کیلیفورنیا:امریکا میں دنیا کا بلند ترین زندہ درخت واقع ہے تاہم وہاں جانے سے 5 ہزار ڈالر جرمانہ اور 6 ماہ قید کی سزا بھی ہوسکتی ہے۔
باغی ٹی وی : غیر ملکی میڈیا کے مطابق سیکڑوں سالوں سے، ’ہائپیریئن‘ کے نام سے جانا جانے والا درخت شمالی کیلیفورنیا کے ریڈ ووڈز نیشنل اور اسٹیٹ پارک کے اندر خاموشی سے کھڑا ہے یوٹیوبر، بلاگر اور دیگر افراد نے اس کی تفصیلات اور پتا دے کر لوگوں کے تجسس کو بڑھایا ہے اور لوگ ماحول کو نقصان پہنچا کر یہاں پہنچ رہے ہیں۔
بھارت میں 4 ٹانگوں اور 4 بازوؤں والی بچی کی پیدائش
کیلیفورنیا کے ریڈ وُڈ نیشنل پارک کی انتظامیہ نے کہا ہے کہ ان کی حدود میں موجود ’ہائپیریئن‘ نامی درخت کو مُہم جُو حضرات سے شدید ماحولیاتی خطرات لاحق ہیں کیونکہ 2006ء سے یہاں راستہ نہ ہونے کے باوجود لوگوں کی بڑی تعداد پہنچ رہی ہے اور درخت کو متاثر کررہی ہے اسی لیے اب اس کے قریب جانے پر بھی سخت پابندیاں عائد کی جارہی ہیں۔
ریڈووڈ نامی اس درخت کی اونچائی قریباً 116 میٹر(379.1 فٹ) ہے جس کا نامی یونانی دیوتا پر رکھا گیا ہے یہ پارک کے اندر بہت دور موجود ہے جہاں کوئی کچا پکا راستہ نہیں جاتااور اطراف میں سبزہ بھرا ہےاس کے باوجود لوگ یہاں آرہے ہیں اسے دیکھنے کے لیے سیاح سبزے کو کاٹتے ہوئے آگے بڑھتے ہیں جس سے ماحول کو دگنا نقصان ہورہا ہے۔
چینوٹیوں کی سونے کی چین چرا کر فرار ہونے کی ویڈیو وائرل
پارک سے وابستہ ایک افسر، لیونل آرگیلو نے بتایا کہ مجھے امید ہے کہ لوگ سمجھ گئے ہوں گے کہ ہم ایسا کر رہے ہیں کیونکہ ہماری نظر وسائل کے تحفظ اور زائرین کی حفاظت پر مرکوز ہے کیونکہ پارک کی گہرائی میں جی پی ایس اور موبائل فون کے سگنل بہت ہی کمزور ہیں جس کے بعد زخمی یا بھٹک جانے والے افراد کی تلاش اور بحالی بہت مشکل ہوجاتی ہے۔
انہوں نے بتایا کہ دوسری جانب درخت کے تنے کی ٹوٹ پھوٹ اور متاثرہ ہونے کا عمل بھی انسانی مداخلت سے بڑھ چکا ہے یہاں تک کہ لوگ یہاں جانے والی راہ پر جگہ جگہ کچرا پھینک رہے ہیں اور سبزے کو بطور بیت الخلا استعمال کررہے ہیں-
