Baaghi TV

Author: عائشہ ذوالفقار

  • ناسا نے خلا میں سبز مرچیں اُگا لیں

    ناسا نے خلا میں سبز مرچیں اُگا لیں

    ناسا نے خلا میں کامیاب تجربے کے بعد سبز مرچیں اگا لیں۔

    باغی ٹی وی : تفصیلات کے مطابق ناسا کے خلا بازوں نے انٹرنیشنل خلائی سٹیشن پر مرچیں اگانے کا کامیاب تجربہ کیا اور اس کی تصاویر بھی جاری کریں ترجمان ناسا کے مطابق صفر کشش ثقل پر کاشت کاری کا تجربہ اگانے اور پیداوار کی وجہ سے کافی پیچیدہ تھا، خلائی سٹیشن پر اگائی گئی مرچوں کا کچھ حصہ خلا بازوں نے استعمال کر لیا ہے۔



    مرچوں کے ذائقہ، ساخت اور غذائیت پر مزید تحقیق کے لیے انہیں واپس زمین پر بھیجی جائیں گی یہ مرچیں جنوبی نیو میکسیکو ‘سینڈیا’ چلی اور لینڈریس چلی کے درمیان ایک کراس ہے، جو ریاست کے شمالی حصے میں پائی جاتی ہےآئی ایس ایس ریسرچ ٹیم نے اسے ‘آج تک کے سب سے مشکل پودوں کے تجربات میں سے ایک’ قرار دیا۔

    ناسا نے پہلے کہا تھا کہ کالی مرچ کو کئی ممکنہ خلائی فصلوں کے مقابلے میں کاشت کرنا زیادہ مشکل ہے کیونکہ ان کو اگنے، اور پھل پیدا کرنے میں زیادہ وقت لگتا ہے۔

  • کپتان کی حاظر دماغی ، غیر ملکی طیارہ حادثے سے بال بال بچ گیا

    کپتان کی حاظر دماغی ، غیر ملکی طیارہ حادثے سے بال بال بچ گیا

    ایئر ٹریفک کنٹرولر کی مبینہ غفلت کے باعث غیر ملکی طیارہ حادثے سے بال بال بچ گیا، ڈی جی سول ایوی ایشن اتھارٹی نے ایئر ٹریفک کنٹرولر کو معطل کر کے واقعے کی تحقیقات کا حکم دے دیا۔

    باغی ٹی وی : ذرائع کے مطابق غیر ملکی ایئرلائن کی پرواز بحرین سے اسلام آباد آرہی تھی ایئر ٹریفک کنٹرولر کے پائلٹ کو غلط گائیڈ کرنے سے طیارہ8ہزار فٹ بلندی کے بجائے 5ہزار فٹ بلندی پر پہنچ گیا۔ طیارہ جیسے ہی 5ہزار فٹ بلندی پر پہنچا گراونڈ پراکسیمٹی وارننگ سسٹم(GPWS) سے الرٹ جاری ہو گیا۔

    ذرائع کے مطابق کپتان حاضر دماغی کا مظاہرہ کرتے ہوئے طیارہ کو واپس اوپر لے گیا کیونکہ جی پی وارننگ سسٹم نے پہاڑی علاقے کی نشاندہی کی تھی۔ ذرائع کا کہنا ہے کہ ڈی جی سی اے اے نے واقعہ کا نوٹس لیتے ہوئے ایئر ٹریفک کنٹرولر کو فوری طور پر معطل کرتے ہوئے تحقیقات کا حکم دے دیا ہے۔

    سی اے اے حکام کے مطابق موسم کی خرابی کی وجہ سے پائلٹ نے طیارے کو نیچے لانے کیلئے اجازت مانگی تھی ایئرٹریفک کنٹرولر نے طیارے کو نیچے آنے سے منع کردیا تھا کپتان نے دوبارہ رابطہ کرکے کہا کہ موسم خراب ہے مجھے ڈیسنٹ کی اجازت دی جائے۔ کنٹرولر نے کپتان کے اصرار پرطیارے کو نیچے آنے کو کہا۔

    ترجمان سی اے اے کا کہنا ہے ایئرانویسٹیگیشن بورڈ واقع کی تحقیقات کررہا ہے خاتون ایئر ٹریفک کنٹرولر کو معطل کر دیا گیا ہے۔

  • امریکی اور بھارتی شراکت سے تیار کردہ ویکسین کے استعمال کی ایک ملک میں منظوری

    امریکی اور بھارتی شراکت سے تیار کردہ ویکسین کے استعمال کی ایک ملک میں منظوری

    امریکی بائیو ٹیکنالوجی کمپنی اور اس کے شراکت دار سیرم انسٹی ٹیوٹ آف انڈیا کی تیار کردہ کووڈ 19 ویکسین کو انڈونیشیا میں ایمرجنسی استعمال کی منظوری دے دی-

    باغی ٹی وی : بین الاقوامی ویب سائٹ کے مطابق نووا ویکس اور اس کے شراکت دار سیرم انسٹی ٹیوٹ آف انڈیا کی تیار کردہ کووڈ 19 ویکسین کو پہلے ملک میں ایمرجنسی استعمال کی منظوری حاصل ہوگئی ہے۔

    کمپنیوں کی جانب سے ایک بیان میں بتایا گیا کہ انڈونیشیا میں ان کی کووڈ 19 ویکسین کو استعمال کی منظوری حاصل ہوئی انڈونیشیا میں یہ ویکسین سیرم انسٹی ٹیوٹ کی جانب سے تیار کر کے کوو ویکس کے نام سے فراہم کی جائے گی، نووا ویکس نے بتایا کہ انڈونیشیا کو ویکسین کی پہلی کھیپ جلد فراہم کردی جائے گی انڈونیشین حکومت کے مطابق پروٹین پر مبنی ویکسین کی 2 کروڑ خوراکیں 2021 میں موصول ہوں گی۔

    امریکا میں 5 سے 11 برس کے بچوں کو کورونا ویکسین لگانے کی منظوری


    خیال رہے کہ نووا ویکس کی جانب سے برطانیہ، بھارت، آسٹریلیا، فلپائن اور یورپین میڈیسن ایجنسی کے پاس بھی ویکسین کی منظوری کے لیے درخواستیں جمع کروائی جا چکی ہیں نووا ویکس اور سیرم انسٹی ٹیوٹ نے ایک ارب 10 خوراکیں عالمی ادارہ صحت کے زیر تحت کام کرنے والے ادارے کوو ویکس کو فراہم کرنے کا وعدہ بھی کیا ہے ویکسین کی فراہمی کا سلسلہ عالمی ادارہ صحت کی جانب سے ایمرجنسی استعمال کی منظوری کے بعد 2021 میں ہی شروع ہوجائے گی اور یہ سلسلہ 2022 میں بھی جاری رہے گا۔

    کورونا سے بچاؤ کے لیے کیپسول تیار

    گزشتہ ماہ نووا ویکس اور سیرم انسٹی ٹیوٹ آف انڈیا نے عالمی ادارہ صحت میں اس ویکسین کے ہنگامی استعمال کی منظوری کے لیے درخواست جمع کروائی تھی اس کا مقصد کم اور متوسط آمدنی والے ممالک میں اس ویکسین کو فراہم کرنا ہے کیونکہ امریکا اور یورپ میں پہلے ہی فائزر، موڈرنا، جانسن اینڈ جانسن اور ایسٹرا زینیکا ویکسینز کو عام استعمال کیا جارہا ہے۔

    ڈپریشن کی عام اور کم خرچ دوا بھی کورونا وائرس کی شدت کم کرتی ہے ڈبلیو ایچ او

    خیال رہے کہ ویکسین کے انسانی ٹرائل کے آخری مرحلے میں دریافت کیا گیا تھا کہ یہ ویکسین کرونا وائرس کی اوریجنل قسم سے ہونے والی بیماری سے 96 فیصد تک تحفظ فراہم کرسکتی ہے امریکا اور میکسیکو میں 30 ہزار افراد پر آخری مرحلے کے ٹرائل کے ڈیٹا کے مطابق این وی ایکس کو وی 2373 نامی یہ ویکسین بیماری کی معتدل اور سنگین شدت سے 100 فیصد تحفظ فراہم کرتی ہے جبکہ اس کی مجموعی افادیت 90.4 فیصد ہے۔

    کورونا وائرس سے بچانے والا اسپرے

  • ’دبئی میراکل گارڈن’ پوری آب وتاب کے ساتھ جلوہ گر ہونے کے لئے تیار

    ’دبئی میراکل گارڈن’ پوری آب وتاب کے ساتھ جلوہ گر ہونے کے لئے تیار

    دبئی: دنیا بھر میں قدرتی پھولوں کا سب سے بڑا باغ’دبئی میراکل گارڈن’ کا میلہ سجنے کے لئے تیار ہے-

    باغی ٹی وی : "گلف نیوز” کے مطابق دبئی میراکل گارڈن اپنے دسویں سیزن میں پوری آب وتاب کے ساتھ جلوہ گر ہونے کے لئے تیار ہے، رواں سال دنیا کے سب سے بڑے باغ کو ایسے پھولوں سے مزین کیا گیا ہے جو اس سے پہلے نہیں دیکھے گئے۔

    دبئی میراکل گارڈن میں 120 سے زیادہ اقسام کے 1کروڑ 50لاکھ سے زیادہ قدرتی پھول اور پودے موجود ہیں، جن میں سے کچھ نایاب اور خلیج کے خطے میں کہیں بھی نہیں اگائے گئے۔

    عبدالناصر راہل، دبئی میرکل گارڈن کے خالق اور شریک بانی اور سٹی لینڈ گروپ کے وائس چیئرمین، جو کہ مہتواکانکشی بوٹینیکل پروجیکٹ کے ڈویلپر ہیں، نے کہا: "ہمیں دبئی میرکل گارڈن کے مسلسل 10ویں سیزن کو کھولنے پر خوشی ہے۔ اس لمحے کو مزید خاص بنایا گیا ہے کیونکہ باغ خاندانوں کو ایک پرفتن بیرونی ماحول میں پھولوں والی جگہوں پر چلنے کا ایک منفرد موقع فراہم کرتا ہے۔ پوری ٹیم نے دبئی میرکل گارڈن میں نئی ​​تنصیبات کو یقینی بنانے کے لیے سخت محنت کی ہے جو آنے والوں کو خوش کرتے ہیں اور انہیں ایک محفوظ اور تفریحی ماحول میں فطرت کے ساتھ ایک ہونے کا موقع فراہم کرتے ہیں۔

    انہوں نے مزید کہا: "دبئی میرکل گارڈن کا نیا سیزن ایکسپو 2020 کے متوازی چل رہا ہے، ایک ایسا ایونٹ جو عالمی سامعین کے تخیل کو اپنی گرفت میں لے رہا ہے۔ دبئی میراکل گارڈن، جو ایکسپو کے جدید ڈیزائن، تخلیقی صلاحیتوں اور مہمان نوازی سے متاثر ہوتا ہے، میگا عالمی ایونٹ میں آنے والوں کے سفر کے پروگرام میں ایک منفرد اضافہ ہے۔

    دبئی گارڈن کے دسویں سیزن میں ایک نئی ڈیزائن کردہ تین جہتی گھڑی، فوارہ کے ساتھ ایک ‘تیرتی چٹان’، پھولوں والے مور، نیز بچوں کے پسندیدہ کرداروں پر مبنی دو پھولوں کی نمائشیں بھی شامل ہیں۔

    دبئی میراکل گارڈن کے تازہ ترین اضافے کی خاص بات بچوں کی مزاحیہ اور اینیمیشن فرنچائز سے متاثر پھولوں کی کئی اقسام ہیں ایک خصوصی ‘اسمرف ولیج اٹریکشن ایریا’ لائف سائز مشروم ہاؤسز کی میزبانی کررہا ہے اور اسے اینی میٹڈ فلم سیریز سے متاثر فرنیچر سے مزین کیا گیا ہے۔

  • جدہ میں صدیوں پرانا آرٹ کا نمونہ دریافت

    جدہ میں صدیوں پرانا آرٹ کا نمونہ دریافت

    جدہ میں صدیوں پرانا آرٹ کا نمونہ دریافت، وزیر ثقافت نے تصاویر جاری کر دیں-

    باغی ٹی وی : "العربیہ” کے مطابق پیر کو سعودی عرب کے وزیر ثقافت شہزادہ بدر بن عبداللہ بن فرحان نے تاریخی شہر جدہ کی ترقی اور ثقافتی ورثے کی نمائندگی کرنے والے فن پاروں کی تصاویر شائع کیں ان میں صدیوں پرانا پتھر کا ایک مجسمہ بھی شامل ہے جس پر کچھ نقوش اور عبارتیں درج ہیں۔


    وزیرثقافت نے اپنے ٹویٹر اکاؤنٹ پر ایک ٹویٹ کے دوران وضاحت کی کہ یہ تصاویر ایک تجارتی عمارت اور کھوکھے کو ہٹانے کے بعد سامنے آئیں آرٹ کا یہ نمونہ 1981 میں عظیم آرٹسٹ عبدالحلیم رضوی نے تیار کیا تھا۔


    تصویروں میں سجاوٹ کو "مچھلی” کی شکل میں دکھایا گیا تھا اور متعدد پتھروں میں تراشے گئے جملے جدہ میں گذرے وقت کی زندگی کا اظہار کرتے تھے۔

    خیال رہے کہ سعودی عرب کے ولی عہد محمد بن سلمان بن عبدالعزیز نے تاریخی جدہ ڈویلپمنٹ پروگرام کے تحت "تاریخی جدہ کو زندہ کرنے” کے منصوبے کا آغاز کیا ہے جدہ کی ایک طویل تاریخ ہے جو ہزاروں سال پر محیط ہے۔

    کچھ مورخین اس کی بنیاد تقریباً 3000 سال پر محیط قرار دیتے ہیں اسکالرز کی جانب سے نوادرات کے مطالعات پتا چلتا ہے کہ پتھر کے زمانے سے اس علاقے میں لوگ رہتے تھے مشرقی جدہ میں وادی بریمان اور شمالی جدہ میں وادی بویب میں ثمودی دور کی کتابت اور آثار ملت ہیں۔

    منصوبہ ولی عہد کی تاریخی مقامات کے تحفظ اور بحالی میں دلچسپی کے تناظر میں سامنے آیا ہے تاکہ وژن 2030 کے مقاصد کے حصول اور مملکت کے اہم ترین ستونوں میں سے ایک کے طور پر عرب اور اسلامی گہرائی کو ظاہر کیا جا سکے۔

  • سعودی حکومت نے بڑی پابندی عائد کر دی

    سعودی حکومت نے بڑی پابندی عائد کر دی

    سعودی حکومت نے 12سال سے کم عمر بچوں کے مسجدالحرام میں داخلے پر پابندی عائد کردی –

    باغی ٹی وی : تفصیلات کے مطابق سعودی وزارت حج وعمرہ کی جانب سے بیان میں کہا گیا ہے کہ 12سال سے کم عمر بچوں کے مسجدالحرام میں داخلے پر پابندی کردی ہے ، 12سال سے کم عمر بچےعمرہ اور نماز کے اجازت ناموں کی شرائط پر پورا نہیں اترتے۔

    سعودی وزارت حج وعمرہ کا کہنا تھا کہ توکلنا ایپ کے ذریعے ان کے نام سے عمرے اور نماز کا اجازت نامہ جاری نہیں ہوگا ، 12سال یا زائد عمر کے افراد کو اجازت نامہ ویکسین شرائط کیساتھ جاری ہوگا مؤثر اجازت نامے کے بغیر کسی کو عمرے یا نماز کیلئے داخلے کی اجازت نہیں ہوگی۔

    واضح رہے چند روز قبل سعودی حکومت نے ایک عمرے سے دوسرے عمرے کے درمیان 15 دن کی شرط ختم کرنے کا اعلان کرتے ہوئے کہا تھا کہ آئندہ اجازت نامے کی معیاد ختم ہوتے ہی نئے عمرے کا اجازت نامہ لیا جا سکے گا اب ایک عمرے سے دوسرے عمرے کے درمیان انتظار نہیں کرنا پڑے گا، نئے عمرے کا اجازت نامہ پہلا اجازت نامہ ختم ہوتے ہی توکلنا یا اعتمرنا ایپ کے ذریعے حاصل کیا جاسکے گا۔

    دوسری جانب سعودی عرب میں توکلنا ایپ نے صارفین کے لیے اہم وضاحت جاری کی ہے آن لائن پلیٹ فارم توکلنا کی انتظامیہ کا کہنا ہے کہ ’ابشر‘ میں نجی کوائف یا موبائل نمبر میں ترمیم کے بعد توکلنا ایپ میں اندراج نئے صارف کے طور پر ہوگا۔

    انتظامیہ سے سوال کیا گیا تھا کہ ’ابشر‘ میں نجی کوائف میں ترمیم کے بعد توکلنا میں ریکارڈ اپ ڈیٹ ہوگا؟ جس پر وضاحت پیش کی گئی۔ انتظامیہ نے یہ بھی بتایا کہ نئے صارف کے اندراج کے بعد ترمیم شدہ کوائف کا ریکارڈ نظر آئے گا ایپ کے کوائف والے خانے میں امیدوار کے نجی کوائف کی خوانگی ابشر پلیٹ فارم کے ذریعے ہوتی ہے۔

    ایپ انتظامیہ کا مزید کہنا تھا کہ موبائل نمبر بھی تبدیل کیا جاسکتا ہے اور ابشر اکاؤنٹ ہولڈر کے نجی کوائف میں بھی ترمیم ہوسکتی ہے۔

    خیال رہے کہ بیرون مملکت مقیم افراد توکلنا ایپ میں نئے امیدوار کے طور پر اندراج نہیں کراسکتے بلکہ بیرون مملکت ایپ کا استعمال اس صورت میں ہوگا جبکہ امیدوار سعودی عرب سے اس سے قبل ایپ میں اندراج کراچکا ہو۔

  • جی ٹی روڈ پر کئی مقامات سے ٹریفک بحال،دریائے جہلم کا پل مکمل اور چناب کاجزوی طور پر کھو ل دیا گیا

    جی ٹی روڈ پر کئی مقامات سے ٹریفک بحال،دریائے جہلم کا پل مکمل اور چناب کاجزوی طور پر کھو ل دیا گیا

    حکومت کے کالعدم تنظیم سے معاہدے کے بعد راستے جزوی طورپر کھل گئے ہیں جی ٹی روڈ پر کئی مقامات سے ٹریفک بحال کر دیا گیا ہے دھرنا جی ٹی روڈ سے کھلے گراؤنڈ میں منتقل ہوگیا ہے۔

    باغی ٹی وی : تفصیلات کے مطابق دریائے جہلم کا پل مکمل اور چناب کاجزوی طور پر کھو ل دیا گیا ہے راولپنڈی میں مری روڈ سے کنٹینر ہٹا دئیے گئے اور اسلام آباد سےفیض آباد جانے والے راستے بھی کھل گئے ہیں۔

    کالعدم تحریک لبیک پاکستان (ٹی ایل پی) کے مظاہرین وزیر آباد میں جی ٹی روڈ خالی کرکے قریبی پارک میں دھرنا دے کر بیٹھ گئے، مظاہرین کا کہنا ہے کہ حکومت سے معاہدے پر عملدرآمد تک دھرنا جاری رہے گا۔

    حکومت سے معاہدے کے بعد اللّٰہ والا چوک وزیر آباد سے بھی مظاہرین منشتر ہوگئے اور قریبی پارک میں خیمے لگا لیے، مظاہرین معاہدے پر عمل درآمد تک وہیں بیٹھے رہنے کا ارادہ رکھتے ہیں۔

    مظاہرین کے روڈ سے ہٹ جانے کے باعث وزير آباد میں ٹریفک بحال ہوگئی لیکن معمولات زندگی مکمل طور پر بحال نہیں ہوسکے۔ وزیر آباد، گجرات اور گوجرانوالا میں انٹرنیٹ سروس بند ہے اور اس روٹ پر ٹرین سروس بھی ابھی تک معطل ہے۔

    دوسری جانب پاکستان ریلوے نے کالعدم تنظیم کے احتجاج کے باعث معطل کی گئی ٹرینوں کا شیڈول بحال کردیا ہے ترجمان ریلوے کےمطابق پشاور اور راولپنڈی سے آنے اور جانے والی ٹرینوں کاشیڈول آج سے بحال کردیا گیا ہے جس کے بعد پشاور سےکراچی اورکراچی سے پشاور جانے والی خیبر میل اپنے مقررہ روٹ پر سفر کریں گی۔

    پاکستان ریلوے کا کہنا تھا کہ راول ایکسپریس راولپنڈی اور لاہور دونوں اطراف سے رات ساڑھے 12 بجے شیڈول کے مطابق روانہ ہوگی، اسی طرح آج صبح سےتمام ٹرینیں متبادل روٹ کی بجائے معمول کے مطابق مقررہ روٹ پر روانہ ہوں گی۔

  • شلپا شیٹھی کے شوہر نے اپنے سوشل میڈیا اکاؤنٹس بند کر دیئے

    شلپا شیٹھی کے شوہر نے اپنے سوشل میڈیا اکاؤنٹس بند کر دیئے

    اداکارہ شلپا شیٹی کے شوہر راج کندرا نے اپنے سوشل میڈیا اکاؤنٹس بند کر دیئے ہیں-

    باغی ٹی وی : بھارتی میڈیا کے مطابق راج کندرا کا شمار ان افراد میں ہوتا ہے جو انسٹاگرام اور ٹوئٹر پر خاصے متحرک رہتے تھے اور دلچسپ ویڈیوز بنانے کے باعث اپنے فالوورز میں مقبول بھی تھے۔

    پولیس نے راج کندرا کے لیپ ٹاپ سے درجنوں فحش ویڈیوز اور دیگر مواد برآمد کر لیا

    بھارتی میڈیا رپورٹس کے مطابق راج کندرا جیل سے گھر آنے کے بعد سے سوشل میڈیا کا استعمال نہیں کررہے تھے جب کہ اب انہوں نے اپنے انسٹاگرام اور ٹوئٹر اکاؤنٹس بند کردیئے ہیں۔

    شوہرراج کندرا کی وجہ سے شلپا شیٹھی کومعاشی طور پر کتنے نقصان کا سامنا کرنا پڑا؟

    واضح رہے کہ شلپا شیٹھی کے شوہر بزنس مین راج کندرا کو رواں سال جولائی میں فحش فلمیں بنانے اور مختلف ایپس پر چلانے کے الزام میں گرفتار کیا گیا تھا۔ اس وقت راج کندرا ضمانت پر جیل سے باہر ہیں۔

    پولیس چھاپے کے دوران شلپا شیٹھی شوہر پر روتے ہوئے اونچی آواز میں جھگڑا کر رہی تھیں…

    کرائم برانچ نے عدالت کو بتایا تھا کہ انہوں نے راج کندرا کے لیپ ٹاپ سے 68 پورن فلموں سمیت دیگر فحش مواد برآمد کیا ہے اور مزید 51 ویڈیوز اسٹوریج ایریا نیٹ ورک (SAN) پر پائی گئیں۔ اس کے علاوہ کندرا نے اپنا آئی کلاؤڈ اکاؤنٹ ڈیلیٹ کردیا تھا تاہم کرائم برانچ سائبر ماہرین کی مدد سے آئی کلاؤڈ سے کچھ ای میلز حاصل کرنے میں کامیاب رہی ہے-

    راج کندرا فحش فلمیں کیس:شلپا شیٹھی کا سوشل میڈیا پر وضاحتی بیان

    شلپا شیٹھی نے بال منڈوانے کیوں منڈوائے؟ اصل وجہ سامنے آگئی

  • اسکائی ونگ ایوی ایشن کا سی اے اے کے الزامات کی تردید،کمپنی کی ساکھ خراب کرنے پر سی اے اے پر ہرجانے کا نوٹس جاری کرنے کا اعلان

    اسکائی ونگ ایوی ایشن کا سی اے اے کے الزامات کی تردید،کمپنی کی ساکھ خراب کرنے پر سی اے اے پر ہرجانے کا نوٹس جاری کرنے کا اعلان

    کراچی: اسکائی ایوی ایشن کمپنی کے لائسنس کی تجدید کا معاملہ اسکائی ونگ ایوی ایشن نے سی اے اے کے تمام الزامات کو مسترد کردیا-

    باغی ٹی وی : ,سی ای او اسکائی ونگ ایوی ایشن کیپٹن عاصم نواز کا کہنا ہے کہ سی اے اے ترجمان کے کمپنی پر لگائے گئے الزامات غلط ہیں سی اے اے حکام جان بوجھ کر کمپنی کے بزنس کو بند کرنے کیلئے تاحال کمپنی کے لائسنس کی تجدید نہیں اسکائی ونگز کے تمام آڈٹ رپورٹس مکمل ہیں اور سی اے اے شعبہ ٹرانسپورٹ کو وقت سے قبل جمع کرادیے تھے-

    سی ای او اسکائی ونگز ایوی ایشن کا کہنا ہے کہ کمپنی کی ساکھ خراب کرنے پر سی اے اے ہرجانے کا نوٹس جاری کریں گے، ایریل ورکس کے لیے لائسنس دو سال قبل درخواست دی وزارت داخلہ نے اسکائی ونگ کو ایریل ورکس لائسنس کے لیے این او سی جاری کردی ہے-

    کیپٹن عاصم نواز سی ای او اسکائی ونگ ایوی ایشن نے مزید کہا کہ این او سی کے باوجود ایریل لائسنس بھی سی اے اے نے جاری نہیں کیا، سی اے اے ترجمان نے اسکائی ونگ پر سیکورٹی کلیرنس نہ ہونے کا الزام لگایا جو کہ غلط ہے،سیکورٹی کلیرنس کے باعث وزارت داخلہ نے اسکائی ونگ کو ایریل ورکس لائسنس کے لیے این او سی مئی 2021 مین جاری کیا-

    ا، سی ای او اسکائی ونگ ایوی ایشن کیپٹن عاصم نوازنے ترجمان سی اے اے کے بیان پر ردعمل دیتے ہوئے کہا کہ سی اے اے حکام کے رویوں کے باعث ماضی میں کئی ایرلاینز اور ایوی ایشن کمپنیز نے بزنس بند کردی لائسنس کی تجدید کو بلا وجہ تاخیر کا سبب بناکر سی اے اے حکام اسکائی ونگ ایوی ایشن کو بھی بند کرنا چاہتے ہیں-

    سی ای او اسکائی ونگ ایوی ایشن نے کہا کہ وزیر ہوابازی، وزیراعظم عمران خان، آرمی چیف چیف جسٹس معاملے پر مداخلت اپیل کرتے ہیں، لائسنس تجدید نہ کرنے پر 16 نومبر سے پاکستان میں بزنس اور فلائٹس آپریشن بند کردیں گے-

  • کالعدم تنظیم کے احتجاج کے باعث معطل کی گئی ٹرینوں کا شیڈول بحال

    کالعدم تنظیم کے احتجاج کے باعث معطل کی گئی ٹرینوں کا شیڈول بحال

    پاکستان ریلوے نے کالعدم تنظیم کے احتجاج کے باعث معطل کی گئی ٹرینوں کا شیڈول بحال کردیا۔

    باغی ٹی وی : ترجمان ریلوے کےمطابق پشاور اور راولپنڈی سے آنے اور جانے والی ٹرینوں کاشیڈول آج سے بحال کردیا گیا ہے جس کے بعد پشاور سےکراچی اورکراچی سے پشاور جانے والی خیبر میل اپنے مقررہ روٹ پر سفر کریں گی۔

    پاکستان ریلوے کا کہنا ہے کہ راول ایکسپریس راولپنڈی اور لاہور دونوں اطراف سے رات ساڑھے 12 بجے شیڈول کے مطابق روانہ ہوگی، اسی طرح آج صبح سےتمام ٹرینیں متبادل روٹ کی بجائے معمول کے مطابق مقررہ روٹ پر روانہ ہوں گی۔

    غریب کی سواری ،ریلوے کے کرائے بھی بڑھا دیئے گئے

    دوسری جانب ریلوے کے کرایوں میں اضافہ کر دیا گیا ہے وزارت ریلوے نے ٹرینوں کے کرائے میں اضافے کی منظوری دے دی ہے، مسافر ٹرین کے کرایوں میں دس فیصد اضافہ کر دیا گیا ہے،جبکہ مال گاڑیوں کے کرایوں میں پانچ فیصد اضافہ کیا گیا ہےوزارت ریلوے نے دعویٰ کیا ہے کہ 2009 کے بعد سے ریلوے کے کرایوں میں اضافہ نہیں کیا گیا ، اس دوران ڈالر کی قیمت میں بھی اضافہ ہوا ور تیل بھی مہنگا ہوا، اب مجبوری کے تحت ریلوے کو چلانے کے لئے کرایوں میں اضافہ کرنا پڑ رہا ہے

    سی ای او ریلوے کا کہنا ہے کہ ریلوے اخراجات کم کر رہے ہیں ، نئی بھرتی پر بھی پابندی عائد کی ہے ،تا ہم کرایوں میں اضافہ تیل کی قیمتوں میں اضافے کی وجہ سے ناگزیر ہو گیا تھا-

    اس سے قبل ریلوے نے جن مسافر گاڑیوں کو پرائیویٹ کیا تھا اور ٹھیکے پر دی ہوئی تھیں ان کمپنیر نے از خود ریلوے کے کرایوں میں اضافہ کر دیا تھا اس ضمن میں باغی ٹی وی نے خبر بھی شائع کی تھی، اسوقت کے وزیر ریلوے شیخ رشید نے نوٹس بھی لیا تھا تا ہم کوئی کاروائی نہیں کی گئی، اب ریلوے کے وزیراعظم سواتی ہیں جنہوں نے از خود کرائے بڑھا دیئے ہیں-