Baaghi TV

Author: عائشہ ذوالفقار

  • اے این ایف کی کاروائی، برطانیہ اسمگل کیلئے روٹی کے بیلنوں میں چھپائی منشیات برآمد

    اے این ایف کی کاروائی، برطانیہ اسمگل کیلئے روٹی کے بیلنوں میں چھپائی منشیات برآمد

    راولپنڈی: اے این ایف نے راولپنڈی میں کارروائی کرتے ہوئے بیرون ملک منشیات کی اسمگلنگ ناکام بنا دی ،منشیات برطانیہ کے لیے بک کرائے گئے روٹی کے بیلنوں سے برآمد کی-

    باغی ٹی وی :تفصیلات کے مطابق اے این ایف نے کے اہلکاروں نے کورئیر آفس کے ذریعے برطانیہ بھیجے جانے والے کراکری اور گارمنٹس پر مشتمل پارسل سے آئس برآمد کی 790 گرام آئس پارسل میں موجود 3 عدد بیلنوں میں انتہائی مہارت سے چھپائی گئی تھی۔

    ان کا کہنا تھا کہ پارسل راولپنڈی کی رہائشی روبینا بی بی نامی خاتون کی جانب سے برطانیہ میں موجود ماجد وسیم کے لیے بک کروایا گیا تھا۔ اے این ایف نے منشیات قبضے میں لے کر مزید تحقیقات کا آغاز کر دیا۔

    ​اسلام آباد ایئرپورٹ سول ایوی ایشن اتھارٹی کا ملازم منی لانڈرنگ میں سہولت کار نکلا

    قبل ازیں خفیہ اداروں کی اطلاع پر اینٹی نارکوٹکس فورس نے اسلام آباد کےعلاقے ای الیون ٹو میں واقع گھر میں کارروائی کرتے ہوئے بھاری مقدار میں منشیات برآمد کرلی تھی پکڑی جانے والی ہیروئن گاڑی کے اندر پڑی جیکٹس میں چھپائی گئی تھی، جس کا وزن 11 اعشاریہ 94 کلوگرام ہے اور عالمی منڈی میں اسی کی قیمت کروڑوں روپے بنتی ہےکارروائی میں دو ملزمان کو بھی گرفتار کیا گیا تھا، جن کی شناخت غلام رسول اور امان اللہ کے نام سے ہوئی تھی، غلام رسول افغان باشندہ ہے جب کہ دوسرا پشاور کا رہائشی ہے۔

    اسلام آباد: گھرمیں کھڑی گاڑی سے کروڑوں روپے مالیت کی ہیروئن برآمد

    اس سے قبل نیو اسلام آباد انٹرنیشنل ائیرپورٹ سے منشیات بیرون ملک اسمگل کیے جانے کی کوشش ناکام بنادی گئی تھی دوحہ جانے والی قطر ائیرلائن کی پرواز کی بریفنگ جاری تھی کہ اے این ایف انٹیلیجنس نے ائیرپورٹ پر تعینات عملے کے ہمراہ خوشاب سے تعلق رکھنے والے اعجاز نامی مسافر کو چیک کیا اے این ایف حکام کا کہنا تھا ملزم کے پیٹ میں 104 کیپسولز میں سے 8 سو گرام آئس برآمد ہوئی جس پر ملزم کو حراست میں لے لیاگیا ملزم کے خلاف مقدمہ درج کرکے تفتیش کا آغاز کردیا گیا ہے –

    قبل ازیں اسلام آباد ایئرپورٹ پر اے ایس ایف کی کارروائی میں سعودیہ جانے والے مسافر سے 6 کلو 330گرام آئس ہیروئن برآمد ہوئی تھی مالاکنڈ کا رہائشی میر سجاد پی آئی اے کی پرواز پی کے 9245 پر دمام جانا چاہتا تھا دوران اسکریننگ مسافر کے بیگ کی تہ میں آئس ہیروئین کی نشاندہی ہوئی تھی آئس ہیروئین کو ملزم نے انتہائی مہارت سے بیگ، میں چھپا رکھا تھا، اے ایس ایف نے مزید قانونی کارروائی کے لیے ملزمان کو منشیات سمیت اے این ایف کے حوالے کردیا۔

    اسلام آباد ائیرپورٹ سےبیرون ملک منشیات اسمگلنگ کی کوشش ناکام

  • طالبان حکومت کا 2 فروری سے تمام یونیورسٹیز کھولنے کا اعلان

    طالبان حکومت کا 2 فروری سے تمام یونیورسٹیز کھولنے کا اعلان

    کابل:طالبان حکومت نے 2 فروری سے تمام یونیورسٹیز کھولنے کا اعلان کیا ہے-

    باغی ٹی وی : عالمی خبر رساں ادارے کے مطابق طالبان حکومت کے وزیر برائے ہائیر ایجوکیشن شیخ عبدالباقی حقانی نے پریس کانفرنس میں بتایا کہ ملک بھر کی اگست سے بند جامعات کو فوری طور پر کھولنے کا فیصلہ کرلیا ہے2 فروری سےتمام جامعات کھول دی جائیں گی تاہم سرد علاقوں کی یونیورسٹیز میں تعلیمی سرگرمیوں کا آغاز 26 فروری سے ہوگا۔

    شیخ عبدالباقی نے مزید بتایا کہ گرم علاقوں میں یونیورسٹیز 2 فروری سے کھل جائیں گی البتہ سرد علاقوں میں موسم کی سختیوں کے باعث تدریسی عمل کا آغاز 26 فروری سے ہوگا تاہم وزیر برائے ہائیر ایجوکیشن نے یہ واضح نہیں کیا کہ جامعات میں طالبات کے لیے کیا پالیسی رکھی گئی ہے۔

    امارات اسلامیہ افغانستان میں امریکی شہری دائرہ اسلام میں داخل ہو گئے

    قبل ازیں طالبان حکام اس بات پر زور دیتے آئے ہیں کہ جامعات کے نہ کھلنے کی وجہ طالبات کے لیے اساتذہ اور علیحدہ کلاسوں کا انتظام نہ ہونا ہے ترجمان طالبان ذبیح اللہ مجاہد نے 15 جنوری کو میڈیا سے گفتگو میں کہا تھا کہ لڑکیوں کے لیے تعلیمی ادارے افغانستان کے نئے سال سے کھول دیئے جائیں گے-

    طالبان ذبیح اللہ مجاہد نے کہا تھا کہ رواں برس مارچ سے ملک بھر میں لڑکیوں کے تمام اسکول کھول دیئے جائیں گے لڑکیوں کے اسکول کھولنے کے انتظامات آخری مراحل میں داخل ہوگئے ہیں افغان سال نو 21 مارچ کو ہوتا ہے رواں برس نئے سال کی شروعات سےلڑکیوں اور خواتین کےلیے اسکول کالجز کھول دیئے جائیں گے تاہم مخلوط تعلیم کی ہرگز اجازت نہیں ہوگی ہم لڑکیوں کی تعلیم کے خلاف نہیں تاہم مخلوط نظام تعلیم کے خاتمے اور علیحدہ عمارتوں کے انتظامات سمیت نصاب میں تبدیلی کے باعث لڑکیوں کے اسکول کھولنے میں کچھ وقت لگا۔

    رواں برس مارچ سے لڑکیوں کے تمام اسکول کھول دیئے جائیں گے،ذبیح اللہ مجاہد

    واضح رہے کہ افغانستان عالمی قوتوں نے افغان فنڈز کی بحالی کو لڑکیوں کی تعلیم اور خواتین کی ملازمتوں پر واپسی سے مشروط کیا ہے گزشتہ برس اکتوبر میں اقوام متحدہ کے سیکرٹری جنرل انتونیو گوتریس نے خواتین کو حکومت میں شامل کرنے اور لڑکیوں کی تعلیم سے متعلق کیے گئے وعدوں کو پورا نہ کرنے پر طالبان حکومت کو شدید تنقید کا نشانہ بنایاتھا اقوام متحدہ کےجنرل سیکرٹری انتونیو گوتریس نےمیڈیا سے گفتگو میں طالبان حکومت کو تنقید کا نشانہ بناتے ہوئے کہا تھا کہ میں خاص طور پر افغان خواتین اور لڑکیوں سے متعلق کیے گئے وعدے پورا ہوتے نہ دیکھ کر گھبرا گیا ہوں۔

    اقوام متحدہ کے سیکرٹری جنرل نے طالبان سے خواتین اور لڑکیوں سے کیے گئے اپنے وعدوں کو پورا کرنے کا مطالبہ کرتے ہوئے کہا تھا کہ عالمی انسانی حقوق اور قوانین کے تحت اپنی ذمہ داریاں پوری کریں اور جب تک وعدے پورے نہیں ہوتے طالبان سے مطالبے جاری رکھیں گے۔

    طالبان کا تعلیم کے حقوق کا مطالبہ کرنے والی خواتین پرکالی مرچ کا اسپرے

  • تھر میں تین ارب ٹن کوئلے کے ذخائر برآمد

    تھر میں تین ارب ٹن کوئلے کے ذخائر برآمد

    تھر کول فیلڈ بلاک 1 میں تین ارب ٹن کوئلے کے ذخائر برآمد ہوئے ہیں۔

    باغی ٹی وی : تفصیلات کے مطابق سائٹ پر پاکستانی انتظامیہ اور چینی ماہرین نے جشن منایا ڈپٹی سی ای او سائنو سندھ ریسورسز کمپنی عبدالقیوم چوہدری نے کہا کہ تھرکول بلاک ون سائٹ پر کوئلہ 145 میٹر کھدائی کی تکمیل کے بعد نکلا ہے 24 مئی 2012 کو کان کنی کی لیز دی گئی، کوئلے کی سالانہ پیداوار پہلے مرحلے میں 9 ارب ٹن ہوگئی ہے۔

    تھائی ایئرویز کا پاکستان کیلئے فلائٹ بحالی کا اعلان،شیڈول جاری

    عبدالقیوم چوہدری نے مزید کہا کہ منصوبہ چین کے تاریخی بیلٹ اینڈ روڈ انیشیٹیو کا اہم منصوبہ ہے، منصوبے کو پاکستان اور چین نےجوائنٹ انرجی ورکنگ گروپ میں شامل کیا ہے منصوبہ تجارتی اقتصادی سرگرمیوں کےباعث توانائی، روزگار کے مواقع پیدا کرے گا بلاک ون میں 1330 میگاواٹ بجلی گھر تکمیل کے آخری مراحل میں ہے۔

    وزیر اعلیٰ کی کے یو جی گروپ کے نو منتخب عہدیداروں کو مبارکباد

    اس حوالے سے وزیراعلیٰ سندھ مراد علی شاہ نے خوشی کا اظہار کرتے ہوئے کہا ہے کہ ہم ہمیشہ کہتے ہیں کہ ’’تھر بدلے گا پاکستان‘‘، آج یہ نعرہ حقیقت بنتا جارہا ہے، آج صبح بلاک 1 میں 145 میٹر کھدائی کے بعد کوئلہ نکلا ہے، یہ بینظیر بھٹو کے وژن کے مطابق سندھ حکومت کی دوسری بڑی کامیابی ہے۔

    پی ایس ایل 7: ملتان سلطانزکا کوئٹہ گلیڈی ایٹرز کو 175 رنز کا ہدف

    وزیراعلیٰ سندھ نے مزید کہا کہ تھر کول فیلڈ بلاک 1 میں 3 ارب ٹن کوئلہ کے ذخائر موجود ہیں جو 5 ارب بیرل خام تیل کے برابر ہیں، تھر کول فیلڈ بلاک 1 سے کوئلہ برآمد ہونے پر پورے ملک کے عوام کو مبارک باد پیش کرتا ہوں۔

    آرمی چیف سے یورپی یونین کی سفیر اندرولا کمنارا کی ملاقات

  • سلمان خان کے لیے سعودی عرب کا "پرسنالٹی آف دی ایئر” ایوارڈ

    سلمان خان کے لیے سعودی عرب کا "پرسنالٹی آف دی ایئر” ایوارڈ

    بالی ووڈ سُپراسٹار سلمان خان کو سعودی عرب کے محکمہ ثقافت کے تحت ہونے والے فلمی ایوارڈز میلے میں اعزاز سے نواز دیا گیا۔

    باغی ٹی وی : عرب نشریاتی ادارے ’نیشنل نیوز‘ کے مطابق سعودی عرب کی کلچر اتھارٹی کی جانب سے منعقد کیے گئے ’جوائے ایوارڈز 2022‘ کی تقریب دارالحکومت ریاض میں ہوئی، جس میں بالی وڈ اور ہالی وڈ شخصیات کو بھی ایوارڈز سے نوازا گیا مذکورہ ایوارڈز تقریب کے دوران زیادہ تر مشرقی وسطی اداکاروں، گلوکاروں، ڈانسرز اور پرفارمنگ آٹسٹس کو ایوارڈز سے نوازا گیا، تاہم بالی وڈ اور ہالی وڈ شخصیات کو بھی خصوصی ایوارڈز دیے گئے۔

    اداکارہ تیجسوی پرکاش نے بگ باس 15 کا ٹائٹل جیت لیا


    ہا لی وڈ کے سینیئر اداکار جان ٹراوولٹا کو لائف ٹائم اچیومنٹ ایوارڈ سے نوازا گیا، جنہوں نے اعزاز وصول کیا ایوارڈز تقریب میں بھارت کے واحد اداکار سلمان خان کو ’پرسنالٹی آف دی ایئر‘ کے ایوارڈ سے نوازا گیا ایوارڈز تقریب میں معروف عرب گلوکارہ و ڈانسر نینسی اجرم نے پرفارمنس دی اور انہیں ایوارڈ سے بھی نوازا گیا تقریب میں سعودی عرب، مصر اور مراکش سمیت دیگر عرب ممالک کے فنکاروں کو بھی ایوارڈز دیے گئے۔

    تکذیب نکاح کی اپیل مسترد: عدالت نے اداکارہ میرا کوعتیق الرحمان کی بیوی قرار دیدیا

    ’جوائے ایوارڈز‘ تقریب کے دوران سلمان خان کی جانب سے ہالی وڈ کے لیجنڈری اداکار جان ٹراوولٹا سے ملنے اور انہیں اپنا تعارف کرانے کی ویڈیو بھی سوشل میڈیا پر خوب وائرل ہوئی اور لوگوں نے کمنٹس کیے کہ وہ خود ایک سپر اسٹار ہیں مگر دوسرے اسٹار سے وہ کس قدر محبت سے ملتے ہوئے انہیں اپنا تعارف کرا رہے ہیں-

    روینہ ٹنڈن سابق وزیراعظم نواز شریف کی پسندیدہ اداکارہ تھیں؟

    مذکورہ ایوارڈ سے قبل گزشتہ ماہ دسمبر میں سلمان خان نے ریاض میں اپنے پہلے میوزیکل ٹوئر ’دبنگ ٹوئر‘ میں بھی پرفارمنس کی تھی اور ان کے پروگرام میں ریکارڈ لوگوں نے شرکت کی تھی دسمبر 2021 کے وسط میں سلمان خان کی پرفارمنس کی ویڈیوز اور تصاویر بھی دنیا بھر میں خوب وائرل ہوئی تھیں، جن میں کورونا کی پابندیوں کے باوجود لوگوں کی بری تعداد کو پرفارمنس کے لیے تقریبات میں دیکھا گیا۔

    اداکارہ کاجول کورونا وائرس کا شکار ہوگئیں

  • انگلش کرکٹر ٹِم بریسنن کا ریٹائرمنٹ کا اعلان

    انگلش کرکٹر ٹِم بریسنن کا ریٹائرمنٹ کا اعلان

    مانچسٹر: انگلینڈ کرکٹ ٹیم کے کھلاڑی ٹم بریسنن کرکٹ کے تمام فارمیٹ سے مستعفی ہوگئے۔

    باغی ٹی وی : غیر ملکی میڈیا رپورٹ کے مطابق 2010 میں ٹی ٹوئنٹی ورلڈ کپ کی فاتح ٹیم انگلیڈ کا حصہ رہنے والے آل راؤنڈر ٹم بریسنن نے کرکٹ کے تمام فارمیٹ سے ریٹائرمنٹ کا اعلان کردیا ہے 36 سالہ بریسنن نے پیر کے روز اپنے کلب، واروکشائر کے ذریعے اس فیصلے کا اعلان کرتے ہوئے، 20 سالہ کھیل کے کیریئر کو ختم کرنے کا اعلان کیا۔

    ٹم بیسنن عالمی کرکٹ میں ٹیم کی نمائندی کے علاوہ ڈومسٹک میں بھی شاندارکھیل کا مظاہرہ کرتے آئے ہیں مستعفی ہونے والےکھلاڑی کا کہنا ہے کہ ریٹائرمنٹ کا یہی صحیح وقت ہے انگلش کھلاڑی 36 سال کی عمر میں کرکٹ سے کنارہ کشی اختیار کرنے کا اعلان کیا۔

    پاکستان کھیلوں سے محبت کرنے والا ملک ہے،مائیکل اوون

    بریسنن نے کہا کہ یہ ایک ناقابل یقین حد تک سخت فیصلہ رہا ہے، لیکن موسم سرما کی تربیت میں واپسی کے بعد مجھے لگتا ہے کہ یہ صحیح وقت ہے میں نے اپنے 21 ویں پیشہ ورانہ سال کی تیاری کے لیے پورے آف سیزن میں سخت محنت جاری رکھی ہے، لیکن مجھے لگتا ہے کہ میں اس اعلیٰ معیار تک نہیں پہنچ سکتا جو میں نے خود اور اپنے ساتھی ساتھیوں کو قائم کیا ہے۔

    کورونا ویکسین لگوانے سے انکار،نوواک جوکووچ دبئی ٹینس ٹورنامنٹ کھیلیں گے؟

    انہوں نے مزید کہا کہ مجھے اپنے کیریئر پر ہمیشہ فخر رہے گا، اپنے ماضی کو خوشی سے دیکھتا ہوں۔

    بریسنن نے اپنے کیریئر میں انٹرنیشنل کرکٹ میں 23 ٹیسٹ میچز میں 72 وکٹیں حاصل کیں، 85 ون ڈے میچز میں 109 وکٹیں اور 34 ٹی ٹوئنٹی میچز24 وکٹیں حاصل کی ہیں وہ اچھے بیٹر ہونے کے ساتھ درمیانہ درجے کی رفتار سے بال کرانے والے بہترین بولر بھی تھے بریسنن انگلینڈ کی ٹیم کا حصہ بنے جس نے 2010-11 میں آسٹریلیا میں اور 2013 میں ہوم سرزمین پر ایشز جیتی، 23 ٹیسٹ سمیت 142 مواقع پر اپنے ملک کی نمائندگی کی-

    فی الحال کسی پلیئر نے پاکستان کے ٹور سے انکار نہیں کیا،جلد اسکواڈ کا اعلان کریں…

    2009 میں لارڈز میں ویسٹ انڈیز کے خلاف اپنا ٹیسٹ ڈیبیو کرنے کے بعد، بریسنن کو 2010 میں باکسنگ ڈے ٹیسٹ کے لیے اسٹیون فن کے متبادل کے طور پر انگلینڈ کی ایشز ٹیم میں بلایا گیا اور اس نے ایک اہم کردار ادا کیا، جس سے آسٹریلیا کو 98 رنز پر آؤٹ کرنے میں مدد ملی،پہلی اننگز اور دوسری میں 50 رنز پر 4 وکٹیں لے کر انگلینڈ نے اپنے دفاع پر مہر لگا دی۔

    پی ایس ایل 7 میں بچوں میں کینسر اور چھاتی کے سرطان کے دن منائے جائیں گے

  • وزیر اعظم جسٹن ٹروڈو کا کورونا ٹیسٹ مثبت آگیا

    وزیر اعظم جسٹن ٹروڈو کا کورونا ٹیسٹ مثبت آگیا

    اوٹاوا: کینیڈا کے وزیر اعظم جسٹن ٹروڈو کا کورونا ٹیسٹ مثبت آیا ہے-

    باغی ٹی وی : عالمی خبر رساں ادارے کے مطابق وزیراعظم جسٹن ٹروڈو کورونا میں مبتلا ہوگئے تاہم ان کی صحت بہتر ہے اور انھوں نے کار مملکت قرنطینہ میں رہتے ہوئے گھر سے انجام دینے کا فیصلہ کیا ہے۔

    چینی سائنسدانوں نے کورونا کی سب سے جان لیوا قسم”نیو کوو”سے خبرادار کر دیا

    وزیراعظم جسٹن ٹروڈو نے اپنی ٹویٹ میں لکھا کہ آج صبح کورونا ٹیسٹ کرایا تھا جو مثبت آیا ہے تاہم میں خود کو کافی بہتر محسوس کر رہا ہوں اور اپنا کام گھر سے جاری رکھوں گا۔

    امریکا نے16ممالک کوخطرناک قراردیا

    وزیراعظم جسٹن ٹروڈو نے مزید لکھا کہ قرنطینہ کے دوران فرائض منصبی کی ادائیگی وہ صحت کے ماہرین کی جانب سے بتائے گئے رہنما اصولوں پر عمل کرتے ہوئے کریں گے جسٹن ٹروڈو نے اپنی ٹویٹ میں عوام سے ویکسین کا کورس مکمل کرنے اور بوسٹر ڈوز لگوانے کی اپیل بھی کی۔

    اومی کرون کورونا کا آخری ویریئنٹ نہیں،مزید نئی نئی شکلیں سامنے آئیں گی،اقوام…

    واضح رہے کہ کینیڈا میں کورونا سے متاثر ہونے والوں کی تعداد 30 لاکھ کے لگ بھگ ہوگئی ہے جب کہ اس مہلک وائرس سے ہلاک ہونے والوں کی تعداد 33 ہزار سے زائد ہے۔

    کوویڈ ویکسین کی معیاد ختم ہونے سے متعلق تمام خبریں جھوٹی ہیں،جھوٹوں کے خلاف…

  • وزیراعظم نے پیٹرولیم مصنوعات کی قیمتوں میں اضافے کی سمری مسترد کردی

    وزیراعظم نے پیٹرولیم مصنوعات کی قیمتوں میں اضافے کی سمری مسترد کردی

    اسلام آباد: وزیراعظم عمران خان کے معاونِ خصوصی برائے سیاسی روابط شہباز گِل نے کہا ہے کہ وزیر اعظم عمران خان نے پیٹرولیم مصنوعات کی قیمتوں میں اضافے کی سمری کو مسترد کردیا۔

    باغی ٹی وی : شہباز گِل نے سماجی روابط کی ویب سائٹ ٹوئٹر پر کہا کہ پیٹرولیم منصوعات کی قیمتوں میں اس وقت کوئی تبدیلی نہیں کی جارہی ہے شہباز گِل نے مزید کہا کہ اس وقت حکومت اس بڑھتی قیمت کا بوجھ اپنے اوپر لے گی اور عوام کو اس سے بچانے کی کوشش کرے گی وزیراعظم عمران خان نے پیٹرول 11 روپے، ڈیزل 14 روپے فی لیٹر بڑھانے کی سمری کو منظور نہیں کیا-

    سال نو کا دوسرا ماہ ،حکومت کی جانب سے ایک بار پھر "پٹرولیم بم” کا تحفہ…


    شہباز گِل نے کہا کہ وزیراعظم نے کہا کہ پوری دنیا میں بڑھتی مہنگائی کی وجہ سے تیل کی قیمتیں بڑھ رہی ہیں پاکستانی عوام کو اس مہنگائی سے بچانے کے لیے حکومت ہر ممکن کوشش کرے گی، اس لئے وزیراعظم نے اس سمری کو مسترد کردیا پٹرولیم پراڈکٹس کی قیمتوں میں اسوقت کوئی تبدیلی نہیں ہوگی۔

    حکومت کا پانچ فروری کوعام تعطیل کا اعلان

    واضح رہے کہ اس سے قبل اوگرا نے آئندہ 15 روزکے لیے پٹرولیم مصنوعات کی قیمتوں کی سفارشات کی تھی ملک میں پہلے ہی مہنگائی کی پسی عوام پراب پیٹرول بم گرائے جانے کی تیاریاں جاری تھیں، اور امکان ظاہر کیاجارہا ہے تھا کہ آج رات سے پیٹرولیم مصنوعات کی قیمتوں میں مزید اضافہ ہوگا، جس لیے اوگرا نے اپنی سفارشات وزارت پیٹرولیم کو بھجوا دی تھی۔

    تکذیب نکاح کی اپیل مسترد: عدالت نے اداکارہ میرا کوعتیق الرحمان کی بیوی قرار دیدیا

    ذرائع نے بتایا کہ اوگرا نے پٹرولیم مصنوعات کی قیمتوں میں 9 روپے 50 پیسےفی لیٹرتک اضافہ کی سمری بھجوائی، اور سمری میں پیٹرول 5 روپے 50 پیسے، ڈیزل 7 روپے فی لیٹر، مٹی کا تیل 9 روپے 50 پیسے اورلائٹ ڈیزل کی قیمت میں 7 روپے 80 پیسے فی لٹراضافہ کی سفارش کی گئی تھی آئندہ 15 روز کے لیے پیٹرولیم مصنوعات کی نئی قیمتوں کا اعلان کیے جانے کا امکان تھا۔

    تھائی ایئرویز کا پاکستان کیلئے فلائٹ بحالی کا اعلان،شیڈول جاری

  • تکذیب نکاح کی اپیل مسترد: عدالت نے اداکارہ میرا کوعتیق الرحمان کی بیوی قرار دیدیا

    تکذیب نکاح کی اپیل مسترد: عدالت نے اداکارہ میرا کوعتیق الرحمان کی بیوی قرار دیدیا

    لاہور: سیشن کورٹ نے اداکارہ میرا کو عتیق الرحمان کی بیوی قرار دے دیا ہے اور اداکارہ کی جانب سے تکذیب نکاح کی اپیل مسترد کردی ہے۔

    باغی ٹی وی : سیشن کورٹ کے ایڈیشنل سیشن جج مظہر عباس نے اداکارہ میرا کی اپیل پر فیصلہ سنا دیا ہے جس میں سیشن کورٹ نے اداکارہ میرا کو عتیق الرحمان کی بیوی قرار دے دیا ہے-

    روینہ ٹنڈن سابق وزیراعظم نواز شریف کی پسندیدہ اداکارہ تھیں؟

    واضح رہے کہ فیملی کورٹ کے فیصلے کے خلاف اداکارہ میرا نے اپیل دائر کررکھی تھی۔ فیملی کورٹ نے بھی اپنے فیصلے میں اداکارہ میرا کو عتیق الرحمان کی بیوی قرار دیا تھا اداکارہ میرا کا مؤقف ہے کہ وہ عتیق الرحمان کی بیوی نہیں ہیں اورعتیق الرحمان نے جعلی نکاح نامہ تیار کرایا ہے۔

    اداکارہ تیجسوی پرکاش نے بگ باس 15 کا ٹائٹل جیت لیا

    خیا ل رہے کہ مئی 2018 کو فیملی کورٹ نے 9 سال بعد فیصلہ سناتے ہوئے اداکارہ میرا کو عتیق الرحمان کی بیوی قرار دے دیا تھا فیملی جج بابر ندیم نے اداکارہ میرا کی تکذیب نکاح کی درخواست پر سماعت مکمل کرتے ہوئے فیصلہ سنایا تھا عدالت نے 18 صفحات پر مشتمل تحریری فیصلے میں اداکارہ میرا کے دعوے کو خارج کرتے ہوئے عتیق الرحمان سے ان کے نکاح کو حقائق پر مبنی قرار دیا تھا-

    پی پی رہنما شرمیلا فاروقی نے اداکارہ نادیہ خان کو قانونی نوٹس بھجوادیا

    عدالتی فیصلے میں کہا گیا تھا کہ میرا کا نکاح نامہ حقائق پر مبنی ہے اور نکاح خواں نے باقاعدہ نکاح نامے کی تصدیق بھی کی دونوں کے درمیان تنازع ایک گھر سے شروع ہوا۔

    واضح رہے کہ ادکارہ میرا نے جولائی 2009 میں تکذیب نکاح کا کیس فیملی عدالت میں چیلنج کیا تھا اداکارہ میرا کے وکیل کا ابتدا سے مؤقف تھا کہ عتیق الرحمان سستی شہرت کے لیے میرا کا شوہر ہونے کا دعویٰ کر رہے ہیں اور ان کے پاس نکاح ثابت کرنے کے لیے کوئی اصلی دستاویزات بھی موجود نہیں۔

    حریم شاہ نے اپنے ہونٹوں کی ادھوری سرجری کا ذمہ دار ایف آئی اے کو قرار دے دیا

  • تھائی ایئرویز کا پاکستان کیلئے فلائٹ بحالی کا اعلان،شیڈول جاری

    تھائی ایئرویز کا پاکستان کیلئے فلائٹ بحالی کا اعلان،شیڈول جاری

    تھائی ایئرویز نے پاکستان سے اپنا فضائی آپریشن دوبارہ شروع کرنے کا اعلان کیا ہے۔

    باغی ٹی وی : میڈیا رپورٹ کے مطابق ویراچارٹ تیامٹیکمپورن ٹیم لیڈ فارپاکستان نے بتایا کہ ہفتہ وار پروازیں پاکستان کے لیے دوبارہ شروع ہوں گی، جن میں 2 پروازیں کراچی سے، 2 پروازیں لاہور سے اور 2 پروازیں اسلام آباد سے بنکاک آپریٹ کرےگی اس تناظر میں تھائی ایئرویز نے اپنے ٹریول ایجنٹس، ٹور آپریٹر اور آن لائن کے ذریعے ٹکٹوں کی فروخت شروع کر دی ہے۔

    ریاست مدینہ میں کرکٹ، وزیراعظم عمران خان کے نام کھلا خط

    تھائی ایئرویز لاہور، کراچی اور اسلام آباد سے ہفتہ میں دو بار سروس چلائے گی (ہر ہوائی اڈے پر ہفتہ میں دو بار پروازیں)۔ تھائی ایئرویز کی طرف سے مشترکہ پرواز کا ابتدائی شیڈول جاری کر دیا گیا ہے–

    بنکاک سے لاہور اور لاہور سے بنکاک کے لیے ہفتہ وار 4 پروازیں آپریٹ ہوں گی تھائی لینڈ کے دارالحکومت سے لاہور کے لیے منگل اور جمعہ کو پروازیں آپریٹ کی جائیں گی۔ تھائی ایئرویز نے ٹکٹوں کی فروخت شروع کردی ہے۔

    آرمی چیف سے یورپی یونین کی سفیر اندرولا کمنارا کی ملاقات

    واضح رہے کہ پاکستان تھائی لینڈ اور دنیا کے لیے ایک بہت بڑی اور ممکنہ مارکیٹ ہے اور تھائی ایئر ویز انٹرنیشنل ہونے کے ناطے پاکستانی مسافروں کو بہتر اور آسان سفری سہولیات فراہم کرتا ہے تھائی لینڈ اور اس کے نیٹ ورک کا سفر کرنے والے مسافروں کے علاوہ یہ پاکستان کارگو کے کاروبار کو فروغ دینے میں بھی اہم کردارادا کرتا ہے۔

    دوسری جانب عالمی ہوا بازی کی تنظیم اکاؤنے سول ایوی ایشن اتھارٹی پر سیفٹی سگنی فکینٹ کنسرن ( ایس ایس سی ) ختم کردیا، جس کے بعد یورپی یونین کی پابندی ہٹنے کے امکان روشن ہوگئے ہیں۔

    شہبازشریف بھی باہرجانے کی اجازت کی شرط پر استعفے کی پیشکش کرچکے ہیں،شہباز گل کا…

  • پی ایس ایل 7: ملتان سلطانزنے کوئٹہ گلیڈی ایٹر کوشکست دے دی

    پی ایس ایل 7: ملتان سلطانزنے کوئٹہ گلیڈی ایٹر کوشکست دے دی

    پاکستان سپر لیگ(پی ایس ایل) کے ساتویں سیزن کے میچ میں ملتان سلطانز نے کوئٹہ گلیڈی ایٹرز کو جیت کے لیے 175 رنز کا ہدف دیا ہے۔

    باغی ٹی وی : ملتان سلطانز نے پہلے بیٹنگ کرتے ہوئے دو اوورز کے بعد بغیر کسی نقصان کے رنز بنالیے ہیں ملتان سلطانز کا آغاز کچھ اچھا نہ رہا اور کپتان محمد رضوان بغیر کوئی رنز بنائے پویلین لوٹ گئے کوئٹہ گلیڈی ایٹرز کی جانب سے واحد وکٹ محمد حسنین نے حاصل کی۔

    محمد رضوان کے بعد ملتان سلطانز کی وکٹیں وقفے وقفے سے گرتی رہیں،تاہم شان مسعود نے رنز بنانے کا سلسلہ بھی جاری رکھا۔شان مسعود 58 گیندوں پر 88 رنز بناکر آؤٹ ہوئے،ان کی اننگز میں 8چوکے اور4 چھکے شامل تھے

    ۔دیگر بلے بازوں میں رائلی روسو اور صہیب مقصود نے 21،21 رنز بنائےخوش دل شاہ 8اور ٹم ڈیوڈ 28رنز بناکر ناٹ آؤٹ رہے۔ کوئٹہ گلیڈی ایٹرز کی جانب سے محمد حسنین نے دو جبکہ جیمز فولکنر نے ایک وکٹ حاصل کی۔

    کوئٹہ گلیڈی ایٹرز کی ٹیم 175 رنز کے تعاقب میں 169 رنز بناسکی اوپننگ بلے باز ویل سمیڈ صرف تین رنز بناکر آؤٹ ہوگئے اوپننگ بلے باز احسان علی بھی 24 رنز بناکر آؤٹ ہوگئے کپتان سرفراز احمد اور بین ڈکٹ نے اچھی پارٹنر شپ قائم کی۔ بین ڈکٹ 47 اور سرفراز احمد 21رنز بناکر آؤٹ ہوئے۔ا

    فتحار احمد نے 13 گیندوں پر 30 رنز بنائے ان کی اننگز میں تین چھکے اور ایک چوکا شامل تھا جیمز فولکنر 17 رنز بنا کر آؤٹ ہوئے کوئٹہ گلیڈی ایٹرز کو آخری اوور میں جیت کے لیے8 رنز درکار تھے تاہم کوئٹہ گلیڈی ایٹرز 8 رنز بنانے میں ناکام رہے اور صرف ایک رنز بناسکے ملتان سلطانز کی جانب سے خوشدل شاہ اور عمران طاہر نے تین،تین وکٹیں حاصل کیں۔

    کراچی کے نیشنل اسٹیڈیم میں کھیلے جا رہے لیگ کے ساتویں میچ میں کوئٹہ گلیڈی ایٹرز نے ملتان سلطانز کے خلاف ٹاس جیت کر پہلے باؤلنگ کا فیصلہ کیا تھا میچ کے لیے کوئٹہ گلیڈی ایٹرز نے اپنی ٹیم میں کوئی تبدیلی نہیں کی البتہ ملتان سلطانز نے اپنی ٹیم میں ایک تبدیلی کرتے ہوئے احسان اللہ کی جگہ عباس آفریدی کو ٹیم میں شامل کیا ہے۔

    میچ کے لیے دونوں ٹیمیں ان کھلاڑیوں پر مشتمل ہیں۔

    کوئٹہ گلیڈی ایٹرز: سرفراز احمد (کپتان)، ول اسمیڈ، احسان علی، بین ڈکٹ، افتخار احمد، محمد نواز، سہیل تنویر، جیمز فلکنر، عاشر قریشی، محمد حسنین، نسیم شاہ

    محمد رضوان(کپتان)، شان مسعود، صہب مقصود، رائلی روسو، خوشدل شاہ، ٹم ڈیوڈ، ڈیوڈ ولی، عمران طاہر، عمران خان سینئر، شاہنواز دھانی، احسان اللہ

    واضح رہے کہ ملتان سلطان نے پی ایس ایل سیون میں اب تک کھیلے گئے اپنے دونوں میچز جیتے ہیں جبکہ کوئٹہ گلیڈی نے ایک میچ جیتا اور دوسرے میں اسے شکست کا سامنا کرنا پڑا۔اب تک دونوں ٹیموں کے درمیان سات میچز کھیلے گئے ہیں جس میں چار مرتبہ کوئٹہ گلیڈی ایٹرز جبکہ تین مرتبہ ملتان سلطانز فاتح رہی۔