پوپ فرانسس نے مذہبی جنسی استحصال کے اسکینڈلز کو بے نقاب کرنے پر صحافیوں کا شکریہ ادا کیا ہے-

باغی ٹی وی :"واشنگٹن ٹائمز” کے مطابق کہ پوپ فرانسس نے صحافیوں کا شکریہ ادا کرتے ہوئے کہا کہ آپ چرچ میں ہونے والی غلط حرکتوں کو سامنے لے کر آئے جو رومن کیتھولک چرچ نے ابتدائی طور پر چھپانے کی کوشش کی۔

پوپ فرانسس نے دو صحافیوں رائٹرز کے فلپ پلیلا اور میکسیکو کے نوٹیسیروس ٹیلی ویسا کی ویلنٹینا الازراکی کے اعزاز میں منعقد ایک تقریب سے خطاب کیا جنہوں نے اپنا طویل پیشہ ورانہ مدت ویٹیکن میں گزرا۔

پوپ فرانسس نے صحافت کو ’مشن‘ قرار دیتے ہوئے کہا کہ صحافیوں کے لیے یہ ضروری ہے کہ وہ اپنے نیوز رومز سے باہر نکلیں اور یہ دریافت کریں کہ بیرونی دنیا میں کیا ہو رہا ہے تاکہ اکثر آن لائن پائی جانے والی غلط معلومات کا مقابلہ کیا جا سکے لہذا میں آپ کا شکریہ ادا کرتا ہوں کہ آپ ہمیں چرچ میں جو غلط ہوا اس کے بارے میں بتایا۔

عالمی ماحولیاتی کانفرنس: کوئلے کا استعمال ختم یا مرحلہ وار کم کرنے پر جاری تنازع بلآخر حل ہو گیا

انہوں نے کہا کہ قالین کے نیچے جھاڑو نہ دینے میں ہماری مدد کرنے کے لیے، اور اس آواز کے لیے جو آپ نے بدسلوکی کے متاثرین کو دی ہے، اس پر بہت بہت شکریہ-

پوپ فرانسس نے زور دیا کہ صحافیوں کا ایک مشن ہے دنیا کی وضاحت کرنا، اسے کم مبہم بنانا، اس میں رہنے والوں کو اس سے خوف کم کرنا اور صحافیوں کو ہمیشہ آن لائن رہنے کے ظلم سے بچنے‘ کی ضرورت ہے سب کچھ ای میل، فون، یا اسکرین کے ذریعے نہیں بتایا جا سکتا-

واضح رہے کہ جنسی استحصال کے اسکینڈلز 2002 میں سرخیوں میں آئے، جب امریکی روزنامہ بوسٹن گلوب نے کئی مضامین لکھے جس میں چرچ کے پادریوں کی جانب سے نابالغوں کے ساتھ بدسلوکی اور چرچ کے اندر ان واقعات کو چھپانے کے کلچر کو بے نقاب کیا۔

اس کے بعد سے کئی ممالک کے چرچ میں بے شمار اسکینڈلز سامنے آئے حال ہی میں فرانس جہاں اکتوبر میں ایک بڑی تحقیقات میں پتا چلا ہے کہ فرانسیسی پادریوں نے گزشتہ 70 برس میں 2 لاکھ سے زیادہ بچوں کے ساتھ جنسی زیادتی کی ہے۔

ڈونلڈ ٹرمپ کے مشیر اسٹیو بینن پرفردجرم عائد

استنبول: ترک صدر کے گھر کی تصویر بنانے پر اسرائیلی جوڑے کو گرفتار کر لیا گیا انہیں ایک مقامی ٹیلی وژن اور ریڈیو نیٹ ورک کے ایک ملازم کی نشاندہی پر گرفتار کیا گیا-

باغی ٹی وی : ترک میڈیا کے مطابق اسرائیلی وزرات خارجہ نے جوڑے کی گرفتاری کی تصدیق کی ہے وزارت خارجہ کے حکام کے مطابق ایک جوڑے کو حساس مقام کی تصاویر بنانے پر حراست میں لیا گیا ہے۔

ترک میڈیا کے مطابق اس اسرائیلی جوڑے کے خلاف باقاعدہ عدالتی کارروائی شروع ہو گئی ہے انہیں رواں ماہ 12 نومبر جمعہ کو ایک ترک عدالت میں پیش کیا گیا تھا ان پر سیاسی و فوجی جاسوسی کا ارتکاب کرنے کا الزام عائد کیا گیا ہے جوڑے کے ساتھ ایک مقامی ترک باشندے کو بھی حراست میں لیا گیا ہے۔

صدر ایردوان کے گھر کی تصاویر بنانے پر استنبول سے اسرائیلی جوڑا گرفتار
ترکی کے دورے پر آئے اسرائیلی جوڑے نے چامیلا ٹاور سے صدر ایردوان کی رہائش گاہ کی تصاویر بنائیں، پولیس نے جوڑے کو گرفتار کر کے تفتیش شروع کر دی، ٹاور کے ریسٹورنٹ سے یہ جوڑا صدر ایردوان کے گھر کی تصاویر لے رہا تھا pic.twitter.com/KlDGODAI3d

— ترکیہ اردو (@TurkiyeUrdu_) November 13, 2021

نشاندہی کرنے والے شخص کے مطابق اس جوڑے نے تصویر ایک ٹاور میں واقع ریستوران سے بنائی تھی جس مکان کی یہ جوڑا تصویر لے رہا تھا وہ استنبول میں واقع ہے۔

خیال رہے کہ ترکی میں عمومی طور پر عسکری اور سیکورٹی مقامات کی تصاویر لینے کی سخت ممانعت ہے اور ایسا کرنے سے قبل مذکورہ حکام کا اجازت نامہ ضروری ہوتا ہے-

اقوام متحدہ کی سربراہی میں موسمیاتی تبدیلیوں کے حوالے سے کانفرنس، کوپ 26 میں معاہدہ طے پا گیا ہے۔

باغی ٹی وی : غیر ملکی میڈیا کے مطابق ’’گلاسگو موسمیاتی معاہدہ‘‘ کوپ 26 میں 200 ممالک نے حصہ لیا، کوئلے کا استعمال ختم یا مرحلہ وار کم کرنے کے الفاظ پر جاری تنازع بلآخر حل ہو گیا اور چین اور بھارت کے اعتراض پر کوئلے کے استعمال کو کم کرنے کی منصوبہ بندی کی گئی ہے، جو کہ گرین ہاؤس گیسوں کے لیے خطرناک ہے۔

امریکی مندوب جان کیری نے کہا کہ 20 برس میں چین کو کوئلے کا استعمال مرحلہ وار ختم کرنا ہو گا جبکہ چینی مندوب نے کہا کہ ڈیل تو ہو گئی مگر ترقی پزیر ممالک کی آواز زیادہ سنی نہیں گئی۔

وزیر خارجہ کا ماحولیاتی تبدیلی سے آگاہی دینے کا انوکھا طریقہ

جبکہ اس معاہدے کے دو مسودوں پر شرکا میں اتفاق نہیں ہو سکا تھا جس کے سبب سربراہی اجلاس ڈیڈ لائن گزر جانے کے بعد بھی جاری رہا پہلے مذاکراتی مسودوں میں شامل کوئلے کے استعمال کو مرحلہ وار ختم کرنے کا عزم ڈرامائی انداز نکال دیا گیا کیوںکہ بھارت نے اس کی مخالفت کی تھی۔

ہندوستان کے موسمیاتی وزیر بھوپیندر یادو نے پوچھا کہ ترقی پذیر ممالک کوئلے کے استعمال کو مرحلہ وار ختم کرنے کا وعدہ کیسے کر سکتے ہیں جب کہ انہیں اپنے ترقیاتی منصوبوں اور غربت سے نمٹنا ہے آخر میں ممالک نے کوئلے کے استعمال کو روکنے کی بجائے مرحلہ وار کم کرنے پر اتفاق کیا۔

’’گلاسگو موسمیاتی معاہدہ‘‘ کے تیسرے مسودے پر200 ممالک نے اتفاق کیا نئے معاہدے کے تحت امیر ممالک ایسے اداروں کو مالی معاونت فراہم کریں گے جو ماحولیاتی تبدیلیوں کے باعث بقا کے خطرے سے دوچار ممالک کو بچانے کے لیے کام کر رہے ہیں۔

آنے والی نسلیں شدید موسمی اثرات کا سامنا کریں گی ، ماہرین نے خطرے کی گھنٹی بجا دی

نئے مسودے میں لکھا گیا افسوس کے ساتھ یہ بات نوٹ کی جا رہی ہے کہ امیر ممالک نے ایک دہائی سے زیادہ عرصہ پہلے کیا گیا وعدہ اب تک پورا نہیں کیا کہ وہ سالانہ سو ارب ڈالر کا الگ فنڈ قائم کریں گے اور اب انہوں نے اسے سن 2023 تک موخر کر دیا ہے۔

مسودے میں اقوام عالم سے درخواست کی گئی ہے کہ وہ اگلے برس کی ماحولیاتی کانفرنس سے متعلق اپنے اہداف کے بارے میں تفصیلات فراہم کریں۔

تازہ ترین مسودے میں ماہرین کے حوالے سے لکھا گیا ہے کہ زمین کے درجہ حرارت کو کم کر کے 1.5 ڈگری تک لانے کے لیے سن 2030 تک ضرر رساں گیسوں کے اخراج میں 45 فیصد کمی لانا پڑے گی-

معاہدے کااعلان کرتے ہوئے کانفرنس کے سربراہ الوک شرما آبدیدہ ہو گئے اور شرکاء سے معافی مانگتے ہوئے کہا کہ وہ نہیں چاہتے تھے کہ کانفرنس کا اختتام اس انداز میں ہو-

دوسری جانب سیکرٹری جنرل اقوام متحدہ نے کوپ 26 معاہدے کو ناکافی قرار دیدیا اور کہا کہ ہم اب بھی موسمیاتی تباہی کے دروازے پر دستک دے رہے ہیں-

دو سے تین سالوں کے دوران نظام شمسی سے باہر زندگی کے آثار دریافت کر لیں گے…