امیر جماعت اسلامی سراج الحق نے پینڈورا پیپرز اور پانامہ لیکس میں شامل تمام افراد کے خلاف آزادانہ انکوائری کے لیے سپریم کورٹ سے رجوع کرلیا۔

باغی ٹی وی: اسلام آباد میں سپریم کورٹ کے باہر نائب امرا لیاقت بلوچ، میاں محمد اسلم، امیر پنجاب شمالی ڈاکٹر طارق سلیم، ڈپٹی سیکرٹری جنرل محمد اصغرودیگر قائدین کے ہمراہ میڈیا سے گفتگو کرتے ہوئے سراج الحق نے کہا کہ پانامہ لیکس پر سپریم کورٹ میں دائر کی گئی ہماری درخواست چار سال سے عملدرآمد کی منتظر تھی کہ پینڈورا پیپرز سکینڈل بھی منظرعام پر آگیا-

امیر جماعت کی جانب سے ایڈووکیٹ اشتیاق احمد راجہ کے ذریعے دائر کی گئی آئینی درخواست میں عدالت عظمیٰ سے استدعا کی گئی ہے کہ دونوں سکینڈلز میں جتنے بھی پاکستانیوں کے نام آئے ہیں ان کے خلاف غیر جانبدارانہ تحقیقات کے لیے مشترکہ تحقیقاتی کمیٹی تشکیل دی جائے اور حکمران اشرافیہ جس نے غریب پاکستانی قوم کے اربوں روپے لوٹ کر آف شور کمپنیوں کے ذریعے بیرون ملک جائیدادیں بنائیں کو کٹہرے میں کھڑا کیا جائے۔

پاکستان افغان معاملے پرعالمی برادری کے ساتھ مسلسل رابطے میں ہے عسکری حکام کی بریفنگ

راج الحق نے کہا کہجماعت اسلامی نےایک دفعہ پھراس یقین کےساتھ عدالت عظمیٰ کا دروازہ کھٹکھٹایا ہے کہ پاکستانی قوم کو اب انصاف ملے گا،جماعت اسلامی کو وزیراعظم کی جانب سے بنائے گئے انکوائری سیل پر رتی برابر اعتماد نہیں، پینڈورا پیپرز سکینڈل کو منظر عام پر آئے ہوئے 50 دن سے زیادہ گزر چکے ہیں، جن لوگوں کے نام سکینڈل میں آئے وہ یاتو پاکستان تحریک انصاف(پی ٹی آئی) ن لیگ اور پیپلز پارٹی کے ممبرز ہیں یا سابق جنرلز، ججز، بزنس مین اور بیورو کریٹس ہیں۔

امیر جماعت اسلامی نے کہا کہ طاقتور اشرافیہ قانون سے بالاتر، ملک کے اربوں ڈالر قرضہ اور غریب پاکستانیوں کے مصائب اور مشکلات کی ذمہ دار ہے جماعت اسلامی نے ہمیشہ کرپشن کے خلاف بات کی ہے، اگر آج عوام چوکوں چوراہوں میں کرپٹ عناصر کے خلاف کارروائی کی بات کرتے ہیں تو یہ جماعت اسلامی کی دہائیوں پر مشتمل کرپشن فری پاکستان مہم کی محنت کا نتیجہ ہے،سابق امیرجماعت اسلامی مرحوم قاضی حسین احمد نے 1996ء میں کرپشن کے خلاف اسلام آباد میں عظیم الشان دھرنا دیا تھا،جماعت اسلامی نے 2016ءمیں کرپشن کے خلاف پورے ملک میں ٹرین مارچ کیا۔

انہوں نے کہا کہ جماعت اسلامی بلاتفریق، بے لاگ احتساب چاہتی ہے،ہم چاہتے ہیں سپریم کورٹ اس کےلئے کردار ادا کرے اور قوم کو انصاف دلائے، اسی مقصد کے لیے ہم آج پھر عدالت عظمیٰ آئے ہیں، موجودہ حکومت نے نیب کو بے پر کر دیا ہے،پی ٹی آئی نے آرڈینینسز کے ذریعے ادارہ کو کمزور کردیا اور اسے طاقتور اشرافیہ کے خلاف ایکشن لینے سے روک دیا ہے، ملک میں احتساب کا کوئی ادارہ موجود نہیں،یہی وجہ ہے کہ مافیاز نے حکومت کو گرفت میں لیا ہوا ہے، شوگر سکینڈل، آٹا بحران، پٹرول شارٹیج کرائسز میں سینکڑوں ارب مافیاز کی جیبوں میں گئے، انکوائری رپورٹس موجود ہیں، مگر کسی کے خلاف کوئی کاروائی نہیں ہوئی۔

امیرجماعت اسلامی کاکہناتھا کہ موجودہ حکمران پارلیمنٹ، عدالت،میڈیا سمیت تمام اداروں پر کنٹرول چاہتے ہیں،نااہلی اور بیڈ گورننس انتہاکو پہنچ چکی ہے،معیشت کا بیڑہ غرق اور ملک قرضوں کی دلدل میں مکمل طور پر دھنس چکا ہے،جماعت اسلامی قوم کا مقدمہ لڑ رہی ہے اور انشاءاللہ عوام کے ساتھ سے جدوجہد جاری رہے گی ،ہم پاکستان کو عظیم فلاحی اسلامی ریاست بنائیں گے،جماعت اسلامی یوتھ کے زیر اہتمام 28نومبر کو اسلام آبادکے ڈی چوک میں بے روزگار نوجوانوں کابھرپور احتجاج ہو گا۔

مسلم لیگ ن کے صدر اور قومی اسمبلی میں اپوزیشن لیڈر شہباز شریف نے کہا ہے کہ پارلیمانی کمیٹی برائے قومی سلامتی کے اجلاس میں بڑی اچھی پریزنٹیشن تھی ، سوالوں کے جواب اچھے طریقے سے دیئے گئے ۔

باغی ٹی وی : تفصیلات کے مطابق پارلیمانی کمیٹی برائے قومی سلامتی کے اجلاس کے بعد میڈیا سے گفتگو کرتے ہوئے شہباز شریف نے کہاکہ بریفنگ کا اختتام اچھے طریقہ سے ہوا،بریفنگ بڑی اچھی تھی اور اچھی پریزنٹیشن تھی۔

جبکہ شہباز شریف نےتحریک لبیک اورکالعدم تحریک طالبان پاکستان کے حوالے سے "نوکمنٹس” جواب دیتے ہوئے کہا کہ اِن کیمرا بریفنگ تھی۔

پاکستان افغان معاملے پرعالمی برادری کے ساتھ مسلسل رابطے میں ہے عسکری حکام کی بریفنگ

واضح رہے کہ آج پارلیمانی کمیٹی برائے قومی سلامتی کا اجلاس تقریباً ساڑھے 5 گھنٹے تک جاری رہا اجلاس میں اعلیٰ عسکری حکام نے ملک کی سیاسی و پارلیمانی قیادت، اراکین قومی اسمبلی و سینیٹ، صوبائی و آزاد جموں و کشمیر اور گلگت بلتستان کی قیادت کو اہم خارجہ امور، داخلی سلامتی، اندرونی و بیرونی چیلنجز، خطے میں وقوع پذیر ہونے والی تبدیلیوں خصوصاً تنازع کشمیر اور افغانستان کی صورتحال پر جامع بریفنگ دی۔

پارلیمانی کمیٹی کے اجلاس میں چیئرمین سینیٹ صادق سنجرانی، قومی اسمبلی اور سینیٹ میں قائد حزب اختلاف شہباز شریف اور سید یوسف رضا گیلانی، شاہ محمود قریشی سمیت دیگر وفاقی وزرا اور حزب اختلاف سے تعلق رکھنے والے اراکین قومی اسمبلی اور سینیٹ نے شرکت کی۔

پارلیمانی کمیٹی برائے قومی سلامتی کے اجلاس میں چاروں صوبوں کے وزرائےاعلیٰ، وزیر اعظم آزاد جموں و کشمیر، اور وزیر اعلیٰ گلگت بلتستان نے خصوصی دعوت پر شرکت کی علاوہ ازیں چیف آف آرمی اسٹاف جنرل قمر جاوید باجوہ، ڈی جی آئی ایس آئی لیفٹیننٹ جنرل فیض حمید، ڈی جی آئی ایس پی آر میجر جنرل بابر افتخار سمیت دیگر اعلیٰ عسکری حکام بھی موجود تھے۔

اسلام آباد: وفاقی وزیر اطلاعات فواد چوہدری نے کہا ہے کہ کالعدم تحریک طالبان سے آئین کے تحت مذاکرات ہو رہے ہیں پاکستان اور کالعدم تحریک طالبان کے درمیان جنگ بندی پر اتفاق ہو گیا۔

باغی ٹی وی : وفاقی وزیر اطلاعات فواد چوہدری نے میڈیا سے گفتگو کرتے ہوئے کہا کہ سلامتی کمیٹی کے اجلاس میں وزیر اعظم عمران خان نے کالعدم تحریک طالبان سے مذاکرات کا تذکرہ کیا اور کالعدم تحریک طالبان (ٹی ٹی پی) سے آئین کے تحت مذاکرات ہو رہے ہیں۔

انہوں نے کہا کہ ریاست کی حاکمیت اور ملکی سالمیت کو یقینی بنایا جائے گا جبکہ افغان عبوری حکومت نے مذاکرات میں کردار ادا کیا ہے۔ مذاکرات میں پیشرفت کے مطابق فائر بندی میں توسیع ہو گی۔

تحریک لبیک پاکستان پر پابندی ہٹادی گئی, وزارت داخلہ نے نوٹیفیکیشن بھی جاری کردیا

فواد چوہدری نے کہا کہ ریاست کی حاکمیت اور عوامی حقوق کو مذاکرات میں ملحوظ خاطر رکھا جائے گا۔ مذاکرات میں پیش رفت کے مطابق فائر بندی میں توسیع ہو گی۔

دوسری جانب تحریک لبیک نے دھرنا ختم کر دیا ہے تحریک لبیک کی مرکزی شوریٰ نے دھرنا ختم کرنے کا اعلان کرتے ہوئے کہا تھا کہ حکومت کے ساتھ معاہدے میں 70 فی صد شرائط پر عمل ہو گیا ہے تحریک لبیک پاکستان کے دھرنے کے باعث گزشتہ روز ہی دریائے چناب پر ایک سڑک کو ٹریفک کیلئے 15 روز بعد کھولا گیا۔

گذشتہ روز وزارت داخلہ نے تحریک لبیک پر سے پابندی ہٹانے کا نوٹیفکیشن جاری کیا تھانوٹیفکیشن کے مطابق تحریک لبیک کو کالعدم تنظیموں کی فہرست سے نکال دیا گیا ہے۔ وفاقی کابینہ کی منظوری کے بعد سمری وزارت داخلہ کوموصول ہوئی تھی جبکہ پنجاب کابینہ نے بھی تحریک لبیک کا نام کالعدم لسٹ سے نکالنے کی سفارش کی تھی۔

وفاقی حکومت کا شوگر ملز کیخلاف کارروائی کا فیصلہ