لندن: برطانوی وزیر اعظم بورس جانسن لکھی ہوئی تقریر کے صفحے آگے پیچھے ہونے پر مشکل میں پھنس گئے۔

باغی ٹی وی : غیر ملکی خبر رساں ادارے کے مطابق برطانوی وزیر اعظم بورس جانسن صنعت کاروں سے خطاب کر رہے تھے کہ اس دوران ان کی لکھی ہوئی تقریر کے صفحے آگے پیچھے ہو گئے جنہیں وہ ٹھیک کرنے کی کوشش کرنے لگے۔

برطانوی وزیر اعظم اپنی لکھی تقریر درست کرنے کے دوران بار بار مقررین سے معذرت کرتے نظر آئے اور ادھر اُدھر کی باتیں کرنے لگے اور تقریب کے دوران اپنے ایک تفریحی پارک کے دورے کا بھی ذکر لے کر بیٹھ گئے لیکن معاملہ حل نہ ہو سکا۔

برطانوی وزیر اعظم نے بعد میں کہا کہ وہ جو کہنا چاہتے تھے وہ نہیں کہہ سکے جس کی وجہ سے انہیں پریشانی کا سامنا بھی کرنا پڑا تاہم کسی حد تک وہ اپنی بات پہنچانے میں کامیاب ہو گئے ہیں۔

جب صحافیوں نے ان سے تقریر کے بارے میں پوچھا تو جانسن بے چین نظر آئے اور کہا کہ انہوں نے وہ نکات مس کردئیے ہیں جو وہ چاہتے تھے تاہم انہوں نے کہا مجھے لگتا ہے کہ لوگوں کو زیادہ تر پوائنٹس مل گئے جو میں بنانا چاہتا تھا۔ میں نے سوچا کہ یہ ٹھیک ہو گیا ہے۔

بھارت ميں ایک اسپتال کے مردہ خانے میں رکھی گئی ایک شخص کی لاش اگلے دن اچانک زندہ ہوگئی۔

باغی ٹی وی : بھارتی میڈیا رپورٹس کے مطابق دہلی کے علاقے مراد آباد ميں حادثے کے بعد اسپتال لائے جانے والے 45 سالہ سريش کمار کو ڈاکٹرز نے مردہ قرار دے ديا تھا ڈاکٹروں کی تصدیق کے بعد سریش کمار کی لاش پوسٹ مارٹم کے لئے سرکاری ہسپتال کے مردہ خانے منتقل کردی گئی تھی لیکن وہ اگلی صبح اچانک اٹھ کر بیٹھ گیا ڈاکٹروں نے اس کا دوبارہ علاج شروع کرديا ہے لیکن وہ فی الوقت کوما ميں ہے۔

ہسپتال کے میڈیکل سپرانٹینڈنٹ راجیندر کمار نے اتوار کو بتایا’ایمرجنسی میڈیکل آفیسر نے موقعے پر ان کا معائنہ کیا تو ان میں زندگی کے کوئی آثار نہیں تھے اس لیے انہیں مردہ قرار دے دیا گیا پولیس کو اس بارے میں آگاہ کر دیا گیا تھا اور ’لاش‘ کو چھ گھنٹوں تک مردہ خانے کے فریزر میں رکھ دیا گیا جب تک کہ ان کے رشتے دار یہاں نہیں پہنچ گئے۔

انہوں نے کہا کہ’جب پولیس اور رشتے دار پوسٹ مارٹم کے لیے کاغذی کارروائی میں مصروف تھے تو پتہ چلا کہ سرکیش کمار سانس لے رہے تھے۔‘ڈاکٹر نے کہا کہ ’یہ واقعہ کسی مجعزے سے کم نہیں ہے اس بارے میں بھی تحقیقات کی جا رہی ہیں کہ ڈاکٹرز نے انہیں کیسے مردہ قرار دے دیا تھا۔

ملبورن: آسٹریلیا میں وژول آرٹسٹ پامیلا کلیمین پاسی کے تعاون سے مردانہ ملبوسات بنانے والی ایک کمپنی ’پولیٹکس‘ (Politix) نے مردانہ مونچھوں سے بنا ہوا ایک کوٹ نمائش میں رکھا ہے-

باغی ٹی وی : تفصیلات کے مطابق، ہر سال نومبر میں ’’مومبر‘‘ (Movember) کا عالمی تہوار بھی منایا جاتا ہے جس میں دنیا بھر کے مردوں کو مونچھیں بڑھانے کی ترغیب دیتے ہوئے مردانہ صحت اور امراض کے بارے میں آگاہی دی جاتی ہے –

ملبورن، آسٹریلیا کی ’پولیٹکس‘ نے اس سال ’’مومبر‘‘ منانے کےلیے اعلان کیا کہ وہ پامیلا کلیمین پاسی کے تعاون سے ایسا کپڑا تیار کروا رہی ہے جو مکمل طور پر مردانہ مونچھوں پر مشتمل ہوگا پامیلا اس منصوبے میں شمولیت کےلیے تیار تھیں کیونکہ ان کے شوہر کا انتقال بھی 2016 میں پروسٹیٹ کینسر سے ہوا تھا۔

کپڑے کےلیے مونچھوں کے بال فراہم کرنے کی ذمہ داری ’’سسٹین ایبل سیلونز‘‘ نے قبول کی جو آسٹریلیا میں سیلونز سے کاٹے گئے بالوں کی ری سائیکلنگ کا منصوبہ ہےالبتہ بہت سے دوسرے لوگوں نے بھی پامیلا کو براہِ راست مونچھوں کے بال بھیج کر اپنی دلچسپی کا اظہار کیا۔

پولیٹکس کے مطابق، مونچھوں کے بالوں سے لباس تیار کرنا کوئی آسان کام نہیں تھا کیونکہ پہلے مرحلے پر چھوٹے چھوٹے بالوں کو یکجا کرکے ایسے کپڑے کی شکل دینا تھا جو پہننے میں نرم و ملائم ہو جبکہ اس میں بالوں کی چبھن بھی نہ ہو-

پامیلا نے یہ چیلنج بخوبی پورا کیا اور مونچھوں کے بالوں سے مطلوبہ خصوصیات کا حامل کپڑا تیار کرکے ’پولیٹکس‘ کے ڈریس ڈیزائنر کے سپرد کردیا جس کے بعد جلد ہی اس کپڑے سے ایک خوبصورت مردانہ سوٹ تیار کرکے نمائش میں رکھ دیا گیا-

بھارتی طیارہ گرا کر فنٹاسٹک چائے پینے والے ابھی نندن کو بہادری کا تمغہ دے دیا گیا۔

باغی ٹی وی :بھارتی میڈیا کے مطابق مودی سرکاری نے پاکستان کی فنٹاسٹک چائے پینے والے پائلٹ ابھینندن کو ملک کا تیسرا بڑا ایوارڈ دے دیا ابھینندن ورتھمان کو 27 فروری 2019 کو پاکستانی طیارہ مار گرانے پر آ ج صبح بھارتی صدر رام ناتھ کوونڈ کی جانب سے” ویر چکرا ایوارڈ” سے نوازا۔

Delhi: Wing Commander (now Group Captain) Abhinandan Varthaman being accorded the Vir Chakra by President Ram Nath Kovind, for shooting down a Pakistani F-16 fighter aircraft during aerial combat on February 27, 2019. pic.twitter.com/vvbpAYuaJX

— ANI (@ANI) November 22, 2021

بھارتی میڈیا کی جانب سے دعویٰ کیا گیا ہے کہ ابھینندن مِگ 21 طیارے کا پہلا پائلٹ ہے جس نے F-16 کو مار گرایا تھا ہندوستانی ایوارڈ ’ویر چکرا‘ جنگ کے دوران دشمن کے سامنے فوجی کی بہادری کو دیکھتے ہوئے اُسے دیا جاتا ہے-

یاد رہے کہ بھارتی میڈیا کی جانب سےجھوٹی خوش خبری دینے کے لیے 27 فروری 2019ء کو پیش آنے والے واقعے کو توڑ مڑور کو پیش کیا گیا ہے جبکہ بھارتی میڈیا نے کالے کو سفید لکھنے میں بھی کوئی شرم محسوس نہیں کی مودی سرکاری اور میڈیا نے دعویٰ کیا تھا کہ ابھینندن نے ایک پاکستانی ایف 16 طیارے کو مار گرایا تھا تاہم بین الاقوامی میڈیا نے پاکستانی طیارہ گرانے کے دعوے کو مسترد کر دیا تھا جبکہ بعد ازاں خود بھارتی فوج نے بھی پاکستانی طیاروں کی گنتی کو پورا قرار دیا تھا۔

2 برس قبل 27 فروری کو پاکستان فضائیہ نے اپنی حدود میں ایک بھارتی طیارہ مار گرایا تھا اور طیارے میں موجود بھارتی پائلٹ نے چھلانگ لگا کر اپنی جان بچائی تھی تاہم پائلٹ کو پاکستانی حدود میں گرتے ہی شہریوں نے اس کی خوب درگت بنائی تھی پاک فوج نے ابھینندن کو شہریوں کے چنگل سے نکال کر ایک بار پھر اس کی جان بچائی تھی اور چائے پلا کر بھارت کے حوالے کر دیا تھا ابھینندن کو پلائی گئی چائے کی ویڈیو “فنٹاسٹک ٹی” کے نام سے وائرل ہو گئی تھی کیونکہ ابھینندن نے ویڈیو میں کہا تھا کہ “ٹی از فنٹاسٹک”