Baaghi TV

Author: عائشہ ذوالفقار

  • پہلی پاکستانی سپرہیرو لڑکی کی ویب سیریز ’مس مارول‘ پاکستان بھر کے سینماؤں میں ریلیز کرنے کا اعلان

    پہلی پاکستانی سپرہیرو لڑکی کی ویب سیریز ’مس مارول‘ پاکستان بھر کے سینماؤں میں ریلیز کرنے کا اعلان

    پہلی پاکستانی سپر ہیرو لڑکی کی ویب سیریز ’مس مارول‘آن لائن اسٹریمنگ پلیٹ فارم پر ریلیز کی جائے گی چونکہ یہ پلیٹ فارم پاکستان میں دستیاب نہیں، اسی لئے پاکستانی شائقین کے لئے اسے پاکستان بھر کے سینماں میں ریلیز کرنا کا اعلان کیا گیا ہے-

    باغی ٹی وی : ’مس مارول‘ کے ہدایتکاروں میں شامل پاکستانی فلمساز شرمین عبید چنائے نے سماجی رابطے کی ویب سائٹ انسٹاگرام پر بتایا کہ مارول اسٹوڈیوز کی ’’مس مارول‘‘ پاکستان کے سینما گھروں میں ریلیز کی جائے گی –

    صبا قمر کو ساتھی اداکار مغرور کیوں سمجھتے ہیں؟ اداکارہ نے حقیقت سے پردہ اٹھا دیا

    انہوں نے بتایا کہ والٹ ڈزنی کمپنی اور مارول اسٹوڈیوز ‘مس مارول’ کو خاص طور پر پاکستان میں صرف سینما گھروں میں ریلیز کرے گا، شرمین عبید کے مطابق ڈزنی اور مارول خصوصی طور پر پاکستان کے لیے 6 قسطوں کی سیریز کا ایک سینما فارمیٹ ورژن بنائیں گے جسے 3 حصوں میں تقسیم کیا گیا ہے۔

    پہلی اور دوسری قسط 16 جون، تیسری اور چوتھی قسط 30 جون کو اور پانچویں اور چھٹی قسط 14 جولائی کو ریلیز ہوں گی۔

    شرمین عبید چنائے نے کہا کہ یہ فیصلہ پہلی پاکستانی مارول سپر ہیرو کمالا خان (جس کا کردار ایمان ویلانی نے ادا کیا ہے) کے مارول سینما یونیورس (ایم سی یو) میں متعارف کرائے جانے کا جشن منانے کے لیے کیا گیا، سیریز میں کیمرے کے سامنے اور پیچھے متنوع کاسٹ بھی شامل ہے۔

    عمران اشرف کی فلم ’’دم مستم‘‘ کے خلاف خواجہ سرا عدالت پہنچ گئے

    انہوں نے کہا کہ ڈزنی اور مارول نہیں چاہتے کہ پاکستانی ناظرین ڈزنی پلس (آن لائن اسٹریمنگ پلیٹ فارم) ہاکستان میں لانچ نہ کیے جانے کے سبب ‘مس مارول’ اور اس کی کہانی کو دیکھنے سے محروم رہ جائیں۔

    واضح رہے کہ ’مس مارول‘ ویب سیریز کی مرکزی کہانی ’کمالا خان‘ نامی 16 سالہ سپر ہیرو لڑکی کے گرد گھومتی ہے جو کہ دراصل ایک پاکستانی نژاد لڑکی ہوتی ہے اور جرسی سٹی میں رہتی ہے۔

    کمالا ایک پرجوش فنکار، ایک شوقین گیمر، اور فکشن کی دلدادہ ہے، وہ اوینجرز اور خاص طور پر کیپٹن مارول کی ایک بہت بڑی مداح ہے لیکن سپرپاورز حاصل کرنے سے قبل کمالا خان نے ہمیشہ دنیا میں اپنا مقام تلاش کرنے کے لیے جدوجہد کی ر یہ شو 8 جون سے ڈزنی پلس پر دکھایا جائے گا۔

    سینیما کی بحالی کے بعد کتنے کروڑ سعودی شہری فلم دیکھ چکے ہیں؟

  • زوہیب حسن کا ’صف آہن‘ کی ٹیم پر کاپی رائٹس کی خلاف ورزی کا الزام

    زوہیب حسن کا ’صف آہن‘ کی ٹیم پر کاپی رائٹس کی خلاف ورزی کا الزام

    سینیئر گلوکار و موسیقار زوہیب حسن نے مقبول ڈرامے ’صف آہن‘ کی ٹیم پر اپنے پرانے گانے ’دوستی‘ کو اجازت کے بغیر ڈرامے میں شامل کرنے پر کاپی رائٹس کی خلاف ورزی کا الزام عائد کردیا۔

    باغی ٹی وی : زوہیب حسن نے 30 اپریل کو سوشل میڈیا پر ’صنف آہن‘ کی ٹیم پر نازیہ حسن اور خود کی جانب سے گائے گئے ماضی کے مقبول گانے ’دوستی‘ کا ڈرامے میں شامل کرنے پر کاپی رائٹس کا الزام عائد کیا۔

    اداکارہ عفت عمرنے فروری،مارچ اور اپریل والے عمران خان میں فرق نمایاں کر دیا


    موسیقار و گلوکار نے لکھا کہ آخر کب پاکستانی کاپی رائٹس اور انٹیلیکچوئل پراپرٹی کے معاملات کو سمجھیں گے؟

    زوہیب حسن نے اپنے اور مرحوم بہن نازیہ حسن کے گانوں کے کاپی رائٹس معاملات دیکھنے والی کمپنی ’بی اینڈ ایچ انٹرنیشنل کمپنی‘ کی جانب سے بھی ’صنف آہن‘ میں اجازت کے بغیر ’دوستی‘ گانے کو شامل کیے جانے پر جاری کردہ نوٹس کی سوشل میڈیا پوسٹ شیئر کی۔

    کمپنی کی جانب سے بھی ’صنف آہن‘ کی ٹیم پر جہاں تنقید کی گئی تھی، وہیں انہیں خبردار بھی کیا گیا تھا کہ ان کے خلاف کاپی رائٹس کی خلاف ورزی پر قانونی چارہ جوئی بھی کی جا سکتی ہے نوٹس میں ہمایوں سعید، ثمینہ ہمایوں، ندیم بیگ، ثنا شاہنواز اور دیگر افراد کو فریق بنایا گیا تھا-

    بین الاقوامی

    عالیہ بھٹ کی فلم ’’گنگو بائی کاٹھیا واڑی‘‘ کا ایک سین ہالی ووڈ کی مشہور فلم کی کاپی

    زوہیب حسن نے ایک اور ٹوئٹ میں کہا تھا کہ جو لوگ ان پر الزام لگا رہے ہیں کہ انہوں نے کاپی رائٹس کے نام پر پاک فوج کے شعبہ تعلقات عامہ (آئی ایس پی آر) سے پیسے بٹورے ہیں، انہیں معلوم ہونا چاہیے کہ نازیہ حسن کے تمام گانوں کی رائلٹی نازیہ حسن فاؤنڈیشن کو فراہم کی جاتی ہے، جس کے تحت مستحق لوگوں کی مدد کی جاتی ہے۔

    خیال رہے کہ ’دوستی‘ گانے کو زوہیب حسن اور نازیہ حسن نے گایا تھا اور اس کی موسیقی بھی زوہیب حسن نے ترتیب دی تھی ’دوستی‘ ان کے 1983 کے میوزک ایلبم ’ینگ ترانا‘ میں شامل تھا۔

    واضح رہے کہ ’دوستی‘ کو ’صنف آہن‘ کی 23 اپریل کو نشر ہونے والی 22 ویں قسط میں شامل کیا گیا تھا ڈرامے میں گانے کو سائرہ یوسف اور سری لنکن اداکارہ یحالی تاشیا نے اسٹیج پر گایا تھا۔

    پاکستان کو مدینے جیسا بنانا تھا مدینے کو پاکستان جیسا نہیں ،عفت عمر

  • عالیہ بھٹ کی فلم ’’گنگو بائی کاٹھیا واڑی‘‘ کا ایک سین ہالی ووڈ کی مشہور فلم کی کاپی

    عالیہ بھٹ کی فلم ’’گنگو بائی کاٹھیا واڑی‘‘ کا ایک سین ہالی ووڈ کی مشہور فلم کی کاپی

    اداکارہ عالیہ بھٹ کی فلم ’’گنگو بائی کاٹھیا واڑی‘‘ کا ایک سین ہالی ووڈ کی مشہور زمانہ فلم ’’دی میٹرکس‘‘ سے کاپی کیا گیا ہے۔

    باغی ٹی وی : بالی ووڈ اوریجنل اور تخلیقی کام کرنے کے بجائے اکثر دوسروں کے کئے گئے کاموں کی نقل کرنے کے لیے مشہور ہے بالی ووڈ کی کئی فلمیں ہالی ووڈ یا ساؤتھ انڈین فلموں کی نقل ہوتی ہیں اور بھارتی فلم انڈسٹری کے موسیقارپاکستانی میوزک کو چوری کرنے کے لئے مشہور ہیں-

    کورونا وبا کے مشکل ترین دور کے بعد عید پر 4 فلمیں ریلیز ،ملک بھر کے سینماؤں کی رونقیں بحال

    جس کی مثال پاکستان کی پاپ گلوکارہ حدیقہ کیانی کا مشہور گانا ’’بوہے باریاں‘‘ ہے جسے حال ہی میں بالی ووڈ گلوکارہ کنیکا کپور نے نہ صرف چرایا ہے بلکہ ڈھٹائی کا مظاہرہ کرتے ہوئے اسے اپنا اوریجنل گانا بھی قرار دے رہی ہیں اور کہا کہ بلکہ انہوں نے اور ان کی ٹیم نے بڑی محنت سے فوک گانا تیار کیا۔

    کانیکا کپور نے حدیقہ کیانی کے الزامات کو مسترد کرتے ہوئے کہا کہ ان کا گانا ’بوہے باریاں‘ بلکل مخِتلف اور منفرد ہے، ان پر گانے کی کاپی کا الزام بے بنیاد ہےیہ بہت ہی غلط ہے کہ ان پر کسی دوسری کا کام چوری کرنے کا الزام لگایا جا رہا ہے، حالانکہ ان کا فوک گانا بلکل نئی اور تخلیقی ایجاد ہےان کی جانب سے ریلیز کیا گیا گانا اوریجنل ہےجس کی شاعری کنور جنیجا نے لکھی جب کہ اس کی موسیقی شروتی رانے نے ترتیب دی۔

    تاہم اب ہدایت کار سنجے لیلا بھنسالی کی حال ہی میں ریلیز ہونے والی فلم’’گنگو بائی کاٹھیاواڑی‘‘ کا ایک منظر بھی ہالی ووڈ کی سپر ہٹ فلم ’’دی میٹرکس‘‘ سے ہو بہوکاپی کیا گیا ہے۔

    کرشمہ کپور کا دوسری شادی کریں گی؟ اداکارہ نے بتا دیا

    ایک سوشل میڈیا پیج نے فلم ’’گنگو بائی کاٹھیاواڑی‘‘ اور ’’دی میٹرکس‘‘ کے ایک منظر کے درمیان غیر معمولی مماثلت کی جانب نشاندہی کروتے ہوئے لکھا کہ دو دہائیوں بعد بھی بالی ووڈ کے جدید فلم سازوں میں سے زیادہ تر ’’دی میٹرکس‘‘ کو اپنے مواد میں شامل کرنے کی کوشش کرتے ہیں۔

    حال ہی میں ریلیز ہوئی فلم ’’گنگو بائی کاٹھیاواڑی‘‘ میں ایک منظر پیش کیا گیا ہے جس میں فلم کا مرکزی کردار جوکہ عالیہ بھٹ نے ادا کیا ہے ایک لڑکی کو سرخ اور نیلی کینڈی دے کر دونوں میں سے ایک کا انتخاب کرنے کا کہتی ہے۔

    سچن ٹنڈولکرکی بیٹی بالی ووڈ میں ڈیبیو کیلئے تیار

    یہ منظر فلم ’’دی میٹرکس‘‘ کے ایک انتہائی مقبول منظر کی یاد دلاتا ہے، جہاں مورفیوس فلم کے مرکزی کردار ’’نیو‘‘ کو نیلی اور سرخ گولیاں پیش کرتا ہے اور دونوں میں سے ایک کا انتخاب کرنے کے لیے کہتا ہے۔

    اگرچہ دونوں مناظر تصوراتی طور پر بالکل ایک جیسے ہیں، لیکن دونوں فلموں میں سوائے اس ایک سین کے اور کوئی چیز مشترک نہیں ہےحالانکہ ان دونوں فلموں کی کہانی اور پس منظر ایک دوسرے سے بالکل مختلف ہیں لیکن پھر بھی سنجے لیلا بھنسالی ہالی ووڈ سے اتنے زیادہ متاثر نظر آتے ہیں کہ فلم میں ’’دی میٹرکس‘‘ کے مشہور سین کو کاپی کرنے سے خود کو روک نہیں سکے۔

    جب امیتابھ بچن نے گووندا کو تھپڑ مارنے کی دھمکی دی تھی

  • روس یوکرین سے مذاکرات کیلئے تیا رہے،پیوٹن

    روس یوکرین سے مذاکرات کیلئے تیا رہے،پیوٹن

    روسی صدر ولادیمیر پوٹن نے اپنے فرانسیسی ہم منصب عمانوئیل میکرون سے ٹیلی فون پرگفتگو کرتے ہوئے کہا ہے کہ ماسکو یوکرین کے ساتھ مذاکرات کے لیے تیار ہے۔

    باغی ٹی وی : ” العربیہ ” کے مطابق روس کےسرکاری خبر رساں ادارے تاس کےمطابق صدر پیوٹن نے یوکرینی نمائندوں کے ساتھ مذاکرات کے اصولی طریقوں کا خاکہ پیش کرتے ہوئے اس بات پر زور دیا کہ کیف کی عدم مطابقت اور سنجیدگی سے کام کرنے کی عدم خواہش کے باوجود روسی فریق اب بھی بات چیت کو تیار ہے۔

    جرمنی میں یوکرینی فوجیوں کی تربیت شروع:روس سخت ناراض

    کریملن نے مزید کہا کہ صدر پیوٹن نے میکرون کو روس کے یوکرین میں ’’خصوصی فوجی آپریشن‘‘ یعنی حملے کی پیش رفت سے بھی آگاہ کیا انہوں نے مغرب سے مطالبہ کیا کہ وہ یوکرین کو ہتھیارمہیا کرنے کا سلسلہ بند کرے-

    روس ور فرانسیسی صدور نے جنگ سے عالمی غذائی سلامتی کو درپیش خطرے پر بھی بات چیت کی ہے اورصدر پیوٹن نے باور کرایا کہ ان کے ملک پر مغرب کی عائد کردہ پابندیوں نے صورت حال کو مزید خراب کردیا ہے۔

    یوکرین میں کسی بھی مغربی ہتھیار کی کھیپ روسی افواج کیلئے ایک جائز ہدف ہو گی،سرگئی…

    واضح رہے کہ گذشتہ ہفتے یوکرینی صدر ولودیمیر زیلنسکی نے کہا تھا کہ وہ بحران کے خاتمے کے لیے ولادیمیرپیوٹن کے ساتھ بات چیت کو تیار ہیں اس سے کوئی فرق نہیں پڑتا کہ میں یہ چاہتا ہوں یا نہیں۔ گذشتہ تین سال کے دوران میں جو میرے پاس تھا،جو لوگوں نے مجھے دیا-

    انہوں نے کہا تھا کہ میں روسی صدر سے جنگ کے خاتمے پر بات چیت کرنے کو تیارتھا اب یہ وہی اشارے ہیں (یوکرین کے ساتھ مذاکرات کے بارے میں روس کے بیانات) جو وہ بڑے پیمانے پرحملہ کرنے سے پہلے بھیج رہے تھے مگرمیں ایک بارپھراس بات پر زور دیتا ہوں کہ روس پُرامن تصفیے کے لیے تیارنہیں-

    یوکرین کے مشرقی علاقے ڈونیسک میں روسی فوج کے حملے،21 افراد ہلاک

  • یوکرین کے مشرقی علاقے ڈونیسک میں روسی فوج کے حملے،21 افراد ہلاک

    یوکرین کے مشرقی علاقے ڈونیسک میں روسی فوج کے حملے،21 افراد ہلاک

    کیف: یوکرین کے مشرقی علاقے ڈونیسک میں روسی فوج کے تازہ حملے میں 21 افراد ہلاک ہوگئے جوکہ ایک ماہ میں یومیہ سب سے زیادہ اموات ہیں۔

    باغی ٹی وی : غیر ملکی میڈیا کے مطابق ٹیلی گرام میں علاقے کے گورنر پاولو کیریلینکو نے بتایا کہ 10 افراد یورپ کے سب سے بڑے کوک پلانٹ پر حملے کے دوران جاں بحق ہوئے جبکہ لائمن قصبے میں مزید پانچ، ووہلیدار قصبے میں چار اور ویلیکا نووسیلکا اور شینڈری گولو کے دیہات میں ایک ایک شخص ہلاک ہوا ہماری سرزمین پر کیے گئے ہر جرم کے لیے روسیوں کو سزا دی جائے گی۔

    تیسری عالمی جنگ کے امکانات بڑھ گئے ہیں :یوکرینی صدر ولودومیر زیلنیسکی

    دوسری جانب، لوہانسک کے گورنر نے ٹیلی گرام میں بتایا کہ یہاں بھی روسی حملوں اور گولہ باری میں شدت آ گئی ہے اور اب لوہانسک خطے میں کوئی شہر محفوظ نہیں رہا۔

    قبل ازیں روس اور یوکرین کے درمیان جاری جنگ کے حوالے سے یوکرین کے صدر ولودومیر زیلنیسکی نے دنیا کو تیسری جنگ عظیم کے امکان سے خبردار کیا عرب ٹی وی کو انٹرویو دیتے ہوئے یوکرین کے صدر ولودومیر زیلینسکی کا کہنا تھا کہ جنگ فی الحال یوکرین تک محدود ہے اور روس منتقل نہیں ہوئی۔

    اگرامریکا اورنیٹویہ چاہتےہیں تویہ کام کریں:روس

    ولودومیر زیلینسکی نے کہا تھا کہ یوکرین کی فوج نے اب تک روس کے خلاف فوجی کارروائیوں کا آغاز نہیں کیا ہے، یوکرینی فوج روس پر قبضہ کرنے کی کوئی خواہش نہیں رکھتی، ہماری افواج اپنی سرزمین کا دفاع کر رہی ہیں ہم روسی فوجیوں کی موجودگی اور مولدووا میں علیحدگی پسندوں سے خوفزدہ نہیں ہیں کیونکہ مولدووا میں علیحدگی پسند غیر تربیت یافتہ اور یوکرینی فوج سے لڑنے سے خوفزدہ ہیں۔

    یوکرین کے صدر نے روسی وزیر خارجہ سرگئی لاؤروف کی جانب سے ہٹلر کے یہودیوں سے تعلق ہونے پر کہنا تھا کہ ان کے بیان سے لگتا ہے کہ روس نے جنگ عظیم دوئم سے سبق نہیں سیکھا یوکرینی فوج نے روس کے خلاف کوئی فوجی کارروائی نہیں کی جنگ فی الحال یوکرین تک محدود ہے، روس منتقل نہیں ہوئی۔

    یوکرینی صدر نے کہا تھا کہ یوکرین کی فوج نے روس کے خلاف فوجی کارروائی نہیں کی، یوکرینی فوج صرف اپنی سرزمین کا دفاع کر رہی ہے یوکرینی فوج روس پر قبضے کی خواہش نہیں رکھتی وہ روس کے ساتھ بات چیت کے لیے بھی تیار ہیں، لیکن یہ اسی وقت ممکن ہوگا جب روسی صدر ہم سے ملنے کے لیے تیار ہوں گے۔

    یوکرین میں کسی بھی مغربی ہتھیار کی کھیپ روسی افواج کیلئے ایک جائز ہدف ہو گی،سرگئی…

  • مدت ملازمت مکمل ہونے پرگورنراسٹیٹ بینک رضا باقرکا پیغام

    مدت ملازمت مکمل ہونے پرگورنراسٹیٹ بینک رضا باقرکا پیغام

    رضا باقر نے بطور گورنر اسٹیٹ بینک مدت ملازمت مکمل ہونے پر جاری اپنے پیغام میں کہا کہ میرے خیال میں اسٹیٹ بینک کا عملہ معیشت کا ستون ہے۔

    باغی ٹی وی : بطور گورنر اسٹیٹ بینک مدت ملازمت مکمل ہونے پر رضا باقر نے کہا کہ الحمداللہ بطورگورنراسٹیٹ بینک 3 سالہ مدت مکمل کرلی، اللہ نےمجھےملک کی خدمت کا موقع دیا، تمام ہم وطنوں، خاص طورپر اوورسیز کو عوامی خدمت کی ترغیب دیتا ہوں۔

    حکومت کا گورنر اسٹیٹ بینک رضا باقر کو مزید توسیع نہ دینے کا فیصلہ

    رضاباقر کا کہنا تھا کہ میرا کردار رہنمائی کرنا اور آپ کے اندر چھپے نئےآئیڈیازکو منظر عام پر لانارہا، اسٹیٹ بینک کے ساتھیوں کو اپنی صلاحیت حاصل کرنےکا حوصلہ اور اعتماد دیا، میرے خیال میں اسٹیٹ بینک کا عملہ معیشت کا ستون ہے میں ڈپٹی گورنر اور اسٹیٹ بینک کی کارپوریٹ ٹیم کا خصوصی شکرگزار ہوں، اپنی مدت ملازمت میں 4 وزرائے خزانہ اور 5 سیکرٹری خزانہ کے ساتھ کام کیا جن کا شکر گزار ہوں، ہمارےمعاشی چیلنجز ہیں لیکن بہتر فیصلے کرنے والے ملک کی طاقت بھی ہیں۔

    انہوں نے کہا کہ میں نے بطورگورنرکئی نئے اقدامات میں اسٹیٹ بینک کی سربراہی کی، پہلی مرتبہ کووڈ وبا میں ٹیرف اسکیم، پے رول پیکج اور اسپتال فنانسنگ فراہم کی، روشن ڈیجیٹل اکاؤنٹس کے ذریعے اوورسیزپاکستانیوں کو ملکی بینکنگ شعبے سے منسلک کیا، راست کے ذریعے پہلا مفت ادائیگیوں کا انتظام فراہم کیا، ڈیجیٹل بینکاری کا فریم ورک مہیا کیا۔

    نئی تعیناتی تک گورنر اسٹیٹ بینک کی ذمہ داریاں کون سنبھالےگا؟ وزیر خزانہ نے نام جاری کر دیا

    سابق گورنر اسٹیٹ بینک نے کہا کہ مالی شمولیت بڑھانے اور خصوصاً خواتین کی شمولیت سے بینکاری کا مساوی ماحول دیا،کم لاگت گھروں کی فنانسنگ کو فروغ دیا، تین اہل ڈپٹی گورنرز کے ذریعے اسٹیٹ بینک کو مضبوط کیا،کئی دیگر اہم اقدامات کیے، اسٹیٹ بینک کے تمام ساتھیوں کا شکرگزارہوں جنہوں نےتمام مشکل کام انجام د یئے-

    واضح رہے کہ آج گورنر اسٹیٹ بینک ڈاکٹر رضا باقر کی تین سالہ معیاد ختم ہو گئی ہے وزیر خزانہ مفتاح اسماعیل نے کہا ہے کہ ئی تعیناتی تک ڈپٹی گورنر اسٹیٹ بینک ڈاکٹر مرتضیٰ سید عہدہ سنبھالیں گے –

    عہدوں کا فائدہ تب ہوتا ہے جب ساتھ عزت بھی ملے،پرویز الٰہی

  • نئی تعیناتی تک گورنر اسٹیٹ بینک کی ذمہ داریاں کون سنبھالےگا؟ وزیر خزانہ نے نام جاری کر دیا

    نئی تعیناتی تک گورنر اسٹیٹ بینک کی ذمہ داریاں کون سنبھالےگا؟ وزیر خزانہ نے نام جاری کر دیا

    وزیر خزانہ مفتاح اسماعیل کا کہنا ہے کہ ڈاکٹر مرتضیٰ سید گورنر اسٹیٹ بینک کی ذمہ داریاں سنبھالیں گے-

    باغی ٹی وی : تفصیلات کے مطابق وزیر خزانہ مفتاح اسماعیل نے کہا ہے کہ گورنر اسٹیٹ بینک رضا باقر کی مدت ملازمت ختم ہو گئی ہے نئی تعیناتی تک ڈپٹی گورنر اسٹیٹ بینک ڈاکٹر مرتضیٰ سید عہدہ سنبھالیں گے –

    وزیر خزانہ نے کہا کہ ڈاکٹر مرتضیٰ سید آئی ایم ایف کا بھرپور تجربہ رکھتے ہیں-

    حکومت کا گورنر اسٹیٹ بینک رضا باقر کو مزید توسیع نہ دینے کا فیصلہ

    واضح رہے کہ حکومت نے گورنر اسٹیٹ بینک رضا باقر کو مزید توسیع نہ دینے کا فیصلہ کیا ہے اس حوالے سے ذرائع کی جانب سے بتایا گیا تھا کہ ڈاکٹر رضا باقر کو اسٹیٹ بینک کے گورنر کی حیثیت سے مدت ملازمت میں مزید توسیع نہیں دی جائے گی اور وہ آج عہدہ چھوڑ دیں گے۔

    سماجی رابطے کی ویب سائٹ ٹوئٹر پر پیغام جاری کرتے ہوئے مفتاح اسماعیل نے لکھا تھا کہ بدھ سے گورنر اسٹیٹ بینک ڈاکٹر رضا باقر کی تین سالہ معیاد ختم ہو رہی ہے ، ان کی پاکستان کے لیے خدمات کا شکریہ ادا کرنا چاہتے ہیں، میں نے ان سے بات کی ہے اور انہیں حکومت کے فیصلے کے بارے میں بتایا ہے۔

    وزیر خزانہ نے رضا باقر کے بارے لکھا تھا کہ وہ ایک غیر معمولی قابل آدمی ہے اور ہم نے اپنے مختصر وقت میں ساتھ کام کیا، ان کے لیے نیک خواہشات کا اظہار کرتے ہیں۔

    عہدوں کا فائدہ تب ہوتا ہے جب ساتھ عزت بھی ملے،پرویز الٰہی

    خیال رہے کہ مئی 2019ء میں عالمی مالیاتی ادارے (آئی ایم ایف) کے سابق عہدیدار رضا باقر نے بطور گورنر اسٹیٹ بینک ذمہ داریاں سنبھالی تھیں صدر پاکستان ڈاکٹر عارف علوی نے گزشتہ روز رضا باقر کو تین سال کی مدت کے لیے گورنر اسٹیٹ بینک تعینات کرنے کی منظوری دی تھی۔

    اس سے قبل ہارورڈ اور بیکرلے یونیورسٹیوں سے تعلیم یافتہ ڈاکٹر رضا باقر 2000ء سے آئی ایم ایف کے ساتھ منسلک تھے اور ابھی بطور سینیئر ریزیڈنٹ ریپریسینٹیٹو مصر میں خدمات انجام دے رہے تھے اس کے علاوہ ڈاکٹر رضا باقر آئی ایم ایف مشن رومانیہ اور عالمی مالیاتی ادارے کے ڈیپٹ پالیسی ڈویژن کے سربراہ کے طور پر بھی فرائض انجام دے چکے ہیں۔

    وزیراعلیٰ پنجاب حمزہ شہباز نجی دورے پر قطر روانہ

  • کوئٹہ: کپڑے کی مارکیٹوں میں آتشزدگی ،300 دکانیں جل گئیں

    کوئٹہ: کپڑے کی مارکیٹوں میں آتشزدگی ،300 دکانیں جل گئیں

    کوئٹہ: پشتون آباد کے علاقے تارو چوک پر 2 مارکیٹوں میں آگ لگ گئی-

    باغی ٹی وی : آتشزدگی سے کپڑا گلی اورحاجی شنکی مارکیٹ میں 300 دکانیں جل گئیں تاجروں نے الزام عائد کیا ہے کہ ٹارگٹ کرکے مارکیٹوں میں آگ لگائی گئی آگ کے باعث دکانوں میں موجود کروڑوں کا مال جل گیا-

    مٹیاری میں 8 مختلف مقامات پر آتشزدگی،55 کچے مکانات جل گئے

    ریسکیو حکام کے مطابق فائر بریگیڈ کی 5 گاڑیاں آگ بجھانے کے لیے موقع پر پہنچیں فائر بریگیڈ کی5 گاڑیوں نے3گھنٹے بعد آگ پر قابو پایا-

    دوسری جانب لیاقت پور میں اسپیئر پارٹس کی دکان میں آگ لگ گئی،ریسکیو حکام کے مطابق آگ سے گیس سلنڈر کی دکان میں دھماکے کا خدشہ آگ نے قریبی دکانوں کوبھی اپنی لپیٹ میں لے لیا فائر بریگیڈ کی ٹیمیں آگ پر قابو پانے میں مصروف ہیں-

    کوہلو: تیز بارش کے باعث گاڑی سیلابی ریلے میں بہہ گئی ،بچے سمیت 3 افراد سوار

    گزشتہ روز مٹیاری میں 8 مختلف مقامات پر آگ لگنے سے 55 کچے مکانات جل گئے تھے آگ نے مویشیوں ،اناج اور دیگرسامان کو بھی اپنی لپیٹ میں لے کر نقصان پہنچایا متاثرین آگ بجھانے کے لیے مدد کو پکارتے رہےضلع میں فائر بریگیڈ کی 6 میں سے 3 گاڑیاں خراب تھیں-

    ضلع مٹیاری میں 8 مختلف مقامات پر آگ لگنے کے واقعات پیش آئے نیو سعید آباد کے 2 گاؤں کے 39گھروں اور 50 مویشیوں آگ میں جھلس گئے اس کے علاوہ بھٹ شاہ، ہالہ ،خیبر میں بھی کھانا بناتے ہوئے گھروں میں آگ لگی رینجرز کے جوان علاقہ مکینوں کے ہمراہ آگ پر قابوپانے کی کوشش کرتے رہے۔

    ٹریفک حادثہ: ایوان صدر میں تعینات اے ٹی ایس فورس کا ایک جوان جاںبحق دوسرا زخمی

  • وزیراعلیٰ پنجاب حمزہ شہباز نجی دورے پر قطر روانہ

    وزیراعلیٰ پنجاب حمزہ شہباز نجی دورے پر قطر روانہ

    وزیراعلیٰ پنجاب حمزہ شہباز نجی دورے پر قطر روانہ ہو گئے-

    باغی ٹی وی : تفصیلات کے مطابق حمزہ شہباز ساڑھے3برس بعد قطر میں اپنی والدہ سے ملاقات کریں گے حمزہ شہباز اپنی والدہ سے ملاقات کے بعد کل وطن واپس آئیں گے-

    وزیر اعظم شہباز شریف اور وزیر اعلیٰ پنجاب نے جاتی امرا میں نماز عیداداکی

    واضح رہے کہ وزیر اعلیٰ پنجاب حمزہ شہباز نے عید پر بھی مصروف دن گزارا تھا لاہور میں بے سہارا بچوں کی کفالت کے ادارے دارالشفقت اور چلڈرن ہسپتال کا دورہ کیا اور عید بچوں کے ساتھ منائی وزیر اعلیٰ پنجاب حمزہ شہباز جاتی امرا میں نماز عید کی ادائیگی کے بعد دارالشفقت پہنچے اور بے سہارا بچوں کے ساتھ عید کی خوشیاں بانٹیں، بچوں میں تحائف بھی تقسیم کئے۔

    انہوں نے ادارے میں فراہم کی جانیوالی سہولتوں کا بھی جائزہ لیا اور اس میں بہتری کی ہدایت کی۔ وزیر اعلیٰ پنجاب نے چلڈرن ہسپتال کے دورے پرمریض بچوں سے ملاقات کی اور انہیں عید کی مبارکباد دی۔

    حمزہ شہباز نے عید پر بھی مصروف دن گزارا:دارالشفقت اور چلڈرن ہسپتال کا دورہ

    میڈیا سے گفتگو کرتے ہوئے حمزہ شہباز نے کہا تھا کہ ریاست مدنیہ کے دعوے داروں نے ملک کو تباہ کیا صوبے بھر میں ہیلتھ کیئر کی معیاری سہولتوں کی فراہمی یقینی بنائیں گے آج خوشی کا موقع ہے آج بھی غریبوں کے گھروں میں فاقے ہیں 72سالوں میں ایسے بد ترین معاشی حالات نہیں دیکھے تھے۔عمران نیازی نے جھوٹ بولنے کے سوا کوئی کام نہیں کیا۔

    ان کا کہنا تھا کہ نوجوان بے روزگاری کی وجہ سے ذہنی مریض ہوگئے ہم نے ایسے کام کرنے ہیں کہ اللہ کی مخلوق راضی ہو۔میں پورے شہر لاہور میں قیمتوں کے تعین کیلئے کمیٹیاں بنا رہا ہوں۔یہ کام ووٹ کیلئے نہیں بلکہ اللہ کی رضا کیلئے کررہا ہوں ۔اللہ راضی ہوگا تو ووٹ بھی ملیں گے۔

    وزیر اعظم کاصدرمملکت ،اتحادیوں اورمسلح افواج کے سربراہان سے ٹیلیفونک رابطہ،عید کی مبارکباد

  • آئی سی سی سالانہ رینکنگ کی اپ ڈیٹ جاری،پاکستان کون سے نمبر پر؟

    آئی سی سی سالانہ رینکنگ کی اپ ڈیٹ جاری،پاکستان کون سے نمبر پر؟

    آئی سی سی کی جانب سے سالانہ رینکنگ کی اپ ڈیٹ جاری کر دی گئی ہے،ون ڈے رینکنگ میں پاکستان پانچویں نمبر، جبکہ ٹی 20میں تیسرے نمبر پر آ گیا-

    باغی ٹی وی : رینکنگ کے مطابق پاکستان ٹیسٹ رینکنگ میں93 پوائنٹس کے ساتھ پانچویں نمبر پرآگیا پاکستان کرکٹ ٹیم نے انگلینڈ سےپانچویں پوزیشن چھینی آسٹریلیا کی ٹیم128پوائنٹس کے ساتھ پہلے نمبر پر موجود ہے۔

    پاکستان ایشیا کپ کے لیے بھرپور تیاری کر رہا ہے، آصف باجوہ

    بھارت 9 پوائنٹس کے فرق کے ساتھ دوسرے نمبرپربراجمان ہے نیوزی لینڈ 111پوائنٹس کے ساتھ تیسرے اور ساؤتھ افریقہ چوتھے نمبرپر ہے۔

    سری لنکا کے خلاف سیریز، قومی خواتین ٹیم کا تربیتی کیمپ 7 مئی سے شروع ہوگا

    واضح رہے کہ انڈر 19 سٹی کرکٹ ایسوسی ایشن ٹورنامنٹ کے شیڈول کا اعلان کردیا گیا جس کے تحت انڈر 19 سٹی کرکٹ ایسوسی ٹورنامنٹ برائے 23-2022 اکیس مئی سے چار جون تک کھیلا جائے گا.بیک وقت ملک کے مختلف شہروں میں کھیلے جانے والے اس ٹورنامنٹ میں مجموعی طور پر 93 ٹیمیں شرکت کریں گی.

    ملک بھر میں خواتین کرکٹرز کے ٹرائلز لینے کا اعلان

    پچاس اوورز کے فارمیٹ پر مشتمل یہ ٹورنامنٹ نوجوان کھلاڑیوں کو اپنی صلاحیتوں کے اظہار کا بھرپور موقع فراہم کرے گا، جس کی بنیاد پر وہ پی سی بی انڈر 19 تھری ڈے اور انڈر 19 ون ڈے ٹورنامنٹس کے علاوہ پاکستان جونیئر لیگ میں نمائندگی کے بھی اہل ہوں گے.ہر کرکٹ ایسوسی ایشن میں شامل ہر سٹی کرکٹ ایسوسی ایشن کی ٹیم اس ٹورنامنٹ میں شرکت کرے گی. ٹورنامنٹ کے فارمیٹ کے تحت ہر کرکٹ ایسوسی ایشن کا علیحدہ علیحدہ فاتح ہوگا-

    پاکستان میں چیمپئنز ٹرافی،بھارتی براڈ کاسٹرزکا اپنی ٹیم کی شرکت کے حوالے سے خدشات کا اظہار

    بلوچستان، سدرن پنجاب اور ناردرن کی سٹی کرکٹ ایسوسی ایشنز کو تین تین گروپس میں تقسیم کیا گیا ہے. اسی طرح سینٹرل پنجاب، سندھ اور خیبر پختونوخواہ کی سٹی کرکٹ ایسوسی ایشنز کو چار چار مختلف گروپس میں تقسیم کیا گیا ہے.پی سی بی کا پارٹنر کرک ایچ کیو اس ٹورنامنٹ کی براہ راست اسکورنگ کرے گا.اس ٹورنامنٹ میں شریک تمام 93 اسکواڈز کا اعلان جلد کردیا جائے گا.