پاکستان دوعشروں سےافغانستان کی صورتحال سےمتاثرہے،اجلاس میں بلانا چائیےتھا،این جی اوکواجلاس میں بلایاجاسکتاہےتوپاکستان کو کیوں نہیں ،سلامتی کونسل کے اجلاس میں پاکستان کونہ بلانے پرپاکستان کے مستقل مندوب نے اقوام متحدہ کی سیکورٹی کونسل کے صدرکوخط لکھ دیا-
باغی ٹی وی : اقوم متحدہ میں پاکستان کےمستقل مندوب منیراکرم نے پریس کانفرنس کرتے ہوئے کہاہے کہ سلامتی کونسل کے اجلاس میں پاکستان کو مدعونہ کرنا سلامتی کونسل کےقوانین کی خلاف ورزی ہے پاکستان نےسلامتی کونسل کےاجلاس میں شرکت کی درخواست کی تھی۔
نیویارک میں پریس بریفنگ کے دوران انہوں نے کہا کہ بھارت کی سربراہی میں ہونے والے سلامتی کونسل کےاجلاس میں شفافیت کی امید نہیں تھی اجلاس میں پاکستان کےبرعکس افغان مندوب کوخطاب کی اجازت دی گئی۔
انہوں نےکہاکہ افغان مسئلےکافوجی حل نہیں پاکستان نےافغان مسئلےکےسیاسی حل کی ہرممکن کوشش کی پاکستان کو افغانستان کی تیزی سےبدلتی صورت حال پرتشویش ہے پاکستان نےطالبان کومذاکرات کی میز پر لانے کے لیے کردار اداکیا تاہم بہت سےمسلح گروہ افغانستان میں امن نہیں دیکھناچاہتے۔
منیراکرم نےکہا ہےکہ پاکستان اپنی سرزمین کوافغانستان کےخلاف استعمال نہیں ہونےدے گا،ہم افغانستان سےبھی ایسےرویےکی امیدرکھتےہیں پاکستان11اگست کو دوحہ میں ہونے والے سہ ملکی اجلاس کا منتظر ہے-
دوسری جانب افغانستان کی صورتحال پرسلامتی کونسل کے ہنگامی اجلاس میں امریکہ نےانٹرافغان ڈائیلاگ کے ذریعےافغانستان کےمسئلےکےحل کی تلاش پر زور دیا۔
برطانیہ نےکہا کہ طالبان نےاگرجنگ کےذریعےحکومت قائم کی تو تسلیم نہیں کریں گے چینی مبصرنےکہا کہ امریکہ اور نیٹو ہاتھ جھاڑکرمسائل پیچھےنہ چھوڑیں۔
افغان مشن کےسربراہ کاکہناتھاکہ افغانستان کی صورتحال شام جیسی ہے۔ افغان جنگ زیادہ تباہ کن اور خطرناک مرحلےمیں داخل ہو چکی ہے۔ جو پڑوسی ملکوں کو بھی متاثرکرسکتی ہے۔ طالبان کے مذاکراتی وفد کے سفری اجازت ناموں کو مشروط کرنا ہوگا۔
واضح رہے کہ انڈیا نےاقوام متحدہ کی سلامتی کونسل کی صدارت سنبھال لی ہے اسے اگست کے ماہ کے لیے یہ ذمہ داری دی گئی ہے سکیورٹی کونسل رپورٹ پر ماہانہ فورکاسٹ کے مطابق انڈیا کے وزیر اعظم نریندر مودی میریٹائم سکیورٹی (بحری امور) پر ویڈیو کانفرنس کے ذریعے ایک اجلاس کی صدارت کریں گےانڈیا کے مقامی ذرائع ابلاغ کے مطابق سلامتی کونسل کے اجلاس کی صدارت کرنے والے وہ پہلے انڈین وزیر اعظم ہوں گے۔
اس حوالے سے اقوام متحدہ میں پاکستان کے سفیر منیر اکرم نے خبر رساں ادارے اے پی پی سے بات کرتے ہوئے کہا تھا کہ سلامتی کونسل میں انڈین صدارت پر پاکستان اپنی توجہ مرکوز رکھے گا مگر اس سے فکر مند نہیں۔
انڈیا کا کہنا تھا کہ اس کی توجہ تین چیزوں پر ہوگی: میری ٹائم سکیورٹی، امن عمل اور دہشتگردی کے خلاف جنگ۔
انڈیا دو برسوں کے لیے سلامتی کونسل کا غیر مستقل رکن ہے۔ خیال رہے کہ اقوام متحدہ کی سکیورٹی کونسل میں صرف پانچ مستقبل رکن ہیں: امریکہ، چین، برطانیہ، روس اور فرانس۔
مستقبل اراکین کے پاس ویٹو کی طاقت ہوتی ہے، یعنی وہ کسی فیصلے کو روک سکتے ہیں۔ پانچ میں سے اگر کوئی ایک مستقل رکن بھی ویٹو کردے تو قرار دار منظور نہیں کی جاتی۔ سلامتی کونسل کے 10 عارضی ممبران کے پاس یہ طاقت نہیں ہوتی۔
اقوام متحدہ کی سکیورٹی کونسل میں ہر ماہ صدارت تبدیل ہوتی ہے اور اسے انگریزی کے حروف تہجی کی ترتیب سے چلایا جاتا ہے۔ اس کے تحت یہ انڈیا کو صدارت فرانس نے منتقل کی ہے۔
انڈیا یکم جنوری 2021 کو سلامتی کونسل کا غیر مستقل رکن بنا تھا اور اس کی رکنیت 31 دسمبر 2022 تک جاری رہے گی۔ اس دوران انڈیا کو دو مرتبہ سلامتی کونسل کی صدارت ملے گی۔
