افغانستان کے دارالحکومت کابل میں شہری طالبان جنگجوؤں کا سرخ اور سفید گلاب سے استقبال کررہے ہیں-

باغی ٹی وی : کابل پر طالبان کی جانب سے کنٹرول حاصل کرنے کے بعد بیشتر افغان شہری لوگ ملک چھوڑنے رہے ہیں یا کوشش کررہے ہیں وہ شہری جنہوں نے ملک میں رہنے کو ہی ترجیح دی ہے وہ طالبان جنگجوؤں کا سرخ اور سفید گلاب سے استقبال کررہے ہیں۔

سوشل میڈیا پر وائرل تصاویر میں مردوں اور لڑکوں کو طالبان جنگجوؤں کو علامتی رنگ کے پھوؒ دیتے ہوئے دیکھا جاسکتا ہے۔

برطانوی آن لائن اخبار دی میل کے مطابق شہری مخلتف چوراہوں اور چوکیوں پر تعینات طالبان اہلکاروں کے پاس جاکر پھول پیش کررہے ہیں۔ افغان روایات کے مطابق سرخ گلاب دوستی اور سفید پھول معافی کی علامت سمجھے جاتے ہیں-

کابل کے شہری طالبان کو پھول پیش کر کے ان کے ساتھ دوستی کا ہاتھ بڑھانا اور تعلقات استوار کرنا چاہتے ہیں تاکہ ان کے نئے حکمران ان کے خلاف کوئی انتقامی کارروائی نہ کریں –

جبکہ بہت سے شہری اب بھی تذبذب کا شکار ہیں کہ آیا طالبان خواتین اور لڑکیوں کو کام کرنے اوو تعلیم حاصل کرنے دیں گے؟ ماضی میں طالبان مغرب کے حامی مردوں اور عورتوں کو نشانہ بناتے رہے ہیں۔

واضح رہے کہ گزشتہ روز طالبان ترجمان ذبیح اللہ مجاہد نے پہلی بار ملکی و غیر ملکی میڈیا کے روبرو پریس کانفرنس میں افغانستان میں جلد سیاسی حکومت کی تشکیل اور ہر خاص و عام کے لیے عام معافی کا اعلان کیا کابل میں پریس کانفرنس میں ان کا کہنا تھا کہ افغانستان کے عوام کو مبارکباد پیش کرتا ہوں، آزادی افغان قوم کا حق تھا اور 20 سال بعد اسے حاصل کیا۔

خواتین کے کام کرنے سے متعلق سوال پر ذبیح اللہ مجاہد نے بتایا کہ خواتین ہمارے معاشرے کا معزز حصہ ہیں اور انہیں وہ تمام حقوق دیے جائیں گے جو دین نے دیے ہیں، اسلامی اصولوں کے مطابق خواتین کوکام کرنے کی اجازت ہوگی۔

خیال رہے کہ طالبان نے اتوار 15 اگست 2021 کو افغان دارالحکومت کابل پر بھی قبضہ کرلیا ہے جس کے بعد وہاں موجود امریکی فوجی اور افغان صدر اشرف غنی سمیت متعدد اہم حکومتی عہدے دار ملک سے فرار ہوگئے ہیں طالبان نے کابل کا کنٹرول حاصل کرنے کے بعد عام معافی کا اعلان کیا ہے اور عالمی برادری کو پیغام دیا ہے کہ وہ ان کے ساتھ مل کر کام کرے۔

فیس بک پر سنسر شپ کا الزام ،سابق امریکی صدر کے بیٹے ڈونلڈ ٹرمپ جونیئر طالبان کے ترجمان ذبیح اللہ مجاہد سے اتفاق کیا ہے-

باغی ٹی وی : منگل کو طالبان کے ترجمان ذبیع اللہ مجاہد نے کابل میں افغانستان کے صدارتی محل میں پہلی پریس کانفرنس کی طالبان کے ترجمان ذبیح اللہ مجاہد نے ملک میں نئی حکومت کے بعد آزادی اظہار رائے کے بارے میں ایک سوال یہ کہہ کر نظرانداز کر دیا کہ اس سوال کو فیس بک سے پوچھا جائے انہوں نے مزہد کہا کہ یہ سوال فیس بک جیسی امریکی کمپنیوں سے پوچھا جانا چاہیے جو سنسر کرتے ہوئے بھی اس کو فروغ دینے کا دعوی کرتے ہیں-

جس کے بعد ڈونلڈ ٹرمپ کے بیٹے ٹرمپ جونیئر نے ذبیح اللہ مجاہد کی پریس کانفرنس سے فیس بک پر کیا گیا تبصرہ ٹوئٹر پر شیئر کیا اور لکھا کہ یہ بھی غلط نہیں ہے۔

LOL… Also not wrong. https://t.co/nMDM9k8fwL

— Donald Trump Jr. (@DonaldJTrumpJr) August 17, 2021

جونئیر ٹرمپ کا یہ تبصرہ اس وقت سامنے آیا جب کہ سوشل میڈیا ویب سائٹ فیس بک نے اپنے تمام پلیٹ فارمز انسٹاگرام اور واٹس ایپ پر افغان طالبان اور ان کی حمایت سے متعلقہ تمام مواد پر پابندی عائد کردی ہے-

واضح رہے کہ فیس بک نے امریکا کے طالبان کے ساتھ انخلا کے لیے مذاکرات اور افغانستان میں ان کی حالیہ فتح کے باوجود طالبان کو دہشت گرد تنظیم قرار دے کر ان کے مواد پر پابندی عائد کر دی ہے۔

اس حوالے سے فیس بک کے ایک ترجمان نے بی بی سی کو بتایا امریکی قانون کے تحت طالبان ایک دہشت گرد تنظیم ہے اور ہم نے اپنی خطرناک تنظیموں کی پالیسیوں کے تحت ان کے مواد پر پابندی لگا دی ہے-

فیس بک نے اپنے تمام پلیٹ فارمز پرافغان طالبان اور انکی حمایت سے متعلقہ تمام مواد…

کمپنی کا کہنا تھا کہ اس گروپ کے ساتھ منسلک مواد کی نگرانی اور اسے ہٹانے کے لیے افغان ماہرین کی ایک ماہر ٹیم ہےطالبان اپنے پیغامات کو پھیلانے کے لیے کئی سالوں سے سوشل میڈیا کا استعمال کر رہے ہیں اطلاعات کے مطابق طالبان آپس میں رابطے کے لیے واٹس ایپ کا استعمال کرتے ہیں۔

فیس بک کے ترجمان نے کہا تھا کہ ہم نے طالبان کی جانب سے یا ان کی حمایت میں بنائے گئے تمام اکاؤنٹس کو بلاک کردیا ہے اور تمام پلیٹ فارمز پر طالبان کی تعریف، حمایت اور نمائندگی کرنے پر پابندی لگادی ہے۔

فیس بک نے مزید کہا تھا کہ اس گروپ سے منسلک مواد کی نگرانی اور اسے ہٹانے کے لیے افغانستان کے دری اور پشتو بولنے والے ماہرین کی ایک ٹیم بھی تشکیل دے دی گئی ہے جو پلیٹ فارم پر ابھرتے ہوئے مسائل کی شناخت اور آگاہ کرنے میں مدد فراہم کررہی ہے۔

یاد رہے کہ اس سے قبل فیس بک امریکی انتخابات کے دوران سابق صدر اور ری پبلکن امیدوار ڈونلڈ ٹرمپ کا اکاؤنٹ بھی بلاک کر چکا ہے اور وہ کم از کم آئندہ دو سال تک فیس بک استعمال نہیں کر سکتےامریکا میں ری پبلکن رہنما اکثر الزام لگاتے ہیں کہ فیس بک جیسی سوشل میڈیا کمپنیاں قدامت پسند آوازوں اور آراء کے خلاف سنسرشپ میں مصروف ہیں۔

افغانستان کے مفرور نائب صدر امر اللہ صالح نے سابق رہنما اشرف غنی کی جلاوطنی کے بعد ملک کے نئے نگراں صدر ہونے کا دعویٰ کیا ہے۔

باغی ٹی وی : سماجی رابطے کی ویب سائٹ ٹوئٹر پراپنی ٹوئٹ میں امراللہ صالح نے دعوی کیا ہے کہ وہ اشرف غنی کی جلاوطنی کے بعد ملک کے نئے نگراں صدر ہیں –

Clarity: As per d constitution of Afg, in absence, escape, resignation or death of the President the FVP becomes the caretaker President. I am currently inside my country & am the legitimate care taker President. Am reaching out to all leaders to secure their support & consensus.

— Amrullah Saleh (@AmrullahSaleh2) August 17, 2021

امراللہ صالح نے کہا کہ افغانستان کے آئین کے مطابق صدر کی غیر موجودگی، موت، مستعفی ہونے کی صورت میں نائب صدر ملک کا نگران صدر ہوتا ہے، میں اس وقت اپنے ملک میں ہوں اور میں آئین کے تحت ملک کا نگران صدر ہوں۔

امراللہ صالح نے تمام رہنماؤں سے اپنی حمایت اور اتفاق رائے کے لیے اپیل کی-

اس سے پہلے یہ خبریں تھیں کہ امراللہ صالح بھی اشرف غنی کے ساتھ ملک سے فرار ہوگئے ہیں جبکہ سوشل میڈیا پر یہ خبریں بھی زیرگردش ہیں کہ امراللہ صالح افغان صوبے پنجشیر میں ہیں۔

اس حوالے سے ایک تصویر وائرل ہورہی ہے جس میں افغان نائب صدر امراللہ صالح اور احمد مسعود ساتھ بیٹھے ہیں اور مبینہ طور پر طالبان کیخلاف مزاحمت کیلئے منصوبہ بندی پر تبادلہ خیال کررہے ہیں تاہم اس تصویر کی تصدیق نہیں ہوسکی کہ حالیہ دنوں کی ہے یا پرانی البتہ امراللہ صالح نے ٹوئٹ میں تصدیق کی کہ وہ ملک میں ہی موجود ہیں۔

امریکی محکمہ خارجہ کے ترجمان نے کہا ہے کہ طالبان کی باتوں پر یقین نہیں-

باغی ٹی وی : تفصیلات کے مطابق امریکی محکمہ خارجہ کے ترجمان نیڈ پرائس نے بریفنگ میں کہا ہے کہ طالبان کی باتوں پر یقین نہیں، جو کہہ رہے ہیں اس پر عمل کب ہوتا ہے؟ یہ دیکھیں گے۔

امریکی قومی سلامتی کے مشیر جیک سلیوان نے وائٹ ہاؤس میں بریفنگ کے دوران کہا کہ طالبان کی حکومت کو تسلیم کرنے کا سوال قبل از وقت ہے۔ طالبان کا ٹریک ریکارڈ اچھا نہیں رہا۔

جیک سلیوان نے کہا کہ طالبان کے طرز عمل پر منحصر ہوگا کہ وہ دنیا کو دکھائیں کہ وہ کون ہیں اور کیسے آگے بڑھنا چاہتے ہیں –

افغانستان میں امریکہ کی طویل ترین جنگ کی مالی اور جانی قیمت کتنی؟ جانیں

جیک سلیوان نے یہ بھی تسلیم کیا کہ طالبان نے امریکی اسلحے اور آلات کے بڑے ذخیرے پر قبضہ کرلیا ہے۔

وائٹ ہاؤس میں بریفنگ کے دوران انہوں نے مزید کہا کہ احساس ہے کہ طالبان یہ ساز و سامان آسانی سے واپس نہیں کریں گے کابل پر طالبان کے قبضے کے بعد امریکی صدر نے کسی عالمی رہنما سے بات نہیں کی۔

واضح رہے کہ افغان جنگ میں فتح کے نتیجے میں امریکا اور افغان فوج کا چھوڑا گیا اسلحہ اور عسکری ساز و سامان بھی طالبان کے ہاتھ لگا۔ ان میں امریکی ہیلی کاپٹرز بھی شامل ہیں جو افغان حکومت کو دیئے گئے تھے-