مذہبی تعلیمات کے مطابق زندگی گزارنے والی سابق گلوکارہ رابی پیرزادہ حادثے میں زخمی ہو گئیں-

باغی ٹی وی : رابی پیرزادہ نے اپنے کار حادثے سے متعلق سماجی رابطے کی ویب سائٹ ٹوئٹر پر اپنی تصاویر شیئر کیں جن میں دیکھا جاسکتا ہے کہ حادثے کے نتیجے میں ان کے ہاتھ، بازو اور پاؤں پر چوٹیں آئی ہیں۔

رابی پیرزادہ نے لکھا کہ ‘کیا میرے دشمنوں کو خوش ہونے کا حق نہیں، ایک چھوٹا سا ایکسیڈنٹ ہو گیا، میری دعا ان سب کے لیے ہے جو میرا ساتھ دیتے ہیں۔

کیا میرے دشمنوں کو خوش ہونے کا حق نہیں۔ کل ایک چھوٹا سا ایکسیڈنٹ ہو گیا۔ میری دعا ان سب کے لیے ہے جو میرا ساتھ دیتے ہیں۔ مگر اللہ ان کو بھی کبھی تکلیف نا دے جو میرا دل دکھاتے ہیں۔ چھوٹی سی زندگی، پھر نا میں نا آپ۔ بس ہمارے اعمال۔ رابی pic.twitter.com/cRRS12TSJa

— Rabi Pirzada (@Rabipirzada) September 11, 2021

انہوں نے مزید کہا کہ مگر اللہ ان کو بھی کبھی تکلیف نہ دے جو میرا دل دکھاتے ہیں، چھوٹی سی زندگی، پھر نہ میں نہ آپ، بس ہمارے اعمال۔

تاہم رابی پیرزادہ نے اپنی پوسٹ میں یہ نہیں بتایا کہ ان کا ایکسیڈنٹ کیسے اور کہاں ہوا۔

رابی پیر زادہ نے قرآن پاک لکھنے کاکام شروع کر دیا

خٰیال رہے کہ رابی پیرزادہ نے 2019 میں شوبز کو خیرباد کہنے کے بعد پینٹنگ و آرٹ ورک کا کام شروع کیا تھا اور وہ سوشل میڈیا پر اپنے آرٹ ورک کی تصاویر و ویڈیوز شیئر کرتی رہتی ہیں انہوں نے دیگر لوگوں کے ہمراہ ’چھوٹی سی بات‘ نامی ایک ویب سائٹ پر بھی متعارف کرائی تھی جبکہ وہ گلوکاری کے بعد نعت و حمد بھی پیش کرتی دکھائی دیں۔

رابی پیرزادہ نے ’حیا بائے رابی‘ کے نام سے اپنا ’عبایہ‘ برانڈ متعارف کرادیا

رابی پیرزادہ نے بعد ازاں اپنے نام سے ہی فلاحی تنظیم بھی متعارف کرائی تھی، جس کے تحت وہ غریب خاندانوں اور خواتین کی مدد کرتی ہیں رواں برس اپریل میں انہوں نے ’عبایہ‘ برانڈ بھی متعارف کرایا، جس کے تحت نہ صرف دیدہ زیب و فیشن ایبل ’عبایہ‘ اور ’حجاب‘ ہی نہیں بلکہ اسی برانڈ کے تحت تسبیح سمیت دیگر چیزیں بھی فروخت کے لیے پیش کی گئیں۔

صدارتی ایوارڈ یافتہ مزاحیہ اداکار لہری کودنیا سے رخصت ہوئے 9 برس بیت گئے۔

باغی ٹی وی : اداکار لہری کا اصل نام سفیر اللہ صدیقی تھا۔ وہ 1929 میں پیدا ہوئے، انہوں نے فلمی سفر کا آغاز50 کی دہائی میں بلیک اینڈ وائٹ فلموں سے کیا۔ وہ تقسیم ہند سے قبل بھارت میں پیداہوئے تاہم تقسیم کے فوراًبعد پاکستان ہجرت کرکے کراچی میں آبسے۔

انہوں نے پاکستان آکر پہلی ملازمت اسٹینو ٹائپسٹ کی حیثیت سے کی دن بھر ڈیوٹی انجام دینے کے بعد شام کے اوقات میں وہ صدر میں ہوزری کا سامان فروخت کرنے لگے انہیں اداکاری کا شوق تھا مگر اس شوق کو جلا بخشنے کے لیے انہیں درست سمت نہیں مل رہی تھی-

شاہ رخ خان بھی ویب سیریز میں نظر آئیں گے

ہری نے فن کی دنیا میں پہلا قدم اسلامیہ کالج میں ایک فنکشن میں ‘مریض عشق’ کے نام ایک ڈرامے میں پرفامنس دے کر کیا جس میں ان کو بے انتہا پزیرائی ملی اپنی اس شاندار کارگردگی سفیر اللہ ہو گئے خوش فہمی کا شکار اور پہنچ گئے ریڈیو پاکستان پر ریڈیو پاکستان کے پہلے آڈیشن میں فیل قرار دے دیا گیا لیکن باہمت اور محنتی انسان نے ہمت نہیں ہاری اور انتھک محنت کے بعد آخر قسمت کی دیوی ان پر مہربان ہو گئی ۔

1955ء میں لچھو سیٹھ (شیخ لطیف فلم ایکسچینج والے) نے ایک فلم ‘انوکھی’ بنانے کا اعلان کیا جس میں ہیروئن کا کردار ادا کرنے کے لیے ان کی بھانجی شیلا رمانی بھارت سے پاکستان تشریف لائیں اس طرح سفیر اللہ کو اس فلم میں اپنی خداد داد صلاحیتوں کو پردہٴ سیمیں پر پیش کرنے کا موقع ملا اور ان کی یہ پہلی فلم 1956ء کے اوائل میں نمائش کے لیے پیش کردی گئی۔

انہوں نے ریڈیو پر صداکاری کی، 1956 میں بننے والی فلم انوکھی میں انہیں اداکاری کے جوہر دکھانے کا موقع ملا، اس وقت فلم انڈسٹری میں آصف جاہ، نذر، منورظریف اور یعقوب کا طوطی بولتا تھا۔

اداکار عمرشریف نے وزیراعظم سے اپیل کر دی

منور ظریف، نذر اور آصف جاہ کے بعد لہری کے لیے فلم انڈسٹری میں اپنے لیے جگہ بنانا کسی معرکے سے کم نہ تھا۔ لہری سے پہلے اداکار یعقوب بہترین مزاحیہ اداکار کہلاتے تھے مگر لہری نے اپنی محنت اور کام کی لگن سے یعقوب کو بہت پیچھے چھوڑدیا۔

لہری نے اپنے جداگانہ انداز کی بنا پر ان قدآور مزاحیہ اداکاروں میں جگہ بنائی، ان کی پہلی فلم ’انوکھی‘ تھی جو سنہ 1956 میں ریلیز ہوئی۔ ان کی آخری فلم ’دھنک‘ تھی جو سنہ 1986 میں بنی تھی۔ ان کا فلمی کیریئر تیس سال پر محیط ہے اور ایک اندازے کے مطابق انھوں نے 220 فلموں میں کام کیا جن میں تین پنجابی فلموں کے علاوہ باقی سب اردو فلمیں تھیں۔

وہ واحد مزاحیہ اداکار تھے جنہیں فن اداکاری میں ان کی خدمات کے اعتراف میں12 نگار ایوارڈز جب کہ 1996 میں صدارتی تمغہ برائے حسن کارکردگی سے بھی نوازاگیا۔ منفرد لب ولہجے میں بولے جانے والے مکالمے لہری کی پہچان تھے۔ جنہیں سن کر شائقین ہنس ہنس کرلوٹ پوٹ ہوجایا کرتے تھے۔

1985 میں بنکاک میں دوران شوٹنگ فالج کے حملے کے بعد لہری مسلسل بیماریوں کا شکار رہےاور13 ستمبر 2012 کو خالق حقیقی سے جاملے۔

معروف پاکستانی اداکارہ منال خان احسن محسن اکرام کے ہمراہ جمعۃ المبارک کورشتہ ازدواج میں منسلک ہو ئیں تاہم ان دونوں کی ولیمے کی تقریب گزشتہ روز اتوار کو ہوئی جس کی تصاویر اور ویڈیوز سوشل میڈیا پر وائرل ہورہی ہیں-

باغی ٹی وی: انسٹاگرام پر اداکار جوڑے کے نکاح، مختلف رسومات اور رخصتی سمیت دیگر خوبصورت لمحات کی کچھ ویڈیوز زیرِگردش ہیں منال خان اور احسن محسن اکرام نے بھی سوشل میڈیا کی ویب سائٹ انسٹاگرام پر خوبصورت تصاویر شیئر کی ہیں جنہیں مداحوں نے خوب سراہا ہے۔مداحوں اور ساتھی فنکاروں کی جانب سے دلہا دلہن کو شادی کی مبارکباد دینے کا سلسلہ بھی جاری ہے۔

اداکارہ کی شادی پر شوبز شخصیات نے بھی شرکت کی جن میں صبور علی، علی انصاری، فہد شیخ، کنزہ ہاشمی، ندا یاسر، اقرا عزیز اور یاسر حسین شامل تھے۔

واضح رہے کہ اس سے قبل منال خان کی ڈھولکی مایوں اور بارات کی تصاویر بھی سوشل میڈیا پر خوب وائرل ہوئیں اور مداحوں کی توجہ کا مرکز بنی رہیں۔

یاد رہے کہ اداکارہ منال خان اور احسن محسن اکرام کی رواں برس مئی میں بات پکی ہوئی تھی جبکہ دونوں کی منگنی جون میں ہوئی تھی۔