کابل میں طالبان نے خواتین صحافیوں کو میڈیا پر آنے کی مکمل اجازت دی ہوئی ہے۔

باغی ٹی وی : طالبان کے دارلحکومت کابل کا کنٹرول سنبھالتے ہی زیادہ تر چینلز نے خواتین اینکرز کو ٹی وی سکرینوں سے ہٹا دیا تھا تاہم اب افغانستان کے بڑے نشریاتی ادارے میں طلوع نیوز کے پروگرام میں خاتون اور طالبان مہمان کو دیکھا جاسکتا ہے-

سوشل میڈیا پر ایک تصویر شیئر کی گئی ہے جس میں ایک خاتون اینکر کو طالبان کی میڈیا ٹیم کے نمائندے سے گفتگو کرتے دیکھا جا سکتا ہے یہ تصویر طلوع نیوز کے ایک سینیئر عہدیدار کی جانب سے شئیر کی گئی ہے۔

طالبان کے کنٹرول سنھالتے ہی سب سے زیادہ افغانستان میں خواتین کے حقوق کے بارے میں بات کی جا رہی ہے گزشتہ روزطالبان کے ایک مقامی وفد نے خواتین ڈاکٹرز کے ساتھ ملاقات کی اور خواتین ڈکٹرز اپنی ڈیوٹیاں جاری رکھنے کا حکم دیا ہے کہا کہ وہ اطمینان کے ساتھ اپنی ڈیوٹی جاری رکھیں انہیں کسی قسم کا خوف نہیں ہو نا چاہیئے دوران ملاقات طالبان نے خواتین کو مکمل تحفظ دینے کی یقین دہانی بھی کرائی –

افغانستان کرکٹ ٹیم اپنا کھیل جاری رکھیں طالبان اس کی حمایت کریں گے ترجمان طالبان

بی بی سی کے مطابق نوے کی دہائی میں طالبان کے دور میں افغانستان کے شہروں میں خواتین کو اپنے گھروں سے بغیر محرم نکلنے پر سخت پابندی تھی اور اسی وجہ سے اب بھی طالبان کے زیر کنٹرول شہروں میں خواتین اپنے گھروں سے نکلنے سے ڈرتی ہیں۔

واضح رہے کہ طالبان نے حامد کرزئی انٹرنیشنل ائیرپورٹ کے غیرفوجی حصے کا کنٹرول حاصل کرلیا،عوام کے رش کی وجہ سے امریکی فوجی پورا ائیرپورٹ کنٹرول کرنے میں ناکام رہے، طالبان نے سرکاری ملازمین کیلئے عام معافی کا اعلان بھی کر دیا ہے طالبان نے زور دیا ہے کہ سرکاری ملازمین کام پر واپس آ جائیں-

تین دن کی تاخیر کے بعد ، ٹریفک پولیس پورے افغانستان میں کام پر واپس آگئی۔ طالبان نے پورے افغانستان کا کنٹرول سنبھالا تو انہوں نے تمام سرکاری ملازمین سے کہا کہ وہ اپنی ملازمتوں پر واپس آ جائیں جس کے بعد ٹریفک پولیس واپس کام پر آ گئی-

طالبان کی خواتین ڈاکٹرز کو اپنی ڈیوٹیاں جاری رکھنے کی ہدایت

افغانستان کے تمام صوبوں پر قبضے کے بعد ، طالبان کے سیاسی نائب ، ملا عبدالغنی برادر کا پیغا م جاری کیا گیا جس میں کہا گیا کہ تمام مرد اور خواتین سرکاری ملازمین کو اپنی ذمہ داریوں پر واپس آنا چاہیے ،وہ عوام کی خدمت کے لیے پرعزم ہیں۔ لوگوں کے ساتھ کام کرنا ہے۔ ہر چیز کو معمول پر لانے اور لوگوں کو مصروف رکھنے کے لیے ننگرہار ، ہرات ، بلخ اور دیگر شہروں کی ٹریفک پولیس اپنے فرائض پر واپس آ گئی ہے اور صبح کے وقت کابل شہر کی سڑکوں پر ٹریفک پولیس نے دوبارہ کام شروع کر دیا ہے-

لندن: برطانوی وزیر خارجہ ڈومینک راب کہا کہ ہمیں حقیقت پسند ہونا پڑے گا لیکن طالبان کے ساتھ کاروبار نہیں کریں گے۔

باغی ٹی وی : غیر ملکی خبر رساں ایجنسی کے مطابق برطانیہ نے طالبان کے ساتھ کاروبار نہ کرنے کا اعلان کر دیا اس حوالے سے برطانوی وزیر خارجہ ڈومینک راب نے اپنے ایک بیان میں کہا ہے کہ کابل ایئر پورٹ پر پوزیشن مستحکم ہے اور طالبان کے کنٹرول کے بعد خوفزدہ شہری افغانستان سے نکلنا چاہتے ہیں۔

انہوں نے کہا کہ توقع سے زیادہ تیز رفتاری سے طالبان نے کنٹرول حاصل کیا ہے ڈومینک راب نے اعتراف کیا ہے کہ حکومت افغانستان میں طالبان کی تیز رفتار پیش قدمی سے حیران ہے برطانیہ نے اعلان کیا ہے کہ مزید 200 فوجیوں کو انخلا کی کوششوں میں مدد کے لیے کابل بھیجا جائے گا۔

برطانوی وزیر دفاع افغانستان کا ذکر کرتے ہوئے آبدیدہ ہو گئے

مسٹر راب نے برطانیہ کے بحران سے نمٹنے کے بارے میں پوچھے جانے پر کہا ، "طالبان نے افغانستان میں جس پیمانے اور رفتار سے قبضہ کیا ہے اس سے ہر کوئی حیران ہے تاہم افغانستان کی سرزمین مغرب پر حملوں کے لیے استعمال نہیں ہونی چاہیے۔

ڈومینک راب نے کہا کہ ہمیں حقیقت پسند ہونا پڑے گا لیکن طالبان کے ساتھ کاروبار نہیں کریں گے۔

اس سے قبل پیر کے روز برطانوی وزیر دفاع بین والیس افغانستان کا ذکر کرتے ہوئے آبدیدہ ہو گئے،کہا کہ وہ اس لیے غمزدہ ہیں کہ وہ بھی ایک فوجی ہیں انہوں نے ایک انٹرویو میں اعتراف کیا کہ کہ انہیں افسوس ہے کہ کچھ لوگ افغانستان سے واپس نہیں آ پائیں گےبرطانوی وزیر دفاع نے کہا کہ ان کام ہے کہ اپنے فرائض نبھائیں، 20برس کی قربانیاں رائیگاں نہیں جانے دیں گے-

کابل : طالبان نے کابل پر قبضہ جما لیا ہے جبکہ امریکہ اپنے سفارتکاروں اور جنگ میں ساتھ دینے والے افغانیوں کو پناہ دینے کیلئے آپریشن جار ی رکھے ہوئے تاہم اس دوران کابل ایئر پورٹ پر ایسے مناظر دیکھنے کو ملے کہ امریکہ کو اپنا مشن روکنا پڑگیا ۔

باغی ٹی وی : امریکی بوئنگ طیارے کی افغانستان ایئر پورٹ پر حیرت انگیز پرواز کی تصویر منظرعام پر آگئی جس میں سینکڑوں پناہ گزین طالبان کے خوف سے بیرون ملک پناہ کے لیے روانہ ہوئے۔

From inside the plane evacuating people from Kabul airport.#Kabul #Taliban #Afghanistan #KabulAirport pic.twitter.com/pb75cIg2Dx

— Wajahat Kazmi (@KazmiWajahat) August 16, 2021

رپوٹ کے مطابق کمرشل طیارے بوئنگ میں 650 مسافر سوار تھے لیکن تصویری منظر نامہ اس بات کو واضع کر رہا ہے کہ یہ 650 نہیں بلکہ سینکڑوں پناہ گزین ہیں جو خوف و ہراس کے عالم میں ہیں، ان کے چہرے پر موت کا خوف اور قلب میں طالبان کا ڈر واضع نظر آ رہا ہے۔ طیارے کی صلاحیت سے کہیں زیادہ سینکڑوں بچے، بوڑھے اور جوان سوار ہیں –

تاہم 150 افراد کی گنجائش والا امریکی طیارہ 640 افراد کو لے کر قطر پہنچ گیا پرواز میں امریکی سفارت کار، عملہ اور بیسیوں افغان شہری سوار تھے۔

طیارے میں سوار ایک پناہ گزین نے بتایا کہ میں نے کبھی کسی ملک کے لوگوں کی ایسی حالت نہیں دیکھی کہ وہ ملک چھوڑ کر جانے کو اتنے بے تاب ہوں۔ جب افغان شہری طیارے میں داخل ہوئے تو گھبراہٹ ان کی آنکھوں سے واضح تھی۔

پیر کی صبح ایسی ویڈیوز بھی منظر عام پر آئیں جن میں دیکھا جا سکتا ہے کہ متعدد افراد کے کابل ہوائی اڈے پر انخلا کے مقصد سے جانے والی ایک فلائٹ پر چڑھنے کے لیے افراتفری کا عالم ہے۔ بہت سے لوگ طیارے میں چڑھنے پر کامیاب ہو گے تاہم کئی لوگوں نے جہاز کے ساتھ لٹکنے کی کوشش بھی کی تین افراد کی جہاز سے گرنے سے موت بھی ہو گئی ہے ۔

گزشتہ ہفتے اتوار کی شام تک کابل کے ہوائی اڈے پر زبردست بھیڑ جمع ہو گئی تھی اور ہر کوئی کسی نہ کسی طیارے پر سوار ہو کر کسی طرح ملک سے باہر نکلنے کو بیتاب نظر آ رہا تھا۔

اب تک امریکہ نے ہی افغان پناہ گزینوں کو بحفاظت بیرون ملک چھوڑنے کا بیڑا اٹھا رکھا ہےامریکی دفاعی حکام اور ڈیفنس ون کی جانب سے حاصل کردہ تصاویر کے مطابق امریکی فضائیہ کے سی 17 گلوب ماسٹر III نے اتوار کی رات تقریبا 6640 افغان پناہ گزینوں کو کابل سے محفوظ طریقے سے نکال لیا۔

سوشل میڈیا پر ایک تصویر تیزی سے گردش کر رہی ہے جو کہ ممکنہ طور پر جہاز کے اندر بنائی گئی ہے جس میں سینکڑوں لوگ جہاز کے فلور پر بیٹھے دکھائی دے رہے ہیں ۔سوشل میڈیا پر گردش کرنے والی تصویر کے بارے میں رپورٹس ہیں کہ جہاز میں تقریبا 650 افراد سوار تھے جو کہ جہاز کی گنجائش سے بہت زیادہ ہیں ۔

Satellite image of the chaos at #Kabul airport yesterday. pic.twitter.com/JJOCwI1bcs

— Resonant News🌍 (@Resonant_News) August 17, 2021

بی بی سی کے مطابق جن افغانستان سے نکالنے کیلئے کلیئر قرار دیا گیا وہ کسی نہ کسی طرح جہاز میں سوار ہونے میں کامیاب ہو گئے ، جہاز کے عملے نے نہیں نیچے اتارنے کی بجائے جہاز کو اڑانے کا فیصلہ کیا برطانوی نشریاتی ادارے کا اپنی رپورٹ میں کہناتھا کہ کابل ایئر پورٹ پر افغانستان سے جانے کیلئے ہزاروں کی تعداد میں لوگ جمع ہو گئے ہیں جس کی وجہ سے جہازوں کو عارضی طور پر گراونڈ بھی کرنا پڑا جبکہ امریکی فوجیوں کی جانب سے فائرنگ کا واقعہ بھی دیکھنے میں آیا اور بوکھلاہٹ کی وجہ سے 5 افراد کے ضاں بحق ہونے کی اطلاعات بھی آئیں-

اسلام آباد: وزیر داخلہ شیخ رشید احمد نے کہا ہے کہ طالبان کو اعتماد میں لے لیا گیا ہے ہم ہر طرح کی صورتحال سے نمٹنے کے لیے تیار ہیں اور اب تک کی تمام تر صورتحال اطمینان بخش ہے۔

باغی ٹی وی : وزیر داخلہ شیخ رشید احمد نے میڈیا سے گفتگو میں کہا کہ ہماری طرف وہ لوگ آتے تھے جن کو شمالی اتحاد اور دیگر لوگوں سے مسئلہ تھا تاہم طالبان کواعتماد میں لے لیا ہے کہ افغان سرزمین پاکستان کے خلاف استعمال نہ ہو۔

افغانستان کی حالیہ صورتحال پر سعودی عرب نے اپنا بیان جاری کر دیا

شیخ رشید احمد نے کہا کہ چمن اور طورخم بارڈر کھلا ہے اور گزشتہ روز بھی کچھ پاکستانی وطن واپس آئے ہیں سرحد پر مہاجرین کی ابھی کوئی صورتحال پیدا نہیں ہوئی ہے وزارت داخلہ میں 24 گھنٹے ویزے جاری ہو رہے ہیں افغان طالبان سے کہا ہے کہ افغانستان کے معاملات میں مداخلت نہیں کریں گے۔

وزیر خارجہ شاہ محمود قریشی کا امریکی ہم منصب سے ٹیلیفونک رابطہ

وزیر داخلہ نے کہا کہ افغان طالبان پر یہ بھی واضح کیا ہے کہ افغانستان ہمارے معاملات میں مداخلت نہیں کرے گا۔ قومی ائیر لائن (پی آئی اے) کا پہلا طیارہ واپس آگیا تھا-

قومی سلامتی اجلاس: افغانستان سے متعلق پاکستان کی پالیسی کیا ہو گی، حکومتی بیان…

افغانستان پر طالبان کے قبضے کے بعد بھارت نے کابل میں اپنا سفارت خانہ خالی کرنےکے ساتھ سفیرسمیت عملے کو واپس بلا لیا-

باغی ٹی وی :میڈیا رپورٹس کے مطابق بھارتی طیارہ 120 افراد کو لے کر کابل سے نئی دہلی روانہ ہوگیا بھارتی وزارت خارجہ کےمطابق افغانستان کی صورتحال کا بغور جائزہ لے رہے ہیں۔

بھارت نئی افغان حکومت کو تسلیم کرے اور اس کا احترام کرے سہیل شاہین

بھارتی میڈیا کے مطابق بھارتی فضائیہ کا سی 17 طیارہ کابل ایئر پورٹ سے 120 بھارتی شہریوں کو لے کر دہلی روانہ ہوگیا طیارہ امریکی افواج کی طرف سے فراہم کردہ سیکیورٹی کے حصار میں بھارتی شہریوں کو لے کر کابل ایئر پورٹ سے روانہ ہوگیا۔

بھارت اگر چاہے تو افغانستان میں اپنے منصوبے مکمل کر سکتا ہے سہیل شاہین

بھارتی شہری افغانستان کے مختلف حصوں میں پھنسے ہوئے تھے اور انہیں کابل ایئر پورٹ پر لایا گیا تھا۔

بھارتی وزارت داخلہ نے کہا ہے کہ وہ افغانستان کی موجودہ صورت حال کے پیش نظر افغانستان میں پھنسے بھارتی شہریوں کی واپسی کے لیے الیکٹرانک ویزا متعارف کرا رہا ہے جس سے ویزا درخواستوں کو تیزی سے نماٹایا جائے گا۔

واضح رہے کہ افغان طالبان کے ترجمان سہیل شاہین نے پاکستانی چینلز سے گفتگو کرتے ہوئے کہا تھا کہ بھارت اگر چاہے تو افغانستان میں اپنے منصوبے مکمل کر سکتا ہے کیونکہ وہ عوام کے لیے ہیں-

سہیل شاہین نے کہا تھا کہ انڈیا کا رونا دھونا اس لیے لگا ہوا ہے کہ افغانستان کی حکومت کیوں ختم ہوگئی۔ بھارت کو چاہیے کہ نئی افغان حکومت کو تسلیم کرے اور اس کا احترام کرے۔