Baaghi TV

Author: عائشہ ذوالفقار

  • کراچی پریس کلب انتخابات: ”دی ڈیمو کریٹس کاپھر کلین سوئپ،سعید غنی کی مبارکباد

    کراچی پریس کلب انتخابات: ”دی ڈیمو کریٹس کاپھر کلین سوئپ،سعید غنی کی مبارکباد

    وزیر اطلاعات و محنت سندھ سعید غنی نے کراچی پریس کلب کے سالانہ انتخابات میں فاضل جمیلی کی سربراہی میں دی ڈیموکریٹس پینل کی کامیابی پر مبارکباد پیش کی ہے۔

    باغی ٹی وی :سعید غنی نے دی ڈیموکریٹک پینل کے فاضل جمیلی کوصدر ، عبدالرشید میمن کو نائب صدر، وحیدراجپر کو خازن، رضوان بھٹی کو سیکریٹری، اسلم خان کو جوائنٹ سیکریٹری منتخب ہونے پر انہیں مبارکباد پیش کی-

    سعید غنی نے اپنے پیغام میں کہا کہ خلیل ناصر، شازیہ حسن، فاروق سمیع، لیاقت مغل، مونا خان، اطہرحسین اور نبیل اختر کو ممبر گورننگ باڈی منتخب ہونے پر انہیں بھی دل کہ گہرائیوں سے مبارک باد پیش کرتا ہوں۔

    سعید غنی نے کہا کہ کراچی پریس کلب نے اپنی جمہوری روایات کو برقرار رکھتے ہوئے جس طرح پرامن طریقے سے انتخابات کا انعقاد کرایا وہ قابل ستائش ہے کامیاب ہونے والے امیدواروں سے قوی الامکان امید ہے کہ وہ صحافیوں کی فلاح و بہبود اور اس ملک میں جمہوریت کے استحکام کے لئے اپنا بھرپور کردار ادا کریں گے۔

    حریم شاہ کو کیسے حاصل کیا:خاوند نے ساری کہانی سنادی

    وزیر اطلاعات و محنت سندھ نے کہا کہ پاکستان پیپلز پارٹی نے اپنے وجود سے آج تک اس ملک کی بقا اور سالمیت اور اس ملک میں جمہوریت کے استحکام کے لئے صحافیوں کے ساتھ ہمیشہ ہراول دستہ کا کردار ادا کیا ہے۔

    انہوں نے کہا کہ میں کامیاب ہونے والے تمام عہدیداروں اور صحافیوں کو یقین دہانی کرواتا ہوں کہ پیپلز پارٹی ہمیشہ صحافیوں کے حقوق کی جدوجہد میں ان کے شانہ بشانہ کھڑی ہوگی۔

    واضح رہے کہ کراچی پریس کلب کے سالانہ انتخابات برائے سال2022 میں ”دی ڈیمو کریٹس پینل“ نے کلین سوئپ کرلیا، 12 نشستوں پر بھر پور کامیا بی حا صل کر لی ہیں۔ دی ڈیمو کریٹس پینل نے13ویں بار کامیابی کی روایت کو برقرار رکھا ہیں۔کراچی پریس کلب کے سالانہ انتخابات برائے سال2022 میں ”دی ڈیمو کریٹس پینل“ نے تما م نشستوں پر واضح کامیابی حاصل کر لی ہے۔

    سالانہ انتخابات کیلئے پولنگ 25دسمبر بروز ہفتہ صبح 9 بجے سے شام6 بجے تک بغیر کسی وقفے کے کراچی پریس کلب میں جاری رہی، دی ڈیموکریٹس پینل، انڈپینڈنٹ پینل اور یونائیٹڈ جرنلسٹس پینل نے انتخا بات میں حصہ لیا ہے۔

    دھند اور رات کے اندھیرے میں الیکشن کمیشن تحلیل کردیا گیا

    کراچی پریس کلب کے1165 اراکین نے انتخابی عمل میں اپنا حق رائے دہا ئی کا استعمال کیا۔انتخابات میں کمپیوٹرائزڈ طر یقے سے اراکین کراچی پریس کلب اپنے کارڈ کو اسکین کے بعد اپنا ووٹ کاسٹ کیا۔ انتخابات کے لیے حسب روایت ووٹ ڈالنے کے لیے کے پی سی کلب کا کارڈ دکھانا لازمی قرار دیا گیا ہے۔

    موصول ہونے والے نتائج کے مطابق ”دی ڈیمو کریٹس پینل“ کے صدر کے امیدوار فاضل جمیلی785 ووٹ لیکر کامیاب قرار پائے دی ڈیمو کریٹس کی جانب سے نائب صدر کے امید وار عبدالرشید میمن نے 723ووٹ لے کر کامیاب قرار پائیں۔

    خزانچی کے عہدے پردی ڈیمو کریٹس پینل کے عبدالوحید راجپرنے 810ووٹ لیکر کامیابی حاصل کی سیکرٹری کی نشست کیلئے دی ڈیموکریٹس پینل کے محمد رضوان بھٹی 841ووٹ لیکر کامیاب ہوئے جوائنٹ سیکرٹری کے عہدے پردی ڈیموکریٹس پینل کے محمد اسلم خان814 ووٹ لیکر کامیاب ہوئے ۔

    دی ڈیمو کریٹس پینل نے گورننگ باڈی کی تمام 7 نشستو ں پر اپنے مدمقابل یونائیٹڈ جرنلسٹس پینل اور انڈپینڈنٹ پینل کو کلین سوئپ کیا ہے۔

    پاکستان کی سعودی عرب پر بیلسٹک میزائل حملے کی شدید مذمت

    دی ڈیمو کریٹس پینل کے خلیل احمد ناصر نے788 ووٹ،شازیہ حسن 742ووٹ،محمد فاروق سمیع740 ووٹ، محمد لیاقت مغل679 ووٹ،رسیدمیمونہ ہمدانی(مونا خان)675 ووٹ،سید اطہر حسین651 ووٹ اور سید نبیل اختر650 ووٹ لیکر گوررننگ باڈی کی نشستوں پر کامیاب قرار پائے ہیں۔

    کراچی پریس کلب کے سالانہ انتخابات کیلئے حسب روایت ووٹ ڈالنے کیلئے کلب کا کارڈ دکھانا لازمی قرار دیا گیا تھا۔

    الیکشن کیلئے1530 اراکین ووٹ کے اہل قرار دیے گئے تھے، جس میں سے 1165اراکین نے حق رائے دہی میں حصہ لیا۔ واضح رہے کہ کراچی پریس کلب کے 1958ء میں اپنے قیام سے آج تک ہر سال باقاعدگی سے انتخابات منعقد ہو رہے ہیں۔

    نواز شریف جب بھی واپس آئے جیل جائیں گے ،شہباز گل

  • کورونا وبا: مزید 2 افراد جاں بحق،359 نئے کیسز رپورٹ

    کورونا وبا: مزید 2 افراد جاں بحق،359 نئے کیسز رپورٹ

    پاکستان میں کورونا وائرس سے مزید 2 افراد جاں بحق ہو گئے-

    باغی ٹی وی : نیشنل کمانڈ اینڈ آپریشن سینٹر (این سی او سی) کے مطابق گزشتہ 24 گھنٹوں کے دوران ملک بھر میں 52 ہزار50کورونا ٹیسٹ کیے گئے مزید 359 کورونا کیسز رپورٹ ہوئے۔

    اومی کرون کا خوف:متحدہ عرب امارات نےچار ممالک پر پابندی عائد کر دی

    این سی او سی کے مطابق گزشتہ چوبیس گھنٹوں میں ملک میں کورونا کیسز کی مجموعی تعداد 12 لاکھ 93 ہزار440 جبکہ مجموعی اموات کی تعداد 28 ہزار 907ہو گئی ہے اور مثبت کیسز کی شرح 0.68 فیصد رہی۔

    امریکا میں اومی کرون نے تباہی مچا دی،اسپتالوں میں جگہ ختم، درجنوں فلائٹس منسوخ

    سندھ میں کورونا کے کیسز کی تعداد 4 لاکھ80 ہزار 525، خیبر پختونخوا میں ایک لاکھ 81 ہزار 204، پنجاب میں 4 لاکھ 44 ہزار553،اسلام آباد میں ایک لاکھ 8 ہزار450، بلوچستان میں 33 ہزار 624، آزاد کشمیر میں 34 ہزار 655 اور گلگت بلتستان میں 10 ہزار 429 ہو گئی ہے۔

    بھارت میں اومی کرون کا پھیلاؤ: 2ریاستوں میں رات کا کرفیو نافذ کرنے کا اعلان

    کورونا کے سبب سب سے زیادہ اموات پنجاب میں ہوئی ہیں جہاں 13 ہزار 63 افراد جان کی بازی ہار چکے ہیں جبکہ سندھ میں 7 ہزار 661، خیبرپختونخوا 5 ہزار 922، اسلام آباد 966، گلگت بلتستان 186، بلوچستان میں 363 اور آزاد کشمیر میں 746 افراد جان کی بازی ہار چکے ہیں۔

  • جنگل میں رہنے والی عورت جو مردار کھاتی اور جانوروں کی کھال پہنتی ہے

    جنگل میں رہنے والی عورت جو مردار کھاتی اور جانوروں کی کھال پہنتی ہے

    برطانوی خاتون کا کہنا ہے کہ غاروں میں پتھر کے عہد کی زندگی سے انہیں بچپن میں ہی محبت ہوگئی تھی-

    باغی ٹی وی : غیرملکی میڈیا کے مطابق برطانوی خاتون سارہ ڈے نے خود کو غار میں رہنے والی عورت قرار دیا ہےوہ خیمےمیں رہتی ہیں،مردارجانورکھاتی ہیں اور ان کی کھال سے تن ڈھانپتی ہیں پیشے کے لحاظ سے 34 سالہ سارہ ڈے بچوں کو تاریخ اور مشکل حالات میں زندہ رہنے کے طریقے سکھاتی ہیں لیکن وہ خود شہر چھوڑ کر جنگلات میں جاتی ہیں۔

    برطانیہ: 20 سالہ لڑکی نے اپنی پیدائش سے متعلق ڈاکٹر کیخلاف انوکھا مقدمہ جیت لیا

    گاڑیوں کی ٹکر سے ہلاک ہونے والے جانور سارہ ڈے کی غذا بنتے ہیں جبکہ وہ جڑی بوٹیوں سے علاج کرتی ہیں اور حیوانات کی کھال سے لباس بناتی ہیں سارہ نے کبوتر کے پر، خرگوش، گلہری اور چوہے کا گوشت بھی کھایا ہے جن کی لاشیں ہفتے میں ایک مرتبہ مل ہی جاتی ہیں جو کاروں کی ٹکر سے مرجاتے ہیں لیکن وہ 24 گھنٹے سے زائد پرانی لاش نہیں کھاتیں وہ گرم اور حال میں ہی مرا ہوا جانور کھانا پسند کرتی ہیں۔

    شہزادی کیٹ مڈلٹن محقق بن گئیں


    سارہ نے بتایا کہ اگر جانور نہ ملے تو وہ پودے اور جنگلی پھل کھاکرگزارہ کرتی ہیں تاہم انہوں نے خبردار کیا کہ بعض پھل اور جڑی بوٹیاں بیمار بھی کرسکتی ہیں اسی لیے وہ ان کی مکمل معلومات پر زور دیتی ہیں پھر کھانسی اور بخار یا دردسر میں بھی وہ جڑی بوتیوں سے خود اپنا علاج کرتی ہیں مثلاً جنگلی چیری کے درخت سے حاصل ہونے والی گوند سے وہ گلے کی خراش اور درد سر کا علاج کررہی ہیں اگر کبھی کو ہرن کی لاش مل جائے تو وہ اس کی کھال سے اپنے جسم کو ڈھانپتی ہیں جانوروں کی ہڈیوں کو وہ مختلف اوزار اور ہتھیاروں میں ڈھالتی ہیں

    سارہ ڈے کا کہنا ہے کہ غاروں میں پتھر کے عہد کی زندگی سے انہیں بچپن میں ہی محبت ہوگئی تھی اگرچہ ان کا گھرشہر میں ہے اور وہ اسکول میں پڑھاتی ہیں لیکن زیادہ تر جنگل میں ہی رہتی ہیں۔

    دو کبوتروں کی شاہانہ زندگی ، جن پر سالانہ 9 لاکھ روپے خرچ کئے جاتے ہیں

  • گرل فرینڈ کی ٹویٹ نے بالی ووڈ کی معروف ماما بھانجا کی جوڑی میں دراڑ ڈال دی

    گرل فرینڈ کی ٹویٹ نے بالی ووڈ کی معروف ماما بھانجا کی جوڑی میں دراڑ ڈال دی

    ممبئی: گرل فرینڈ کی ٹویٹ کی وجہ سے کرشنا ابھیشک اور گووندا کے رشتے میں دراڑ پڑ گئی-

    باغی ٹی وی : کامیڈی اسٹار کرشنا ابھشیک سے متعلق متنازعہ خبروں کے پیشِ نظر گووِندا اپنی کزن کی سالگرہ کی تقریب میں شریک نہیں ہوں گے بھارتی میڈیا کے مطابق کرشنا گووِندا کے بھانجے ہیں اور ماما بھانجے کی یہ جوڑی بالی وُڈ میں کافی شہرت رکھتی ہے ان میں اس وقت اختلافات ہوئے جب کرشنا کی گرل فرینڈ کشمیرا شاہ نے ٹویٹ کیا جس میں دکھایا گیا کہ کیسے کرشنا شادیوں کی تقریبات میں پیسوں کیلئے ڈانس کرتے ہیں یہ حرکت شاید کرشنا کے ماما گووِندا اور ممانی سنیتا آہوجا کو ناگوار لگی ہے۔

    جیکولین فرنینڈس سے کروڑوں کے تحائف ضبط کرنے کا فیصلہ

    گووِندا کی کزن جو کہ کرشنا کی سوتیلی والدہ بھی ہیں ، اپنی 66ویں سالگرہ منانے جارہی ہیں اس موقع پر جب کرشنا کی بہن آرتی سنگھ سے پوچھا گیا کہ کیا ان کے ماما ان کی سالگرہ میں آئیں گے تو ان کا جواب نفی میں تھا۔

    ان کا کہنا تھا کہ مجھے نہیں لگتا گووِندا تقریب میں شریک ہوں گے کیونکہ جب سے تنازعہ کھڑا ہوا ہے اس کے بعد سےہمارے درمیان بات چیت نہیں ہوئی ہے۔ لیکن میں چاہتی ہوں میری خوشی میں سب شریک ہوں افسوس کی بات ہے کہ سب الگ ہوگئے امید ہے کہ سب آپس میں دوبارہ جُڑ جائیں گے۔

    یاد رہے کہ کرشنا ابھشیک کی سگی ماں اور گووِندا کی بہن پدما کا انتقال ہوچکا ہے-

    زندگی میں کبھی فحش مواد بنانےمیں ملوث نہیں رہا،میرا میڈیا ٹرائل بند کیا جائے ،راج…

  • امتحانی پرچے میں سیف اورکرینہ کے بیٹے کا نام پوچھے جانے پرسکول کو شوکاز

    امتحانی پرچے میں سیف اورکرینہ کے بیٹے کا نام پوچھے جانے پرسکول کو شوکاز

    ممبئی: نجی اسکول کو امتحانی پرچے میں بالی ووڈ اداکار سیف علی خان اور اداکارہ کرینہ کپور کے بیٹے کا نام پوچھے جانے پر شوکاز نوٹس جاری کردیا گیا۔

    باغی ٹی وی : بھارتی میڈیا کے مطابق مدھیہ پردیش کے ایک اسکول میں کلاس 6 کے جنرل نالج کے پیپر میں حالات حاضرہ کے سوال کے طور پر سیف علی خان اور کرینہ کپور کے بیٹے کا نام پوچھا گیا اسکول کے اس عجیب و غریب اقدام پر اسکول کی پیرنٹ باڈی نے ریاستی محکمہ تعلیم سے اکیڈمک ہائٹس پبلک اسکول کے خلاف ایسا سوال پوچھنے پر سخت کارروائی کرنے کا مطالبہ کیا ہے۔

    بھارت میں مسیحیوں کو ہندو مذہب اختیار کرنے پر مجبور کیا جا رہا ہے: امریکی میڈیا…

    ضلعی پیرنٹس ایسوسی ایشن کے صدر انیش جھرجھارے نے اس معاملے پر فکرمندی کا اظہار کرتے ہوئے کہا ہے کہ اسکول انتظامیہ طالبعلموں سے ایسا غیر سنجیدہ سوال کس طرح کرسکتی ہے؟ طلبا سے تاریخی شخصیات کے بارے میں پوچھنے کے بجائے انہوں نے بالی ووڈ اداکاروں کے بیٹے کا پورا نام پوچھا۔

    رپورٹ کے مطابق کھانڈوا ڈسٹرکٹ ایجوکیشن آفیسر (ڈی ای او) سنجیو بھلیراؤ نے اس معاملے کا نوٹس لیتے ہوئے اسکول کو شو کاز نوٹس جاری کیا ہے انہوں نے کہا اسکول کی جانب سے دئیے جانے والے جواب کی بنیاد پر ہم اسکول کے خلاف کارروائی کریں گے اس کے علاوہ ہم دیگر کلاسوں کے امتحانی پرچوں کا بھی جائزہ لیں گے۔

     

    حریم شاہ کو کیسے حاصل کیا:خاوند نے ساری کہانی سنادی

    واضح رہے کہ چھٹی کلاس کے امتحانی پرچے کی تصویر سوشل میڈیا پر وائرل ہورہی ہے جس میں جنرل نالج کے سیکشن میں 5 سوالات پوچھے گئے ہیں جن میں سے ایک سوال ہے کرینہ کپور اور سیف علی خان کے بیٹے کا پورا نام لکھیں؟ صرف یہی نہیں بلکہ ایک اور سوال بھی کافی متنازع ہے جس میں پوچھا گیا ہے شمالی کوریا کے آمر (ڈکٹیٹر) کون ہیں؟

    یادرہے کہ سیف علی خان اور کرینہ کپور کے دو بیٹے ہیں بڑے بیٹے کا نام تیمور علی خان ہے جو اپنی پیدائش سے ہی مقبول ترین اسٹار کڈ ہیں جب کہ ان کے دوسرے بیٹے کا نام جہانگیر علی خان ہے جسے پیار سے ’’جے‘‘ کہا جاتا ہے سیف اور کرینہ کے دونوں بیٹے اپنے ناموں کی وجہ سے بھی خبروں میں رہتے ہیں۔

    جیکولین فرنینڈس سے کروڑوں کے تحائف ضبط کرنے کا فیصلہ

  • حریم شاہ کو کیسے حاصل کیا:خاوند نے ساری کہانی سنادی

    حریم شاہ کو کیسے حاصل کیا:خاوند نے ساری کہانی سنادی

    ٹک ٹاک اسٹار حریم شاہ کے شوہر بلال شاہ کا کہنا ہے کہ ان کے والدین کی دعاؤں کے صلے میں انہیں حریم شاہ جیسی بیوی ملی۔

    باغی ٹی وی :پاکستانی سیاست اور میڈیا میں ہلچل مچانے والی پاکستان کی متنازع ترین ٹک ٹاک اسٹار حریم شاہ نے پہلی بار اپنے شوہر بلال شاہ کے ساتھ انٹرویو دیا ہے جس میں دونوں نے ایک دوسرے کے بارے میں کُھل کر بات کی-

    حریم شاہ کے شوہر رہتے تو کراچی میں ہیں لیکن ان کا تعلق مانسہرہ سے ہے حریم اور بلال شاہ کی ملاقات کیسے ہوئی اور شادی پسند کی تھی یا والدین کی؟ اس سوال کے جواب میں بلال نے کہا ہماری لو پلس ارینج میرج ہے۔

    ویڈیو وائرل ہونے پرصبور علی سوشل میڈیا صارفین پر بھڑک اٹھیں

    حریم شاہ نے اپنی شادی کے حوالے سے کہا کہ ہماری شادی کو کئی ماہ ہوچکے ہیں لیکن شادی سے پہلے ہماری نہ زیادہ ملاقاتیں ہوئی تھیں اور نہ ہی فون پر بات ہوتی تھی بس جب ہماری ملاقات ہوئی تو ہمیں لگا کہ ہم دونوں کو شادی کرلینی چاہئے بلال سے شادی کرنے پر میرے گھر والے بھی خوش تھے اور ان کی رضامندی شامل تھی لہذا میں نے اپنی فیملی کی وجہ سے انہیں قبول کیا اور ہماری شادی ہوئی۔

    حریم شاہ کی شادی کی تقریب کراچی میں ہوئی تھی حریم نے بتایا کہ میں شادی بہت سکون اور خاموشی سے کرنا چاہتی تھی، دکھاوا کرنا نہیں چاہتی تھی، لوگ شادیوں میں دکھاوا کرتے ہیں اسراف کرتے ہیں میں یہ سب نہیں چاہتی تھی-

    حریم شاہ نے اپنے شوہر کی خصوصیات بتاتے ہوئے کہا کہ ان کے شوہر اچھے، کیوٹ، معصوم، اپنے کام سے کام رکھنے والے سنجیدہ شخص ہیں حریم نے کہا مجھے منشیات لینے والے، اسموکنگ کرنے والے لڑکے نہیں پسند تھے اور بلال نہ اسموک کرتے ہیں، نہ نشہ کرتے ہیں، نہ کسی کی غیبت کرتے ہیں، نہ فضول بولتے ہیں حریم شاہ نے بتایا کہ ان کے شوہر کی شخصیت میں کوئی خامی نہیں۔

    عامر خان اور فاطمہ ثنا شیخ خفیہ طور پر شادی کے بندھن میں بندھ گئے؟

    انٹرویو میں حریم شاہ کے شوہر بلال شاہ نے کہا میں خدا کا شکر اداکرتا ہوں کہ اللہ تعالیٰ نے مجھے بہت اچھا جیون ساتھی دیا۔ حریم اچھے کردار کی، خیال رکھنے والی مخلص لڑکی ہے یہ صرف میرے ماں باپ کی دعاؤں کا صلہ ہے کہ مجھے اتنا چھا جیون ساتھی دیا میں اللہ تعالیٰ کا لاکھ لاکھ شکرادا کرتا ہوں۔

    انٹرویو کے دوران بلال شاہ نے بتایا کہ انہوں نے حریم شاہ کو ہر چیز کی آزادی دی ہوئی ہے اور ان پر کسی قسم کی کوئی پابندی نہیں لگائی حریم شاہ نے آج تک ایسا کوئی کام نہیں کیا جس سے مجھے سر جھکانا پڑے جس دن سے میں نے حریم سے شادی کی ہے اس دن سے لےکر آج تک انہوں نے کہیں میری نظریں جھکنے نہیں دیں تاہم انہوں نے کہا کہ حریم بہت بیوقوف ہیں بہت جلد ہر کسی پر بھروسہ کرلیتی ہیں، لہذا میں انہیں سمجھاتا ہوں کہ فوراً ہر کسی پر بھروسہ نہیں کرتے۔

    بلال شاہ نے کہا کہ انہیں دو بچے پسند ہیں جب کہ حریم کا کہنا ہے کہ انہیں بچے بہت سارے پسند ہیں وہ اپنے بچوں کے اسلامی نام رکھیں گی۔

    لعنت ہو ایسی حکومت پر، جلد ان کے برے دن آنے والے ہیں،جیا بچن کی بی جے پی پر کڑی…

    میزبان نے حریم شاہ سے پوچھا چند ماہ پہلے آپ نے کہا تھا کہ آپ کی شادی رکن سندھ اسمبلی سے ہوئی ہے اور وہ سیاستدان ہیں؟ اس سوال کے جواب میں حریم شاہ نے کہا بلال شاہ کا تعلق بھی سیاست سے بہت گہرا ہے اور اس وقت جو میں نے کہا تھا کہ میرے شوہر وزیر ہیں تو وہ میں نے صرف لوگوں کو چھیڑنے اور شغل میلہ لگانے کے لیے کہا تھا-

  • لکھنے کی بجائے صرف سوچ کر ٹویٹ کرنے کا کامیاب تجربہ

    لکھنے کی بجائے صرف سوچ کر ٹویٹ کرنے کا کامیاب تجربہ

    سائنسدانوں نے لکھنے کی بجائے صرف سوچ کر ٹویٹ کرنے کا کامیاب تجربہ کیا ہے-

    باغی ٹی وی : غیر ملکی خبر رساں ادارے کی رپورٹ کے مطابق آسٹریلیا کی برین کمپیوٹر انٹرفیس کمپنی سنکرون نے دماغی عارضے میں مبتلا شخص کے خیالات کو براہ راست ٹویٹس میں تبدیل کرنے کا کامیاب تجربہ کیا ہے جس میں انہوں نے ۔۔ ہیلو دنیا ۔۔ کی ٹوئٹ کی، اس کے لیے 62 سالہ شہری کے دماغ میں ایک خاص چپ ڈالی گئی۔

    یہ بی سی آئی ٹیکنالوجی کا علامتی طور پر ایک اہم لمحہ ہے جو فالج کے شکار لوگوں کے لیے دنیا کے ساتھ رابطے میں رہنے کا دروازہ کھول سکتا ہے۔

    ٹک ٹاک ایپ کانیا فیچر:کھانے بھی کھائیں اور منافع بھی کمائیں

    دوسری جانب دنیا بھر میں مقبول ایپ ٹک ٹاک اب صارفین کو اپنی سائٹ پر کھانے بھی ڈیلیور کرے گی ٹک ٹاک اب صرف کھانوں کی عالمی شہرت یافتہ ایپ ورچوئل ڈائننگ کانسیپٹس اور گرب ہب کے ساتھ اشتراک کر رہی ہے جس کے بعد سائٹ پر مقبول کھانوں کی ڈیلیوری کی جائے گی۔

    ٹک ٹاک کچن کا مینیو ایپ کی مقبول ڈشز پر مبنی ہوگا اس حوالے سے کہا گیا ہے کہ مینیو میں فیٹا پاستا بھی شامل ہے جس کو گوگل نے 2021 کی سب سے زیادہ سرچ کی جانے والی ڈش قرار دیا تھا ابتدائی طور پر مینیو میں پاستا، چپس، سمیش برگرز اور کارن ربز شامل ہوں گے-

    مواد کی خلاف ورزی،روس نے گوگل پر 98 ملین ڈالر جرمانہ عائد کردیا

    ابتدائی طور پر ٹک ٹاک کچن کو 300 مقامات پر لانچ کیا جائے گا جو مارچ میں ڈشز کی ڈیلیوری کا آغاز کرے گے جبکہ آئندہ سال کے اختتام تک ٹک ٹاک کچن کے ایک ہزار سے زائد ریسٹورنٹس کھولنے کی منصوبہ بندی کی گئی ہے مینیو میں ہر تین ماہ بعد تبدیلی کی جائے گی منافع میں سے کچھ رقم ان افراد کو بھی دی جائے گی جن کے کھانوں کی ویڈیوز ٹک ٹاک پر مقبول ہوئی ہوں لیکن تاحال یہ واضح نہیں ہے کہ منافع کس شرح سے دیا جائے گا۔]

    ہمالیائی گلیشیئر غیرمعمولی تیزی سے پگھل رہے،رقبہ 8,400 مربع کلومیٹر کم ہو گیا

  • بہترین اوقات جن میں پانی پینا انتہائی مفید ثابت ہوتا ہے

    بہترین اوقات جن میں پانی پینا انتہائی مفید ثابت ہوتا ہے

    پانی جتنا زیادہ پیا جائے اتنا صحت کیلئے مفید ہے انیسویں صدی کے آغاز تک زیادہ پانی پینا بری بات سمجھا جاتا تھا اونچے طبقے کے افراد زیادہ پانی پینا اپنی توہین سمجھتے تھے انہیں لگتا تھا کہ پیٹ کو پانی سے بھرنا تو غریبوں کا کام ہے۔ وہ ایسا کرنا اپنی شان کے خلاف سمجھتے تھے۔

    تاہم آج کل دنیا بھر میں خوب پانی پیا جاتا ہے۔ امریکہ میں بوتل بند پانی کی مانگ سوڈے سے بھی زیادہ ہو گئی ہے ایسا اس لیے بھی ہو رہا ہے کہ دن رات لوگوں کو خوب پانی پینے کا مشورہ دیا جاتا ہے زیادہ پانی پینے کو اچھی صحت کا راز اور خوبصورت جلد کی وجہ بتایا جا رہا ہے اس کے علاوہ زیادہ پانی پی کر کینسر اور وزن سے چھٹکارے کے نسخے بھی عام ہیں۔

    ذیا بیطس اور موٹاپے میں مبتلا خواتین میں بریسٹ کینسرکا خطرہ بڑھ سکتا ہے تحقیق

    سنہ 1945 میں امریکہ میں فوڈ اینڈ نیوٹریشن بورڈ آف نیشنل ریسرچ کونسل نے بڑوں کو مشورہ دیا کہ انہیں ہر کیلوری کو ہضم کرنے کے لیے ایک ملی لیٹر پانی پینا چاہیے اس کا مطلب یہ ہوا کہ اگر آپ دن میں دو ہزار کیلوری لینے والی خاتون ہیں تو آپ کو دو لیٹر پانی پینا چاہیے۔ ڈھائی ہزار کیلوری لینے والے مردوں کو دو لیٹر سے زیادہ پانی پینا چاہیے۔

    اس میں صرف سادہ پانی شامل نہیں ہے بلکہ پھلوں، سبزیوں اور دوسری پینے کی چیزوں سے ملنے والا پانی بھی شامل ہے۔ پھلوں اور سبزیوں میں 98 فیصد تک پانی ہو سکتا ہے اس کے علاوہ اس میں کوئی دو رائے نہیں کہ پانی جسم کے لیے بہت ضروری ہے۔ ہمارے جسم کے کل وزن کا دو تہائی حصہ پانی ہی ہوتا ہے۔ پانی جسم سے خراب عناصر کو باہر نکالنے میں اہم کردار ادا کرتا ہے۔

    ڈبل روٹی کے انسانی صحت پر منفی اثرات طبی ماہرین

    ہمارے جسم کا درجہ حرارت درست رکھنے کے لیے، جوڑوں کو برقرار رکھنے کے لیے اس کے علاوہ بھی پانی کئی اہم کام کرتا ہے۔ جسم کے اندر ہونے والی کیمیائی تبدیلیاں بھی پانی کے بغیر ممکن نہیں ہم پسینے، پیشاب اور سانسوں کے ذریعہ پانی جسم سے خارج کرتے رہتے ہیں۔ ایسے میں بے حد ضروری ہے کہ ہم جسم میں پانی کی کمی نہ ہونے دیں۔

    معروف میڈیکل نیوز ویب سائٹ WebMD کے مطابق 24 گھنٹوں میں کچھ اوقات ایسے ہیں جس میں پانی پینا انتہائی مفید ثابت ہوسکتا ہے دن و رات کے ان اوقات میں پانی پینے کا فائدہ دوچند ہوجاتا ہے-

    حکومت غیر متعدی بیماریوں سے بچاؤ کے لیے بھی این سی او سی کی طرز کے اقدامات اٹھائے ماہرین

    جب آپ کو بھوک لگ رہی ہو تو کھانا کھانے سے پہلے پانی پیئں ، جب آپ سو کر اٹھیں: کیونکہ طویل نیند کی وجہ سے آپ کا جسم ایک طرح سے روزے کی حالت میں ہوتا ہے، نہ کچھ کھایا گیا ہوتا ہے اور نہ پیا؛ جب بھی پسینے آنا شروع ہوں تو ایسی حالت میں زیادہ دیر بغیر پانی کے رہنا طبی پیچیدگیوں کا باعث بن سکتا ہے۔

    ورزش سے پہلے، ورزش کے دوران اور ورزش کے بعد پانی پیئں طبیعت خراب ہونے کے دوران جسم میں پانی کی سطح کو برقرار رکھنا ہی بیماری سے افاقے کی کنجی ہے۔ اسہال، اُلٹی، بخار وغیرہ جسم سے پانی کی سطح کو کم کردیتے ہیں، جب آپ ہوائی جہاز میں ہوں جی ہاں! جتنی زیادہ اونچائی ہوگی ہوا میں نمی کا تناسب اتنا ہی کم ہوگا جسکی وجہ سے جہاز کی اندرونی ہوا خشک رہتی ہے کوشش کریں پانی کی بوتل اپنے ساتھ رکھیں۔

    ذیا بیطس کے مریضوں کے لئے مفید پھل

    خواتین کیلئے مخصوص ایام کے آغاز میں جو درد کی لہریں اٹھتی ہیں یہ dehydration کا ہی نتیجہ ہوتا ہے اگر حیض سے پہلے ہی زیادہ مقدار میں پانی پینا شروع کردیا جائے تو اس تکلیف سے بچا جاسکتا ہے۔

    بعد دوپہر کے ہم میں سے اکثریت اپنی توانائی کسی نہ کسی کام یا سرگرمی میں صرف کرچکی ہوتی ہے تھکاوٹ محسوس ہورہی ہوتی ہے۔ ایسے میں کافی یا چائے پینے کے بجائے پانی پی لیا جائے تو وہ زیادہ فائدہ مند ہے ،سر میں درد ہونے کی سب سے عام وجہ پانی کی کمی ہی ہے دماغ کا تین چوتھائی حصہ پانی پر مشتمل ہے۔

    وزن گھٹانے کی پلاننگ میں پانی صرف پیٹ بھرنے والی کیلوری فری شے ہی نہیں بلکہ یہ ہاضمہ بھی اچھا کرتی ہے پانی جسم میں موجود چربی کو گُھلانے کے عمل کو تیز بھی کرتا ہے۔

    مسلسل بے خوابی اور خراب نیند سے فالج کا خدشہ بڑھ سکتا ہے نئی تحقیق

  • پاکستان کی سعودی عرب پر بیلسٹک میزائل حملے کی شدید مذمت

    پاکستان کی سعودی عرب پر بیلسٹک میزائل حملے کی شدید مذمت

    پاکستان نے سعودی عرب پر بیلسٹک میزائل حملے کی شدید مذمت کی ہے۔

    باغی ٹی وی : ترجمان دفتر خارجہ کے مطابق ایسے حملے عالمی قوانین کی خلاف ورزی ہے، میزائل حملے سعودی عرب اور خطے کے امن کیلئے بھی خطرہ ہیں پاکستان سعودی عرب کی بھرپور حمایت کرتا ہے۔

    واضح رہے کہ حوثی باغیوں نے سعودی شہر جازان کو بیلسٹک میزائل سے نشانہ بنایا جس کے نتیجے میں 2 افراد جاں بحق اور 7 زخمی ہوگئے جب کہ حملے کے نتیجے میں ایک صنعتی ورکشاپ کو بھی نقصان پہنچا ہے، جاں بحق افراد میں سے ایک کا تعلق یمن جب کہ دوسرا سعودی شہری ہے۔

    دوران ڈیوٹی شادی کی پیشکش قبول کرنے پر خاتون فوجی افسر گرفتار

    جنرل ڈائریکٹوریٹ آف سول ڈیفنس کے ترجمان لیفٹیننٹ جنرل کرنل محمد الحمادی نے بتایا کہ عرب اتحاد نے بین الاقوامی اور انسانی قانون کے دائرہ کار میں بڑے پیمانے پر فوجی آپریشن کی تیاری شروع کی ہے وہ مملکت کی سرزمین پر شہریوں اور رہائشیوں دونوں کے تحفظ کے لیے سختی سے نمٹیں گے۔

    دوسری جانب عرب اتحادی افواج کے مطابق اس سے قبل نجران شہر میں بھی میزائل حملہ کیا گیا جس کے نتیجے میں ایک گاڑی کو نقصان پہنچا جب کہ حملوں کے بعد اتحادی افواج کی جوابی کارروائی میں بیلسٹک میزائل کے 4 ڈپو اور ڈرونز تباہ کردیے گئے۔

    ایف ڈی اے نے دنیا کے پہلے ایچ آئی وی انجیکشن کی اجازت دے دی

    دوسری جانب ان راکٹوں کے ردعمل میں عرب اتحاد نے حوثی ملیشیا کے ٹھکانوں پرفضائی حملے کیے تھے اور راکٹ اور میزائل چلانے کی جگہوں کو نشانہ بنایا تھا۔اس نے مزید کہا تھا کہ حوثیوں کے فوجی اہداف پرمزیدحملے کیے جائیں گے۔

    عرب اتحاد نےحوثیوں کے زیرقبضہ یمنی دارالحکومت صنعاء کے شمال مغرب میں ایک فوجی گاڑی کو فضائی حملے میں نشانہ بنایا ہے جس کے نتیجے میں حوثی ملیشیا کے تین جنگجوہلاک ہوگئے ہیں۔

    سعودی عرب چین کی مدد سے اپنے بیلسٹک میزائل بنا رہا ہے،امریکی حساس اداروں کا دعویٰ

  • نواز شریف جب بھی واپس آئے جیل جائیں گے ،شہباز گل

    نواز شریف جب بھی واپس آئے جیل جائیں گے ،شہباز گل

    معاون خصوصی شہباز گل نے کہا ہے کہ اگر عمران خان اپوزیشن لیڈر بھی ہوئے تو انہیں این آر او نہیں دیں گے۔

    باغی ٹی وی : تفصیلات کے مطابق جلسے سے خطاب میں انہوں نے کہا کہ نواز شریف ویزہ ختم ہونے کی وجہ سے وطن واپس آ رہے ہیں، وہ جھوٹ بول کر ملک سے گئے تھے کہا جا رہا ہے کہ نوازشریف کی اسٹیبلشمنٹ سے ڈیل ہو گئی ہے وہ واپس آرہے ہیں ، نواز شریف جب بھی واپس آئے جیل جائیں گے۔

    شہباز گل نے کہا کہ عمران خان اپوزیشن لیڈر بھی ہوا تو تمہیں این آر او نہیں دے گا نوازشریف کی نااہلی ختم ہونے کی باتیں صرف فسانہ ہیں۔

    ملک کے مختلف علاقوں میں بارش اور برفباری متوقع

    اس سے قبل وفاقی وزیر واطلاعات فواد چودھری کا کہنا تھا کہ ملکی تاریخ میں سابق وزیراعظم نوازشریف کا باب اب بند ہوچکا ہے۔ ہم تو حق میں ہیں انہیں واپس لایا جائے۔

    سابق وزیراعظم میاں نواز شریف کی نااہلی ختم کرنے کے لیے راستے نکالے جا رہے ہیں کہ سوال پر جواب دیتے ہوئے وفاقی وزیر اطلاعات کا کہنا تھا کہ لیگی قائد کی کرپشن نیب لاء میں ثابت ہوچکی ہے، سیاسی بونے اپنا قد بڑھانے کے لیے اس طرح کی باتیں کرتے ہیں۔

    مسلم لیگ ن کے قائد ڈبل نااہل ہیں، ایک سپریم کورٹ سے جبکہ دوسری جانب سے وہ نیب لاء میں بھی نا اہل ہیں، ملکی تاریخ میں نوازشریف کا باب اب بند ہوچکا ہے۔ وہ برطانیہ میں چھپ کر بیٹھے ہوئے ہیں، ہم توحق میں ہیں ان کوواپس لایا جائے، عدالت کوچاہیے تھا شہبازشریف نے گارنٹی دی تھی تو اب مسلم لیگ ن کے صدر سے پوچھا جائے اداروں کو بدنام نہیں کرنا چاہیے۔

    سیاسی باب ہمیشہ کےلیے بند ہو چکا، نواز شریف کو واپس ملک لایا جائے: فواد چودھری

    واد چودھری کا کہنا تھا کہ پاکستان تحریک انصاف (پی ٹی آئی) ملک کی سب سے بڑی جماعت ہے، پارٹی میں سب کی رائے کو سنا جاتا ہے، اپوزیشن اکثریت ہونے کے باوجود صادق سنجرانی کوہٹانے کے قابل نہیں تو اس سے اندازہ لگا لیں انہوں نے کیا کرنا ہے وفاقی وزیر اطلاعات کا کہنا تھا کہ ہم چاہتے ہیں لوگوں کا جوڈیشل سسٹم پر اعتماد بڑھنا چاہیے، چیف جسٹس،جج صاحبان کے سوچنے کا کام ہے۔

    ان کا کہنا تھا کہ میڈیا جو کچھ کر رہا ہے اس سے پاکستان کو شدید نقصان پہنچ رہا ہے، یہ کہنا کہ فوج کے کہنے پرسورج نکلتا اور ڈوبتا ہے، اس طرح کی باتوں سے پاکستان کے امیج کو نقصان پہنچایا جارہا ہے، ون پیج کا ایشونہیں ہے، بدقسمتی سے میڈیا کی وجہ سے پرسپشن بن رہا ہے، ان چیزوں کوروکنا چاہیے پاکستان کا امیج خراب ہورہا ہے۔

    انڈر 19 ایشیا کپ،پاکستان نے بھارت کو 2 وکٹوں سے شکست دے دی