ترکی میں موجود پاکستان کی معروف ٹاک ٹاک سٹار حریم شاہ بحرین جانے کے لئے ایئرپورٹ پر فلائٹ مس ہونے سے بڑی پریشانی کا شکار ہو گئیں ۔

باغی ٹی وی : میڈیا رپورٹس کے مطابق ٹک ٹاک سٹار حریم شاہ نے اپنے انسٹا گرام اکاﺅنٹ پر ایک ویڈیو پیغام جاری کیا ہے جس میں وہ اپنی پریشانی سے متعلق بتارہی ہیں۔

انسٹا گرام پر شیئر کی گئی ویڈیو میں حریم شاہ نے بتایا کہ میرے ساتھ ایک سانحہ پیش آیا ہے کہ میں نے بحرین جانا تھا لیکن میرے ذہن سے یہ بات نکل گئی کہ کورونا ایس اوپیز کے تحت سفرکرنے کیلئے ویکسینیٹڈ ہونے کے ساتھ ساتھ پی سی آر ٹیسٹ بھی کروانالازمی ہے۔

حریم شاہ نے بتایا کہ وہ جب ایئر پورٹ پر پہنچیں تو انہیں سٹاف نے کوویڈ رپورٹ کے ساتھ پی سی آر ٹیسٹ بھی جمع کرانے کا کہا کہ جو کہ انہوں نے نہیں کرایا تھا،انہوں نے سٹاف کو بتا یاکہ میں نے ویکسین لگوا رکھی ہے مگر انتظامیہ کا کہنا تھا کہ سفر کے لئے پی سی آرٹیسٹ کا ہونا لازمی ہے، آپ ایئرپورٹ سے ہی کرالیں۔

ٹک ٹاک سٹار کے مطابق وہ ایئر پورٹ پر پی سی آر ٹیسٹ کے لئے قائم کاﺅنٹر پر چلی گئیں جہاں دیر ہونے کے باعث ان کی بحرین جانے والے فلائٹ مس ہوگئی حریم شاہ ویڈیو میں کافی پریشان دکھائی دے رہی ہیں اور ان کے بقول انہیں سمجھ نہیں آرہا کہ ایسی صورتحال میں کیا کریں۔

معروف پاکستانی اداکارہ منال خان اور اداکار احسن محسن کی شادی کی تقریبات کا آغاز ہوگیا ہے جس کی تصاویر سوشل میڈیا پر وائرل ہو رہی ہیں-

باغی ٹی وی : ڈھولکی کے بعد گزشتہ شب منال اور احسن کی مایوں کی محفل کی تقریب سجائی گئی، مایوں کی تصاویر اور ویڈیوز سوشل میڈیا پر وائرل ہو رہی ہیں منال اور احسن کی جانب سے مایوں کی تصاویر اور ویڈیوز سوشل میڈیا کی ویب سائٹ انسٹاگرام پر شیئر کی گئیں ہیں۔

تصاویر میں دیکھا جاسکتا ہے کہ دلہن نے زرد رنگ کا لہنگا پہنا ہوا ہے جب کہ دلہا نے کالی شلوار قمیض پر واسکٹ پہن رکھی ہے دوسری جانب ویڈیوز میں منال اور احسن کو ایک دوسرے کے ہمراہ رقص بھی کرتے دیکھا جاسکتا ہے۔

انسٹا گرام پر شوبزشخصیات اور مداحوں کی جانب سے دونوں کے لیے نیک خواہشات کا اظہار کیا جارہا ہے اور شادی کی مبارکباد بھی دی جارہی ہے۔جبکہ مایوں میں کئی نامور اداکاروں نے شرکت بھی کی۔

واضح رہے کہ اس سے پہلے سوشل میڈیا ویب سائٹ انسٹاگرام پراداکار احسن محسن اکرام نے شادی کے کارڈ کی تصویرشیئر کی تھی منال خان اور احسن محسن کی 10 ستمبر جمعے کو بارات اور 12 ستمبر اتوار کو دونوں کے ولیمے کی تقریب ہوگی۔

یاد رہے کہ اداکارہ منال خان اور احسن محسن اکرام کی رواں برس مئی میں بات پکی ہوئی تھی جبکہ دونوں کی منگنی جون میں ہوئی تھی۔

منال خان اوراحسن محسن کی شادی کی تقریبات کا آغاز ہوگیا