ممنی لانڈرنگ کیس میں ضمانت پر رہا ہونے والی پاکستان کی سُپر ماڈل ایان علی نے اپنے نئے البم کے ریلیز ہونے کی تاریخ کا اعلان کر دیا ہے-

باغی ٹی وی : سوشل میڈیا ویب سائٹ انسٹاگرام پر ایان علی نے اپنی ایک تصویر پوسٹ کی جس میں وہ سیاہ رنگ کے مغربی لباس میں ملبوس ہیں تصویر سے لگ رہا ہے کہ یہ تصویر اُن کے نئے البم کے کسی گانے کی ہے۔
https://www.instagram.com/p/CDOsej6pGrc/?igshid=kwh45u5sqctp
تصویر پوسٹ کرتے ہوئے ایان علی نے لکھا کہ اُن کا نیا البم ’Nothing Like Everything‘ رواں سال 3 اگست کو ریلیز کیا جائے گا اور یہ البم دُنیا بھر میں 200 سے زائد اسٹورز پر جاری کیا جائے گا۔

ایان علی نے اپنی پوسٹ کے کیپشن میں پاکستان سمیت مختلف ممالک میں البم شئیر کرنے کے اوقات بھی بتائے-

پاکستان : 3 اگست دوپہر 1 بجے
متحدہ عرب امارات: 3 اگست دوپہر 12 بجے
متحدہ سلطنت یونائیٹڈ کنگڈم: 3 اگست صبح 9 بجے
وسطی یورپین ممالک : 3 اگست صبح 10 بجے
اور امریکا میں 3 اگست رات 1 بجے ریلیز کیا جائے گا-

واضح رہے کہ اس سے قبل ایان علی نے اپنی انسٹاگرام پوسٹ پر اپنی ایک مختصر سی ویڈیو پوسٹ کی تھی جو اُن کے نئے پراجیکٹ کا حصہ تھی ویڈیو پوسٹ کرتے ہوئے ایان علی نے سب سے پہلے تو اپنے مداحوں کا حال احوال دریافت کیا تھا اور پھر اُنہوں نے بتایا تھا کہ یہ ویڈیو اُن کے نئے آنے والے پراجیکٹ کا ایک چھوٹا سا حصہ ہے۔
https://www.instagram.com/p/CDBiTGupFAG/?igshid=d936s603j520
ایان علی نے اپنی پوسٹ کے کیپشن میں اپنے نئے البم کا نام بتاتے ہوئے لکھا تھا کہ اُن کے البم کا نام ’Nothing Like Everything‘ ہے۔

واضح رہے کہ ایان علی کو 14 مارچ 2015 کو اسلام آباد بے نظیر انٹرنیشنل ایئرپورٹ سے 5 لاکھ سے زائد ڈالرز دبئی اسمگل کرتےہوئے گرفتار کیاگیا تھا بعد ازاں عدالت نے انہیں ضمانت پر رہاکیا جس کے بعد وہ بیرون ملک چلی گئیں 2 سال تک ایان علی عدالت میں پیش ہوتی رہیں تاہم 2017 میں بیرون ملک جانے کے بعد سے وہ عدالت کی سماعتوں میں غیر حاضر رہیں جس کے باعث انہیں کو اشتہاری قرار دیا جا چکا ہے اور ان کا اپارٹمنٹ بھی ضبط کیا جا چکا ہے-

ایان علی کی لمبے عرصے بعد سوشل میڈیا پر واپسی

پاکستان شوبز انڈسٹری کی معروف اداکارہ ہانیہ عامر نے خود پر تنقید کرنے والوں کو آڑے ہاتھوں لیتے ہوئے اچھی خاصی سُنا دیں۔

باغی ٹی وی : اداکارہ ہانیہ عامر نے گلوکارہ آئمہ بیگ کے ساتھ گفتگو کرتے ہوئے گلوکار عاصم اظہر اور اپنے تعلق کے بارے میں بات کرتے ہوئے کہا تھا کہ وہ اور گلوکار عاصم اظہر بہترین دوست ہیں تاہم ساتھ ہی انہوں نے وضاحت کی کہ ان کے درمیان ‘وہ’ والے تعلقات نہیں۔

ہانیہ عامر کا کہنا تھا کہ ان کے اور عاصم اظہر کے درمیان جوڑے بننے والے تعلقات نہیں اور نہ ہی انہوں نے کبھی ایک دوسرے سے اس طرح کی ملاقاتیں کی ہیں اور نہ ہی وہ ایک د وسرے کو اس طرح دیکھتے ہیں وہ دونوں بہترین دوست ہیں اور وہ ایک دوسرے کی مدد کرتے رہتے ہیں۔

اداکارہ کی جانب سے عاصم اظہر کے ساتھ دوستی کے اعتراف اور تعلقات کے انکار کے حوالے سے کچھ مداح پریشان بھی دکھائی دیئے اور ناراض بھی دکھائی دیئے-

اور ہانیہ کے انکشاف کے عاصم محض اُن کے ایک اچھے دوست ہیں مداحوں نے عاصم اظہر سے اظہار یکجہتی کرنے کیلئے فیس بک پر ’جسٹس فار عاصم اظہر‘ کے نام سے ایک ایونٹ تخلیق کیا تھا جس کے ذریعے لوگوں کو ہانیہ عامر کے گھر کے باہر احتجاجی مظاہرے کی دعوت دی گئی۔ احتجاجی مظاہرے کا وقت اتوار کی شام 5 بجے کا مقرر کیا گیا تھا۔

ہانیہ نے ’جسٹس فار عاصم‘ نامی احتجاج کی تصویر پوسٹ کرتے ہوئے مذاق میں انسٹا گرام پوسٹ میں لکھا کہ احتجاج کرنے والوں کیلئے کھانا کیا بناؤں۔

سماجی رابطے کی ویب سائٹ ٹوئٹر پر بریرہ مرزا نامی صارف نے ہانیہ عامر کو تنقید کا نشانہ بناتے ہوئے اُن کی اس انسٹاگرام پوسٹ کو مضحکہ خیز قرار دیا تھا۔

@realhaniahehe showing the lowest level of her personality. These kind of comments don't suit on the celebrities like her. I believe this is another cheap publicity stunt. #haniaamir #AsimAzhar pic.twitter.com/iCwdJZ28El

— Bareerah Mirza (@BareerahMirza) July 15, 2020

صارف نے ہانیہ کے اس مذاق کو سنجیدگی سے لیتے ہوئے لکھا کہ ہانیہ اپنی شخصیت کی سب سے کم ترین سطح دکھا رہی ہیں جو ایک مقبول ترین اداکارہ کو زیب نہیں دیتا یہ اداکارہ کا عوام میں مقبول ہونے اور سستی شہرت کا ایک طریقہ ہے-

اس تنقید پر ہانیہ بھی چُپ نہ رہیں اور صارف کو کرارا جواب دیتے ہانیہ نے لکھا کہ شخصیت کی نچلی سطح ظلم کے ساتھ کھڑا نہ ہونا ہے۔
https://twitter.com/realhaniahehe/status/1287554298314801154?s=20
ساتھ ہی انہوں نے یہ بھی لکھا کہ کسی کی ذاتی زندگی کے بارے میں عوامی رائے رکھنا، تشدد، بدسلوکی، دھونس، کم عمر کی شادی، جانوروں پر ظلم، عدم مساوات یہ سب ایک شخصی برائیاں ہیں، میرا مزاح نہیں۔

عاصم اظہر کو ایک صارف نے جواب دیتے ہوئے ہانیہ عامر کو ٹیگ کیا اور سوال کیا کہ عاصم کو خودکشی کیلئے اکسانے کیلئے آپ نے کیا کیا؟

ہانیہ نے اس صارف کی بھی خوب کلاس لی ہانیہ نے لکھا کہ خودکشی کوئی مزاحیہ لفظ نہیں ہے، نہ آپ مزاحیہ ہیں نہ ہی میں ہنس رہی ہوں۔

This is not a word to be joked about. You’re not funny. I’m not laughing.
Mera humour aap se behtar he hai. Funny memes appreciate karti hun lekin fazool batain apne tak he rakhain. Aur behtar hoga kai apne dimagh se bhi nikal dain. 🌹 https://t.co/3PEqL05SFQ

— Hania Aamir (@realhaniahehe) July 27, 2020

اداکارہ نے فضول باتیں دماغ میں نہ رکھنے کا مشورہ دیتے ہوئے لکھا کہ میرا مزاح آپ سے بہتر ہے، مزاحیہ میمز اور تبصروں کو سراہتی ہوں لیکن اپنی فضول باتیں اپنے تک ہی رکھیں اور بہتر ہوگا کہ اپنی دماغ سے بھی نکال دیں-

ہانیہ عامر کے بعد عاصم اظہر نے بھی اپنے تعلق پر خاموشی توڑ دی

عاصم اظہرصرف میرا اچھا دوست ہے ہمارے درمیان کوئی نجی تعلقات نہیں ہانیہ عامر

عاصم اور ہانیہ تو بس دوست تھے، گزشتہ کچھ مہینوں میں انکی آپس میں ملاقاتوں کی چند جھلکیاں

ہانیہ عامر کا عاصم اظہر کو صرف دوست کہنے پر اریکا حق تنقید کی زد میں

پاکستان میوزک انڈسٹری کے عالمی شہرت یافتہ گلوکار استاد راحت فتح علی خان کے نئے گانے ’غم عاشقی تیرا شکریہ‘ تمام سوشل میڈیا ویب پلیٹ فارم پر ریلیز کردیا گیا۔

باغی ٹی وی : تفصیلات کے مطابق اپنی خوبصورت آواز سے دنیا بھر میں پاکستان کا نام روشن کرنے والے عالمی شہرت یافتہ گلوکار استاد راحت فتح علی خان نے ’غم عاشقی‘ شاعرہ پروین شاکر کی غزل سے ماخوز گیت عید کے موقع پر اپنے چاہنے والوں کے لئے عیدی کے تحفے کے طور پر پیش کیا ہے-
https://www.instagram.com/p/CDQn0vDJ9bo/?igshid=mflqgn5xho4o
استاد راحت فتح علی خان کا اس حوالے سے کہنا تھا کہ ’غم عاشقی‘ عید الاضحی کے موقع پر ریلیز کررہے ہیں گانے کے ابتدائی بول ہمارے ملک کی نامور شاعرہ پروین شاکر نے لکھے ہیں۔

استاد راحت فتح علی خان کا کہنا تھا کہ وہ غم عاشقی سے خود کبھی نہیں گزرے انہوں نے ساری زندگی موسیقی سے عشق کیا۔

گلوکار کا کہنا تھا کہ تخلیق وقت مانگتی ہے کورونا کی وجہ سے اپنے نئے گانے تخلیق کرنے کا وقت ملا اور ’غم عاشقی ‘ اسی وقت میں بنایا۔

راحت فتح علی خان کا کہنا تھا کہ یہ گیت میرے مداحوں کے لیے عید کا تحفہ ثابت ہوگا۔

اس گیت کی موسیقی میوزک ڈائریکٹر کامران اختر نے ترتیب دی ہے جبکہ بین الاقوامی شہرت یافتہ میوزک پروڈیوسر سلمان احمد نے اسے پروڈیوس کیا ہے۔

واضح رہے کہ اس سے قبل سماجی رابطے کی ویب سائٹ انسٹا گرام پر عالمی شہرت یافتہ گلوکار نے اپنے تصدیق شُدہ اکاؤنٹ پر گانے کا ٹیزر جاری کرتے ہوئے اس کی ریلیز تاریخ کا اعلان بھی کیا تھا انہوں نے بتایا تھا کہ گانا ’غم عاشقی‘ عید سے پہلے رواں ماہ کے آخر میں 30 جولائی 2020 کو ریلیز کیا جائے گا-

خیال رہے کہ حال ہی میں اداکار عدنان صدیقی نے اپنی ایک انسٹا گرام پوسٹ میں بتایا تھا کہ وہ اور گلوکار راحت فتح علی خان جلد ہی کورونا کے حوالے سے نئے پروجیکٹ دعا میں ایک ساتھ دکھائی دیں گے-

عدنان صدیقی اور راحت فتح علی خان جلد ہی ایک ساتھ نئے پروجیکٹ میں دکھائی دیں گے

راحت فتح علی خان کے نئے گانے کا ٹیزر جاری

کراچی میں مون سون کی بارشوں کے باعث شہر کی ناقص صورتحال دیکھ کر جہاں شہر ی پریشان ہیں تو وہیں شوبز ستارے بھی شہر کے ابتر حالات دیکھ کر افسوس کا اظہار کرتے ہوئے سوشل میڈیا پر اپنے پیغامات جاری کررہے ہیں۔

باغی ٹی وی : پاکستان فلم انڈسٹری کے نامور اداکار شان شاہد نے ٹوئٹر پربارش کےپانی کے باعث تالاب کا منظر پیش کرتی کراچی کی سڑکوں کی تصاویر شیئر کیں جن میں واضح طور پر دیکھا جاسکتا ہے کہ بارشوں کے باعث شہر کی صورتحال کس قدر خراب ہوگئی ہے۔

شان شاہد نے اپنے ٹوئٹر اکاؤنٹ پر تصاویر شیئر کرتے ہوئے لکھا کہ سیاست ایک ایسا کھیل ہے جو طاقتور اور بےاختیار لوگوں کے درمیان کھیلا جاتا ہے۔

#khimatters♥️🙏🏼. politics is a game played by the powerful , on the powerless .the suffering of the prople of #khi should be felt and dealt with unity . No matter what political party we belong to humanity should always come first . #Polticsdivides #humanityunites pic.twitter.com/1hrh2e33CL

— Shaan Shahid (@mshaanshahid) July 29, 2020

اداکار نے لکھا کہ اس مشکل گھڑی میں تمام سیاسی جماعتوں کو کراچی کے عوام کے دُکھ کو محسوس کرنا چاہیے اور کراچی کے مسائل کو حل کرنے کے لیے اتحاد کے ساتھ کام کرنا چاہیے۔

شان شاہد نے لکھا کہ اس سے کوئی فرق نہیں پڑتا ہے کہ ہم کس سیاسی جماعت سے تعلق رکھتے ہیں لیکن ہمارا تعلق ہمیشہ انسانیت سے ہونا چاہیے۔

دوسری جانب سماجی رابطے کی ویب سائٹ ٹوئٹر پر عائشہ عمر نے لکھا کہ مجھے بارش پسند ہے اور میں اس موسم سے بھی محبت کرتی ہوں لیکن یہ سوچ کر میرے روح کانپ جاتی ہے کہ اس سے میرے شہر اور اس کے لوگوں پر کیا گزرتی ہے۔

I’m torn. I love, love the rain but it kills me to see what my city and its people have to go through, after. Its heartbreaking. It’s so unfair.. #karachirain

— Ayesha Omar (@ayesha_m_omar) July 26, 2020

عائشہ عمر نے لکھا کہ یہ سب دل دہلا دینے والا ہے اور سب سے بڑے شہر کے ساتھ نا انصافی ہے۔

دوسری جانب اداکار علی رحمٰن خان نے لکھا کہ جہاں تک مجھے یاد ہے روشنیوں کے شہر میں جب بھی بارش ہوتی ہے اسے ایسے ہی حالات سے گزرنا پڑتا ہے۔

#Karachi goes through the same bittersweet predicament every time it rains, every single year for as long as I can remember. How does the largest city in Pakistan have the worst planning & development in the country? We all know the answer, we just wish for it to change. I ❤️ KHI

— Ali Rehman Khan (@alirehmankhan) July 27, 2020

علی رحمٰن خان نے سوال اٹھایا کہ ملک کے سب سے بڑے شہر میں منصوبہ بندی اور ترقی کا اس قدر فقدان کیسے ہوسکتا ہے؟

انہوں نے لکھا کہ ہم اس کا جواب جانتے ہیں اور خواہش کرتے ہیں کہ کراچی کے یہ حالات جلد از جلد تبدیل ہوں۔

واضح رہے کہ کراچی میں بارش کے باعث متعدد علاقوں میں کہیں سڑکیں ندی نالوں اور تالاب کا منظر پیش کر رہی ہیں کہیں کیچڑ اور غلاظت کے سبب شہری پریشانی کا شکار ہیں جبکہ قربانی کے جانوروں کے لئے لگائی گئی بکرا منڈی بھی پانی میں بہہ گئی اور لیاقت آباد میں گجرنالہ اوور فلو ہونے کی وجہ سے اطراف کی آبادیوں میں پانی داخل ہو گیا۔

سندھ حکومت کا کراچی بھر کے شہریوں کیلئے چائے کا بڑا انتظام

کراچی ڈوبنے کے بعد وزیراعلیٰ سندھ کو ہوش آ گیا،اجلاس میں اہم حکم دے دیا

بارش سے کراچی تالاب کامنظر پیش کرنے لگا، کئی ہلاکتیں

کراچی میں بارش، وزیراعظم سے ریسکیو کے لئے فوج بھیجنے کا مطالبہ آ گیا

کراچی تین ماہ کیلئےمیرے حوالےکردیں، صاف ہوجائےگا،کراچی والےمیری صلاحیتوں سے واقف ہیں‌:مصطفیٰ کمال کا دعویٰ

ہر سال لاکھوں مسلمان فریضہ حج کی ادائیگی کے لیے مسلمانوں کے مقدس مقام خانہ کعبہ کا رخ کرتے ہیں اور مکہ مکرمہ اورمدینہ منورہ میں دین اسلام کے پانچویں رکن کی ادائیگی نہایت خشوع و خضوع کے ساتھ ادا کرتے ہیں تاہم رواں برس کورونا وائرس کی وبا کے باعث بہت کم لوگ مناسک حج اداکررہے ہیں اور دیگر ممالک کے لوگوں کو وبا پھیلنے کے خدشے کے باعث حج کی اجازت نہیں دی گئی۔

باغی ٹی وی : گزشتہ برس لاکھوں مسلمانوں کے ہمراہ پاکستان شوبز انڈسٹری سے وابستہ فنکاروں نے بھی فریضہ حج کی ادائیگی کے لیے بیت اللہ کا رخ کیا تھا-

فیروزخان:
گزشتہ سال حج کی ادائیگی کے لیے جانے والوں میں اداکار فیروز خان بھی شامل تھےانہوں نے حج پر جانے کی خوشخبری سوشل میڈیا پر شیئر کرتے ہوئے کہا تھا کہ مجھے اس سال حج کی ادائیگی کا بلاوا آیا ہے۔ میں حج پر جانے سے قبل ان تمام لوگوں سے معافی کا طلبگار ہوں جن کا میں نے کبھی دل دکھایا ہے۔

– Jummah Mubarak ✨ pic.twitter.com/RPJTzDuCno

— Feroze Khan (@ferozekhaan) August 16, 2019

حمزہ علی عباسی:
اداکار حمزہ علی عباسی نے بھی گزشتہ برس حج کا مقدس فریضہ ادا کیا تھا۔ انہوں نے بھی سوشل میڈیا ویب سائٹ ٹوئٹر پر مداحوں سے یہ خبر شیئر کرتے ہوئے لکھا تھا کہ میں 16 تاریخ تک حج کی ادائیگی کے باعث سوشل میڈیا استعمال نہیں کروں گا۔

Allah has accepted my extremely flawed but consistent efforts to walk his path & has blessed me with HAJJ. I shall be off social media till 16th. Will pray for Kashmir, Pakistan & for peace but if violence is forced on us then i.ll pray tht may Allah be pleased with us.

— Hamza Ali Abbasi (@iamhamzaabbasi) August 6, 2019

حمزہ علی عباسی نے مقبوضہ کشمیر میں ہونے والے ظلم و بربریت کے حوالے سے بھی بات کی تھی کہ وہ کشمیر پاکستان اور امن کے لیے دعا کریں گے۔

عاطف اسلم :
خوبصورت آواز کے مالک عالمی شہرت یافتہ پاکستانی نامور گلوکار عاطف اسلم نے بھی گزشتہ سال حج کا اہم فریضہ ادا کیا تھا ۔ انہوں نے بھی یہ خوشخبری ٹوئٹر پر اپنے مداحوں سے شیئر کرتے ہوئے لکھا کہ مجھے آپ سب کو بتاتے ہوئے خوشی محسوس ہورہی ہے کہ میں بہت جلد اپنی زندگی کے اہم ترین سفر پر جانے والا ہوں۔ حج پر جانے سے قبل میں اپنے گھروالوں مداحوں اور دوستوں سمیت ان تمام لوگوں سے معافی مانگنا چاہتاہوں جن کا کبھی میں نے دل دکھایاہے-

Happy to share something very big with all of you. Inshallah I’ll be leaving soon for the most important (cont) https://t.co/7lBJRH1K7y

— Atif Aslam (@itsaadee) August 6, 2019

انہوں نے لکھا تھا کہ آپ سب مجھے اپنی دعاؤں میں یاد رکھیے گا۔ اس کے ساتھ ہی عاطف اسلم نے کشمیر میں ہونےو الے ظلم کی مذمت کرتے ہوئے کہا کہ خدا معصوم کشمیریوں اور تمام لوگوں کو اپنی حفظ و امان میں رکھے۔

روبینہ اشرف:
پاکستان ٹی وی کی لیجنڈری اور معروف اداکارہ روبینہ اشرف نے بھی گزشتہ سال حج کی ادائیگی کا شرف حاصل کیا تھا –
https://www.instagram.com/p/B005CsCBKJD/?utm_source=ig_embed
عائزہ خان اور دانش تیمور:
عائزہ خان اور دانش تیمور نے بھی گزشتہ سال اپنی اہلیہ عائزہ خان کے ساتھ حج کی ادائیگی کی سعادت حاصل کی تھی ۔
https://www.instagram.com/p/B1DMGV7gx2g/?utm_source=ig_embed
حج پر جانے سے پہلے دانش تیمور کا کہنا تھا کہ بطور مسلمان یہ ہماری سب سے بڑی خواہش تھی جو بہت جلد پوری ہونے والی ہے خدا ہماری عبادت کو قبول کرے۔

عائزہ خان نے گذشتہ برس 2019 کے حج کی یادیں شئیر کردیں

پاکستان شوبز انڈسٹری کی معروف اداکارہ سار ہ خان اور تمغہ امتیاز نامور اداکارہ مہوش حیات کا بھی شہرہ آفاق تُرک سیریز دیریلیس ارطغرل میں حلیمہ سلطان کا کردار ادا کرنے والی تُرک اداکارہ اسرا بلجیک کے ٹوئٹ پر ردعمل سامنے آ گیا ہے-

باغی ٹی وی : حال ہی میں اسرا بلجیک کا ایک ٹویٹ سامنے آیا تھا جس میں لکھا تھا کہ انہیں پاکستان میں اپنا نمبر ون مل گیا ہے۔

اداکارہ کے اس ٹویٹ نے پاکستانیوں کو شش و پنج میں مبتلا کر دیا تھا اور سوشل میڈیا پر اس ٹویٹ کے چرچے ہوتے رہے اور جہاں لوگ اداکارہ کی اس ٹویٹ پر اپنی طرف سے مختلف اندازے لگانے کے ساتھ ساتھ تبصرے بھی کرتے رہے کہ انہیں پاکستان میں کون مل گیا ہے جسے وہ اپنا نمبر ون قرار دے رہی ہیں وہیں شوبز ستارے بھی اسرا بلجیک کے اس ٹوئٹ پر مختلف اندازے لگاتے نظر آرہے ہیں۔

داکارہ کی اس ٹویٹ پر پاکستانی معروف مزاحیہ اداکار احمد علی بٹ نے بھی انسٹاگران سٹوری میں مزاحیہ تبصرہ کرتے ہوئے لکھا تھا کہ میں تو ایسی کسی بات کیلئے تیار ہی نہیں تھا آخرکار اسراء نے مجھے ڈھونڈ ہی لیا ساتھ ہی انہوں نے اسراء کا ٹوئٹ بھی اپنی اسٹوری میں شیئر کیا-

دوسری جانب یاسر حسین نے بھی ترک اداکارہ کے اس ٹویٹ پر اپنا رد عمل دیتے ہوئے اپنا بیان جاری کرتے ہوئے انسٹاگرام اپنی اسٹوری پر اسرا بلجیک کا ٹویٹ شیئر کرتے ہوئے طنزیہ انداز میں لکھا تھا کہ پہلے ہمارا کام لیا اور اب ہمارے لڑکے؟-

اب اس حوالے سے معروف اداکارہ سارہ خان نے بھی اسرا بلجیک کے ٹوئٹ پر اپنا اندازہ لگاتے ہوئے حیران کُن ردعمل دیا تھا۔

سارہ علی خان انسٹا گرام سکرین شئیر
سارہ خان نے سماجی رابطے کی ویب سائٹ انسٹاگرام پر اسٹوری میں اسرا بلجیک کے ٹوئٹ کا اسکرین شارٹ شیئر کرتے ہوئے لکھا کہ اسرا کو پاکستان میں نمبر ون مل گیا ہے اس کا مطلب یہ ہے کہ اب تو وہ ہماری بھابھی ہیں۔

دوسری جانب پاکستانی اداکارہ تمغہ امتیاز مہوش حیات نے بھی اسرا بلجیک کے اس ٹوئٹ پر ردعمل دیا-

مہوش حیات انسٹاگرام سکرین شاٹ
مہوش حیات نے اپنے انسٹاگرام اکاؤنٹ پر اسٹوری میں اسرا بلجیک کے ٹوئٹ کا اسکرین شارٹ شیئر کرتے ہوئے خوشی کا اظہارکیا اور سوالیہ انداز میں لکھا کہ واؤ کیا واقعی اسرا کو پاکستان میں اُن کا نمبر ون مل گیا ہے؟ اگر ایسا ہے پھر تو مبارکبا د بنتی ہے-

آپ نے پہلے ہمارا کام لیا اور اب لڑکے، یاسر حسین کا سرا بلجیک کی ٹویٹ پر تبصرہ

اسرا بلجیک کا پاکستانیوں کے لئے انوکھا پیغام

حلیمہ باجی آپ سے یاسر حسین بہت جلتا ہے ارطغرل سے کہہ دو اُسے ختم کر دے

اسرا بلجیک پہلی پاکستانی کمپنی کی برانڈ ایمبیسیڈر مقرر

پاکستان شوبز انڈسٹری کے فنکاروں نے بھی وزیر اعظم عمران خان آن لائن گیم پب جی پر عائد کی گئی پابندی کو جلد از جلد ہٹانے کا مطالبہ کر دیا ہے-

باغی ٹی وی : پاکستان میوزک انڈسٹری کے معروف گلوکار عاصم اظہر نے سماجی رابطے کی ویب سائٹ ٹویٹر میں اپنے ٹوئٹ میں لکھا کہ یہاں مسئلہ صرف ایک گیم پر پابندی لگانے کا نہیں ہے بلکہ اس پابندی سے پاکستان کے ہر میدان میں ڈیجیٹل مستقبل پر بُرا اثر پڑے گا۔

عاصم اظہر نے لکھا کہ میں مضحکہ خیز پابندی کا شکار رہا ہوں جس پر ہمیں 5 سال تک یوٹیوب پر سامنا کرنا پڑا تھا اور اب ہم پھر سے اسی مرحلے پر ہیں

This is not just about a game, it is about the digital future of 🇵🇰 Every field will be affected. I am a victim of the ridiculous ban we had to face on YouTube for 5 years. We are again at the same stage. Please don’t let it happen again, sir @ImranKhanPTI 🙌🏽 #ImranKhanPUBGKholo

— Asim Azhar (@AsimAzharr) July 27, 2020

گلوکار نے عمران خان کو ٹیگ کرتے ہوئے لکھا کہ سر براہ کرم اسے دوبارہ ہونے نہ دیں۔

انہوں نے اپنے ٹوئٹ میںImranKhanPUBGKholo# بھی استعمال کیا۔

دوسری جانب اداکارہ ہانیہ عامر نے بھی آن لائن گیم پب جی پر پابندی لگانے پر اپنی رائے کا اظہار کرتے ہوئے اپنے ٹوئٹ میں لکھا کہ گیمنگ کوئی جرم نہیں ہے اور اس پر پابندی لگانے سےحکومت کو نفرت اور ناراضگی کے علاوہ کچھ حاصل نہیں ہوگا۔

Gaming is not a crime and bans achieve little other than angst and resentment. Instead of shutting down #PUBG, address and counter the issues that are a cause for concern and let them play for it is only but a game! 🙏🏽#Pakistan #ImranKhanPUBGKholo

— Hania Aamir (@realhaniahehe) July 27, 2020

ہانیہ عامر نے لکھا کہ پب جی پر پابندی لگانے کے بجائے ان امور کی نشاندہی کریں اور ان کا مقابلہ کریں جو تشویش کا باعث ہیں

اداکارہ نے بھی اپنے ٹوئٹ میںImranKhanPUBGKholo# اور Pakistan# بھی استعمال کیا۔

اداکار فیروز خان نے بھی اپنے ٹویٹ میں وزیراعظم عمران خان کو مخاطب کرتے ہوئے لکھا کہ مجھےواقعی سمجھ نہیں آرہا کہ حکومت کو پب جی گیم پر پابندی لگانے کے مشورے کون دے رہا ہے۔

– I really have no clue who is advising the government.
Here stray dogs are killed stray cats are raped and #PUBG gets a ban….
I was thinking Imran khan government to be more responsive to such stuff. Basic life security. @ImranKhanPTI

— Feroze Khan (@ferozekhaan) July 28, 2020

اداکار نے لکھا کہ ہمارے ملک میں آوارہ کتوں کو ہلا ک کیا جارہا ہے آوارہ بلیوں کو زیادتی کا نشانہ بنایا جارہا ہے لیکن پابندی آن لائن گیم پب جی پر لگائی جارہی ہے۔

فیروزخان نے لکھا کہ مجھے لگتا تھا کہ عمران خان کی حکومت سب کی زندگی کی حفاظت کے لیے جوابدہ ہوگی لیکن افسوس یہاں تو سب کچھ میری سوچ کے مترادف ہے۔

واضح رہے کہ پب جی کے حوالے سے خود کشی کی متعدد شکایات موصول ہونے کے بعد پی ٹی اے نے اس گیم پرپابندی عائد کرتے ہوئے کہاتھا کہ یہ کھیل وقت کا ضیاع ہے اور بچوں کی جسمانی ونفسیاتی صحت پرشدید منفی اثرڈالتا ہے۔

مجھ سے زیادہ میرے احساسات اور جذبات تو یہ محلے کی پھپھو جانتی ہیں عاصم اظہر

عاصم اظہر کے گانے ’سوہنیا‘ نے دھوم مچا دی