گزشتہ ماہ اسلام کی خاطر بالی وڈ سے کنارہ کشی اختیار کرنے والی سابقہ بھارتی اداکارہ ثناء خان نے سوشل میڈیا پر اپنی مہندی کی تقریب کی تصاویر شیئر کردی ہیں۔
باغی ٹی وی :حال ہی میں بھارتی ریاست گجرات سے تعلق رکھنے والے مفتی انس نامی شخص سے شادی کرنے والی سابقہ بھارتی اداکارہ ثناء خان نے انسٹاگرام پر اپنی مہندی کی تقریب کی تصویریں اور ویڈیو پوسٹ کی ہیں۔
ثناء خان کی جانب سے پوسٹ کی گئی تصویروں میں اُن کے دونوں ہاتھوں پر لگی خوبصورت مہندی کو دیکھاجاسکتا ہے جبکہ اُنہوں نے گلابی اور نارنجی رنگ کا حسین جوڑا زیب تن کیا ہوا ہے اور دلکش لگ رہی ہیں-
بالی وڈ کی سابقہ اداکارہ ثناخان نے انسٹاگرام پر اپنا نام تبدیل کر لیا
سابقہ بھارتی اداکارہ کی ایک تصویر میں دیکھاجاسکتا ہے کہ وہ اپنے کمرے میں موجود ہیں اور دیوار پر لَآ اِلٰهَ اِلَّا اللّٰهُ مُحَمَّدٌ رَّسُوْلُ اللّٰهِ کی ایک تحریر لگی ہوئی ہے۔
کچھ تصاویر میں اپنے دونوں ہاتھوں میں مہندی لگا کر ثنا خان زبردست انداز میں پوز دیتی نظر آرہی ہیں
اسلام کی خاطر شوبز چھوڑنے والی بھارتی اداکارہ ثنا خان شادی کے بندھن میں بندھ گئیں
ثناء خان نے تصویریں پوسٹ کرتے ہوئے کیپشن میں صرف ایک لفظ لکھا ’مہندی۔‘
اس کے علاوہ ثناء خان نے انسٹاگرام پر ایک بوم رینگ ویڈیو بھی پوسٹ کی ہے جس میں وہ مہندی والے ہاتھوں سے اپنے چہرے کو چُھپاتی نظر آرہی ہیں۔
اُنہوں نے اس پوسٹ کے کیپشن میں بھی ’مہندی‘ لکھا-
اداکارہ نے مہندی لگے اپنے ہاتھوں اور پاؤں کی تصاویر شئیر کیں اور لکھا کہ اگر میرا عشق اتنا پکا نہ ہوتا تو میری مہندی کا رنگ اتنا گہرا نہ ہوتا-
یاد رہے کہ بالی ووڈ کی سابقہ اداکارہ ثناء خان نے حال ہی میں بھارتی ریاست گجرات سے تعلق رکھنے والے مفتی انس نامی شخص سے شادی کی ہے۔
