پاکستان فلم و ٹی وی کے معروف اداکار فیروز خان نے انسٹاگرام اکاؤنٹ بند کردیا ان کی اہلیہ نے اداکارکے انسٹاگرام اکاؤنٹ بند کرنے کی وجہ بتادی
باغی ٹی وی کی رپورٹ کے مطابق پاکستان فلم و ٹی وی کے معروف اداکار فیروز خان نے انسٹاگرام اکاؤنٹ بند کردیا ان کی اہلیہ نے اداکارکے انسٹاگرام اکاؤنٹ بند کرنے کی وجہ بتادی اداکار کی اہلیہ کے مطابق انہوں نے روحانیت کا سفر اختیار کر لیا ہے جس کی وجہ سے انسٹاگرام اکاؤنٹ بند کیا ہے تاہم اداکار کا اس متعلق کوئی بیان سامنے نہیں آیا
فیروز خان کی اہلیہ علیزے نے سماجی رابطے کی ویب سائٹ انسٹا گرام سٹوری پر فیروز کے ہمراہ ایک تصویر شیئر کرتے ہوئے لکھا کہ یہ روحانی سفر آپ کی زندگی میں مزید اعتماد لائے اور آپ کے مقصد کی تکمیل ہو
پاکستان کے ناموراداکاراورڈرامہ خانی سے مشہورہونے والے فیروزخان نے اپنی اداکاری کے باعث مداحوں کی ایک بڑی تعداد کواپنی طرف راغب کیا تھا اداکارکے سوشل میڈیا ایپ انسٹاگرام پربھی بہت سے مداح انہیں فالوکرتے تھے تاہم اچانک ہی اداکارکی جانب سے ان کا اکاؤنٹ بند کردیا گیا اور جس سے ان کے مداحوں میں تشویش کی لہر دوڑ گئی
واضح رہے کہ اداکار جلد ہی نئی آنے والی ایکشن اوررومانس سے بھرپورفلم ٹچ بٹن میں اداکاری کے جوہر دکھائیں گے
92 ویں آسکرز ایوارڈز کی رنگا رنگ تقریب میں ہالی وڈ کے ستاروں کی کہکشاں امریکی ریاست کیلی فورنیا کے شہر لاس اینجلس میں اتر آئی
باغی ٹی وی کی رپورٹ کے مطابق92 ویں آسکرز ایوارڈز کی رنگا رنگ تقریب میں ہالی وڈ کے ستاروں کی کہکشاں امریکی ریاست کیلی فورنیا کے شہر لاس اینجلس میں اتر آئی آسکر ایوارڈ کی پروقار تقریب دنیا کے 200 سے زائد ممالک میں براہ راست دکھائی جائے گی
آسکر ایوارڈز میں بلاک بسٹر فلم جوکر 11 نامزدگیوں کے ساتھ فیورٹ قرار دی جارہی ہے جبکہ دی آئرش مین ، 1917ء اور ونس اپان آ ٹائم ان ہالی ووڈ 10 نامزدگیوں کے ساتھ دوسری پسندیدہ فلموں کی نامزدگیوں میں شامل ہیں اس کے ساتھ ساتھ جوجو ریبٹ ، لٹل ویمن، میرج سٹوری اور پیراسائٹ 6 کیٹگریز میں نامزد کی گئی ہیں
بہترین لیڈنگ اداکار کے ایوارڈ کیلیے لیونارڈو ڈی کیپریو، اینٹونیو بینڈرس، ایڈم ڈرائیور، جوکوئن فیونکس اور جوناتھن پرائس شامل ہیں جبکہ بہترین لیڈنگ اداکارہ کی فہرست میں شارلیز تھرون، سنتھیا اریوو، سکارلٹ جانسن، سوریس رونان اور رینی ذیلویگر کے نام شامل ہیں
اس کے علاوہ سپورٹنگ کرداروں، اینی میٹڈ فلم، سینماٹو گرافی، کاسٹیوم ڈیزائن، بہترین ڈاکیومنٹری، بہترین ڈاکومنٹری شارٹ سٹوری، فلم ایڈیٹنگ، انٹرنیشنل فیچر فلم کیلئے فرانس، ساؤتھ کوریا، سپین، نارتھ میکڈونیا اور پولینڈ کی فلمیں بھی نامزد ہوئی ہیں
تاہم اس بار پاکستان اور بھارت سے کسی بھی فلم کو آسکرز کیلئے نامزد نہیں کیا گیا
واضح رہے کہ شوبز کی دنیا میں آسکرز کو سب سے معتبر سمجھا جاتا ہے جس کو فنکار اور فلم میکر اس ایوارڈ کو جیتنے کے بعد فخر محسوس کرتے ہیں اور انھیں قدر کی نگاہ سے دیکھا جاتا ہے علاوہ ازیں آسکرز کیلئے نامزد ہونا بھی کسی بڑے اعزاز سے کم نہیں ہوتا
پاکستان شوبز انڈسٹری کے معروف اداکارحمزہ علی عباسی نے فلم زندگی تماشا کی حمایت میں ایک ویڈیو پیغام جاری کیا ہے
باغی ٹی وی کی رپورٹ کت مطابق معروف اداکارحمزہ علی عباسی نے فلم زندگی تماشا کی حمایت میں ایک ویڈیو پیغام جاری کیا ہے حمزہ علی عباسی نے اپنے یوٹیوب چینل پرنہ صرف فلم کی حمایت کی ہے بلکہ فلم پر تنقید کرنے والوں سے درخواست کرتے ہوئے کہا ہے کہ اعتراض کرنے سے پہلے دیکھ تو لیں کہ فلم کا موضوع کیا ہے فلم میں نہ تو نعت خوانی کے خلاف مہم ہے نہ فلم میں نعت خواہوں کے خلاف کوئی تنقید ہے نہ ہی اسلام پر تنقید کی گئی ہے
https://www.youtube.com/watch?v=iaGUfvpSmjM&feature=youtu.be
حمزہ علی عباسی نے کہا کہ یہ بہت اچھی فلم ہے جس کی کہانی ہی یہ ہے کہ اگر آپ نعت خواں ہیں اللہ کی حمد پڑھتے ہیں تو اس لحاظ سے آپ پر بہت سی ذمہ داریاں عائد ہوتی ہیں کہ آپ کو ان سرگرمیوں سے دور رہنا پڑتا ہے جس سے آپ کی شخصیت پر منفی اثرات مرتب ہوں کیونکہ ایک عام انسان اگر کوئی غلطی کرتا ہت تو اس پر اتنا ردعمل نہیں ہوتا یا اس کی ایک علیحدہ سزا ہےجتنا شدید رد عمل اگر کوئی عالم دین یا مولوی اگر وہی غلطی کرے تو ملتا ہے اور اسے اس کی دوگنا زیادہ سزا ملتی ہے اس فلم کی کہانی میں یہی پیغام دکھایا گیا ہے اس کے ٹریلر سے لے کر سٹوری لائن تک ایسی کوئی بھی غیر اخلاقی بات یا نیگیٹیو پیغام نہیں جس پر اتنا واویلا مچایا جائے اور عدم برداشت کا رویہ اپنایا جائے
انہوں نے کہا کہ ایسا رویہ جو عدم برداشت کا رویہ ہے یہ مذہب کی بدنامی کا باعث بن رہا ہے جو لوگ جو یہ رویہ دکھا رہے ہیں چونکہ وہ عاشق رسول صلی اللہ علیہ وآلہ وسلم ہونے کا دعوی کرتے ہیں ان صلی اللہ علیہ وآلہ وسلم سے محبت کا دعوی کرتے ہیں بلکہ وہ آپ صلی اللہ علیہ وآلہ وسلم سے محبت اور عشق یقیناً کرتے بھی ہیں
حمزہ علی نے ان سے درخواست کرتے ہوئے کہا کہ ان سے بس گذارش یہ ہے کہ وہ جس شخصیت صلی اللہ علیہ وآلہ وسلم کی محبت کا دعوی کرتے ہیں حمزہ علی عباسی نے نبی پاک صلی اللہ علیہ وآلہ وسلم سے اپنی محبت کا اقرار کرتے ہوئے کہا کہ وہ بھی اپنے ماں باپ سے زیادہ ان صلی اللہ علیہ وآلہ وسلم سے محبت کرتے ہیں اپنے گھر والوں سے زیادہ محبت ہے ان کی جان قربان آپ صلی اللہ علیہ وآلہ وسلم پرتو جو ان کی زندگی کی سیرت ہے انہوں نے احتجاج کرنے والوں کو مخاطب کرتے ہوئے کہا کہ وہ ان صلی اللہ علیہ وآلہ وسلم کی سیرت کو بھی فولو کریں
حمزہ علی عباسی نے بد اخلاقی سے متعلق بات کرتے ہوئے کہا کہ آپ صلی اللہ علیہ وآلہ وسلم کا تو میسج یہ ہے کہ اونٹ سوئی کے سوراخ سے گزر سکتا ہے لیکن ایک متکبر انسان بد اخلاق انسان جنت کے قریب نہیں جا سکتا ان صلی اللہ علیہ وآلہ وسلم کا تو یہ قول ہے کہ انسان اچھے اخلاق سے وہ مرتبہ حاصل کر سکتا ہے جو کوئی اور مسلمان نوافل اور نماز روزہ اور نیکی کی کاموں سے حاصل کرتا ہے
حمزہ علی نے احتجاج کرنے والوں کو کہا گذارش صرف اتنی ہے کہ آپ اگر پھر بھی یہ کہتے ہیں کہ آپ کو فلم کے کونٹینٹ سے اعتراض ہے تو آپ کہیں اس کے اوپر بولیں اور لوگوں کو آگاہ کریں اس بات سے لیکن اگر آپ یہ کہتے ہیں کہ سنسر بورڈ سے پاس ہو چکی تھی وہ بھی غلط جن لوگوں نے بنائی وہ ٹیم بھی غلط وہ بھی مسلمان ہیں آپ کہتے ہیں وہ بھی غلط وہ سب غلط اب آپ ان کو بتائیں گے کہ گستاخی کیا ہوتی ہے آپ ان کو بتائیں گے عشق رسول کیا ہوتا ہے جو آپ گستاخی اور عشق رسول کہیں گے وہ ہی معیار ہوگا باقی سب غلط اگر وہ آپکے معیار یا آپکی کی گئی تعریف کو نہیں مانیں گے تو آپ سڑکوں پر احتجاج کریں گے
حمزہ علی عباسی نے ایک سیاسی شخصیت کی جانب سے دئیے جانے والے بیان کہ زندگی تماشا میری لاش کے اوپر سے گزر کر ہی ریلیز ہوگی کا حوالہ دیتے ہوئے کہا کہ اگر آپ اس عدم برداشت کے رویے کو اپنی بات کا جواز بنارہے ہیں تو پھر آپ میں اور اُس آر ایس ایس کے کارکن میں کوئی فرق نہیں کیونکہ وہ بھی اپنی عدم برداشت اور گائے کو ذبح کرنے پر انسانوں تک کو ماردیتے ہیں اور اس کا جواز یہ پیش کرتے ہیں کہ ہم نے یہ اپنے دیوتا کی محبت میں کیا ہے
حمزہ علی عباسی نے کہا یہ حقیقت ہے کہ جہاں ہر شعبے میں برے لوگ موجود ہیں وہیں مدارس میں بھی بچوں کے ساتھ زیادتی کے واقعات ہوتے ہیں یہ بھی حقیقت ہے کہ زینب کے ساتھ زیادتی کرنے اور اسے قتل کرنے والا مجرم عمران بطور نعت خواں مختلف مجالس میں جاتا تھا اور میں اس بحث سے بھی انکار نہیں کررہا کہ لوگ کہتے ہیں کہ مختلف شعبوں میں بھی اس طرح کے واقعات ہوتے ہیں لیکن آپ صرف مدرسوں والوں کو پکڑ لیتے ہیں لہذا میں کہنا چاہتاہوں کہ ہر شعبے میں اس طرح کے لوگوں کی نشاندہی کریں
حمزہ علی عباسی کا کہنا تھا کہ اگر ایک ایسی فلم بن رہی ہے جو اس طرح کے مسئلے کی نشاندہی کررہی ہے تو اس پر اتنا واویلا مچانا صحیح نہیں ہے میری تمام لوگوں سے گذارش ہے کہ عدم برداشت کا رویہ ختم کردیں کیونکہ یہ نہ ہو کہ اس عدم برداشت اورنفرت انگیز رویے کی وجہ سے ہم بھارت کی طرح نفرت اورعدم برداشت کی دلدل میں اتنی گہرائی میں دھنس جائیں کہ ہمارا اس سے باہر نکلنا مشکل ہوجائے
واضح رہے کہ زندگی تماشا کے ہدایت کار سرمد کھوسٹ فلم اور خود کو ملنے والی دھمکیوں پر وزیراعظم چیف آف آڑمی سٹاف اور صدر پاکستان سے اپیل کر چکے ہیں کہ ان کے مسئلے کی جانب توجہ دی جائے اس کے علاوہ وہ فلم کی ریلیز روکنے کے خلاف عدالت میں درخواست بھی دائر کرچکے ہیں اور فلم کے خلاف ہونے والے احتجاج پر بھی حکومت سے مدد مانگ چکے ہیں جب کہ چیئرمین سنسر بورڈ نے فلم کا جائزہ لینے کے لیے اسلامی نظریاتی کونسل کو خط بھی لکھاتھا جس پر چیئرمین اسلامی نظریاتی کونسل کا کہنا تھا کہ فلموں کے بارے میں رائے دینا ہمارا کام نہیں
خیال رہے ضحمزہ علی عباسی کے علاوہ شوبز کے دیگر لوگ بھی زندگی تماشا کی حمایت میں سوشل میڈیا پر آواز آتھا چکے ہیں جبکہ عثمان خالد نے تو تمام فنکاروں سے مطالبہ کیا تھا کہ وہ پایستان انٹر نیشنل ایورارڈ شومیں زندگی تماشا کے خلاف ہونے والے مظاہروں اور ریلیز کو روکنے پر آواز اٹھائیں
پاکستانی معروف اینکر مبشر لقمان اور ان کی ٹیم کھرا سچ کی طرف سے بالی وڈ دبنگ خان سلمان خان کو چوڑیوں کے بعد ساڑھی گجرے تحفے میں بھیجنے کا اعلان
بالی وڈ کی رپورٹ کے مطابق پاکستانی معروف اینکر پرسن مبشر لقمان نے بالی وڈ خان سلمان خان کو پاکستانی ایونٹ آرگنائزر ریحان صدیقی کے امریکی ریاست ٹیکساس کے سب سے بڑے شہر ہیوسٹن میں شرکت سے انکار کرنے پر شدید تنقید کا نشانہ بناتے ہوئے کہا کہ ان کے اس اقدام پر اب انہیں وہ گجرے اور ساڑھی کا تحائف بھیجنے کا ارادہ رکھتے ہیں اس خبر کا اعلان سلمان نے خود نہیں کیا بلکہ بھارتی خبر رساں ادارے ٹائمز آف انڈیا نے اپنی نیوز میں انکشاف کی تھا کہ سلمان خان ریحان صدیقی کے شو میں شرکت نہیں کریں گے
مبشر صاحب نے سلمان خان کو مخاطب کرتے ہوئے کہا کہ خان صاحب بتائیں آپ کو بھیجیں ایک کورئیر ساڑھیوں گجروں کا اور کہا کہ جب انہیں پاکستان کی طرف سے جب اتنے تحائف جائیں گے تو انہیں خود ہی جواب دینا پڑے گا ہندوستانی ایجنسی را کو کہ کون آپ کو پاکستان سے اتنے پیار والے گجرے اور چوڑیاں اور ساڑھیاں بھیج رہا ہے
مبشر لقمان نے بالی وڈ خانز سلمان خان عامر خان شاہ رخ خان اور سیف علی خان کو بھارت میں ہونے والے مسلمانوں پر مظالم اور بھارتی متنازع شہریت قانون سی اے اے پر خاموشی اختیار کرنے پر آڑے ہاتھوں لیتے ہوئے شدید تنقید کا نشانہ بنایا مبشر لقمان نے کہا کہ چاروں خانز اپنے اپنے گھروں میں آر ایس ایس اور نریندر مودی کے ڈر سے دبک کر بیٹھے ہیں
مبشر لقمان نے دیپیکا پڈوکون کی تعریف کرتے ہوئے کہا کہ وہ ایک لڑکی ہے لیکن اس نے زیادہ ہمت دکھائی کہ وہ جے این یو طلباء کے ساتھ اظہار یکجہتی کے لئے گئیں اور احتجاج کا حصہ بنیں جبکہ سلمان خان کے بارے میں معروف اینکر نے کہا کہ ادکار کو دبنگ کہلانے کا شوق ہے اور بجرنگی بھائی جان میں ان کے کردار کو تنقید کا نشانہ بنایا اور کہا کہ ویسے تو اس فلم میں وہ اتنا بہادر بنیں گے کہ ایک بچی کو جو بکری کی وجہ سے انڈیا چلی گئی تھی اسے پاکستان لے کر آنا ہے
مبشر لقمان نے سلمان خان پر طنز کرتے ہوئے کہا کہ اب انہیں لگتا ہے کہ اداکار خود بکری بن گئے ہیں آر ایس ایس اور نریندر مودی کے ڈر سے کہ کہیں مودی سرکار اس بات پر مائنڈ نہ کر جائے کہ یورپ میں اس ایونٹ آرگنائزر کے شوز کئے جس کا تعلق پاکستان سے ہے جو ایک پاکستانی ہے
مبشر لقمان نے انڈیا کی عام عوام عام مسلمان کے لئے تشویش کا اظہار کرتے ہوئے کہا کہ اس بات سے اندازہ لگایا جا سکتا ہے کہ انڈیا میں ایک سپر سٹارز چاہے کوئی بھی خان ہو اتنا خوفزدہ اور ہراساں ہیں تو باقی عام مسلمان اور مسجد کے مولوی کا کیا حال ہو گا ایک باپردہ جاب کرنے والی شریف مسلمان بچیوں اور بیٹیوں کا کیا حال ہوگا وہاں مسلمانوں کا قتل و عام کیا جارہا ہے درجنوں مسلمان ہلاک ہو چکے ہیں اور کشمیر کے حوالے سے انہوں نے بات کرتے ہوئے کہا کہ جب اتنے بڑے بڑے سپر سٹارز کا یہ حال ہے تو عام مسلمان ارو کشمیرویں کا کیا حال ہوگا جہاں اتنے مہینوں سے کرفیو لگا ہے
مبشر لقمان نے نصیرالدین شاہ کا ذکر کرتے ہوئے کہا کہ انہوں نے مودی سرکار کے خلاف کھل کر ایکشن لیا تو اداکار کو بھارتی میڈیا نے آڑے ہاتھوں لیا اور ان پر کھل کر تنقید کی اور یہ تک کہا کہ نصیرالدین مسلمان ہیں اسی لئے وہ ایسے کہہ رہے ہیں یہاں پر بھی مبشر لقمان نے دیپیکا پڈوکون کو سراہتے ہوئے کہا کہ وہ تو مسلمان نہیں وہ تو ہندو ہیں لیکن پھر بھی انہوں نے ہمت اور دلیری کا مظاہرہ کرتے ہوئے یکجہتی کا اظہار کیا اور سٹینڈ لیا
ان کے علاوہ بھی بالی وڈ کے ہندو اداکار مسلمانوں کی سپورٹ کے لئے میدان میں آرہے ہیں لیکن یہ خانز جو مسلمان ہیں یہ مسلمانوں کی سپورٹ کے لئے نہیں آ رہے معروف اینکر نے مزید کہا کہ جب ان کے گھر میں ایک دن آر ایس ایس پہنچے گی تو پھر ان کی مدد کے لئے بھی کوئی نہیں آئے گا
سونم کپور کے کے بارے میں بات کرتے ہوئے مبشر لقمان نے کہا کہ انہوں نے بھی نئی دہلی شاہین باغ میں ہونے والی فائرنگ پر احتجاج کیا تو اس پر ان کے اوپر ٹرولنگ کی گئی ان کو سوشل میڈیا پر تنقید کا نشانہ بنایا گیا اور انہیں بتایا گیا کہ وہ مسلمان نہیں ہیں پھر کیوں وہ ان کے ساتھ یکجہتی کا اظہار کر رہی ہیں اور کہا کہ خانز تو چپ کر کے دبک کر بیٹھے ہیں تو تم کیوں طرm خان بن رہی ہو
سونم کپور نےانسٹا گرام اکاؤنٹ پر مختلف مسلمان شعرا کے اردو کے اشعار پوسٹ کئے اور اس طرح انہوں نے نریندر مودی کے منہ پر طمانچہ مار کر اسے بتایا کہ تمکتنی دیر مسلمانوں سے بھاگ سکتے ہو مسلمان ہمارے ادب کلچر اور لٹریچر میں شامل ہیں ہماری روایات ہماری رہن سہن ہمارے اوڑھنے بچھونے تک میں ہیں
مبشر لقمان نے سلمان کے چھوٹے قد کو تنقید کا نشانہ بناتے ہوئے کہا کہ ان کا قد بہت چھوٹا ہے کھرا سسچ کی ٹیم انہیں ساڑھی گجروں کے علاوہ ہائی ہیل کا جوتا بھی بھیجیں گے جن کو پہن کر وہ اپنے مداحوں کو اچھے لگیں گے
واضح رہے کہ سپر سٹارسلمان خان کو پاکستانی ایونٹ آرگنائزر ریحان صدیقی کی طرف سے امریکی ریاست ٹیکساس کے سب سے بڑے شہر ہیوسٹن میں ایک شو میں پرفارمنس کرنے کی دعوت دی گئی تھی پہلے سلمان خان نے پاکستانی ایونٹ آرگنائزر ریحان صدیقی کی جانب سے ہیوسٹن میں منعقد کئے جانے والے شو میں پرفارمنس کرنے کا حامی بھری تھی تاہم بعد میں انہوں نے شو میں جانے سے انکار کردیا
امریکا میں موجود پاکستانی یونٹ آرگنائزر پاکستانی و بھارتی فنکاروں کے مشترکہ شو اور کنسرٹ کرواتے رہتے ہیں جن میں دونوں ممالک کے فنکار مشترکہ طور پر پرفارمنس کرتے دکھائی دیتے ہیں سلمان خان اور کئی بالی وڈ سٹارز پاکستانی یونٹ آرگنائزر ریحان صدیقی کے شو میں پرفارم کر چکے ہیں
کم عمر نظر آنا ہے تو کم فیٹ والا دودھ پئیں ماہرین کا ماننا ہے کہ کم فیٹ والے دودھ کو پینے کی وجہ سے بڑھتی عمر کے مسائل حل ہوجاتے ہیں
بڑھتی عمر کے مسائل اور ان پر کم فیٹ والے دودھ کے اثرات پر برینگھم ینگ یونیورسٹی کے ماہرین نے ایک ریسرچ کی جو آکسیڈیٹیو میڈیسن اور سیلولر لونگویٹی جرنل میں شائع ہوئی
تحقیق میں یہ بات سامنے آئی کہ ایسے افراد جو کم فیٹ والا دودھ پیتے ہیں وہ اپنے ہم عمر لوگوں سے کم عمر کے دکھائی دیتے ہیں
ایک تحقیق دان لاری ٹکر کا کہنا تھا کہ اس تحقیق کے نتائج بہت عمدہ اور اس میں فرق بھی واضح نظر آیا ہے
انہوں نے مزید کہا کہ اگر آپ بہت زیادہ فیٹ والا دودھ پیتے ہیں تو خبردار رہیں کہ آپ کو پیچیدہ مسائل کا سامنا ہوسکتا ہے جن میں بڑھتی عمر کا دکھائی دینا بھی شامل ہے
اس مقالے کے لیے تحقیق دانوں نے لوگوں کے گروپ کے ٹیلومیئر کی لمبائی کے ساتھ روزانہ یا ہفتہ وار دودھ پینے کا تسلسل اور اس میں موجود فیٹ کی مقدار یعنی مکمل فیٹ، 2 فیصد، ایک فیصد اور بلا فیٹ کی جانچ کی۔
محققین کا کہنا ہے کہ یہ ٹیلومیئر انسانی کروموسومز میں نیوکلیوٹائیڈ کا سرا ہوتا ہے یہ بائیولوجیکل گھڑی کی طرح کام کرتے ہیں یعنی بڑھتی عمر کے ساتھ ساتھ ان کی تعداد میں بھی کمی آنے لگتی ہے محققین کا کہنا ہے کہ یہ ٹیلومئیر انسانی کروموسومز میں نیوکلیوٹائیڈ کا سرا ہوتا ہے یہ بائیولوجیکل گھڑی کی طرح کام کرتے ہیں یعنی بڑھتی عمر کے ساتھ ساتھ ان کی تعداد میں بھی کمی آنے لگتی ہے
تحقیقی مقالے کے مطابق جتنی زیادہ مقدار میں فیٹ والے دودھ کا استعمال کیا جائے گا تو اتنی ہی زیادہ مقدار میں ٹیلومئیر میں کمی واقع ہوگی
https://login.baaghitv.com/amp/zarurat-sy-zada-proteen-sehat-k-liye-nuqsan-deh-sabit-ho-sakti-hai/
تاہم ٹیلومئیر کی تعداد میں کمی کی وجہ سے انسان زیادہ عمر کا دکھائی دینے لگتا ہے ان کا کہنا تھا کہ اگر ایک شخص اپنے دودھ پینے کی مقدار میں ایک فیصد بھی اضافہ کرتا ہے تو اس کی وجہ سے 69 ٹیلومئیرز کم ہوجاتے ہیں
تحقیق دانوں نے اخذ کیا کہ ایسے افراد جو مکمل فیٹ والا دودھ استعمال کرتے ہیں تو ان کے 145 ٹیلومئیرز میں کمی ہوجاتی ہے
اس میں یہ بات بھی سامنے آئی ہے کہ ہر تیسرا جوان انسان مکمل فیٹ کے ساتھ دودھ کا استعمال کرتے ہیں
ماہرین کے مطابق اگر آپ بہت زیادہ فیٹ والا دودھ پیتے ہیں تو آپ کو پیچیدہ مسائل کا سامنا ہوسکتا ہے جن میں سے ایک بڑھتی عمر کا دکھائی دینا بھی شامل ہے
ڈرامہ سیریل شہر ملال کی تعارفی تقریب کا انعقاد کیا گیا تقریب میں ڈرامہ سیریل کی اسٹار کاسٹ شریک ہوئی
ایکسپریس انٹرٹیمنٹ پر رواں ماہ 13فروری سے نشر ہونے والی نئی ڈرامہ سیریل شہر ملال کی تعارفی تقریب کا انعقاد ٹی این آئی ہاؤس میں ہوااس تقریب میں ڈرامے کی اسٹارکاسٹ کے علاوہ میڈیا سےمتعلقہ افراد نے بھی بڑی تعداد میں شرکت کی جبکہ گذشتہ روز اس کا پرومو بھی ریلیز کیا گیا
https://www.youtube.com/watch?v=hJEmNL1nCeM&feature=youtu.be
اس تقریب میں مرکزی کرداروں ماریہ واسطی، شہود علوی ،علی عباس،حاجرہ یامین،زینب قیوم،ایوب کھوسہ ،عید محمد سالم ،سائرہ اصغر،رابعہ کلثوم ،ریحان ، حمیر اظہیر عمران رضا اورفوزیہ مشتاق نے شرکت کرنے کے علاوہ تقریب میں ڈرامے کے ہدایت کار فرقان آدم اورایگزیکٹیو پرڈیوسر ذیشان خان بھی شریک ہوئے
ڈرامہ سیریل کو فرقان آدم نے ڈائریکٹ کیا ہے اس کی رائٹر سعدیہ اختر ہیں ڈرامے میں محبت اورنفرت کے گردرونما ہونے والے تلخ معاشرتی رویوں کی حقیقی انداز میں عکاسی کی گئی ہے
ڈرامے کی پہلی قسط 13فروری جمعرات رات 9بجے ایکسپریس انٹرٹینمٹ پر آن ائیر ہو گی
بالی وڈ معروف اداکار اور سپر سٹار ٹائیگر شروف کی ایکشن اور رومانس سے بھر پورفلم باغی 3 کا نیا آفیشل ٹریلر سامنے آ گیا جسے سوشل میڈیا پر کافی پسند کیا جارہا ہے
باغی ٹی وی کی رپورٹ کے مطابق بالی وڈ سپر سٹار ٹائیگر شروف کی فلم باغی 3 کا نیا ٹریلر سامنے آ گیا جو دیکھتے ہی سوشل میڈیا پر وائرل ہوگیا اور جسے اب تک سو ملین سے زیادہ لوگ دیکھ چکے ہیں
اداکار نے 3 منٹ 42 سیکنڈ ویڈیو کا ٹریلر سماجی رابطے کی ویب سائٹ انسٹا گرام پر بھی شئیر کیا اور کیپشن میں لکھا کہ باغی واپس آ گیا ہے اور اس بار وہ کسی قوم کے خلاف اپنی سب سے بڑی جنگ لڑنے کے لئے تیار ہے
https://www.instagram.com/tv/B8NzPxxn7yI/?igshid=1kuibvygusu4u
اس ٹریلر میں ٹائیگر کہتے ہوئے سنائی دیتے ہیں کہ لوگ رشتوں میں حدیں پار کرتے ہیں لیکن میرا ایک ایسا رشتہ تھا جس کے لئے میں نے سرحدیں پار کر دیں مذکورہ فلم ایکشن لڑائی اور رومانس سے بھر پور ہے جبکہ شردھا کپور ٹائیگر شروف کے ہمراہ مرکزی کردار میں نظر آئیں گی اس میں سیریا ملک کو دکھایا گیا ہے جس میں رتیش جو ٹائیگر کے بھائی کے کردار میں ہے سیریا جاتا ہے لیکن وہاں کچھ غنڈے اسے مارتے ہیں اور اغواہ کر لیتے ہیں جس کو لینے ٹائیگر سیریا جاتا ہے
جبکہ ٹائیگر اس ویڈیو میں کہتے نظر آتے ہیں اگر ان کے بھائی کو کچھ ہواتو ان کے باپ کی قسم تمہارے دیش کو اس دنیا کے نقشے سے مٹا دوں گا
مداحوں نے اداکار کو اور ٹریلر کو بے حد سراہا اور کمنٹس میں تعریفوں کے پُل باندھ دیئے
ایک اور ویڈیو شئیر کر کے کیپشن میں مداحوں کا شکریہ ادا کرتے ہوئے لکھا کہ اس ٹریلر کے لئے آپ سب کے پیار اور تعریفوں کے لئے بہت شکریہ اور حقیقتا آپ سب کے بہت زیادہ خیر مقدم کے لئے بے حد مشکور ہوں اور یہ سب ٹیم کی سخت محنت کی وجہ سے ہو پایا ہے
https://www.instagram.com/p/B8QxLwQHGE2/?igshid=152tzjmqapich
ایک اور ویڈیو شئیر کرتے ہوئے اداکار نے مداحوں کے پیار کا جواب دیتے لکھا کہ ہماری چھوٹی سی کوشش کو سراہنے کے لئے آپ سب بے حد شکریہ اور ہمیشہ کے لئے پیار
https://www.instagram.com/p/B8Vtq1SHTb6/?igshid=11996wze8j8y
اس فلم کی ہدایات ساجد ناڈیوالا نے دی ہیں جبکہ اس کے ڈائریکٹر احمد خان ہیں
تھرلر اور ایکشن پر مبنی فلم رواں سال چھ مارچ کو نمائش کے لئے پیش کی جائے گی
واضح رہے اس سے قبل بھی باغی 1 اور 2 میں بھی ٹائیگر نے اپنی اداکاری کے جوہر دکھائے تھے جنہوں نے بے حد مقبولیت حاصل کی ان میں بھی ٹائیگر کے ہمراہ شردھا کپور نے مرکزی کردار ادا کیا تھا
گذشتہ ماہ بالی وڈ فلموں کی ڈانسراور کئی فلموں کے لیے کریوگرافی کرنے والی 33 سالہ خاتون نے دعوی کیا تھا کہ معروف کریوگرافر گنیش اچاریہ نے انہیں ’پورن فلمیں‘ دیکھنے پر مجبور کیا
خاتون نے کہا تھا کہ وہ گنیش اچاریہ کے ساتھ ابتدائی طور پر بطور ڈانسر کام کرتی تھیں اور بعد ازاں وہ خود کریوگرافر بنیں اور ان کے ساتھ کام کرتی رہیں خاتون نے کہاتھا کہ بالی وڈ کریوگرافر نے انہیں اپنے دفتر بلاکر اپنا لیپ ٹاپ دیا اور انہیں پورن ویڈیوز دیکھنے پر مجبور کرنے سمیت جنسی تسکین پہنچانے کا مطالبہ بھی کیا
خاتون نے یہ الزام بھی عائد کیا تھا کہ گنیش اچاریہ جب سے انڈین فلم اینڈ ٹیلی وژن کریوگرافرز ایسوسی ایشن کے جنرل سیکریٹری منتخب ہوئے انہوں نے انہیں ہراساں کرنا شروع کیا
خاتون نے مزید کہا تھا کہ گنیش اچاریہ نے ان سے اپنی کمائی میں سے کمیشن دینے کا بھی کہا اور انہیں طرح طرح سے ہراساں کرنے لگے اور ایسا نہ کرنے پر انہوں نے ان کی آئی ایف ٹی سی اے کی رکنیت بھی معطل کردی خاتون نے گنیش اچاریہ کے خلاف بھارت کی نیشنل کمیشن فار وویمن میں شکایت درج کروانے سمیت کریوگرافرز کی تنطیم میں بھی ان کے خلاف شکایت درج کروائی تھی اور مطالبہ کیا تھا کہ انہیں انصاف فراہم کرنے میں مدد دی جائے
خاتون کی جانب سے جنسی ہراسانی آنے کے محض 2 دن بعد ہی گنیش اچاریہ نے ان الزامات کو مسترد کرتے ہوئے کہا تھا کہ وہ تو ٹھیک طرح سے خاتون کو جانتے ہی نہیں البتہ انہیں یاد ہے کہ وہ ان کے ساتھ 2007 میں بیک ڈانسر کے طور پر کام کر چکی ہیں
ممبئی پولیس نے کوریوگرافر خاتون کی درخواست پر گنیش اچاریہ کے خلاف 5 فروری کو ایف آئی آر درج کی تھی علاوہ ازیں پولیس نے مقدمے میں 2 خواتین کو بھی شامل کیا ہے جن پر الزام ہے کہ انہوں نے گنیش اچاریہ کی ہدایات پر شکایت کرنے والی خاتون کو تشدد کا نشانہ بنایا تھا
مقدمے میں نامزد مزید 2 خواتین کے حوالے سے شکایت درج کروانے والی خاتون نے دعوی کیا تھا کہ مذکورہ دونوں خواتین نے انہیں گذشتہ ماہ 26 جنوری کو ہونے والے ایک ایونٹ میں گنیش اچاریہ کی ہدایات پر تشدد کا نشانہ بنایا اور ساتھ ہی ڈانسر و کرریو گرافر خاتون نے دونوں خواتین پر جنسی ہراسانی کے الزامات بھی لگائے تھے
خیال رہے کہ یہ دوسری بار ہے کہ گنیش اچاریہ کے خلاف خاتون کو جنسی ہراسانی کا مقدمہ دائر کیا گیا ہے اس سے قبل 2018 میں اداکارہ تنوشری دتہ کی شکایت پر بھی ان کے خلاف مقدمہ دائر کیا گیا
پاکستانی معروف اداکار اور گلوکار فرحان سعید کی فلم ٹچ بٹن کا پہلا ٹیزر سامنے آ گیا
باغی ٹی وی ی رپورٹ کے مطابق پاکستانی معروف اداکار اور گلوکار فرحان سعید کی فلم ٹچ بٹن کا پہلا ٹیزر سامنے آ گیا جو دیکھتے ہی سوشل میڈیا پر وائرل ہو گیااور مقبول ہو گیاہے
https://www.youtube.com/watch?v=bB5Le5YqN8c&feature=youtu.be
ایک منٹ چار سیکنڈ دورانیے پر مبنی فلم کے اس ٹیزر میں فلم کے دونوں مرکزی کردار فیروز خان اور فرحان سعید کو ایکشن میں دکھایا گیا فلم میں شہر اور گاؤں کی زندگی کو دکھایا گیا ہے
فلم میں فرحان سعید ایمان علی اور فیروز خان سونیا حسین کی جوڑی کو پیش کیا گیا ٹچ بٹن فلمی دنیا میں فرحان سعید کی پہلی فلم ہےاور دلچسپ بات یہ ہے کہ اس فلم کی پروڈکشن ان کی بیوی اداکارہ عروہ حسین کررہی ہیں جبکہ اس فلم کی ہدایات قاسم علی مرید دے رہے ہیں
https://www.instagram.com/tv/B8UFYjNlhTT/?igshid=1qcqxb4rukjl5
دوسری جانب فرحان سعید نے بھی سماجی رابطے کی ویب سائٹ انسٹا گرام پر مذکورہ فلم کے ٹریلر جی ویڈیو شئیر کی اور کیپشن میں اس فلم کا واحد ڈائیلاگ لکھا سنا جب پیار ہوتا ہے تو بندہ آپے سے باہر ہوتا ہے
فلم رواں سال عیدالفطر کے موقع پر نمائش کے لئے پیش کی جائے گی
پاکستان ٹی وی انڈسٹری کے معروف اداکار علی عباس نے ان کے جیو ٹی وی چینل پر حلیہ ڈرامے کہیں دیپ جلے میں ان کے کردار کو سراہنے والوں کا کیا شکریہ ادا کرتے ہوئے جذباتی ہو گئے
باغی ٹی وی کی رپورٹ کے مطابق جیو ٹی وی چینل پر معروف ڈرامے کہیں دیپ جلے میں علی عباس فہام کا کردار ادا کر رہے ہیں جسے مداحوں کی طرف سے بھر پور پذیرائی ملی ہے اداکار نے سوشل میڈیا پر ویڈیو شئیر کی جس میں وہ اپنے فہام کے کردار کو پیار دینے اور سراہنے پر اپنے مداحوں کا جذباتی انداز میں شکریہ ادا کرتے نظر آ رہے ہیں
مذکور ڈرامے کے مرکزی کردار نیلم منیر کے بھائی کا کردار نبھا رہے ہیں جس میں وہ اپنی بہن سے بے حد پیار کرتے ہیں اور اسے ہمیشہ خوش دیکھنا چاہتے ہیں گذشتہ قسط میں گولی لگنے کی وجہ سے ان کی موت واقع ہو جاتی ہے اور یہاں پر ڈرامے میں فہام کے کردار کا خاتمہ ہو جاتا ہے فہام کردار کی موت نے مداحوں کو رلا دیا اور مداح بہت زیادہ دکھی ہو گئےہیں اور اس دکھ کا اظہار انہوں نے سوشل میڈیا پر مختلف کمنٹس کے ذریعے کیا
اس پر علی عباس نے بھی ایک ویڈیو مداحوں کے لئے شئیر کی جس میں وہ اپنے مداحوں کا شکریہ ادا کرتے نظر آرہے ہیں اداکار نے ویڈیو کا آغاز سلام سے کرتے ہوئے کہا کہ وہ بہت دیر سے سوچ رہے تھے کہ وہ اپنی ویڈیو میں اپنے مداحوں سے کیا کہیں گے انہوں نے جذباتی انداز میں کہا کہ جتنا پیار آپ سب نے فہام کردار کو دیا اس کے لئے بہت اور بے حد زیادہ شکریہ
https://www.instagram.com/p/B8TVvlMHRBY/?igshid=u54f42j5735n
اداکار نے کہا انہیں لگتا تھا کہ فہام کو لوگ پسند کریں گے لیکن اتنی محبت کریں گے یہ انہوں نے کبھی بھی سوچا نہیں تھا اداکار نے کہا کہ انہیں اس سے پہلے بہت سے کرداروں میں بہت پیار ملا تھا نفرت بھی ملی اس میں بھی پیار چھپا ہوا تھا لیکن جو آپ لوگوں نے محبت فہام کو دی وہ بہت خیر مقدم ہےاور ان کے لئے بہت ایموشنل ہے
اداکار نے دابارہ شکریہ ادا کرتے ہوئے مداحوں سے وعدہ کرتے ہوئے کہا کہ وہ آنے والے وقت میں بھی بہت محنت کریں گے اور اچھے سے اچھا کام کریں گے
اداکار نے ویڈیو کے کیپشن میں مداحوں کو مخاطب کرتے ہوئے لکھا کہ آپ سب کی محبت کے لئے دل سے سب کا بہت شکریہ
اداکار کی اس پوسٹ پر ان کی مداحوں نے مختلف جذباتی کمنٹس کئے اور کہا کہ وہ فہام کردار کو ہمیشہ یاد رکھیں گے اور فہام کے بغیر اب انہیں ڈرامہ اچھا نہیں لگے گا اور وہ فہام کو بہت مس کریں گے اور اداکار کی ایکٹنگ کی تعریف کی
واضح رہے کہ اس ڈرامے میں ایک خوبصورت لڑکی ردا کی سٹوری کو دکھایا گیا ہے جو اپنے تین بھائیوں کی لاڈلی ہوتی ہے اور اپنی ماں کی آنکھ کا تارا ہوتی ہے تاہم اس کی خوش قسمتی اور معصومیت کی وجہ سے اس کی بھابی اسے نفرت اور حسد کا نشانہ بناتی ہے وہ اس حسد کی بنا پر ردا کو ہر قوت دکھ تکلیف میں مبتلا دیکھنا چاہتی ہے اور اسے تکلیف اور دکھ پہنچانے کا کوئی موقع ضائع نہیں کرتی معاملات کو اس کے شوہر کے کانوں میں ڈالتی ہے اور ان کے درمیان شک پیدا کرتی ہے ردا کا شوہر ایک غیر محفوظ شخص ہو تا ہے وہ اس کی حمایت کرنے کی بجائے بدسلوکی کرتا ہے
مذکورہ ڈرامے کو عبداللہ قادوانی اور اسد قریشی نے اپنی پروڈکشن سیونتھ سکائے انٹرٹینمنٹ کے بینر تلے پروڈیوس کیا اور نیلم منیر(ردا) اور عمران اشرف (ذیشان)اس میں مرکزی کردار ادا کر رہے ہیں جبکہ اس کی دیگر کاسٹ میں صبا فیصل (خدیجہ) علی عباس (فہام ) نازش جہانگیر( شمیلہ) شامل ہیں
