Author: عائشہ ذوالفقار

چیز نان
اجزاء:
میدہ ڈیڑھ کپ
انڈا آدھا
خمیر ایک کپ
چینی آدھا کھانے کا چمچ
نمک پاو چائے کا چمچ
خشک دودھ ایک کھانے کا چمچ
پگھلا ہوا گھی آدھا کپ
چیڈر چیز آدھا کپ
ہرا دھنیا ایک کھانے کا چمچ

ترکیب:
ایک باؤل میں میدہ چینی نمک خمیر انڈا اور خشک دودھ ڈال کر نیم گرم پانی سے آہستہ آہستہ گوندھ کر نرم ڈو بنا لیں اور ایک گھنٹے کے لیے رکھ دیں تا کہ ڈو پھول جائے اور ڈبل ہو جائے پھر اس کے تین سے چار پیڑے بنا کر سوسر کے سائز کا پھیلا دیں پھر مکس کی ہوئی چیٍر چیز اور ہرا دھنیا بھر کر دوبارہ پیڑا بنا لیں اسے کواٹر پلیٹ کے سائز کا بیلیں اور گریس کی ہوئی اوون ٹرے میں رکھ کر 190 سینٹی گریڈ پر 12 سے 14 منٹ پر بیک کر لیں پھر نکال کر گھی سے برش کر لیں اور فوراً سرو کریں

چھوٹے گھروں کو سجانا ہوا آسان
بڑے گھروں کی نسبت چھوٹے گھروں اور فلیٹس کو سجانا خواتین کے لیے قدرے مشکل امر ہے وہ فیصلہ نہیں کر پاتیں کہ کس قسم کے فرنیچر سے گھر کو سجایا جائے تاکہ وہ کھلا کھلا اور ہوادار محسوس ہو جدید طرز تعمیر میں سٹوڈیو اپارٹمنٹس کی جمالیاتی کشش متاثر کن ہو سکتی ہے یہاں اگر آپ کو کم مکانیت کا سامنا کرنا پڑے تو گھبرائیے مت اور چھوٹے حجم کا فرنیچر رکھیں راڈ آئرن یا سٹیل کےریک میں کرسٹل فنشنگ کی جا سکتی ہے راڈ آئرن کے صوفہ سیٹس کھانے کے میز کرسیاں اور بستر ہر چیز دستیاب ہے اگر آپ کے پاس لکڑی کا شاندار بیڈ سیٹ موجود ہو تو بس چار چھ برس بعد اس پر پالش کروالیا کریں یہ نیا کا نیا دکھائی دے گا بار بار فرنیچر بدلنا گھریلو معشیت ہر بوجھ بنتا ہے پالش کے شیڈ فیشن کے بدلتے ہوئے رحجان کو دیکھ کر منتخب کیے جا سکتے ہیں گرمیوں میں سبز اور نیلے رنگ کے پردے یا بیڈ شیٹس آنکھوں کو ٹھنڈا تاثر دیں گے اس موسم میں سیاہ گہرا کتھئی یا نیوی بلیو آنکھوں کو بھلا نہیں لگتا لیکن اگر چھوٹے بچوں والا گھر ہو تو خواتین کو رنگوں کے انتخاب پر کسی حد تک سمجھوتہ کرنا پڑتا ہے

روشنی جذب کرنے والی جیکٹ

آج کل تختے نما بیڈ سیٹس بھی فرنیچر مارکیٹ میں دیکھے جا سکتے ہیں یہ بلند قامت مسہریوں کی طرح نہیں ہوتے اور شاندار دکھائی دیتے ہیں اگر آپ ایل ای ڈی بلبس ہر کمرے میں نہیں لگانا چاہتے تو صرف بیڈ کے دونوں جانب ٹیبل لیمپس میں زرد بلب لگوائیے تاہم دودھیا یا سفید روشنی کمرے کے درجہ حرارت کو معتدل رکھتی ہے جبکہ پڑھنے کے لیے زرد بلب اچھے لگتے ہیں اس لیے کمروں میں روزشنیوں کا امتزاج ہو تو زیادہ بہتر رہتا ہے آپ اپنی ضرورت کے حساب سے کمرہ روشن کریں اور مرضی کے ماحول میں کام کریں دو رنگوں میں رنگے کمروں کی دیواریں بھی جمالیاتی حسن میں اضافہ کرتی ہیں ایک دیوار پر وال پیپر بھی چسپاں کیا جا سکتا ہے یا ایک دیوار برکس کے فطری آہنگ سے بنوائی جائے تو بھی کمرے میں جاذبیت آ جاتی ہے دیوار کی تعمیر ازسر نو ممکن نہ ہو تو توصرف وال پیپر سے بھی یہ مقصد حل کیا جا سکتا ہے اگر آپ پینٹ ہاوس میں رہائش اختیار کر رہی ہیں تو اشیاء کی بھر مار بھی نہ کیجیے لیمینیڈ فرش آرام دہ سادہ سے پلنگ کے ساتھ روشنی کا معقول انتظام آپ کہ تھکان دور کرنے کے لیے بہترین ہے کچھ لوگ گھروں کی آرائش میں تجریدی مصوروں کی دیواری آرائش کے لیے پسند کرتے ہیں کچھ کو فن خطاطی میں روحانیت کا رمز متاثر کرتا ہے اور کچھ پرنٹس ہی لگا لیتے ہیں اب دوکانوں پر قدیم عماراتی نقوش کے ساتھ آئینے بھی دستیاب ہیں اور جدید تراش خراش کے سرج کی۔شباہت کے لیے ڈیکوریشن مرر بھی دستیاب ہیں یہ آپ کہ صوابدید پر ہے کہ آپ کس طرح کی آرائش سے تسکین محسوس کرتی ہیں

مقبول غذاوں اور مشروبات کی زیادہ مقدار بھی جان لیوا ہو سکتی ہے
زیادتی ہر چیز کی بُری ہوتی ہے چاہے وہ آپ کی پسندیدہ خوراک ہی کیوں نہ ہو فیس بک پر ایک ویڈیو میں انکشاف کیا گیا کہ مبول ترین غذائیں اور مشروبات بھی آپ کہ جان لے سکتے ہیں اگر آپ نے ان کو ایک ہی وقت میں زیادہ استعمال کر لیا اور اگر آپ بچ بھی گئے تو آپ کی طبعیت بہت زیادہ خراب ہو سکتی ہے آپ کے جسم میں وٹامن سی کی حد سے زیادہ مقدار پہنچانے کے لیے آپ کو بیک وقت اگرچہ گیارہ سو سنگترے کھانے کی ضرورت ہو گی لیکن چھالیے کی طرح کے ایک مسالے جائفل اور الکحل کی کم مقدار بھی آپ کے جسم کو زہر آلود بنانے کے لیے کافی ہو سکتی ہے فیس بک پر ایک ویڈیو میں دکھایا گیا کہ آپ ایک۔وقت میں چار سو اسی کیلے کھا جائیں تو ان میں موجود پو ٹاشئیم کی اتنی مقدار جسم میں پہنچ جائے گی جس سے آپ کی زندگی خطرے سے دو چار ہو سکتی ہے اسی طرح آپ بہت زیادہ پانی پی لیں تو اس سے بھی موت واقع ہو سکتی ہے لیکن اس کے لیے آپ کو بہت مختصر وقت میں چھ لٹر پانی پینا ہو گا تاہم کچھ دیگر غذائیں اور مشروبات بھی ہیں جن کی بہت کم مقدار سے جسم۔پر زہریلے اثرات مرتب ہو سکتے ہیں مثلاً ایک مسالہ جائفل ہے جسکا ایک جزو مائیریسٹئیم کہلاتا ہے یہ ذہن یا نفس پراثر انداز ہونے والامادہ ہے جس کی۔زیادتی سے جسم پرلرزہ طاری ہو سکتا ہے دھڑکن بہت تیز ہو سکتی ہے اور طبیعیت نڈھال ہونے کے بعد موت بھی واقع ہو سکتی ہے یہ ساری کیفیات جائفل کی دوچائے کے چمچ کے مقدارسفوف پھانکنے سے سامنے آ سکتی ہیں

جاپانی پھل کے بے شمار طبی فوائد

بہت سے لوگ جانتے ہیں کہ۔سبز رنگت والے آلو نہیں کھانے چاہئیں اور اسی طرح اس رنگ کے آلو سے تیار چپس سے بھی پرہیز کرنا چاہئیے لیکن اگر آپ ان سے اس کی وجہ پوچھیں تو شاید انھیں معلوم نہ ہو آلو کی۔رنگت سبز اس وقت ہوتی ہے جب اس پر سورج کی روشنی پڑتی ہے اور آلو کے چھلکے کا سبز رنگ دراصل کلوروفل کی۔موجودگی ظاہر کرتا ہے جو زہریلا نہیں ہوتا لیکن اس رنگ سے یہ بھی پتہ چل جاتا ہے کہ اس آلو میں زہریلا مادہ سو لانائن بھی موجود ہے جو انسانوں کو بیمار بلکہ ہلاک بھی کر سکتا ہے اگر آپ ایک سبز آلو کھا لیں تو اس سےبھی آپ کے جسم کو نقصان پہنچ سکتا ہے لیکن اگر سبز رنگ کے پچیس آلو آپ کے کھانے میں آگئے تو یہ موت کا پیغام بن سکتے ہیں اگر آپ نے چیری کھاتے ہوئے غلطی سے اس کا بیج بھی نگل لیا ہے تو بہت زیادہ پریشان نہ ہوں لیکن آپ کو معلوم ہونا چاہیے کہ اس بیج میں سریع الاثر زہر سائنائڈ کی بھی بہت خفیف مقدار ہوتی ہے اگر آپ چیری کے بیج کو دانتوں سے کچل کر اس کے ایک یا دو بیج بالکل پسی ہوئی حالت میں نگل لیں تو یہ صورت حال مہلک ہو سکتی ہے فیس پر یہ ویڈیو سائنسی تحقیق اور شواہد کی۔بنیاد پر تیار کی گئی ہے

کچی لہسن اور پیاز کا استعمال بریسٹ کینسر سے بچاؤ کے لئے انتہائی مفید

مقبول غذاوں اوت مشروبات کی ہلاکت خیز مقدار
بائیس چائے کے چمچ کی مقدار پسی ہوئی سیاہ مرچ
گیارہ۔سو سنگترے پچیس سبز آلو چھ لیٹر پانی
ستر کلو گرام وزنی شخص اگر ایک وقت میں ستر کپ کافی پی جائے
چار سو اسی کیلے بیک وقت کھانا
اگر ایک سو پچاس پونڈ وزنی شخص ساڑھے دس کپ شکر ایک وقت میں پھانک لیں
اڑتالیس چائے کے چمچ سیزننگ
الکحل کے تیرہ شاٹس
پچاسی فل سائز کے چاکلیٹ بارز
چیری کے ایک یا دو پسے ہوئے بیج کھا لے

مُہلک کانگو وائرس علامات اور احتیاطی تدابیر
کانگو کریمئین فیور یا کانگو وائرس فیور زیادہ تر افریقی ممالک اور جنوبی امریکہ میں پایا جاتا ہے لیکن اب دنیا کے دوسرے ممالک میں بھی پہنچ چکا ہے کانگو وائرس جنگلی مکھی یا جانوروں پر پلنے والے چیچڑ کے ذریعے پھیلتا ہے یہ زیادہ تر بھیڑ بکری گائے بھینس یا دوسرے مویشیوں سے ایک سے دوسرے میں تیزی سے منتقل ہوتا ہے اسے چھوت کا مرض بھی کہا جاتا ہے کیونکہ متاثرہ جانور کو چھونے یا ہاتھ لگانے سے چیچڑ کے ذریعے یہ وائرس انسانوں میں منتقل ہو تا ہے یا ان کی استعمال کی گئی چیزوں سے بھی منتقل۔ہوتا ہے وائرس والے چیچڑ جانوروں کو کاٹے تو اسے کانگو وائرس منتقل ہوتا ہی اور اگرانسانوں کو براہراست کاٹ لے توبھی وائرس منتقل۔ہو جاتا ہے اسلام آباد انٹر نیشنل۔انسٹی ٹیوٹ آف ہیلتھ کے وبائی امراض کی۔نگرانی کے شعبے نے کریمئین کانگو ہیمرجک فیور سی سی ایچ ایف سے بچاو اور اس پر قابو پانے کے سلسلے میں ہدایات جاری کیں اس مشاورتی مراسلے کے مطابق یہ مخصوص نوعیت کا بخار جس میں جریان خون مریض کی موت کا سبب بنتا ہے پسو یا چیچڑی کے کاٹنے سے پھیلتا ہے جس میں بنیاوائریڈیا فیملی کء نائرو وائرس موجود ہوتے ہیں انتہائی سنگین صورت میں ہلاکت کی شرح سو فیصد سے چالیس فیصد ہو سکتی ہے

ایگزیما کا آسان اور مفید گھریلو علاج

مخصوص ہیلوما جنس کے پسواس قسم کے وائرس کو اپنے اندر ذخیرہ بھی کرتے ہیں اور ایک دوسرے میں منتقل بھی کرتے ہیں مختلف اقسام کے جنگلی جانور اور مویشی اس وائرس کے خاموش کیرئر ہوتے ہیں یعنی ان میں یہ وائرس ہوتے ہیں لیکن علامتیں واضح نہیں ہوتیں جبکہ بالغ پسو یا چیچڑی ان جانوروں کا خون چوس کر زندہ رہتی ہیں بلوچستان سی سی ایچ ایف سے سب سے زیادہ متاثرہ صوبہ قرار دیا جاتا ہے لیکن پاکستان کے مختلف علاقوں سے اس بیماری کی اطلاعات موصول ہوتی رہتی ہیں 2016ء کے دوران سی سی ایچ ایف کے ایک سو ایک مصدقہ کیسز سامنے آئے تھے جن میں تینتیس افراد کی۔موت واقع ہوئی تھی 2017ء میں اکتالیس متاثرہ کیسز سامنے آئے تھے جن میں سولہ بلوچستان پندرہ پنجاب سات خیبر پختونخواہ اور تین کا تعلق فاٹا سے بتایا جاتا ہے 16اگست 2017ء کو خیبر ایجنسی فاٹا سے اس بیماری میں مبتلا ہو کر ایک شخص کی ہلاکت کی اطلاع آئی تھی جو تازہ ترین تھی انسانوں کو اس بیماری سےبچانے والی کوئی ویکسین اب تک نہیں بنائی جا سکی ہے اس انفیکشن کے واقعات کم کرنے کی واحد صورت یہی ہے کہ لوگوں کو زیادہ سے زیادہ اس کے بارے میں آگاہ کیا جائے کانگووائرس ہیمرجک بخار اس پسو یا چیچڑی کے کاٹنے سے پھیلتا ہے جس نے متاثرہ مویشی گائے بکرا بکری اونٹ بھیڑ اور دنبہ سے چپک کر اس کا خون چوسا ہو اس کے علاوہ یہ وائرس متاثرہ مویشی ذبح کرنے کے دوران یا بعد میں اس کے خون یا گوشت کو ہاتھ لگانے سے یا متاثرہ شخص کے خون سیال مادہ یا عضو یا جسم کے کسی بھی حصے سے نکلنے والے موادسے بھی منتقل ہو سکتا ہے متاثرہ مویشی کا گوشت بناتے اور دھوتے ہوئے دستانوں کا استعمال ضرور کریں متاثرہ مویشی کا گوشت کھایا جا سکتا ہے مگر خوب تیز آنچ پر اچھی طرح پکانے کے بعد ہی

موسم سرما کی آمد آمد نزلے سے بچاؤ کے فطری طریقے

کانگو وائرس سے کس کو خطرہ ہو سکتا ہے؟
سب سے زیادہ کانگو وائرس کا خطرہ چرواہوں قصائی متاثری شخص کی قربت کوئی بھی شخص جس نے مویشی کو چھوا ہو اور مویشی کے ساتھ کام کرنے والے لوگوں کو ہو سکتا ہے
کانگو وائرس سے کیسے بچا جائے؟
مویشی کو خریدتے ہوئے یا اس کی دیکھ بھا ل کرتے ہوئے پوری آستینوں کے لباس دستانے آگے سے بند کپڑے اور جوتے موزوں کے ساتھ پہنیں دافع حشرات اودیات جس میں ڈِیٹ شامل ہو جسم کے کھلے حصوں پر لگائیں گھر آکر فوراً اپنے جسم کا معائنہ کریں کہ اس پر کوئی پسو موجود تو نہیں ذبح کرتے ہوئے اپنے منہ اور ناک کو ماسک سے ڈھانپ کر رکھیں جانور ذبح کرتے ہوئے دستانوں کا استعمال کریں دستانے اتارتے ہی فوری طور پر ہاتھ دھوئیں اگر آپ کے ہاتھوں اعر دستانوں پر خون لگا ہے تو پھر آپ اپنی آنکھوں اور ناک کو مت رگڑیں اور نہ چھوئیں اپنے ہاتھوں کو صابن پانی اور سپرٹ سے دھوئیں جانوروں کی کھال کو پلاسٹک کی شیٹ سے ڈھانپ کر علیحدہ رکھیں خون یا پانی کو سڑک پر نہ بہائیں متاثرہ شخص کو چھونے سے گریز کریں جانوروں کی صفائی کا خیال۔رکھیں ان کے جسم کو دھوئیں اور چیچڑوں سے محفوظ رکھیں باڑے کو بھی صاف رکھیں اور سپرے کریں

شریفہ کے طبی فوائد

پسو یا چیچڑیوں کو کیسے ہٹائیں؟
چیچڑی کو چمٹی کپڑے یا ٹشو کی مدد سے جلد کے بہت قریب رکھتےہوئے پکڑیں چیچڑی کی کاٹی ہوئی جگہ اور ہاتھوں کو اچھی طرح صابن اور پانی سے دھوئیں کاٹی ہوئی جگہ پر جراثیم کش دوا لگائیں چیچڑی کو خالی ہاتھوں سے نہ چھوئیں اسے کچلنے کی کوشش نہ کریں یا ماچس سے نہ جلائیں
علامات:
وائرس کا۔جسم میں۔داخل۔ہونے کے پانچ چھ دن بعد فلو کی طرح کی علامات ظاہر ہونے لگتی ہیں جیسا کہ ہلکا بخار جسم درد سر درد قے متلی نقاہت کی علامات پانچ سے سات دن رہتی ہیں بھوک ختم ہو جاتی ہے قے متلی لگاتار رہنے سے شدید کمزوری ہونے لگتی ہے مریض کے جسم۔پر چھوٹے چھوٹے سرخ دانے نکل آتے ہیں منہ میں چھالے نکل آتے ہیں مسوڑھوں سے خون آنے لگتا ہے ایک دو روز بعد جلد کے نیچے خون جمنے لگتا ہے ناک سے بھی خون بہنے لگتا ہے مریض کے جسم میں پلیٹلٹس کی شدید کمی ہو جاتی ہے جس کے باعث حالت بگڑتی چلی جاتی ہے مریض کے جسم میں جگنا زیادہ ہیمرج ہو گا اتنا ہی موت کا خطرہ بڑھ جائے گا

پیٹ کم کرنے کی آسان اور آزمودہ ترکیب

ڈاکٹر کے پاس کب جائیں؟
اچانک بخار تیز ہونے کی صورت میں پٹھوں یا کمر یا سر میں درد ہونے کی صورت میں قے ہونے کی صورت میں جسم پرشدید نیل پڑنے اور ناک سے خون بہنے کی صورت میں ڈاکٹر سے فوری رجوع کریں کیونکہ یہ سارک سی سی ایچ ایف کی علامات ہو سکتی ہیں چیچڑیوں کے کاٹنے کے بعد علامات ایک سے تین دن میں ظاہر ہوں گی متاثرہ جانور یا انسان کے خون سے متاثر ہونے کی صورت میں علامات پانچ سے سات دن میں ظاہر ہوں گی

مہندی سے الرجی ہونے کی وجوہات اور علاج
عام طور پر حنا یا مہندی کسی نقصان یا الرجی کا باعث نہیں بنتی اور یہ وقتی طور پر بالوں کو نارنجی یا سرخی مائل رنگ میں رنگ دیتی ہے بازار میں ملنے والی مہندی جس سے بال سیاہ رنگ میں رنگے جا سکتے ہیں اور جسے کالی مہندی بھی کہا جا سکتا ہے قدرتی مہندی نہیں ہو تی قدرتی حنا ایک خاص پودے سینا ایٹالیکا کے پتوں سے بنائی جاتی ہے جبکہ کالی مہندی بنانے میں انڈیگو کے علاوہ کئی کیمیکل اور ڈائی استعمال کیے جاتے ہیں جن کا ذکر ڈبے میں دی گئی ترکیب میں بھی نہیں کیا جاتا زیادہ الرجی کالی مہندی میں موجود کسی کیمیکل کی وجہ سے ہوتی ہے اس الرجی کو ڈرماٹائٹیز الرجک کونٹیکٹ کہا جاتا ہے جلد پر اس کی نوعیت شدید صورت اختیار کر سکتی ہے ابتدا میں ان کو استعمال کرنے سے کوئی خاص ردعمل سامنے نہیں آتا مگر آہستہ آہستہ یہ آپ کی قوت مدافعت کو کمزور بنا دیتی ہے اور پھر یہ مسئلہ اچانک ابھر کر سامنے آتا ہے عام طور پر ڈاکٹر اس مسئلے سے نمٹنے کے لیے یہی مشورہ۔دیتے ہیں کہ مہندی کا استعمال فوری طور پر روک دیا جائے الرجی اسکن ری ایکشن کے لیے مختلف اوورل اور الرجی پر سکن پر لگانے کے لیے ادویات تجویز کی جاتی ہیں الرجی کے شدید ردعمل کی صورت میں مریض کو ہسپتال بھی داخل پڑنا سکتاہے

اعصابی تناو کم کرنے والی اسمارٹ شرٹ
اسپین کی ایک فیشن کمپنی نے الٹیمیٹ اسمارٹ شرٹ 3.0 کے نام سے ایسی ذہین قمیض بنائی ہے جس کے بارے میں کمپنی کا۔دعوی ہے کہ یہ اعصابی تناو کم کرتی ہے رگوں میں خون کا بہاو بہتربناتی ہے اور اپنے پہننے والے کی جسمانی توانائی میں بھی اضافہ کرتی ہے سیپیا بام کی یہ کمپنی کئی سال سے ذہین قمیض تیار کر رہی ہے جبکہ نئی اسمارٹ شرٹ بھی اسی منصوبے کا حصہ ہے اسی وجہ سے اس کے نام میں 3.0 موجود ہے اس کے دو علیحدہ علیحدہ ڈیزائن ہیں ایک مردوں کے لیے اور دوسرا خواتین کے لیے ہے اسمارٹ شرٹ کے صحت بخش فوائد کے بارے میں کمپنی کہتی ہے کہ یہ شرٹ اپنے پہننے والے کی جلد میں۔تیزابیت کے علاوہ خون میں یورک ایسڈ کی۔مقدار کو بھی قابو میں رکھتی ہے جو اگر زیادہ ہو جائے تو پٹھوں اور ہڈیوں میں درد کی وجہ بنتا ہے ان تمام خصوصیات کا مجموعی نتیجہ یہ ہے کہ اسے پہننے والے کا اعصابی تناو اور تھکن دونوں کم ہوں گے اور اس کی صحت بہتر رہے گی

شیشہ بتائے گا اب حسین چمکدار اور نرم و ملائم جلد کے راز

اسمارٹ شرٹ میں وہ تمام خوبیاں موجود ہیں جو اس سے پہلے والی اسمارٹ شرٹس میں تھیں مثلاً اس میں کالر اور آستینوں پر میل کچیل جمع نہیں ہوتا اور ہوا کا گزر بہتر ہوتا ہے جس کی۔وجہ سے پہننے والے کو پسینہ کم۔آتا ہے جبکہ پسینے کی بدبو بھی بہت کم پیدا ہوتی ہے اگر شدید گرمی میں بہت زیادہ پسینہ آجائے تو تب بھی اس پر پسینے کے دھبے نمودار نہیں ہوتے ان سب کے علاوہ نئی اسمارٹ شرٹ میں پہننے والے کی صحت بہتر رکھنے کے لیے بایو سیرامک نینو پارٹیکلز بھی اس کے دھاگے میں شامل کر دئیے گئے ہیں جن کی بدولت یہ ویسی ہی مفید فار انفرا ریڈ ریز پیدا کر سکتی ہے جیسی سورج سے خارج ہوتی ہیں نہ نظر آنے والی ان لہروں کی گرمی رگوں میں خون کے بہاو سے لے کر میٹا بولزم تک ہر چیز میں افاقہ ہوتا ہے دوسری جانب یہ شرٹ ان خطرناک الٹراوائلٹ شعاعوں کو بھی روک لیتی ہے جو کئی قسم کے کینسر کی وجہ بن سکتی ہے اتنی ساری خوبیوں کے باوجود یہ شرٹ بہت کم خرچ ہے جسے کمپنی کی ویب سائٹ سے براہِ راست صرف اٹھانوے ڈالر جو تقریباً سولہ ہزار پاکستانی روپے بنتے ہیں میں خریدا جا سکتا ہے اس شرٹ میں مختلف خصوصیات مثلاً جلد کی تیزابیت اور خون میں یورک۔ایسڈ جس کی زیادہ مقدات پٹھوں اور ہڈیوں میں درد کی وجہ بنتا ہے کی مقدار میں کمی کرنے کے علاوہ اعصابی تناو اور تھکن دور کرنے کی خصوصیات رکھتی ہے