ایف آئی اے کراچی کا کرپٹ سب انسپکٹر افسران سے زیادہ طاقتور بن گیا-
باغی ٹی وی : تفصیلات کے مطابق ایف ائی اے کے سب انسپکٹر احمد کان میرانی نے رشوت اور کرپشن سے کروڑوں روپے کما لیئے شکایت پر رابطہ کرنے والے سینئر صحافی کو منی لانڈرنگ کیس میں میں آج طلب کرلیا کرپٹ اہلکار پی پی دور میں بحال ہوا رشوت پر دو بار معطل ریپ کیس میں پکڑا گیا نیب اثاثوں کی تحقیقات کر رہا ہے-
کراچی وفاقی تحقیقاتی ادارے ایف آئی اے کا کرپٹ سب انسپیکٹر افسران سے بھی زیادہ طاقتور ہو گیا حوالہ ہنڈی اور منی لانڈرنگ کے کیسز میں تاجروں اور صنعت کاروں کو بلیک میل کرنا شروع کر دیا ایک کیس میں مبینہ طور پر مختلف تاجروں سے پانچ کروڑ کی رشوت بھی لی رشوت کی شکایت پر سینئر صحافی نے موقف لینے کے لئے سب انسپکٹر احمد خان میرانی سے رابطہ کیا تو تو اس نے موقف دینے کی بجائے سینئر صحافی کو بھی منی لانڈرنگ کیس میں ڈال کر پیر کو طلب کرلیا –
ذرائع کے مطابق ایف آئی اے اسٹیٹ بینک سرکل کراچی سب انسپکٹر احمد خان منی لانڈرنگ کے جھوٹے کیسز میں صنعت کاروں اور تاجروں کو بلیک میل کرنے لگا اور اس میں ا سے اپنے ڈائریکٹر ایف آئی اے سندھ زون عمر فاروقی مکمل آشیرباد حاصل ہے 31 صنعتکاروں اور ممتاز تاجروں کو ایف آئی آر نمبر 09- 2019 کے تحت نوٹز جاری کیے اور الزام عائد کیا کہ کہ وہ منی لانڈرنگ میں ملوث ہیں-
جب یہ صنعت کار اور تاجر کال اپ نوٹس کے تحت پیش ہوئے تو مبینہ طور پر ان سے رشوت لی گئی جو کہ پانچ کروڑ روپے سے زائد ہے اور یہ پیسہ ڈائریکٹر ایف آئی اے عامر فاروقی تک بھی پہنچایا گیا ایسی شکایات جب میڈیا تک پہنچی تو آن لائن نیٹ ورک کے ایڈیٹر انچیف محسن جمیل بیگ نے ان کا موقف جاننے کے لیے رابطہ کیا تو نہ صرف سب انسپکٹر احمد خان نے ہتک آمیز رویہ اختیار کیا بلکہ ان سے نمٹ لینے کی دھمکیاں بھی دی تھیں اور حیرت انگیز طور پر بعد میں ایف آئی آر میں محسن جمیل کو بھی پیر کو ایف آئی اے سٹیٹ بینک سرکل کراچی طلب کر لیا گیا-
ذرائع کا کہنا ہے کہ پنجاب سندھ اور بلوچستان کی بزنس کمیونٹی کو یہ سب انسپکٹر عامر فاروقی کی ملی بھگت اور آشیر باد سے بلیک میل کر رہا ہے ذرائع کا کہنا ہے کہ عمر فاروقی کو مختلف الزامات پر سندھ بدر بھی کیا گیا تھا موصوف کا تعلق پولس گروپ سے ہے مگر یہ اپنا سیاسی اثر رسوخ استعمال کرتے ہوئے دوبارہ بحال ہونے میں کامیاب ہو گیا-
ذرائع نے بتایا کہ عمر فاروقی بری شہرت کا حامل آفیسر ہے اور ایف آئی اے کے لیے بدنامی کا باعث بنا ہوا ہے مگر اب سپریم کورٹ نے ان کو نکالنے کے احکامات بات جاری کر دیئے ہیں-
ذرائع سے یہ بھی معلوم ہوا ہے کہ نیب بھی احمد خان میرانی اور عامر فاروقی کے خلاف کرپشن کی شکایت پر تحقیقات کر رہا ہے اور ان کے ساتھ ساتھ ان کے عزیز و اقارب کے بھی اثاثہ جات چیک کیے جا رہے ہیں کیونکہ دونوں کے خلاف کرپشن کی شکایات بہت زیادہ بڑھ گئی ہیں اور بزنس کمیونٹی بھی ان کی بلیک میلنگ سے تنگ آئی ہوئی ہے جبکہ اب اسی نے صحافیوں کو بلیک میل کرنے کا سلسلہ شروع کر رکھا ہے تاکہ ان کے کارنامے میڈیا پر نہ آسکیں-
واضح رہے کہ واضح رہے کہ احمد خان میرانی کرپشن کیسز میں 2 بار معطل ہو چکا ہے اور ایک ہوٹل میں خاتون کے ساتھ ریپ کیس میں بھی پکڑا گیا تھا اور اس کا نام ان اہلکاروں میں شامل ہے جو کہ پیپلزپارٹی کے دور میں بحال کر دیے گئے تھے –
