پاکستان کی مقبول و معروف ٹک ٹاک سٹار جنت مرزا کے پہلے گانے نے دھوم مچا دی ، یوٹیوب ٹرینڈنگ میں ٹاپ پر رہا ہے-

باغی ٹی وی : بلال سعید کے گانے شاعر میں ٹک ٹاک سٹار جنت مرزا نے محمد علی جوش کے ساتھ ڈیبیو کیا تھا ان کا گانا رواں ماہ 10 جولائی کو ریلیز کیا گیا تھا جبکہ گلوکار سرمد قدیر نے اس گانے کو تحریر اور کمپوز کیا ہے۔

یہ گانا 5 منٹ 8 سیکنڈز پر مشتمل ہے جس میں ایک ایسی کہانی دکھائی گئی ہے جہاں ایک نوجوان شاعر خوبصورت اداکارہ سے یک طرفہ محبت کرتا ہے اور پھر ایک وقت ایسا آتا ہے کہ یہ محبت دو طرفہ محبت میں بدل جاتی ہے۔

جنت مرزا کے گانے ’شاعر‘ کو مداحوں کی طرف سے خوب پسند کیا جا رہا ہے اس کا اندازہ اس بات سے لگا جا سکتا ہے کہ یہ گانا یوٹیوب ٹرینڈنگ میں ٹاپ پر ہے-

اس گانے کو یوٹیوب پر اب تک 45 لاکھ سے زائد بار دیکھا جا چُکا ہے-

انسٹا گرام سکرین شاٹ
مداحوں کی جانب سے گانے کو اس حد تک پذیرائی ملنے پر جنت مرزا نے اپنی انسٹا گرام سٹوری پر مداحوں کا شکریہ اداکرتے ہوئے لکھا تھا کہ اتنا سارا پیار دینے پر آپ سب کا بہت زیادہ شکریہ-

واضح رہے کہ اس سے قبل گلوکار عاصم اظہر کا گانا ’تُم تُم‘ ریلیز ہوا تھا اس گانے کی مرکزی کردار معروف ٹک ٹاک اسٹار اریکا حق نے ادا کیا تھا جبکہ گانے میں عاصم اظہر، اُردو ریپ سانگ کے گلوکار رامس، طلحہ یونس، طلحہ انجم اور گلوکار و اداکار تیمور صلاح الدین عرف مورو نے بھی اپنی اداکاری کے جوہر دکھائے تھے اور گانے کے آخر میں اداکارہ ہانیہ عامر بھی نظر آئیں تھیں۔

اریکا حق کے بعد ٹک ٹاک سٹار جنت مرزا گلوکار بلال سعید کے نئے گانے کی ویڈیو میں شامل

صبا قمر ٹک ٹاک اسٹار اریکا حق کی حمایت میں بول پڑیں

لوگ پہلے ڈپریشن اور مینٹل ہیلتھ پر لیکچر دیتے ہیں اور کچھ دن بعد خود کسی کو اپنی نفرت سے ڈپریشن کا شکار بنا دیتے ہیں عاصم اظہر

عاصم اظہر اور ٹک ٹاک اسٹار ارکا حق کے گانے کا ٹیزر جاری

پاکستان شوبز انڈسٹری کے معروف اداکار فیصل قریشی اور نامور اداکار اعجاز اسلم جلد ہی نئے ڈرامہ سیریل ’لوگ کیا کہیں گے‘ میں ایک ساتھ نظر آئیں گے۔

باغی ٹی وی : لوگ کیا کہیں گے میں اعجاز اسلم اور فیصل قریشی کے ساتھ ماڈل و اداکارہ صحیفہ جبار بھی اداکاری کے جوہر دکھائیں گی یہ ڈرامہ ایک مالدار گھرانے کو درپیش مشکل حالات سے گزرنے پر مبنی ہے۔

اعجاز اسلم ڈرامہ سیریل لوگ کیا کہیں گے میں حسیب کا کردار ادا کریں گے جو اپنے اہل خانہ کی ضروریات اور خواہشیں پوری کرنے کے لیے کسی بھی حد جاسکتا ہے اور جب مشکل وقت آتا ہے تو اس کا امتحان شروع ہوجاتا ہے۔

ڈرامے کا پہلا ٹیزر جاری کیا گیا جس میں اعجاز اسلم کو صحیفہ جبار خٹک کا محبت کرنے والا شوہر اور ایک پیار کرنے والا باپ دکھایا گیا ہے جو اپنی بیٹی دانیہ کے عیش و آرام پر بے دریغ پیسہ خرچ کرتا ہے-

تاہم مالی مشکلات کی وجہ سے ہر چیز نہ صرف اس کے لیے بلکہ اس کے گھر والوں کے پریشان کن صورت اختیار کرلیتی ہے۔

جبکہ ڈرامے میں فیصل قریشی کو ایسے کردار میں دکھایا گیا ہے جس میں وہ ایک خوشحال اور کامیاب شخص اچھا باپ اور شوہر ہوتا ہے لیکن اس کو ہمیشہ سب عیش و آرام چھن جانے کا خوف ہوتا ہے کہ اگر یہ سب چھن گیا تو لوگ کیا کہں گے-

ڈرامے کے بارے میں بات کرتے ہوئے اداکار اعجاز اسلم کا کہنا ہے کہ میں اس پروجیکٹ کے لیے بہت پرجوش ہوں، کہانی، پروڈکشن، ہدایتکاری، اور بہترین کاسٹ میرے لیے ایک شاندار تجربہ ہے-

فیصل قریشی کے ساتھ کام کرنے کے حوالے سے اعجاز اسلم کا کہنا تھا کہ مجھے فیصل کے ساتھ دوبارہ کام کر کے بہت اچھا لگا اور حسیب کا کردار ادا کر کے مزا آیا-

ڈرامے کی دیگر کاسٹ میں کنزہ رزاق، سکینہ سموں، افشاں قریشی اور حمیرا ظہیر شامل ہیں۔

اعجاز اسلم نے امید ظاہر کرتے ہوئے کہا کہ مجھے امید ہے ک ناظرین بھی اسے دیکھنا پسند کریں گے-

گذشتہ سال اسلام کی خاطر شوبز اکو خیر باد کہنے والی گلوکارہ رابی پیر زادہ نے کپڑوں کا نیا برانڈ متعارف کرا دیا-

باغی ٹی وی : رابی پیر زادہ نے کہڑوں کا نیا برانڈ متعارف کرایا جس کا نام انہوں نے رابی سٹیچڈ غریبوں کا برانڈ رکھا ہے- رابی پیر زادہ نے سماجی رابطے کی ویب سائٹ ٹویٹر پر اپنی تصاویر شئیر کیں جس میں انہوں نے سفیر رنگ کا لانگ قمیض اور لال پاجامہ زیب تن کیا ہوا ہے جبکہ گہرے سبز رنگ کے دوپٹے سے حجاب کر رکھا ہے رابی کی قمیض پر یہ سب میری ساس کی دُعا ہے الفاظ دھاگے کی کڑھائی سے کُندہ کئے ہوئے ہیں –

تصاویر شئیر کرتے ہوئے رابی نے پیغام دیا کہ یہ برانڈ غریب خواتین کا ہے-

انہوں نے لکھا کہ محض 1500روپے میں کپڑا، سلائی، ہاتھ کی کڑھائی سب حاصل کریں۔

رابی نے لکھا کہ میرا مقصد صرف یہ ہے کہ سب خواتین اپنا رزق خود کما سکیں۔ اپنی پسند کے الفاظ اپنی شرٹ پر لکھوائیں۔ سلائی کڑھائی الگ سے بھی کروا سکتے ہیں۔

رابی پیر زادہ نے لکھا کہ long shirt میں آپ لمبی اور سمارٹ لگتی ہیں۔ ساتھ ہی انہوں نے کونٹیکٹ نمبر بھی دیا جس پر کونٹیکٹ کر کے آرڈر دیا جا سکتا ہے-‬

پاکستان شوبز انڈسڑی کے معروف اداکار یاسر حسین اور نامور میزبان انوشے اشرف کے درمیان لائیو ویڈیو کے دوران غیر ملکی فنکاروں کو لے کر بحث و مباحثے کے دوران تلخ جملوں کا تبادلہ ہوا-

باغی ٹی وی : اپنے ایک انٹر ویو میں اسرا بلجیک نے کہا تھا کہ وہ پاکستان کے تین مختلف برانڈز کے ساتھ کام کرنے والی ہیں اور وہ اس بات کا باقاعدہ اعلان کچھ دن میں ایک پریس ریلیز کے ذریعے کریں گی۔تاہم اب گذشتہ روزان میں سے ایک برانڈ کے لیے اداکارہ کے اشتراک کا اعلان ہوگیا ہے اور انہیں ایک موبائل کمپنی کا برانڈ ایمبسیڈر بنادیا گیا ہے۔

اسمارٹ فون کمپنی کیو موبائل نے سوشل میڈیا پوسٹ پر اعلان کیا تھا کہ ترک اداکارہ ان کی نئی ڈیوائس ویو میکس پرو کے لیے برانڈ ایمبیسڈر بن گئی ہیں کمپنی کا کہنا تھا کہ وہ پہلا پاکستانی برانڈ ہے جس نے ارطغرل ڈرامے سے شہرت پانے والی اداکارہ کو اپنے نئے فون کی مہم کا حصہ بنایا ہے۔

کمپنی کے اس اعلان کے بعد اداکار یاسر حسین نے غیر ملکی برانڈ ایمبیسیڈر کے خلاف آواز بلند کی جس کی حمایت اداکارہ ایمن خان اور اداکارہ منال خان نے بھی کی-

یاسر حسین نےاپنی انسٹاگرام سٹوری میں لوگوں سے سوال پوچھا تھا کہ آپ کو نہیں لگتا کہ پاکستانی برانڈ کی برانڈ ایمبسیڈر پاکستانی ہونی چاہئے؟ نہ بھارتی اور نہ ترک اداکارہ؟یاسر حسین نے کہا تھا کہ کیا ماہرہ خان، صباقمر، سونیاحسین، منال خان، ایمن خان، امر خان، زارا نور عباس، ہانیہ عامر ، ثنا جاوید، یمنی زیدی، ارمینہ خان، سارہ اور حرامانی کوئی اس قابل نہیں کہ پاکستانی برانڈ کی برانڈ ایمبسیڈر بن سکے؟

یاسر حسین نے لکھا تھا کہ پاکستانی اداکاراؤں کو سپورٹ کریں پاکستان زندہ باد۔ یاسر حسین نے اپنی اہلیہ اقرا عزیز کا نام نہ لکھنے کی وجہ بتاتے ہوئے کہا کہ اقرا کانام اس لیے نہیں ہے کیونکہ وہ پہلے ہی ایک موبائل برانڈ کی ایمبسیڈر ہے۔

یاسر حسین کے ان بیانات کے بعد پاکستان شوبز انڈسٹری کے فنکار اس موضوع پر بٹے ہوئے نظر آ رہے ہیں کچھ فنکاروں کا کہنا ہے کہ فنکاروں کے فن کی کوئی سرحد نہیں ہونی چاہیے جبکہ کچھ کا کہنا ہے کہ ترکش ڈرامے کی کامیابی کے بعد ترک اداکار بھی پاکستان میں آئیں گے جس سے مقامی فنکاروں کا نقصان ہوگا ۔

حال ہی میں اس حوالے سے میزبان انوشے نے یاسرحسین کا لائیو انسٹا سیشن کے ذریعے انٹرویو کیا انٹرویو کے دوران انوشے کی جانب سے یاسر حسین سے سوال کیا گیا کہ وہ ایسا کیوں سوچتے ہیں کہ پاکستان میں بین الاقوامی اداکاروں کو نہیں آنا چایئے اور انہیں یہاں کام نہیں ملنا چاہیے ؟
https://www.instagram.com/p/CCwH9-XFw8G/?igshid=1an7x92n3jevz
اس پر جواب دیتے ہوئے یاسر حسین کا کہنا تھا کہ اگر کوئی باہر سے اداکارہ پاکستان آتی ہے تو اُسے پہلے یہاں آ کر ایک سال محنت کرنی چایئے جیسی ہماری اداکارائیں دن رات محنت کرتی ہیں یاسر حسین نے ترکش اداکارہ ایسرا بیلجک سے متعلق بات کرتے ہوئے کہا کہ ’وہ پاکستان آئی بھی نہیں وہ تو اپنے شوٹ بھی اپنے ملک میں کرا رہی ہیں وہ پاکستان آتی کراچی یا پشا ور میں اُن کا اشتہار تیار ہوتا تو یہاں کی عوام کو بھی پیسہ ملتا ۔

اس پر انوشے اشرف کا کہنا تھا کہ ایک یا دو کمرشل سے کیا ہو جاتا ہے انوشے نے بھارتی اداکارہ کرینہ کپور کی مثال دیتے ہوئے کہا کہ وہ بھی پاکستانی برانڈ کی ایمبیسیڈر بن چکی ہیں ۔

یاسر حسین کا انوشے کی اس بات پر حیرانی کا اظہار کرتے ہوئے ماتھے پر ہاتھ مار کر کہنا تھا کہ اُنہیں اس بات پر حیرانی ہو رہی ہے کہ اگر آپ نہیں سمجھ رہی تو باقی عوام کیسے سمجھے گی-

یاسر ھسین کی اس بات پر انوشے اشرف نے تیز لہجے میں بات کی جس پر یاسر حسین نے کہا کہ اپنا اپنا موقف ہوتا ہے میرا موقف ہے جکہ اسطرح نہیں ہونا چاہیئے جبکہ آپ کا موقف ہے کہ غیر ملکی اداکاروں کو ملک میں اتنا پروٹوکول دینے میں کوئی حرج نہیں تو میں تو نہیں آپ کی باتوں کا بُرا مان رہا آپ کیوں بُرا مان رہی ہیں-

کیا پاکستانی اداکاراؤں میں کوئی اس قابل نہیں کہ پاکستانی برانڈ کی برانڈ ایمبسیڈر بن سکے؟ یاسر حسین

اسرا بلجیک پہلی پاکستانی کمپنی کی برانڈ ایمبیسیڈر مقرر

دوسرے ممالک کے فنکاروں کو پاکستان میں خوش آمدید کہیں اور اپنے لوگوں کو غیر محفوظ محسوس نہ کروائیں ، آغا علی کا اسراء بلجیک کو پاکستانی کمپنی کا برانڈ ایمبیسڈر بنائے جانے پر تنقید کرنے والے فنکاروں کو جواب

پاکستانی فنکاروں کا اسراء بلجیک کو پاکستانی کمپنی کا برانڈ ایمبیسڈر بنائے جانے پر تنقید کرنے والے فنکاروں کو جواب

بالی وڈ لیجنڈری اور عالمی شہرت یافتہ گلوکارہ لتا منگشیکر ایک ہندوستانی پلے بیک گلوکارہ اور میوزک ڈائریکٹر ہیں۔ انہوں نے ایک ہزار سے زیادہ ہندی فلموں میں گانے ریکارڈ کروائے ہیں اور چھتیس سے زیادہ علاقائی ہندوستانی زبانوں اور غیر ملکی زبانوں میں گانے گائے ہیں ، بنیادی طور پر مراٹھی ، ہندی ، بنگالی اور آسامی زبان میں گانے ریکارڈ کروائے ہیں-

لتا منگشیکر 28 ستمبر 1929 کو اندور میں پیدا ہوئیں اندور میں ایک مراٹھی اور کونکانی موسیقارپنڈت دیناناتھ منگیشکر اور ان کی اہلیہ شیونتی کی بڑی بیٹی ہیں- ان کے والد ، پنڈت دینا ناتھ منگیشکر ، کلاسیکی گلوکار اور تھیٹر اداکار تھے۔ ان کی والدہ ، شونتی بمبئی پریذیڈنسی شمال مغربی مہشٹرا، تھالنر کی ایک گجراتی خاتون تھیں ، اور پنڈت دینا ناتھ کی دوسری بیوی تھیں۔ ان کی پہلی بیوی نرمدا ،شیونتی کی بڑی بہن تھیں جو وفات پا گئیں تھیں-ان کی وفات کے بعد دیناناتھ نے شیونتی سے شادی کی تھی-

لتا کے دادا ، گنیش بھٹ نواٹھے ہردیکر (ابھیشیک) ، کرہڈے برہمن پجاری تھے جنہوں نے گوا کے منگشیشی مندر میں شیوا لنگم کا ابھیشیکم کیا تھا ، اور ان کی پتنی ، لتا کی دادی یسوبائی رین کا تعلق گوا کے گومنتک مراٹھا سماج برادری سے تھا۔

لتا کے ماموں گجراتی تاجر سیٹھ ہریداس رامداس لاڈ ، ایک خوشحال تاجر اور تھلنر کے جاگیردار تھے۔ اور منگیشکر نے گجراتی لوک گیتوں جیسے پاواگڑھ کے گرباس کو اپنی نانی سے سیکھا تھا-

اس کنبے کا آخری نام ہردیکار تھا۔ دینا ناتھ نے گوا میں اپنے آبائی شہر منگیشی سے اپنے کنبے کو نئی شناخت دینے کے لئے اس کو منگیشکر میں تبدیل کردیا۔ لتا کی پیدائش کے وقت نام”ہیما” رکھا گیا تھا۔ بعد میں ان کے والد نے اپنے ایک ڈرامے بھاؤبندھن میں خاتون لاتیکا کے نام سے لتا کا نام تبدیل کردیا۔

لتا منڈت دینا ناتھ کی سب سے بڑی اولاد ہیں ان کے بعد بالترتیب مینا ، آشا ، اوشا ، اور ہری ناتھ ہیں یہ تمام بہن بھائی کامیاب گلوکار اور موسیقار ہیں۔

لتا نے موسیقی کا پہلا سبق اپنے والد سے حاصل کیا۔ پانچ سال کی عمر میں ، انہوں نے اپنے والد کے میوزیکل ڈراموں (مراٹھی میں سنگیت ناٹک) میں بطور اداکارہ کام کرنا شروع کیا۔ انہوں نے اسکول کی پڑھائی اس لئے چھوڑ دی تھی کیونکہ وہ انہیں ان کی چھوٹی بہن آشا کو اپنے ساتھ نہیں لانے دیتے تھے ، کیونکہ وہ اکثر اپنی چھوٹی بہن کو بھی ساتھ لاتی تھیں۔

لتا نے اپنا ابتدائی فنی کرئیر 1942 سے شروع کیا- 1942 میں ، جب لتا 13 سال کی تھیں ، ان کے والد دل کی بیماری میں مبتلا ہوگئے تھے۔ ماسٹر وینائک (ونایاک دامودر کرناٹاکاکی) ، نیویگ چِر پٹ فلم کمپنی کے مالک اور منگیشکر خاندان کے ایک قریبی دوست تھے انہوں نے ان کی دیکھ بھال کی۔ انہوں نے بطور گلوکارہ اور اداکارہ کیریئر کے آغاز میں لتا کی مدد کی۔

لتا نے "ناچو یا گاڈے ، کھیلو ساری مانی ہوس بھری” کا گانا گایا ، اس گانے کو (1942) میں سداشیو راو نے وسانت جوگلیکر کی مراٹھی فلم کیٹی ہاسال کے لئے کمپوز کیا تھا ، لیکن یہ گانا آخری کٹ سے خارج کردیا گیا تھا۔

بعد ازاں وینائک نے انہیں (1942) میں ہئ نویگ چیتراپاٹ کی مراٹھی فلم پہیلی منگالہ گاڑ میں ایک چھوٹا سا کردار دیا ، جس میں انہوں نے "ناتالی چیٹراچی نوالائی” گایا تھا ، جسے دادا چانڈیکر نے کمپوز دیا تھا- ان کا پہلا ہندی گانا (1943) میں بنی مراٹھی فلم گجاباؤ کے لئے "ماتا ایک سپوت کی دنیا بدل دے تو” تھا۔

جب 1945 میں ماسٹر ونائیک کی کمپنی نے اپنا صدر دفتر ممبئی وہاں منتقل کیا تو لتا ممبئی منتقل ہوگئیں۔ انہوں نے بھنڈی بازار گھرانہ کے استاد امان علی خان سے ہندوستانی کلاسیکی موسیقی سیکھی –

1948 میں انائیک کی موت کے بعد ، میوزک ڈائریکٹر غلام حیدر نے بطور گلوکارہ ان کی رہنمائی کی۔ انہوں نے لتا کو پروڈیوسر سشادھر مکھرجی سے متعارف کرایا ، جو اس وقت (1948) میں بنائی گئی فلم شہید میں کام کر رہے تھے ، لیکن مکھرجی نے لتا کی آواز کو "انتہائی باریک” کے طور پر مسترد کردیا۔لیکن غلام حیدر مکھر جی کو جواب دیا کہ آنے والے برسوں میں پروڈیوسر اور ہدایتکار "لتا کے پاؤں پر گر پڑے” گے اور "ان سے التجا” کریں گے کہ وہ ان کی فلموں میں گانے گائیں۔ حیدر نے (1948) میں بنائی گئی فلم مجبور میں "دل میرا توڑاا ، مجھے کہیں کا نہ چھورا” کگانا گیا جس سے ان کو پہلی بڑی کامیابی ملی ، ستمبر 2013 میں خود اپنی 84 ویں سالگرہ کے موقع پر ایک انٹرویو میں ، لتا نے خود اعلان کیا ، "غلام حیدر واقعی میں میرا گاڈ فادر ہے۔ وہ پہلے میوزک ڈائریکٹر تھے جنہوں نے میری صلاحیتوں پر مکمل اعتماد کیا۔”

ابتدائی طور پر ، کہا جاتا ہے کہ لتا نے مشہور گلوکارہ نور جہاں کی تقلید کی تھی ، لیکن بعد میں انہوں نے اپنے انداز میں گانے کا انداز تیار کیا۔ ہندی فلموں میں گانوں کی دھن بنیادی طور پر اردو شاعروں پر مشتمل ہیں اور اس میں مکالمے سمیت اردو الفاظ کا زیادہ تناسب ہے۔ اداکار دلیپ کمار نے ایک بار ہندی / اردو گانا گاتے ہوئے لتا کے مہاراشٹرین لہجے کے بارے میں ایک ہلکے سے ناگوار تبصرہ کیا۔ لہذا ایک مدت کے لئے ، لتا نے شفیع نامی اردو ٹیچر سے اردوسیکھنا شروع کی- اس کے بعد کے انٹرویوز میں ، لتا نے کہا ہے کہ نور جہاں نے انہیں بچپن میں ہی سنا تھا اور کہا تھا کہ بہت مشق کریں۔ وہ آنے والے کئی سال تک ایک دوسرے کے ساتھ رابطے میں رہیں

ان کی پہلی بڑی کامیاب فلموں میں سے ایک "آئے گا آنے والا” تھی ، فلم محل کا ایک گانا (1949) ، جسے میوزک ڈائریکٹر کھیمچند پرکاش نے تشکیل دیا تھا اور اداکارہ مدھوبالا پر فلمایا گیا تھا-

لتا منگیشکر فلموں مینا بازار ، آدھی رات، بڑی بہن افسانہ-عدل جہانگیر ، دیدار ، آنسو ،امر، اڑن کھٹولا، برسات ،شری 420 چوری چوری ہاؤس نمبر 44 آجا پردیسی ، عدالت ،جیلر پاکٹ مار، چاچا زندہ بادامر دیپ ، آشا ، پہلی جھلک انارکلی اور دیوداس،پیار کیا تو ڈرنا کیا، مغل اعظم ، مدھو بالا، دل اپنا اور پریت پرائی ،مینا کماری، دل والے دلہنیا لے جائیں گے، ویر زارا ،پُکار ،بےوفا و دیگر فلموں میں اپنی آوز کے جادو جگایا-

اپنے ہر دور کے مشہور گلوکاروں کو لیجنڈری اداکارہ کے ساتھ گانا گانے کا موقع ملا، انہوں نے محمد رفیع، مکیش، مہیندر کپور، سونو نگم ، ادت نارائن، کمارسانو، کشور کمار آشا بھوسلے، ثریا، شمشاد بیگم ،اشا منگیشکر، اے آر رحمان ، اور عدنان سمیع سمیت دیگر گلوکاروں کے ساتھ مل کر کام کیا-

لتا منگیشکر متعدد ایوارڈز اور اعزازات جیت چکی ہیں ، جن میں ہندوستان کا اعلی ترین شہری ایوارڈ (بھارت رتنا) ایوارڈ ، 1969 پدما بھوشن ، 1999 میں پدما ویبھوشن ،1999 میں زی سینی ایوارڈ برائے لائف ٹائم اچیومنٹ اور1989 میں دادا صاحب پھالکے ایوارڈ شامل ہیں

علاوہ ازیں 1997 مین مہاراشٹر بھوشن ایوارڈ ، 1999 میں این ٹی آر نیشنل ایوارڈ ، 2001 میں بھارت رتن ایوارڈ، 2007 میں لیجن آف آنر ، 2009 میں اے این آر نیشنل ایوارڈ ، تین قومی فلم ایوارڈ اور 15 بنگال فلم جرنلسٹ ‘ایسوسی ایشن ایوارڈ جبکہ چار فلم فیئر بیسٹ فیملی پلے بیک ایوارڈ بھی اپنے نام کر چکی ہیں –

لیجنڈری گلوکارہ نے 1969 میں ،جدید صلاحیتوں کو فروغ دینے کے لئے فلم فیئر کا بہترین خواتین پلے بیک ایوارڈ دینے کا غیر معمولی عندیہ کیا۔ بعدازاں انہیں 1993 میں فلم فیئر لائف ٹائم اچیومنٹ ایوارڈ اور 1994 اور 2004 میں فلم فیئر خصوصی ایوارڈ سے بھی نوازا گیا۔

1984 میں ، مدھیہ پردیش کی ریاستی حکومت نے لتا منگیشکر کے اعزاز میں لتا منگیشکر ایوارڈ کا آغاز کیا۔ ریاست مہاراشٹرا نے 1992 میں لتا منگیشکر ایوارڈ کا بھی آغاز کیا۔

2009 میں ، منگیشکر کو فرانس کے اعلی ترین آرڈر ، فرانسیسی لیجن آف آنر کے آفیسر کے اعزاز سے نوازا گیا۔

2012 میں ، منگیشکر آؤٹ لک انڈیا کے عظیم ترین ہندوستانی سروے میں 10ویں نمبر پر تھیں-

دلیپ کمار نے ایک بار کہا تھا ، "لتا منگیشکر کی آواز قدرت کی تکنیک کا ایک کرشمہ ہے ،” جس کا مطلب ہے "لتا منگیشکر کی آواز خدا کی طرف سے ایک معجزہ ہے۔

لتا 22 نومبر 1999 سے 21 نومبر 2005 تھ اجیا سبھا کی پارلیمنٹ ممبر بھی رہیں-
لتا منگیشکر کے سُپر ہٹ اور سدا بہار گانے

لاہور:حالیہ برسوں میں پاکستان فیشن انڈسٹری میں بہت ترقی ہوئی ہے۔ عصر حاضر کے ساتھ ہمارا فیشن بین الاقوامی مارکیٹ میں اپنی دھاک بٹھا چکا ہے-

ہر ایک کو پسند ہے کہ وہ اپنے پہنے ہوئے لباس کا رجحان بنائے۔ پاکستان میں لباس کا ایک ابھرتا ہوا برانڈ ہے جو فیشن اسٹیٹمنٹ بنتا جارہا ہے۔

‘فجر لقمان’ لاہور کے جدید ترین لباس برانڈز میں سے ایک ہے جو فیشن انڈسٹری میں اپنی شناخت بنا رہا ہے۔ ایک پرجوش نوجوان لڑکی کے ذریعہ شروع کیا گیا ، یہ برانڈ طرح طرح کے جدید فیشن کے مطابق خوبصورت کپڑوں کی ورائٹی پیش کرتا ہے-

ڈیزائنر کی اپنی ہی پریرتا ہوتی ہیں ، جو پوری دنیا میں سفر کرنا اور اپنے ملبوسات میں اپنے ڈیزائن تیار کرنا پسند کرتی ہے۔ فجر لقمان ، نوعمر ڈیزائنر uber-chic ڈیزائن کے ساتھ تجربہ کرنا پسند کرتی ہیں-

مس لقمان جو اس وقت تعلیم حاصل کررہی ہیں ،انہوں نے اس برانڈ کو ایک سال قبل اپنے شوق کے طور پر شروع کیا تھا۔ اب وہ لاہور اور ملک بھر کے گاہکوں کے درمیان اپنی بڑی کامیابی کے ساتھ ، وہ جلد ہی مستقبل میں اس فیلڈ کو اپنائے رکھنے کی ہی خواہش مند ہیں۔

فجر لقمان برانڈ کا ایک صفحہ انسٹاگرام اور فیس بک دونوں پر تشکیل دیا گیا ہے۔ مندرجہ ذیل انسٹاگرام صفحہ میں خود ڈیزائنر کے ذریعہ پوری ر توجہ کے ساتھ ڈیزائن کردہ کپڑوں کی تصاویر آویزاں ہیں:
https://www.instagram.com/p/CBOLNV-p44n/
https://www.instagram.com/p/CBOLTviJAvZ/
https://www.instagram.com/p/CBOLadyJ71k/
مشہور اداکارہ نمرہ خان نے سفید رنگ کی پف آستین ٹاپ میں فجر لقمان برانڈ کے لئے ماڈلنگ کی ہے۔

فیس بک پیج میں اپنے جدید ترین ڈیزائنوں کی نمائش بھی کی گئی ہے ، جن کو ہر لڑکی آزمانا پسند کرے گی۔

ڈیزائنر اپنے جدید ڈیزائنوں کے لئے اچھے مواد کا انتخاب کرتے ہوئے منفرد اور اچھا کام کرنا پسند کرتے ہیں۔ فجر عام طور پر ریشم ، آرگنزا اور کاٹن پر کام کرتی ہیں۔

ہم ان کے برانڈ میں طرح طرح کے مغربی اور مشرقی امتزاج دیکھ سکتے ہیں جو پاکستان اور بیرون ملک بھی تمام طبقے کے لئے یکساں موزوں ہیں وہ آن لائن آرڈر لیتی ہیں اور خاص طور پر لباس کی سلائی سے لے کر اس کی ترسیل تک کی مینجمنٹ دیکھتی ہیں-

یاد رہے کہ اکتوبر 2019 میں ، فجر لقمان نے لاہور میں اپنی پہلی نمائش منعقد کی تھی ، جو ایک مکمل کامیابی تھی۔ حال ہی میں انہوں نے عید پر اپنے نئے ڈیزائن لانچ کیے اور وہ آنے والی عیدالاضحی کی مزید تیاریوں میں مصروف ہیں۔

باغی ٹی وی نے آئندہ کی کوششوں کی خواہشمند ڈیزائنر کے لئے نیک خواہشات کا اظہار کیا۔ وہ فیشن انڈسٹری میں ترقی اور خوشحالی اور پاکستان کو قابل فخر بنائے-