وزیراعظم عمران خان نے ٹی ٹوئنٹی ورلڈ کپ میں اسکاٹ لینڈ کے خلاف میچ جیتنے پر افغانستان کی ٹیم کو مبارکباد پیش کی ہے۔

باغی ٹی وی :عمران خان نے سماجی رابطے کی ویب سائٹ ٹوئٹر پر جاری بیان میں کہا کہ اسکاٹ لینڈ کے خلاف واضح فتح حاصل کرنے پر افغان کرکٹ ٹیم کو مبارکباد پیش کرتا ہوں۔

وزیراعظم عمران خان کا کہنا ہے کہ اپنے وطن کو درپیش تمام تر مصائب و مشکلات کے باوجود کھیل کا حصہ بننے اور جیت اپنے نام کرنے کیلئے افغان ٹیم نے غیرمعمولی عزم و ہمت کا مظاہرہ کیا۔

خیال رہے کہ ٹی ٹوئنٹی ورلڈ کپ میں ٹی ٹوئنٹی ورلڈ کپ گروپ بی کے میچ میں افغانستان نے اسکاٹ لینڈ کو 130 رنز سے شکست دی افغان بیٹسمینوں کی دھواں دار بیٹنگ کے بعد اسپنر مجیب الرحمن نےتباہ کن بولنگ کرتے ہوئے اسکاٹ لینڈ کو یکطرفہ شکست سے دوچار کیا۔

ٹی ٹوئنٹی ورلڈ کپ: افغانستان نے اسکاٹ لینڈ کو 130 رنز سے شکست دے دی

اسکاٹ لینڈ کی ٹیم افغانستان کی جانب سے دیا گیا 191 رنز کا ہدف حاصل کرنے میں ناکام رہی اور پوری ٹیم 60 رنز پر ڈھیر ہو گئی۔

فغانستان نے پہلے بیٹنگ کرتے ہوئے مقررہ 20 اوورز میں 4 وکٹوں پر 190 رنز بنائے اوپننگ بیٹر حضرت اللہ زازئی 44، رحمان اللہ 46 اور نجیب اللہ 59 رنز بنا کر نمایاں رہے اور اسکاٹ لینڈ کو 191 رنز کا ہدف دیا اسکاٹ لینڈ کی جانب سے سفیان شریف نے دو جب کہ جوش ڈیوی اور مارک واٹ نے ایک ایک کھلاڑی کو آؤٹ کیا۔

فغانستان کی اسپن جوڑی مجیب الرحمان اور راشد خان نے تباہ کن بولنگ کی،مجیب الرحمن نے30رنز دے کر پانچ اور راشد خان نے9رنز کے عوض چار کھلاڑیوں کو آؤٹ کیا اسکاٹ لینڈ کے 6 کھلاڑی صفر پر پویلین لوٹ گئے۔ اوپنر مونسے نے 25 اور گریوز نے 12 رنز کی اننگز کھیلی افغانستان نے اسکاٹ لینڈ کے خلاف میچ با آسانی130رنز سے جیت لیا۔

سٹار سپورٹس نے پاکستان کے ہاتھوں بھارت کی عبرتناک شکست کے بعد ایک نیا موقع موقع اشتہار جاری کرتے ہوئے کھلے دل کا مظاہری کیا جس نے پاکستانیوں کو خوش کردیا ۔

باغی ٹی وی : پاکستان اور انڈیا کے میچ سے پہلے انڈین ٹی وی چینل سٹار سپورٹس نے اشتہار” موقع موقع” جاری کیا جس میں بڑے بڑے دعوے کیے گئے اور ایسے ظاہر کیا گیا ہے جیسے پاکستان کبھی جیت ہی نہیں پائے گا جس پر پاکستانیوں نے کافی غم و غصے کا اظہار کیا اور سٹار سپورٹس کو تنقید کا نشانہ بنایا-

اشتہار میں دکھایا گیا تھا کہ دبئی کے ایک مال میں ویڈیو میں موجود پاکستانی کا روپ اپنائے ایک شخص آئی سی سی ٹی ٹوئنٹی ورلڈ کپ دیکھنے کے لئے بڑی ایل سی ڈی دکھانے کا کہتا ہے اور پھر پاکستانی کرکٹر بابر اعظم اور رضوان کی اچھی پرفارمنس کے لئے امید کا اظہار کرتا ہے کہتا ہے کہ وہ دبئی سے ایسے چھکے ماریں گے کہ دہلی کے شیشے ٹوٹیں گے اور کپ چھین کر لیں گے-

ورلڈ کپ 2021 سے قبل کا اشتہار

بھارت میں پاکستان کے خلاف کرکٹ کے حوالے سے نفرت انگیز مہم

جس پر انڈین سکھ کا روپ اپنائے شخص اسے دو ٹی وی دیتا ہے کہ ٹی ٹوئنٹی ورلڈ کپ میں آپ ہم سے پانچوں بار ہارے ہیں اس بار بھی پٹاخے پھوڑنے سے تو رہے کچھ تو پھوڑو گے ٹی وی ہی سہی-

اشتہار سامنے آنے کے بعد پاکستان کرکٹ شائقین کی جانب سے بے چینی اور غم و غصے کی لہر دوڑ گئی-

(2015 کے ون ڈے ورلڈ کپ سے پہلے بنایا گیا ” موقع موقع” اشتہار)

اتورا کو گرین شرٹس نے جب بھارت کو شکست دی تو سٹار سپورٹس نے اس کے بعد ایک نیا موقع موقع اشتہار جاری کیا ہے جس نے پاکستانیوں کو خوش کردیا سٹار سپورٹس کی جانب سے پاکستان کی جیت پر "موقع موقع” کا جو اشتہار جاری کیا گیا ہے اس میں اسی اداکار کو کاسٹ کیا گیا ہے جس کو پاکستانی کرکٹ فین کے طور پر دکھایا گیا ہے پہلے اشتہاروں میں اس پاکستانی فین کو بھارتیوں کے ہاتھوں "چھترول” کرواتے ہی دکھایا گیا تھا لیکن نئے اشتہار میں دکھایا گیا ہے کہ یہ فین بہت خوش ہے اور پاکستان کی جیت پر آتش بازی کر رہا ہے۔

سٹار سپورٹس کے اس کھلے دل کے مظاہرے پر پاکستانیوں کی جانب سے اسے خوب سراہا جا رہا ہے اور اس اشتہار کو بھی بے حد پسند کیا جا رہا ہے۔

(ورلڈ کپ 2021، پاک بھارت میچ کے بعد کا "موقع موقع” اشتہار)

Well Played Pakistan pic.twitter.com/Uw3kSM8u3e

— Star Sports (@StarSportsIndia) October 25, 2021

انڈین میڈیا نے اپنی ٹیم کو مروایا، بھارت کو قائدِ اعظم اور بابر اعظم ہمیشہ یاد رہیں گے شعیب اختر