بالی ووڈ اداکارہ شلپا شیٹھی کے شوہر راج کندرا کو عدالت نے فحش فلمیں بنانے کے الزام میں 23 جولائی تک پولیس کے حوالے کر دیا۔

باغی ٹی وی : بھارتی میڈیا کے مطابق پولیس کی جانب سے گزشتہ روز راج کندرا کو عدالت میں پیش کیا گیا پولیس نے عدالت کو بتایا کہ راج کندرا مبینہ فحش فلمیں بنا رہے ہیں اور اس لیے ان کے جسمانی ریمانڈ کی ضرورت ہے تاکہ تفتیش کو آگے بڑھایا جائے۔

رپورٹس کے مطابق پولیس کا کہنا تھا کہ فروری میں مٹی کے گرین پارک بنگلے پر چھاپہ مارا تو وہاں فحش فلموں کی شوٹنگ کے بارے میں معلومات حاصل ہوئیں –

شلپا شیٹھی کے شوہر راج کندرا پرغیر اخلاقی فلمیں بنانے والا گروہ چلانے کا الزام

ممبئی پولیس کے مطابق رواں سال فروری میں کرائم برانچ ممبئی نے فحش فلمیں بنانے اور انہیں موبائل ایپس پر نشر کرنے کے الزام میں راج کندرا کے خلاف مقدمہ درج کیا گیا تھا۔اور اسی کیس کی بنیاد پر تمام تر شواہد کے ساتھ راج کندرا کو مرکزی ملزم کے طور پر گرفتار کیا گیا ہے۔ممبئی کرائم برانچ کے پاس راج کندرا کے خلاف کا فی شواہد موجود ہیں۔

فحش فلم بنانے کا الزام ،شلپا شیٹھی کے شوہر راج کندرا گرفتار

پولیس کے مطابق انکشاف ہوا ہے کہ راج کندرا ’ہاٹ شاٹس‘ ایپ کے کام سے باخبر رہنے اور مالی لین دین کے بارے میں باقاعدگی سے اپ ڈیٹ لے رہے تھے انہوں نے تین واٹس ایپ گروپ بھی بنائے جن کے ایڈمن وہ خود تھے۔

خیال رہے کہ فحش اداکارہ پونم پانڈے نے راج کند را اور ان کے ساتھی کے خلاف بمبئی ہائیکورٹ میں مقدمہ درج کر رکھا ہے۔ اداکارہ کا الزام ہے کہ راج کندرا ان کے مواد کو معاہدہ ختم ہوجانے کے بعد غیر قانونی طور پر استعمال کر رہے ہیں۔

اپنی نئی آنے والی فلم میں بالی ووڈ کے اندر چھپے ہوئے لوگوں کو بے نقاب کروں گی کنگنا رناوت

شاہ رخ خان سے ملاقات کا جھانسہ دے کر سمگل کی جانے والی لڑکی بازیاب کرا لی گئی لڑکی شاہ رخ خان کی مداح تھی اور اپنے پسندیدہ اداکار سے ملنا چاہتی تھی۔

باغی ٹی وی :بھارتی میڈیا رپورٹس کے مطابق بھارتی ریاست مغربی بنگال کی 17 سالہ لڑکی کو بالی وڈ سپرسٹار شاہ رخ خان سے ملاقات کا جھانسہ دیکر ممبئی سمگل کیا جارہا تھا جسے ممبئی پولیس نے بر وقت کارروائی کرتے ہوئے بازیاب کرا لیا-

بھارتی میڈیا کے مطابق پولیس کی جانب سے بازیاب کرائے جانے کے بعد لڑکی کو ایک شیلٹر ہوم بھیج دیا گیا ہے جبکہ ملزم کو گرفتار کرلیا گیا ہے جس کی شناخت سبحان شیخ کے نام سے ہوئی ہے۔

رپورٹس کے مطابق لڑکی 12ہویں جماعت کی طالبہ ہے، اس نے فیس بک کے ذریعےملزم سے دوستی کی جس نے لڑکی سے جھوٹ بولا اور خود کو ایک ایونٹ منیجر ظاہر کیا۔

رپورٹس کے مطابق 15 جولائی کو ملزم پالشیپارہ پہنچا اور لڑکی کو اس کی کوچنگ کلاس سے لیا اور کولکتہ لے گیا،جہاں سے وہ ہوورا سے لڑکی کو ممبئی لے کر جا رہاتھا۔

ادھر لڑکی کے والدین نے پولیس اسٹیشن میں گمشدگی کی شکایت درج کروا دی تھی جس کے بعد پولیس حرکت میں آئی اور لڑکی کی تصویر ہر جگہ شیئر کردی اور تمام ریلوے سٹیشنوں کو الرٹ کردیا گیا-

تاہم اتوار کے روز لڑکی کو ہوورا جنکشن سے ٹرین میں سی سی ٹی وی کیمرے کی مدد سے پہچانا گیا اس کے بعد لڑکی کو پولیس نے اپنی تحویل میں لے لیا اورملزم کو گرفتار کرلیا۔

بالی ووڈ کے سُراسٹار سلمان خان نے دبئی میں بیوی اور17 سالہ بیٹی کی موجودگی کی خبروں پر خاموشی توڑ دی۔

باغی ٹی وی :بھارتی میڈیا کے مطابق معروف بھارتی اداکار سلمان خان نے اپنے بھائی ارباز کے شو میں بطور مہمان شرکت کی جہاں اپنے اوپر ہونے والی تنقید کے جواب دیئے ۔

میزبان ارباز خان نے سوشل میڈیا صارف کا کمنٹ پڑھا جس میں دعویٰ کیاگیا تھا کہ سلمان خان کی بیوی ہے جس کا نام نور ہے اور ایک 17 سال کی بیٹی بھی ہے اور سلمان ان کے ساتھ دبئی میں رہتے ہیں لیکن بھارت میں موجود لوگوں کو یہ کہہ کر بیوقوف بنایا ہوا ہے کہ ان کی تو ابھی تک شادی بھی نہیں ہوئی۔

سلما ن خان صارف کے اس دعوے کو سن کر غصے میں آگئے اور انہوں نے وضاحت دیتے ہوئے کہا کہ نہیں بھائی صاحب میری کوئی بیوی نہیں ہے،میں ہندوستان میں رہتا ہوں گیلکسی اپارٹمنٹ میں نو سال کی عمر سے اور یہ بات پورے ہندوستان کو پتہ ہے۔

اس سے قبل اسی شو میں سلمان خان نے اپنے خلاف ہونے والی تنقید پر کہا تھا کہ لوگ سمجھتے ہیں کہ ہم کچھ بھی کہہ کر بچ جائیں گے لیکن سائبر کرائم سیل انہیں سیکنڈوں میں پکڑ سکتا ہے۔

بالی ووڈ سلطان نے کہا تھا کہ کسی مسئلہ پر رائے نہ دینا بھی خود ایک مسئلہ ہے، رائے نہ دینے پر لوگ سمجھتے ہیں کہ ہم اس بارے میں بات ہی نہیں کرنا چاہتے۔

ایک اداکار اپنے اندر کی شخصیت کو پوری زندگی نہیں چھپا سکتا سلمان خان