Author: عائشہ ذوالفقار

معروف تجزیہ کار ارشاد بھٹی نے مسلم لیگ ن میں بڑھتے ہوئے مبینہ اختلافات،شہباز شریف کے پارٹی صدارت چھوڑنے کی دھمکی دینے کی خبروں پر تبصرہ کرتے ہوئے کہا ہے کہ اس مرتبہ جھگڑا صرف گدی نشینی کا ہے-

باغی ٹی وی : نجی ٹی وی کے پروگرام میں گفتگو کرتے ہوئے ارشاد بھٹی کا کہنا تھا کہ میں محمد زبیر سے اظہار ہمدردی کرتاہوں کہ انار کلی کے بعد مسلم لیگ ن کو دیوار میں چنوا دیا گیا ہے،میرا ہمیشہ سے یہ ماننا ہے کہ اس ہاؤس آف شریف میں نظریہ ،بیانیہ نامی کوئی چیز نہیں ہے،یہ پتلی گلی سے نکلنے اور چور دروازے سے اقتدار حاصل کرنے والے لوگ ہیں ،ہمیشہ ڈیلیں کرتے ہیں ،ان کا نظریے یا بیانیے سے کوئی تعلق نہیں ہے،اس مرتبہ جھگڑا صرف گدی نشینی کا ہے-

ارشاد بھٹی نے کہا کہ حمزہ شہباز اور مریم نواز ،شہباز شریف اور مریم نواز ،مریم نواز کی سولو فلائٹ نے گلگت بلتستان،آزاد کشمیر اور سیالکوٹ میں مروا دیا ہے،نواز شریف اور مریم نواز کی زبان نے مروا دیا ہے،وہ حضرت علیؓ کا قول ہے کہ انسان اپنی زبان کے نیچے چھپا ہوتا ہے،نواز شریف اگر ابھی واپس آکر اور جیل جا کر پیغام جاری کرے تو ہو سکتا ہے کہ یہ بیانیہ چل جائے۔

انہوں نے کہا کہ شہباز شریف کی پارٹی صدارت چھوڑنے کی دھمکی ،ایک خبر ہے کہ حمزہ اور سلمان نے بھی لندن سے فون کیا ہے کہ ’تایا نواز شریف‘کے سامنے ہم یہ معاملہ اٹھائیں گے ،آپ اس وقت تک کچھ نہ بولیں ،یہ گھر کا معاملہ ہے،نواز شریف کا فیصلہ ہو گا ،بھیتجی ،چچا اور کزنوں کا معاملہ ہے،پارٹی یا جمہوریت کا مسئلہ نہیں ہے۔

ارشاد بھٹی نے کہا کہ شہباز شریف کی ٹریننگ ہی یہی ہوئی ہے کہ آپ نے معافی تلافی کرانی ہے،جنگ بندی کرنی ہے ، راتوں کو سفر کرنا ہے،مریم نواز صاحبہ کو اُنہوں نے کہا ہی یہ ہے کہ آپ نے یہ کرنا ہے،نواز شریف کی بات ہی یہ ہے کہ جب بھی موقع آئے پتلی گلی سے نکل جانا ہے تو یہ ایک فیکٹری ہے جس کا جی ایم لگانا ہے،وہ نواز شریف جس کو لگا دیں گے وہ لگ جائے گا ۔

اسلام آباد: وزیر اعظم عمران خان نے فیڈرل بورڈ آف ریونیو (ایف بی آر) کی بہترین کارکرگی پر سوشل میڈیا پر خصوسی پوسٹ شئیر کرتے ہوئے ایف بی آر کی بہترین کارکردگی کو سراہا-

باغی ٹی وی : وزیر اعظم عمران خان نے سماجی رابطے کی ویب سائٹ ٹوئٹر پراپنے پیغام میں لکھا کہ ماہ جولائی میں ریکارڈ ریونیو اکٹھا کرنے پر ایف بی آر کو سراہتا ہوں ایف بی آر نے جولائی میں 410 ارب روپے اکٹھے کیے۔

ماہِ جولائی میں ریکارڈ ریونیو اکٹھاکرنےپر میں FBR کوسراہتا ہوں۔اب تک 410 ارب روپےاکٹھےکئےجاچکےہیں جو تاریخی اعتبارسےماہِ جولائی میں جمع کی جانےوالی سب سے بڑی رقم اوراس مہینے کےہدف سے تقریباً 22% زیادہ ہے۔ یہ وصولیاں مستقل معاشی احیاء و افزائش کے حوالےسےحکومتی پالیسیوں کی مظہرہیں۔

— Imran Khan (@ImranKhanPTI) July 31, 2021

انہوں نے کہا کہ تاریخی اعتبار سے ماہ جولائی میں جمع کی جانے والی سب سے بڑی رقم ہے اور اب تک جولائی کے مہینے میں یہ ہدف سب سے زیادہ ہے۔

وزیر اعظم نے کہا کہ ایف بی آر نے جولائی کے لیے ہدف سے 22 فیصد زیادہ ریونیو اکٹھا کیا۔ یہ وصولیاں مستقل معاشی احیا اور افزائش کے حوالے سے حکومتی پالیسیوں کی مظہر ہیں۔

ملک بھر کے 42 کنٹونمنٹ بورڈز میں بلدیاتی انتخابات کا اعلان کر دیا گیا ، انتخابات جماعتی بنیادوں پر 12 ستمبر کو ہوں گے۔

باغی ٹی وی : تفصیلات کے مطابق کنٹونمنٹ بورڈز میں بلدیاتی الیکشن کے لئے کاغذات نام زدگی جمع کرانے والے امیدواروں کی فہرست جاری کردی گئی ہے جبکہ الیکشن کے حوالے سے ضابطہ اخلاق بھی جاری کردیا گیا ہے-

امیدواروں کے کاغذات کی جانچ پڑتال 31 جولائی سے شروع ہوکر 3 اگست تک جاری رہے گی۔

الیکشن کمیشن نے سیاسی جماعتوں کو حکم دیا ہے کہ وہ 7 اگست تک اپنے امیدواروں کو پارٹی ٹکٹ جاری کردیں۔