Author: عائشہ ذوالفقار

اداکار، ہدایت کار و پروڈیوسر نبیل ظفرکی اہلیہ کا کہنا ہے کہ انہوں نے نبیل کی پی ٹی وی کے ڈرامے میں اداکاری دیکھ کر ان سے شادی کا فیصلہ کیا تھا۔

باغی ٹی وی : حال ہی میں نبیل ظفر اہلیہ سلمیٰ ظفر کے ہمراہ آج ٹی وی کے شو ’دی کپل شو‘ میں شریک ہوئے، جہاں انہوں نے نہ صرف پیشہ ورانہ زندگی پر کھل کر بات کی بلکہ انہوں نے ذاتی زندگی پر بھی مداحوں کو آگاہ کیا۔

پروگرام میں نبیل ظفر کی اہلیہ نےبتایا کہ انہوں نے نبیل کی پی ٹی وی کے ڈرامے میں اداکاری دیکھ کر ان سے شادی کا فیصلہ کیا تھا۔

سلمیٰ ظفر کے مطابق ایک دن وہ اپنی سہیلی کے ساتھ نبیل کا ڈراما ’دھواں‘ دیکھ رہی تھیں کہ انہوں نے سہیلی کو بتایا کہ لڑکی کو شادی کرنی چاہیے تو دھواں کے داؤد سے کرنی چاہیے، ورنہ کرنی ہی نہیں چاہیے۔

سلمیٰ ظفر کا کہنا تھا کہ انہوں نے سہیلی کو وہ بات مذاق میں کہی تھی مگر پھر انہوں نے نبیل کے ساتھ شادی کرنے کی بات کو سچ ثابت کیا اور شادی کے بعد ان کی سہیلی نے انہیں اپنی بات یاد دلائی۔

دوسری جانب پروگرام میں نبیل نے اعتراف کیا کہ وہ سلمیٰ کی جدوجہد اور محبت کی قدر کرتے ہیں اور انہوں نے سلمیٰ سے شادی وقت صرف ایک شرط رکھی تھی کہ وہ شادی کے بعد سلمیٰ کی خاطر انگلینڈ نہیں جائیں گے بلکہ پاکستان میں ہی رہیں گے۔

نبیل نے انکشاف کیا کہ انہوں نے اہلیہ کو حق مہر میں 500 روپے دیے تھے اور ان کی اہلیہ نے شادی کے بعد پاکستان میں رہنے کی شرط کو قبول کیا۔

خیال رہے کہ نبیل نے 1990 کے بعد اداکاری کا آغاز کیا تھا، انہیں مقبول ڈرامے ’دھواں‘ میں داؤد کا کردار ادا کرنے کے بعد شہرت ملی جب کہ ’بلبلے‘ میں کام کرنے کے بعد وہ شہرت کی نئی بلندیوں پر پہنچے۔

پاکستان شوبز انڈسٹری کے سینئیر اور لیجنڈ اداکار و ہدایتکار اور پروڈیوسر جاوید شیخ کا کہنا ہے کہ اداکار بننے کے لیے والد کے پیسے چرانے پر الٹا لٹکاکر پٹائی ہوئی تھی۔

باغی ٹی وی :اداکار جاوید شیخ نے حال ہی میں نجی ٹی وی چینل کے پروگرام ٹائم آؤٹ ود احسن خان میں شرکت کی جہاں انہوں نے اپنی ذاتی سمیت ان مشکلات اور دلچسپ واقعات کا ذکر کیا جو انہیں فنی کیرئیر شروع کرتے وقت درپیش آئیں-

اداکار جاوید شیخ کا کہنا تھا کہ 12،13 سال کی عمر میں والد صاحب کی جیب سے 100 روپے چرائے تھے جس کے بعد اپنے تین چار دوستوں کے ساتھ اداکار بننے کے لیے لاہور کی ٹرین میں سوار ہوگیا میں بہت خوش تھا گاڑی چلنے والی تھی-

جاوید شیخ نے مزید بتایا کہ والد صاحب کے پیسوں سے ٹرین میں بیٹھ کر 2 روپے کے لڈو کھارہا تھا تاہم بدقسمتی سے والد صاحب کو پتہ چل گیا اور انہوں نے اپنے دوستوں کے ساتھ مل کر مجھے ڈھونڈنا شروع کیا، والد صاحب ڈھونڈتے ڈھونڈتے اسٹیشن تک پہنچے اور مجھے گردن سے دبوچ لیا جس کے بعد گھر میں الٹا لٹکا کر میری پٹائی ہوئی۔

سینئیر اداکار نے بتایا کہ میری پہلی گرل فرینڈ فرنچ خاتون تھی، میری اس سے کراچی میں ملاقات ہوئی لیکن وہ پیرس میں رہتی تھی اور یہاں چھٹیاں گزارنے کے لیے آئی ہوئی تھی-

جاوید شیخ کے مطابق اس وقت میں کچھ نہیں تھا لہذا فرانس گرل فرینڈ سے ملنے جانے کے لیے والد صاحب کی گاڑی بیچی اور ٹکٹ لے کر چلاگیا تھا جس پر مجھے ایک بار پھر والد صاحب نے مارا تھا۔

ماہ ِرمضان المبارک کا چاند نظر آنے کے بعد دنیان بھر کے مسلمان لوگ ایک دوسرے کو مقدس مہینے کی مبارکباد دینے کے لئے فون کالز،میسجز اور سوشل میڈیا کا استعمال کر رہے ہیں۔ ایسے میں جہاں پاکستان کی شوبز شخصیات بھی اپنے مداحوں کو رمضان المبارک کی مبارکباد دے رہی ہیں وہیں بالی ووڈ فنکار بھی مسلمانوں مداحوں کو رمضان المبارک کی آمد کی مبارکباد دے رہے ہیں-

باغی ٹی وی : بالی ووڈ کے سینئیر اور لیجنڈری اداکار امیتابھ بچن نے سماجی رابطے کی ویب سائٹ ٹوئٹر پر اپنے ٹوئٹ میں مداحوں کو رمضان المبارک کی آمد پر مبارکباد دی-

T 3872 – Ramadaan Mubarak ❤️🙏🌹

— Amitabh Bachchan (@SrBachchan) April 12, 2021

اداکار عمران ہاشمی نے بھی اپنے ٹوئٹ میں رمضان کے حوالے سے تصویر شئیر کرتے ہوئے مبارکباد دی-

Wishing all of you a very Happy Ramazan!! #ramadanmubarak #ramazanmubarak pic.twitter.com/chKibVs5KZ

— Emraan Hashmi (@emraanhashmi) April 13, 2021

اداکارہ ہانسیکا نے اپنے ٹوئٹ میں تمام مسلمانوں کو رمضان المبارک کی مبارکباد دیتے ہوئے اس مہینے کو خوبصورت مہینہ قرار دیا-

Ramadan Mubarak to all who celebrate have a lovely blessed month #ramadanmubarak

— Hansika (@ihansika) April 13, 2021

دوسری جانب بھارت کی نامور اداکارہ اور بگ باس کی کنٹیسٹنٹ حنا خان نے بھی انسٹاگرام پر اپنی تصاویر شئیر کیں جن میں انہوں نے پیلے رنگ کا لباس زیب تن کیا ہے اور اسر پر دوپٹہ اوڑھے ہاتھوں میں کھجوروں کا پیالہ پکڑ رکھا ہے اور مسکرارہی ہیں تصاویر شئیر کرتے ہوئے کیپشن میں اداکارہ نے رمضان کی مبارکباد دی-

اداکارہ کی پوسٹ پر ساتھی اداکاراؤں کی جانب سے رمضان کی مبارکباد دی جا رہی ہے جن میں سُربی جتوئی اور مونی رائے سمیت دیگر شامل ہیں-

اداکارہ زرین خان نے بھی انسٹاگرام پر شئیر کی گئی مختصر ویڈیو میں مقدس مہینے کی مبارکباد دیتے ہوئے دو دب پہلے فوت ہوئے اپنے نانا کے لئے دعاؤں کی اپیل کی-

ادکارہ سونم کپور نے بھی انسٹاگرام اسٹوری پر اپنی تصویر شئیر کی اور رمضان المبارک کی مبارکباد دی-

شوبز شخصیات کا رمضان المبارک سے متعلق پیغام

لاہور:پاکستان فلم انڈسٹری کےسینئر ہدایت کار اور پروڈیوسر سید سلیمان المعروف ایس سلیمان طویل علالت کے بعد 80 برس کی عمر میں انتقال کرگئے۔

باغی ٹی وی : ایس سلیمان کے اہلخانہ نے ان کے انتقال کی تصدیق کرتے ہوئے کہا کہ وہ طویل عرصے سےگردوں کی بیماری میں مبتلاتھے جب کہ وہ فالج کا شکار تھے اور انہیں ذیابیطس کا بھی مرض تھا۔

ایس سلیمان کی اہلیہ معروف اداکارہ زریں پناہیں کا کہنا ہے کہ ایس سلیمان گزشتہ ایک سال سے مختلف اوقات میں نجی اسپتال میں زیرعلاج رہے،دو روز قبل ایس سلیمان کونمونیہ کا اٹیک ہوا اور طبیعت زیادہ بگڑنے پر جانبر نہ ہو سکے –

اہلیہ کا کہنا ہے کہ ایس سلیمان کی تدفین بچوں کی وطن واپسی پر کی جائے گی جبکہ نماز جنازہ جمعہ کو نجی سوسائٹی میں اداکی جائیگی۔

فلم ڈائریکٹر ایس سلیمان ماضی کے اداکار سنتوش کمار اور درپن کے چھوٹے بھائی تھے۔

ایس سلیمان کی پہلی فلم ‘گلفام’ 1961 میں ریلیز ہوئی ایس سلیمان نے 60 سے زائد فلموں کی ہدایت کاری کی، ان کی ہدایت کاری میں بننے والی فلموں میں اناڑی، زینت، باجی و دیگر شامل ہیں-