Baaghi TV

Author: عائشہ ذوالفقار

  • یوم دفاع اور یوم شہداء کے حوالے سے آئی ایس پی آر کا نغمہ ریلیز

    یوم دفاع اور یوم شہداء کے حوالے سے آئی ایس پی آر کا نغمہ ریلیز

    پاک فوج کے شعبہ تعلقات عامہ (آئی ایس پی آر ) نے یومِ دفاع 2020 کے حوالے سے نغمہ ریلیز کردیا ہے-

    باغی ٹی وی :آئی ایس پی آر نے چھ ستمبر یوم دفاع اور یوم شہداء کے حوالے سے نغمہ جاری کر دیا ہے جس میں پاکستان کے شہدا کو خراجِ عقیدت پیش کیا گیا ہے۔

    آئی ایس پی آر کا نغمہ ہر گھڑی تیار کامران ہیں ہم سن 80 کی دہائی کے ایک پرانے نغمے کا ری میک ہے اس نغنے کو علی حمزہ، علی عظمت، علی نور اور عاصم اظہر نے گایا ہے۔

    یوم دفاع اور یوم شہداء کے حوالے سے تیار کئے گئے 4 منٹ اور 14 سیکنڈ کی ویڈیو کے اس نغمے میں ہماری مسلح افواج کی خدمات اور اس کی عملی تیاریوں کو خراج تحسین پیش کیا ہے- میوزک ویڈیو میں دہشت گردی کے خلاف جنگ میں ایک قوم کی حیثیت سے پاکستان کی قربانیوں اور ہماری مسلح افواج کے جدید فوجی ڈھانچے کے طور پر ارتقاء کو دکھایا گیا ہے جو کہ کسی سے پیچھے نہیں ہے-

    اس میں گلوکاروں کے اسٹائلائزڈ شاٹس بھی شامل ہیں جو محب وطن طور پر اپنے ہیروز کی حمایت کرتے ہیں اس ویڈیو معروف میوزک استاد ، علی حمزہ (نوری) نے اس گیت کو ڈائریکٹ کیا ہے اس گانے کو اصل میں سن 80 کی دہائی میں خالد وحید نے گایا تھا اور ظفر اللہ پوشنی نے لکھا تھا ۔ اور اب ریمیک میں اضافی دھنیں علی حیات رضوی نے لکھی ہیں۔

    علی حمزہ نے اپنی منفرد تخلیقی صلاحیتوں کے ساتھ ، آرمی اسکول آف میوزک کے ملٹری بینڈ کے ذریعہ اپنی شاندار کارکردگی کے ساتھ جدید راک کی اپنی آمیزش کی پہلی ویڈیو تشکیل دی ہے-


    دوسری جانب آئی ایس پی آر کے ڈائریکٹر جنرل (ڈی جی) میجر جنرل بابر افتخار نے آئی ایس پی آر کے آفیشل ٹویٹر اکاؤنٹ پر بھی یہ نغمہ شئیر کیا ہے انہوں نے نغمہ شئیر کرتے ہوئے لکھا کہ یوم دفاع اور یوم شہداء کے موقع پر ہمارے شہداء ، ہمارے ہیروز کو خراج تحسین۔

  • احسن خان اور نیلم منیر ڈرامہ سیریل قیامت میں ایک ساتھ جلوہ گر ہوں گے

    احسن خان اور نیلم منیر ڈرامہ سیریل قیامت میں ایک ساتھ جلوہ گر ہوں گے

    پاکستان شوبز انڈسٹری کے نامور اداکار احسن خان اور خوبرو اداکارہ نیلم منیر نئے ڈرامہ سیریل ‘قیامت’ میں ایک ساتھ جلوہ گر آئیں گے۔

    باغی ٹی وی : دسمبر 2017 میں ریلیز ہونے والی پاکستان کی مزاح اور ایکشن سے بھرپور کامیڈی فلم چھپن چھپائی میں اداکاری کے جوہر دکھانے والے اداکار احسن خان اور نیلم منیر اب نئے ڈرامہ سیریل ‘قیامت’ میں اپنے مداحؤں کو ایک ساتھ نظر آئیں گے-

    نجی ٹی وی چینل ڈان امیجز سے بات کرتے ہوئے احس خان نے بتایا کہ ڈرامے میں میرا کردار کوئی عام کردار نہیں ہے-

    ڈان امیجز کی رپورٹ کے مطابق احسن خان کا کہنا تھا کہ وہ اپنے کاموں کے بارے میں کافی بلند معیار کا انتخاب کرنے والے انسان ہیں اور یہ تجرباتی زمرے میں آتا ہے۔

    اداکار نے ڈرامہ سیریل قیامت کی کہانی کے بارے میں بتایا کہ یہ کوئی سادہ محبت کی کہانی نہیں ہے بلکہ اس ڈرامے میں میرے کردار کے قدرے منفی اور مختلف پہلو بھی ہیں۔ ڈرامے کا اسکرپٹ سوشل فیملی ڈرامی ہے جو جذبات سے بھرپور ہے کیونکہ وہاں بہت کچھ ہو رہا ہے۔

    ڈرامے سے متعلق بتاتے ہوئے احسن خان نے کہا کہ اس ڈرامے میں کؤاتین کے مختلف مسائل جیسے پہلوؤں کو اجاگر کیا گیا ہے کہ خواتین کے خلاف جو بھی غلط ہو رہا ہے اس کے خلاف انہیں لازمی کھڑے ہونا چاہیے علاوہ ازیں اس ڈرامے میں دکھایا گیا ہے کہ کس طرح بچے والدین کی ترتیب میں کی جانے والی کوتاہیوں اور غلطیوں کو اپنی زندگی پر لاگو کرتے ہیں۔

    اداکار احسن خان نے بتایا کہ نیلم منیر ان کی پسندیدہ اداکاراؤں میں سے ایک ہیں اور احسن خان نے مزید بتایا کہ قیامت ڈرامے کی یہ جوڑی ایک فلم ‘ چکر’ میں بھی ساتھ دکھائی دے گی جس کی پروڈکشن اکتوبر میں دوبارہ شروع ہوگی۔

    سیونتھ اسکائی انٹرٹینمنٹ کے اس ڈرامے کو اسد قریشی اور عبداللہ قدوانی نے پروڈیوس کیا ہے جس کی ہدایات علی فیضان نےدیں جبکہ اس ڈرامے کو ثروت نذیر نے تحریر کیا ہے۔

    مذکورہ ڈرامے میں احسن خان اور نیلم کے علاوہ عمار خان، ہارون، شبیر جان اور صبا فیصل بھی اہم کرداروں میں دکھائی دیں گے۔

    پاکستان اور سعودی عرب ایک دوسرے کی فلمیں اور ڈرامے اردو اور عربی زبان میں ڈب کر کے…

  • اگر فرحان دوسری شادی کرنا چاہتے ہیں تو اس معاملے پر خاموش رہوں گی عروہ حسین

    اگر فرحان دوسری شادی کرنا چاہتے ہیں تو اس معاملے پر خاموش رہوں گی عروہ حسین

    پاکستان شوبز انڈسٹری کی معروف اور خوبرو اداکارہ عروہ حسین کا کہنا ہے کہ اگر اُن کے شوہر اداکار و گلوکار فرحان سعید دوسری شادی کرنا چاہیں گے تو وہ خاموش رہیں گی۔

    باغہی ٹی وی :سوشل میڈیا سائٹ انسٹاگرام پر اداکارہ کا ایک شو میں شرکت کا ویڈیو کلپ وائرل ہو رہا ہے جس میں میزبان صنم بلوچ نے عروہ کہا کہ اہ ایک بڑا ہی خطرناک سوال عروہ سے پوچھنے جا رہی ہیں اس کا جواب سوچ سمجھ کر دیجئیے گا –
    https://www.instagram.com/p/CEwNWgBhG0h/?igshid=3xmsf01nuyi9
    اس کے ساتھ ہی صنم بلوچ نے عروہ سے سوال پوچھا کہ اگر انہیں پتہ چلے کہ فرحان سعید دوسری شادی کر رہے ہیں تو وہ شادی رکوانے کے لیے جائیں یا نہیں جائیں گی۔

    صنم بلوچ کے اس سوال کے جواب میں عروہ حسین نے فوراً کہا نہیں –

    عروہ حسین نے کہا کہ وہ فرحان سعید کی دوسری شادی تڑوانے نہیں جائیں گی اگر فرحان دوسری شادی کرنا چاہتے ہیں تو وہ اس معاملے پر خاموش رہیں گی-

    واضح رہے کہ اداکار فرحان سعید اور عروفی حسین 16 دسمبر 2016 کو رشتہ ازدواج میں منسلک ہوئے تھے۔

  • نبیل قریشی کی مختصر ویڈیو ‘کی جانا’ میامی شارٹ فلم فیسٹیول میں ایوارڈ کے لئے نامزد

    نبیل قریشی کی مختصر ویڈیو ‘کی جانا’ میامی شارٹ فلم فیسٹیول میں ایوارڈ کے لئے نامزد

    پاکستان کے معروف ہدایت کار نبیل قریشی کی مختصر دورانیے کی میوزیکل ویڈیو کو ’میامی انٹرنیشنل فلم فیسٹیول‘ اور ’بچارسٹ فلم ایوارڈز‘ میں میوزک کیٹیگری کے لیے نامزد کیا گیا ہے۔

    باغی ٹی وی :پاکستان میں غیرت کے نام پر قتل کے خلاف بنائی گئی مختصر دورانیے کی میوزیکل فلم ‘کی جانا’ کو میامی انٹرنیشنل فلم فیسٹیول میں میوزک کیٹیگری میں نامزد کیا گیا ہے۔


    سماجی رابطے کی ویب سائٹ انسٹا گرام پر گلیکسی لالی وڈ نامی انسٹاگرام اکاؤنٹ سے ہدایت کار نبیل قریشی کو مبارکباد دیتے ہوئے ایک پوسٹ سامنے آئی جس میں انہوں نے لکھا کہ نبیل قریشی کی میوزک ویڈیو ‘کی جانا’ کو میامی شارٹ فلم فیسٹیول اور بچارسٹ فلم ایوارڈز کے لئے میوزک ویڈیو کیٹیگری میں نامزد کیا گیا ہے –

    نبیل قریشی کی ہدایتکاری میں بنی مذکورہ فلم ‘کی جانا’ کو بلوچستان میں فلمایا گیا تھا –

    فلم ‘کی جانا’ کے میوزک کمپوزر اور گلوکار شانی ارشد، پروڈیوسر فضا علی ، ہدایتکار نبیل قریشی اور پروڈکشن فلم والا کی ہے جب کہ اس کے اداکاروں میں اداکارہ سونیا حسین، محسن عباس، شکیل حسین اور شہزاد ملک شامل ہیں۔

    آج کے ڈرامے افئیرز، طلاق اور شادی جیسے موضوعات سے باہر ہی نہیں نکل رہے، بشرٰی…

    شوبز دنیا کے قدیم ترین میلے وینس فلم فیسٹیول کا آغاز ہو گیا

  • حالیہ فوٹو شوٹ پر سارہ اور فلک کو تنقید کا سامنا

    حالیہ فوٹو شوٹ پر سارہ اور فلک کو تنقید کا سامنا

    پاکستان ڈرامہ انڈسٹری کی خوبرو اداکارہ سارہ خان اور ان کے شوہر پاکستان میوزک انڈسٹری کے معروف گلوکار فلک شبیر کی تصایور سوشل میڈیا پر وائرل ہو رہی ہیں جن پر جوڑی کو تنقید کا سامناہے-

    باغی ٹی وی :عالمی وبا کورونا وائرس کے باعث لاک ڈاؤن کے دوران شادی کرنے والی پاکستان کی معروف فنکار جوڑی سارہ خان اور فلک شبیر آئے دن سوشل میڈیا پر اپنے فوٹوشوٹ اور نجی زندگی سے متعلق خوبصورت تصاویراور ویڈیوز اپنے مداحوں کے ساتھ شیئر کرتے رہتے ہیں اور مداحوں سے تعریفیں سمیٹیتے ہیں-

    حال ہی میں نو بیاہتا جوڑی کی تصاویر سوشل میڈیا پر گردش کر رہی ہیں جس میں دیکھا جا سکتا ہے کہ وہ کسی ریسٹورنٹ میں ہیں جبکہ تصاویر میں سارہ خان کو فلک شیر کی گود میں بیٹھے ہوئے دیکھا جا سکتا ہے-

    دونوں کو ان تصاویر پر لوگوں کی جانب سے تنقید کا نشانہ بنایا جا رہا ہے کہ ان دونوں کے عوامی جگہ پر اس اقدام نے مداحوں کو کافی مایوس کیا ہے-کیونکہ فنکار معاشرے کی عکاسی کرتا ہے اور ان کو عوام خاص طور پر نوجوان نسل فالو کرتی ہے لہذاان کو اس طرح کے اقدامات نہیں کرنے چاہیئں جو معاشرے میں خرابی پیدا کرنے کا باعث بنیں-


    https://www.instagram.com/p/CEuXsxPlSyO/?igshid=mfa7exza5gd

  • ارطغرل کے اداکار بین الاقوامی کچرا ہیں ، یاسر حسین

    ارطغرل کے اداکار بین الاقوامی کچرا ہیں ، یاسر حسین

    پاکستان شوبز انڈسٹری کے معروف مزاحیہ اداکار و میزبان یاسر حسین نے شہرہ آفاق تُرک سیریز ارطغرل غازی کے اداکاروں کو کچرا قرقر دیا ہے-

    باغی ٹی وی : پاکستانی وزیر اعظم عمران خان کی ہدایت پر یکم رمضان المبارک سے ترک ڈرامے ارطغرل غازی کو پی ٹی وی (پاکستان سرکاری ٹی وی ) پر نشر کیا جا رہا یے ڈرامے کو پاکستان میں بے حد مقبولت ملی اور اس نے کئی نئے ریکارڈ بنائے نہ صرف ڈرامے بلکہ اس کے کرداروں کو بھی پاکستان میں کافی شہرت حاصل ہو ئی اور پاکسستانی عوام اپنے پانے پسندیدہ اداکاروں کے ساتھ اپنی محت کا اظہات کرتے رہتے ہیں پاکستان میں اداکاروں کی مقبولیت دیکھتے ہوئے بعض چند پاکستانی کمپنیوں نے ڈرامے مرکزی کردار حلیمہ سلطان اور ارطغرل غازی کو برانڈ ایمبیسیڈر بھی مقرر کر لیا ہے-

    پاکستانی اداکار یاسر حسین کا شمار ان چند لوگوں میں ہوتا ہے جو شہرہ آفاق ترک سیریز ارطغرل غازی کو پی ٹی وی پر نشر کرنے اور ترک اداکاروں کو پاکستانی کمپنیوں کے برانڈ ایمبیسیڈر بنانے کے سخت خلاف ہیں اور یاسر حسین آئے دن سوشل میڈیا پر ترک فنکاروں کے خالف بیان دیتے رہتے ہیں جس پر انہیں سخت تنقید کا سامنا بھی رہتا ہے-

    تاہم حال ہی میں یاسر حسین نے اپنے انسٹاگرام اکاؤنٹ پر سٹوریسٹوری شئیر کی جس میں دو پاکستانی افراد کی تصاویر شامل ہیں جو ارطغرل کے اداکاروں سے بے حد مماثلت رکھتے ہیں۔ ٹویٹ میں انھیں ’پاکستانی ترگت اور پاکستانی ارطغرل‘ قرار دیا گیا ہے-
    https://www.instagram.com/p/CEv1OW-JhMR/
    تصاویر کے ساتھ یہ ٹوئٹ شئیر کرتے ہوئے یاسرحسین نے اپنی سٹوری میں لکھا کہ ان کو کوئی نہیں پوچھے گا کیونکہ گھر کی مرغی دال برابر اور باہر کا کچرا بھی مال برابر-

    اداکار یاسر حسین کی انسٹا گرام سٹوری وائرل ہونے کے بعد پاکستانی اداکارہ انوشے اشرف نے انسٹاگرام پر دیوا میگزین نامی اکاؤنت کی پوسٹ کے کمنٹس سیکشن میں یاسر حسین کے تبصرے کا جواب دیا۔

    انہوں نے کہا "آئیے یاسر کو ذرا یاد دلائیں کہ کوئی بھی کسی کے لئے کچرا نہیں ہے۔

    انوشے نے مزید کہا کہ اور یہاں تک کہ اگر ان کا کام یاسر حسین کی پسند کے برابر نہیں ہے ، تو بھی دنیا بھر کے اداکاروں کا احترام کرنا ضروری ہے۔

    اداکارہ نے کہا کہ دنیا بھر کے فنکاروں کو اس میں شریک ہونا چاہئے ، بشرطیکہ ہر ایک کی اپنی جدوجہد ہو۔

    اانوشے نے کہا کہ ارطغرل غازی پی ٹی وی پر نشر ہوا ہے شائقین نے ان ’کچرا‘ کے مشمولات پر سوال اٹھانا اور اسے مسترد کرنا شروع کردیا ہے ،جو انہیں دکھایا جا رہا ہے-

    انوشے اشرف نے کہا آخر کار لوگ موجودی دور کے پاکستانی ڈراموں کی کہانیوں کو مسترد کر رہے ہیں اور بہتر اسکرپٹ ، شو اور بجٹ تلاش کر رہے ہیں۔

    انوشے اشرف نے آخر میں نشاندہی کی کہ تصویر میں شامل لوگوں کو اس طرح کی توجہ ارطغرل ڈرامہ کی وجہ سے ملی، نہ کہ پاکستان میں کسی کی وجہ سے۔ "لہذا غیر ملکی ڈرامہ کا شکریہ جو ان لڑکوں کو آگے آنے کی ترغیب دیتا ہے۔ ہر صورتحال میں ہمیشہ کوئی اچھا ئی اور فائدہ ہی ہوتا ہے-

    انوشے اشرف کے رد عمل پر یاسر حسین نے اپنی اس پوسٹ وضاحت دیتے ہوئے کہا کہ پر سکون ہو جاؤ انوشے کیا مین نے اس پوسٹ میں ارطغرل کو مینشن کیا نہیں کیا-

    یاسر حسین نے مزید کہا کہ ہم بچپن سے جاپان کی استری ، انڈیا کی ساڑھی ، آسٹریلیا کی کٹلری کو اچھا سمجھتے ہوئے ہم نے اپنے پاکستانی مال کو کچرا سمجھا ہے -ہمیں اس سوچ کو بدلنے کی ضرورت ہے-

    یاسر حسین نے کہا کہ آج بھی پاکستانی برانڈ نیشنل کی استری سب سے پائیدار ہے وزیر آباد کی کٹلری کمال ہے اور کمالیہ کی کھدر بے مثال ہے مگر آپ نے ساری زندگی انگریزی بولی اور انگریزی گانے بجائے ہیں اپنے شو پر اس لئے آپ کو سمجھانا تھوڑا سا مشکل ہے

    یاسر حسین نے آخر میں کہا کہ آپ عیش کریں ریلیکس کریں لیکن میری ہر بات کو ارطغرل سے مت جوڑیں اور اپنا خیال رکھیں ہم آپ کی بہت عزت کرتے ہیں –

    تُرک اداکارکا سیلابی صورتحال سے پریشان پاکستانی عوام سے ہمدردی کا اظہار

    اداکار یاسر حسین پاکستانی بچوں کے مستقبل کے بارے میں فکرمند

    پشاور زلمی سے متعلق ٹویٹ پر حلیمہ سلطان پاکستان میں ٹاپ ٹرینڈ

    آپ نے پہلے ہمارا کام لیا اور اب لڑکے، یاسر حسین کا سرا بلجیک کی ٹویٹ پر تبصرہ

    حلیمہ باجی آپ سے یاسر حسین بہت جلتا ہے ارطغرل سے کہہ دو اُسے ختم کر دے

    کیا پاکستانی اداکاراؤں میں کوئی اس قابل نہیں کہ پاکستانی برانڈ کی برانڈ ایمبسیڈر بن سکے؟ یاسر حسین

    دوسرے ممالک کے فنکاروں کو پاکستان میں خوش آمدید کہیں اور اپنے لوگوں کو غیر محفوظ محسوس نہ کروائیں ، آغا علی کا اسراء بلجیک کو پاکستانی کمپنی کا برانڈ ایمبیسڈر بنائے جانے پر تنقید کرنے والے فنکاروں کو جواب

    پاکستانی فنکاروں کا اسراء بلجیک کو پاکستانی کمپنی کا برانڈ ایمبیسڈر بنائے جانے پر تنقید کرنے والے فنکاروں کو جواب

    اسرا بلجیک کو پاکستانی برانڈ کی برانڈایمبیسیڈربنا نا ایک طرح سے ہمارے منہ پر طمانچہ مارنے کے مترادف ہے ژالے سرحدی

    اسرا بلجیگ پر نہیں بلکہ اپنے اوپر تنقید کی تھی ، ژالے سرحدی نے اپنے سابقہ بیان پر وضاحت دے دی

  • کنگنا رناوت اگر پاکستان مخالف بیان دینا چھوڑ دیں تو بالی وڈ میں کہیں نظر ہی نہ آئیں

    کنگنا رناوت اگر پاکستان مخالف بیان دینا چھوڑ دیں تو بالی وڈ میں کہیں نظر ہی نہ آئیں

    پاکستان شوبز انڈسٹری کے نامور اداکار فیروز خان نے بالی وڈ اداکارہ کنگنا رناوت کو ایک بر پھر آڑے ہاتھوں لیتے ہوئے کہا کہ گر کنگنا رناوت پاکستان کے خلاف بولنا چھوڑدیں تو بالی وڈ میں کہیں نظر ہی نہ آئیں۔

    باغی ٹی وی :بھارتی اداکارہ کنگنا رناوت اپنی فلموں سے زیادہ پاکستان مخالف بیانات ، متنازع اسکینڈلز اور انتہا پسندی کے لیے مشہور ہیں۔ کنگنا رناوت اکثر سوشل میڈیا پر پاکستان کے خلاف بولتی نظر آتی ہیں اور اب تو بھارتی اداکارہ کی تقریباً ہر ٹوئٹ پاکستان مخالف بیانات پر مبنی ہوتی ہے کنگنا رناوت اپنی ہر بات میں بلکہ بھارت کے ہر اندرونی معاملات میں پاکستان کے خلاف بولنا تو جیسےاپنا فرض سمجھتی ہیں-

    یوں تو کنگنا رناوت کا اپنی انڈسٹری یعنی بالی وڈ میں کوئی خاص مقام نہیں ہے تاہم وہ شہرت حاصل کر نے کے لئے پاکستان کے خلاف بول کر خبروں میں رہتی ہیں- تام اب ایک بار پھر کنگنا رناوت نے بھارت کے اندرونی معاملات میں پاکستان کو بیچ میں لاکر اپنی سطحی سوچ کا ثبوت دیا ہے۔

    کنگنا رناوت نے سماجی رابطے کی ویب سائٹ ٹویٹر پر حال ہی میں ایک ٹوئٹ میں ہندو انتہاپسند تنظیم شیو سینا کے لیڈر سنجے راوت کی جانب سے انہیں دی جانے والی دھمکی کے بارے میں بتاتے ہوئے کہا سنجے راوت نے انہیں کھلی دھمکی دی ہے کہ میں ممبئی نہ آؤں۔


    ساتھ ہی بھارتی اداکارہ نے بلاوجہ پاکستان کا نام لیتے ہوئے کہا کہ ممبئی کیوں پاکستان کے زیر انتظام کشمیر کی طرح محسوس ہورہا ہے؟

    کنگنا رناوت کی اس ٹوئٹ کو ری ٹوئٹ کرتے ہوئے اداکار فیروز خان نے کنگنا رناوت کو کہا کہ اگر آپ اپنی ٹوئٹس میں یہ قیمتی نام ’پاکستان‘ لینا چھوڑ دیں تو بالی وڈ میں کہیں نظر نہ آئیں۔ اس کے ساتھ ہی انہوں نے ایک بار پھر کنگنا رناوت کو بھارتی پائلٹ ابھی نندن کا حوالہ دیتے ہوئے ان پر طنز کیا ’اچھا چھوڑو یہ بتائیں چائے؟-

    واضح رہے کہ اس قبل جب فلم فیئر کے تصدیق شدہ اکاؤنٹ سے بھارتی اداکارہ کنگنا رناوت کی نئی فلم ’تیجاس‘ کا پوسٹر شیئر کیا گیا جس میں کنگنا بھارتی فضائیہ کی یونیفارم پہنے جیٹ طیارے کے پاس کھڑی ہیں تو فیروز خان نے انہیں طنزیہ انداز میں پاکستان میں چائے پینے کی دعوت دیتے ہوئے بھارت کے پائلٹ ابھی نندن کی یاد دلائی تھی-

    فیروز خان کی بھارتی اداکارہ کنگنا رناوت کو پاکستان میں چائے کی دعوت

    عامر خان کی ترک خاتون اول کے ساتھ ملاقات پر کنگنا رناوت کی اداکار کے سیکولرازم پر…

    پاکستانی فنکاروں نے پاکستان مخالف بیان پرکنگنا رناوت کو آئینہ دکھا دیا

  • بگ باس سیزن 14 : سلمان خان کا میزبانی کے لئے 450 کروڑ روپے کا معاہدہ

    بگ باس سیزن 14 : سلمان خان کا میزبانی کے لئے 450 کروڑ روپے کا معاہدہ

    بھارت کے مشہور ترین رئیلٹی شو ’بگ باس‘ کا 14 واں سیزن جلد ہی بھارت کے نجی ٹی وی چینل پرنشر ہوگا اور خبریں ہیں کہ رواں برس بھی اس شو کی میزبانی بالی وڈ سلطان سلمان خان ہی کریں گے۔

    باغی ٹی وی : سلمان خان گزشتہ 10 برس سے بگ باس شو کی میزبانی کرتے آ رہے ہیں اور ہر سال انہوں نے اپنے معاوضے میں اضافہ کیا ہےجہاں سلمان خان نے میزبانی کے لیے اپنی فیس بڑھائی وہیں ہر سال بگ باس نے ریٹنگ اور کمائی کے نئے ریکارڈ بھی بنائے۔

    ’بگ باس کا سیزن 14‘ بھارتی ٹی وی چینل ’کلرز‘ ٹی وی پر 3 اکتوبر سے شروع ہوگا تاہم ابھی تک شو میں شامل ہونے والی شخصیات کی فہرست کو حتمی شکل نہیں دی گئی جبکہ خبریں گردش میں ہیں کہ اس بار سلمان خان نے پچھلے سال کے مقابلے میں میزبانی کی فیس میں مزید اضافہ کردیا ہے۔

    بھارتی خبر رساں ادارے انڈیا ٹوڈے کی رپورٹ کے مطابق اطلاعات ہیں کہ سلمان خان نے رواں برس شو کی میزبانی کے لیے گزشتہ برس سے بھی زیادہ معاوضہ وصول کرنے کے لیے 450 کروڑ روپے ( ساڑھے 4 ارب ) کا معاہدہ کیا ہے۔

    انڈایا ٹوڈے نے اپنی رپورٹ میں مڈڈے کا حوالہ دیتے ہوئے بتایا گیا کہ سلمان خان اس سال فی قسط کا 20 کروڑ روپے معاوضہ وصول کریں گے۔

    بگ باس کے قریبی ذرائع نے بتایا کہ اگر ہم فی قسط 20کروڑ روپے کا حساب لگائیں تو مجموعی طور پر 480 روپے بنتے ہیں لیکن سلمان خان کی ٹیم نے 450 کروڑ روپے پر ڈیل فائنل کردی ہے "اس رقم میں پرومو اور ورچوئل پریس کانفرنسوں کی فیس بھی شامل ہے۔ جبکہ گزشتہ برس انہوں نے مجموعی طور پر 26 قسطوں کے لیے مجموعی معاوضہ 403 کروڑ روپے طے کیا تھا۔

    ذرائع نے بتایا کہ اینڈیمول کے پروڈیوسر معاوضہ ادا کرنے پر راضی ہیں کیونکہ انہیں معلوم ہے کہ سلمان شو کی اعلی ٹی آر پی کی بنیادی وجہ ہے۔
    https://www.instagram.com/p/CD8UjEfnzV8/?utm_source=ig_embed
    بگ باس 14 کے سیٹس فلم سٹی میں تعمیر کیے گئے ہیں اور یہ خیال کیا جارہا ہے کہ سلمان خان شوٹ کے لیے ہر ہفتہ کو اپنی رہائش گاہ سے گورگاؤں کا سفر کریں گے اور ہفتے اور اتوار کا دن اس بنگلے میں گزاریں گے جو خصوصی طور پر ان کے لیے تعمیر کیا گیا ہے۔

    سلمان کے معاہدے میں سیزن کی توسیع سے متعلق ایک خصوصی شق بھی شامل ہے۔

    انڈیا ٹوڈے کے مطابق ذرائع نے بتایا کہ بگ باس کے پچھلے ایڈیشن میں 10 اقساط میں توسیع کی گئی تھی ، جس میں اداکارہ ہر دن 7.5 کروڑ وصول کرتے ہیں۔ اگر اس بار متفقہ 12 ہفتوں میں ریئلٹی شو ختم نہیں ہوتا ہے تو ، سلمان کی ٹیم اور پروڈیوسر اضافی معاوضے پر تبادلہ خیال کریں گے-

    اس بار کے ایڈیشن میں دلچسپ بات یہ ہے کہ اس میں ٹک ٹاک اسٹارز سمیت سوشل میڈیا پر اثر انداز ہونے والے افراد بھی شامل ہوں گےعلاوہ ازیں پچھلے سیزن سے شہناز گل، سدھارتھ شکلا اور رشمی دیسائی کے بھی شو میں پیش کے امکان ہیں۔

    پاکستان اور سعودی عرب ایک دوسرے کی فلمیں اور ڈرامے اردو اور عربی زبان میں ڈب کر کے چلائیں گے۔معاہدہ ہوگیا

    باکسر عامر خان اور اہلیہ فریال مخدوم ڈاکیومینٹری میں ایک ساتھ دکھائی دیں گے

  • پاکستان کا عدالتی نظام، نظام عدل یا کچھ اور تحریر: صالح عبداللہ جتوئی

    پاکستان کا عدالتی نظام، نظام عدل یا کچھ اور تحریر: صالح عبداللہ جتوئی

    پاکستان کا عدالتی نظام، نظام عدل یا کچھ اور
    صالح عبداللہ جتوئی

    کسی بھی ریاست کے بنیادی ستونوں میں سے اہم ترین ستون انصاف کا قیام ہے اور اسلام بھی اسی بنیادوں پہ پوری دنیا میں پھیلا جس کو بہترین انداز میں اللہ کے نبی صل اللہ علیہ وسلم نے خطبہ حجتہ الوداع میں بھی بیان فرمایا کہ کسی گورے کو کالے پر یا کسی کالے کو گورے پر، کسی عربی کو عجمی پر اور کسی عجمی کو عربی پر کوئی برتری نہیں لیکن اگر اس میں تقویٰ ہے تو اللہ کے ہاں اس کا اعلیٰ مقام ہے لیکن غرور و تکبر اور اکڑ پھر بھی نہیں دکھاۓ گا۔
    اسی طرح ایک فاطمہ نامی عورت آپ صلی اللہ علیہ وسلم کی خدمت اقدس میں پیش کی جاتی ہے جس نے چور کی ہوتی ہے تو اس کے لیے بہت سفارشیں آتی ہیں کہ اس کا تعلق اچھے خاندان سے ہے ان کو معاف کر دیا جاۓ اور اس کا ہاتھ نہ کاٹا جاۓ لیکن اللہ کے نبی صل اللہ علیہ وسلم نے فرمایا کہ اس کی جگہ میری بیٹی فاطمہ بھی ہوتی تو میں اس کے ہاتھ بھی کاٹ دیتا اور فرمایا زمانہ جاہلیت میں بھی لوگ اس طرح کرتے تھے کہ امیر کو چھوڑ دیتے اور غریب کو سزا دیا کرتے تھے۔
    دراصل کسی بھی مثالی معاشرے کے لیے اس غیر منصفانہ عدل و انصاف کو جڑ سے اکھاڑنا ہو گا اور قانون کی نظر میں سب کو برابری کے ذمرے میں لانا ہو گا نہیں تو اس سے ہماری ساری نسلیں تباہ ہونے کا خدشہ ہے کیونکہ جہاں پہ عدل نہیں ہو گا وہاں پہ چوری، حق تلفی، قتل و غارت، قانون شکنی اور ظلم و بربریت کا بازار ہی سرگرم ہو گا۔
    حالانکہ انصاف کے قیام کے لیے خلیفہ دوم حضرت عمر فاروق رضی اللہ عنہ جیسے عظیم حکمران نے بھی اپنے آپ کو پیش کر دیا اور آپ سے جو کوئی سوال کرتا آپ نے کبھی اس کا برا نہیں منایا اور نہ ہی ان سے بدلہ لیا حالانکہ آپ خطبہ جمعہ ارشاد فرما رہے تھے تو کسی نے سوال کیا کہ آپ نے جو کپڑا سب میں تقسیم کیا تھا اس سے تو پورا لباس نہیں بن رہا لیکن آپ کا لباس کس طرح بن کیا تو قربان جاؤں اس عظیم پیغمبر کے عظیم صحابی اور 2 لاکھ مربع میل پہ حکمرانی کرنے والے حکمران پہ جس نے اس آدمی پہ غضب ناک ہونے کی بجاۓ اپنے بیٹے عبداللہ سے فرمایا کہ اس سوال کا جواب دو تو انہوں نے کہا کہ میرے والد کے پاس اچھا لباس نہیں تھا اور اس کپڑے سے نہ میرا لباس بن رہا تھا اور نہ ہی ان کا بن رہا تھا تو میں نے اپنے حصہ کا کپڑا بھی ان کو دے دیا اور ان کا لباس بن گیا جس سے سائل مطمئن ہو گیا اسی طرح اور بھی کئی واقعات ایسے ہیں جہاں پہ عمر فاروق رضی اللہ عنہ اور دوسرے صحابہ نے بھی اپنے آپ کو انصاف کے لیے پیش کیا اور سرخرو بھی ہوۓ اور یہی وجوہات ہیں جس کی بدولت اسلام نے حکمرانی کی اور آپ کے انصاف کا بول پوری دنیا میں بالا ہو گیا۔
    جب ہم اپنے ملک کو اسلامی ریاست بنانے کا نعرہ لگائیں گے تو ہمیں بہت سی قربانیاں پیش کرنی ہوں گی اور اگر کوئی قانون شکنی کرے گا تو اس کو سزا ضرور ملے گی چاہے وہ ہمارا بھائی یا رشتہ دار ہی کیوں نہ ہو لیکن اس ملک میں کوئی بھی امیر کو چھونے کی بھی ہمت نہیں کر سکتا اور غریب سڑک پہ ریڑھی کھڑی کرنے کے لیے بھی کورٹ کچہریوں کے دھکے کھاتا خالق حقیقی سے جا ملتا ہے اور کوئی ضمانت لینے کے لیے چھٹی والے دن بھی عدالتیں کھلوا لیتا ہے اور 50 کے اسٹام پہ بغیر کسی بیماری کے جعلی رپورٹس بنوا کے بیرون ملک دوڑ جاتا ہے اور ہم یہاں چیختے رہتے ہیں۔
    اس ملک کا عدالتی نظام کچھ اس طرح ہے کہ یہاں سالہا سال کیس چلتے رہتے ہیں اور جب اس کا فیصلہ ملزم کے حق میں آتا ہے تب اسے فوت ہوۓ بھی 10 سال ہو چکے ہوتے ہیں لیکن وہی کیس کسی امیر کا ہو تو اس کے لیے سیر و تفریح کا باعث بن جاتا ہے اور ثبوت ہونے کے باوجود ان کو باعزت بری کر دیا جاتا ہے اور اگر عوام کا تھوڑا سا ڈر بھی ہو تو کیس کو طول دے دیا جاتا ہے اور کبھی ان کو باہر بھیج دیا جاتا ہے تو کبھی ان کی سزا دی جاتی ہے تو اس سزا کے خلاف اپیل پہ فیصلہ کرتے کرتے سالہا سال لگا دیتے ہیں اور پھر اس کے عدالت میں پیش ہونے کے لیے استثنیٰ والی درخواست دائر کر دی جاتی ہے اس طرح پہلے یہ کیس چلتا رہتا ہے کہ اس نے پیش ہونا ہے یا نہیں اور پھر ضمانت پہ کیس چلتا اور فرد جرم والا ڈرامہ رچایا جاتا اور پھر آخر میں مک مکا کر کے اس کی سزا کو ہی کالعدم قرار دے دیا جاتا اور وہ وکٹری کا نشان بناتے ہوۓ عدالت سے سرخرو ہو کے نکلتا ہے جو کہ عدالتوں کے منہ پہ زور دار طمانچہ ہے اب ہم دیکھ رہے ہیں کئی کرپٹ سیاستدانوں کو پکڑ کے جیل میں ڈالا جاتا لیکن عدالتیں انہیں بیرون ملک عیش کروا رہی ہوتی ہیں اور اس کی وجہ یہ ہے کہ جب وہ اقتدار میں تھے تو ان معزز ججوں کو بھی عیش ہی کرواتے تھے جو کہ ثبوت ہونے کے باوجود انہیں اندھا کرنے کے لیے کافی ہے.
    کوئٹہ میں ایک غریب ٹریفک سارجنٹ جو کہ اپنی ڈیوٹی پہ مامور تھا اسے آج سے دو سال قبل ایک بااثر ایم پی اے مجید اچکزئی نے نشے کی حالت میں کچل کے شہید کر دیا اور اس کی ویڈیو بھی وائرل ہو گی جو کہ اس کے ظلم کا واضح ثبوت ہے لیکن تف ہے ایسی ناانصاف عدل پہ مبنی امیروں کی عدالت پہ جنہوں نے شواہد ناکافی ہونے کی صورت میں اسے باعزت بری کر دیا ہے بیچارے اہلخانہ کو مایوسیوں کے اندھیروں میں دھکیل دیا اب میرا اس ملک کے حکمرانوں اور عدالتوں سے سوال ہے کہ اب اگر ان کے اہلخانہ میں سے کوئی اس ایم پی اے سے بدلہ لے تو ان کو ہی غلط کہا جاۓ گا اور قانون ہاتھ میں لینے کی پاداش میں فوراً سزاۓ موت ہو جاۓ گی۔
    میرا سوال ہے کہ کون سا قانون ہے یہ؟
    کیا ویڈیو ثبوت بھی کافی نہیں ہے؟
    اوہ ہاں یہ تو وہ عدالتیں ہیں جو بااثر لوگوں سے شراب برآمد کر کے بھی اسے شہد بنا دیتی ہیں یہ تو پھر بھی ویڈیو والا معاملہ ہے یہاں امیر کے لیے موجیں اور غریبوں کے لیے پھانسی کے گھاٹ ہیں۔
    اگر یہی معاملات رہے تو یہاں کوئی محفوظ نہیں رہے گا اور ہم نے اس کے خلاف آواز نہ اٹھائی تو ایک نہ ایک دن ہم بھی اس ظلم کا شکار ہو جائیں گے خدارا جاگ جائیں اور بے ضمیر ججوں اور حکمرانوں کے ضمیر کو جھنجھوڑیں تاکہ کوئی اور اس ظلم کا شکار نہ ہو پاۓ۔
    میری حکومت وقت سے بھی گزارش ہے کہ اسلامی ریاست کی باتیں تب ہی اچھی لگیں گی جب یہاں انصاف کا بول بالا ہو گا کیونکہ اسلامی ریاست میں تو ایک کتے کے بھوکے مر جانے کا سوال بھی حکومت وقت سے ہو گا اور اگر یہی اندھا قانون رہا تو یہاں پہ کبھی امن نہیں آۓ گا کیونکہ کسی کو بھی اندھی عدالتوں پہ بھروسہ نہیں رہا
    یہ دیس ہے اندھے لوگوں کا
    اے چاند یہاں نہ نکلا کر
    اللہ سے دعا ہے اللہ ملک پاکستان میں عدل و انصاف کا بول بالا فرمائیں تاکہ یہ ملک امن و سلامتی کا گہوارہ بن سکے اور یہ تبھی ممکن ہے جب امیر اور غریب کے لیے ایک ہی قانون ہو گا اور ایک ہی طرح کی سزائیں ہوں گی۔
    اللہ اس ملک کا حامی و ناصر ہو آمین یا رب العالمین۔
    پاکستان پائندہ باد

  • یوم اساتذہ کے موقع پر ایک چھوٹی سی تحریر بقلم :نادیہ بٹ

    یوم اساتذہ کے موقع پر ایک چھوٹی سی تحریر بقلم :نادیہ بٹ

    یوم اساتذہ کے موقع پر ایک چھوٹی سی تحریر
    بقلم نادیہ بٹ

    نامی کوئی بغیر مشقت نہیں ہوا
    سوبار جب عقیق کٹا تب نگیں ہوا

    استاد،مدرس،معلم۔۔۔۔ کتنا احترام وعزت اور شفقت ہے نا ان الفاظ میں؟؟
    سبحان اللہ♡

    اللہ سبحان و تعالی نے کس قدر نہایت مشکل اور سب سے زیادہ خوب صورت کام عطا فر مائیں ہیں نا ان لوگوں کو؟؟

    اساتذہ وہ ہوتے ہیں جو صرف نصابی کتب ہی نہیں دیتے بلکہ زندگی جینے کا بہترین شعور بھی ہمیں انھیں سے حاصل ہوتا ہے ۔اساتذہ وہ شخصیت ہیں جن کے ہاتھوں میں قوم کا مستقبل ہوتا ہے۔ وہی ہیں جن کے ذریعے قوم میں علم و عمل پھیلایا جاتا ہے ۔وہی ہیں جن کے ذریعے قوم میں رہنے والا ہر شخص اپنے کمال کو پہنچتا ہے۔۔۔۔۔

    الحمدللہ♡
    میں ہزار ہابار شکر ادا کرتی ہوں اپنے خدا کا کہ انھوں نے مجھےآج تک کئی بے حد شفیق و مہربان اور اعلی ظرف اساتذہ کے ذریعے علم عطا فر مایا۔۔۔

    میں شکر گزار ہوں ان تمام اساتذہ کی جنھوں نے مجھ پر عنایت فرما کر اس لائق بنایا۔ آج تک کی میری ہرچھوٹی بڑی کامیابی پر اللہ سبحان و تعالی کے بعد اپنے اساتذہ کا شکریہ ادا کرتی ہوں۔ چاہے وہ میرے پہلی جماعت کے استاد ہوں یا میرے اعلی تعلیم کے۔۔۔۔ کیونکہ اگر مجھے پہلی جماعت میں ہی صحیح تعلیم نہیں دی جاتی تو میں اپنی آج تک کی تعلیم کے قابل نہیں بن پاتی۔۔۔

    تھے وہ بھی دن کہ خدمت استاد کے عوض
    دل چاہتا تھا ہدیہ دل پیش کیجیے

    اللہ سبحان و تعالی سے دعا ہے کہ وہ میرے تمام عزیز اساتذہ کی ہر مخلوق کی شر سے حفاظت فرمائیں،انھیں ہمیشہ اپنے حفظ و امان میں رکھیں، انھیں ان کے ہر محنت اورخدمت کے بدلے دنیا و آخرت میں جزائےخیر عطا فرمائیں، انھیں ہمیشہ خوش اور سلامت رکھیں اور اپنی رحمت سے جنت الفردوس میں جگہ دیں۔۔۔۔۔۔

    آمین یا رب العالمین