اشتہاری ایجنسیاں اچھوتے خیالات کی تلاش میں رہتی ہیں کوئی اشتہار ساری دنیا میں تہلکہ مچا دے ایسا کبھی کبھار ہی ہوتا ہے دبئی کی فضائی کمپنی ایمرٹس ائیر لائنز کے حالیہ اشتہار نے مقبولیت کی جس بلندی کو چھوا ہے اسے ’’برج خلیفہ‘‘ کہتے ہیں۔
باغی ٹی وی: دنیا بھر کی توجہ سمیٹنے والے اس اشتہار میں ایک ماڈل ایمرٹس ائیر لائن کی فضائی میزبان کے لباس میں ایک پلے کارڈ اٹھائے کھڑی ہیں پلے کارڈ پہ تحریر ہے ‘یو اے ای کی ایمبر فہرست میں شمولیت سے ہمیں دنیا کے بلند ترین مقام پہ پہنچنے کا احساس ملا ہے ایمرٹس کیساتھ پرواز ، بہتر پرواز-
کیمرہ ماڈل اور پلے کارڈ کو نزدیک سے دکھاتے ہوئے زوم آؤٹ کرتا ہے تو ناظرین دم بخود رہ جاتے ہیں کیونکہ وہ برج خلیفہ 828 کی میٹر فلک بوس چوٹی پہ کھڑی ہیں یہ اشتہار پرائم پروڈکشن نامی اشتہار ساز کمپنی نے بنایا ہے،اس اشتہار میں نظر آنے والی ماڈل کا نام نِکول سمِتھ لُدوِک ہے-
اشتہار میں دکھائی دینے والی ماڈل نے’’العربیہ‘‘ سے خصوصی گفتگو میں بتایا کہ اشتہار کا بنیادی خیال ایمرٹس کا ہی تھا جسے عملی شکل دینے کے لیے اس کمپنی کی مدد لی گئی ایمرٹس سٹنٹ’ بلا شبہ وہی لمحہ ہے جس کے لیے میں نے برسوں محنت کی۔ میں شاید اپنے ان محسوسات کو الفاظ میں بیان ہی نہ کر پاؤں جب میں برج خلیفہ کی بلندیاں طے کر رہی تھی۔
نکول نے اپنے احساسات بیان کرتے ہوے مزید کہا کہ ہر قدم گویا میری زندگی بھر کی محنت اور یہاں تک پہنچنے کے سفر کا آئینہ دار تھا محض 25 برس کی عمر میں بیوگی کا دھچکا سہار کر اپنے راستے خود ترتیب دینے والی نکول کا کہنا ہے کہ برج کی سطح پر پاؤں رکھ کر انہوں نے ایک لمبی سانس لی اور خود سے مخاطب ہو کر کہا نکول تم نے اپنا ہدف حاصل کر لیا-
.@Emirates does it again, scaling up and circling around the Burj Khalifa to put @expo2020dubai on top of the world’s travel agenda. https://t.co/V4rpbXGoHz pic.twitter.com/tOfKw4zl01
— Dubai Media Office (@DXBMediaOffice) January 17, 2022
نکول کا کہنا تھا کہ ابتدا میں ایمرٹس اپنی ہی فضائی میزبان لڑکیوں میں سے کسی کو چننا چاہتی تھی تاہم اس معاملے پہ غور کرنے کے بعد کمپنی نے یہ ذمہ داری پرائم پروڈکشنز کو سونپنے کا فیصلہ کیا پرائم پروڈکشن فلم پروڈکشن اور سٹنٹ مینیجمنٹ کمپنی ہے وہ اس کمپنی کے اشتہارات میں پہلے سے کام کر رہی ہیں اور بطور ‘سٹنٹ ویمن’ بھی کام کر چکی ہیں۔
ماڈل نے بتایا کہ وہ سکائی ڈائیور ہیں اور اپنے شوہر کیساتھ مل کر سکائی ڈائیونگ کی تربیت بھی فراہم کرتی ہیں۔ لہٰذا اس کمپنی نے انہی سے رابطہ کیا اور ان کی کچھ ویڈیوز فضائی کمپنی کو دکھانے کے بعد انہیں چن لیا۔
عالمی توجہ حاصل کر لینے والے اس اشتہار کے بارے میں نکول کہتی ہیں کہ اس طرح کی مہم جوئی کو سکرین پر دیکھنا اور اس پہ رائے دینا مشکل نہیں مگر اس بلندی پہ کھڑے ہونے سے پرے بھی بہت کچھ ہے جو اشتہار میں نظر نہیں آ سکتا تاہم اس اشتہار نے انہیں گلوب پہ پاؤں جمانے کی وہ جگہ فراہم کر دی ہے جہاں کھڑے ہو کر وہ اپنے اپنے مقام پہ جدو جہد کرنے والوں کا حوصلہ بڑھا سکتی ہیں۔
فوٹو:العربیہ
اپالیشن ماؤنٹینز کے ایک چھوٹے سے قصبے کلِیولینڈ سے تعلق رکھنے والی نکول کا کہنا تھا کہ ان کے والدین ان کی مہم جوئی کے لیے ہمیشہ ان کا حوصلہ بڑھاتے رہے ان کی اعلیٰ تعلیم کاروبار سے متعلق تھی اور اس نے انہیں ہدف کی تکمیل ‘نظم وضبط‘ اور ‘ذہنی تناؤ‘ سے لڑنے کی تربیت فراہم کی۔
