Author: عائشہ ذوالفقار

قومی ٹیم کے سابق کپتان اوربلے باز سُر اسٹار شاہد آفریدی نے بیٹی انشاء کے نام سے چلنے والے جعلی سوشل میڈیا اکاﺅنٹس سے متعلق پیغام جاری کر دیا ہے ۔

باغی ٹی وی : تفصیلات کے مطابق شاہد آفریدی نے سماجی رابطے کی ویب سائٹ ٹوئٹر پر اپنی ٹوئٹ میں اپنی بیٹی کے نام سے چلنے والے ایک اکاؤ نٹ کا سکرین شاٹ شیئر کیا جس پر پانچ ہزار سے زائد فالورز ہیں –
https://twitter.com/SAfridiOfficial/status/1455999162160459779?s=20
ساتھ انہوں نے لکھا کہ میں یہاں یہ وضاحت دینا چاہتاہوں کہ میری کسی بھی بیٹی کا سوشل میڈیا کا کوئی اکاﺅنٹ نہیں ہے ، مہربانی فرماکر ان اکاﺅنٹس اور میری بیٹیوں کے ساتھ منسوب کی جانے والی خبروں کی نفی کریں ۔

واضح رہے کہ شاہد آفریدی کی شادی نادیہ شاہد سے سال 2000 میں ہوئی تھی ان کی 5 بیٹیاں اقصیٰ، انشاء، اجوا ، اسمارہ اور عروہ ہیں ویسے تو شاہد آفریدی اپنی ذاتی زندگی یا فیملی کے حوالے سے زیادہ بات کرتے نظر نہیں آتے البتہ سوشل میڈیا پر ان کی فیملی کے ساتھ کئی تصاویر اور ویڈیوز وائرل ہوتی رہتی ہیں۔

سپر اسٹار شاہد آفریدی کی اپنی بیٹیوں سے محبت کسی سے ڈھکی چھپی نہیں، اکثر اوقات اپنی بیٹیوں کے ساتھ تصویر سوشل میڈیا پر شیئر کرتے رہتے ہیں۔
شاہد آفریدی کا کہنا ہے کہ میری بیٹیاں میری زندگی میں اللہ کا سب سے قیمتی تحفہ ہیں، انہوں نے کہا کہ میں اللہ کا جتنا شکر ادا کروں وہ کم ہے-

یاد رہے کہ گزشتہ سال شاہد آفریدی کی سوانح حیات ’گیم چینجر‘ بھی سامنے آئی تھی اس کتاب کے ذریعے شاہد آفریدی نے اعلان کیا تھا کہ ‘میں نے معاشرتی اور مذہبی وجوہات کے باعث یہ فیصلہ کیا کہ میری بیٹیاں عوامی سطح کے کھیلوں کی سرگرمیوں میں حصہ نہیں لیں گی اور ان کی والدہ نے میری اس بات سے اتفاق کیا’-

اس بیان کے بعد شاہد آفریدی کو شدید تنقید کا سامنا کرنا پڑا تھا اس کے باوجود شاہد آفریدی نے ٹوئٹ پر لکھا تھا کہ وہ والد ہونے کی حیثیت سے اپنی بیٹیوں کے لیے فیصلے لے سکتے ہیں۔

اسلام آباد: ملک بھر میں چینی کی فی کلو قیمت میں ہوشربا اضافہ ہوگیا ہے-

باغی ٹی وی : شہر قائد کراچی میں چینی کی فی کلو ریٹیل قیمت 135 روپے تک پہنچ گئی ہے جبکہ ہول سیل مارکیٹ میں اس کی قیمت 124 روپے فی کلو ہو گئی ہے جس کی وجہ سے مہنگائی کے ہاتھوں پہلے ہی پریشان شہریوں کی تکالیف مزید بڑھ گئی ہیں۔

لاہور میں ہول سیل مارکیٹ میں چینی کے نرخ 120 سے 124 روپے تک ہو گئے ہیں جس کے بعد ریٹیل میں چینی 130 روپے فی کلو فروخت کی جا رہی ہے پشاورمیں کریانہ اسٹور پر چینی فی کلو 140 سے 145 روپے تک میں فروخت ہو رہی ہے۔

کوئٹہ میں دو دن کے اندر چینی کی قیمت میں دس روپے فی کلو کا اضافہ ریکارڈ کیا گیا ہے جس کے بعد چینی کی فی کلو قیمت 135 روپے ہو گئی ہے۔

مارکیٹ کے تاجروں کا کہنا ہے کہ 50 کلو کی بوری 6 ہزار 400 روپے میں خرید کر لاتے ہیں تو اسی حساب سے فروخت کریں گے۔

واضح رہے کہ اس سے قبل ادارہ شماریات نے اپنی رپورٹ میں کہا تھا کہ اکتوبر میں مہنگائی میں 1.90 فیصد اضافہ ریکارڈ کیا گیا ادارہ شماریات کے مطابق جولائی تا اکتوبر 2020 کے مقابلے میں جولائی تا اکتوبر 2021 مہنگائی 8.74 فیصد رہی۔

گزشتہ ایک سال میں گھی 43 فیصد، مسٹرڈ آئل 41.92 اور خوردنی تیل 40 فیصد مہنگا ہوا جبکہ چکن 34.69 فیصد، دالیں اور گوشت 17 فیصد اور آٹا 12.97 فیصد مہنگا ہوا لیکن ایک سال میں ٹماٹر 48.52 فیصد، دال مونگ 29 فیصد، پیاز 28 فیصد اور آلو 19 فیصد سستا ہوا چکن 17.91 فیصد اور سبزی 15.26 فیصد مہنگے ہوئے جبکہ آلو 12.17 فیصد، گندم 7.25 فیصد اور چائے 4.95 فیصد مہنگی ہوئی جبکہ پیاز 12.70 فیصد اور چینی 7.72 فیصد سستی ہوئی جبکہ دال مونگ 6.14 فیصد، انڈے 5.94 فیصد اور مصالحہ جات 3.85 فیصد سستے ہوئے۔

سابق صدر آصف علی زرداری کی صاحبزادی اور چیئرمین پیپلز پارٹی بلاول بھٹو کی بہن بختاور بھٹو زرداری نے انسٹاگرام پر اپنے بیٹے کے پہلی تصویر شئیر کر دی۔

باغی ٹی وی : بختاور بھٹو زرداری نے کچھ دیر قبل سماجی رابطے کی ویب سائٹ انسٹاگرام پر اپنی پوسٹ پر بیٹے ‘میر حاکم محمود چوہدری’ کی تصویر شیئر کی ہے جس پر بڑی تعداد میں صارفین نوزائیدہ کیلئے دعائیہ کلمات کہہ رہے ہیں بختاور نے اپنی پوسٹ میں بتایا کہ یہ تصویر اس وقت کی ہے جب حاکم ایک ہفتے کا تھا۔

بختاور نے اپنے بیٹے کا نام مرحوم ماموں کی نسبت سے ‘میر ‘جب کہ دادا کی نسبت سے ‘حاکم’ رکھا تھا، جس کا اعلان وہ پہلے ہی انسٹاگرام کے زریعے ہی کر چکی ہیں۔

خیال رہے کہ بختاور بھٹو زرداری اور ان کے شوہر محمود چوہدری کے گھر ننھے مہمان کی آمد گزشتہ ماہ کی 10 تاریخ کو ہوئی تھی۔

واضح رہے کہ بختاور بھٹو زرداری کی محمود چوہدری سے منگنی نومبر 2020 میں ہوئی تھی جبکہ دونوں کا نکاح اور رخصتی 29 جنوری 2021 کو ہوئی تھی۔