بالی ووڈ سُپر اسٹار سلمان خان کا کہنا ہے کہ ایک اداکار اپنے اندر کی شخصیت کو پوری زندگی نہیں چھپا سکتا-

بغی ٹی وی : اداکار سلمان خان اپنے بھائی ارباز خان کے شو ’پنچ‘ میں اپنے خلاف سوشل میڈیا پر ہونے والی تنقید کے جوابات دیئے ارباز خان نے ایک صارف کا کمنٹ پڑھا جس میں دعویٰ کیا گیا کہ سلمان خان نے اپنی فلم کی ٹکٹ کے ذریعے مجھ سے پیسے لوٹے، انہیں فوراً مجھے پیسے والے کرنے چاہییں۔

صارف کے اس سوال پر سلمان خان نے جواب میں کہا کہ پیسہ نہیں بلکہ دل چرایا ہے۔

ارباز خان نے ایک اور سوشل میڈیا صارف کے کمنٹ کا ذکر کیا جس میں اس کا کہنا تھا کہ سلمان خان دکھاوے والی اداکاری کرتے ہیں۔

اس پر سلمان خان نے جواب دیا کہ دکھاوے والی اداکاری کے لیے بھی بڑے دل اور ہمت کی ضرورت ہوتی ہے انہوں نے مزید کہا کہ ایک اداکار اپنے اندر کی شخصیت کو پوری زندگی نہیں چھپا سکتا۔‘

ساتھ ہی سلمان خان نے اپنے خلاف ہونے والی تنقید پر کہا کہ لوگ سمجھتے ہیں کہ ہم کچھ بھی کہہ کر بچ جائیں گے لیکن سائبر کرائم سیل انہیں سیکنڈوں میں پکڑ سکتا ہے۔

ابالی ووڈ سلطان نے کہا کہ کسی مسئلہ پر رائے نہ دینا بھی خود ایک مسئلہ ہے، رائے نہ دینے پر لوگ سمجھتے ہیں کہ ہم اس بارے میں بات ہی نہیں کرنا چاہتے۔

بالی ووڈ کی متنازع اداکارہ کنگنا رناوت نے اداکارہ شلپا شیٹھی کے شوہر راج کندرا کی گرفتاری کے حوالے سے بیان جاری کیا ہے-

باغی ٹی وی : کنگنا نے اپنی انسٹاگرام اسٹوریز پر راج کندرا کی گرفتاری کے حوالے سے کہا کہ اسی وجہ سے وہ فلم انڈسٹری کو گٹر کہتی رہی ہیں۔

متنازع اداکارہ نے کہا کہ ہر چمکنے والی چیز سونا نہیں ہوتی، میں اپنی آئندہ آنے والی پروڈکشن جسے ’تیکو ویڈز شیرو‘ کا نام دیا گیا ہے اس میں بالی ووڈ کے اندر چھپے ہوئے لوگوں کو بے نقاب کروں گی۔

کنگنا نے کہا کہ ہمیں تخلیقی انڈسٹری کے اندر مضبوط اقدار اور ضمیر کی ضرورت ہے، اور یقیناً اس میں کردار کی بڑی اہمیت ہے۔

واضح رہے کہ راج کندرا کو، جو پیشے کے اعتبار سے تاجر ہیں انہیں پیر کی رات ممبئی پولیس نے غیراخلاقی فلموں کی پروڈکشن اور ان کی ایپس پر اسٹریمنگ کے کیس میں حراست میں لے لیا ہے۔

سابقہ بھارتی اداکارہ ثناء خان کا کہنا ہے کہ جو لوگ کورونا وائرس کی اس مشکل گھڑی میں بھی سُنتِ ابراہیمی ادا کررہے ہیں، وہ اللہ تعالیٰ کا لازمی شُکر ادا کریں۔

باغی ٹی وی : اسلام کی خاطر بالی ووڈ سے کنارہ کشی اختیار کرنے والی سابقہ اداکارہ ثناء خان نے عیدالاضحیٰ کے موقع پر ٹوئٹر پر جاری پیغام میں لکھا کہ عالمی وبا کورونا وائرس کی خطرناک صورتحال کی وجہ سے لوگوں کی روزی چھن گئی ہے۔

Considering the pandemic situation if u r still able to perform Sunnat E Ibrahimi then do not forget to thank Allah with 2rakat shukrana namaz tht u r still able to do it.
EUD UL ADHA MUBARAKTO EVERYONE #Eid2021 #sunnateibrahimi #sanakhan #anassaiyad pic.twitter.com/9jWPDgDk3O

— Saiyad Sana Khan (@sanaak21) July 21, 2021

اُنہوں نے امت مسلمہ کو عید کی مبارکباد دیتے ہوئے لکھا کہ ایسے میں اگر آپ اب بھی سُنتِ ابراہیمی کو انجام دینے کے قابل ہیں تو پھر 2 رکعت شکرانے کی نفل ادا کریں اور اس نعمت کے لیے اللہ تعالیٰ کا شُکر ادا کریں کہ اُس نے ہمیں سُنتِ ابراہیمی ادا کرنے کے قابل بنایا۔

خیال رہے کہ ثناء خان نے گزشتہ سال بھارتی ریاست گجرات سے تعلق رکھنے والے مفتی انس سے شادی کی تھی اور شادی سے قبل شوبز چھوڑنے کا اعلان کیا تھا-