لکھا یقیناً اس اداکارکو نئے ہیئر کٹ کی ضرورت ہے۔

بلال عباس بھی پیچھے نہیں رہے انہوں نے بین ڈنک کو رپلائی دیتے ہوئے کہا میں آپ سے متفق ہوں۔ مجھے یقین ہے آپ سمجھ سکتے ہیں کہ لمبے بالوں کوسمبھالنا کتنا مشکل ہے۔ بلال عباس نے اپنے جواب میں یہ بھی بتایا کہ وہ بین ڈنک کے بہت بڑے مداح ہیں۔