Baaghi TV

Author: عائشہ ذوالفقار

  • پریا نکا چوپڑا کی والدہ میری مداح ہیں میرے ساتھ تصاویر بنوانا چاہتی تھیں شہریار منور

    پریا نکا چوپڑا کی والدہ میری مداح ہیں میرے ساتھ تصاویر بنوانا چاہتی تھیں شہریار منور

    پاکستانی اداکار شہریار منور نے انکشاف کیا ہے کہ بھارتی اداکارہ پریانکا چوپڑا کی والدہ اُن کی مداح ہیں –

    باغی ٹی وی : سوشل میڈیا ویب سائٹ انسٹا گرام پر شہر یار منور کے انٹرویو سے لیا گیا ایک کلپ تیزی سےوائرل ہو رہا ہے جس میں وہ پریانکا چوپڑا کی والدہ کے ساتھ اپنے ’فین موومنٹ‘ سے متعلق بتا رہے ہیں۔

    شہریار منور کا کہنا ہے کہ وہ اور پریانکا چوپڑا ایک ساتھ تقریب میں موجود تھے جہاں وہ پریانکا چوپڑا کو نظر انداز کر رہے تھے مگر پھر اچانک پریانکا چوپڑا خود ہی اُن کے پاس آئیں اور بات چیت شروع کی۔

    اس دوران جب پریانکا نے انہیں ان کے نام سے سے پکارا تو وہ بہت حیران ہو گئے تھے کہ پریانکا اُنہیں جانتی ہیں اور نام بھی معلوم ہے۔

    اُنہوں نے مزید کہا کہ پریانکا چوپڑا بہت سویٹ ہیں انہوں نے بہت اچھے طریقے سے اُن سے بات کی اور کہا کہ حیران نہ ہوں وہ اُنہیں بہت اچھے طریقے سے جانتی ہیں، پریانکا چوپڑا نے بتایا کہ اُن کی والدہ نے میرے بہت سے ڈرامے بھی دیکھ رکھے ہیں جن میں کہی ان کہی ڈرامہ شامل ہے-

    شہریار منورکے مطابق پریانکا چوپڑا نے اُنہیں بتایا کہ میری والدہ آپ کی بہت بڑی مداح ہیں اور وہ میرے ساتھ تصویر بھی بنوانا چاہتی ہیں ۔

    شہریار منور نے مزید بتایا کہ پریانکا چوپڑا کی والدہ وینٹی وین میں موجود تھیں پریانکا چوپڑا نے اُنہیں اپنی وینٹی وین میں مدعو کیا اور وہ گئے بھی اُنہوں نے پریانکا چوپڑا کی والدہ کے ساتھ بہت سی باتیں بھی کیں اور تصویریں بھی بنوائیں ۔

  • تیمورعلی خان کا نام تبدیل کرنے کا خیال ابھی تک میرے دماغ میں چل رہا ہے

    تیمورعلی خان کا نام تبدیل کرنے کا خیال ابھی تک میرے دماغ میں چل رہا ہے

    بالی ووڈ اداکار سیف علی خان کا کہنا ہے کہ اپنے بڑے بیٹے تیمور علی خان کے نام پر تنازع کے بعد بیٹے کا نام تبدیل کرنےکا خیال ابھی تک میرے دماغ میں چل رہا ہے-

    باغی ٹی وی : بھارتی میڈیا کے مطابق ایک انٹریو میں سیف علی خان نے انکشاف کیا ہے کہ وہ اپنے بیٹے کی پیدائش کے بعد ان کے نام کو لے کر تنازع کے بعد تیمور علی خان کا نام تبدیل کرنے کا سوچ رہے تھے تاہم ان کی اہلیہ کرینہ کپور نے انہیں ایسا کرنے سے منع کیا۔

    تیمور علی خان کے نام پر تنازع سے متعلق اداکار سیف علی خان نے انکشاف کیا کہ ایک لمحے کے لیے میں نے تیمور کا نام تبدیل کرنے کا سوچا لیکن کرینہ کپور نے مجھے کہا لوگ آپ کی عزت آپ کے فیصلے اور رائے کی وجہ سے کرتے ہیں اس لیے یہ تبدیل کرنے کی ضرورت نہیں-

    سیف علی خان نے کہا کہ لیکن میں نہیں چاہتا کہ وہ نام کی وجہ سے غیرمقبول ہو اور اس لیے میں اب بھی ایسا کرنے کا سوچ رہا ہوں، شاید کبھی کرلوں۔

    دوسری جانب کرینہ کپور نے کہا کہ اس تنازع نے مجھے شدید خوف میں مبتلا کردیا تھا کیوںکہ بطور ماں مجھے پورا حق حاصل ہے کہ میں اپنے بچے کو کسی بھی نام سے پکاروں اور ہمارے یا کسی کے بھی بچوں کے نام سے کسی دوسرے کو کوئی سروکار نہیں ہونا چاہیے۔

    خیال رہے اداکارہ سیف علی خان نے کرینہ کپور خان سے 2012 میں شادی کی تھی جن سے ان کے دو بیٹے ہیں پہلے بیٹے کی پیدائش 2016 میں ہوئی تھی جس کا نام سیف علی خان نے تیمور علی خان رکھا جس پر ہندوانتہاپسندوں کی جانب سے سیف اور کرینہ پر شدید تنقید کی گئی اور ان سے نام تبدیل کرنے کا بھی مطالبہ کیا گیا تھا-

  • دو سال ہوگئےفلم’’ٹچ بٹن‘‘مکمل کرلی لیکن ابھی تک چیک نہیں ملا سونیا حسین

    دو سال ہوگئےفلم’’ٹچ بٹن‘‘مکمل کرلی لیکن ابھی تک چیک نہیں ملا سونیا حسین

    پاکستانی اداکارہ سونیا حسین نے کہا کہ انہوں نے فلم ’’ٹچ بٹن‘‘ میں 2 سال پہلے کام کیا لیکن اب تک اس کے پیسے نہیں ملے۔

    باغی ٹی وی :حال ہی میں اداکارہ سونیا حسین اور قومی کرکٹر شعیب ملک نجی ٹی وی چینل پر احسن خان کے شو ’ٹائم آؤٹ ود احسن خان‘ میں شریک ہوئے جہاں سونیا نے پاکستان شوبز انڈسٹری میں فنکاروں کو پیش آنے والی مشکلات کے بارے میں بتایا۔

    شو کے دوران گیم کھیلتے ہوئے احسن خان نے سونیا حسین سے شوبز انڈسٹری سے متعلق ایک راز بتانے کے لیے کہا۔

    سونیا حسین نے راز بتاتے ہوئے کہا کہ انہیں فلم ’’ٹچ بٹن‘‘ میں کام کیے ہوئے دو سال ہوچکے ہیں لیکن ابھی انہیں چیک نہیں ملا۔

    سونیا حسین کی بات سن کر احسن خان اور شعیب ملک چونک کر رہ گئے بعدا زاں شعیب ملک نے مزاحیہ انداز میں کہا یہ راز نہیں بلکہ چیک لینے کی سازش ہے۔

    احسن خان نے سونیا حسین سے چیک نہ ملنے کی وجہ پوچھی تو سونیا نے کہا مجھے نہیں معلوم کہ مجھے چیک کیوں نہیں ملا جس پر احسن خان نے کہا یہ لڑکی سب کچھ بول دیتی ہے۔

    واضح رہے کہ فلم’’ٹچ بٹن‘‘ اداکارہ عروہ حسین کا پروجیکٹ ہے اور وہ اس فلم سے بطور پروڈیوسر فلم انڈسٹری میں قدم رکھ رہی ہیں۔ فلم میں سونیا حسین کے علاوہ اداکار فرحان سعید، فیروز خان اور ایمان علی بھی مرکزی کرداروں میں نظر آئیں گے۔ فلم کی ریلیز کورونا وبا کے باعث رکی ہوئی ہے۔

  • ایمن خان نے منال خان اور احسن محسن پر تنقید کرنے والوں کے منہ بند کر دیئے

    ایمن خان نے منال خان اور احسن محسن پر تنقید کرنے والوں کے منہ بند کر دیئے

    شوبز انڈسٹری کی خوبرو اداکارہ ایمن خان نے اپنی بہن منال خان اور اُن کے منگیتر احسن محسن پر تنقید کرنے والے سوشل میڈیا صارفین کو کرارا جواب دے دیا۔

    باغی ٹی وی : گزشتہ روز منال خان اور اداکار احسن محسن نے بات پکّی ہونے کی اطلاع دی جس کی تصویریں دونوں اداکاروں نے اپنے سوشل میڈیا اکاؤنٹس پر شیئر کیں۔

    منال خان اور احسن محسن کی تصویروں پر جہاں اُنہیں منگنی کی مبارکباد دی گئی تو وہیں کچھ صارفین نے شوبز انڈسٹری کی اس نئی جوڑی پر تنقید بھی کی-

    صارفین کی تنقید پر منال خان اور احسن محسن تو خاموش رہے تاہم ایمن خان خاموش نہ رہیں کرار جواب دے کر تنقید کرنے والوں کے منہ بند کر دیئے-

    ایمن خان نے صارفین کو جواب دیتے ہوئے کہا کہ آپ سب اپنا منہ بند رکھیں اور تنقید کرنے کے بجائے منال اور احسن کو اُن کی نئی زندگی کے لیے مبارکباد اور دُعائیں دیں۔

    اُنہوں نے کہا کہ خوشی کے موقع پر منفیت پھیلانا بند کریں۔

    دوسری جانب ایمن خان نے جوڑی کے ساتھ اپنی تصویر شئیر کرتے ہوئے مبارکباد دی اور احسن محسن کو مخاطب کرتے ہوئے لکھا کہ میری بہن کا خیال رکھنا-

    خیال رہے کہ شوبز انڈسٹری کی معروف جوڑی منال خان اور احسن محسن نے اپنی بات پکی ہونے کا اعلان کردیا ہے منال اور احسن کی انسٹاگرام پوسٹس پر شوبز ستاروں اور مداحوں کی جانب سے اُنہیں منگنی کی مبارکباد دی گئی-

    منال خان اور احسن محسن اکرام کی منگنی ہوگئی

  • حالات کیوجہ سے فلسطین کیساتھ اظہارِ یکجہتی کیلئے مارچ میں نہیں جاسکا یاسر حسین

    حالات کیوجہ سے فلسطین کیساتھ اظہارِ یکجہتی کیلئے مارچ میں نہیں جاسکا یاسر حسین

    غزہ پر اسرائیلی جارحیت کے خلاف پاکستان بھر میں احتجاج کا سلسلہ جاری ہے، جہاں اب فلمی ستاروں نے بھی آواز سے آواز ملالی۔

    باغی ٹی وی : گزشتہ روز پاکستانی شوبز انڈسٹری سے تعلق رکھنے والے اسٹارز فلسطین کے حق میں اور اس کی آزادی کے لیے آواز بلند کرنے کے لیے سڑکوں پر نکل آئے تھے-

    ماہرہ خان، شہریار منور، انوشے اشرف، عائشہ عمر سمیت متعدد اسٹارز نے کراچی پریس کلب کے باہر احتجاج کیا ان کے ساتھ ساتھ دیگر اسٹارز بھی ان کے ہمراہ موجود تھے جو مظلوم فلسطینوں کے حق میں اسرائیلی مظالم کے خلاف پلے کارڈز اٹھائے ہوئے تھے۔

    تاہم اداکاریاسر فلسطین سے اظہارِ یکجہتی کیلئے مظاہرےمیں نہیں جا سکے جس کی انہوں نے وجہ بتائی-

    یاسر حسین نے اپنے تصدیق شدہ انسٹاگرام اکاؤنٹ پر اپنی تصویر شیئر کی جس میں اداکار کے ہاتھ پر سرجری کی وجہ سے پٹّی بندھی ہوئی ہے۔

    تصویر میں دیکھا جاسکتا ہے کہ یاسر حسین نے اپنے ہاتھ کی پٹّی پر فلسطین کا پرچم بنایا ہوا ہے جس کے ذریعے وہ فلسطینی عوام کے ساتھ اظہارِ یکجہتی کررہے ہیں۔

    یاسر حسین نے اپنی پوسٹ کے کیپشن میں لکھا کہ آج فلسطین کے ساتھ اظہارِ یکجہتی کے لیے نکالے جانے والی مارچ میں جانے کا بہت دل تھا لیکن حالات کی وجہ سے نہیں جاسکا۔

    اداکار نے لکھا کہ اللّہ تعالیٰ ہمارے فلسطینی بہن بھائیوں پر رحم کرے، آمین۔

    اُنہوں نے مزید لکھا کہ ’فلسطین کو آزاد کرو۔‘

    خیال رہے کہ حال ہی میں یاسر حسین نے اپنے ہاتھ کی سرجری کروائی ہے جس کی اطلاع اُنہوں نے اپنے مداحوں کو سوشل میڈیا پیغام کے ذریعے دی تھی۔

  • لندن : خاتون پولیس افسر نے بھی فلسطین کے حق میں نعرہ لگا دیا

    لندن : خاتون پولیس افسر نے بھی فلسطین کے حق میں نعرہ لگا دیا

    لندن :فلسطین پر اسرائیلی مظالم کے خلاف احتجاج کے دوران خاتون پولیس افسر نے بھی ’فلسطین کو آزاد کرو‘ کا نعرہ لگا دیا-

    باغی ٹی وی: خاتون پولیس افسر کی درن ڈیوٹی نعرے لگاتے اور احتجاج کرنے والے کو گلے لگا کر حوصلہ دینے والی ویڈیو سوشل میڈیا پر وائرل ہوگئی خاتون پولیس کے اس اقدام پر فلسطین کے حماتیوں کی جانب سے بھر پور خوشی کا اظہار کیا گیا-

    دوسری جانب برطانوی پولیس نے خاتون پولیس افسر کی ویڈیو کا نوٹس لیتے ہوئے تحقیقات کا آغاز کردیا ہے۔
    https://twitter.com/JakeWSimons/status/1394556400316076033?s=20
    پولیس حکام کا کہنا ہے کہ دورانِ ڈیوٹی کوئی بھی افسر کسی بھی قسم کے احتجاج میں شرکت نہیں کرسکتا اور اس کا غیر جانبدار رہنا ضروری ہے۔
    https://twitter.com/MetPoliceEvents/status/1394597087887728642?s=20
    پولیس حکام کی جانب سے جاری بیان میں کہا گیا کہ غیر جانبدار رہنا عوام کو اعتماد میں لینے کیلئے ضروری ہے۔

    آمنہ الیاس نے امریکی نائب صدر کو اسرائیل کی حمایت پر آڑے ہاتھوں لے لیا

    عاصم اظہر کا اسرائیل کے ٹوئٹ پر شدید ردعمل

  • کراچی میں سمندری ہوائیں بحال ہو گئیں

    کراچی میں سمندری ہوائیں بحال ہو گئیں

    کراچی : محکمہ موسمیات کے جانب سے جاری بیان کے مطابق آج سمندری ہوائیں بحال ہو گئی ہیں-

    باغی ٹی وی : محکمہ موسمیات کا کہنا ہے کہ کراچی میں طوفانی گرد آلود گرم اور تیز ہوائیں چلنے کے بعد آج سمندری ہوائیں بحال ہو گئی ہیں شہرِ قائد میں 21 کلو میٹر فی گھنٹہ کی رفتار سے ہوائیں چل رہی ہیں جن میں نمی کا تناسب 75 فیصد ہے۔

    محکمہ موسمیات نے بتایا کہ کراچی میں آئندہ 24 گھنٹوں کے دوران موسم گرم اور مرطوب رہنے کا امکان ہے۔

    محکمہ موسمیات کے مطابق کہ شہر میں آج کم سے کم درجہ حرارت 29 ڈگری سینٹی گریڈ ریکارڈ کیا گیا ہے جبکہ زیادہ سے زیادہ درجہ حرارت 36 سے 38 ڈگری سینٹی گریڈ کے درمیان رہنے کا امکان ہے۔

    شہر قائد میں سمندری ہوائیں کل دوپہر سے بحال ہوجائیں گی محکمہ موسمیات

  • سمندری طوفان تاؤتے سے سلمان خان کی فلم کا سیٹ تباہ

    سمندری طوفان تاؤتے سے سلمان خان کی فلم کا سیٹ تباہ

    ممبئی: سمندری طوفان تاؤتے گو کہ بھارت سے جا چکا ہے تاہم اس کے اثرات نےکورونا سے پریشان بھارتی فلم انڈسٹری کو مزید مشکلات سے دوچار کردیا ہے۔

    باغی ٹی وی : سلمان خان پہلے ہی اپنی عید پر ریلیز ہونے والی فلم رادھے کے بزنس کو لے کر پریشان تھے اوپر سے رہی سہی کسر تاؤتے طوفان نے پوری کردی، جس کی وجہ سے ہونے والی بارشوں نے سلمان خان کی نئی آنے والی فلم ’ٹائیگر تھری‘ کے سیٹ کو کافی نقصان پہنچایا ہے۔

    بھارتی میڈیا کے مطابق طوفان تاؤتے کی وجہ سے ہونے والی شدید بارشوں نے میرول کےعلاقے میں واقع فلم ٹائیگر تھری اور دوسری فلموں کے سیٹس کو بہت زیادہ نقصان پہنچایاہے۔ تاہم شوٹنگ بند ہونے کی وجہ سے یہ سیٹ زیر استعمال نہیں تھے جس کی وجہ سے کوئی جانی نقصان نہیں ہوا۔

    بھارت: سمندری طوفان ’تاوتے‘ سے عالیہ بھٹ اور رنبیر کپور کا گھر شدید متاثر

    یاد رہے کہ حالیہ سمندری طوفان کی وجہ سے بالی وڈ کی متعدد شخصیات کے گھر، دفاتر، اسٹوڈیو اور فلموں کے سیٹ متاثر ہوئے ہیں، امیتابھ بچپن کے ممبئی میں واقع دفتراور گھر میں پانی بھر گیا تھا، جب کہ عالیہ بھٹ اور رنبیر کپور کا باندرہ میں زیر تعمیر گھر بھی شدید متاثر ہوا۔

    فیڈریشن آف ویسٹرن انڈیا سینے ایمپلائیز ( ایف ڈبلیو آئی سی ای) کے صدر بی این تیواری نےمیڈیا سے گفتگو میں کہا کہ سمندری طوفان کی وجہ سے فلم سٹی بہت زیادہ متاثر ہوئی ہے اور متعدد فلموں کے سیٹ بارشوں کے نتیجے میں تباہ ہوگئے ہیں، تاہم کورونا کی وجہ سے شوٹنگ بند ہونے کی وجہ سے کوئی جانی نقصان نہیں ہوا۔ جبکہ سنجے لیلا بھنسالی نے متوقع بارشوں کے پیش نظر اپنے سیٹ کو مکمل طور پر ڈھک دیا تھا جس کی وجہ سے اسےکوئی نقصان نہیں پہنچا۔

    واضح رہے کہ یش راج فلمز کے بینر تلے بننے والی سلمان خان کی اس فلمز میں فلم بین عمران ہاشمی، سلمان خان اور کترینا کیف کو ایک ساتھ دیکھ سکیں گے کورونا کی وجہ سے رواں سال فروری میں اس فلم کی عکس بندی روک دی گئی تھی۔

    ی طوفان تاؤتے سے امیتابھ بچن کا دفتر پانی سے بھر گیا چھتیں اڑ گئیں

    ایک نظر فلم رادھے ، یور موسٹ وانٹڈ بھائی کے بزنس پر ایک نظر:

    بھارتی میڈیا کی گزشتہ روز کی رپورٹس کے مطابق کروڑوں کمانے والے بالی ووڈ کے دبنگ اداکار سلمان خان کی عید الفطر کے موقع پر ریلیز ہونے والی فلم ’’رادھے، یور موسٹ وانٹڈ بھائی‘‘ چار روز میں ایک لاکھ روپے بھی نہ کماسکی۔

    بالی ووڈ کے دبنگ اداکار سلمان خان کی فلم کے لیے 100 کروڑ کمانا کوئی بڑی بات نہیں۔ لیکن دنیا بھر میں پھیلی کورونا وبا نے سلمان خان کی فلموں کو بھی شدید متاثر کیا ہے اور جہاں ان کی فلمیں ایک روز میں کروڑوں کماتی تھیں اب یہ حال ہوگیا ہے کہ ان کی حال ہی میں ریلیز ہونے والی فلم ’’رادھے‘‘ چار روز گزرنے کے باوجود ایک لاکھ روپے بھی نہ کماسکی۔

    کورونا وبا کے باعث بھارتی سینما بند ہیں۔ اس صورتحال میں جہاں بھارت کے بڑے اسٹارز نے اپنی فلموں کی ریلیز روک دی ہے۔ وہیں دبنگ خان نے اپنی فلم ’’رادھے‘‘ کو ریلیز کرنے کے لیے بہت بڑا رسک لیا اور اسے او ٹی ٹی اور مختلف ڈیجیٹل پلیٹ فارمز زی فائیو اور زی پلیکس پر ریلیز کیا۔

    فلم کی ریلیز کے پہلے روز سلمان کے مداحوں نے بڑی تعداد میں فلم کو آن لائن دیکھا جس کی وجہ سے ویب سائٹ کا سرور بھی ڈاؤن ہوگیا تھا۔ ایک بھارتی ویب سائٹ کے مطابق حالانکہ فلم کو دیکھنے کے لیے لوگوں کی بڑی تعداد نے آن لائن پلیٹ فارم کو لاگ ان کیا لیکن اس کے باوجود فلم نے کتنی کمائی کی اس بارے میں پیشگوئی نہیں کی جاسکتی کیونکہ فلم تھیٹرز میں ریلیز نہیں ہوئی۔

    ’رادھے، نےکورونا وبا میں بھی سنیما گھروں سے 60 ہزار بھارتی روپے کمالئے

    دی ہندو بزنس لائن ڈاٹ کام کے مطابق ڈیجیٹل پلیٹ فارم پر ریلیز کے پہلے روز فلم ’’رادھے‘‘ کو 4.2 ملین بار دیکھا گیا۔ جس کی وجہ سے یہ بھارت میں آن لائن پلیٹ فارم پر تیسری سب سے زیادہ بار دیکھی جانے والی فلم بن گئی۔ اس سے قبل سوشانت سنگھ راجپوت کی فلم ’’دل بیچارا‘‘ اور ’’لکشمی‘‘ یہ دونوں فلمیں آن لائن سب سے زیادہ دیکھی گئی تھیں۔

    سلمان خان کی فلم عید الفطر کے موقع پر ریلیز ہوئی اور بھارت میں فلم نے نہ ہونے کے برابر بزنس کیا۔ تاہم بھارت کی شمال مشرقی ریاست تری پورہ کے تین سینماؤں (ایس ایس آر روپاسی، بالاکا اور ایس ایس آر دھرمانگر سینماؤں) میں فلم کو ریلیز کیا گیا اور یہ تین سینما کورونا ایس او پیز کا خیال رکھتے ہوئے فلم کے روزانہ 11 شوز چلارہے ہیں۔

    بھارتی سینماز: بھارتی فلموں کے تجارتی ماہرین نے فلم ’’رادھے‘‘ کی ان تین سینماؤں سے ہونے والی چار دن کی کمائی کے اعدادو شمار بتائے ہیں۔ فلم نے ریلیز کے پہلے دن 10 ہزار 432، دوسرے دن 22 ہزار 518، تیسرے روز 13 ہزار 485 اور چوتھے روز بھی 13 ہزار 485 روپے کمائے۔ اس طرح فلم ’’رادھے‘‘ نے چار روز میں ٹوٹل 59 ہزار 920 تقریباً 60 ہزار روپے کی کمائی کی۔

    بین الاقوامی سینماز: دیگر ممالک میں کورونا کی صورتحال بھارت سے کہیں بہتر ہے اس لیے فلم کو دنیا بھر میں تھیٹرز میں ریلیز کیا گیا۔ فلم نے آسٹریلیا میں پہلے روز 36 لاکھ بھارتی روپے کا بزنس کیا۔ نیوزی لینڈ میں پہلے روز 5 لاکھ 90 ہزار بھارتی روپے، امریکا میں پہلے روز 24 لاکھ بھارتی روپے کی کمائی کی۔ جب کہ خلیجی ممالک میں فلم ’’رادھے‘‘ نے 3 کروڑ کا بزنس کیا۔

    فلم کی آئی ایم ڈی بی پر ریٹنگ : حالانکہ فلم کو آن لائن اچھے ویوز ملے ہیں لیکن فلم ’’رادھے‘‘ کو لوگوں نے زیادہ پسند نہیں کیا۔ آئی ایم ڈی بی پر سلومیاں کی فلم کو 66 ہزار ریویوز کی بنیاد پر 10 میں سے صرف 1.9 ریٹنگ ملی ہے جو کہ انتہائی کم ہے۔

  • پاکستان مسلم لیگ کی جانب سے پی ٹی آئی پنجاب حکومت کی اڑھائی سال کی کارکردگی رپورٹ جاری

    پاکستان مسلم لیگ کی جانب سے پی ٹی آئی پنجاب حکومت کی اڑھائی سال کی کارکردگی رپورٹ جاری

    پاکستان مسلم لیگ ن کے تحقیقاتی ادارے نے پنجاب حکومت کی اڑھائی سال کی کارکردگی رپورٹ جاری کی ہے-

    باغی ٹی وی : پی ایم ایل این کے تحقیقاتی ادارے کے مطابق پاکستان ملسم لیگ کے 5 سالہ عہد کے دوران پنجاب کی معیشت 5.4 فیصد کی شرح سے بڑھی اور معشیت میں مسلسل اضافہ اور اس پنجاب بجٹ کے استعمال سے دوگنا تھا جو کہ مالی سال 2012۔13 میں 1021 ارب روپے تھا جبکہ بعد ازاں مالی سال 2017-18ء میں 1971 بلین روپے تھا-

    پنجاب میں 2014 سے 2018 تک اکانومی گروتھ

    پی ٹی آئی کی حکومت میں مالی سال 2020-21 کے لئے بھی پنجاب کا تیسرا بجٹ جاری کیا وہ محض 10 فیصد اضافے کے ساتھ 2240 ارب روپے تھا- پنجاب کے موجودہ بجٹ میں فیڈرل ڈویبل ایبل پول کو11٪ تک گرایا گیا جو 1601 ارب روپے (مالی سال- 2019-20 میں) سے لے کرموجودہ سال مالی سال -2020-21 میں 1432 ارب روپے ہے-

    تاہم کم کی گئی رقم کو بھی پوری طرح استعمال نہیں کیا گیا تھا موجودہ حکومت کی نااہلی کی وجہ اکانومی گروتھ کم رہی-

    پنجاب کے بجٹ کا مختصر کارکردگی کا آڈٹ ذیل میں دیا گیا ہے۔

    پنجاب حتمی کلیکشن (ملین میں)
    پی ایم ایل این نے پنجاب کی محصولات کی وصولی میں 121 فیصد کا اضافہ کرکے 1215 روپے کردیا اپنے 5 سال کے دورانیے میں 3 ارب 15 کروڑ روپے تک-

    جبکہ موجودہ حکومت میں ، محصول کی وصولی منفی نمو میں رہی مالی سال 2018 کے مقابلے میں ، اقتدار میں رہنے کے تیسرے سال میں بھی ، محصول جمع کرنا مالی سال 2018 کی پوزیشن کے قریب بھی نہیں ہے۔

    پچھلے 7 سالوں میں پنجاب ریونیو کلیکشن پرفارمنس

    ترقیاتی بجٹ:
    5 سالوں میں ، پی ایم ایل این نے مجموعی طور پر 2220 بلینز روپے کا ترقیاتی بجٹ دیا جو 150 فی صد سے زیادہ کا اضافہ ہے۔
    اس ترقیاتی فنڈ کا تقریبا 80٪ یعنی 1،157 بلین روپے پانچ سالوں میں بھی استعمال کیا گیا جو پنجاب میں تاریخ کا اب تک کا سب سے بلند بجٹ ہے-

    دوسری جانب پی ٹی آئی حکومت میں ، ترقیاتی بجٹ اس میں آدھا رہ گیا پہلے سال یعنی مالی سال 2018-19ء میں حالیہ سال میں بھی ، 238 بلین روپے جبکہ ترقیاتی بجٹ کیلئے مختص 337 بلین روپے تھا جو مالی سال 2018 سے 50٪ کم ہے –

    . دوسری طرف ، پی ٹی آئی گورنمنٹ 238 ارب روپے خرچ کرنے کے قابل نہیں تھی مالی سال 2019 میں اور مالی سال 2020 میں 350 بلین روپے ، حتی کہ موجودہ سال میں بھی 8 کے وقفے کے بعد فروری 2021 تک صرف 44 فیصد فنڈ استعمال ہوا-

    ترقیاتی بجٹ مختص بمقابلہ گذشتہ 8 سالوں کے دوران کھپت کا موازنہ

    صحت:
    پی ایل ایل این کی آڈٹ رپورٹ کے مطابق وبائی مرض COVID-19 کی وجہ سے غیر معمولی حالات کے باوجود پی ٹی آئی حکومت ، صحت کے شعبے میں خرچ کرنے میں ناکام رہی اس کے بجائے صحت کے شعبے کی استعداد کار بڑھانے اور بہتری لانےموجودہ سہولیات میں صحت کا بجٹ غیر استعمال رہا نمایاں طور پر 2.5 سال کے دوران کوئی نیا ہسپتال نہیں بنایا گیا-

    جبکہ پی ایم ایل این نے اپنے آخری سال میں ہیلتھ کیئر پر 46.49 بلین روپے خرچ کیے تھے گورنمنٹ یعنی 2017-18 تک ، تاہم پی ٹی آئی نے 32 فیصد کم فنڈز مختص کیے تھے-

    مالی سال -2020-21 میں صحت مالی سال 2018 میں استعمال ہونے والے حقیقی فنڈز کے مقابلے میں کم فنڈز تھے ، اس کے باوجود فروری 2021 تک صرف 17.27 بلین روپے خرچ ہوئے موجودہ اخراجات کے بجٹ کا صرف 45٪ یعنی 70.39 بلین روپے فروری 2021 تک استعمال کیا گیا تھا۔

    تعلیم:
    2020-21 کے سالانہ بجٹ میں ، تعلیم کا ترقیاتی بجٹ تھا پنجاب میں پی ٹی آئی نے کافی حد تک کمی کی ، اگرچہ بجٹ کا استعمال
    اس سے بھی بدترہے جبکہ پی ایم ایل این نے مالی سال 2018 میں تعلیمی ترقی پر 36.014 بلین روپے خرچ کیے تھے جبکہ پی ٹی آئی حکومت کے تیسرے سال میں بھی صرف ایجوکیشن ڈویلپمنٹ کے مقصد کیلئے 31.55 بلین روپے مختص کئے گئے۔

    مزید یہ کہ اس بجٹ سے لے کرفروری 2021 تک صرف 5.8 بلین روپے ہی استعمال ہوئے جو پنجاب حکومت کی سراسر نااہلی کو ظاہر کرتا ہے۔

    پبلک آرڈر سیفٹی:
    پی ٹی آئی گورنمنٹ پبلک آرڈر اینڈ سیفٹی کے لئے صرف 1.1 بلین روپے مختص کیے تھے معاملات جو واقعی کھپت کے مقابلے میں 88٪ کم ہیں یعنی اس شعبے میں مالی سال 2018 میں پی ایم ایل این نے 9.09 بلین روپے مختص کئے ناکافی فنڈ کی مختص کے باوجود پنجاب حکومت صرف 182 ملین روپے (16.44٪) بجٹ فروری 2021 تک رقم خرچ ہوئی-

    ہاؤسنگ اور معاشرتی فوائد:
    پی ایم ایل این نے مالی سال 2018 میں کمیونٹی کی ترقی اور پانی کی فراہمی میں بہتری کے لئے 80.88 بلین روپے خرچ کئے بجٹ
    جبکہ پی ٹی آئی گورنمنٹ نے ہاؤسنگ اینڈ کمیونٹی سہولیات کے لئے ترقی کی سطح کے فنڈ 50 فیصد کم کر دیا مالی سال 2020-21 میں 41.328 بلین اور 20 فروری تک صرف 22.231 ارب روپے استعمال کئے-

    ایگریکلچر، فوڈ ، آبپاشی ، زراعت اور ماہی گیری:
    یہ پاکستان کی معیشت کا ایک اہم طبقہ ہے ملک کی بڑی مزدور قوت طبقہ اس کی اہمیت پر غور کرنا نہایت ضروری ہے پی ایم ایل این نے اس طبقہ کیلئے 38.07 بلین روپے کے ترقیاتی بجٹ خرچ کیا جبکہ تاہم پی ٹی آئی گورنمنٹ نے مالی سال 2020-21 میں یہ فنڈ 25 فیصد اضافے سے 28.26 بلین روپےمختص کیا فروری 2021 تک صرف 14.97 بلین روپے خرچ کئے-

    تعمیر اور ٹرانسپورٹ:
    تعمیر اور آمدورفت تک رسائی کو بہتر بنانے اور کافی معاشی لاگت کو کم کرنے کی مدد کی مالی سال 2018 میں تعمیر و نقل و حمل کے لئے اربوں ترقیاتی بجٹ ، میں پی ایم ایل این نے 131.70 بلین روپے خرچ کیے تھے جبکہ پی ٹی آئی گورنمنٹ اس طبقہ کے لئے ترقیاتی بجٹ کو21٪ کم کردیا تھا جو 104 بلین اور صرف 32.47 روپے تھا موجودہ مالی سال کے 08 مہینوں کے دوران استعمال کیا گیا۔

    ماحولیاتی تحفظ:
    عمران خان ، ماحولیات کے تحفظ کے خود سفیر ہیں عمران خان کی حکومت اس کے لئے بھی اس حصے کا مناسب بجٹ خرچ کرنے کے قابل نہیں تھا صرف 2 ملین روپے فروری 2021 تک (مختص بجٹ کا 1٪ سے بھی کم) خرچ ہوا جبکہ پی ایم ایل نے ان کے برعکس مالی سال 2018 میں 1.84 بلین روپے خرچ کئے-

    پچھلے دو 2 بجٹ میں پی ٹی آئی کے ادھورے وعدوں کا اعلان کیا گیا-

    ہیلتھ کے شعبے میں پی ٹی آئی کی جانب سے بہاولپور میں بچوں کے ہسپتال کا قیام، مختلف شہروں میں 9 نئے جنرل ہسپتالز
    (لیہ ، لاہور ، میانوالی ، رحیم یار خان ،راولپنڈی ، بہاولپور ، ڈی جی خان ، ملتان ، راجن پور) کا قیام

    • فاطمہ جناح انسٹی ٹیوٹ آف ڈینٹسٹری تیار کرنے کا اعلان کیا۔ صوبوں میں 37 ارب روپے کی فراہمی کے لئے مختص کی گئی تھی
    انسٹی ٹیوٹ آف یورولوجی اینڈ گریڈیشن ٹرانسپلانٹیشن کی فراہمی ، راولپنڈی ٹیچنگ ہسپتال سے ڈی ایچ کیو ہسپتال گوجرانوالہ۔


    کھانے کی اشیاء میں معلومات
    رمضان المبارک ، اپریل 2021 میں ، موجودہ ایس پی آئی کی افراط زر 18٪ تک بڑھ گئی 2.5 سال کے دوران ، خوراک کی اوسط افراط زر میں 55 فیصد سے زیادہ کا اضافہ ہوا دن بہ دن باورچی خانے کی اشیاء کے بازار کے نرخوں کا موازنہ ذیل میں دیا گیا ہے۔

    کوڈ ریلیف ورلڈ بمقابلہ پی ٹی آئی کی کارکردگی:

    پی ٹی آئی حکومت کوCOVID-19 وبائی مرض سے نمٹنے کے لئے معاشی امداد میں بھاری مقدار میں امداد اور چندہ بھی ملا ، جو درج ذیل ہے-

    اس امداد کی پاکستانی روپے میں ویلیو 25 بلین روپے سے زیادہ ہے۔ تاہم اس فنڈ کے استعمال کا کوئی ثبوت دستیاب نہیں ہے ، فی الحال لاہور میں اسپتال میں مریضوں ی بھر مار ہے ، وینٹیلیٹرز اور آکسیجن کی دستیابی بہت کم ہے۔

    انسانی حقوق کی خلاف ورزیاں:

    ریسرچ ونگ نے ایچ آر سی پی کے ساتھ بات چیت شروع کرنے میں اہم کردار ادا کیا۔ مسلم لیگ کی قیادت نے سرکردہ کارکنوں سے ملاقات کی اور فیصلہ کیا گیا کہ اعلی درجے کی قیادت کے ساتھ اس طرح کی مزید مصروفیات ہوں گی-

    اپریل -2021 کے آخری ہفتے میں ، ایک مشترکہ قرارداد یورپی پارلیمنٹ میں منظور کی گئی پاکستان کے خلاف پارلیمنٹ میں سب سے زیادہ 681/3 ووٹوں کی اکثریت ہیومن رائٹس کی خلاف ورزی جس کی وجہ سے GSP + پاکستان کی حیثیت خطرے میں پڑ گئی۔

  • بٹ کوائن کی قیمتوں میں گراوٹ کا سلسلہ بدستور جاری، نئی پابندیوں کےبعد قیمت زمین پر آگئی

    بٹ کوائن کی قیمتوں میں گراوٹ کا سلسلہ بدستور جاری، نئی پابندیوں کےبعد قیمت زمین پر آگئی

    بیجنگ: دنیا کی سب سے مہنگی سمجھی جانی والی کرپٹو کرنسی بٹ کوائن کی قیمتوں میں گراوٹ کا سلسلہ بدستور جاری ہے-

    باغی ٹی وی : برطانوی خبر رساں ادارے کے مطابق کرپٹو کرنسی پر چین کی جانب سے عائد کی گئی، چین میں ہونے والے کریک ڈاؤن کے بعد اس کی قیمت میں تیزی سے کمی کا رجحان جاری ہے نئی پابندیوں کے بعد بٹ کوائن کی قیمت 40 ہزار ڈالر سے بھی نیچے آگئی ہے.

    چین نے کرپٹو کرنسی کی ٹرانزیکشن کی خدمات فراہم کرنے والی مالیاتی کمپنیوں پر پابندی عائد کردی تھی، جب کہ تین ریاستی اداروں ’ نیشنل انٹرنیٹ فنانس ایسوسی ایشن آف چائنا‘ ، ’چائنا بینکنگ ایسوسی ایشن‘ اور’پیمنٹ اینڈ کلیرنگ ایسوسی ایشن ‘ نے گزشتہ روز سوشل میڈیا پر وارننگ جاری کی تھی اورکرپٹو کرنسی کی خرید و فروخت کو سٹہ قرار دیتے ہوئے اس میں سرمایہ کاری کرنے والوں کو تنبیہ بھی کی تھی۔

    چینی حکومت کے اس اقدام کے بعد بٹ کوائن کی قیمت میں 13 فیصد، جبکہ دیگر ڈیجیٹل کوائن ایتھریم، ڈوج کوائین کی قیمت میں 18 فیصد کمی ہوئی۔

    جبکہ گزشتہ ہفتے ٹیسلا کی جانب سے بٹ کوائن کووصول نہ کرنے کے اعلان سے اس کی قیمت میں 10 سے زائد کی کمی ہوگئی تھی۔

    یاد رہے کہ چین نےمنی لانڈرنگ کے خاتمے کے لیے 2019 سے بٹ کوائن کی تجارت کو غیر قانونی قرار دے رکھا ہے، لیکن لوگوں کی جانب سے بٹ کوائن اور دیگر کرپٹو کرنسی کی ٹریڈ نے بیجنگ کی مشکلات میں اضافہ کررکھا ہے-

    بٹ کوئن کی قیمت میں کمی کے بعد سے مایئکرو بلاگنگ ویب سائٹ ٹوئٹر پر کرپٹو کریش اور بٹ کوئن کریش ٹوئٹر ٹرینڈ فہرست پر نمبر ون پر ہیں-بٹ کوئن انویسٹرز پر مزاحیہ میمز شئیر کی جارہی ہیں-


    https://twitter.com/Zackrhea/status/1394997346044317699?s=20


    https://twitter.com/ParasharSpeaks/status/1395021102926032896?s=20


    https://twitter.com/Zackrhea/status/1395002362649923590?s=20
    https://twitter.com/NavitaB3/status/1395069916378771456?s=20
    https://twitter.com/readythefool/status/1395179161673637891?s=20

    ایک ٹوئٹ نے ایلون مسک سے دنیا کے دوسرے امیر ترین شخص کا اعزاز چھین لیا

    ٹیسلا نے ماحولیاتی تحفظات کے تناظرمیں بٹ کوائن لینے سے انکار کر دیا

    وقار ذکاء خیبرپختونخواہ حکومت کیجانب سے کرپٹو کرنسی کے ایکسپرٹ مقرر