فلم ساز و ہدایت کار ندیم بیگ کا کہنا ہے کہ ماہرہ خان کو ایسے کردار ملنے چاہیئے جو انہیں عروج پر پہنچا دیں کیونکہ وہ بہت شاندار اداکاری کرتی ہیں –

باغی ٹی وی : حال ہی میں ایک انٹرویو میں ندیم بیگ میں شوبز کے مختلف موضوعات پر بات کی انہوں نے کہا کہ وہ ایک نئی فلم کے اسکرپٹ پر کام کر رہے ہیں اور اس سال کے آخر تک شوٹنگ شروع کرنے کا ارادہ رکھتے ہیں ۔

انہوں نے کہا کہ اگر یہ کورونا وائرس وبائی بیماری نہ آتی تو لندن نہیں جا ؤنگا رواں سال ریلیز ہوجانی تھی انہوں نے کہا کہ ابھی فلم کی 18 دن کی شوٹنگ لندن میں ہونی باقی ہے-

ندیم بیگ نے ہمایوں سعید کو ہر بار کاسٹ کرنے کے سوال پر بتایا کہ اگر وہ انہیں کاسٹ نہیں کریں تو اور کس کو کریں؟

ندیم بیگ نے ہمایوں سعید کی تعریف کرتے ہوئے انہیں سب سے بہترین اداکار قرار دیا اور ساتھ ہی بتایا کہ انہیں مہوش حیات بھی اچھی لگتی ہیں اور وہ ان کے کام سے بہت متاثر ہیں۔

ندیم بیگ کے مطابق مہوش حیات ہر بار اپنی شاندار پرفارمنس سے انہیں حیران کر دیتی ہیں اور وہ ان کی توقعات سے بڑھ کر اداکاری کرتی ہیں۔

ایک اور سوال کے جواب میں ان کا کہنا تھا کہ فہد مصطفیٰ بھی اچھے اداکار ہیں اور وہ ان کے ساتھ جوانی پھر نہیں آنی 2 میں کام بھی کیا۔

ندیم بیگ کا کہنا تھا کہ جوانی پھر نہیں آنی 2 میں کام کے آغاز میں فہد مصطفیٰ تھوڑے پریشان تھے کہ فلم میں ہمایوں سعید کا کردار سب سے جاندار ہے تاہم فلم مکمل ہونے کے بعد فہد مصطفیٰ مطمئن ہوگئے اور انہیں احساس ہوا کہ فلم کے تمام کردار بہترین ہیں۔

فلم ساز نے فہد مصطفیٰ کی تعریف کرنے سمیت ماہرہ خان کی بھی تعریف کی اور کہا کہ انہیں لگتا ہے کہ ماہرہ خان کو ایسے کردار ملنے چاہیے جو انہیں عروج پر پہنچادیں کیوں کہ وہ انتہائی شاندار پرفارمنس کرتی ہیں۔

ڈرامہ نگار خلیل الرحمٰن قمر کے ساتھ مستقبل میں کام کرنے کے حوالے سے پوچھے گئے ایک سوال کے جواب میں ندیم بیگ کا کہنا تھا کہ انہیں خلیل الرحمٰن قمر کے ذاتی خیالات سے کوئی فرق نہیں پڑتا۔

ندیم بیگ نے میرے پاس تم ہو کو نشر کیے جانے کے وقت میں خلیل الرحمٰن قمر کی جانب سے خواتین کے خلاف دیے گئے بیانات کو ذاتی قرار دیا اور کہا کہ اگرچہ انہیں ڈرامہ ساز کے مذکورہ بیانات سے پریشانی ہوئی تاہم اس کے باوجود انہیں ان کے ذاتی خیالات سے کوئی فرق نہیں پڑتا وہ ان کے ساتھ ان کے اسکرپٹ کی بنیاد پر کام کرتے رہیں گے کہا وہ ان چند افراد میں سے ایک ہیں جو خلیل الرحمٰن قمر کو اس بات پر قائل کر سکتے ہیں کہ وہ اپنی اسکرپٹ یا خیالات کو تبدیل کریں۔

علاوہ ازیں ندیم بیگ نے مبہم انداز میں رواں برس اگست میں ریلیز ہونے والی پاکستانی ویب سیریز ’چڑیلز‘ کو تنقید کا نشانہ بناتے ہوئے کہا ہے کہ ویب سیریز میں تشدد و سفاکی دکھانا غیر ضروری تھا جس طرح ویب سیریز ’چڑیلز‘ کا کلائمکس دکھایا گیا وہ ان کی نظر میں درست نہیں تھا۔

ندیم بیگ نے چڑیلز میں تشدد، نامناسب رویوں، کرداروں کی سفاکی، شراب نوشی اور بولڈ مناظر دکھانے کو غیر اہم قرار دیتے ہوئے کہا کہ ان سے ایسا محسوس ہوا کہ چڑیلز ایک تھرلر ایکشن فلم ہے۔

فلم ساز کے مطابق چڑیلز میں منشیات کے استعمال، بولڈ مناظر اور تشدد کو دکھانا ایسا ہی ہے جیسے کسی بھی سنجیدہ فلم میں 4 آئٹم گانے شامل کرلیے جائیں فلمساز کے خیال میں چڑیلز میں یہ سب کچھ دکھانا غیر اہم تھا ایسے مناظر دکھانے سے ویب سیریز نے اپنی اہمیت گنوادی۔

لاہور کی سیشن کورٹ نے میشا شفیع کے وکیل کی جانب سے لاہور ہائی کورٹ میں مقدمے کی کارروائی روکنے سے متعلق درخواست دائر کرنے کے باعث پاکستانی گلوکار و اداکار علی ظفر کی جانب سے گلوکارہ میشا شفیع کے خلاف ہتک عزت کے مقدمے کی سماعت ملتوی کردی۔

باغی ٹی وی :اطلاعات کے مطابق ایڈووکیٹ ثاقب جیلانی نے میشا شفیع کی جانب سے عدالت کو بتایا کہ سیشن کورٹ کی جانب سے فوج داری مقدمے کا ہتک عزت کے دعوے پر کارروائی روکنے سے متعلق درخواست مسترد کرنے کے فیصلے پر انہوں نے اب لاہور ہائی کورٹ سے رجوع کیا ہے۔

میشا شفیع کے وکیل نے عدالت سے استدعا کی کہ مقدمے کی سماعت ایک روز کے لیے ملتوی کی جائے انہوں نے کہا کہ اگر لاہور ہائی کورٹ مقدمے پر کارروائی نہیں روکتی تو گلوکارہ اپنے گواہان پیش کردیں گی۔

جس پر ایڈیشنل ڈسٹرکٹ اینڈ سیشنز کورٹ یاسر حیات نے مقدمے کی سماعت 7 نومبر تک ملتوی کردی اور اگلی سماعت میں گواہان پیش کرنے کی ہدایت کردی۔

خیال رہے کہ وفاقی تحقیقاتی ادارے (ایف آئی اے) کے سائبر کرائم ونگ نے 28 ستمبر کو پاکستان کے عالمی شہرت یافتہ گلوکار و اداکار علی ظفر کےخلاف سوشل میڈیا پر مہم چلانے کے الزام میں 9 افراد کے خلاف ایف آئی آر درج کی گئی تھی-

پریوینشن آف الیکٹرانک کرائمز ایکٹ (پیکا) 2016 کے سیکشن 20 (1) اور پاکستان پینل کوڈ کے آر/ڈبلیو 109 کے تحت 9 افراد میں میشا شفیع ، عفت عمر ،لینہ غنی،حسیم الزمان ، عفت عمر، حمنہ رضا، ماہم جاوید، علی گل پیر، فریحہ ایوب اور سید فیضان رضا شامل ہیں-

ان تمام شخصیات پر الزام ہے کہ انہوں نے ایک منصوبے کے تحت علی ظفر کے خلاف سوشل میڈیا پر الزامات لگائے لگا کر ان کی شہرت کو نقصان پہنچایا اور ابھی اسی سائبر کرائم کا فیصلہ ہونا بھی باقی ہے-

ہ میشا شفیع نے 10 اکتوبر کو لاہور کی سیشن کورٹ میں اپنے خلاف چلنے والے ہتک عزت کے مقدمے کی کارروائی کو فی الحال روکنے یا ملتوی کرنے کی درخواست دائر کی تھی۔

گلوکارہ نے اپنے وکلا کے ذریعے دائر درخواست میں عدالت کو بتایا تھا کہ ان کے اور ان کے گواہوں کے خلاف وفاقی تحقیقاتی ادارے (ایف آئی اے) میں سائبر کرائم کا ایک کرمنل مقدمہ دائر ہوا ہے جس کی وجہ سے ان کے گواہ خوف زدہ ہوگئے ہیں اس لیے ہتک عزت کی سماعت فی الحال ملتوی کی جائے۔

عدالت نے میشا شفیع کی درخواست پر مختصر سماعت کے بعد علی ظفر سے 13 اکتوبر تک جواب طلب کیا تھا۔

علی ظفر نے اپنے جواب میں عدالت کو بتایا تھا کہ میشا شفیع کے ان گواہوں کے خلاف سائبر کرائم کا مقدمہ دائر ہوا جو ان کے خلاف سوشل میڈیا پر مہم چلا رہے تھے اور اس کیس کو بہانا بنا کر ہتک عزت کے کیس کی سماعت ملتوی نہیں کی جا سکتی۔

بعدازاں 19 اکتوبر کو درخواست پر سماعت کے دوران ایڈیشنل ڈسٹرکٹ اینڈ سیشن جج یاسر حیات نے ریمارکس دیے کہ اعلیٰ عدالتوں نے بار بار طے شدہ قانون کا حوالہ دیا تھا کہ ایک معاملے پر سول اور فوجداری مقدمات میں بیک وقت کارروائی سے متعلق کوئی اعتراض نہیں ہے۔

میشا شفیع کی جانب سے کی گئی علی ظفرکے خلاف ایک درخواست مسترد ہوگئی تھی عدالت نے گلوکارہ میشا شفیع کی ہتک عزت کے دعوے پر کارروائی روکنے کی درخواست مسترد کردی تھی-

لاہور کی سیشن عدالت کے جج یاسرعلی نے میشا شفیع کی درخواست پر سماعت کی تھی ایڈیشنل سیشن جج نے میشا شفیع کی ہتک عزت کے دعوے پر کارروائی روکنے کی درخواست مسترد کرتے ہوئے میشا شفیع کے گواہوں کو 27 اکتوبر کو طلب کر لیا تھا-

جس کے بعد گلوکارہ نے اپنے وکیل ثاقب جیلانی کے توسط سے لاہور ہائی کورٹ میں درخواست دائر کی تھی اور ایف آئی اے کے سائبر کرائم ونگ کے مقدمے کا فیصلہ ہونے تک ہتک عزت کے دعوے پر کارروائی روکنے کی استدعا کی تھی۔

میشا شفیع نے علی ظفر کی جانب سے دائر ہتک عزت کے دعوے پر کارروائی روکنے کے لیے لاہور ہائی کورٹ سے رجوع کرلیا

پاکستان شوبز انڈسٹری کی نامور فلم ساز مہرین جبار کا تعجب کا اظہار کرتے ہوئے کہنا ہے کہ انہیں یہ بات سمجھ نہیں آئی کہ پہلے جن ڈراموں اور اشتہارات پر پابندی لگائی گئی تو بعد ازاں ان سے پابندی ہٹائی کیوں گئی؟

باغی ٹی وی : جرمن نشریاتی ادارے ڈی ڈبلیو سے بات کرتے ہوئے فلمساز اور ہدایتکارہ مہرین جبار نے اپنی آنے والی ویب سیریز ’ایک جھوٹی لو اسٹوری‘ پر بھی بات کی اور کہا کہ مذکورہ ویب سیریز کی کہانی منفرد ہے اور انہیں یقین ہے کہ شائقین کو سیریز بہت پسند آئے گی۔

واضح رہے کہ ’ایک جھوٹی لو اسٹوری‘ کو بھارتی اسٹریمنگ ویب سائٹ زی فائیو پر 30 اکتوبر کو ریلیز کیا جائے گا۔

’ایک جھوٹی لو اسٹوری‘ کی مرکزی کاسٹ میں بلال عباس خان اور مدیحہ امام شامل ہیں جب کہ سیریز میں حنا ، محمد احمد، بیو رانا ظفر، فرقان صدیقی، مریم سلیم، کنزہ رزاق اور کرن حق شامل ہیں۔ اور اس کو تحریر عمیرہ احمد نے کیا ہے انہوں نے کہاکہ یہ معاشرے کے مختلف مسائل کو اجاگر کرتی ہے اور ایک متوسط طبقے کے لڑکی اور لڑکے کی کہانی ہے جو امیر اور سچا پیار کرنے والے ساتھی تلاش کرتے ہیں۔

ایک سوال کے جواب میں کہا کہ انہوں نے کہا کہ انہیں نہیں لگتا کہ مذکورہ سیریز میں کچھ ایسا ہے جس سے لوگوں کو اختلاف ہو گا یا مسائل ہوں گے-

مہرین جبار نے نئی نسل کو مشورہ دیا کہ اگر ان کے پاس اپنا مواد دکھانے کے لیے اور کوئی پلیٹ فارم موجود نہیں تو انہیں اپنا مواد یوٹیوب ٹک ٹاک وغیرہ پر ریلیز کرنا چاہیے۔ابھی تو بہت سے آن لائن سوشل میڈیاز ہیں بہت سے مواقع ہیں اپنے ٹیلنٹ کو آگے لانے کے لئے لیکن سب سے زیادہ ضروری ہے کہ کونٹینٹ پر توجہ دیں محنت تو پھر کرنی پڑتی ہی ہے-

فلمساز کا کہنا تھا کہ پاکستان میں بھی نیٹ فلیکس طرز کی اسٹریمنگ ویب سائٹ ہونی چاہیے اور اس ضمن میں ہمارے ملک میں کچھ لوگ کوششیں بھی کر رہے ہیں-

مہرین جبار نے کورونا کی وبا کے باعث فلم انڈسٹری پر پڑنے والے اثرات پر بھی بات کی اور کہا کہ بحران سے بچنے کے لیے فلم انڈسٹری میں سرمایہ کاری کرنے کی ضرورت ہے اور زیادہ سے زیادہ فلمیں بنا کر سینما کو آباد کیا جانا چاہیے۔

انہوں نے کہا کہ ماضی میں پاکستان میں بھارتی اور ہا لی وڈ کی فلمیں ریلیز ہوتی تھیں تو سینما انڈسٹری بحران کا شکار نہیں ہوتی تھی مگر اب وہاں سے فلمیں آنا بھی بند ہوگئی ہیں اس لیے ہمیں زیادہ سے زیادہ فلمیں بنانے کے لیے سرمایہ کاری کی ضرورت ہے۔

مہرین جبار کا کہنا تھا کہ دنیا میں ہر جگہ سینسر بورڈ ہوتے ہیں اور ہونے بھی چاہیے لیکن ہمارے ہاں بعض جگہ پر لگائی جانے والی پابندی بلکل غلط ہوتی ہے ہمارے ہاں کسی ایک شخص کو اگر کوئی چیز غلط لگ جاتی ہے تو پابندی لگائی جاتی ہے جب کہ ڈراموں اور اشتہارات پر پابندی لگانے کا ایک باضابطہ طریقہ کار ہوتا ہے اور پاکستان الیکٹرونک میڈیا ریگولیٹری اتھارٹی (پیمرا) کو اسی طریقہ کار پر چلنا چاہیے۔

مہرین جبار نے اس بات پر بھی تعجب کا اظہار کیا کہ حال ہی میں پیمرا نے کچھ ڈراموں اور اشتہارات پر پابندی عائد کرکے پھر اس پابندی کو ہٹا لیا تھا انہوں نے کہا کہ پیمرا والے خود بھی کنفیوژڈ ہیں-

ایک سوال کے جواب میں مہرین جبار کا کہنا تھا کہ ان کی نظر میں یہ عمل درست نہیں وہ بھی کسی طرح کی پابندیوں کی حامی نہیں ہیں کیوں کہ کسی بھی مواد پر پابندی لگانے کا مطلب اس مواد کو زیادہ وائرل کرنا ہوتا ہے۔

مہرین جبار کا کہنا تھا کہ بعض اوقات ایسی فلموں پر بھی پابندی لگادی جاتی ہے، جن پر پابندی نہیں لگنی چاہیے انہیں لگتا ہے کہ پاکستان میں فلموں پر پابندی اور بعض مواد کا مسئلہ سینسر بورڈ نہیں ہماری فلم انڈسٹری کا مسئلہ کچھ اور ہے-

پاکستان شوبز فنکاروں نے فرانسیسی اخبار چارلی ہیبڈو کے شائع کردہ گستاخانہ خاکوں اور فرانسیسی صدر کے مسلمانوں اور اسلام مخالف بیانات دینے پر فرانسیسی صدر یمانوئیل میکرون سے مسلمانوں کے جذبوت مجروح کرنے پر معافی مانگنے کا مطالبہ کیا ہے-

باغی ٹی وی : فرانس کے بعد جانب سے گستاخی کے حالیہ واقعات اور فرانس کے صدر کے بیانات نے دنیا بھر کے مسلمانوں کے جذبات کو مجروح کیا ہے فرانس کی جانب سے کی جانے والی اس حرکت پوری مسلم امہ شدید غم و غصے کی کیفیت میں ہے اور فرانس حکومت کے خلاف ریلیوں کی صورت میں اور سوشل میڈیا پلیٹ فارمز پر احتجاج کیا جا رہا ہے اور یہاں تک کہ پاکستان سمیت دیگر مسلم ممالک میں فرانس کی تمام قسم کی پراڈکٹ کا بائیکاٹ کیا جا چُکا ہے-

فرانسیسی اخبار اور صدر کے مسلمانوں کی اسلام مخالف حرکت پرجہاں دنیا بھر کے مسلمانوں کے جذبات مجروح ہوئے ہیں وہیں پاکستان شوبز سے تعلق رکھنے والے افراد بھی غمزدہ ہیں اور انہوں نے فرانس کے اس عمل پر آواز بھی بُلند کی ہے-

شوبز سے اسلام کی خاطر عارضی طور پر کنارہ کشی اختیا کرنے والی اداکارحمزہ علی عباسی نے فرانس کے اس عمل کی مذمت کرتے ہوئے ٹوئٹر پر لکھا کسی بھی مذہب سے اختلاف کرنا یا اس پر تنقید کرنا آپ کا حق ہے لیکن جانتے بوجھتے دانستہ طور پر اشتعال دلانے کے ارادے سے طنز کرنا آپ کا حق نہیں۔

It is ur right to disagree & criticise but IT IS NOT UR RIGHT TO MOCK WITH THE INTENT TO DELIBERATELY INSULT & PROVOKE, its immoral, unethical and uncivilised and the only way we Muslims can make the world understand that is solely by peace & dialogue not murder, war & hostility.

— Hamza Ali Abbasi (@iamhamzaabbasi) October 27, 2020

انہوں نے کہا کہ یہ غیر اخلاقی اور غیر مہذب ہے۔ اور ہم مسلمان دنیا کو یہ امن اور مذاکرات کے طریقے سے سمجھا سکتے ہیں۔ قتل، جنگ اور دشمنی سے نہیں۔

حمزہ علی عباسی نے مزید برہمی کا اظہار کرتے ہوئے کہا کہ اگر مسلمان رام مجسمے پر گائے کا گوشت پھینکنے کا مقابلہ ترتیب د یںتو کیا ہوگا؟ یا ایک عبادت خانے میں سب سے زیادہ خنزیر کو ذبح کرنے سے یا جو انتہائی کسی صلیب پر تھوکنے سے اگر کسی کو تکیلف ہو سکتی ہے تو اسی بات کا اطلاق 1.5 بلین سے زیادہ لوگوں کے ذریعہ مقدس ہونے والے شخص کے توہین آمیز خاکے بنانے کے معاملے میں بھی ہوتا ہے-

If France is indeed a republic then there should be liberty there not insults upon anothers religion. I completely and whole heartedly protest against this blatent disrespect of our beloved prophet Muhammad (PBUH) this needs to stop.

— Ahsan Khan (@Ahsankhanuk) October 27, 2020

ادکار احسن خان نے ٹوئٹر پر فرانس میں گستاخانہ خاکوں کی اشاعت کی مذمت کرتے ہوئے کہا اگر فرانس واقعی ایک جمہوریہ ہے تو پھر وہاں آزادی ہونی چاہئیے۔ لیکن آزادی کے نام پر دوسرے مذاہب کی توہین نہیں ہونی چاہیئے۔ میں اپنے پیارے نبی حضرت محمد مصطفیٰﷺ کی شان میں ہونے والی اس گستاخی پر اپنے پورے دل سے احتجاج کرتا ہوں۔ اب اس چیز کو (گستاخانہ خاکوں کی اشاعت) کو رکنا ہوگا۔

– Prophet Mohammad ﷺ before anyone. #MacronApologizeToMuslims #boycottfrenchproducts

— Feroze Khan (@ferozekhaan) October 27, 2020

اداکارفیروز خان نے بھی ٹوئٹر پر فرانس میں گستاخانہ خاکوں کی اشاعت کے خلاف آواز اٹھاتے ہوئے کہا ’حضرت محمدﷺ سب سے پہلے‘ اس کے ساتھ انہوں نے فرانسیسی صدر ایمانوئیل میکرون کی جانب سے تمام مسلمانوں سے معافی مانگنے اور فرانسیسی پروڈکٹس کے بائیکاٹ کا ہیش ٹیگ بھی استعمال کیا۔

Islamophobia: Why Macron is wrong on the freedom of expression debate https://t.co/1WmfOpQ19B

— Fakhr-e-Alam S.I & S.E (@falamb3) October 27, 2020

اداکار و میزبان فخر عالم نے فرانس میں گستاخانہ خاکوں کی اشاعت کےی مذمت کی اور اپنے ٹوئٹر پیغام میں لکھا کہ اسلامو فوبیا: اظہار رائے کی آزادی پر میکرون غلط کیوں ہے؟

اس سے قبل فیس بُک پر ایک مسلمانوں صارفین جہاں فرانس کی اس گستاخی پر فرانس کی بھر پور مذمت کی احتجاج کیا اور غم و غصے کا اظہارکرتے ہوئے فرانسیسی پرڈکٹس کا بائیکاٹ کیا وہیں پاکستان کی حکومت سے پاکستان میں مقیم فرانسیسی سفیر کو ملک سے نکالنے کا مطالبہ کیا صرف یہی نہیں صارفین غم و غصے کی شدید کیفیت میں پاکستانی حکومت اور وزیر اعظم عمران خان کو بھی تنقید کا نشانہ بنایا –

علاوہ ازیں فیس بُک صارفین کی جانب سے نبی پاک صلی اللہ علیہ وآلہ وسلم پر درود پاک پڑھنےکا انعقاد کیا گیا ہے اور صارفین اپنی پوسٹ مین نبی پاک صلی اللہ علیہ وآلہ وسلم پر درود پاک پڑھ رہے ہیں اور کل رات دس بجے تک اس ٹرینڈ میں تین ملین سے زائد لوگ شامل ہوئے اور نبی پاک صلی اللہ علیہ وآلہ وسلم پر دورد پاک کے گلدستے نچھاور کر تے ہوئے اپنے پیارے نبی اور اللہ کے محبوب نبی آخر الزمان صلی اللہ علیہ وآلہ وسلم سے محبت و عقیدت کا اظہار کیا-

واضح رہے کہ فرانس میں اسلام اور مسلمانوں کے حوالے سے مسلسل نفرت انگیز بیانات اور اقدامات سامنے آرہے ہیں گزشتہ ماہ رسوائے زمانہ اخبار چارلی ہیبڈو کی جانب سے ایک مرتبہ پھر توہین آمیز خاکوں کی اشاعت اور اس کے بعد بعد ایک مقامی اسکول کے بچوں میں توہین آمیز خاکوں کا پرچار کرنے والے استاد کے قتل کے بعد فرانسیسی صدر نے ایک تقریب میں اسلام کے بارے میں کہا کہ یہ ایک بحران میں گھرا مذہب ہے اور یہ تاثر بھی دیا کہ مسلمان فرانس میں علیحدگی پسند جذبات کو ہوا دے رہے ہیں-جس سے مسلمانوں میں غم و غصے کی لہر دوڑ گئی ہے-

فرانس کی جانب سے گستاخی کے حالیہ واقعات کے بعد تین ملین سے زائد فیسبک صارفین کا…

فرانسیسی سفیر کر ملک بدر کرو، پاکستانی سوشل میڈیا صارفین کا حکومت سے مطالبہ

فرانس کی اسلام دشمنی،پنجاب اور کے پی اسمبلی میں قرارداد مذمت جمع

پاکستان سمیت تمام مسلمان ممالک فرانس کا بائیکاٹ کریں،چودھری پرویز الہیٰ کا بڑا مطالبہ

گستاخانہ خاکوں اورفرانسیسی صدر کے معاملے پر پاکستان کا فرانس سے شدید احتجاج

پاکستان پہلا ملک جس نے فرانسیسی سفیرکو طلب کیا، گساخانہ خاکوں کا مسئلہ کہاں کہاں اٹھائیں گے، طاہر اشرفی نے بتا دیا

وزیراعظم کافیس بک کے بانی مارک زکربرگ سے اسلام مخالف مواد پر فوری پابندی کا مطالبہ

فرانس کے اسلام مخالف بیان پر پاکستان کا بڑا فیصلہ، وزیر خارجہ نے بتا دیا

فرانس میں گستاخانہ خاکوں کی اشاعت، مولانا فضل الرحمان نے بڑے احتجاج کا اعلان کردیا

بالی وڈ کی معورف و مقبول اداکارہ کرینہ کپور کا فلم ’جب وی میٹ‘ کے 13 سال مکمل ہونے پر اپنے پیغام میں کہنا ہے کہ انہیں لگتا ہے کہ انسان زندگی میں حقیقت میں جو چاہتا ہے اسے وہی ملتا ہے۔

باغی ٹی وی :بالی وڈ کی مقبول ترین فلم ’جب وی میٹ‘ کو 13سال مکمل ہوگئے جس میں کرینہ کپور کے ساتھ شاہد کپور نے مرکزی کردار ادا کیا تھا۔فلم کے 13 سال مکمل ہونے پر اداکارہ نے سوشل میڈیا ویب سائٹ انسٹاگرام پر اپنے سابق قریبی دوست شاہد کپور کے ساتھ فلم ’جب وی میٹ‘ کے سیٹ کی ایک یادگار تصویر پوسٹ کی ہے۔

کرینہ کپور کی جانب سے پوسٹ کی جانے والی تصویر میں اداکارہ اور شاہد کپور کے ساتھ فلم کے ڈائریکٹر امتیاز علی بھی موجود ہیں جبکہ یہ تینوں اسکرین پر فلم کے منظر دیکھنے میں مصروف ہیں۔
https://www.instagram.com/p/CGzN8topngN/?utm_source=ig_embed
انسٹاگرام پر تصویر پوسٹ کرتے ہوئے کرینہ کپور نے کیپشن میں فلم ’جب وی میٹ‘ کا مشہور ڈائیلاگ لکھا کہ مجھے تو لگتا ہےلائف میں جو کچھ انسان حقیقت میں چاہتا ہے اُسے دراصل وہی ملتا ہے

کرینہ کپور نے تصویر پوسٹ کرتے ہوئے اداکار شاہد کپور اور ڈائیریکٹر امتیاز علی کو بھی ٹیگ کیا اور اس کے ساتھ ہی اُنہوں نے کیپشن میں ہیش ٹیگ 13YearsOfJabWeMet کا بھی اضافہ کیا۔

خیال رہے کہ2004 میں کرینہ اور شاہد کی پہلی فلم ’فدا‘ ریلیز ہوئی تھی جو باکس آفس پر اچھا بزنس کرنے میں کامیاب رہی جبکہ کرینہ اور شاہد بھی ایک دوسرے کے دل میں جگہ بنانے میں بھی کافی حد تک کامیاب ہوگئے تھے-

بعد ازاں شاہد کپور سے تین سال سے زائد عرصے تک قریبی دوست رہنے کے بعد ’جب وی میٹ ‘ کی ریلیز کے فوراً بعد ہی سیف علی خان سے دوستی کرلی تھی اور ان کے ساتھ فلم ’ٹشن ‘ بھی سائن کی تھی۔

2012 میں کرینہ کپور بالی وڈ اداکار سیف علی خان کے ساتھ رشتۂ ازدواج میں منسلک ہوئیں 2016 میں ان کے ہاں تیمور علی خان کی پیدائش ہوئی۔

دوسری جانب شاہد کپور نے 2015 میں میرا راجپوت سے شادی کی ان کے دو بچے ہیں بیٹی کا نام میشاء جبکہ بیٹے کا نام زین ہے۔

معروف پاکستانی میک اپ آرٹسٹ شعیب خان نے شہرہ آفاق ترک سیریز ارطغرل غازی میں مرکزی کردار ادا کرنے والی حلیمہ سلطان کا روپ اپنا لیا ہے۔

باغی ٹی وی : میک اپ آرٹسٹ شعیب خان اکثر وبیشتر مختلف نامور شخصیات کا روپ دھارتے رہتے ہیں اور وہ اصل شخصیت ست اتنا ملتا جُلتا ہے کہ دیکھنے والے حیران رہ جاتے ہیں ور شعیب خان کو ان کے فن کی داد دیئے بغیر نہیں رہتے اس بار شعیب خان نے دُنیا بھر میں مقبولیت کے جھنڈے گاڑنے والی اطرغرل کی اداکارہ ’حلیمہ سلطان‘ کا روپ اپنایا ہے-
https://www.instagram.com/p/CG3Duqghr7n/?igshid=1pghic28qlw1m
شعیب خان نے سماجی رابطے کی ویب سائٹ انسٹاگرام پر کچھ تصاویر شئیر کیں جن میں دیکھا جا سکتا ہے کہ اُنہوں نے ناصرف حلیمہ سلطان کے جیسا میک اپ کیا ہوا ہے بلکہ اُن کا لباس اور جیولری بھی حلیمہ سلطان کے کردار سے ملتی جلتی ہے۔

انسٹاگرام پر تصویریں پوسٹ کرتے ہوئے شعیب خان نے لکھا کہ حلیمہ سلطان ایک ایسا متاثر کن کردار ہے جو نرم مزاج، خوبصورت، ہمدرد، جذباتی اور عقلمند ہونے کے ساتھ ہی آزاد نظم و ضبط کی مالک بھی ہے۔

شعیب خان نے لکھا کہ آج میں اُسی متاثر کُن شخصیت کو اپنے خاص انداز میں خراج تحسین پیش کر رہا ہوں۔

میک اپ آرٹسٹ نے اپنی پوسٹ کے کیپشن میں حلیمہ سلطان کا کردار ادا کرنے والی ترک اداکارہ اسرا بلجیک کو بھی ٹیگ کیا۔

واضح رہے کہ اس سے قبل میک اپ آرٹسٹ شعیب خان نے ملکہ ترنم میڈم نور جہان اور ماضی کی لیجنڈری اداکا رہ رانی کا روپ اپنایا تھا علاوہ ازیں بھارتی اداکارہ دیپیکا پڈوکون کی فلم ’چھپاک‘ کے مرکزی کردار کا روپ اپنا کر تصویریں انسٹاگرام پر پوسٹ کی تھیں فلم چھپاک میں دیپیکا پڈوکون نے ایک ایسی لڑکی کا کردار ادا کیا تھا جس کا چہرہ تیزاب سے جُھلس جاتا ہے۔